Pak pjesëmarrje në tubimin e myslimanëve kundër terrorit

Periskopi.com Lajme

Tubimi në qendër të Këlnit nën moton “Jo me ne” synonte të dënonte dhunën islamike. Por mesazhi i fuqishëm që pritej nga ky tubim nuk u arrit, se pjesëmarrja qe tepër e dobët.

Pjesëmarrja në marshimin “Jo me ne – muslimanë dhe miq kundër dhunës dhe terrorit” qe shumë më e ulët nga sa prisnin nismëtarët e saj. Studiuesja e fesë islame Lamya Kaddor dhe aktivisti musliman i paqes Tarek Mohamad prisnin 10.000 pjesëmarrë. Në fillim të tubimit në sheshin e Këlnit Heumarkt u mblodhën sipas burimeve të policisë rreth 300 pjesëmarrës. Në parakalimin dyorësh që pasoi nëpër rrugët e qytetit morën pjesë, sipas vlerësimeve të vëzhguesve rreth 1.000 vetë. Policia, kishte vënë në dispozicion rreth 700 policë.

Organizatorët Kaddor dhe Mohamad u kishin bërë thirrje muslimanëve nga e gjithë Gjermania për të marrë pjesë pas sulmeve terroriste në Berlin, Mançester dhe Londër në këtë manifestim si shenjë kundër islamizmit dhe terrorizmit. “Ne nuk lejojmë që terroristët të vrasin në emër të fesë islame (…) njerëz të pafajshëm,” thuhej në thirrjen e organizatorëve. Ky manifestim u mbështet ndër të tjera nga Këshilli Qendror i Muslimanëve në Gjermani dhe nga shoqatat e komunitetit turk.

Shoqata Ditib jo e pranishme

Por Bashkimi Turko-Islam, Ditib, shoqata më e madhe gjermano-turke në Gjermani refuzoi të merrte pjesë në manifestim, duke thënë se “demonstrata muslimane kundër terrorit” i stigmatizojnë muslimanët.

Ky qëndrim u kritikua sërish nga ministri Federal i Drejtësisë Heiko Maas. Ai tha se asnjë musliman nuk duhet të konsiderohet si i dyshuar për shkak të terrorizmit islamik, por se është detyrë e të gjithë shoqërisë civile që të distancohet nga terrori. Sipas ministrit Maas shoqatat muslimane kanë “sigurisht një përgjegjësi të veçantë për të mbytur që në embrion rrymat ekstremiste në xhami.”

Edhe ministri i Brendshëm Thomas de Maizière (CDU) e kritikoi mospjesëmarrjen e Ditib-it, sepse terrorizimi nuk bën dallime mes muslimanëve dhe njerëzve të tjerë dhe përbën kërcënim për të gjithë.

Reklamë
Reklamë

Kërcënon imami shqiptar: Kush guxon të prekë kishat e të krishterët, na ka përballë (Video)

Periskopi.com Lajme

Imami i njohur i Tiranës, Ahmed Kalaja ka deklaruar se muslimanët do jenë të parët që do mbronin të krishterët e kishat e tyre nëse ato do cenoheshin.

Duke marrë shkas nga apeli i ambasadës amerikane mbi kujdesin gjatë këtyre ditëve të Pashkëve apo mbi ca lajme për rrezik sulmesh rreth e rrotull ndaj objekteve të kultit të krishterë, imam Kalaja ka thënë se muslimanët do ishin rrethi i parë mbrojtës i tyre.

 

Ai, në fjalimin e tij të xhumasë, i është referuar për këtë qëndrim urdhërave kuranore dhe modelit profetik ku besimtari i një feje tjetër mbrohej e kurrë nuk sulmohej. “Jemi të gatshëm t’i mbrojmë dhe me trupat tanë”, ka thënë kleriku i njohur musliman. /tesheshi.com/

Reklamë
Reklamë

Mullinjtë e erës dhe Zana Ramadani

Fjolla Spanca Opinione

Kaherë e kam zënë vetën ngushtë nga pamundësia për të shkruar nja dy gjëra kur binte fjala tek feminizmi, gratë dhe feja. Druajtja se mos nuk i dilja në krye zotimit, më ka sforcuar e hutuar. Cuditërisht, dje krejt papritun më bjen në dorë një intervistë me titull “Nënat myslimane i edukojnë bijtë e tyre si të bëhen dështakë”.  Po lexoja nëpërmjet rreshtave mllefin e një gruaje dhe gati – gati më dukej e pabesueshme që pathosi i urrejtjes dhe përbuzjes ndaj botës islame e digjte pa mëshirë kryepersonazhin e intervistës.

Thënë drejtën,  Zana Ramadani  nuk është e para dhe as e fundit penë e zeherosur, përmes së cilës rëndohet ajri i arsyes së paqtë dhe konfrontohen hapur kulturat, traditat e fetë. Ramadani i vendos këto të treja në antagonizëm përjashtues me njëra-tjetrën. Madje ajo stërhollohet në akuzat absurde mes të cilave, pasqyrohen sheshazi komplekset, mosdija, papjekuria dhe nxitimi.

