Muharrem Nitaj

Muharrem Nitaj flet për koalicionin me AKR-në!

Zëdhënësi i Aleancës për Ardhmërinë e Kosovës, Muharrem Nitaj ka folur për Gazetën Blic për mundësinë e koalicionit ndërmjet AAK-së, Nismës e AKR-së.

Periskopi.com Lajme

Ai ka thënë se ende nuk është zyrtarizuar koalicioni me AKR-në, përkundër që në media është publikuar një fotografi e bërë para pak çastesh ndërmjet liderit të AAK-së, Ramush Haradinajt e atijj të AKR-së, Behgjet Pacolli.

“AAK tashmë ka lidhur marrëveshje me Nismën dhe jemi në diskutime nëse kjo do të jetë e mundur edhe me AKR-në. Deri më tash nuk ka ndonjë gjë konkrete, por në AAK ka një klimë pozitive për një bashkëpunim të mundshëm”, tha ai për Gazetën Blic.

Ndërkohë, Gazeta Blic ka marrë vesh se kjo tashmë është çështje e kryer, mirëpo nuk do të zyrtarizohet deri më 14 dhjetor, kohë kur pritet të mbahet edhe kuvendi zgjedhor i AKR-së.

Ndërkohë, sot është arritur një koalicion ndërmjet AKR-së e Nismës për bashkëqeverisje në Drenas.

Muharrem Nitaj

Nitaj: Pushteti në Kosovë vepron vetëm atëherë kur nuk ka qare

Drejtor i Departamentit për Informim në AAK, Muharrem Nitaj thotë se drejtori i burgut në Prizren dhe zyrtarë të tjerë, u suspenduan tri javë pas vdekjes së Astrit Deharit dhe pas një presioni të madh publik.

Periskopi.com Lajme

“A do të thotë kjo se pushteti më në fund i pranoi gabimet e veta dhe zakonisht këtë nuk e bën asnjëherë pa një presion publik. Tani nuk ka asnjë efekt shkakrimi i këtyre njerëzve, përpos legjitimimit se ky pushtet nuk e njeh institucionin e përgjegjësisë, pa një presion publik. Reagon vetëm atëherë kur nuk ka qare”, thotë Nitaj./ Periskopi

Muharrem Nitaj

AAK-ja kërkoi vetëm dy shkronja

Muharrem Nitaj, anëtar i Kryesisë dhe zëdhënës i AAK-së, ka bërë këtë sqarim për opinionin publik, pas dështimit të nënshkrimit të një deklarate të përbashkët të liderëve të pozitës dhe të opozitës për Demarkacionin.

Periskopi.com Lajme

“Është për keqardhje se si një deklaratë e dakorduar, pothuaj deri në detaje, sobotohet e nuk nënshkruhet në momentin e fundit”, ka thënë ai

Megjithëse partitë opozitare kishin bërë  të pamundurën në harmonizimin e një deklarate të përbashkët, duke u treguar bashkëpunuese e duke pranuar një dokument që nuk paragjykon rezultatin e zgjidhjes së çështjes së demarkacionit, Pozita sot I është kthyer edhe njëherë këngës së vjetër “për ta lavdëruar” marrëveshjen e vet me të cilën e ka futur vendin në telashe.

Krejt çka është kërkuar nga AAK dhe Kryetari i saj Haradinaj, ka qene që fjalës shqyrtim t’i shtoheshin dy germa (ri), kjo në frymën e përmbajtjes së dokumentit, sepse e gjithë fryma e tekstit të deklaratës, ka qenë rishikimi i një procesi, pa e paragjykuar rezultatin.

Kjo është deklarata që nuk është pranuar nga dy partnerët e Qeverisë së Koalicionit”.

Deklarata

Në frymën e dialogut të brendshëm politik dhe me qëllim të zhvillimit dhe konsolidimit demokratik, forcimit të institucioneve  te Kosovës, avancimit të integrimeve euroatlantike dhe ruajtjes e kultivimit të marrëdhënieve me të gjithë partnerët rajonalë e ndërkombëtarë.

Subjektet politike parlamentare, Partia Demokratike e Kosovës (PDK), Lidhja Demokratike e Kosovës (LDK), Lëvizja VETËVENDOSJE!, Aleanca për Ardhmërinë e Kosovës (AAK) dhe Nisma për Kosovën (NISMA), zotohen se do të punojnë së bashku për gjetjen e zgjidhjes për demarkacionin me Malin e Zi.

Subjeket politike parlamentare do të punojnë së bashku me qëllimin e arritjes së koncensusit në qështjen e demarkacionit me Malin e Zi. Palët nuk ndërmarrin veprime për këtë çështje, për sa kohë që dialogu vazhdon.

Subjektet pajtohen që (ri)shqyrtimi i Marrëveshjes për Demarkacionin e Kufirit me Malin e Zi, të jetë në përputhje me integritetin territorial dhe ligjet e Kosovës, interesat dhe proceset integruese te vendit, dhe parimin e respektimit reciprok mes Republikës së Kosovës dhe të Malit të Zi për fqinjësi të mirë dhe partneritet, si dhe parimin e së drejtës ndërkombëtare.

Subjektet pajtojen të punojnë së bashku në frymën e vullnetit të mirë, derisa hollësitë (mekanizmat) për zgjidhjen e çështjes së demarkacionit do të përpunohen brenda pak ditësh. Ftojmë edhe subjektet e tjera për bashkëpunim.