Marko Gjuriq

Gjuriq, për rrethana objektive, anulon vizitën në Kosovë

E ashtuquajtura Zyrë për Kosovën ka njoftuar se i ashtuquajturi drejtor i kësaj Zyre Marko Gjuriq nuk do të qëndrojë sot në Kosovë, transmeton Koha.net.

Periskopi.com Lajme

Siç është thënë në kumtesën që e citojnë medie serbe, vizita është anuluar dhe janë shtyrë të gjitha aktivitetet e parapara.

Nuk ka informacione nëse Gjuriq kishte kërkuar leje për këtë vizitë dhe nëse Prishtina zyrtare ka ndaluar qëndrimin e tij në Kosovë.

Vizita, siç thuhet, është shtyrë për shkak të “rrethanave objektive”.
Gjuriq, në vizitën e dështuar, kishte paraparë të merrte pjesë në disa aktivitete të Serbisë në veri.

Nuk dihet nëse këto aktivitete do të zhvillohet edhe pa praninë e tij.

vlora-dumoshi

Dumoshi thotë se dikujt në Kosovë më shumë i pëlqen çfarë thotë Gjuriqi

Këshilltarja e Kryeministrit, Isa Mustafa, Vlora Dumoshi me anë tën jë postimi në rrjetin e saj social ‘Facebook’, ka thënë se referimi duhet të jetë tek faktet dhe qëndrimet zyrtare të Kosovës dhe jo të Gjuriqit.

Periskopi.com Lajme

Dumoshi në këtë status thotë se dikujt në Kosovë po i pëlqen çfarë thotë Beogradi dhe jo Kosova.

Statusi i plotë:

Dikujt në Kosovë më shumë i pëlqen çfarë thotë Gjuriqi e jo faktet reale. Nuk duhet që mendësia e Gjuriqit të shperlaj kokat e ca mediave. T’i referohemi fakteve dhe qëndrimeve zyrtare të Republikës së Kosovës e jo propagandës fiktive të Beogradit të shpërfaqur përmes Gjuriqit.

Dikujt në Kosovë më shumë i pëlqen çfarë thotë Gjuriqi e jo faktet reale. Nuk duhet që mendësia e Gjuriqit të shperlaj kokat e ca mediave. T’i referohemi fakteve dhe qëndrimeve zyrtare të Republikës së Kosovës e jo propagandës fiktive të Beogradit të shpërfaqur përmes Gjuriqit.

gjuriq

Gjuriq promovon në Beograd traditat e serbëve nga Kosova

E ashtuquajtura Zyra serbe për Kosovën do të promovojë sot siç thuhet në një njoftim për media” trashëgiminë kulturore, të traditave dhe zakoneve të krahinës jugore serbe, në Panairin e Pjieve dhe Ushqimit që po mbahet në Beograd.

Periskopi.com Lajme

Në programin që do të ndiqet nga Drejtori i kësaj zyreje, Marko Gjuriq, të ftuarve  do t`iu prezantohen zanatet e vjetra dhe traditat nga Kosova.

Gjuriqi vazhdon të mendojë se Kosova është ende pjesë e Serbisë me organizimine  këtij panairi.

Vizitorët e këtij panairi do të kenë mundësi që deri më 26 nëntor të “mësojnë për traditën dhe kulturën e krahinës sonë jugore, dhe të ndjekin prezantime të ushqimit dhe pijeve nga Kosova”, thuhet në një njoftim të zyrës së Gjuriqit./Lajmi.net

Marko Gjuriq

Gjuriq: S`ka më justifikime për Asociacionin

Drejtori i zyrës serbe për Kosovën, Marko Gjuriq është takuar sot me drejtoreshën e përgjithshme për Çështje Politike në Ministrinë e Punëve të Jashtme të Suedisë, Anna-Karin Eneström me të cilën ka folur për dialogun Prishtinë-Beograd.

Periskopi.com Lajme

Gjuriq dhe Enstrom u pajtuan se me arritjen e marrëveshjes për telekomunikacionin është bërë progres i rëndësishëm në normalizimin e marrëdhënieve dhe se dialogu dhe zbatimi i të gjitha marrëveshjeve të nënshkruara duhet të vazhdojnë me të njëjtin konstruktivitet, raportojnë mediat serbe, transmeton Klan Kosova.