Do ishte fare e pandershme të mos pranoja faktin se Bota sot është një kazan ku bashkëzihen dijet, idetë, vlerat, normat, qytetërimet, filozofitë, kulturat … E mbi të gjitha, bota e ditëve tona dergjet prej sindromës së frikshme të neurozës islamofobike. Ramadani dhe soji i saj me ligjerimet nihiliste mesjetare, papërgjegjshmërisht e thellojnë hendekun e mirëkuptimit dhe paqes, biles thirrjet histerike për të mohuar të drejtat e grave që zgjedhin rroba të ndryshme prej tyre, janë po aq të rrezikshme sa pretendimet e feministeve që Zana Ramadani nuk i honeps dot.

Rëndësi (s)ka fama.

Zana, mund të ketë ndjekur mësimet në universitetet më të mira Perëndimore POR vetën e saj akoma nuk e ka nxjerr prej Fshatit të humbur diku në Ballkan. Ajo mëton qëndrimin sipër feministëve të FEMEN, ama është e trishtë me e pa qytetin e paqenë, atë të errëtin, të turbulluarin e të humburin, ku i ngjizë idetë aventuriere. Nuk kisha për ta marrë seriozisht mllefin e Ramadanit, nëse ajo do fliste veç për Islamin ose veç për gratë. Jo, përkundrazi. Zana tjerret në të dy çështjet, duke ngrejt turlilloj paradigmash; përmes të cilave doemos do ta asgjësojë dikë, i cili mjafton të plotësojë kushtin e parë: të jetë një fije ndryshe prej Ramadanit.

Ligjërimi i Zanës përveçse nuk ndihmon paqen, nuk është aspak kontribut për të drejtat e grave (nënave, motrave, shoqeve, bijave) të cilat ndjehen dyfsish të përbuzura e të sulmuara. Ose le ta themi ndryshe: kë synon të luftoj Zana? Fenë? Gratë? Shoqërinë? Dhe cilat janë rezultatet që pretendon me heqjen e fesë? Pra, atëhere jetokan të gjithë të lumtur?! (Zanë, në Shqipëri s’pati fe fare në komunizëm. Kur të kesh nge’ duku dhe shih si kanë çel problemet mendore andejpari; si jetojnë gratë dhe burrat me supet e rënduara nga turlilloj frikërash gati imagjinare.)

Po gratë që jetojnë në një shtet apo qeveri me probleme ekzistenciale ku arsimimi është zëri minimal i buxhetit, cka duhet të bëjnë? Apo gratë që jetojnë në shoqëri ku tradita kanunore prevalon mbi normat ligjore/ fetare? Në Maqedoni, Kosovë e Shqipëri ka analfabetE me shumicë. Të tilla gra, nuk kapërcejnë as pragun e shtëpisë.  Tashmë je feministe e famshme, Zanë. Duhet t’i dish këto dhe t’i kesh lexuar dy-tre libra për historinë, traditën, kanunin, Islamin. T’i çelje shteg pasqyrimit të rrethanave ku po jetojmë.

Apo vetiu e kupton që edhe ti lirshëm mund të identifikohesh me “katundarizmin” të cilin e mohon, për sa kohë të lezeton karrigia ku je ulur dhe s’pranon me i braktisë idetë mesjetare prej të cilave riaktivizohen “Kryqëzatat”  kundër disa.  Sepse ti, ndonëse nuk e pranon Islamin si të tërë, mbahesh për muslimane si e si për ta sfiduar “pabarazinë sociale”. Pra, je intelektuale që ekspozohet publikisht, do mbështetje të plotë meqë po braktis ca “vlera” jo se i njeh por se sipas teje janë ngritur mbi pabarazi. “Sa fisnike!”

Me i shit mendt ku s’i hajnë as dhentë.

Ndoshta thirrjet e Zanës për ndalimin e shamisë; “pushkatimin” e konservatorëve, shkundjen e maçove myslimanë dhe nënave të tyre kanë për t’i goditë dofarë raportesh e interesash.

Vërtetë në trojet shqiptare vitet e tranzicionit kanë lënë shumë për të dëshiru derisa ekonomia e brishtë dhe varfëria e kanë rrënu jetën në bashkësi; atë jetën kolektive ku njeriu kujdeset për njeriun; si amanet të lënë në Tokë. Lufta për ekzistencë i ka tëhuajsu shoqëritë kaherë. Shqiptarët që nuk shquhen për mbamendje të theksuar; shpejt e kanë mohu trashëgimin kolosale të së kaluarës duke u dhënë kështu mbas materiales, sepse veç në këso mënyre kanë arritë me i mbush barqet bosh. Edhe është krejt noramle se kur njeriu reduktohet vetem tek sigurimi i kafshatës, lë mbas dore artin; muzikën; teatrin; librin; dijen.

Prej kohësh bastoret, kafenetë, plantacionet e drogës dhe lokalet ku vajzat e reja kërcëjnë lakuriq janë më të frekuentuara se xhamitë e kishat. Shkollat janë aty, sa për të qenë. Si një feministe dhe politikane e lindun, Zana duhet ta dinte fort mirë se kultura e punës ka vdekur qyshkur. Dhe madje është tepër ofenduese për nivelin intelektual të Ramadanit kur krahaso Perëndimin me atdheun e harruar të shqiptarëve. Ajo dhe shoqet e saj, s’kanë pse humbin energji kot per shitjen e mendve sepse në situatën që është katandis populli sot, pak njerëzve u bëhet vonë për krizat e identitetit të Zanave!

