arsimi

Nait Hasani fajëson ministrin Arsim Bajrami për dështimet në arsim

Viti 2016 konsiderohet si një ndër vitet më të rëndësishme dhe më të papërshtatshme në Kuvendin e Kosovës.

Periskopi.com Lajme

Viti 2016 konsiderohet si një ndër vitet më të rëndësishme dhe më të papërshtatshme në Kuvendin e Kosovës.E rëndësishme është që janë bërë disa përpjekje për dalje nga kjo gjendje, në të gjitha fushat e politikës, edhe në fushën e arsimit.

Kështu ka thënë në një intervistë për KosovaPress kryetari i Komisionit Parlamentar për Arsim, Nait Hasani.

Hasani ka folur për vlerësimin ndërkombëtar PISA, rezultatet e të cilit ka thënë se e kanë shokuar gjithë shtetin. Ai ka deklaruar se gjatë gjithë kësaj periudhe janë bërë eksperimente në kurrikula, me Bolonjën, me programe të studimeve master, të doktoratës etj. Hasani tha se edhe rezultatet e testit të Maturës kanë qenë imponime dhe sa për t’ia bërë qejfin vetes se cila komunë po tregohet më e suksesshme se tjetra.

Por, për të dalë nga kjo gjendje, Hasani është shprehur se kriter kryesor duhet të jetë mos ndryshimi i ligjeve për një periudhë 15-20 vjeçare e jo sipas qejfeve të dikujt. Ndërsa, Hasani është shprehur se përgjegjës për këtë gjendje është Ministria e Arsimit dhe ministri Arsim Bajrami.

E po ashtu sipas tij përgjegjës për këtë gjendje janë të gjithë ministrat e Arsimit duke filluar nga Rexhep Osmani, Agim Veliu, Enver Hoxhaj, Ramë Buja dhe Arsim Bajrami. Ndërsa, ai është shprehur se Arsim Bajrami është përgjegjësi më i madh për shkak se është në pozitë në kohën kur janë publikuar rezultatet derisa ka shtuar se ngecjet e mëparshme nuk i ka adresuar me kohë.

Kryetari i Komisionit për Arsim në Kuvendin e Kosovës, Nait Hasani, ka folur edhe për pakënaqësitë e tij me botimin e librave nga MASHT-i të cilat shpërndahen falas çdo vit për nxënësit e shkollimit fillor. Hasani është shprehur se vendimin për dhurimin e librave falas që nga viti 2008-2009 e kanë pritur mirë të gjithë pa dallim pasi që ka qenë gjetur me të cilin i është ndihmuar të gjitha familjeve pa dallim. Megjithatë, Hasani është shprehur se problemet kanë dalë më vonë me kthimin  e librit, cilësinë e dobët të tij etj.

Ai ka deklaruar se keqpërdorimet tjera me këtë rast janë tek vonesat e shtypit, shumat e mëdha të të hollave të paguara për një gjë të tillë si dhe dyshimet për korrupsion tek dhënia e kontratës për botim të dy shtëpive botuese “Libri Shkollor” dhe “Dukagjini” pa ofertë.

Por, të drejtën e kontrollimit të botimit të librit dhe ligjin për botimin e librit Hasani ka thënë se do ta marrin nga viti i ardhshëm dhe se do t’i verifikojnë të gjitha këto dyshime për keqpërdorim. Hasani ka folur edhe për Ligjin për Arsimin e Lartë i cili është proceduar për miratim në Kuvend para gati një viti dhe ende nuk ka kaluar në rend të ditës.

Hasani ka thënë se ky ligj ka ngecur për çështje politike pasi ka deklaruar se me rishikimin e Ligjit Universiteti i Veriut të Mitrovicës do të njihet si Universiteti i Serbëve të Mitrovicës, duke bërë ndarje etnike të tij. Nait Hasani ka folur edhe për rishikimin e teksteve mësimore për çka ka thënë se ka ende pjesë të teksteve të cilat nuk duhet të jenë prezentë dhe të mësojnë fëmijët me to, mirëpo ka shtuar se nga viti i ardhshëm do të rishikohen edhe një herë tekstet mësimore dhe ka thënë se do të ishte mundësia e marrjes së vërejtjeve nga të gjithë qytetarët që kanë ndonjë vërejtje në këtë drejtim në mënyrë që të shmangen të gjitha vërejtjet dhe gabimet që janë në to.

nait-hasani

Do bëhesha ministër i Arsimit me një kusht

Deputeti i Partisë Demokratike të Kosovës, Nait Hasani shpesh herë nuk ka qenë në linjë të njëjtë me qëndrimet e subjektit që i takon. E këto qëndrime ai i ka shprehur kur doli kundër Demarkacionit me Malin e Zi sikurse edhe formimit të Gjykatës Speciale.

