Dje nënshkroi me LDK’në, Kusari-Lila sot afër Veselit e Haradinajt (Foto)

Periskopi.com Lajme

Kryetarja e Alternativës Mimoza Kusari Lila e cila i është bashkuar LDK-së e AKR-së që në zgjedhjet e 11 qershorit të garojnë së bashku në zgjedhje, sot është parë afër Kadri Veselit dhe Ramush Haradinajt.

Kjo fotografi është realizuar gjatë pjesëmarrjes së tyre në memorialin përkujtimor në fshatin Jabllanic të Komunës së Gjakovës ku u përkujtuan 33 dëshmorët e rënë.

Kadri Veseli e ka nënshkruar koalicionin ne partinë e Ramush Haradinajt dhe Nismën e Fatmir Limajt.

Në zgjedhjet e 11 qershorit duket se e vetmja që do të garojë pa askë në koalicion është Lëvizja Vetëvendosje, ndonëse për këtë të fundit ka raportime se është në bisedime me Lidhjen Demokratike të Kosovës për një koalicion të mundshëm paszgjedhor.

Vendi do të shkojë në zgjedhe më 11 qershor, pasi Nisma arriti t’i mbledh votat e nevojshme për ta rrëzuar Qeverinë.

Vota vendimtare ishte edhe ajo e partnerit qeverisë, Partisë Demokratike të Kosovës e cila ia dha goditjen finale rrëzimit të Qeverisë Mustafa./ BotaPress

Mimoza Kusari dhe Ilir Deda përfundojnë në krahët e Isa Mustafës

Periskopi.com Lajme

Lidhja Demokratike e Kosovës ka lidhur marrëveshje parazgjedhore me Alternativën, konfirmon një anëtar i këtij subjekti të ri politik.

“LDK dhe Alternativa do të shkojnë së bashku në zgjedhjet e jashtëzakonshme të 11 qershorit”, ka thënë burimi për Telegrafin.

Burime të Telegrafit marrin vesh se Alternativa e Mimoza Kusari-Lilës dhe Ilir Dedës, përveç bashkimit me Lidhjen Demokratike të Kosovës, po tenton që ta zgjerojë frontin edhe me Aleancën Kosova e Re (AKR).

Sipas këtyre burimeve, në diskutim është edhe mundësia që Lëvizja Vetëvendosje (VV) të bëhet pjesë e këtij koalicioni të gjerë.

‘’Besojmë fuqishëm se ky koalicion do dilte fitues dhe do t’i merrte mbi 50 për qind të votave”, ka shtuar ai. /Telegrafi

Kusari-Lila: “Alternativa”po shtrinë rrënjët në tërë Kosovën, do të sjellë risi në skenën politike

Themeluesja e lëvizjes së re politike në Kosovë, Alternativa, Mimoza Kusari-Lila tha në një intervistë për Zërin e Amerikës, se këshillat organizative të kësaj force politike janë krijuar në disa komuna.

Periskopi.com Lajme

Kryetarja e komunës së Gjakovës, që ndodhet për vizitë në Shtetet e Bashkuara tha se Alternaiva është funksionale në Gjakovë dhe ka filluar përgatitjet në Ferizaj, Istog dhe komuna të tjera me synimin për t’u bërë funksionale në Prishtinë dhe gjithë vendin.

“Ajo ç’ka ne synojmë është të kemi një forcë politike e cila lidhet kryesisht në parimet e mirëfillta të qeverisjes, por gjithashtu e cila ka synim që të jetë programi forca udhëheqëse dhe jo individët, si zakonisht ka ndodhur në Kosovë këto vitet e fundit, ku çdo lëvizje në nivel nacional është lidhur me emrin apo pozicionin e një individi”, tha ajo.

Kusari-Lila tha se nisma e re lindi nga nevoja për një forcë të re, në kushtet e pakënaqësisë me partitë ekzistuese.