Gratë pa emën. Gratë që dijnë me çmu jetë.

Edhe njëherë për gratë.

Sa herë rrekem me kuptu madhninë e gruas, përpiqem mos me u ngatërru me imazhin e burrit. Ndoshta fjalët janë vocërrake kur turren me i dëftu dallgët e begatuara që dalin prej krahrorit të një gruaje. Asaj qenies së brishtë dhe të fortë; te lehtë e të rëndë; të pakursyer në mëshirë dhe të kulluar në dëshirë; e cila s’mund të këqyret vetëm si “potencial riprodhimi” për kombin. Gruaja, përtej të qenurit nënë, motër, grua, vajzë, shoqe është qenie e plot.

Shekujtë kanë nxjerrë shembujë të mrekullueshëm të grave fisnike; grave të forta; të ditura e të urta. Paralelisht, janë lexue edhe gratë, brendësia e të cilave nuk ka shkëlqyer ndonjëherë. Pra, bota është rrethuar prej të Mirës Sublime dhe sfidës së yshtur nga padija e smira. Është e papranueshme me thënë se të gjitha gratë janë engjujë, sikurse nuk pranohen gjykimet përgjithësuese: të gjitha gratë e fusin djallin ne shishe!

Dua të them se Zana, ka të drejtë kur shqetësohet për nënat që djemtë e tyre i rrisin nën hijen e bindjeve misogjenike. Në shumë raste, këto gra  para se të bëheshin nëna kanë kaluar situata jo fort të këndshme në fëmijërinë e tyre ose adoleshencën e hershme. Zana harron se plot gra janë lindur e rritur në familje me probleme ekonomike, sociale e kulturore.  Gratë qysh herët janë përjashtuar nga “rrethi i pushtetit” ose thënë ndryshe, djemtë, burrat apo pleqtë e odave kanë krijuar mendësinë/ kultin e supremacisë mashkullore duke u bazuar në ca “norma” që ishin ma tepër të lidhura me kontekstin kohor, traditën e zakonet se sa fenë.

Në familjet patrilineare shqiptare trashëgimia përcjellet nga ana e gjakut të linjës mashkullore. Burri apo subjekti ka qenë zotëruesi absolut i pronave dhe anëtarëve të familjes. Ai garantonte sigurinë ekonomike dhe sociale. Kurse gruaja ishte “ajo” e pasigurta në sferën private dhe publike; objekti i rrezikuar dhe asnjëherë i aftë për t’u vetmbrojtur. Besa, gratë as nuk janë menduar si mjaftueshëm të zonjat për t’u shkolluar, ndaj dhe kanë mbetur të izoluara. “Natyshëm” në këso situatash,  familja i ka favorizuar djemtë kaherë, ndërsa vajzat janë shtypur që në vegjëli. Kjo traditë nuk ka patë asnjëherë bazë fetare sepse bie fjala, trashëgimia sipas ligjit Islam i takon të gjithë fëmijëve, pa dallim gjinie. Kurse kur flasim për mëkatet, të cilat Zana i liston me hijeshi, ndëshkimi sipas fesë është i njejtë si për burrin, ashtu dhe për gruan, anise popujtë nuk e kanë parë si shqetësim sjelljen e djalit; kundrejt sforcimit të vajzës për ta ruajtur nderin e vet.

Rrjedhimisht, pa u hapërdarë në habi a çudi gjithsecili prej nesh e pranon të vërtetën e hidhur, se ky është Ballkani i trazuar; ku adetet pranpanike të ngjyera me probleme ekonomike, i kanë tëhuajsuar gratë. Zana, në ato që shkruan e thotë vizaton traditat e familjes shqiptare; asaj të mbyllurës, që i ka rënë për hise së pari asaj e pastaj pothuajse shumicës së popullit. Por, nuk mund të harrojmë se mes shqiptarëve, akoma jetojnë ca njerëz normal, të cilët përpiqen dhe nuk drejtojnë gishtin kah tjetri sa herë numërojnë hallet që kanë.

Kur mbulohet zemra, duke u z(m)buluar mendja

Njerëzit flasin për Islamin me llafet që dëgjojnë nëpër edicione lajmesh ose kafene lagjesh dhe e gërshetojnë me diskutimin mbi muslimanët të cilët doemos duhet të jenë ose janë: të prapambetur, patriarkal, injorantë, radikal, terrorista, ekstremista, ista-ista-ista. Rrallë gjenë qytetarë që e kanë tejkalu lajmin propagandistik dhe i pranojnë bashkëqytetarët që praktikojnë ritet fetare. Me e pranu, do me thënë me e respektu dhe me e vlerësu tjetrin, anise mund të jetë i ndryshëm nga vetja jonë.

