foto-kushtrim-ternava-skender-hyseni17

Skender Hyseni mbledhë kryetarët e komunave

Ministria e Punëve të Brendshme do të mbajë takim më kryetarët e komunave të Republikës së Kosovës. Ky takim mbahet me iniciativë të ministrit të Punëve të Brendshme, Skender Hyseni dhe mbështetet nga misioni i OSBE-së në Kosovë.

Periskopi.com Lajme

Në këtë konferencë do të marrim pjesë, ministri i Punëve të Brendshme, Skender Hyseni, ambasadori i OSBE-së në Kosovë, Jan Brathu, kryetarët e komunave dhe zyrtarë të lartë vendor ndërkombëtarë.

Targa prej letre

Monopol në MPB – marrëveshjen për targat nuk e kanë parë as disa nga zyrtarët me të lartë të saj

Ministria e Punëve të Brendshme e Kosovës nuk ka hapur ende një tender për targat e makinave me regjistrim të Kosovës, e cila do të mundësonte fillimin e zbatimit të marrëveshjes së arritur në Bruksel për qarkullimin e lirë ndërmjet Kosovës dhe Serbisë.

Periskopi.com Lajme

E, këtë marrëveshje, madje nuk e kanë parë as zyrtarë të lartë të kësaj ministrie. Vetë zëvendësministri i Punëve të Brendshme, Nehat Mustafa ka thënë se kjo marrëveshje nuk është diskutuar në kabinet, dhe sipas tij, për këtë duhet të kërkojë përgjegjësi edhe kryeministri – shkruan Gazeta Monitor.

“Sa i përket rastit në fjalë, e them me përgjegjësi të plotë se pjesa më e madhe e kabinetit asnjëherë nuk e kemi parë Marrëveshjen për Targat”, ka thënë Nehat Mustafa.

Sipas Mustafës, brenda MPB-së është krijuar një monopol mbi informacionet nga grupe të caktuara, duke shtuar se informacionet asnjëherë nuk shpërndahen tek të gjithë.

“Fatkeqësisht, mënyra e raportimit  dhe debatimit brenda MPB-së është në nivel jo të kënaqshëm, ku grupe të caktuara mbajnë si monopol ekskluziv të tyre informacionet që kanë të bëjnë me çështje të ndryshme”, ka shtuar zëvendësministri Mustafa.

Madje, sipas Mustafës, meqë kjo marrëveshje nuk është përcjellur zyrtarisht, tregon edhe për gjendjen e llogaridhënies në këtë ministri.

“Nuk na është përcjellur zyrtarisht , ashtu siç edhe e do rendi. Prandaj, unë as nuk mund të them se është apo nuk është pjesë e përgjegjësisë së MPB-së apo e Ministrisë për Dialog. Kjo është edhe një dëshmi se llogaridhënia në institucionet tona qeveritare është pika më e dobët”, ka thënë ai.

Bile, për Mustafën, në Ministrinë e Punëve të Brendshme, llogaridhënia nuk ekziston fare.

“Në MPB pothuajse nuk ekziston fare”, ka përfunduar Nehat Mustafa, zëvendësministër në MPB.

Tutje, zëvendësministri Mustafa ua ka bërë me dije udhëheqësve të MPB-së se ai aty përfaqëson partinë më të madhe në vend, dhe se nuk pranon të jetë dekor i grupeve të interesit nga jashtë ministrisë

“Askush nuk duhet ta harroj se unë në MPB përfaqësoj partinë më të madhe politike në vend ,  Partinë Demokratike të Kosovës  dhe rrjedhimisht nuk do të lejoj që të jem dekor I grupeve të ndryshme të interest brenda dhe jasht ministrisë”, ka thënë për fund, Mustafa.

 

 

pasaporta-e-kosoves

Pastaporta falas për personat me nevoja të veçanta

Shumë qytetarë të Republikës së Kosovës për t’u pajisur me pasaportë duhet që të paguajnë shumën prej 31 eurosh që kërkohet nga institucioni përkatës, ndërkaq kjo taksë është hequr për personat me aftësi të kufizuara, për të cilët Ministria e Punëve të Brendshme ka vendosur që të gjitha dokumentet përcjellëse, për këtë kategori të jepen falas.