“Prishtina me arritjen e marrëveshjes mbi telekomunikacionin ka mbetur pa justifikim për bllokimin dhe shtyrjen e mëtejshme të formimit të Asociacionit të komunave serbe”, ka thënë Gjuriq dhe ka shtuar se hapi tjetër në zbatimin e marrëveshjes së Brukselit është dashur të jetë miratimi i dekretit për themelimin e AKS-së.

Asociacioni i Komunave Serbe, tha ai, duhet të formohet në përputhje me marrëveshjet e rëna dakord në Bruksel, për shkak se sipas tij çdo gjë tjetër do të thoshte shmangje nga obligimet dhe procesi i dialogut.

Marko Gjuriq

Gjuriq tregon planin për “pushtimin” telekomunikativ në Kosovë

I ashtuquajturi drejtor i Zyrës për Kosovë në Qeverinë e Serbisë, Marko Gjuriq ka folur sot në lidhje me zhvillimet e kodit telefonik të Kosovës dhe atë çka do të ofrojë Serbia.

Periskopi.com Lajme

Ai ka thënë se kjo marrëveshje do t’i ndihmojë shumë Serbisë, transmeton Koha.net.

“Kjo marrëveshje do ta rritë vlerën e Telekom Serbisë në tërësi, dhe jo për shifra të vogla, sepse do të jetë në dispozicion një territor i tërë (territori i Kosovës)”, ka thënë Gjuriq.

Ai më tej jep edhe premtime rreth telekomunikacionit në Kosovë.

“Për herë të parë pas shumë vitesh nga Hogoshti e deri në malet e Sharrit do të përfundojmë sistemin tonë të telekomunikacionit. Nuk kemi nevojë që të shpërndajmë valë nga Serbia, por do të jemi me kapacitet të plotë në Kosovë”, shtoi Gjuriq, duke vazhduar ende edhe për disa vendbanime në Kosovë, “Brezovica, Shtërpca, Graçanica e Kllokoti do të mbulohen me rrjet 3G dhe 4G, si dhe internet të shpejt për të gjithë banorët atje”.

Marko Gjuriq

Këmbëngul Gjuriq: Marrëveshja ruan pronën e Telekomit të Serbisë në Kosovë

Marrëveshja ndërmjet Beogradit dhe Prishtinës për telekomunikacionin ruan pronën e Telekomit të Serbisë, marrëveshja do të ketë ndikim pozitiv në marrëdhëniet e përgjithshme, jo vetëm me Kosovën, por edhe me BE-në, ka thënë sonte, Drejtori i të ashtuquajturës zyrë për Kosovën, Marko Gjuriq.

Periskopi.com Lajme

Ai theksoi, se të gjitha asetet e transferuara për MTS në Kosovë, janë në pronësi zyrtarisht nga MTS e Telekomit të Serbisë, transmeton lajmi.net.

“Pasuria e Telekomit të Serbisë është e mbrojtur në mënyrë të përhershme me këtë, si stacion bazë dhe çdo gjë tjetër”, tha Gjuriq.

Ai theksoi se kjo është një marrëveshje e rëndësishme për Telekomin e Serbisë dhe qytetarët, si dhe do të ketë ndikim pozitiv në marrëdhëniet tona të përgjithshme, jo vetëm me Kosovën, por edhe me BE-në.

“Astetet e Telekomit të Serbisë janë zyrtarisht të ruajtura përgjithmonë, si stacioni bazë dhe çdo gjë tjetër. Kosova ka dashur të rrëmbejnë asetet tona, ne nuk kemi pranuar. Kjo është një marrëveshje e rëndësishme, e sigurisht do të jetë positive në marrëdhëniet tona me Prishtinën dhe BE-në”, ka thënë Gjuriq.

Marko Gjuriq

Strategjia e Beogradit: Ndërlidhja ekonomike e komunave në Serbi me ato në Kosovë

Drejtori i Zyrës për Kosovën në Qeverinë e Serbisë, Marko Gjuriq, tha mbrëmë në Bllacë, një lokalitet jo larg kufirit me Kosovën, se qëllim strategjik i Qeverisë së Serbisë është që komunat nga Serbia qendrore të ndërlidhen sa më shumë me komunat në Kosovë, para së gjithash në kuptimin ekonomik.