Do ishte absurde me pohu se të gjithë muslimanët janë njerëz të mirë, sikurse është e papranueshme me i quajt të gjithë muslimanët terroristë apo ekstremistë. Muslimanët janë qytetarë të çdo shoqërie, rreth e brenda së cilës jetojnë. Ata janë po aq shqiptarë sa ç’jemi unë e ti që lexon këtë shkarravitje; dhe janë edhe më të kultuaruar se sa Zanat që kur flasin, nuk kanë takt për me e zgjedhë të paktën FJALËN, e cila është urë lidhëse mes zemrash.

Zana dhe ca feministe të tjera nxitohem pafalshëm kur flasin për gruan; veçanërisht gruan muslimane që ka vendos me vu shaminë sipër flokut të saj. Shpesh herë ato gabohen kur mbulesën e quajnë “Shenjë Aparteidi”.  Nuk mund të sjellësh si shembull Iranin apo Irakun, kur përsiat për trupin e gruas. Nuk duhet të mbyllemi në qorrsokakun ku janë djegur llambat me kohë. Gratë muslimane nuk janë vetëm arabe apo turke. Muslimanët jetojnë në çdo cep ndaj dhe është jo e ndershme me i reduktu në dy kombe.

Zanë, përkundër fatkeqësive njerëzore; duhet me pranu se gruaja ka të drejt me e mbulu ose zbulu kokën; duhesh me pranu sidomos ti që ke merak me u zhvesh që shoqet tona kanë të drejt po aq sa ne me u vesh, biles me u vesh si t’kenë qejf. Gratë muslimane nuk janë as ma pak e as ma shumë të mira se sa gratë e tjera që përditë luftojnë me botën e padrejtësive; me botën e shtresëzimeve sociale; me botën e korrupsionit e të presionit; me burrat e ligë e me gratë e djallëzuara! Gratë muslimane as janë më shumë e as më pak të virtytshme për shkak të shamisë që mbartin në kokë! Shamia e tyre është lidhja e tyre me Krijuesin; lidhje kjo që s’ka pse me u njollos me ofendime e as ndërhyrje prej teje e prej meje. Ato e dijnë pse e kanë vu shaminë; edhe e dijnë se si e mbajnë. Për aq kohë sa shamija është zgjidhja e gruas (aniqë ty Zanë të pëlqen me bo zhurmë me shamitë që kinse nuk vihen me dëshirë po me dhunë) ti s’ke pse më fërfëllu, bile-bile kish qenë mirë me i përkrah ato gra mendjehapura që nxënien e dijes e kanë prioritet jetësor, pavarësisht rrobave.

Zanë, ata që e kanë humb të brendshmen, ekspozojnë përditë të jashtmen. Nuk është kohë debatesh boshe; po jetojmë Kohën e njeriut që ka nevoje për njeriun, dhe jo për intelektualin e rremë e feministen e paqenë. Numërohen me gishtat e një dore feminsitet shqiptare, që zbardhin netët në kërkim-thellim të dijes; ato feministet e vërteta, të cilat emrin dhe mbiemrin e shkruajnë me germa të vockla, sepse punët e tyre i tejkalojnë kufijtë e varfër të mentalitetit. Madje këto gra nuk kanë nevojë të quhen feministe. Mbi të gjitha janë gra të ndrittura që lejnë gjurmë në botë me urtësinë, etjen për dituri, vullnetin për punë dhe durimin. Të tilla gra, edhe mund të kenë problem me identitetin e tyre, se fundja njeriu është në udhë për t’u vetnjohur përjetësisht, por asnjëherë nuk përdorin tjetrin; padijen e tjetrit; fatkeqësinë e tjetrit për të fituar famë e pushtet. Gratë dhe burrat zemërgjerë, Botën e kanë ndrru duke e njohur dhe ndrruar vetën!

Ndaj çdo Zanë’ do duhej me qenë shembulli i gruas që nuk përfaqëson asgjë më shume se sa vetën; edhe shembulli se si çdo njeriu, grua a burrë qoftë’ pa u shkund nga fshati i vet, nuk rrënon kalatë e fshatit tjetër.

Reklamë
Reklamë

Televizioni me përmbajtje fetare islame shokon shikuesit, transmeton gjatë ditës për gjysmë ore film pornografik

Një televizion me përmbajtje fetare islame, ka shokuar shikuesit e vet duke transmetuar për afro gjysmë ore materiale pornografike, por ajo çfarë habiti më shumë opinionin se ishte transmetuar gjatë ditës.

Periskopi.com Lajme

Por menaxhmenti i televizionit senegalez me përmbajtje fetare islame, e kanë cilësuar si “vepër penale” dhe “mashtrim satanik i projektuar për të minuar këtë televizion”, transmeton Telegrafi.

Televizioni Touba TV në përgjithësi transmeton programe fetare, përfshirë seanca të lutjes, predikime nga imamë të shquar dhe diskutime teologjike.

Por shikuesit mbetën të shokuar kur gjatë të hënës pasdite kur do të duhej të transmetohej programi Taxiru Juma, u shfaq një film pornografik.

Reklamë
Reklamë

“Dorëzohet Trump”, ndryshon listën e shteteve me shumicë myslimane që do t’iu lejohet hyrja në SHBA

Presidenti i Shteteve të Bashkuara të Amerikës, Donald Trump, do të largojë Irakun nga lista e vendeve të cilat ishin paraparë që të gjendeshin në listën e vendeve të cilave do tu ndalohej udhëtimi për në SHBA.

