Lekaj thotë se për demarkacionin me Malin e Zi duhet negocim nga Qeveria e re

Grupi Parlamentar i AAK-së, përmes një reagimi dërguar mediave, Komisionin qeveritar për matjen e territorit të vendit e ka quajtur pa kredibilitet dhe pa legjitimitet.

Periskopi.com Lajme

Në këtë reagim, shefi i GP i AAK-së, Pal Lekaj, thotë se ky komision, i formuar nga Qeveria e Kosovës, është i përbërë nga ata të cilët e kanë mbrojtur versionin aktual të demarkacionit, ndërsa thotë se opozita dhe qytetarët s’mund t’i besojnë “Hivzi Islamit dhe Tomor Qelës të cilët hapur e kanë mbrojtur versionin aktual të demarkacionit”.

“Prandaj, vlerësoj se ky komision është vetëm mbulesë për Qeverinë e koalicionit për t’i shantazhuar deputetët e Kuvendit për ta votuar demarkacionin”, thotë Lekaj, raporton Koha.net.

Zyrtari i AAK-së thotë se partitë opozitare dhe kryetarët e Komunave të Deçanit dhe Junikut kanë refuzuar të jenë, siç thotë ai, “pjesë e këtij cirku” pasi “nuk mund të jemi pjesë e një komisioni, i cili do të matë territorin e vendit për sa kohë qe kufijtë e vendit mbesin të padefinuar”.

“Se nuk mund të matet territori i vendit pa u definuar kufijtë e kanë thënë edhe ekspertët e gjeodezisë, madje edhe deputetë të koalicionit”, thekson më tej Lekaj.

Grupi Parlamentar i Aleancës për Ardhmërinë e Kosovës do të vazhdojë, bashkë me partitë opozitare, që të kundërshtojnë këtë marrëveshje “e cila i humbet vendit mbi 8 mijë hektarë”.

Shefi i GP të AAK-së i ka bërë thirrje Qeverisë që të ndalë përpjekjet e tyre për të kaluar këtë marrëveshje pasi ajo nuk do të kalojë.

“Qeveria duhet që ta anulojë në tërësi këtë marrëveshje dhe të shkarkojë Komisionin Shtetëror i cili ka bërë demarkimin e kufirit me Malin e Zi, dhe pastaj Qeveria e ardhshme, e cila do të formohet si rezultat i vullnetit të popullit, ta negociojë me Malin e Zi demarkimin e kufirit”, potencon shefi i deputetëve të AAK-së, Pal Lekaj.

“Thirrjet e Thaçit e Mustafës se kalimi i demarkacionit e bën të mundshëm liberalizimin e vizave janë të pavërteta, sepse e kanë thënë edhe zyrtarët e lartë të Bashkimit Evropian se Kosova nuk do të marrë liberalizimin e vizave për sa kohë që nuk luftohet krimi dhe korrupsioni i organizuar, i cili po lulëzon çdo ditë e më shumë”, ka përfunduar ai.

Greg Delawie

Delawie është për ratifikim të demarkacionit

Hap përpara e cilëson ambasadori amerikan në Kosovë, Greg Delawie, formimin e komisionit të ri për rishikimin e procesit të demarkimit të kufijve me Malin e Zi.

Periskopi.com Lajme

Qëndrimi i ambasadës sipas Delawie është se rezultati i kufirit nga komisioni është i njëjtë me atë të vitit 1974.

“Drafti i kufirit është identik me atë që e ka ndarë Kosovën me Malin e Zi të paktën qysh prej vitit 1974. Është kufiri që është në Kushtetutën e Kosovës, është kufiri që është në flamurin e Kosovës, është kufiri i duhur. Më duhet të them se do të dëshiroja që një copëz e energjisë që është shpenzuar në këtë çështje t’i ishte përkushtuar zgjidhjes së çështjeve të vërteta në Kosovë, si trajtimi i çështjes së korrupsionit apo të papunësisë”, ka thënë ai.

Delawie inkurajon deputetët dhe zyrtarët qeveritarë që ta ratifikojnë këtë marrëveshje.

“Natyrisht, duam që shtetet të kenë marrëveshje dhe ne nuk do t’iu themi çfarë të bëjnë saktësisht. Kjo nuk është puna jonë. Por, kufiri që komisioni e ka shënuar është kufiri i duhur; është kufiri prej vitit 1974 dhe sigurisht që do t’i inkurajoja deputetët e Kuvendit dhe zyrtarët e qeverisë së Kosovës për ta ratifikuar marrëveshjen ashtu që të merren me çështjet tjera më të rëndësishme për qytetarët”, ka thënë ai.

Mali i Zi dhe Kosova marrëveshje për bashkëpunim ndërkufitar

Mali i Zi dhe Kosova kanë nënshkruar të premten marrëveshjen për partneritet dhe bashkëpunim ndërkufitar mes dy shteteve në kuadër të projektit “IPA 2014-2020, në baza të të cilit 18 komunave që ndodhen në zonën kufitare do t’u ndahen mjete në vlerë prej 8.4 milionë euro.

