Pezullohen dy zyrtarë të Ministrisë së Shëndetësisë

Kundër dy zyrtarëve të pezulluar është ngritur aktakuzë.

Periskopi.com Uncategorized

Ministria e Shëndetësisë ka pezulluar nga puna dy zyrtarë të saj pasi që kundër tyre ka aktakuzë.

Në përgjigjen që ka marrë KALLXO.com, Ministria konfirmon pezullimin nga puna me pagesë të gjysmës së pagës të dy zyrtarëve të saj, B.F. dhe I.H., deri në një vendim tjetër.

“Duke u bazuar në informimin nga Gjykata lidhur me Aktgjykimin me nr. PAKR 487/13 nga Gjykata e Apelit ku në pikën II të dispozitivit, dhe pasi aktgjykimi i ankimuar i Gjykatës themelore në Prishtinë P. nr. 709/12 është kthyer në rigjykim nga organet e drejtësisë, Ministria e Shëndetësisë ka marrë vendim për pezullimin nga puna me pagesë (50 % të pagës) të dy zyrtarëve të saj, B. F. dhe I. H.  deri në një vendim tjetër”, është përgjigjur Ministria e Shëndetësisë në pyetjen e KALLXO.com rreth këtij rasti.

Ministria nuk dha detaje se për çka akuzohen zyrtarët në fjalë.

Ministria e Shëndetësisë ka pezulluar për shkak të aktakuzës edhe zyrtarë të tjerë të rastit “Stenta”. Në mesin e tyre është edhe Sekretari i Përgjithshëm i Ministrisë, Gani Shabani.

 

Reklamë
Reklamë

QKUK-ja më shumë mungesa, Ministria e Shëndetësisë  dhuron shtatë vetura për IKSHPK

Ministria e Shëndetësisë e Republikës së Kosovës sot i dhuroi shtatë vetura për Institutin Kombëtar të Shëndetit Publik të Kosovës IKSHPK, njofton kumtesa ministrore.

Periskopi.com Lajme

 

Veturat të cilat ju dhuruan IKSHPK-së, do të shërbejnë për të rritur efikasitetin e punës në teren të Qendrës së Ujit të këtij institucioni.

Me rastin e dorëzimit të këtyre autoambulancave Ministri i Shëndetësisë Imet Rrahmani, tha se MSh po punon me përkushtim të madh në përmbushjen e kërkesave në nevojat e institucioneve të cilat ndikojnë drejtpërdrejt në ruajtjen dhe promovimin e jetës së shëndetshme për qytetarët e vendit.

Drejtori i IKSHPK-së, Naser Ramadani falënderoi për përkrahjen e vazhdueshme që MSh po i jep IKSHPK-së, e cila po reflekton drejtpërdrejtë në përmbushjen e objektivave të institucionit të cilin e udhëheq ai, duke shtuar se “me dhurimin e shtatë veturave, të gjitha pikat e qendrës së ujit do mbulohen me përcjellje të vazhdueshme në vlerësimin e kualitetit të ujit për pije”.

 

Reklamë
Reklamë

Ministria e Shëndetësisë blen dorëza 53 centë në vend se 2 centë

Ministria e Shëndetësisë ka disa muaj që po i furnizon institucionet shëndetësore me dorëza sterile në vend të atyre për një përdorim.

Periskopi.com Lajme

Dallimi në çmim është i madh. Përderisa dorëzat për një përdorim kushtojnë 0.02 centë, dorëzat sterile kushtojë 0.53 centë. Brenda një viti në sistemin publik spitalor të Kosovës shpenzohen rreth 4 milionë palë dorëza që blihen me çmim 0.02 centë, shkruan sot “Koha Ditore”.

Shërbimi Spitalor Klinik Universitar i Kosovës (SHSKUK) e fajëson Ministrinë e Shëndetësisë, ndërsa ministria nuk jep përgjigje të qartë pse po blihen dorëzat e shtrenjta.

Ministria e Shëndetësisë ka rreth gjashtë muaj që nuk i ka furnizuar në mënyrë të rregullt spitalet me dorëza për një përdorim.

Reklamë
Reklamë

Stomatologët e papunë akuzojnë Ministrinë e Shëndetësisë për mashtrim

Ndarjen e mjeteve nga Kuvendi i Kosovës nuk janë duke e gëzuar ende 28 specialistët e papunë të stomatologjisë. Ata nuk i kanë nënshkruar kontratat me Ministrinë e Shëndetësisë, ndonëse kjo e fundit i kishte njoftuar se një gjë e tillë do të bëhet më 8 nëntor.

Periskopi.com Lajme

Stomatologët janë ankuar se Ministria nuk po e zbaton vendimin e Kuvendit për t’u bërë, të paktën, zgjidhje të përkohshme, shkruan sot Koha Ditore.

Njëri nga 28 stomatologët, pa dashur t’i përmendet emri, ka thënë se meqë Kuvendi, në rishikimin e buxhetit për këtë vit kishte ndarë rreth 300 mijë euro, Ministria i kishte ftuar ata për t’i nënshkruar kontratat.

“Ministria e Shëndetësisë më 4 nëntor e ka shpallur një njoftim publik në ueb-faqen e saj ku i ka ftuar mjekët specialistë stomatologë, të papunë, në bazë të një liste të hartuar nga Ministria, që më 8 nëntor konform vendimit të Kuvendit të Kosovës për punësimin e mjekëve specialistë, të vijnë në Ministri dhe t’i nënshkruajnë kontratat e punës”, ka thënë ky burim.

Me gjithë këtë njoftim, sipas tij, nuk është bërë nënshkrimi i kontratave.

Reklamë
Reklamë