“Flasim për një mendësi të re politike, jo domosdoshmërisht vetëm gjeneratën e re politike, domethënë ne mund të jemi në moshë të mesme me disa vite përvojë në politikë por ka edhe të tillë që kanë më tepër vite dhe që për herë të parë kyçen në politikë, apo edhe të tjerë që janë të pakënaqur me atë që kanë në kuadër të subjekteve aktuale politike”, tha Kusari-Lila.

 

Ajo shtoi se mendon se aktualisht ka një deficit të madh të besimit në institucione në partitë politike.

“Ne çka synojmë konkretisht është një komunikim të drejtëpërdrejtë dhe një demokraci interaktive, jo demokraci të cilën partitë politike ose qeverisja siç ndodh tani, u tregon të tjerëve se çfarë duhet të bëhet ose proceset më të mëdha të vendit kanë kaluar në një mbyllje të përgjithshme. Domethënë ne jemi sistem pluralist, por jemi sistem centralist përbrenda partive politike, ose përbrenda qeverisjes”, tha ajo.

Kusari-Lila tha se ajo ka synimin të kandidojë përsëri për postin e kryetares së Komunës së Gjakovës në vitin 2017, duke punuar njëkohësisht për konsolidimin e partisë.

Gjatë vizitës në SHBA, ajo ishte në shtetin Iowa ku mes të tjerash nënshkroi një binjakëzim mes Gjakovës dhe qytetit Fort Dodge, që do të krijojë mundësinë për lidhje ekonomike, sociale, kulturore dhe artistike mes banorëve të dy qyteteve. /VoA/

Kusari–Lila: Deri në fund të vitit do t’i funksionalizojmë këshillat iniciues nëpër qytete

Iniciativa e re politike e kryetares së Gjakovës, Mimoza Kusari-Lila dhe ish-deputetit të VV-së, Ilir Deda, ndonëse ishte paralajmëruar se do të dalë zyrtarisht në tetor, kjo gjë ende nuk ka ndodhur.

Periskopi.com Lajme

Kursari-Lila në një prononcim për Telegrafin tha se ata në muajin tetor kanë dalë me grupin e parë të asamblistëve të Gjakovës, që u bën pjesë e kësaj iniciative politike.

Ajo tha se për momentin janë të fokusuar në formimin e këshillave iniciues nëpër komunat e Kosovës.

“Jemi duke u përpjekur që këshillat iniciues t’i funksionalizojmë deri në fundin e vitit, e pastaj me vazhdu me pjesët tjera”, ka shtuar ajo.

Kusari–Lila, ka theksuar se aktivitetet që po bëhen me këshillat iniciues nuk janë gjëra të cilat ata i bëjnë publike sepse është punë e cila po bëhet çdo ditë në terren.

Ajo ka folur edhe për prurjet në partinë e re, duke thënë se tash janë në fazën e organizimit, dhe kur është koha e nevojshme, të gjitha do t’i bëjnë publike.

Ndryshe, muaj më parë dy eksponentë të njohur të skenës politike kosovare, Mimoza Kusari – Lila dhe Ilir Deda, pas largimit nga partitë e tyre të mëparshme, Aleanca për Kosovë të Re (AKR) dhe Lëvizja Vetëvendosje (VV), paralajmëruan se shumë shpejt do të dalin më emrin e subjektit të ri politik.

Pavarësisht se tetori ishte muaji kur u tha se kjo parti do të dalë zyrtarisht në skenën politike, kjo ende nuk ka ndodhur. E vetmja gjë që ndodhi në tetor ishte lëvizja e disa asamblistëve të Komunës së Gjakovës në subjektin të cilin pritet ta themelojë e para e kësaj komune. /Telegrafi/

Kusari-Lila sërish do jetë kandidate për të parën e Gjakovës

Kryetarja e komunës së Gjakovës, Mimoza Kusari-Lila, ka folur për synimet e saj në skenën politike me partinë e re, si njëra ndër themelueset e saj.