Periskopi.com Lajme

 

Në një përgjigje për Indeksonline, MPB ka konfirmuar se për pajisjen e pasaportave pa pagesë për qytetarët me aftësi të kufizuara është marrë vendim i bazuar.

“Bazuar në vendimin për caktimin e tarifave Nr 108/2016 të datës 08.04.2016 nënshkruar nga Ministri i MPB-së, Skender Hyseni, pika 12. Lirohen nga pagesa e taksës me rastin e pajisjes me Pasaportë, Letërnjoftim dhe Patentë- Shofer personat me aftësi të kufizuara të kategorizuar sipas ligjit përkatës në fuqi”, ka thënë zyrtarja për informim Publik e MPB-së.

Më tej për më të  siguruar pala duhet të paraqesë dëshmitë adekuate të lëshuara nga organi kompetent.

Ndërsa për të pajisur me pasaporta,letërnjoftim apo patentë-shofer personat me aftësi të kufizuara duhet ti kompletojnë këto dokumente.

“Njërin nga këto dokumente: Libreze nga Organizata  Handi kos-i, Vendim për invaliditet  ( Ministria e Mirëqenies Sociale ) , Libreze nga Shoqata e te Verbërve”,  ka treguar më tej ajo.

policia-e-kosoves

MPB e pa vendosur për pensionet e parakohshme të policisë

Asgjë konkrete nuk është arritur sa i përket Projektligjit për pensionim të parakohshëm të zyrtarëve policor të Policisë së Kosovës dhe punonjësit e Inspektoratit Policor të Kosovës.

Periskopi.com Lajme

Edhe pse një muaj më parë vet ministri i Punëve të Brendshme, Skender Hyseni kishte deklaruar se nëse arrihet një pajtim me Ministrinë e Financave dhe Fondin Monetarë Ndërkombëtarë, ky projektligj do të kalojë në Kuvendin e Kosovës.

E një pajtim i tillë akoma nuk është arritur me Ministrinë e Financave dhe FMN-në bënë të ditur  për TribunaChannel, Shkodran Manaj, këshilltarë i ministrit Hyseni.

“Dakordohemi që Projektligji për pensionet e zyrtarëve policor të Policisë së Kosovës dhe punonjësit e Inspektoratit Policor të Kosovës me autorizime policore, të procedohet me tutje”, thotë përmes postës elektronike Manaj.

Por, implikimet buxhetore janë ato që mund të paraqesin problem për pensionimin e parakohshëm të Policisë së Kosovës.

Fondi Monetar Ndërkombëtar (FMN) kishte shfaqur këtë shqetësim. Ky institucion pati deklaruar se sipas Projektligjit, policët mund të dalin në pension të parakohshëm pa asnjë kontribut shtesë duke i shkaktuar kosto shtesë buxhetit.

Përveç që rrezikon buxhetin por edhe ndikon që edhe pensionime të parakohshme bujar.

Minohet sistemi pension i Kosovës.

Edhe njohësi i rrethanave ekonomike Ibrahim Rexhepi deklaron se kjo do të kishte implikime buxhetore.

Sipas tij, Qeveria duhet të analizojë mirë këtë çështje. Policia e Kosovës e vlerëson pozitiv këtë projektligj.

U mundësohet një kategorie pensioni i parakohshëm dhe punësimin e kadetëve të rinj./ Periskopi

 

 

pasaporta e Kosoves

Kosova kot i mprehu dhëmbët, duhet të paguajë 5 milionë euro dënim për pasaportat

Padia e Ministrisë së Punëve të Brendshme, e cila e kontestonte juridiksionin e Gjykatës së Arbitrazhit në rastin e pasaportave, është refuzuar nga Gjykata Themelore e Prishtinës.

Periskopi.com Lajme

Padia e avokatëve që përfaqësuan Ministrinë e Punëve të Brendshme të Kosovës në Arbitrazhin e Parisit kundër kompanisë austriake OeSD, e që kontestonte juridiksionin e Arbitrazhit, është refuzuar nga Gjykata Themelore e Prishtinës.