Periskopi.com Lajme

 

“Që të mund të arrihet kjo, duhet së pari të anulohen dhe të eliminohen të gjitha pengesat dhe digat në tregti”, citojnë mediat e Beogradit Gjuriqin, transmeton Koha.net.

Ai tha se ishte ardhur në Bllacë me dëshirën që “komunat kufitare të Serbisë qendrore të ndërlidhen sa është e mundur më mirë me komunat e Kosovës e Metohisë në interes të ndërsjellë”.

Ai paralajmëroi se së shpejti do të ndodhë një vizitë e prodhuesve bujqësorë nga Bllaca në Kosovë.

Marko Gjuriq

Serbia pajtohet për kodin telefonik të Kosovës por si rajon gjeografik dhe me *

Beogradi zyrtar është pajtuar që kodi telefonik t’i atribuohet Kosovës si rajon gjeografik dhe të regjistrohet me fusnotë mbi statusin.

Periskopi.com Lajme

Kështu ka thënë të martën Marko Gjuriq, drejtor i Zyrës për Kosovë në Qeverinë e Serbisë, shkruan sot Koha Ditore.

Gjuriq ka shtuar se për telekomin nuk ka pasur përafrime, ngaqë ka ngecje te trashëgimia e pronësisë, porse Beogradi është i gatshëm që ta ‘ngrijë’ këtë çështje tani dhe të fillojë zbatimi, por me kusht që kjo të bëhet me vonë me kompaninë vendore trashëguese të telekomit serb në Kosovë.

Duke folur në London School of Economics, konkretisht në kuadër të Kërkimit mbi Evropën Juglindore, Gjuriq ka promovuar sukseset e dialogut në sytë e Beogradit si integrimi i ish-punonjësve të MUP-it serb në Policinë e Kosovës në komunat në veri.

Marko Gjuriq

Serbia nesër deklarohet për kushtet e reja të Prishtinës në dialog

Drejtori i Zyrës për Kosovën në Qeverinë e Serbisë, Marko Gjuriq ka thënë sot se e ka njoftuar kryeministrin e Serbisë, Aleksandar Vuçiq për kushtet e reja për vazhdimin e dialogut me Kosovën dhe ka paralajmëruar se nesër do të mbahet mbledhja e Qeverisë së Serbisë, ku me pas qeveria do të deklarohet për këtë “çështje shumë të rëndësishme”.

Periskopi.com Lajme

“Nëse Prishtina vlerëson se duhet të bisedohet përmes kushteve dhe ultimatumeve dhe në anën tjetër realisht nuk është e gatshme të bisedojë, dhe nëse me ato që janë theksuar si kushtëzim i vazhdimit të dialogut, atëherë kjo do të thotë se ata kanë hequr dorë nga dialogut  dhe nuk do të ketë dialog”, ka thënë Gjuriq, transmeton lajmi.net.

Sipas tij, situata është shumë serioze dhe opinioni serb duhet të jetë i informuar për hapat e mëtutjeshëm.

Paolo Alli

Vërehet mungesa e Gjuriqit në Kosovë në samitin e NATO-s

Nënkryetari i Asamblesë Parlamentare të NATO-s, Paolo Alli, ka thënë në fjalimin e tij në samitin e NATO-s që po mbahet në Prishtinë se i ka ardhur shumë keq që Shefi i ekipit negociator serb nuk ka ardhur në Kosovë ashtu siç do të duhej.

Periskopi.com Lajme

“Më vije keq që Marko Gjuriq nuk ka ardhur në Seminar”, ka deklaruar Alli.

Gjuriq ishte paraparë që të flasë në Seminarin Rose Roth, që për herë të parë po mbahet në Kosovë.

Pos Gjuriq, në seminar pritet të flasë edhe Shefja e grupit negociator të Kosovës, Edita Tahiri.

Në takimin treditorë me fokus të veçantë, pos dialogut Kosovë-Serbi, do të flitet për perspektiven e Kosovës në lidhje me Unionin Evropian dhe NATO-n.

Ligjvënësit e NATO-s do të flasin po ashtu për situatën, politike, socio-ekonomike dhe të sigurisë në Prishtinë.

Marko Gjuriq

Marko Gjuriq anulon ardhjen në Prishtinë, si bëri punë petku i NATO-s

Agjenda e Seminarit Rose Roth, e organizuar në Prishtinë nga Asambleja Parlamentare e NATO-s ka ngjallur debat në Kosovë.

