Dhëndrit të ministrit Hoxhaj, shteti ia paguan edhe sapunët (Dokument)

Periskopi.com Lajme

Ministri i Punëve të Jashtme, Enver Hoxhaj thuhet se nuk i lë të heqin keq të afërmit e tij në misione diplomatike. Gazeta Fjala ka siguruar dëshmi se konsullit të Kosovës në Milano të Italisë, Lavdim Morinës, përveç pagës i paguhen edhe shpenzimet e nevojave të luksit, si shampo për flokë, sapunë, e kremëra për trup.

Morina sipas dëshmisë së një burimi të Gazetës është dhëndër i ministrit Enver Hoxhaj.

Ndërkaq, fatura e blerjeve në dyqanin “Risparmio Casa”, në Milano për nevoja personale, në vlerë prej 67.81 euro, mbanë vulën e Republikës së Kosovës, si dëshmi për aprovim të shpenzimeve.

Gazeta Fjala posedon dokumentin ku shihet se pagesa është bërë me 8 dhjetor të vitit të kaluar me kartelë në ora 17:24.

Bazuar në të dhënat e siguruara dyshohet se kjo pagesë është bërë nga Morina edhe pse një gjë e tillë nuk parashihet me asnjë akt ligjor apo nënligjor.

Por, duket se kjo nuk është diçka e re për diplomacinë kosovare.

“Sipas hulumtimeve atyre përpos pagave dhe beneficioneve të larta si shpenzimet e banesave, biletat e fluturimeve për pushime, sigurimet shëndetësore, mobilimet e banesave, shpenzimet e telefonave etj., u mbulohen edhe shpenzimet e nevojave dhe luksit ditor, si shampona flokësh, zbutës për larje rrobash, detergjent, body lotion, sapunë të ndryshëm etj”, i ka thënë Gazetës Fjala ky burim, duke treguar për privilegjet që gëzojnë të afërmit e ministrit Hoxhaj.

Ndryshe thotë se diplomatëve jo të afërm me kabinetin e të parit të MPJ-së nuk i aprovohen as shpenzimet e domosdoshme të parapara me ligj.

“Pavarësisht faktit se termi diplomat në një botë normale nënkupton ajkën e ajkës së një shoqërie, në Kosovë kjo çështje ka devalvuar deri në atë nivel, saqë diplomacinë tonë sot e përbëjnë të paaftit për të gjetur punë, abuzuesit me detyrën zyrtare dhe të dështuarit, mjafton të jesh familjar apo i afërt me ministrin Hoxhaj dhe kabinetin e tij”, thotë ky burim.

Gazeta Fjala, ka kërkuar që nga java e kaluar sqarime nga Ministria e Punëve të Jashtme lidhur me lidhjen familjare të ministrit Hoxhaj me konsullin e Kosovës në Milano të Italisë, Lavdim Morina, por nuk ka marrë ende përgjigje.

Ky nuk është skandali i vetëm i MPJ-së

Kjo ministri është përballur edhe në të kaluarën me skandale të cilat u cilësuan si “zbehje të imazhit të përfaqësuesve diplomatikë të Republikës së Kosovës”.

Në vitin 2013, Urtak Hamiti, ishte shkarkuar nga posti i diplomatit në Kroaci pas skandalit diplomatik, i cili në gjendje të dehur është gjetur se kishte dëmtuar pronën e qytetarëve kroatë dhe veturën.

Enver Hoxhaj, që mbante postin e ministrit të Punëve të Jashtme edhe më 2013, kishte marrë vendimin për suspendimin e tij. Vendimi e obligonte Hamitin që të kthehej në Kosovë dhe të punonte në një post më të ulët në Ministrinë e Punëve të Jashtme.

Po ashtu, vendimi i Hoxhajt i pamundësonte Urtak Hamitit që brenda dy vjetësh të angazhohej në poste diplomatike.

Hamiti, djali i nënkryetarit të LDK-së Sabri Hamitit ishte punësuar në ambasadën e Kosovës në Kroaci, në vitin 2010. Atë kohë, ministër i Punëve të Jashtme ishte Skënder Hyseni i Lidhjes Demokratike të Kosovës.

MPJ: Mashtrim dhe tendencioz lajmi se të armatosur nga Kosova po shkojnë në Maqedoni

Periskopi.com Lajme

Ministria e Punëve të Jashtme përgënjeshtron shkrimet e ditëve të fundit në mediat serbe, për gjoja futjen e grupeve të armatosura nga Kosova në Maqedoni.

