Këto zgjedhje do të tregojnë se a janë kosovarët myslimanë të vërtetë, thotë analistja

Periskopi.com Lajme

Analistja Kimete Berisha thotë se nëse shqiptarët janë myslimanë kurrë nuk do ta votonin koalicionin PDK-AAK-NISMA.

Ajo thotë se ky koalicion është kokë e këmbë anti-islam dhe jep arsyet pse, transmeton Periskopi

Shkrimi i plotë:

Nëse shqiptarët janë më fetarë sesa turqit (siç u tha sot), atëherë si myslimanë që janë, kurrë s’do ta votonin koalicionin PDK-AAK-NISMA.

Sepse, ky koalicion është kokë e këmbë anti-islam.

Këta rrnojnë dhe e kanë ndërtuar karrierën e tyre mbi antipatinë publike (por sidomos të fshehtë) të shprehur ndaj myslimanëve.

E nëse, fiton ky koalicion, atëherë del se shqiptarët nuk janë ‘has’ myslimanë, por ‘feja e tyre është puro folklor’.

Dhe, se, kur i pyet dikush për fe, ata fe i thonë Zotit, drejtpërdrejt, e jo fesë si ‘ndërmjetësuese’ për te Zoti.

Ndërsa në koalicionin tjetër, gjendet Refiqja, e cila i ka pas duartrokitur në mënyrë frenetike vdekjes tragjike të Paul Ëalker (…e re, s’ka ditë që vdekja nuk duhet të jetë burim apo frymëzim i lumturisë njerëzore)

 

 

 

Vajzë e mbuluar në Prishtinë

Ishte 6 qershori i vitit të kaluar, dita që me vetë dëshirë mora hapin më të rëndësishëm në jetën time. Nëse më pyesni se a ishe a imponume nga familja apo dikush tjetër? Kisha me ju thanë që nuk ja keni qëlluar. Familja ime ishte në dijeni për vendimin tim në ditën që u mbulova. Përkrahja e familjes ishte maksimale që prej asaj dite. E komentet nga rrethi? Të shumta.

Adna QERKEZI Opinione

Që nga momenti i daljes nga banesa fillova të vërej shikimet e ndryshme, eh më besoni që ato shikime janë më të rënda se fjalët. Gjithsesi, tani kisha përgjithësi më të mëdha se sa shikimet që njerëzit gjithmonë më jepnin për shkak të shamisë.

Jemi mësuar të dëgjojmë që vajzat që mbulohen duhet të jenë të urta (me marifet), të dalin në kafe nuk është etike, “gruaja është për shpi” e të tjera broçkulla, përjashtim të parës, që prapë varet nga karakteri.

Fillova të dal në kafe edhe si e mbuluar,natën,ditën nuk kishte rëndësi për mua. Ajo që më interesonte ishte të përçoja mesazh tek “islamo-fobët” që ne nuk jemi si na paraqesin të tjerët. Doja të jepja imazh tjetër që nuk ishte parë më herët.

A kam thyer ligjet e fesë Islame duke bërë këtë? Nëse pyesni shumicën e hoxhallarëve në Kosovë kanë për të thënë që po, se janë mësuar me e shtyp gruan.

Mënyra e veshjes, komunikimi dhe çdo gjë tjetër nga ana ime më bëri të pranueshme në çdo vend e rreth që rrija. Pyetjet që më drejtoheshin ishin të ndryshme. Shikimet dhe analizimi nga koka te këmbët gjithmonë ishin prezente.

Në Prishtinë janë mentalitete të ndryshme që sorollaten gjithandej. Paragjykime “si shqiptarët mo”, ajo që unë arrita ishte të hidhja poshtë çdo paragjykim ndaj meje, duke bërë atë që bëjnë të gjithë, jetova normalisht.

Predispozitat për t’u munduar të më ulnin për shkak të mbulesës kanë të gjitha vajzat e gratë e mbuluara ndoshta, po ja që unë nuk e preka këtë pikë.

Ajo që ti servon atë do të marrin të tjerët. Se a është vështirë me jetuar në Prishtinë si një vajzë e mbuluar, po ju tregoj unë që hiç nuk është vështirë. Mjafton me vazhduar me jetuar, dhe shamia me qenë pjesë e jotja, sepse ajo shami është vendim i imi.

Jam ende e re nuk e di se çfarë ka do më ofrojë jeta, ama një gjë e di, që jam gati për çdo “betejë” e nuk ka njeri që më ndal. Edhe si një vajzë e  mbuluar në Prishtinë.

 

Shkruan: Adna Qerkezi – Studente e Fakultetit të Sociologjisë në Universitetin e Prishtinës

Imamët shqiptarë me Universitetin zviceran, seminar kundër radikalizmit

Ky seminar kishte për qëllim shkëmbimin e njohurive që lidhen me preventivat kundër radikalizimit. Më shumë se 20 imamë shqiptarë nga xhami të ndryshme të Zvicrës iu përgjigjen ftesës së organizatorëve

Periskopi.com Lajme

Në kuadër të përfitimit të njohurive lidhur me temat aktuale që kanë të bëjnë me radikalizimin e të rinjve në sfera të ndryshme të jetës, Unioni i Imamëve Shqiptarë dhe Universiteti i Freiburgut gjatë fundjavës që po e lëmë mbrapa, më 21 janar 2017 ka organizuar seminar njëditor në lokalet e xhamisë në Regensdorf.

Ky seminar kishte për qëllim shkëmbimin e njohurive që lidhen me preventivat kundër radikalizimit, si dhe shkëmbimin e ideve për të ndihmuar të rinjtë, me qëllim të parandalimit të rasteve të këtilla.

