Përfundoi takimi mes Ahmetit dhe Zaevit

Pas vizitës së djeshme të kryetarit të BDI-së, Ali Ahmeti me Nikolla Gruevskin, sot ai u takua edhe me kryetarin e LSDM-së, Zoran Zaev.

Periskopi.com Lajme

Këtë takim e kanë konfirmuar të dy partitë përmes komunikatave të tyre drejtuar Telegrafit në Maqedoni.

Në komunikatat e të dy partive nuk thuhet se është biseduar për formimin e Qeverisë së re.

“Ky është takimi i parë në nivel liderësh midis krytarit të BDI-së, Ahmeti dhe liderit të LSDM-së, Zoran Zaev pas zgjedhjeve të parakohshme parlamentare të mbajtura më 11 dhjetor 2016. Në takim, në parim u diskutua për qëndrimet respektive që palëve i kanë prezantuar në këtë periudhë, pa hyrë në detaje ose biseda për çështje të veçanta konkrete. Në periudhën në vijim është e pritshme që takime të tilla të ketë midis dy palëve dhe opinioni do të njoftohet me kohë”, thuhet në komunikatën e BDI-së.

ali-ahmeti-hashim-thaqi-foto-xhemail-sllovinja-10

Ali Ahmeti: Nuk heqim dorë nga gjuha shqipe

Kryetari i BDI-së, Ali Ahmeti edhe një herë sot ka konfirmuar se nuk do të heq dorë nga kërkesa për zyrtarizmin e plotë të gjuhës shqipe në gjithë territorin e vendit.

Periskopi.com Lajme

Gjatë takimit që ka zhvilluar sot në Shkup me Ambasadoren e Gjermanisë në Maqedoni, Kristinë Althauser, Ahmeti ka thënë se BDI nuk është e interesuar që të hyjë në qeveri me çdo kusht  dhe nuk ka përjashtuar mundësinë e mbetjes në opozitë nëse nuk pranohen kërkesat e tij.

Ahmeti foli edhe për bazën e gjerë të konsultimeve që po zhvillon, jo vetëm në parti, vend e rajon, por edhe në qendrat kryesore të vendosjes mbi situatën në të cilën gjendet vendi përballë nevojës për formim të qeverisë, por edhe përballë zhvillimeve gjeopolitike, shkruan Alsat M.

Me këtë rast Ahmeti theksoi nevojën e përkrahjes gjermane për integrim euroatlantik dhe për zhvillim të reformave në vend duke theksuar që gjuha shqipe, reformat sistemore dhe integrimi në NATO dhe BE mbeten prioritete absolute dhe të panegociueshme për BDI-në.

shqiptaret ne Maqedoni

Shqiptarët kërcënojnë maqedonët: Gjuha shqipe të bëhet zyrtare, ose themelojmë parlamentin tonë

Ziadin Sela, kryetar i Aleancës Shqiptare, tha sonte se nëse maqedonasit nuk pranojnë ta votojnë ligjin që gjuha shqipe të jetë gjuhë zyrtare në Maqedoni, atëherë shqiptarët kanë zgjidhje tjetër.

Periskopi.com Lajme

“Ne do të largohemi nga ai parlament dhe do ta bëjmë parlamentin e shqiptarëve e më pas vet do ta zyrtarizojmë gjuhën shqipe aty ku janë shqiptarët”, tha Sela në rtv21 të Maqedonisë, transmeton lajmi.net.

Ai shtoi se nga ky parlament do të dalë më pas edhe qeveria dhe organet tjera.

Sipas tij, shqiptarët më nuk do të pranojnë mashtrim nga partitë maqedonase dhe se është momenti i fundit kur shqiptarët duhet ti realizojnë të drejtat e tyre si popull i barabartë.

Sela po ashtu ka thënë se pa u votuar ligji për gjuhën shqipe, blloku i partive shqiptare nuk e voton qeverinë e re të Maqedonisë.

“Fillimisht duhet të votohet ligji për gjuhën shqipe, e më pas ne e mbështesim atë subjekt politik që i realizon brenda 100 ditësh premtimet tjera. S’ka rëndësi cila parti maqedonase është ajo, por cilado që është duhet t’i mbajë premtimet”, ka thënë Sela.