Periskopi.com Lajme

Siç shkruajnë mediat e huaja, përcjell Telegrafi, një zyrtar i lartë i Shtëpisë së Bardhë ka thënë se urdhëri i ri do të mbante ndalesën prej 90 ditëve për udhëtim në SHBA, për qytetarët e gjashtë vendeve me shumicë myslimane – Irani, Libia, Siria, Somalia, Sudani dhe Jemeni.

Gjithsesi thuhet se Iraku është hequr nga “lista origjinale”, e publikuar më 27 janar.

Kjo për faktin se qeveria irakiane ka vendosur procedura të reja të “verifikimit dhe shpërndarjes së të dhënave”.

Gjithashtu kjo thuhet të ketë ardhur edhe për shkak të bashkëpunimit të këtij vendi me Shtetet e Bashkuara në luftë kundër militantëve të ISIS-it.

Zyrtari i Shtëpisë së Bardhë ka thënë se urdhri i ri ekzekutiv, të cilin presidenti republikan pritet të nënshkruajë të hënën, gjithashtu siguron që dhjetëra mijëra banorë ligjorë të përhershëm në Shtetet e Bashkuara – ose mbajtësit e GreenCard – nga vendet e listuara nuk do të preken nga ndalimet e udhëtimit. /Telegrafi

Reklamë
Reklamë

Maroku heq dënimin me vdekje për ata që braktisin islamin

Një lajm shumë i mirë arrin nga Maroku, ku u shfuqizua dënimi me vdekje për krimin e ndërrimit të fesë islame me një fe tjetër.

Periskopi.com Lajme

Vendimin e mori Këshilli i Lartë i Ulemave, autoriteti më i lartë i vendit, që hodhi poshtë vendimin e kundërt, dekretuar më 2012-tën.

Folëm për këtë me Paolo Branca-n, pedagog i Islamistikës dhe i Historisë së vendeve arabe, në Universitetin e Milanos:

Profesor Branca, në faqet e shtypit dikush e quajti “kthesë historike” këtë, që bëri Maroku. Është kështu?

Po, kështu është, sepse për herë të parë ky njihet si parim. Edhe pse, në praktikë, dënimi me vdekje për apostazi, apo për ndërrimin e fesë, në shumicën e rasteve nuk zbatohej prej kohe, duke u zëvendësuar me  rrugëzgjidhje të tjera, që po i quajmë më pak të rrepta.

Ky vendim i Këshillit të Lartë të Ulemave do të zbatohet menjëherë?

Besoj se po, sepse Maroku po bën hapa të shpejta përpara, duke pasur parasysh edhe se Kodi Civil përfshiu prej vitesh disa të drejta të rëndësishme për gratë. Ndërmjet tyre, edhe e drejta për t’u ndarë nga burri, gjë që ligji islamik e parashikon vetëm për mashkullin, i cili mund ta ndajë lirisht gruan. Ndërsa para këtij ligji të ri, burri e gruaja janë të barabartë. E pastaj duhet kujtuar edhe dokumenti i rëndësishëm i Marrakeshit, një vit më parë, që dekretoi se pakicat fetare duhen respektuar mbi bazën e parimit të qytetarisë, duke pranuar, kështu, një parim universal.

Profesor Branca, ky vendim merret pak ditë para hyrjes së Marokut në Bashkimin afrikan… Thua të ketë lidhje me këtë?

Besoj se po. Mendoj se jo vetëm Maroku, por edhe ne – vendet e Evropës – posaçërisht të Evropës mesdhetare – duhet të interesohemi për ardhmërinë e Afrikës, e cila vitet e ardhshme do ta dyfishojë  popullsinë, ndërsa ajo e Evropës do të mbetet në vendnumro, falë edhe emigracionit. Prandaj mund të themi se zhvillimi në drejtimin e duhur posaçërisht i viseve bregdetare, pa përjashtuar as pjesën tjetër të Afrikës, është largpamës dhe me interes për të gjithë.

Reklamë
Reklamë

Myslimani bën pyetjen 1 milionë dollarëshe: Ku do të falet transgjinori në xhami?

Një mysliman i devotshëm ka bërë një pyetje mjaft interesante për të gjithë personat që duan të ndryshojnë gjininë, më konkretisht për transgjinorë.

Periskopi.com Lajme

Myslimani shkruan në rrjet sociale dhe pyet: Nëse një transgjinor do të futej brenda në xhami, ku do të ishte vendi i tij i faljes pranë burrave apo pranë femrave.

Një pyetje vërtetë interesante duke pasur parasysh se të gjitha fetë në botë besojnë në një zot dhe ai është krijuesi i mashkullit dhe femrës së parë dhe më pas i gjithë njerëzimit.

 

auto_16426505_1416789388339794_1693570529_n1485974996

Reklamë
Reklamë

Më 1 shkurt, Dita Botërore e Hixhabit

Ngjarja është projektuar si pjesë e përpjekjes për të nxitur të kuptuar të drejtë dhe për të eliminuar polemikat përreth hixhabit, si zgjedhje e gruas myslimane.