Më shumë se 20 imamë shqiptarë nga xhami të ndryshme të Zvicrës iu përgjigjen ftesës së organizatorëve. Ligjërues për këtë temë u paraqitën Bacem Dziri, nga Instituti për Teologji islame në Osnabrück dhe Agron Ibraj, përfaqësues i organzatës OJA, një organizatë e qytetit të Cyrihut, që kujdeset për integrimin e të rinjve në shoqërinë zvicerane.

Diku në mes të diskutimeve imamët Mehas Alija nga xhamia El Hidaje në St. Galen dhe Bakim Alimi nga xhamia e Wilit prezentuan programin dhe aktivitetet me të rinjtë e këtyre dy qendrave fetare islame.

U diskutua gjerë e gjatë për mënyrën se si një i ri mund të radikalizohet. Në këtë drejtim u përmend vehabizmi dhe rrymat e tjera anatemuese, tekfiriste, si rryma dhe grupe radikale, të cilat mund të ndikojnë në radikalizimin e të rinjve kudo në botë. Gjithashtu, u paraqitën dhe disa mundësi, të cilat do të kontribuonin në parandalimin e kësaj dukurie destruktive.

Puna dhe kontakti i përfaqësuesve të xhamive me autoritetet komunale, kantonale dhe ato shtetërore është një ndër prioritetet që do të ndikonte në parandalimin e radikalizmit, në njërën anë, por do të shërbente edhe për zvogëlimin e islamofobisë, një dukuri kjo e cila është në rritje e sipër. Ishin këto disa nga pikat ku të gjithë pjesëmarrësit ishin dakord.

Kryetari i Unionit të Imamëve Shqiptarë, Nehat Ismaili, e vlerësoi punën e seminarit njëditor, duke falënderuar në radhë të parë organizatorët, ligjëruesit dhe të gjithë pjesëmarrësit, si dhe shprehu gatishmëri për bashkëpunim të mëtutjeshëm edhe në të ardhmen.

seminar-islam-528x396

 

 

Imamët shqiptarë me Universitetin zviceran, seminar kundër radikalizmit

 

.

 

Vajzat myslimane në mësimin e notit bashkë me djemtë

Gjykata Europiane për të Drejtat e Njeriut vendosi që vajzat myslimane nuk duhet të pengohen për mësimin e notit bashkë me djemtë e klasës. Një familje turke nga Zvicra kishte ngritur akuzën.

Periskopi.com Lajme

Prindërit myslimanë nga Bazeli i Zvicrës donin të arrinin me vendim gjyqi, që vajzat e tyre në Zvicër të mos ishin pjesë e mësimit të notit në klasën me gjini të përzier, sepse besimi i tyre ua ndalon këtë. Familja kishte marrë gjobë, sepse nuk i lejonte vajzat të shkonin në mësimin e notit. Por akuza e tyre u rrëzua nga Gjykata për të Drejtat e Njeriut në Strasburg.

Autoriteteve zvicerane u lejohet të vlerësojnë më lart detyrimin shkollor dhe integrimin e fëmijëve se dëshirën religjioze të prindërve për t’u liruar nga mësimi i notit, thanë gjykatësit europianë. Gjykatësit e Strasburgut nuk e panë gjobën si shkelje të lirisë së besimit. Ata argumentuan se shkolla luan rol parësor në integrimin social, veçanërisht për fëmijët me origjinë të huaj.

Edhe në Gjermani rezervat sociale për shkak të besimit sjellin konflikte në shkolla. Por dhe Gjykata Federale Administrative gjermane ka vendosur pro pjesëmarrjes së vajzave myslimane në mësimin e notit./ DW

Presidenti i Rumanisë refuzon kandidaturën e gruas myslimane për kryeministre

Presidenti i Rumanisë, Klaus Iohanis, ka refuzuar kandidaten e Partisë Social-Demokrate, Sevil Shhaideh, për t’u bërë kryeministre.

Periskopi.com Lajme

Shhaideh, po të zgjidhej, do të ishte kryeministrja e parë grua dhe myslimane e këtij vendi.

Iohannis nuk ka dhënë ndonjë aryse për refuzimin e Shhaideh, politikane pak e njohur, e cila ka shërbyer gjashtë muaj si ministre e Zhvillimit Rajonal e Rumanisë.

“Kam analizuar siç duhet argumentet për dhe kundër (Shhaideh) dhe kam vendosur të mos e pranoj këtë propozim”, ka thënë Iohannis përmes një deklarate televizive.

Ai u ka bërë thirrje Social-Demokratëve, që kanë fituar zgjedhjet parlamentare të 11 dhjetorit, të dalin me një nominim tjetër.

Kryeministrja e parë myslimane që ka mahnitur Rumaninë

Shqiptari që u konvertua në ortodoks dhe nga Arif e bëri emrin Aleksandar Gorski (Video)

Arif Alili nga Gostivari, 57 vitet e jetës së tij i kaloi si mysliman. Një nga ditët ka vendosur të del para Zotit ortodoks dhe të kërkon falje duke thënë se është mëkatar.

Periskopi.com Lajme

Kisha ortodokse e Tetovës, ia plotësoi dëshirën Arifit dhe e konvertoi.

Kur u pyet nga gazetarët se si po ndodhet, ai tha se është shumë i lumtur që ka gjetur kopenë e humbur.

E kur u pyet si e ka emrin tani, Arifi tha se si quhet Aleksandar Gorski.