Periskopi.com Lajme

Në agjendën e tij aktiviteti, posti i Marko Gjuriqit ka qenë “Drejtor i Zyrës për Kosovë dhe Metohi”, e kjo ka bërë që të reagojë deputetja Albulena Haxhiu.

Kuvendi i Kosovës nëpërmes një komunikate ka treguar se agjenda është përpiluar nga zyrtarët e Asamblesë së NATO-s dhe për këtë Kuvendi ka adresuar ankesë duke kërkuar që të përmirësohet ky lëshim në agjendë.

Ndërsa mediat raportojnë se Kuvendi ka ndryshuar agjendën, por ka shkaktuar një efekt tjetër.

“Me t’iu dërguar agjenda e re Marko Gjuriqit, ai ka anuluar menjëherë ardhjen në Kosovë. Të paktën kështu bëhet e ditur deri tash”.

Lëshimi thuhet se ka ndodhur pasi zyrtarët e Asamblesë së NATO-s kanë kërkuar nga secili shtet postin dhe CV-në e panelistëve dhe ata e kanë shkruar ashtu siç u ka shkuar informacioni.

20161020181001967646

Skandal: NATO nuk e njeh Kosovën, e quan sikurse serbët ‘Kosova i Metohija’

Gjatë kësaj fundjave Asambleja Parlamentare e NATO-s, do të mbajë në Prishtinë, Seminarin e 93-të, në të cilën pjesë do të marrë edhe Marko Gjuriq.

Periskopi.com Lajme

Marko Gjuriq në këtë semaniar do të bisedojë për dialogun Kosovë – Serbi.

Mirëpo në agjendën zyrtare të publikuar nga deputetja e Lëvizjes Vetëvendosje, Albulena Haxhiu, Kuvendi i Kosovës Marko Gjuriqit i referohet si drejtor i Zyrës për Kosovë dhe Metohi.

Deputetja Haxhiu këtë e ka quajtyur skandaloze, duke kërkuar përgjegjësi nga Xhavit Haliti.

“Por ajo që vërtetë është skandaloze dhe për ne e papranueshme, është pranimi që Kuvendi i Kosovës, i bën zyrës për “Kosovë dhe Metohi”, pasi që në këtë agjendë thuhet se i njëjti do të përfaqësoj zyrën për “Kosovë dhe Metohi”.Nuk kam informacione se nga kush është përpiluar kjo, por për këtë skandal duhet të na jap përgjegjësi, Xhavit Haliti, i cili njëherit është edhe kryesues i Delegacionit të Kuvendit të Kosovës në AP të NATO-s”, ka shkruar ajo në facebook.

Por, të menjëhershëm kanë qenë Kuvendi i Kosovës, duke reaguar për kritikën e Haxhiut.

Zyra për informim e Kuvendit, thonë se agjendën nuk e kanë përpiluar ata, por Asambleja e Përgjithshme e NATO-s

“Nuk është përpiluar nga Kuvendi i Republikës së Kosovës, por nga Zyrtarët e Asamblesë së NATO-s. Në agjendë panelistit Marko Gjuriq i janë referuar si drejtor i “Zyrës për Kosovë dhe Metohi”. Kuvendi i Kosovës është duke adresuar këtë çështje me përpiluesit e kësaj agjende”, thuhet në reagim.

 

 

14716271_1152267118177411_5342914777798130794_n

Marko Gjuriq

Marko Gjuriq vjen në Prishtinë, nën petkun e NATO-s

Duke nisur prej të shtunës, samiti i Asamblesë parlamentare të NATO-s, me pjesëmarrjen e ligjvënësve nga vendet anëtare dhe ato partnere, do të mbahet në Prishtinë.

Periskopi.com Lajme

Samiti do të hapet nga një fjalim i kryeparlamentarit të Kosovës, Kadri Veseli, si dhe kreu i zyrës së BE-së në Kosovë, ambasadorja Natalya Apostolova.

Gjatë takimit treditor do të diskutohet mbi perspektivën e Kosovës në lidhje me Bashkimin Evropian dhe rolin në zhvillim të NATO-s në rajon, pas samitit të krerëve të shtetit dhe qeverive të vendeve aleate të mbajtur në korrik në Varshavë.