MPJ mbështetur në informatat e siguruara nga institucionet e sigurisë, informon se shkrimet e disa ditëve të fundit janë të pavërteta, qëllimkëqija dhe tendecioze që kanë për qëllim destabilizimin e rajonit. Ato janë pjesë e një fushate të lajmeve të rrejshme që kanë për synim dëmtimin e imazhit të Kosovës.

Çdo tentativë, e kujdoqoftë, për të paraqitur Kosovën si gjenerator të destabilitetit dhe pasigurisë, është tendencioze dhe me prapavijë për të realizuar agjendat të cilat kanë për synim destabilizimin e rajonit dhe pengimin e proceseve euro-atlantike, për të cilat Kosova dhe qytetarët e saj janë të orientuar.

Këto tendenca, për ta prezantuar Kosovën vend jo stabil dhe të pasigurtë, kanë për qëllim krijimin e një pamje negative për shtetin tonë jo vetëm në aspektin e sigurisë, por edhe përpjekje për të goditur interesat vitale sikurse janë zhvillimi ekonomik, investimet e huaja, partneriteti rajonal, njohjet e reja dhe karakterin demokratik dhe shumëetnik të Kosovës.

MPJ siguron qytetarët dhe partnerët e saj se Policia e Kosovës dhe institucionet e sigurisë, vazhdimisht janë proaktive me masa dhe veprime konkrete në tërë territorin e vendit me qëllim të ofrimit të sigurisë dhe të garantimin e stabilitetit të vendit.

Falë këtyre angazhimeve dhe profesionalizmit të treguar të institucioneve të sigurisë ndër vite, sot Kosova nuk është vetëm konsumues i sigurisë dhe stabilitetit por edhe një aktor i përfshirë rajonal dhe ndërkombëtar.

Krahas shumë aktiviteteve operative, Policia e Kosovës në kuadër të procesit të Menaxhimit të Integruar të Kufijve, ka një bashkëpunim të shkëlqyer ditor me autoritetet përgjegjëse të Maqedonisë përgjatë brezit kufitar dhe realizon takime të rregullta edhe me prezencën e trupave të KFOR-it. Si rrjedhojë, asnjëherë nuk janë ngritur shqetësime të tilla përkitazi me shkrimet e rrejshme të mediave serbe pas të cilave qëndron politika zyrtare e shtetit serb.

Qeveria e Kosovës dhe institucionet e sigurisë vazhdojnë të jenë të përkushtuara në përmbushjen e misionit të tyre për siguri dhe stabilitet në Kosovë, si dhe janë në partneritet të vazhdueshëm me shtetet e rajonit e më gjerë për adresimin e rreziqeve të mundshme në Kosovë apo në rajon.

Bashkëshorti i kryetares së Kushtetueses tash rehatohet në Ministrinë e Punëve të Jashtme

Periskopi.com Lajme

Kryetarja e Gjykatës Kushtetuese të Kosovës, Arta Rama – Hajrizi, menjëherë pas emërimit në postin e të parës në Kushtetuese, kishte rehatuar bashkëshortin e saj në Qeverinë e Kosovës. Për t’i siguruar një vend pune në Ministrinë e Drejtësisë, ishte  përkujdesur ministri i Drejtësisë, Hajredin Kuqi. Tani, atë e ka kaluar në një institucion tjetër. Sërish dikaster i udhëhequr nga PDK-ja, në Ministrinë e Punëve të Jashtme.

Orhan Hajrizi, ishte në postin e Udhëheqësit të Divizionit për Komunikim Publik, ndërsa burime të Periskopit bëjnë të ditur se tashmë ai është dërguar në MPJ.

Në kohën kur ajo ai punësuar në Ministrinë e Drejtësisë, në njoftim thuhej se për përzgjedhjen e Orhan Hajrizit të Ministrisë së Drejtësisë, thuhet se përzgjedhja është bërë duke u bazuar në ligj dhe në numrin pikëve që ka fituar.

Ndryshe, Arta Rama-Hajrizi postin e kryetares së Gjykatës Kushtetuese e ka marrë nga Enver Hasani.

Ndryshe, në nëntë vjetorin e Pavarësisë së Republikës së Kosovës kryetarja e Gjykatës Kushtetuese, Arta Rama Hajrizi, solli në jetë fëmijë e saj të dytë.

Kryetarja e Gjykatës Kushtetuese, Arta Rama-Hajrizi, prinë për të ardhurat mujore e vjetore në Kosovë.

Ajo mund të kategorizohet si njëra ndër nënpunset më të paguara nga shteti për punën që bënë.

