Joe DioGardi

DioGuardi akuza për Ali Ahmetin

Ish-kongresmeni, Joe Dioguardi flet në emisionin 7pa5 ka folur në lidhje me situatën në Maqedoni.

Periskopi.com Lajme

Si njohës i mirë i situatës, Joe DioGuardi thotë se “që kur është nënshkruar marrëveshja e Ohrit 15 vite më parë, asgjë nuk ka ndodhur, sepse ajo nuk është implementuar. Sot për herë të parë sllavët janë të përçarë, dhe është hera e parë që shqiptarët mund të bashkëpunojnë dhe të marrin atë që u takonte 15 vite më parë. Pra shqiptarët e Maqedonisë duhet të qëndrojnë të bashkuar dhe ta mbajnë gjallë këtë koalicion.

Asnjë parti shqiptare nuk duhet ta shkelë këtë marrëveshje deri sa të arrijnë një pakt në rrang shtetëror që u garanton atyre të drejtat që u takojnë nga Marrëveshje e Ohrit. Me fjalë të tjera, të drejta të plota për përdorimin e gjuhës, të drejta të plota për mundësitë ekonomike rajonale etj”, nënvizon Joe DioGuardi.

Joe DioGuardi thotë se “shqiptarët në Maqedoni duhet të kërkojnë të drejtat e tyre që u takojnë. Janë të paktën 40% e popullësisë të Maqedonisë shqiptare. Nuk janë 25 % shqiptarët në Maqedoni. Disa thonë se janë 50% e popullësisë.Sllavët nuk dinë të numërojnë. Sllavët numërojnë si komunistët.”

Më tutje DioGuardi vijon: “Është gjë e mirë që shqiptarët bashkohen me ta, mbase edhe ta riemërojnë Maqedoninë. Por Maqedonia mund edhe të mos ekzistojë më si shtet nëse shqiptarët nuk do të kenë të drejtat e tyre të plota.  Kështu partitë shqiptare duhet të rrinë të bashkuara. Mos e dhëntë Zoti që Ali Ahmeti të bëjë marrëveshje me Gruevskin. Nëse e bën ne do ta kuptojmë se ai nuk është për çështjen kombëtare…. Ali Ahmeti ka 15 që është në koalicion me maqedonët dhe nuk e kanë përmbushur Marrëveshjen e Ohrit”

“Nëse Marrëveshja nuk funksionon, nëse nuk ndodh kjo, do të thotë se nuk ka vend për shqiptarët në Maqedoni”, nënvizon DioGuardi.

Shikojeni intervistën e plotë.

15723701_10154331119481523_5107548003369107935_o

Maqedonët  kundër marrëveshjes së partive shqiptare (Foto)

Partitë shqiptare në Maqedoni kanë bërë një hap të madh duke u ulur në një tavolinë për të rregulluar gjendjen e qytetarëve shqiptarë në këtë shtet duke e hartuar një platformë të përbashkët, por kjo gjë nuk u ka pëlqyer fare mediave në gjuhën maqedone, shkruan Telegrafi.

Periskopi.com Lajme

Portali mkd.mk e ka filluar shkrimin e saj për këtë temë me pyetjen: ”Si është e mundur që 100-sha të jetë më e vogël se 20-sha?” duke aluduar në numrin e deputetëve shqiptarë(20) dhe maqedonas(100).

I njejti portal thotë ”Qeveria e re do të varet nga dëshira e 20 deputetëve e jo nga shumica. Që të ketë jetëgjatësi kjo qeveri duhet të përmbush kushtet si: dygjuhësia në të gjithë territorin e Maqedonisë, kryetari i Kuvendit të jetë në mesin e atyre 20 deputetëve dhe vendimet e rëndësishme për shtetin të sillen nga ata 20 deputetë”.

Edi Rama

Kabineti i Edi Ramës: Nuk i kemi ftuar liderët shqiptarë të Maqedonisë për takim

Nga kabineti i kryeministrit të Shqipërisë Edi Rama për Agjencia e Lajmeve Zhurnal kategorikisht përgënjeshtrojnë lajmet që u publikuan sot se kinse kryeministri Rama ka ftuar liderët shqiptarë nga Maqedonia në takim në Tiranë.