15723701_10154331119481523_5107548003369107935_o

Ndodh edhe kjo-Bashkohen liderët shqiptarë në Maqedoni, nesër dalin me një deklaratë

Ka gjithmonë një herë të parë. Dhe të shtunën në Shkup, për herë të parë të gjitha formacionet politike shqiptare do të dalin me një deklaratë të përbashkët, ku do të radhisin kërkesat e tyre.

Periskopi.com Lajme

Shpesh të kritikuar për mungesën e një kori të njëjtë sa herë ka zgjedhje në Maqedoni, dy partitë kryesore shqiptare BDI dhe PDSH asnjëherë nuk mundën të kapërcenin ndasitë dhe mëritë personale të lidershipit për t’u bashkuar në një koalicion.

Por duket se nga e shtuna kjo do të ndryshojë. Top Channel ka mësuar nga burime të larta diplomatike dhe politike shqiptare se të shtunën në Shkup tre partitë kryesore, BDI, Besa dhe Aleanca për Shqiptarët do të deklarojnë frontin e tyre unik politik dhe kërkesat e përbashkëta si kusht për bërjen e qeverisë së ardhshme maqedonase.

Nga zgjedhjet e dhjetorit, shqiptarët humbën 9 deputetë nga kandidimi veç e veç. Shumë shqiptarë votuan LSDM-në e qendrës së majtë drejtuar nga Zoran Zaev, e cila kandidoi edhe me dy deputetë shqiptarë.

Por nga zgjedhjet rezultoi thuajse vdekja politike e Partisë Demokratike Shqiptare, prej së cilës vetëm ish-kryetari Menduh Thaçi siguroi vendin e deputetit. Si dhe lindën dy parti të tjera, Besa, e cila nxori 5 deputetë dhe Aleanca për Shqiptarët e Zijadin Selës, ish-kryetari i Bashkisë së Strugës, njeriu përgjegjës për përçarjen e PDSH.

Në ditët e para pas zgjedhjeve u duk se bashkimi i shqiptarëve ishte sërish i pamundur, pasi dy parti, BDI dhe Besa thuajse përjashtonin çdo mundësi kontakti me njëra-tjetrën.

Por përfshirja e Tiranës zyrtare ka qenë thuajse intensive dhe e paprecedentë. Kryeministri Rama dhe ministri i Jashtëm Bushati u përfshinë personalisht, publikisht dhe prapa kuintave për bashkimin e këtyre elementëve thuajse përjashtues politikë ndaj njëri-tjetrit.

Pas një turi në Tiranë, por edhe në Prishtinë, duket se u arrit e pamendueshmja. Shqiptarët e Maqedonisë të shtunën dalin me deklaratën e përbashkët, ku do të parashtrojnë kushtet për çdo kabinet të mundshëm qeveritar në Shkup.

I pari mandat krijues është Gruevski, por 51 deputetët e tij janë larg shifrës 61 që kërkon Kushtetuta. 10 deputetët e BDI-së do të ishin mjaft, por ndërhyrja e qeverisë së majtë të Tiranës, e cila nuk e ka fshehur afërsinë me të majtin e Zaev, duket se e ka bërë të pamundur një kalkulim të Gruevskit për një aleancë vetëm më partinë e Ali Ahmetit.

Tashmë Gruevski por edhe Zaev duhet të bëjnë llogaritë me grupin e bashkuar të 18 deputetëve shqiptarë. I vetmi që nuk ka konfirmuar as pjesëmarrjen, por akoma as mandatin e tij, është Menduh Thaçi. Por tashmë, kjo nuk ka asnjë rëndësi.

xhemal-ahmeti

Publicisti nga Zvicra shpreh respektin për shqiptarët në Maqedoni

Publicisti Xhemal Ahmeti shpreh respekt për shqiptarët në Maqedoni që mbetën pa u korruptuar dhe mbajtën dinjitetin dhe integritetin.

Periskopi.com Lajme

Ai thotë se mes shqiptarësh në Maqedoni ka pasur njerëz që kanë synuar tjetërsimin e identitetit të tyre nacional në turk e arabë.