Arta Rama Hajrizi ka deklaruar në Agjencinë Kundër Korrupsionit pagë vjetore 34 mijë e 953 euro.

1 mijë e 255 euro mëditje, 5 mijë e 163 euro pagë me gjysmë normë në një kolegj privat në Kosovë, 393 euro mëditje nga “Council od Europe” dhe 461 euro mëditje nga “ASPK”.

Në total të ardhurat e saj janë hiq më pak se 42 mijë e 228 euro./ Periskopi

MPJ dënon aktin e plagosjes së avokatit Azem Vllasi

Ministria e Punëve të Jashtme e Kosovës e dënon sulmin me armë ndaj avokatit Azem Vllasi në mëngjesin e ditës së sotme.

Periskopi.com Lajme

MPJ shpreh solidarizimin e thellë me avokatin Vllasi, familjen e tij dhe të gjithë të afërmit që janë prekur nga kjo ngjarje e papranueshme dhe e shëmtuar për një shoqëri demokratike sikurse kjo që po angazhohemi ta ndërtojmë në Kosovë.

Ministria fton të gjitha institucionet e rendit që ti sjellin para përgjegjësisë personat e përfshirë dhe i uron shërim të shpejt z. Vllasi, i cili në muajt e fundit ka qenë i angazhuar si këshilltar i jashtëm për një sërë çështjesh të karakterit rajonal.

MPJ dënon ashpër heqjen e dhunshme të flamujve të Turqisë në Prizren

Ministria e Punëve të Jashtme e Republikës së Kosovës, përmes një reagimi për media thotë se “dënon ashpër heqjen me dhunë të flamujve të Republikës së Turqisë në Prizren”, duke e cilësuar këtë veprim si akt vandal nga persona të papërgjegjshëm që kanë për qëllim dëmtimin e shtetit demokratik dhe multietnik të Kosovës.

Periskopi.com Lajme

Ministria e Punëve të Jashtme kërkon që autorët të vihen para drejtësisë dhe të japin përgjegjësi për veprimet e tyre të papërgjegjshme dhe të dëmshme.

Ministri i Jashtëm, Enver Hoxhaj ka komunikuar me Ambasadoren e Turqisë në Kosovë ku e ka dënuar ashpër aktin si të tillë.

“Marrëdhëniet e Kosovës me Turqinë janë të shkëlqyera dhe si të tilla ato nuk do të pengohen e as dëmtohen nga kurrfarë akti vandal e të izoluar që nuk ja duan të mirën Kosovës dhe marrëdhënieve tona miqësore me Turqinë”, ka deklaruar ministri Hoxhaj, citon komunikata e MPJ-së.

Hoxhaj thotë se Serbia me këto veprime po rrezikon dialogun

Ministri i Punëve të Jashtme Enver Hoxhaj duke folur në seancën e jashtëzakonshme për arrestimin e Ramush Haradinajt ka treguar të gjitha angazhimet e MPJ-së në lidhje me rastin Haradinaj.

Periskopi.com Lajme

Ai tha se janë në kontakt të vazhdueshëm me Qeverinë franceze për mundësuar që Haradinaj të lirohet sa më shpejt.

Hoxhaj tha më tej se Serbia ka rikthyer logjikën e politikës së Millosheviqit.

E për këtë arsye Hoxhaj tha se për këtë kanë marrë veprime reciproke në raport me Serbinë. Ai ka përmendur vendimin për ndalimin e presidentit serb Tomisllav Nikoliq që të hyjë në Kosovë.

MPJ pret lirimin e Haradinajt, i dërgon notë verbale Francës

Ministria e Punëve të Jashtme e ka konfirmuar ndalimin e Ramush Haradinajt.

Periskopi.com Lajme

MPJ ka bërë me dije se janë duke punuar që Haradinaj të lirohet sa më shpejt.

“Ministria e Punëve të Jashtme është duke u marrë intensivisht që nga ora 15h të ditës së sotme me rastin e ndalimit të z. Ramush Haradinaj, Kryetar i AAK-së. Ndalimi i tij nga autoritetet franceze është bazuar në një fletarrestë të Serbisë të vitit 2004 që për ne është i papranueshëm. MPJ ka nisur notat verbale nëpërmjet Ambasadës tonë në Paris dhe vetë ministri Hoxhaj është marrë personalisht për të shfrytëzuar të gjitha rrugët diplomatike që Haradinaj të lirohet sa më parë”, ka thënë Bashmir Xhemaj, Shef i Kabinetit te Ministrit Hoxhaj./Zeri

Xheraldina Rexhepi ambasadore e Kosovës në Çeki

Xheraldina Rexhepi caktohet të shkoj ambasadore e Kosovës në Pragë, kryeqendrën e Republikës Çeke.