Periskopi.com Lajme

Gati një milion shënojnw Ditën Botërore të Hixhabit më 1 shkurt, ditë kjo që organizohet për të ngritur vetëdijen, shumë të nevojshme, se hixhabi është e drejtë e grave myslimane dhe edukimin e masës për origjinën dhe shkaqet e kësaj veshje.

E gjithë lëvizja është e organizuar duke përdorur faqet e rrjeteve sociale dhe faqen zyrtare të Ditës Botërore të Hixhabit. Ajo ka tërhequr interesin e shumë myslimanëve dhe jo-myslimanëve në më shumë se 100 vende të botës.

“Shamia mbulon flokët, jo trurin dhe shfaq dinjitetin tim, jo trupin”, ka shkruar Zejnebe Warda Muhamed, myslimane nga Gjermania, në faqen e Facebook-ut të Ditës Botërore të Hixhabit.

Ngjarja, u sugjerua nga një grua në Nju Jork, Nazma Khan, për të inkurajuar gratë jomuslimane të vënë shaminë dhe të përjetojnë atë.

Kjo ngjarje është projektuar si pjesë e një përpjekje për të nxitur të kuptuarit e drejtë dhe për të eliminuar polemikat përreth hixhabit, si zgjedhje e grave myslimane.

Vitin e kaluar, Jess Rhodes, studente nga Britania e Madhe, ishte një nga mijëra pjesëmarrëset që zgjodhi të vesh hixhabin, në përgjigje të Ditës Botërore të Hixhabit.

Një ditë më vonë, ajo vendosi të lexoi Kur’anin për të kuptuar plotësisht Islamin. Ishte leximi i Kur’anit, që i ofroi asaj një ndjenjë të paqes dhe zgjodhi të kthehej në Islam./mesazhi

Reklamë
Reklamë

Imami shqiptar kundër babait që ia ndalon vajzës mësimin e notit

"Është absurde dhe tmerruese se si këta njerëz, nga njëra anë marrin ndihma sociale e në anën tjetër thonë se `nëse unë u përmbahem ligjeve në shkollë ose në Zvicër, atëherë shkoj në ferr; ndërsa nëse unë i kundërshtoj këto ligje, atëherë shkoj në parajsë”

Periskopi.com Lajme

Një baba, mysliman i vijës së ashpër nga Kreuzlingeni (Kanton i Thurgau) nuk e lejon në asnjë mënyrë vajzën e tij 8 vjeçare që të marrë pjesë në mësimin e detyruar të notit në kuadër të shkollës, shkruan sudkurier.de. Të gjitha masat që kanë ndërmarrë ndaj tij kanë shkruar huq. Atë e kanë dënuar disa herë me gjobë dhe e kanë kërcënuar edhe me burg por kot. Edhe shkolla dhe komuna janë inkuadruar në zgjidhjen e këtij problemi.

Bashkësia shkollore e ka angazhuar imamin shqiptar Rehan Neziri nga Bashkësia Shqiptare Islamike e Kreuzlingenit si këshilltar për të shpjeguar se si i qaset islami çështjes së notit për vajzat, transmeton albinfo.ch. Neziri nuk tregon fare mirëkuptim me babain që ia ndalon të bijës mësimin e notit.

I pyetur nga gazeta nëse ka shpesh mospërputhje në mes të rregullave të këtushme shkollore dhe rregullave të Kuranit, Neziri përgjigjet: “Në të vërtetë jo. Mbulesa e kokës është një nga temat, por ajo në shkollën në Kreuzlingen është e lejuar, për mësimin e notit ekziston burkini (veshja e notit për myslimane) ndërsa për kampet e shkollës mundësohet kontrollimi i ushqimit, transmeton albinfo.ch.

Ndërsa pyetjes se çfarë qëndrimi ka ai lidhur me mësimin e notit për vajzat myslimane, imami shqiptar i përgjigjet: mësimi i notit është pjesë përbërëse e mësimit në përgjithësi. Profeti Muhamed ka thënë madje vetë dhe në mënyrë të qartë se prindërit duhet që fëmijëve të tyre t`ua mësojnë shkrimleximin, notin, kalërimin dhe shënimin me shigjetë dhe hark.

Por përse megjithatë po dalin probleme sa i takon pjesëmarrjes në mësimin e notit për vajzat myslimane? Neziri kësaj pyetjeje i përgjigjet : Rregullat mbi veshjen (kodi i veshjes) janë në kundërshtim me ato për veshjen gjatë mësimit të notit. Por fëmijët, vetëm nga mosha e pubertetit janë të detyruar t`u përmbahen rregullave islame të veshjes.

Ndërkaq pyetjes konkrete lidhur me babanë që refuzon pjesëmarrje  e të bijës në mësimin e notit, imami shqiptar i përgjigjet me keqardhje. “Prindërit janë pjesëtarë të bashkësisë sonë dhe unë e konsideroj këtë rast si shumë të dhembshëm, përcjell albinfo.ch gazetën gjermane. Është absurde dhe tmerruese se si këta njerëz, nga njëra anë marrin ndihma sociale e në anën tjetër thonë se `nëse unë u përmbahem ligjeve në shkollë ose në Zvicër, atëherë shkoj në ferr; ndërsa nëse unë i kundërshtoj këto ligje, atëherë shkoj në parajsë”. Një shprehje e tillë bie në kundërshtim me islamin dhe me mendjen e shëndoshë. Është shumë dëm që nuk është gjetur një zgjidhje për këtë problem”.