Shkrimi i tij i plotë:

RESPEKT PËR NJERËZIT E MAQEDONISË SHQIPTARE

Respekt për shqiptarët e mi të Pollogut që mbetën fisnik. Organizata famëkeqe “Besa” operoi me 45 milionë dollarë, 11 shoqata, asistencën e Mijalkovit dhe Ivanovit, blejti pjesë të RDK-së, korruptoi pjesë të PDSH-së, 10 media, portale e TV , asistencën e Turqisë dhe dy vendeve arabe, shpërndau me të madhe para dhe kupona për mallra turk dhe megjithatë vetëm dy tri deputetë i mori në lagjet e Shkupit dhe në Studeniçan. Kjo flet për një reziliencë të fortë, dinjitet dhe integritet të njeriut atje. Baza meriton respekt dhe përulje. Le të punojë fati për ta që më në fund edhe politikanë të ndershëm t’iu dhurojë. Prej këtyre falangave që kanë për synim tjetërsimin e identitetit të tyre nacional në turk e arabë skan pse frikohen më se tashmë dolën një vagon dokumente që dëshmojnë veprimtarinë e tyre përmasash aq kriminele sa që ska ligj vendi që donë në BE t’i tolerojë.

Kuvendi ne Maqedoni

Konstituohet parlamenti i ri i Maqedonisë, asnjë fjalë shqipe s’përmendet!

Me 115 vota për u miratua raporti i Komisionit kuvendor për verifikimin e mandateve të deputetëve dhe me këtë Parlamenti i Maqedonisë fitoi përbërjen e re Parlamentare.

Periskopi.com Lajme

Deputeti Lëvizjes Besa, Zeqirja Ibrahimi ka reaguar për arsye se raporti i Komisionit kuvendor për verifikimin e mandateve të deputetëve ishte vetëm në gjuhën maqedonase.

“Më vjen keq që ky raport është në gjuhën maqedonase ndërsa BDI-ja deri dje thoshte se gjuha shqipe është zyrtare. Gjithashtu shpreh shqetësim që në këtë përbërje të Kuvendit është një deputeti i cili është i dënuar nga Gjykata Ndërkombëtare për Krime Lufte dhe pres që mos të verifikohet mandati i tij”, tha Ibrahimi.

Megjithatë, kryetari i parlamentit, Trajko Veljanoivski tha se Kuvendi “vendos sipas normave dhe jo sipas qejfeve të dikujt.”

Replikë ndaj Ibrahimit ka pasur edhe deputeti VMRO-së, Ilija Dimovski i cili tha se “nuk është momenti për fushatë zgjedhore sepse ajo ka mbaruar”, tha Dimovski, njofton Portalb.mk.

Edi Rama

Përplasje Rama-Thaçi- Ahmeti

Edi Rama ka tentuar të përdorë krizën politike në Maqedoni për tu faktorizuar si një politikan me peshë në rajon, por ka dështuar duke futur në ngërç edhe marrëdhëniet e Tiranës me faktorin shqiptar në Maqedoni.

Periskopi.com Lajme

Edi Rama ka hartuar një draft prej disa pikash që duhej ta firmosnin liderët politik shqiptarë në Shkup.

SYRI.net e disponon këtë draft të kryeministrit Rama.

Ahmeti nuk ka pranuar ta firmosë. Menduh Thaçi ka refuzuar ftesën.

Duket se vetëm kreu i “Besa” i është përgjigjur “liderit” të rajonit Rama.

shkolla-599x330

Drejtori maqedonas dënon gjithë profesorët shqiptarë në një shkollë të Tetovës (Dokument)

Në shkollën e mesme profesionale “Mosha Pijade” në Tetovë, dje drejtori Maqedonas, Aleksandër Baçevski ka dënuar gjithë mësimdhënësit shqiptarë në këtë shkollë për gjoja iventar të dëmtuar nga ana e nxënësve, ndërsa inspektorati shtetëror arsimor hesht sikurse të mos ketë ndodhur asgjë.

Periskopi.com Lajme

Po ashtu vendimet janë shkruar vetëm në gjuhën maqedonase duke mos respektuar ligjin për gjuhën shqipe si dhe duke injoruar përbërjen shumicë të shqiptarëve në këtë shkollë. Nëse vërehen mirë listat e publikuara nga ana e Baçevskit shihet qartë se aty nuk fguron asnjë mësimdhënës maqedonas.

Ndryshe, Baçevski erdhi si drejtor pas Sherif Abdurahmanit si pasoj e marëveshjes mes BDI dhe VMRO-së për konstituimin e këshillit komunal të Tetovës, ku Abdurahmani kaloi në postin e zv.drejtorit. Nga ky dënim duket qartë që ndihmësit e Baçevskit janë vetëm numër dhe të pafuqishëm për ti mbrojtur mësimdhënësit shqiptar.