Periskopi.com Lajme

Nga atje thonë se aspak nuk është e vërtetë që Kryeministri Rama ka ftuar liderët në fjalë dhe se lajmi është gënjeshtër.

“Jo nuk është e vërtetë që Kryeministri Rama ka ftuar liderët e partive politike shqiptare nga Maqedonia për takim në Tiranë. Lajmi nëpër mediat nuk është i vërtetë”, thonë për Zhurnal nga kabineti i kryeministrit Rama.

Ndryshe, sot nëpër disa media u publikua lajmi se Kryeministri Rama ka ftuar në takim në Tiranë liderët shqiptarë nga Maqedonia për të diskutuar rreth aktualitetit politik në Maqedoni dhe veprimet që do ti bëjnë pas zgjedhjeve të 11 dhjetorit.

 

zoran-zaev-1-1-780x439

Zaev: Gruevski nuk guxon të formojë Qeveri (Video)

Lideri i LSDM-së, Zoran Zaev, nëpërmjet konferencës për shtyp, i paralajmëroi të gjitha partitë që kanë fituar mandate, por edhe VMRO-DPMNE-në, që të mos formojnë Qeveri, pasi që sipas tij, LSDM-ja në këto zgjedhje është fitimtare.

Periskopi.com Lajme

“Kemi fituar regjim me stilograf dhe votë. Regjimi nuk guxon të formojë Qeveri. I porosisim të gjithë partitë që të mos guxojnë të formojnë qeveri/ Edhe VMRO-në e porosisim që të mos guxojë të formojë Qeveri. Ekzistojnë ndryshime në rezultatet e procesverbaleve dhe rezultateve që i ka publikuar KSHZ për të njëjtat njësi zgjedhore. Vetëm nëse korrigjohen këto numra, LSDM, ka më shumë mandate në Njësinë Zgjedhore 6, me çka mandatet do të jenë 50-50. fotografitë e fundit do ta japin rezultatet përfundimtare pas ankesave. Qytetarët janë deklaruar se nuk duan më politikanë si Nikolla Gruevski”, Deklaroi Zaev. Ai shtoi se qytetarëve të Maqedonisë në zgjedhjet e Maqedonisë, bashkë zgjodhën plan për Maqedoninë, e rrëzuan regjimin.

“Ta respektojmë shumicën të cilën votuan për jetë, demokraci dhe liri. Ata thanë se nuk duan kriminelët që të udhëheqin me shtetin”,  shtoi Zaev.

 

gruevski_putin_3

Putin përkrah Gruevskin në zgjedhjet e së dielës

Periskopi.com Lajme

Partia “Rusia e Bashkuar”, e cila është partia e Presidentit Putin ka dërguar një letër ku shpreh përkrahjen për Partinë Demokratike të Serbeve në Maqedoni e cila është anëtare e koalicionit “Për Maqedoni më të Mirë” të udhëhequr nga VMRO-DPMNE e Nikolla Gruevskit.

“Partia e serbeve të Maqedonisë e udhëhequr nga Ivan Stoilkoviq është nënshkruese e një marrëveshje bashkëpunimi ndërmjet partive politike të Ballkanit dhe partisë “Rusia e Bashkuar” dhe në kuadër të kësaj ka marrë edhe përkrahjen nga ne” ka deklaruar Ivan Zhelezni, sekretar për marrëdhënie ndërkombëtare të partisë së Putinit, i cili ka rikujtuar lidhjet e forta shpirtërore dhe kulturore ndërmjet popujve të Ballkanit dhe popullit rus.

aeroporti-ne-shkup-780x439

20% e popullatës ka emigruar nga Maqedonia

Periskopi.com Lajme

Numri i popullsisë në disa vende të Evropës Juglindore, diku më shumë e diku më pak, por pothuajse çdokund ulet si pasojë e valës masive të migrimit, e cila filloi dhe ende vazhdon tek anëtaret e reja të Bashkimit Evropian, shkruan gazeta KOHA. Në të shumtën e rasteve, arsyeja kryesore për largimin masiv veçanërisht të të rinjve, është për jetë më të mirë, gjegjësisht punësim apo gjetjen e një pune mirë të paguar. Nga ky trend nuk është përjashtuar as Maqedonia.