Imami shqiptar kundër babait që ia ndalon vajzës mësimin e notit

 

 

.

 

Reklamë
Reklamë

8 shpikjet e bëra nga myslimanët

Periskopi.com Video
Reklamë
Reklamë

Video që ka ‘tërbuar’ botën islame

Në këngën e titulluar “Hwages”, shihen femra me ferexhe që ecin me skateboard dhe luajnë basketboll.

Periskopi.com Lajme

Kënga e publikuar në “Youtube” ka marrë më shumë se 2,5 mln klikime, por ka acaruar myslimanët konservatorë.

Ajo është cilësuar si e “pështirë” nga shumë komentues në Arabinë Saudite.

Reklamë
Reklamë

Në Gjermani jetojnë mbi 4.4 milionë myslimanë

Në deklaratë vihet në dukje se popullsia myslimane në vend që prej vitit 2011 ka pasur një rritje prej 1.2 milionë njerëzish

Periskopi.com Lajme

Sipas statistikave të dhjetorit të vitit të kaluar në Gjermani jetojnë 4.4 deri në 4.7 milionë myslimanë, raporton AA.

Në një deklaratë me shkrim nga Ministria e Punëve të Brendshme të Gjermanisë thuhet se statistikat e dhjetorit të vitit 2015 tregojnë që në këtë vend jetojnë 4.4 deri në 4.7 milionë qytetarë të besimit mysliman. Sipas ministrisë kjo shifër përkon me 5.4 për qind deri më 5.7 për qind të popullsisë.

Në deklaratë vihet në dukje se popullsia myslimane në vend që prej vitit 2011 ka pasur një rritje prej 1.2 milionë njerëzish.

Ndërkohë sipas statistikave të vitit 2008, 68 për qind e myslimanëve në vend janë nga Turqia, ndërsa në vitin 2015 kjo përqindje ka rënë në 51.

Reklamë
Reklamë

Gjendet libri 2-mijëvjeçar ku flet për Jezu Krishtin, çifutët dhe myslimanët

Një set fletash në një libër në të cilat mendohet se është përmendur emri i Jezu Krishtit, sipas ekspertëve janë rreth 2000 vjet të vjetra. Fletat të cilat i referohen Krishtit dhe dishepujve të tij janë gjetur në Jordani në vitin 2008 nga një beduin jordan.

Periskopi.com Lajme

Ato janë analizuar dhe fjalët dhe simbolet e përkthyera datojnë disa vite para se Jezusi të fillonte të pagëzonte në Romë dhe Jordani. Ky zbulim nuk hedh vetëm dritë për kristianët por edhe për çifutët dhe myslimanët.

Sipas fletave, Krishti nuk kishte nisur fenë e tij individuale por e kishte marrë nga një traditë e vjetër nga koha e mbretit David dhe Zoti të cilit ai i falej ishte dhe femër dhe mashkull.

Disa nga fletët e librit kanë ngjashmëri me “Book of Revelation”, ku thuhet se gjenden 7 figurat./tvklan

nintchdbpict000285716984

Reklamë
Reklamë

Fakte që tregojnë se hebrenjtë janë më të fuqishëm se myslimanët

Për të gjithë ata që pyesin se pse myslimanët kanë ngecur në zhvillim, Prof. Nexhat Ibrahimi shpjegon në mënyrë profesionale, bazuar në fakte dhe statistika reale.

Periskopi.com Lajme

Lexoni shpjegimin e profesorit:

Numri i hebrenjve në botë është 14 milionë:

– 7 milionë në Amerikë

– 5 milionë në Azi

– 2 milionë në Evropë

– 100 mijë në Afrikë

Numri i myslimanëve në botë është 1,5 miliardë dhe atë:

– 1 miliardë në Azi / Lindja e afërt

– 400 milionë në Afrikë

– 44 milionë në Evropë

– 6 milionë në Amerikë

– Për çdo hebrenj ka 107 myslimanë

Përfundimi: 14 milionë hebrejë janë më të fuqishëm se 1,5 miliardë myslimanë

Përse? Ja disa nga shkaqet:

Personalitetet që kanë kontribuar ne ndryshimin e rrjedhave te historisë janë:

Albert Einstein – hebre

Sigmund Freud – hebre

Karl Marx – hebre

Paul Samuelson – hebre

Milton Friedman – hebre

Personalitetet që kanë bërë kthesë në medicine janë:

– Vaccinating Needle: Benjamin Ruben – hebre

– Polio Vaccine: Jonas Salk – hebre

– Leukaemia Drug: Gertrude Elion – hebre

– Hepatitis B: Baruch Blumberg – hebre

– Syphilis Drug: Paul Ehrlich – hebre

– Neuro muscular: Elie Metchnikoff – hebre

– Endocrinology: Andrew Schally – hebre

– Cognitive therapy: Aaron Beck – hebre

– Contraceptive Pill: Gregory Pincus – hebre

– Understanding of Human Eye: G. Wald – hebre

– Embryology: Stanley Cohen – hebre

– Kidney Dialysis: Willem Kloffcame – hebre

Ftuesi të Çmimit Nobel:

Në 105 vitet e fundit 14 milionë hebrej kanë fituar 180 çmime nobelë, derisa 1.5 miliardë muslimanë kanë fituar vetëm tre Çmime Nobel.