“Nëse Baçevski nuk e tërheq këtë vendim të pabazuar atëher mësimdhënësit do ta bojkotojn mësimin deri në dorheqen e tij”, thotë një mësimdhënës në kushte anonimiteti për Lajm.
Dënimi i Baçevskit vjen dy ditë para zgjedhjeve në Tarcë. A është kjo një nga format që VMRO po përdor për presion mbi shqiptarët që të mos votojnë sërish opozitën maqedonase.

zorani

Pas Menduh Thaçit, jep dorëheqje edhe Zoran Zaev

Në seancën e sotme të Këshillit të Komunës së Strumicës u është drejtuar lideri i LSDM-së dhe kryetari aktual i komunës, Zoran Zaev, njofton Telegrafi Maqedoni.

Periskopi.com Lajme

Para këshilltarëve, ai tha se për shkak të largimit në një funksion tjetër, emëron pasardhësin e tij nga radhët e këshilltarëve, mandati i të cilit do të zgjasë deri në zgjedhjet e ardhshme lokale që pritet të jenë në fillim të muajit maj të vitit të ardhshëm.

Për zëvendës është emëruar këshilltari Kosta Kostadinov, kryetari i klubit lokal të LSDM-së në Strumicë.

Menduh Thaçi jep dorëheqje nga PDSH

menduh-thaci

Menduh Thaçi jep dorëheqje nga PDSH

Menduh Thaçi tashmë ka dhënë dorëheqje, ai nuk do të jetë kryetari i Partisë Demokratike Shqiptare, raporton Periskopi.

Periskopi.com Lajme

Thaçi njofton se dorëheqja është e parevokueshme, e nuk do të jetë më as në Këshillin Drejtues të PDSH-së.

“Partinë Demokratike Shqiptare do t’a drejtojë në mënyrë kolektive Këshilli Drejtues deri në Kongresin e jashtëzakonshëm, data e mbajtjes e të cilit do të caktohet nga Kuvendi Qendrorë i Partisë. Koordinatorë i aktiviteteve u emërua Sekretari i Përgjithshëm z. Azem Sadiku, ndërsa unë mbetem ushtarë i bindur i Partisë Demokratike Shqiptare”, thotë Thaçi. / Periskopi

Rezultati zgjedhor në Maqedoni, në duart e 700 votuesve të Tetovës

Pas vendimit të Gjykatës Administrative për të pranuar një ankesë të Lidhjes Social-demokrate, Komisioni Shtetëror i Zgjedhjeve ka shpallur rivotimin në një vendvotim në komunën e Tearcës, në rajonin e Tetovës.

Periskopi.com Uncategorized

Në fakt, KSHZ-ja kishte refuzuar ankesën e opozitës, por ishte Gjykata Administrative që anuloi vendimin e KSHZ-së dhe pranoi ankesën e LSDM-së për rivotim në këtë vendvotim, që mund të ndikojë në rezultatin zgjedhor, përkatësisht në mandate, që aktualisht janë 51 me 49 në favor të VMRO-DPMNE-së.

E pakënaqur me vendimin e Gjykatës, VMRO-ja, që drejtohet nga ish kryeministri, Nikolla Gruevski, ka bërë të ditur se nuk do të merr pjesë në rivotim, për shkak të, siç u shpreh, tendencës për vjedhjen e fitores së saj në zgjedhjet e 11 dhjetorit.

“LSDM-ja dhe urdhër dhënësit e tyre, në mënyrë të turpshme, po tentojnë që t’i vjedhin VMRO-së fitoren e pastër. Vendimi i gjykatës është antiligjor dhe i udhëhequr nga motive politike, pasi nuk ka asnjë bazë ligjore për rivotim. Në këtë rast , kemi të bëjmë me një skenar të qartë për vjedhjen e fitores tonë në zgjedhje”, ka deklaruar nënkryetari i VMRO-së, Nikolla Todorov, duke përsëritur qëndrimin partiak për mosmarrjen pjesë në rivotim dhe mosnjohjen e rezultatit zgjedhor.

Në vendvotimin në Tearcë ka rreth 700 votues dhe në rast të fitore së LSDM-së, me një dallim prej të paktën 300 vota, atëherë kjo parti do të këtë një deputet më shumë dhe numri i përgjithshëm i mandateve mes saj dhe VMRO-së do të jetë i barabartë, apo çdonjëra nga 50 deputetë.