Lajmi.net Intervista

Ai në një intervistë për lajmi.net thotë se komisioni i formuar nga Qeveria për ta matur territorin e Kosovës është vetëm sa për “sy e faqe”. Madje një situatë e tillë sipas tij mund të shkaktoj kaos dhe humbje të shpresës. Flet edhe për rezultatin e PISA-së dhe thekson se qëndron mbrapa fjalëve të tij se ministri i Arsimit duhet të burgoset, pasi të shkatërrosh arsimin, sipas Hasanit është sikur ta shkatërrosh një popull. Ndërkaq thotë se do ta pranonte postin e ministrit të Arsimit vetëm me një kusht.

Z.Hasani, në vitin që e lamë pas Kuvendi i Kosovës është përballuar me situata të rënda, për shkak të veprimeve të partive opozitare, ku edhe është hedhur gaz lotsjellës. A mund të na përshkruani se si jeni ndier në ato seanca?

Hasani: Kuvendi i Kosovës në 2016-ën ka qenë edhe në 2015-ën në një gjendje të rëndë,  gjendje  që është përmbledhë më të gjitha dëmet dhe përparësitë. Një Kuvend ku është dashtë të debatohet, të jepen mirëkuptime, në këtë Kuvend kanë ndodh ngjarje të cilat ndoshta për imazhin e Kosovës kanë qenë të pahijshme por megjithatë ato kanë ndodh. Nuk janë përjashtim ose diçka e jashtëzakonshme pasi këso raste kemi edhe në Kuvende tjera të botës por megjithatë ka qenë një gjendje e rëndë. Tani diskutimet që janë bë edhe po bëhen janë po ashtu përparësi, besoj që tash duhet të stabilizohet  gjendja në të ardhmen dhe që viti 2017 të jetë një vit më ndryshe, si në zhvillimin ekonomik edhe në çështjen e Kuvendit.

Qeveria e Kosovës ka marr vendim për formimin e një komisioni për matjen e territorit, për të shuar dilemat lidhur me demarkacionin me Malin e Zi. Ju jeni njeri nga deputetët që keni pasur dilema për këtë marrëveshje. A prisni që të zgjidhet kjo çështje me këtë matje?

Hasani: Unë asnjëherë nuk kam pasur dilema në mendimet dhe qëndrimet  e mija, kemi debatuar në Kuvend nëpër komisione, me parti dhe gjithherë e kam pas mendimin tim se Kosova humb territor dhe nuk mund të pajtohemi në këtë formë.  Gjithnjë kemi kërkuar gjetjen e zgjidhjes dhe të mos e shtimë në konflikt vetveten tonë për çështjen e territorit, prandaj Komisioni që e ka kërkuar Qeveria është një komision sa për të thënë sepse kjo nuk  e zgjidh çështjen. Kjo krijon edhe një mundësi të kaosit dhe humbjes së shpresës.

A mendoni se do të ketë zgjedhje në fillim të vitit 2017, dhe ku e shihni PDK-në pas zgjedhjeve nacionale?

Hasani: Unë mendoj që rrethanat që tregojnë janë se ne nuk duhet të kemi zgjedhje edhe në 2017-ën dhe zgjedhjet do të duhej të fillojnë ndoshta në pranverën e vitit 2018. Deri atëherë nuk i dihet rrjedhave politike. 2017-ta do të jetë një sfidë jo vetëm për PDK-në pasi kemi një Gjykatë Speciale që do ta fillojë punën, pra është një gjendje që në fund do të tregojë edhe për zgjedhjet.

Vlerësoni se koalicioni me LDK-në ishte gabim, pasi ka pasur shumë analiza që këtë Qeveri e kanë quajtur si më e dobëta?

Hasani: Unë atëherë kur është miratuar e kam thënë që është një koalicion jo i natyrshëm  jo i mirë dhe nuk ka një perspektivë të zhvillimit ekonomik.

Gjykata Speciale pritet të nis punën në fillim të vitit. A prisni drejtësi nga ky proces dhe a mund të  prodhojë ndryshime politike?

Hasani: Nuk mund të them që mund të ketë ndryshime politike por  ajo do të ndikojë në politikë, për shkak  se varësisht prej rrethanave, akuzave që do t’i ngritë, të gjitha janë pjesë që do të ketë ndikim në politikën e Kosovës dhe mandej krejt kjo do të ndikojë edhe në zgjedhjet e ardhshme.

Ju jeni edhe kryetar i komisionit për Arsim dhe vazhdimisht keni qenë kritik ndaj gjendjes në arsimin e Kosovës dhe së fundmi më rezultatin e PISA-s. Çfarë duhet bërë sipas jush që kjo gjendje të ndryshojë për të mirë në të ardhmen?

