Ministria e Diasporës thirrje mërgimtarëve: Shmanguni pikave kufitare në Merdare dhe Dheu i Bardhë

Ministria e Diasporës ka rekomanduar të gjithë bashkatdhetarët që të zgjedhin pika tjera të kalimit kufitar, përveç Merdares dhe Dheut të Bardhë.

Periskopi.com Lajme

 

Kjo në mënyrë që ata tu shmangen pritjeve të gjata për të hyrë në Kosovë, transmeton Klan Kosova.

Në njoftimin e tyre thuhet se ata janë duke punuar që të ndikojnë të pala serbe që të aplikojë procedura lehtësuese në kufi.

Ministria e Diasporës sugjeron që të gjithë bashkëkombësit të përcjellin gjendjen në pikëkalimet kufitare përmes tabelës së publikuar në faqen e Ministrisë së Punëve të Brendshme.

Reklamë
Reklamë

Ministria blen 1 mijë euro lule

Ministria e Diasporës ka ndarë 1 mijë euro për buqeta lulesh për dëshmorët, edhe pse varrezat e tyre ndodhen në gjendje të mjerueshme.

Periskopi.com Lajme

Ministria e Diasporës ka nënshkruar kontratë me vlerë 998.90 euro për blerje të buqetave të luleve.

Zyra për Media e Ministrisë së Diasporës i ka thënë KALLXO.com se këto buqeta  lulesh janë blerë për një manifestim tradicional që ajo organizon.

“Lulet janë blerë për shkak të homazheve që Ministria e Diasporës bën në çdo përvjetor, në kohën e mbajtjes së manifestimit  “Ditët e Diasporës”. Këto lule janë blerë për homazhe te varrezat e dëshmorëve në Kompleksin Memorial “Adem Jashari” në Prekaz, si dhe te varrezat e dëshmorëve të tjerë”, thuhet në përgjigjen e Ministrisë së Diasporës.

Për këto lule Ministria e Diasporës ka nënshkruar kontratë njëvjeçare, deri në korrik të vitit të ardhshëm.

Deri më tani kjo ministri blerë buqeta lulesh me vlerë 311 euro.

Përderisa Ministria e Diasporës blen lule për t’i dërguar në varrezat e dëshmorëve, gjendja e këtyre varrezave është e mjerueshme.

KALLXO.com ka shkruar disa herë për gjendjen e tyre jo të mirë, duke vënë në dukje se  institucionet rrallëherë kujdesen për mirëmbajtjen e tyre.

Më poshtë mund ti gjeni artikujt nga KALLXO.com në lidhje me komplekset memoriale apo varrezat e dëshmorëve.

KALLXO.com ka shkruar edhe për ombrellat prej 17.5 eurove copa që i bleu Ministria e Integrimeve për t’ua dhuruar delegacioneve të huaja që vizitojnë Kosovën.

Edhe Komuna e Klinës bleu 20 orë për të pensionuarit në arsim, duke harxhuar po ashtu 1 mijë euro për to.

Reklamë
Reklamë