Periskopi.com Lajme

Në nënshkrimin e sotëm të marrëveshjes të cilën e bënë ministri malazez për Çështje Evropiane, Aleksandar Andrija Pejoviq dhe ambasadori i Kosovës në Podgoricë, Skender Durmishi u bë e ditur se fondet e akorduara do të kontribuojnë në zhvillimin ekonomik të komunave që janë në zonën kufitare, si dhe shfrytëzim më të mirë të burimeve të tyre natyrore, raporton Anadolu Agency (AA)

Andrija Pejoviq tha se shuma prej 8.4 milionë euro për realizimin e projekteve paraqesin mjete të pakthyeshme dhe se bëhet fjalë për një dhuratë të Brukselit. Ai rikujtoi se një projekt i ngjashëm për periudhën 2011-2013, kishte tërhequr 3.7 milionë euro.

“Ato kontribuuan dukshëm në arritjen e programit të zhvillimit ekonomik nga projekti, të mbrojnë biodivirsitetin dhe të promovojnë përdorimin e burimeve të qëndrueshme natyrore”, tha Pejoviq, i cili shpalosi detaje nga projekti i ri.

Sipas tij, projekti parasheh përmirësimin e menaxhimit të resurseve ujore në Bijello Polje dhe Gjakovë, veprim të përbashkët për punësim të qëndrueshëm, promovimin e turizmit rural në zonën kufitare, etj.

Ambasadori i Kosovës në Mal të Zi, Skender Durmishi, falënderoi Malin e Zi për përkrahjen që ia jep Kosovës.

“Jam i sigurt se do të punojmë me projekte tjera, për të vazhduar bashkëpunimin dhe në të ardhmen”, tha Durmishi.

Kacin: SHBA-të e duan Malin e Zi në NATO para ardhjes së Trumpit

Fakti se sot u diskutua për Protokollin mbi anëtarësimin e Malit të Zi në NATO para Komisionit të Senatit Amerikan për politik të jashtme, është një mesazh i qartë se Shtetet e Bashkuara do të vendosin për këtë marrëveshje para ardhjes së presidentit të ri në Shtëpinë e Bardhë, ka thënë sot ambasadori slloven në Aleancë, Jelko Kacin, raporton lajmi.net.

Periskopi.com Lajme

 

“Kjo do të thotë se ka një marrëveshje strategjike, dhe puna duhet përfunduar sa më shpejt që të jetë e mundur, para se të largohet administrata Demokratike dhe të vij ajo Republikane”, ka thënë Kacin.

Deputeti boshnjak në Mal të Zi kundër gjuhës shqipe në Komunën e Tuzit

Këshilltari i Partisë Boshnjake në Kuvendin e Tuzit, njëkohësisht dhe deputet në Parlamentin e Malit të Zi, Nexhad Dresheviq, ka paraqitur iniciativën në Gjykatën Kushtetuese për shqyrtimin e kushtetueshmërisë dhe ligjshmërisë të nenit të Statutit të Kryeqytetit, i cili parasheh që në Komunën Urbane të Tuzit, në përdorim zyrtar është edhe gjuha shqipe.

Periskopi.com Lajme

Dresheviq konsideron se ky nen nuk është në pajtim me Kushtetutën e Malit të Zi. Ai në këtë iniciativë thekson se ky nen i statutit nuk është në pajtim me ligjin për vetëqeverisje lokale i cili garanton mbrojtjen dhe përparimin e të drejtave të pakicave në pajtim me Kushtetutën, shkruan “Dan”.

Dresheviq kërkon që boshnjakëve në Komunën e Tuzit t’u sigurohen të gjitha të drejtat duke përfshirë këtu edhe të drejtën për gjuhën e tyre, dhe ajo është gjuha boshnjake. Deklarimin mbi iniciativën e Nexhad Dresheviq gjykatës ja ka dërguar sekretari i Komunës së Podgoricës, Veselin Vukçeviq, transmeton “gazetadita”.

Duke pasur parasysh se në Komunën e Tuzit shumicën e popullatës e përbëjnë shqiptarët, në mënyrë të qartë tregon se neni i kontestuar nga ana e Dresheviq është në përputhje me ligjin, mbi bazën e të cilit është përcaktuar përdorimi zyrtar i gjuhës shqipe, shkruan mes tjerash në letrën e Vukçeviq dërguar Gjykatës.

Vukçeviq i ka propozuar Gjykatës Kushtetuese që mos të pranojë iniciativën e Nexhat Dresheviq pasi që neni është në përputhje me ligjin. Mendimi i Vukçeviq njëzëri është përkrahur edhe nga anëtarët e këshillit të statuteve dhe rregulloreve.

Kryetari i Akademisë së Shkencave flet për vijën kufitare Kosovë-Mali i Zi, thotë se ajo është tërhequr

Kryetari i Akademisë së Shkencave dhe i Arteve, Akademik Hivzi Islami, në një fejton të shkruar ekskluzivisht për gazetën “Zëri”, ka thënë se të dhënat tregojnë se vija kufitare midis Kosovës dhe Malit të Zi është tërhequr menjëherë pas Luftës II, përkatësisht para 15.2.1947, shumë para këtyre “hartave” të APJ-së.