VMRO-ja, nga ana tjetër, nuk ka sqaruar se kush po tenton t’i vjedhë asaj fitoren dhe kush janë urdhër dhënësit e LSDM-së, siç ka deklaruar Todorov, në paraqitjen para mediave lidhur me vendimin e Gjykatës Administrative.

Nga kjo parti, që nga mbajtja e zgjedhjeve më 11 dhjetor dhe shqyrtimi i ankesave nga ana e KSHZ-së, kanë dalë me akuza të shumta në adresë të diplomatëve perëndimorë, duke i akuzuar për përpjekje për t’i mohuar fitoren, ndërsa zyrtarët e saj kanë përdorur edhe një retorikë të ashpër nacionaliste në adresë të shqiptarëve. Disa nga protestuesit, zyrtarë të lartë të VMRO-DPMNE-së, i janë bashkangjitur turmës që brohoriste “Shqiptarët e mallkuar” dhe “Bejlli, larg duart nga Maqedonia”.

“Nuk është e lehtë t’i thuash ambasadorëve rrini anash dhe kjo të jetë e realizueshme. Edhe vet Gruevski është i vetëdijshëm për këtë, kur dihet fakti se pikërisht këta diplomatë këto dy vitet e fundit ishin të përfshirë aktivisht në rrjedhat politike në vend, për të ndihmuar nxjerrjen e Maqedonisë nga kriza e thellë politike. Politika e Gruevskit është mposhtu më, qoftë me 51 deputetë – nëse do të mbetet – apo edhe me 50. Ai më nuk e ka situatën nën kontroll”, thotë Nikolla Dujoski, njohës i çështjeve politike dhe profesor në Universitetin e Shkupit.

Retorika e tillë e zyrtarëve të VMRO-së, sipas ekspertëve, ka larguar si asnjëherë më parë kët parti nga shqiptarët, duke nxitur tensione të reja.

“Definitivisht duhet të qartësohet se në asnjë mënyrë, edhe sikur pas rezultateve përfundimtare parti fituese është VMRO-DPME-ja, partitë shqiptare nuk duhet t’i mundësojnë atij formimin e qeverisë, sepse në një situatë të tillë do të vazhdonte kriza politike, e cila mund të thellohet edhe më shumë”, thotë Ismet Ramadani, analist dhe drejtues i Këshillit Euroatlantik të Maqedonisë.

Pas rivotimit të së dielës në Tearcë, KSHZ-ja pritet të certifikojë rezultatin zgjedhor. Pastaj pritet konstituimi i përbërjes së re parlamentare dhe nisja e afateve për formimin e qeverisë së re. Në bazë të Kushtetutës, mandati do t’i jepet partisë më të madhe fituese, por në rast se rezultati del i barabartë, atëherë vendi do të përfshihet në paqartësi të reja politike, pa përjashtuar mundësinë edhe të zgjedhjeve të reja.

fushata-parazgjedhore-n-euml-maqedoni-do-t-euml-sjell-euml-retorika-t-euml-ashp-euml-ra_hd-780x439

Maqedonia para tensioneve të reja?

Gjykata Administrative vendosi që të ketë rivotim në një vendvotim në Tearcë, VMRO-DPMNE do ta bojkotojë rivotimin, ndërkaq Stejt Departmenti amerikan ka dënuar retorikën e disa liderëve.

Periskopi.com Lajme

Për momentin askush nuk mund të paragjykojë se çfarë procese mund të prodhojë bojkotimi i rivotimit, shkruan DW në gjuhën maqedonase, transmeton Portalb.

“Jemi të shqetësuar për shkak të zmadhimit të tensioneve politike në Maqedoni pas zgjedhjeve të 11 dhjetorit dhe e dënojmë retorikën nxitëse nga disa liderë partiak, e cila jep leje për sulme të institucioneve demokratike dhe të ambasadorëve të akredituar në Maqedoni”, deklaroi zëdhënësi i Stejt Departamentit Amerikan, Xhon Kirbi.

Ai theksoi se liderët partiak duhet të fokusohen në formimin e qeverisë së re dhe kthimin e vendit në rrugën euro-atlantike.

“U bëjmë thirrje liderëve që të ndalojmë me sulme të pabaza, ta respektojnë procesin demokratik dhe të lejojnë formimin e qeverisë së besueshme dhe stabile të drejtës, përgjegjësisë dhe të drejtave  themelore. SHBA është e gatshme që ta ndihmojnë qeverinë e tillë që t’i zbatojë qëllimet afatgjate të Maqedonisë për integrimin euro-atlantik”, tha Kirbi.