Statistika të ndryshme ndërkombëtare dhe organizata tregojnë të dhëna alarmuese për migrimin nga Maqedonia. Sipas Organizatës Ndërkombëtare për Migrim (IOM) në vitin 2015, rreth 516 mijë qytetarë të Maqedonisë kanë jetuar jashtë Maqedonisë, që është më shumë se 20 për qind e popullsisë gjithsej. Banka Botërore ka të dhëna për gjendjen e migrimit nga vendi duke përfshirë vitin 2013. Sipas BB-së, deri në fund të atij viti, 600 mijë qytetarë të Maqedonisë janë larguar nga Maqedonia.

Enti i statistikave evropiane – EUROSTAT ndërkohë publikoi se në periudhën nga viti 1998 deri më 2011, nga Maqedonia janë larguar rreth 230 mijë qytetarë, pjesa më e madhe të rinj. Destinaci më i preferuar i qytetarëve të Maqedonisë vazhdon të mbetet Gjermania. Sipas Dojçe Veles, vitin e kaluar 24 mijë qytetarë të Maqedonisë kanë ardhur në Gjermani, nga të cilët gjysma nuk janë kthyer. Sipas Entit Federal të Statistikave në Viesbaden – DESTATIS, në Gjermani jetojnë më shumë se 67 mijë qytetarë të Maqedonisë.

Organizata për Bashkëpunim Ekonomik dhe Zhvillim ndërkohë ka zbuluar të dhëna alarmante mbi emigracionin. /Telegrafi/

Zaev

Maqedonin Zaev e nxjerrin me plis në Ditën e Flamurit (Foto)

Një pjesë e mediave të afërta me VMRO-DPMNE sot me rastin e Ditës së 28 Nëntorit – Festës së Flamurit dhe Pavarësisë së shtetit shqiptar e kanë nxjerrë liderin e LSDM-së, Zoran Zaev me plis në kokë.

Periskopi.com Lajme

Në tekstin e shkruar dhe të shpërndarë në shumë portale theksohet se Zaev është një nga politikanët që po angazhohet për federalizimin dhe zyrtarizimin e gjuhës shqipe në Maqedoni, transmeton ina. Ndërsa në këtë shkrim thuhet se Zaev ka hapur Kutinë e Pandorës, duke i hapur një derë Shqipërisë së Madhe, apo kantonizimit të Maqedonisë.

Këtu përmendet takimi i kryetarëve të komunave shqiptare në Ballkan në Tiranë në organizim të kryetarit të Bashkisë së Tiranës Erion Veliaj.

Ibrahim Rugova

Rugova tha në vitin 1992: Shqiptarët në Maqedoni, mbi 40%

"Shqiptarët e Maqedonisë përbëjnë mbi 40 për qind të popullsisë në Maqedoni". Kështu është shprehur lideri historik i Kosovës, Ibrahim Rugova, në një intervistë dhënë për revistën gjermane “Spigel” në vitin 1992, duke shprehur haptazi dyshime ndaj shifrave zyrtare të qeverisë në Shkup.

Periskopi.com Lajme

Pritjet e Rugovës në vitin 1992 kanë qenë se në rast lufte në Kosovë edhe shqiptarët e Maqedonisë do të solidarizoheshin me popullin e Kosovës.

“Në rast lufte në Kosovë, shqiptarët e Maqedonisë me siguri do të solidarizohen me ne. Ata përbëjnë 40 për qind të popullsisë, e jo 20 për qind, siç pretendon qeveria në Shkup. Kuptohet ekziston rrezik edhe për ekspansion të huaj, sepse Bullgaria mund të ofrohet si “shpëtimtare” nëse Maqedonia destabilizohet”, ka deklaruar presidenti i ndjerë, duke u përgjigjur në pyetjen nëse Kosova pret ndonjë ndihmë në rast lufte me Serbinë.

Ndryshe në të njëjtën intervistë ish presidenti Rugova deklaroi Bashkimi me Shqipërinë është synim i yni i natyrshëm…i gjithë trojeve shqiptare:

Spiegel: Sa janë gjasat që Serbia mund të bie dakord për kërkesën e juaj për një shtet të pavarur të Kosovës?

Rugova: Alternativa jonë do të jetë për Serbinë e padëshirueshme – domethënë një pikë e nxehtë e përhershme brenda kufijve të saj. Ne do të jemi të përgatitur për shtetin neutral dhe për momentin jo për ndonjë bashkim me Shqipërinë. Megjithatë, lidhja (bashkimi) me Shqipërinë, pa dyshim, është objektivi ynë natyror.