Me këtë hap, kompania austriake nuk ka më asnjë pengesë ligjore për të kërkuar njohjen dhe ekzekutimin e vendimit të Arbitrazhit, që taksapaguesve të Kosovës do t’u kushtojë më shumë se 5 milionë euro.

Pasi MPB në mënyrë të njëanshme kishte shkëputur kontratën për prodhimin e pasaportave biometrike me kompaninë austriake OeSD, kjo e fundit i ishte drejtuar Gjykatës së Arbitrazhit në Paris.

Pasi Arbitrazhi kishte konstatuar se është kompetente për të vendosur lidhur me këtë rast, pala kosovare e pakënaqur i ishte drejtuar Gjykatës Themelore të Prishtinës për të kontestuar juridiksionin në nëntor të vitit 2014.

Dy vite më pas, më 6 tetor të këtij viti, Gjykata Themelore e Prishtinës ka vendosur të refuzojë këtë padi duke u thirrur në mungesë të juridiksionit.

“Konstatohet se Gjykata e Kosovës nuk është kompetente për të vendosur në padinë e paditësit Republika e Kosovës – Ministria e Punëve të Brendshme kundër të paditurve: Gjykata Ndërkombëtare e Arbitrazhit, me seli në Paris, Republika e Francës , dhe Osterreichische Staatsdruckerei – GmbH, me seli në Vjenë, Republika e Austrisë, me të cilën është kërkuar anulimi i vendimit të Gjykatës Ndërkombëtare të Arbitrazhit (ICA) në Paris”, thuhet në përgjigjen e Gjykatës Themelore të Prishtinës për KALLXO.com

Ky aktvendim është marrë me datë 6 tetor 2016.

“Hedhet padia për shkak të mungesës së kompetencës së gjykatës së vendit për shqyrtim dhe vendosje në padinë për anulimin e vendimit të Gjykatës Ndërkombëtare të Arbitrazhit në Paris”, thuhet më tej në aktvendimin e Gjykatës.

 

Po ashtu, në përgjigjen e saj, Gjykata Themelore e Prishtinës thotë se palët janë njoftuar për këtë aktvendim.

KALLXO.com ka kontaktuar lidhur me këtë aktvendim edhe avokatin që përfaqësoi Kosovën në Arbitrazhin e Parisit, Gazmend Nushi, po ai ka thënë se ende nuk është në dijeni se është vendosur ky rast.

Një detaj interesant është se KALLXO.com më 27 shtator të këtij viti i ka dërguar pyetje Gjykatës Themelore të Prishtinës lidhur me fatin e padisë së MPB-së të dorëzuar më 6 nëntor 2014.

Në përgjigjen e kthyer më 3 tetor 2016, Gjykata njofton se “lënda i është ndarë në punë gjykatësit”.

Në të njëjtën ditë, KALLXO.com ka kërkuar sqarime shtesë për këtë çështje dhe në përgjigjen e kthyer dje, Gjykata Themelore e Prishtinës njofton se “më 6 tetor 2016 padia e MPB-së me aktvendim është hedhur poshtë”.

Historiku i skandalit të pasaportave

Gjithçka nisi më 5 nëntor 2010 kur Ministria e Punëve të Brendshme të Kosovës publikoi një njoftim për kontratë në lidhje me furnizimin me pasaporta biometrike.

Tenderi kryesor u hap në shkurt të vitit 2011 dhe në maj të të njëjtit vit OeSD-ja u njoftua se kishte fituar tenderin.

Tenderi për prodhimin e pasaportave biometrike të kosovarëve, me vlerë prej 14 milionë e 127 mijë e 3.24 euro u nënshkrua në datën 17 qershor të vitit 2011.

Në fillim dukej si një nga qindra tenderë të tjerë që i japin institucionet për kompanitë e vendit dhe të huaja, por shumë shpejt u kthye në skandal që krijoi një lëmsh në Qeveri e gjykatë.

Ishte paraparë të ishte njëri ndër hapat kryesorë që do të plotësonte kërkesën e Bashkimit Evropian për liberalizimin e vizave, por doli të jetë një nga skandalet më të mëdha dhe më të përfolura në Kosovën e pasluftës dhe vetëm liberalizimit të vizave nuk i kontribuoi.