Gjithashtu do të shqyrtohet edhe progresi i dialogut Beograd-Prishtinë, duke dëgjuar edhe adresimet e shefave negociatorë të të dy vendeve, Edita Tahiri dhe Marko Gjuriq.

Ligjvënësit e aleancës atlantiko-veriore do të ekzaminojnë gjithashtu zhvillimet politike, social-ekonomike dhe ato të sigurisë në Kosovë, perspektivën për bashkëpunim të mëtejshëm rajonal, sikurse edhe përgjigjen e Ballkanit Perëndimor ndaj sfidave të krijuara prej terrorizmit ndërkombëtar dhe menaxhimi i fluksit të emigrantëve përmes Evropës.

Seminari organizohet në bashkëpunim me Parlamentin e Kosovës, nën udhëheqjen e kreut të delegacionit parlamentar kosovar në Asamblenë e NATO-s, Xhavit Haliti, si dhe me mbështetjen e çmuar të qeverisë zvicerane.

Asambleja parlamentare e NATO-s ka zhvilluar 19 seminare të quajtura “Rose Roth” në vendet e Ballkanit Perëndimor, që prej nisjes së këtij programi në vitin 1991. E para është zhvilluar në Ohër në vitin 1997, ndërsa në Prishtinë do të organizohet seminari i 93-të, por i pari për Kosovën.

Në këtë ngjarje do të mblidhen mbi 100 pjesëmarrës, përfshi rreth 70 deputetë parlamentesh nga 21 vendet anëtare dhe ato partnere. Në seminar do të flasin edhe krerët më të lartë të Kosovës, duke nisur nga Hashim Thaçi dhe Isa Mustafa, komandanti i KFOR-it, Giovanni Fungo, kreu i EULEX-it, Alexandra Papadopoulou, kreu i misionit të OSBE-së në Kosovë, Jan Braathu, si dhe një sërë ekspertësh të nivelit lokale dhe ndërkombëtar.

marko-gjuriq-780x420

Gjuriq thotë se shqiptarët janë unik për Trepçën

Shefi i të ashtuquajturës Zyrë për Kosovën në Qeverinë e Serbisë, Marko Gjuriq ka thënë sot se për dallim prej palës shqiptare, në Serbi nuk ka konsensus sa i përket një teme kaq të ndjeshme, siç është rasti i Trepçës.

Periskopi.com Lajme

Gjuriq këtë e ka thënë duke u përgjigjur në pyetje se çfarë ka nënshkruar Beogradi zyrtar për Trepçën në Bruksel në emisionin “150 minuta” në TV Prva.

“Këtu ne jemi në problem. Derisa politikanët shqiptarë janë të bashkuar në qëllimin që të ndahen (pavarësohen), të na marrin pasurinë tonë, ne në Serbi kemi prani të agjentëve politikë në këtë temë”, ka thënë Gjuriq, transmeton lajmi.net.

Siç ka thënë ai, “dihet se” dy të tretat e Marrëveshjes së Brukselit kanë të bëjnë me Asociacionin e Komunave me shumicë serbe, derisa pjesa tjera lidhet me raportet në organet e gjyqësisë dhe policisë.

“Megjithë këtë, këtu ka të atillë që sulmojnë Qeverinë e Serbisë e cila lufton që problemi të zgjidhet. Askund nuk është paraparë obligimi për shuarjen e disa institucioneve tona, përkundrazi”, ka thënë Gjuriq.

Sipas tij, Beogradi me vite ka insistuar që për Trepçën të bisedohet në Bruksel, por kjo është refuzuar.

“Aleksandar Vuçiq para tri ose katër vitesh ka insistuar vazhdimisht për këtë, por njëjtë, në vazhdimësi e kanë refuzuar. Prandaj kërkojmë përfshirjen e Kombeve të Bashkuara”, ka thënë ai.

Marko Gjuriq

Gjuriq shtyn vizitën në Kosovë, jo të dielën, paralajmëron për javët e ardhshme

Drejtori i së ashtuquajturës zyre për Kosovë në Qeverinë e Serbisë ka paralajmëruar sot, se në javët e ardhshme do të jetë shumë publikisht në Kosovë.

Periskopi.com Lajme

Për dallim nga dje kur tha se këtë të diele do të jetë në veri të Kosovës, Gjuriq duket se ka ndërruar mendje.