Periskopi.com Lajme

Gazeta “Zëri”, ka mësuar se Rexhepi tashmë ka kaluar edhe fazën e intervistimit dhe pritet shumë shpejt të dekretohet nga presidenti Hashim Thaçi.

Ndryshe, Rexhepi është edhe pjesë e Lidhjes Demokratike të Kosovës.

MPJ e Kosovës konfirmon kontrabandimin e Gjuriqit në veri, nis notë proteste në BE

Ministria e Punëve të Jashtme e Kosovës ka konfirmuar se i ashtuquajturi drejtor i Zyrës për Kosovë në Qeverinë e Serbisë është kontrabanduar në veri me anë të një autoambulance.

Periskopi.com Lajme

MPJ e ka konsideruar si të papranueshme sjelljen e Marko Gjuriqit, i cili hapur ka provokuar sot në veri institucionet e Kosovës dhe autoritetet e sigurisë.

“Hyrja ilegale në Kosovë është kundër marrëveshjes për vizitat e ndërsjella të arritur në Bruksel ndërmjet Kosovës dhe Serbisë, të cilat duhet të aprovohen apo ndalohen nga institucionet e të dyja shteteve të paktën 24 orë më herët. Kjo sjellje është kundër frymës së dialogut dhe bashkëpunimit rajonal”, thuhet në reagimin e Ministrisë së Punëve të Jashtme.

MPJ më tej njofton se ka nisur tashmë një notë proteste BE-së dhe të gjitha institucioneve ndërkombëtare për këtë sjellje të papranueshme të Gjuriq dhe ka koordinuar hapat e mëtejshëm me institucionet relevantë në Kosovë.

“Kjo përpjekje e tij i cili u kontrabandua në Kosovë duke u maskuar në një autoambulancë flet për qasjen dëshpëruese që ka vendosur ta ndjek në karrierën politike”, ka përfunduar MPJ.

MPJ dhe komunat gati për bashkëpunim në kuadër të diplomacisë ekonomike

Në kuadër të zhvillimit të diplomacisë ekonomike, Ministria e Punëve të Jashtme e Republikës së Kosovës, ka organizuar konferencën me temën “Takimi me komunat për promovimin e tyre përmes diplomacisë”. Në takimin, ku kanë marrë pjesë edhe përfaqësues të institucioneve të ndryshme dhe komunave të Kosovës, është diskutuar rreth arritjeve të deritashme në marrëdhëniet e jashtme të komunave, përfitimi i tyre nga diplomacia dhe mundësitë e reja të promovimit përmes diplomacisë ekonomike.

Periskopi.com Lajme

Drejtori i Departamentit për Diplomaci Ekonomike në MPJ, Guner Ureya ka bërë një paraqitje të të dhënave sa i përket aspekteve ekonomike të vendit, si dhe ka folur për rolin e MPJ-së në fushën e diplomacisë ekonomike. “Kosova, me 38 komunat e saj mund të përfitojë më shumë nga angazhimet e autoriteteve lokale sidomos në bashkëpunimin ndërkufitar. Me kapacitetet ekzistuese dhe me vullnetin politik komunat si akterë konstruktivë mund të angazhohen më shumë në promovimin e komunave të tyre, natyrisht duke kontribuar edhe në promovimin e Kosovës”, ka vlerësuar Ureya.

Për këtë arsye, ai ka thënë se duhet inkurajuar binjakëzimet dhe bashkëpunimet përmbajtjesore të komunave të vendit tonë, me komunat e shteteve të tjera, si dhe  pjesëmarrjen, por edhe anëtarësimin e komunave në organizatat ndërkombëtare të pushteteve lokale.

Ndërsa drejtori i Departamentit për Çështje Rajonale në MPJ, Fitim Gllareva duke folur për rëndësinë e këtij takimi ka thënë se “MPJ, në vazhdën e koordinimit të aktiviteteve me jashtë, ka organizuar këtë takim për të marrë informata rreth nevojave dhe shqetësimeve të komunave sa i përket bashkëpunimit në fushën e promovimit të mundësive për investime të jashtme”.

Nga ana tjetër, udhëheqësja e Divizionit për avancim të buxheteve nëpër komuna në MAPL,  Fetije Begolli ka vlerësuar se komunat kanë nevojë për zhvillim ekonomik, derisa ka folur edhe për aktivitetet e kësaj Ministrie, e cila gjatë vitit 2016 ka mbështetur katër komuna me hartimin e planeve për zhvillim ekonomik lokal.