Hasani: Unë jam kryetar i komisionit për Arsim në Kuvendin e Kosovës. Kemi diskutuar shumë herë për projektligjet në fushën e arsimit dhe kulturës, ne  kemi kërkuar që ligjet të plotësohen dhe ndryshohen përmirësohen, në të njëjtën kohë rezultati i PISA-s ka treguar se na nuk kemi cilësi në arsim, kemi vetëm fjalë. Ministri me veprimet e veta ka dështuar, këto ditë ka deklaruar përsëri se do të ketë një test shtetëror për studentë  që do ta kryejnë nga viti i ardhshëm fakultetin me 50 pyetje. Kjo tregon që ne nuk kemi një strategji  për të arritur cilësi të arsimit por kemi vetëm fjalë dhe deklarata publike. Mendoj që fusha e arsimit është një fushë  më e ndjeshme që përmbledh të gjitha familjet në Kosovës. Çdo familje ka të bëjë me arsimin, pra ka nevojë që të mos ndryshohen ligjet por të ndryshohen individët, përderisa ministri Arsim Bajrami kur nuk ka mundur t’i ndryshojë individët i ka ndryshuar individët. Arsimi përmirësohet kur kemi një inspektorat cilësor, dhe që i bën kontrollet.

Po ashtu duhet të mos bëhen eksperimente me kurrikula dhe me sistemin e Bolonjës në Arsim. Sistemi i Bolonjës në Arsim Kosovën e ka shkatërruar e që përfaqësues politik i kësaj marrëveshje është Arsim Bajrami.

Pas rezultateve të PISA-s ju keni kërkuar edhe burgosjen e ministrit të Arsimit, Arsim Bajrami. A ka qenë një reagim emocional apo ende mendoni kështu?

Hasani: Unë asnjëherë s’kam vuajtur nga një çrregullim i emocioneve por kam deklaruar se testi i PISA-s është përgjegjësi e ministrisë së Arsimit dhe duhen përgjigjur me arrestime dhe burgosje çdokush sepse ka shkelje, sepse të shkatërrosh një arsim është shkatërrim i një populli.

Nëse do ju ofrohej posti i ministrit të Arsimit, a do të pranonit?

Hasani: Në rrethana të tilla me qenë ministër i Arsimit unë e kisha pranuar vetëm me një kusht që vetëm me i pas duart e lira për me punuar në Arsim./Lajmi.net

nait-hasani

Nait Hasani: Zgjedhjet tash, nuk janë opsion

Deputeti i Kuvendit të Kosovës, Nait Hasani në një intervistë për GazetaBlic, e cila e plotë do të botohet sonte, ndër të tjera ka thënë se zgjedhjet janë dëshira partiake, mirëpo mundësia për të shkuar në to është shumë larg, pasi që ka prioritete që duhet të plotësohen.

Periskopi.com Lajme

 

“Tash janë parti politike me dëshira, me opsione, me mundësi partiake  dhe secili gjykon. Unë mendojë se zgjedhjet nuk janë një opsion i tashëm i Kuvendit të Kosovës dhe i partive politike, janë disa prioritet që duhet të përfundojnë , sepse kanë hi në garancë me miqtë ose Bashkësitë Ndërkombëtare, pa u përfundo ato priorite nuk besojmë që ka mundësi të shkohet në zgjedhje, kur të përfundohen atëherë do të shkojmë”, ka theksuar Hasani në këtë intervistë të dhënë për Gazetën Blic.

Këtë gjë Hasani e ka thënë, pas deklaratës së liderit të AAK-së, Ramush Haradinaj, i cili kishte thënë se shumë shpejt do të shkohet në zgjedhje.

Ndërkohë, vetë Nait Hasani para disa javësh konsideronte që zgjedhjet e reja janë e vetmja mundësi për të dalë nga situatë në cilën është futur vendit.

Astrit Dehari

Deputeti i PDK-së kërkon seancë për Astrit Deharin

Kryetari i Komisionit Parlamentar për Arsim, Nait Hasani, ka thënë se nuk duhet assesi t’i iket seancës së jashtëzakonshme të Kuvendit për rastin e Astrit Deharit.

Periskopi.com Lajme

Këto deklarime Hasani i dha Klan Kosova, duke shtuar poashtu se duhet pasur material për një seancë të tillë në Parlamentin e Kosovës, për të kuptuar në detaje dhe për të gjetur përgjegjësit institucional për rastin e vdekjes së Astrit Deharit në Qendrën e Paraburgimit në Prizren.

“Rrethanat në burgun e Prizrenit i njoh, por ajo tashmë është një çështje politike se sa çështje e ekspertize”.