Kjo deklaratë vjen pas retorikës së Nikolla Gruevskit, lider i VMRO-DPMNE-së, ku i fajëson disa ambasadorë se po përzien në punët e brendshme të Maqedonisë.

VMRO-DPMNE nuk pranon vendimin e Gjykatës Administrative për të rivotuar në Tearcë.

“Kjo është pjesë e skenarit për ta falsifikuar vullnetin e qytetarëve në zgjedhje nga shumica prej 455 mijë qytetarë, të cilët votuan për VMRO-DPMNE dhe “Koalicionin për Maqedoni më të mirë”, theksoi Nikolla Todorov nga VMRO-DPMNE.

LSDM me anë të një kumtese kujton se 600 mijë qytetarë janë shprehur se në politikë nuk ka vend për figura si Nikolla Gruevski.

“Këtë e di edhe Gruevski. VMRO-DPMNE shkon në opozitë”, thuhet mes tjerash në qëndrimin e partisë.

gripi

20 mijë qytetarë të Maqedonisë të prekur nga gripi

Gripi sezonal thuajse ka prekur në çdo shtëpi duke shtrirë në krevat ata që deri tani kanë qenë të dobët me imunitet.

Periskopi.com Lajme

Instituti për Shëndet Publik në Maqedoni ka publikuar informacione të frikshme për mbi 20 mijë persona të prekur nga gripi sezonal, shkruan Telegrafi Maqedoni

Bëhet fjalë për periudhë një javore ku janë prekur më shumë se 20 mijë qytetarë.

Gripi tanimë mendohet se quhet A H3N3.

Ky lloj gripi manifestohet me të kollitura, me temperaturë të brendshme trupore dhe me dridhje të gjymtyrëve.

Mjekët apelojnë që të prekurit të veprojnë në fazën fillestare duke u kontrolluar nga mjekët amë dhe të marrin masa, me vaksinim.

Tension para selisë së Komisionit për Zgjedhje, forca të shumta policore në Shkup (Video)

Jashtë selisë së KSHZ për momentin është e tensionuar nga shkaku se disa dhjetëra militantë të VMRO-DPMNE janë duke brohoritur “Hajdutë, hajdutë”, “Maqedonia, Maqedonia”, “VMRO VMRO”.

Periskopi.com Lajme

Para KSHZ-së shihen edhe forca të shumta policore.

Ata paralajmërojnë se nëse u merret fitorja zgjedhore e partisë së tyre, populli do të tregojë zemërimin në një mënyrë ndryshe.

Komisioni Shtetëror i Zgjedhjeve deri tani hedhur poshtë shtatë ankesat e BESËS, dhe për një ankesë vendosi të kërkojë ekspertizë.

Protesta filloi menjëherë pas vendimit, por edhe në rrjedhën e diskutimit për tetë ankesat e LSDM-së. Deri tani janë hedhur poshtë dy ankesa të LSDM-së./TetovaSot/

Kur Gruevski “vishet” me kostum shqiptar

Ish-kryeministri maqedonas, Nikola Gruevski ka rënë pre e talljeve të një prej revistave më të mëdha në Maqedoni.

Periskopi.com Lajme

Revista “Fokus” në Maqedoni e ka hapur numrin e kësaj here me një fotografi të madhe të Gruevskit, i cili kërcen valle, i veshur me kostum popullor shqiptar, shkruan “Zhurnal”.

Mesazhi i fotos së madhe të Gruevskit është se nëse ai do të bëhet sërish kryeministër i Maqedonisë, duhet të bëjë koalicion me një parti politike shqiptare dhe se pikërisht shqiptarët “do ta kapin prej hundësh”.

fushata-parazgjedhore-n-euml-maqedoni-do-t-euml-sjell-euml-retorika-t-euml-ashp-euml-ra_hd-780x439

Shqiptarët, rol përcaktues në Qeverinë e re të Maqedonisë

Shqiptarët do të kenë rol përcaktues në formimin e Qeverisë së ardhshme të Maqedonisë dhe vendosjen e politikave të qeverisjes në mandatin 2016-2020.

Periskopi.com Lajme

Meqë asnjëra prej dy partive maqedonase nuk i ka numrat, bashkëpunimi me partitë shqiptare është i domosdoshëm për të arritur deri te një koalicion i qëndrueshëm.