Zbulimet që ndryshuan historinë:

-Micro- Processing Chip: Stanley Mezor hebre

-Nuclear Chain Reactor: Leo Sziland hebre

-Optical Fibre Cable: Peter Schultz hebre

-Traffic Lights: Charles Adler hebre

-Stainless Steel: Benno Strauss hebre

-Sound Movies: Isador Kisee hebre

-Telephone Microphone: Emile Berliner hebre

-Video Tape Recorder: Charles Ginsburg hebre

Firmat e fuqishme botërore:

-Polo: Ralph Lauren, hebre

-Coca Cola, hebre

-Levi’s Jeans: Levi Strauss, hebre

-Starbucks: Howard Schultz, hebre

-Google: Sergey Brin, hebre

-Dell Computers: Michael Dell, hebre

-Oracle: Larry Ellison, hebre

-DKNY: Donna Karan, hebre

-Baskin & Robbins: Irv Robbins, hebre

-Dunkin Donuts: Bill Rosenberg, hebre

Intelektualët/ politikanët me ndikim:

– Henry Kissinger , US Sec of State, hebre

– Richard Levin, President Yale University, hebre

– Alan Greenspan , US Federal Reserve, hebre

– Joseph Lieberman, hebre

– Madeleine Albright , Formar US Sec of State, hebre

– Casper Weinberger , US Sec of Defence, hebre

– Maxim Litvinov , USSR Foreign Minister, hebre

– David Marshal , Singapore Chief Minister, hebre

– Isaacs Isaacs, Gov-GenAustralia, hebre

– Benjamin Disraeli, British Statesman, hebre

– Yevgeny Primakov, Russian PM hebre

– Barry Goldwater , US Politician, hebre

– Jorge Sampaio, President Portugal, hebre

– Herb Gray, Canadian Deputy – PM, hebre

– Pierre Mendes, French PM, hebre

– Michael Howard, British Home Sec., hebre

– Bruno Kriesky, Austrian Chancellor, hebre

– Robert Rubin , US Sec of Treasury, hebre

Mediat globale dhe personalitetet influencuese:

– Wolf Blitzer, CNN- hebre

– Barbara Walters, ABC News, hebre

– EugeneMeyer, Washington Post, hebre

– Henry Grunwald, Time Magazine, hebre

– Katherine Graham, Washington Post, hebre

– Josip Lelyeld, New York Times, hebre

– Max Frankel, New York Times, hebre

Përse hebrenjtë janë aq të fuqishëm në skenën botërore e muslimanët nuk janë? Ja përse?

– Në tërë botën muslimane, prej 57 shtesh, ka vetëm 500 universitete.

– Vetëm në SHBA ka 5.758 universitete

– Asnjë universitet ne tere boten muslimane nuk bene pjese ne 500 universitetet me te mira boterore.

– Arsimimi ne boten kristiane është 90%.

– Arsimimi në botën muslimane është 40%.

– Në 15 shtete me shumicë kristiane arsimimi është 100%

– 98% të popullsisë në vendet kristiane është me shkollë fillore të kryer.

– Vetëm 50% në vendet muslimane kanë kryer shkollën fillore.

– 40% e popullsis[ në vendet kristiane studion ndonjë fakultet.

– Në vendet muslimane vetëm 2% vazhdon studimet në ndonjë fakultet.

– Në vendet me shumicë muslimane 230 shkencëtarë ka në 1 million banorë.

– Në SHBA ka 5000 shkencëtarë në 1 milion banorë .

– Në botën kristiane ka 1000 teknikë në 1 milionë banorë.

– Në tërë botën arabe ka vetëm 50 teknikë në 1 milion banorë.

– Bota muslimane shpenzon në hulumtime / zhvillim 0,2% për kokë banori.

– Bota kristiane shpenzon 5% në hulumtime/zhvillim për kokë banori.

Përfundimi: Bota muslimane nuk ka aftësi të prodhojë dije.

Mënyra tjetër për verifikim dhe shkallës dhe shtrirjes së dijes:

– Në Pakistan ka 23 gazeta për 1000 banorë;

– Në Singapor ka 460 në 1000 banorë;

– Në Angli ka 2000 tituj/ libra në një millionë banorë;

– Në Egjipt ka 20 tituj në një milionë banorë.

Përfundimi: Bota muslimane nuk ka arritur ta shtrijë dijen.

Aplikimi i dijes: Eksporti i prodhimeve HIGH-TECH:

– Pakistan 0,9%.

– Arabia Saudite 0,2%.

– Kuvajti, Maroku dhe Algjeria 0,3%.

Singapori vetëm vetë eksporton 68%.

Reklamë
Reklamë