 

 

http://shqiptarja.com/kosova/2727/rugova-n–1992-p-r-spiegel-shqiptar-t-n–maqedoni-mbi-40-387870.html

orizin-ne-kocan-sistem-i-ri-i-mbjelljes-780x439

Promovohet sistemi i ri i ujitjes së orizit në Maqedoni

Periskopi.com Lajme

Ministri i bujqësisë, pylltarisë dhe ujrave, Mihaill Cvetkov do të vizitojë sot Çeshinovën, ku do të merr pjesë në korrjen e parë të orizit, përcjell Telegrafi Maqedoni.

Çeshinova është i vetmi rajon në vend që ka të instaluar sistemin e ujitjes ‘pikë pas pike’, që për herë të parë është zbatuar në Maqedoni pikërisht nëtë vit dhe pikërisht në Çeshinovë.

Sistemi është pjesë e nismës ”Prodhim i qëndrueshëm i orizit” që zbatohet nga Projekti i USAID-it për zgjerimin e afarizmit të vogël, në bashkëpunim me Programin për mbrojtje ë natyrës (NCP) në Maqedoni, si edhe bashkëfinancuar nga Qeveria zvicerane./Telegrafi/

Ushtria ruse i afrohet kufirit të Maqedonisë

Një stërvitje ushtarake multinacionale e koduar me emrin sinjifikativ, “Vëllazëria sllave 2016”, do të mbahet nga data 3 deri më 9 nëntor në aeroportet dhe poligonet e Armatës së Serbisë (disa prej tyre afër Maqedonisë), bëjnë të ditur mediet serbe.

Periskopi.com Lajme

Sipas kumtesës së Ministrisë serbe të Mbrojtjes, që e transmetojnë mediet e Beogradit, në këtë stërvitje ushtarake do të marrin pjesë 212 pjesëtarë të Ushtrisë Ajrore-Desante të Forcave të Armatosura të Federatës së Rusisë, 56 pjesëtarë të Forcave të Armatosura të Bjellorusisë dhe 450 pjesëtarë të Ushtrisë së Serbisë.

Siç theksohet në kumtesë, qëllimi i stërvitjes është përparimi i aftësive operative për zgjidhjen e detyrave taktike dhe luftarake për zhvillimin e operacioneve antiterroriste në mjedisin multinacional.

futsal1

Kosova dy ndeshje miqësore me Maqedoninë

Më 1 dhe 2 nëntor Përfaqësuesja e Kosovës në futsall do t’i zhvillojë dy ndeshje miqësore me Përfaqësuesen e Maqedonisë.

Periskopi.com Sporti

Takimet vijnë në kuadër të përgatitjeve për kualifikimet e Kampionatit evropian 2018.

Të dy ndeshjet do të zhvillohen në Pallatin e Rinisë dhe Sportit në Prishtinë, në orën 17:00.

italia

Italia përmbysë Maqedoninë (Video)

Përfaqësuesja e Italisë ka fituar me rezultat 2-3 ndaj Maqedonisë.

Periskopi.com Sporti

Ishte një takim i vështirë për italianët, por në fund një fitore e merituar.

Goli i parë në takim erdhi nga Andrea Belotti në minutën e 24, i asistuar nga Federico Bernardeschi dhe me rezultatin 0-1 përfundoi pjesa e dytë.

Epërsia e italianëve u përmbys nga Ilija Nestorovski në minutën e 57-të dhe shqiptari Ferhan Hasani, i cili shënoi pas dy minutash

Por, në skenë doli Ciro Immobile, i cili me dy gola (75’dhe 90’) i dha fitore Italisë.

Pas kësaj fitore Italia ngjitet në vendin e dytë në Grupin G me shtatë pikë, aq sa Spanja në vendin e parë. Kurse Shqipëria zbret në vendin e tretë me gjashtë pikë, aq sa Izraeli një pozitë më poshtë.

shqiperi-maqedoni

Ja çka bënë mediat greke gjatë ndeshjes Shqipëri-Maqedoni

Periskopi.com Sporti

Sfida Shqipëri-Maqedoni është transmetuar edhe në Greqi.