Ai në Vrnjaçko Banjë ka thënë se ekzistojnë indikacione serioze që një grup i njerëzve, përfshirë ministrat Enver Hoxhaj dhe Edita Tahiri, janë të përzier në ndalimin e lirisë së lëvizjes, që në Serbi, sipas tij, paraqet vepër penale, transmeton lajmi.net.

Edhe dje Gjuriq kishte deklaruar diçka të ngjashme për Hoxhajn dhe Tahirin, por duket se është më i zbutur sot.

“Tentuan që ta pengojnë personin zyrtar dhe përfaqësuesin e qeverisë që ta kryej punën e tij. Unë do të jem me popullin tonë në Kosovë. Kam shkuar edhe më herët, do të shkojë edhe tash. Shembuj të tillë ka çdo ditë, sepse populli serb në Kosovë është i diskriminuar sistematikisht”, ka thënë ai.

Sipas tij, autoritetet në Kosovë “nuk duhet të luajnë me fjalë kërcënuese”, sepse askënd nga Serbia nuk do të mund ta ndalojnë që të lëviz lirshëm në Kosovë.

“Tentuan edhe në Graçanicë që të më ndalojnë, por nuk ia arritën qëllimit. As tash nuk do t’ia arrijnë”, ka thënë ai në fund.

Marko Gjuriq

MPJ i kundërpërgjigjet Gjuriqit: Kosova merr vendime e jo deklarata

Deklaratat e Marko Gjuriqit, shefit të së ashtuquajturës Zyrë për Kosovën në Qeverinë e Serbisë, nuk i kanë bërë fare përshtypje ministrit të Punëve të Jashtme të Kosovës, Enver Hoxhaj.

Periskopi.com Lajme

Duke u përgjigjur në pyetjen pse i është ndaluar vizita në Kosovë, Gjuriq është  përgjigjur me kundërpyetje: “Vallë mendoni se ndokush mund të ma ndalojë që të jem me popullin tim në Kosovë?. Të dielën do ta vizitoj popullin tonë në Kosovë. Do të jem në veri të Kosovës”.

Lajmi.net është interesuar të marrë përgjigje në lidhje me këtë deklaratë të Gjuriqit në Ministrinë e Punëve të jashtme të Kosovës, e cila zakonisht lejen ose nuk lejon zyrtarët serbë të hyjnë në Kosovë.

 

“Në raport me deklaratat e Marko Gjuriqit, drejtorit të së ashtuquajturës Zyrë për Kosovën, Republika e Kosovës merr vendime dhe jo deklarata”, ka deklaruar Bashmir Xhemaj për lajmi.net, i cili është shef i kabinetit te ministrit Hoxhaj.

Përndryshe, Enver Hoxhaj, ministër  i Punëve të Jashtme të Kosovës, ka marrë vendim që t’ia ndalojë Marko Gjuriqit hyrjen në Kosovë për dy javët e ardhshme.

Marko Gjuriq

Gjuriq: S’ka që më ndal, të dielën do jem në veri të Kosovës

I ashtuquajtur shef i Zyrës për Kosovën në Qeverinë e Serbisë, Marko Gjuriq, nuk e ka ndërmend të ndalet.

Periskopi.com Lajme

Duke u përgjigjur në pyetjen pse i është ndaluar vizita në Kosovë, ai është përgjigjur me kundërpyetje: “Vallë mendoni se ndokush mund të ma ndalojë që të jem me popullin tim në Kosovë?. Të dielën do ta vizitoj popullin tonë në Kosovë. Do të jem në veri të Kosovës”.

Gjuriq ka deklaruar se është në kontakt të vazhdueshëm me Prokurorinë publike të Serbisë për arsye të – siç ka thënë – “përpjekjeve të disa përfaqësuesve të institucioneve të përkohshme në Kosovë që ta pengojnë lirinë e lëvizjes me ç’gjë i thyejnë ligjet e Serbisë”.

“Ka indikacione që Enver Hoxhaj, Edita Tahiri dhe disa persona tjerë nga Prishtina janë përfshirë në tentim të pengimit të lëvizjes së lirë të zyrtarëve dhe qytetarëve të Serbisë.. Jam i sigurt që organet tona shtetërore do të ndërmarrin masa për këtë gjë”.

Enver Hoxhaj, Ministri i Punëve të Jashtme të Kosovës, ka marrë vendim që t’ia ndalojë Marko Gjuriqit hyrjen në Kosovë për dy javë.