Adoleshentja i dërgon babait mesazh se nuk dëshiron më të bartë mbulesën, përgjigja e tij ka habitur 300 mijë njerëz

Periskopi.com Lajme

Një vajzë nga Pensilvania për vite me radhë ishte ofenduar në internet (online) për shkak se mbante mbulesë. “Kur je arabe dhe myslimane në Amerikë”, janë disa nga komentet të cilat Lamija 17-vjeçe i kishte ndjerë thellë nën lëkurë.

Ajo kishte postuar një mesazh të tmerrshëm në profilin e saj në Twitter, të cilin ia kishte dërguar një person i panjohur, transmeton Telegrafi.

“Mjaft e mbrojte Islamin, boll më. Nuk guxon ta heqësh shaminë nga koka, sepse babai do të vriste”, thuhej në mesazhin e dërguar në profilin e saj.

E lodhur nga ideja dhe paragjykimet se nëse e heq mbulesën babai do ta rrah keq, Lamija kishte vendosur t’ua dëshmojë të kundërtën.

Ajo i kishte dërguar babait të saj një mesazh, ku e paralajmëronte se do ta heq mbulesën nga koka, dhe më pas këtë paralajmërim e ka postuar në internet.

“Babi, dëshiroj të tregoj diçka”, fillonte mesazhi dërguar babait.

“Më trego a është gjithçka në rregull”, i është përgjigjur shkurtimisht babai, të cilit ajo ia kishte kthyer duke i thënë se gjithçka është në rregull dhe se ka menduar seriozisht ta heq mbulesën nga koka.

“Zemër ky nuk është një vendim që më takon mua ta marrë. Këtë vendim nuk do të duhej ta merrte asnjë mashkull. Nëse dëshiron ta bësh, atëherë bëje lirisht. Pavarësisht të gjithave, unë do të përkrahi”, ia kishte kthyer i ati.

Kjo bisedë mes babai dhe të bijës ka marrë mbi 300 mijë pëlqime në Twitter  dhe mbi 140 mijë shpërndarje.

Ndërkaq, Lamija ka bërë të ditur se nuk do ta heq mbulesën, por se thjesht këtë e ka bërë që t’ia dëshmojë të kundërtën atyre që po i paragjykojnë myslimanët.

Austri: Ndalim i shamisë së kokës

Qeveria austriake do të ndalë shaminë e kokës në administratën publike. Në një dokument zyrtar ndalesa emërtohet "rregullore neutraliteti". Por kritikët shohin aty diskriminimin e myslimaneve.

Periskopi.com Lajme

Në Francë, në Berlin, Belgjikë është realitet. Tani edhe në administratën austriake do të vlejë ndalimi i shamisë së kokës. Kjo është pjesë e programit të koalicionit me bazë të gjerë në Austri, socialdemokratëve të SPÖ-së dhe partisë popullore, ÖVP. Ministri austriak për integrimin, Sebastian Kurz kërkon prej muajsh një ligj të ri integrimi. Krahas ndalimit të shamisë së kokës në administratë, ai kërkon edhe ndalimin e mbulimit të plotë të femrës me burka apo nikab në hapësirën publike. “Burka dhe nikabi janë simbole të shoqërive paralele dhe nuk kanë vend në hapësirën publike”, thotë ai në një intervistë për radion austriake, Ö1 këtë javë.

Pas negociatash të gjata, propozimi i tij vjen në parlamentin austriak në një formë të zbutur. Në një kohë që partnerët në koalicion kërkojnë ndalimin e mbulimit të plotë në hapësirën publike dhe një vit të detyruar integrimi bashkë me punë vullnetare, ndalimi i shamisë së kokës vlen vetëm për disa sektorë të administratës publike – si në sektorin ekzekutiv. Masa prek edhe gjykatëset dhe prokuroret. Por vetë nocionin ndalim i shamisë së kokës nuk e gjen në dokumentin zyrtar. Ai quhet “rregullore e neutralitetit në administratën publike”.

Ministri austriak i Integrimit dhe ministër i Jashtëm, Sebastian Kurz

Politoligu në Universitetin e Salzburgut, Farid Hafez thotë se, “neutraliteti përdoret si pretekst për ndalimin faktik të shamisë së  kokës.” Sipas tij me përcaktimin “rregullore neutraliteti”, partia konservatore, ÖVP kërkon t’i ikë akuzës për diskriminim.

Kryqet lejohen

Që neutraliteti fetar prek kryesisht ndalimin e shamisë së kokës, këtë la të kuptohej edhe ministri i Integrimit, Kurz. “Kryqet lejohen në klasa, dhe është mirë kështu”, tha Sebastian Kurz. Edhe në sallat e gjyqit ato do të vazhdojnë të lejohen. Rregullorja e neutralitetit prek vetëm simbolet fetare të personave.

Për konsulentin e politikës, Rudolf Fußi kjo ka kuptim, kur vlen për të gjitha simbolet fetare. “Unë jam për ndarjen strikte të kishës nga shteti”. Masat e qeverisë ai i sheh si politikë simbolike. Sipas Fußit qeveria kërkon të lëshojë një mesazh: “Kur ne për shekuj me radhë luftuam kundër ndikimit të kishës katolike nuk do të lejojmë tani, që të detyrohemi të fillojmë një luftë kundër islamit politik.”

Kritika nga organizatat myslimane

Nga organizatat myslimane vijnë kritika të forta. Ibrahim Olgun, president i Komunitetit Mysliman të Austrisë tha se “shamia e kokës nuk është simbol fetar dhe aspak simbol politik”. Sipas tij “gratë me vetëbesim tregojnë edhe sot se është e rëndësishme ajo që ke brenda në kokë, dhe jo se çfarë ke mbi kokë.” Ai merr shembullin e Britanisë së Madhe që e lejon shaminë e kokës në administratën publike.