Krahas procesit civil, të cilin Kosova e humbi në Arbitrazh, lidhur me këtë rast është mbajtur edhe një proces gjyqësor, i cili ka përfunduar në shkallë të parë në dhjetor të vitit 2014.

Si pjesë e këtij procesi, Natali Velija ishte dënuar me 12 vjet burg nga Gjykata Themelore e Prishtinës për veprat penale: krim i organizuar, pastrim i parave dhe mashtrim, ndërsa më pas ky dënim nga Gjykata e Apelit i ishte ulur në 8 vjet burgim për dy vepra penale – mashtrim dhe pastrim i parave.

Edhe të akuzuarit tjetër Fisnik Blakaj, i cili fillimisht ishte dënuar me 11 vjet burg i është zbutur dënimi nga Gjykata e Apelit. Tani, ai do të vuajë 6 vjet burg për veprën penale të pastrimit të parave.

Dënimet për veprën penale të pastrimit të parave u janë zbutur edhe të dënuarve të tjerë, Betim Blakajt, Ergyn Doganit, Imer Fazlisë dhe Nazmi Thaqit.

Nazmi Thaqi dhe Betim Blakaj janë dënuar me nga një vit burgim, ndërsa Imer Fazlija me dy vjet, e Ergyn Dogani me pesë vjet burgim.

Jakup Blakqori dhe Sefedin Shala u shfajësuan nga vepra penale për të cilën akuzoheshin – pranim i mallrave të vjedhura.

Përkundër se në krejt këtë proces autoriteti kontraktues që inicioi, zhvilloi, mbikëqyri (ose të paktën do të duhej ta mbikëqyrte) tërë procesin e realizimit të këtij projekti dhe në fund shkëputi kontratën e cila qytetarëve të Kosovës do t’u kushtojë për 5 milionë euro më shumë, asnjë zyrtar i Ministrisë nuk është gjykuar deri më tani.

Nehat Thaqi

Kosova po i përgatit shkresë zyrtare Serbisë për arrestimin e Thaqit

​Institucionet e Kosovës pritet që së shpejti t`i dërgojnë një shkresë zyrtare qeverisë së Serbisë përmes së cilës do të kërkojnë lirimin e menjëhershëm nga paraburgimi të Nehat Thaqit.

Periskopi.com Lajme

Lajmin e bëri të ditur ministri i Brendshëm, Skënder Hyseni, i cili tha se janë duke u bashkërenduar me Ministrinë e Jashtme dhe me atë të Drejtësisë për veprimet e mëtejme, e të cilat, sipas ministrit Hyseni, duhet të jenë të matura.

Hyseni tha se vendimi për paraburgimin prej 30 ditësh të drejtorit rajonal të policisë në Mitrovicë është marrë me rekomandim politik, dhe se kjo, sipas tij, është e papranueshme.

Ministri tha se po punojnë që Beogradit t`i drejtohet një shkresë zyrtare për të kërkuar lirimin urgjent të  Nehat Thaqit.

Hyseni tha se lirimi i oficerit policor mund të bëhet përmes veprimeve institucionale e jo përmes folklorizmave të tepruar. Ai tha se logjika e arrestimit të njerëzve që kanë marrë pjesë në luftën e fundit në Kosovë do të çonte në arrestime masive të serbëve dhe shqiptarëve.

Njohësit e rrethanave të sigurisë nga ana tjetër thonë së Kosova duhet të punojë që të ndërpritet kjo praktikë e njohur e shtetit të Serbisë.

Hyseni nga ana tjetër shprehet i bindur se Thaqi do të lirohet shpejt, derisa shpreson se kjo çështje nuk do të ketë nevojë të diskutohet në procesin e dialogut mes Kosovës dhe Serbisë në Bruksel.

Drejtori rajonal i policisë në Mitrovicën e jugut, Nehat Thaqi, është arrestuar të mërkurën e javës së kaluar  në vendkalimin kufitar Kosovë-Serbi në Konçul, gjatë lëshimit të vërtetimit për hyrje në territorin e Serbisë.

Të premten autoritetet serbe i caktuan masën e paraburgimit prej 30 ditësh dhe tani Nehat Thaçi gjendet në Qendrën e paraburgimit në Nish.