“Nuk duhet t’i iket seancës duhet të mbahet seanca për të arritur të gjendet dhe përgjegjësia e secilit për rastin Dehari”, ka përfunduar Hasani.

nait

Deputeti i PDK’së thotë se Arsim Bajrami duhet dërguar në burg

Deputeti i PDK-së, Nait Hasani ka bërë fajtor  ministrin e Arsimit, Arsim Bajrami, për rezulatet e Kosovës në testin e PISA-s, ku doli të jetë e fundit në listë, derisa ka thënë se për këtë dështim ministri Bajrami duhet të shkojë në burg.

Periskopi.com Lajme

Ai, në një emision në Klan Kosova i ka bërë thirrje Qeverisë që të marrë përgjegjësitë që i takojnë, duke e shkarkuar ministrin Bajrami.

“Qeveria duhet të marrë përgjegjësi, të shkakroj ministrin e arsimit, Arsim Bajramin dhe të bëj hapa”, tha Hasani./Periskopi/

 

Nait Hasani

Nait Hasani thotë se Fatmir Limaj po persekutohet

Deputeti i PDK-së, Nait Hasani tha se kryetari i Nismës, Fatmir Limaj, është duke u persekutuar. Sipas tij, aktakuzat e ngritura kundër tij, po bëhen me qëllim të njollosjes së luftës së UÇK-së.

Periskopi.com Lajme

Hasani, përmes një postimi në Facebook, tha se “akuza e re kundër Fatmir Limajt për të satën herë e dëshmon persekutimin e tij shpirtëror, familjarisht dhe luftën e pa kompromis kundër UÇK-së nga Serbia me elemente shqiptar dhe të gjykuar nga miqtë ndërkombëtar përmes Gjykatës Speciale për dënime speciale për komandantët dhe ushtarët e Ushtrisë Çlirimtare të Kosovës”.

Ai tha se drejtësia në Kosovë është e tmerrshme.

Postimi i plotë i Hasanit në Facebook:

“AKUZA DHE DENIME POLITIKE NGA EULEX-I

Akuza e re kunder Fatmir Limajt per te saten here e deshmon persekutimin e tij shpirteror familjarisht dhe luften e pa kompromis kunder UCK- se nga Serbia me element Shqiptar dhe te gjykuar nga miqte Nderkombetar permes Gjykates Speciale per denime speciale per Komandantet dhe ushtaret e Ushtrise Clirimtare te Kosoves.

Lume Deshmoret qe rane per atdhe dhe jane vlere e virtyt njerezor i Atdheut.

Tmerr per drejtesin tone, Mjerim politik per drejtesin politike Nderkombetare. Ky eshte gjykim politik i politikes Nderkombetare kunder UCK-se, sepse, kinse per nje shpulle denohet Komandanti i Pergjithshem i UCK-se Sylejman Selimi; per nje vrasje inekzistente denohet Komandanti i zones se pare te Drenices Sami Lushtaku dhe per mos ndalim ne vrasje, pa qene ne vend ngjarje, ngritet akuze e do te gjykohet per te njeten veper per te terten here, njehere ne Hage dhe i shpallur i pfajshem, ne Rastin Klecka Komandanti i Brigades 121 te UCK-se Fatmire Limaj.

Kjo nuk do Koment.

Ne rastin e Masakres ne Burgun e Dubraves jane vrare 130 te burgosur shqiptar mbrenda burgut nga Shteti Serb nga perseonat me emer e mbiemer nga Ministri, Zavendesministri i Drejtesise se Shtetit Serb, nga drejtori i Burgut, komandanti i burgut, gardianet dhe te burgosurit serb te cilet jane te lire dhe jetojne ne Serbi ne mbrojtje te Shtetit Serb me kallzimet e bera nga shoqata e te Burgosurve politik Shqiptar dhe Fondi per te Drejtat Humanitare ne Beograd dhe qe sa vite nuk ka asnje veprim ne arrestimin e gjykimin e tyre, as nga Serbia, as nga Bashkesia Nderkombetare.

Po duhet ta din te gjithe ato Institucione te Dretesise Vendore e Nderkombetare, qe e heshtin kete krim, kete Masaker te tmerrshme,

Ju vraft Zoti dhe gjaku i te burgosurve te vrare !

Kurre ama Kurre femije mos ju lindte ne Shtepite e atyre Prokuroreve dhe Gjykatesve Vendor e Nderkombetar qe e heshtin e nuk e denojne kete Masaker, kete Gjenocid te tmerrshem ne Burgun e Dubraves.

Ndersa Gjykohen e Denohen Ushtaret e Ushtrise Clirimtare te Kosoves, per luften e drejte clirimtare, per lirin qe ia solllen Kosoves duke e cliruar Kosoven nga Serbia.

Lavdi Deshmoreve dhe luftes heroike te Ushtrise Clirimtare te Kosoves! (sic.), ka shkruar Hasani.