Ndërsa Amani Abuzahra, docente e pedagogjisë ndërkulturore, që mban shaminë e kokës thotë se kjo rregullore është goditje e rëndë për demokracinë, larminë dhe lirinë fetare të Austrisë. “Me një ndalim të pjesshëm të shamisë së kokës nuk u lejohet qytetareve ushtrimi i lirë një feje të njohur nga shteti”, thotë ajo. Programi qeveritar me emrin “Për Austrinë” të martën (31.01) kaloi pengesën e parë: Deputetët socialdemokratë të SPÖ-së dhe ata konservatorë të ÖVP-s kanë sinjalizuar votimin parimisht të programit të punës së qeverisë.

Më 1 shkurt, Dita Botërore e Hixhabit

Ngjarja është projektuar si pjesë e përpjekjes për të nxitur të kuptuar të drejtë dhe për të eliminuar polemikat përreth hixhabit, si zgjedhje e gruas myslimane.

Periskopi.com Lajme

Gati një milion shënojnw Ditën Botërore të Hixhabit më 1 shkurt, ditë kjo që organizohet për të ngritur vetëdijen, shumë të nevojshme, se hixhabi është e drejtë e grave myslimane dhe edukimin e masës për origjinën dhe shkaqet e kësaj veshje.

E gjithë lëvizja është e organizuar duke përdorur faqet e rrjeteve sociale dhe faqen zyrtare të Ditës Botërore të Hixhabit. Ajo ka tërhequr interesin e shumë myslimanëve dhe jo-myslimanëve në më shumë se 100 vende të botës.

“Shamia mbulon flokët, jo trurin dhe shfaq dinjitetin tim, jo trupin”, ka shkruar Zejnebe Warda Muhamed, myslimane nga Gjermania, në faqen e Facebook-ut të Ditës Botërore të Hixhabit.

Ngjarja, u sugjerua nga një grua në Nju Jork, Nazma Khan, për të inkurajuar gratë jomuslimane të vënë shaminë dhe të përjetojnë atë.

Kjo ngjarje është projektuar si pjesë e një përpjekje për të nxitur të kuptuarit e drejtë dhe për të eliminuar polemikat përreth hixhabit, si zgjedhje e grave myslimane.

Vitin e kaluar, Jess Rhodes, studente nga Britania e Madhe, ishte një nga mijëra pjesëmarrëset që zgjodhi të vesh hixhabin, në përgjigje të Ditës Botërore të Hixhabit.

Një ditë më vonë, ajo vendosi të lexoi Kur’anin për të kuptuar plotësisht Islamin. Ishte leximi i Kur’anit, që i ofroi asaj një ndjenjë të paqes dhe zgjodhi të kthehej në Islam./mesazhi

Begaj: Arsimtarja plotëson kushtet ligjërisht, mbulesa nuk është problem

Në fshatin Drenoc të komunës së Malishevës, disa prindër kanë kërkuar përjashtimin nga puna të arsimtares së matematikës, Fatmire Bujupit për shkak se kjo e fundit bartë shami.

Periskopi.com Lajme

Kjo kërkesë ka ngjallur reagime të shumta pasi që prindërit nuk kanë asnjë ankesë në lidhje me anën profesionale të arsimtares por vetëm me mbulesën.

Për disa ditë nxënësit e kësaj komune kanë bojkotuar mësimin në shenjë revolte ndaj arsimtares.

Kryetari i komunës së Malishevës, Ragip Begaj ka thënë se ky ka qenë rasti i parë ku një arsimtare e mbuluar është shfaqur para nxënësve dhe kjo ka qenë arsyeja e reagimeve.

“Arsimtaren ne e kemi pranuar dhe nuk ka kurrfarë vendimi për suspendim, e kemi vlerësuar dhe kemi dhënë vendimin e punës. Para nxënësve Bujupi ka qenë risi për Malishevën pasi më parë nuk pas të tilla”, ka thënë Begaj për lajmi.net.

Tutje ai ka treguar se nxënësit e kanë bojkotuar mësimin edhe ditën e sotme, mirëpo pritet që së shpejti të gjendet një zgjidhje.

“Drejtori mbrëmë ka biseduar me familjarët jemi duke u përpjekur të gjejmë një zgjidhje do ta zgjidhim atë problem. është bërë pak e madhe për Malishevën, megjithëse edhe ligjet nuk janë të definuara sa duhet dhe po na shkaktojnë probleme edhe neve. Duhet me vendos ligji se çka bon e çka jo, do të kishim edhe me ma lehtë. Këtë problem do ta zgjidhim, pengesa prej neve nuk ka ajo i ka plotësuar kushtet ligjërisht”, ka theksuar Begaj./Lajmi.net

Norvegjia planifikon ndalimin e ferexhes nëpër shkolla

Qeveria e krahut të djathtë të Norvegjisë ka njoftuar se ka në plan të ndalojë veshjen islamike, ferexhen, nëpër shkolla dhe në universitet.

Periskopi.com Lajme

Ministri i Arsimit, Torbjorn Roe Isaksen, tha se qeveria është duke planifikuar të ‘që me rregulla kombëtare të ndalojë veshjen ferexhe nëpër objekte shkollore’, transmeton koalb.com.

Por çështja ka hapur debat mes partive politike, një vit para se vendi të shkojë në zgjedhjet parlamentare. Disa parti politike, si dhe partia kryesore opozitare e kanë mbështetur propozimin për ndalimin e ferexhes nëpër shkolla.