Por, sipas njohësve të rrethanave në Maqedoni, edhe pse shqiptarët kanë një mundësi të “artë”, kjo situatë rrezikon të mos zgjasë shumë kohë, shkruan sot Koha Ditore.

Kryetari i VMRO-DMPNE-së, Nikola Gruevski, ka shpallur fitoren e zgjedhjeve të parakohshme si dhe ka paralajmëruar fillimin e bisedimeve për formimin e Qeverisë së re. Fitore ka shpallur edhe lideri i LSDM-së, Zoran Zaev. Mirëpo, sipas rezultateve preliminare të Komisionit Shtetëror Zgjedhor, të dyja partitë kanë arritur të sigurojnë nga 51 deputetë. Me këtë matematikë, partitë shqiptare do të kenë rol përcaktues në krijimin e Qeverisë maqedonase.

Arianit Xhaferi, aktivist i shoqërisë civile në Maqedoni, ka thënë se nga reagimet dhe analizat e orëve të fundit, duket se partitë shqiptare kanë mundësinë e artë për të qenë faktorë vendimtarë në formimin e Qeverisë së ardhshme, pse jo dhe politikave të qeverisjes në mandatin 2016 – 2020.

SHkup

Zgjedhjet e të dielës në Maqedoni/ Ambasada Amerikane në Shkup paralajmëron trazira

Nuk kanë qenë të pakta lajmet që kanë paralajmëruar se në ditën e zgjedhjeve të përgjithshëm në Maqedoni që mbahen këtë të diele, pritet të ketë trazira të forta.

Periskopi.com Lajme

Edhe ambasada amerikane në këtë vend, i ka paralajmëruar sot qytetarët e saj, që të tregohen të kujdesshëm më 11 Dhjetor, pasi trazirat janë të mundshme.

“Në Maqedoni më 11 dhjetor do të mbahen zgjedhjet parlamentare. Derisa zgjedhjet e kaluara në Maqedoni kanë qenë të qeta, në këto zgjedhje janë të mundshme trazira të lidhura me zgjedhjet. Ambasada amerikane i bën thirrje të gjithë shtetasve amerikan të jenë të vetëdijshëm për ngjarjet lidhur me zgjedhjet e 11 dhjetorit dhe të shmangin tubimet te mëdha, protestat dhe mbledhi të tjera. Shtetasit amerikan duhet të ndjekin këshillat e funksionarëve lokal që janë përgjegjës për sigurinë e të gjithë vizitorëve në Maqedoni”, thuhet në njoftimin e ambasadës amerikane të publikuar në faqen e internetit./ Syri

prespe-3

Ahmeti në Prespë: BDI, gardiani i vetëm i çështjes shqiptare

Karvani i Bashkimit Demokratik për Integrim sonte zbarkoi dhe në Prespë. Kryetari z.Ali Ahmeti para prespanëve prezantoi pesë përbetimet e BDI-së për zgjedhjet e 11 dhjetorit. Në fjalimin e tij para qytetarëve të pranishëm, Ahmeti tha se BDI do të vazhdojë të jetë gardiani i vetëm i çështjes shqiptare në Maqedoni.

Periskopi.com Lajme

Ahmeti porositi hapur prespanët që mos të lejojnë që të ndahen, pasi nga copëtimi i votës tonë dobësohet pozita e shqiptarëve, kurse fitojnë partitë e mëdha maqedonase.

“Vëretet më brengos themelimi i shumë partive politike, pasi copëtimi i votave do na dobësojë, jo që do fitojnë, por do të turpërohen. Çështjen do e dëmtojnë, 4-5 mandate do na ikin, për të marrë 1 depuett të duhen 10 mijë vota, e ato nuk grumbullohen aq lehtë, prandaj nga do që shkoni e flisni, thuani se ne nuk kemi nevojë për ndarje e copëtim, shqiptarët në Maqedoni nuk kanë nevojë për më shumë se tre parti. Nga bashkimi asgjë e keqe nuk vjen, nga bashkimi vetëm të mira kemi”, deklaroi kryetari i BDI-s dhe bartësi i listës zgjedhore në njësinë zgjedhore numër 6, z.Ali Ahmeti.