Kurse drejtori i Përgjithshëm i Agjencisë për Investime dhe Përkrahjen e Ndërmarrjeve në Kosovë (KIESA), Besian Mustafa, ka njoftuar për aktivitetet e kësaj agjencie, ndërkohë ka theksuar nevojën për bashkëpunim edhe më të ngushtë ndërinstitucional.

 

MPJ e Kosovës dhe Shqipërisë funksionalizojnë Sekretariatin e përbashkët

Zëvendësministri i Punëve të Jashtme i Republikës së Kosovës, Valon Murtezaj dhe homologia e tij nga Republika e Shqipërisë, Odeta Barbullushi sot zyrtarisht kanë funksionalizuar Sekretariatin e përbashkët, Kosovë - Shqipëri.

Periskopi.com Lajme

Ideja e këtij Sekretariati ka dalë nga mbledhja e tretë e qeverive të të dyja vendeve. Qëllimi i funksionalizimit të tij ndërlidhet me gjetjen e modeleve më të mira të implementimit të të gjitha obligimeve që kanë dalë nga takimet e përbashkëta të dy qeverive.

Me këtë rast zëvendësministri Murtezaj ka vlerësuar se marrëdhëniet mes dy vendeve, tashmë kanë fituar një dimension të ri, atë të partneritetit strategjik, që i hap rrugën institucionalizimit të marrëdhënieve dypalëshe në çdo fushë.

“Nën optiken e këtij relacioni edhe ky takim i sotëm  para së gjithash rikonfirmon vullnetin dhe angazhimin e përbashkët politik për të forcuar kuadrin e bashkëpunimit të gjithanshëm të dy vendeve tona me synim krijimin e një hapësire të lirë ndërveprimi për idetë, kapitalet, tregtinë, inovacionin, si dhe çdo fushë tjetër me interes të përbashkët”, ka thënë Murtezaj.

Ai ka shtuar se pas mbledhjeve të përbashkëta të të dy qeverive është krijuar një bazë e rëndësishme për ndërtimin e politikave të përbashkëta, në ekonomi, tregti, energjetikë, infrastrukturë, arsim, kulturë, mjedis e fusha tjera me interes dypalësh. Më tej zëvendësministri Murtezaj ka thënë se “të dyja vendet kanë ende shumë hapësira të pashfrytëzuara në funksion të zhvillimit të gjithanshëm”.

Nga ana tjetër, zëvendësministrja e Punëve të Jashtme të Republikës së Shqipërisë, Odeta Barbullushi, ka vlerësuar bashkëpunimin ndërmjet dy vendeve në fushat si ekonomia, kultura, arsimi, infrastruktura, etj. Sekretariati sipas zëvendësministres Barbullushi është një mekanizëm ndërinstitucional që shërben për bashkërendimin dhe koordinimin./ Periskopi

MPJ i kundërpërgjigjet Gjuriqit: Kosova merr vendime e jo deklarata

Deklaratat e Marko Gjuriqit, shefit të së ashtuquajturës Zyrë për Kosovën në Qeverinë e Serbisë, nuk i kanë bërë fare përshtypje ministrit të Punëve të Jashtme të Kosovës, Enver Hoxhaj.

Periskopi.com Lajme

Duke u përgjigjur në pyetjen pse i është ndaluar vizita në Kosovë, Gjuriq është  përgjigjur me kundërpyetje: “Vallë mendoni se ndokush mund të ma ndalojë që të jem me popullin tim në Kosovë?. Të dielën do ta vizitoj popullin tonë në Kosovë. Do të jem në veri të Kosovës”.

Lajmi.net është interesuar të marrë përgjigje në lidhje me këtë deklaratë të Gjuriqit në Ministrinë e Punëve të jashtme të Kosovës, e cila zakonisht lejen ose nuk lejon zyrtarët serbë të hyjnë në Kosovë.

 

“Në raport me deklaratat e Marko Gjuriqit, drejtorit të së ashtuquajturës Zyrë për Kosovën, Republika e Kosovës merr vendime dhe jo deklarata”, ka deklaruar Bashmir Xhemaj për lajmi.net, i cili është shef i kabinetit te ministrit Hoxhaj.

Përndryshe, Enver Hoxhaj, ministër  i Punëve të Jashtme të Kosovës, ka marrë vendim që t’ia ndalojë Marko Gjuriqit hyrjen në Kosovë për dy javët e ardhshme.