Periskopi.com Lajme

Ajo, në TV Dukagjini ka thënë se partia e re nuk ka caktuar udhëheqësit e saj, më qellim që këta të përcaktohen pas zgjedhjeve, dhe rrjedhimisht edhe pozita e saj politike lokale apo qendrore, por ajo po e mendon seriozisht rikandidimin për kryetare të Gjakovës.

Kusari-Lila, si femra e vetme kryetare e një komune, ka shtuar se është mishëruar me punën si kryetare e komunës dhe planifikon vazhdimin e projekteve që zhvillojnë Gjakovën.

Kryetarja e Gjakovës ka potencuar në “Komiteti” se pozita që ajo aktualisht mban nuk do të ndikojë që në partinë e re të ketë frymë të ndarjeve rajonale, dhe se kjo alternativë ka për qëllim përgjithësimin e progresit në të gjithë Kosovën.

Gecaj nuk ndryshon mendim, Mimoza Kusarin se sheh alternativë në politikë

Këshilltari i kryeministrit Isa Mustafa dhe zëvendësministri në Ministrinë e Administrimit të Pushtetit Lokal, Bajram Gecaj, ka folur për debatin që ai ka pasur me njërën nga themelueset e Alternativës së Re, Mimoza Kusari-Lilën.

Periskopi.com Lajme

Ai, në një intervistë në Tv Dukagjini, ka thënë se ironinë që ai e ka përdorur për drejtuesit e Alternativës së Re, për ndërrimin e shpeshtë të partive, e ka bërë me humor, por sipas tij, pas kësaj qëndron vërtetësia  e dështimeve të partive të mëparshme, të ORA-s dhe Frymës së Re.

Këshilltari i kryeministrit Mustafa ka thënë se reagimi i tij ka ardhur pas deklaratës së Kusarit-Lilës, e cila ka thënë se drejtuesit e Alternatives së Re kanë mundur të anëtarësohen në secilën parti, por ata kanë dëshiruar një lëvizje të re politike.

Gecaj ka shtuar se vendi ndihmohet duke thënë kontribut në partitë e mëdha, ashtu siç ndodh në vendet evropiane, ku tradicionalisht ndikim politik kanë partitë e mëdha.

Gecaj ka thënë në “Komiteti” se nuk e ka ofenduar personalisht Mimoza Kusari-Lilën, por sipas tij, Alternativa e Re nuk mund të ketë sukses, bazuar në partitë e mëparshme të drejtuesve të saj.

Vjen në treg Partia e Re e Mimoza Kusarit

Periskopi.com Lajme

Kusari-Lila e funksionalizon Partinë e Re, normalisht e fillon me Gjakovën

Kryetarja e Komunës së Gjakovës, Mimoza Kusari - Lila debuton me Partinë e Re.

Periskopi.com Lajme

Ajo thotë se sot në Asamblenë Komunale në Gjakovë u formua grupi më i madh i Asambleistëve në mbështetje të Alternativës së re politike.

Kusari bënë të ditur se gjashtë asambleist nga AKR dhe dy asambleistë nga koalicioni AAK – LDD u rreshtuan në mbështetje të Alternativës së re pjesën e së cilës është Kryetarja e Komunës së Gjakovës.

” Hasan Krasniqi, Dr. Mahmud Lila, Sevdije Haxhibeqiri, Vjollca Roka, Dr. Jeton Vorfi dhe RinaDomi. Gjithashtu, nga radhët e koalicionit AAK – LDD u rreshtuan pranë Kryetares, znj. Mirdita Ademaj dhe z. Xhevat Zenelaj. këta janë asamleistët që u rreshtuan. Me këtë hap bëhet nisja e parë institucionale e Alternativës së re politike bëhet nga Asambleja e Gjakovës. Kjo iniciativë do të vazhdojë edhe nëpër Komunat tjera edhe në ditët vijim”, thotë ajo. / Periskopi