Lideri i BDI-së rikujtoi partitë e vogla shqiptare, se përveç fyerjeve dhe urrejtjes që mbjellin në popull, asgjë tjetër nuk do të mund të arrijnë. Ndërkohë tha se partitë politike maqedonase nuk kanë pse të kërkojnë votën shqiptare, pasi përfaqësues legjitim i shqiptarëve mund të jenë vetëm partitë shqiptare.

“Çdo të bëjë BDI pas 11 dhjetorit? Në radhët të parë BDI punon të sigurojë një fitore të fuqishme tek shqiptarët. Ka zëra që thonë se shqiptarët do të votojnë për LSDM-në, por u rikujtoj se përfaqësues legjitim të shqiptarëve janë ekskluzivisht vetëm përfaqësuesit politik shqiptar, se po të ishte ndryshe në Maqedoni nuk do të kishte luftë, e nuk do të vriteshin shqiptar për flamur e arsim. Ne nuk mund të imponojmë se kush do të fitojë tek pala maqedonase,pasi ata vendosin vet, a do të jetë LSDM apo VMRO-DPMNE, ne do të respektojmë vullnetin e shumicësmaqedonase, ashtu siç është parim, që edhe ata të respektojë të njëjtën. Unë i shoh dhe të tjerët, i shoh të gjithë ata kryetar të partive të reja, të vogla, nuk kanë kapacitet, dhe fundja me axhami nuk zgjidhen problemet që na presin pas 12 dhjetorit”,u shpreh Ahmeti.

prespe-2

auto_maqedoni-650x3581480318013

‘Vdekje për shqiptarët’ në Ditën e Flamurit në Maqedoni (Foto)

Nuk ka kaluar një javë nga shkatërrimi i Shtëpisë së Alfabetit Shqiptar, në Manastir janë hedhur të tjera pllakate me mbishkrime “Vdekje për shqiptarët” dhe “Stop shqiptarizimit të Maqedonisë”, raporton Lajm.

Periskopi.com Lajme

 

Kësaj radhe mbishkrimet janë vendosur te Drejtoria e parkut nacional “Pelisteri”. Pllakatet e vendosura janë të njëjta me ato që u vendosën më 22 nëntor te Shtëpia e Alfabetit, në përvjetorin e mbajtjes së Kongresit të Manastirit, kur edhe u shkatërrua Shtëpia Muze.

Provokime të tilla ndodhin vazhdimisht në prag të zgjedhjeve te Muzeu i Alfabetit. Për shkak se autorët nuk zbulohen asnjëherë nga policia, shumë analistë supozojnë se pas këtyre dëmtimeve qëndrojnë partitë në pushtet, të cilat mënyrën më të lehtë e për të fituar zgjedhjet e kanë nxitjen e urrejtjes ndëretnike.

Për këtë arsye, analistët apelojnë që shqiptarët të votojnë kundër partisë në pushtet, sepse vetëm në atë mënyrë mund të ndalen këto lloj provokime.

sulme6

Aleanca për Shqiptarët: BDI inskenon sulmet, për të akuzuar të tjerët!

Aleanca për Shqiptarët ka reaguar lidhur me thyerjen e shtabit të BDI -së në Sllupçan të komunës së Likovës.

Periskopi.com Lajme

Ku sipas tyre ky incident është i inskenuar me qëllim për të njollosur subjektet tjera politike.

Aleanca për Shqipëtarët vlerëson se BDI shpeshherë i ka përdorur këto truke edhe në zgjedhjet e kaluara, me të vetmin qëllim, për të përfituar politikisht.

“Aleanca për Shqiptarëtdistancohet nga të gjitha tendencat e qëllimshme dhe të paqëllimshme që kanë të bëjnë me incidente të fushatës dhe thyerje të shtabeve zgjedhore.

Njëkohësisht i bën thirrje anëtarësisë dhe mbështetësve partiak që mos bien pre e këtyre provokimeve dhe të jenë të kujdesshëm gjatë gjithë këtij procesi zgjedhor, duke kontribuar për një proces zgjedhor demokratik si dhe duke promovuar vlerat qytetare dhe demokratike të Aleancës për një fushatë të qetë, pa tension dhe pa luftë psikologjike”, theksohet në reagim, duke kërkuar nga BDI që të tërhiqet nga këto manipulime dhe tentime parazgjedhore. “Edhe sikur vërtetë dikush të ju gjuaj me gurrë dhe të Ju thotë se jeni të padëshiruar në vendbanimet tuaja, ajo nuk është faji i Aleancës për shqiptarët”, nënvizohet në reagim./albeu.com/