Për shkak të marrëdhënieve aspak të mira me këtë vend, ndoshta kjo ndeshje ka pasur shumë urrejtje.

Televizioni grek ka bërë një veprim të rrallë gjatë transmetimit të kësaj ndeshje, përcjell “Albeu.com”.

Te logoja e rezultatit në ekran, ku shkruhej ALB-MKD, grekët kishin vendosur të errësonin emrin maqedonas, natyrisht duke vazhduar të mohojnë ekzistencën e Maqedonisë dhe emrit të saj.

alb-mkd

alioski

Alioski i uron Kuqezinjtë për fitore

Periskopi.com Sporti

Futbollisti me prejardhje shqiptare i cili shënoi mbrëmë golin Shqipërisë, Ezgjan Alioski i ka uruar shqiptarët për fitoren ndaj Maqedonisë.

“Urime Shqipërisë për fitoren. Për mua, ishte një ndeshje shumë emocionale, por jam i gëzuar për golin”, ka thënë Alioski.

“Kisha emocione për golin dhe më uruan gjithë shoqëria dhe familja. Gjithsesi, ishte një fitore e shqiptarëve dhe unë ua uroj këtë”. /Periskopi.com

gjimshiti

Gjimshiti gati për të vazhduar ndeshjen

Periskopi.com Sporti

Berat Gjimshiti është gati për të vazhduar sfidën ndërmjet Kombëtares Shqiptare dhe Maqedonisë, e cila vazhdon nga ora 14:00 për t’u zhvilluar edhe 15 minutat e fundit të takimit.

Ndeshja e mbrëmshme ishte ndërprerë për shkak të stuhisë dhe shiut të shumtë që ra në Shkodër.

Gjimshiti kishte qenë në dyshim nëse do të arrinte të rikuperohej nga një dëmtim që e pësoi mbrëmë, dhe në rast se nuk do të arrinte rikuperimin, Kuqezinjtë do të luanin me vetëm 10 lojtarë vazhdimin e ndeshjes, për shkak se mbrëmë kishin kryer të tre zëvendësimet. /Periskopi.com

kombetarja

Ja kur pritet të vazhdohet sfida Shqipëri – Maqedoni

Periskopi.com Sporti

Ndeshja kualifikuese për Botërorin 2018 e ndërprerë mbrëmë ndërmjet Kombëtares Shqiptare dhe Maqedonisë pritet të vazhdojë sot me fillim nga ora 14:00, në të njëjtin stadium, pra në Loro Boriçi të Shkodrës.

Ndeshja u ndërpre për shkak të të reshurave të mëdha të shiut dhe erërave të forta, të cilat detyruan lojtarët të largohen nga fusha dhe shikuesit nga tribunat e stadiumit.

Në momentin kur ndeshja u ndërpre rezultati ishte 1:1. /Periskopi.com

basha

Ndaj Maqedonisë jo lehtë, por duam fitore

Periskopi.com Sporti

Mesfushori i Kombëtares Shqiptare, Migjen Basha beson se ndeshja ndaj Maqedonisë në kuadër të kualifikimeve për Botërorin 2018 nuk do të jetë aspak e lehtë.

Por, ai shton se skuadra e tij nuk do të jetë e kënaqur me barazim, por do të kërkojnë fitoren.

“Sot fillojmë të shohim kundërshtarin, e njohim dhe e dimë që është i vështirë dhe nuk do të jetë e lehtë. Nëse mendojmë se Maqedonia është kundërshtar i lehtë dhe duhet mundur atëhere gabojmë rëndë. Nëse futemi në fushë me Maqedoninë për barazim atëherë jemi të humbur”, deklaroi Basha.

Sfida ndërmjet Kombëtares Shqiptare dhe Maqedonisë zhvillohet të hënën me fillim nga ora 20:45. /Periskopi.com

kombetarja

Formacioni i mundshëm i Shqipërisë ndaj Maqedonisë

Periskopi.com Sporti

Kombëtarja Shqiptare pret në shtëpi Përfaqësuesen e Maqedonisë në sfidën e parë kualifikuese për Kampionatin Botëror ‘Russia 2018’.

Panorama Sport ka publikuar një skemë, e cila thuhet të jetë përzgjedhur nga trajneri i ‘Kuqezinjve’, Gianni De Biasi.

formacioni i Shqiperise /Periskopi.com