Periskopi.com Lajme

“Fundja, të dhënat tregojnë se vija kufitare midis Kosovës dhe Malit të Zi është tërhequr menjëherë pas Luftës II, përkatësisht para 15.2.1947, shumë para këtyre “hartave” të APJ-së. APJ ka bërë harta topografike të seksioneve të ndryshme (zakonisht 1: 25.000) për nevoja operative ushtarake, jo për qëllime politike. Në kontestet rreth kufijve në shtetet e reja të ish-Jugosllavisë askund nuk thirren njerëzit e ish-APJ-së si dëshmitarë! As midis Kroacisë dhe Sllovenisë (rasti i Piranit), as midis Malit të Zi dhe Kroacisë – rasti i Prevllakës (Duket se ka mbetur i heshtur problemi kufitar midis Maqedonisë dhe Serbisë – rasti i Manastirit Prohor Pčinjski, ku ka lindur ASNOM-i, por territori është i Serbisë)”, ka thënë Islami, shkruan “Zeri.info”.

Sipas tij, Komisioni Shtetëror për Demarkacion më shumë ka qenë i pranishëm në media sesa në terren.

Komisioni Shtetëror për Demarkacion thotë në raport se 16 herë ka pasur takime bilaterale, 2 takime trilaterale dhe mbi 20 herë ka pasur takime të drejtpërdrejta në terren me qytetarë dhe kryetarë të komunave, por nuk e morëm vesh sa herë dolën në terren individët “ekspertë” për çështje të kufijve, shumë të pranishëm në media tash e sa kohë.

hivzi-islami

Isa Mustafa tregon se çfarë bisedoi me Markoviqin

Kryeministri i Kosovës, Isa Mustafa ka deklaruar se vendit dhe qytetarëve po u kushton shumë shtrenjtë ngecja në ratifikimin e Marrëveshjes për demarkacionin e kuirit me Malin e Zi. Këto komente, Mustafa i ka bërë gjatë një ligjërate para studentëve të Universitetit “Kadri Zeka”, në Gjilan.

Periskopi.com Lajme

“Ngecja në demarkacion, po u kushton shumë qytetarëve të Kosovës, sepse ata po mbesin të izoluar dhe në pamundësi që të lëvizin të lirë sikurse qytetarët tjerë”, ka thënë Mustafa.

“Kjo ngecje i kushton sovranitetit të vendit, sepse nuk mund ta konsiderojmë vendin tonë plotësisht sovran në qoftë se nuk i ka kufijtë ndërkombëtar me vendet fqinjë”, theksoi tutje ai.

Kufijtë administrativë që i kishte Kosova në kohën e ish-Jugosllavisë, sipas kryeministrit Mustafa, tani duhet të shndërrohen në kufij ndërkombëtar.

Përderisa më Shqipërinë dhe Maqedoninë ai tha se nuk ka asnjë problem dhe çështja është rregulluar, problem mbetet vetëm shënjimi i vijës kufitare me Malin e Zi dhe me Serbinë.

“Tani ka mbetur vetëm vija kufitare me Malin e Zi, që duhet të ratifikohet dhe të vazhdohet tutje me Serbinë. Por, tash kriter e kemi demarkacionin me Malin e Zi”, ka thënë Mustafa.

Sipas tij, qeveria po punon që ta zgjidhet çështja e ngecur e demarkacionit.

“Ka vërejtje, por ato më shumë ndërlidhen me historinë, me të kaluarën dhe nuk ndërlidhen me momentin kur është shpallë pavarësia e Kosovës dhe mbi territorin në të cilin është shpallur pavarësia e Kosovës”, ka thënë Mustafa.

Në funksion të gjetjes së një zgjidhje për çështjen e demarkacionit, Mustafa ka dalë me idenë që të matet territori i Kosovës për të parë nëse marrëveshja me Malin e Zi i ka shkaktuar humbje të territorit Kosovës, siç po pretendojnë opozita dhe një numër i deputetëve nga partitë në pushtet.

Por, kjo ide, nuk është mbështetur nga tabori opozitar.

Po ashtu, Mustafa ka takuar të dielën edhe homologun e tij nga Mali i Zi, Dushko Markoviq në Shkodër të Shqipërisë, por nga ai takim nuk janë dhënë detaje se çka është biseduar në lidhje me shënjimin e vijës kufitare./ Zëri

Qeveria e Kosovës e përkushtuar për thellimin e bashkëpunimit dhe miqësisë me Malin e Zi

Kryeministri i Republikës së Kosovës, Isa Mustafa, priti në takim ambasadorin e Malit të Zi, Ferhat Dinosha.

Periskopi.com Lajme

Gjatë takimit, ku të pranishëm ishin edhe zëvendëskryeministri i parë, Hajredin Kuçi dhe ministri i Punëve të Jashtme, Enver Hoxhaj, ambasadori Dinosha e ka informuar kryeministrin Mustafa për ekspozenë në Kuvendin e Malit të Zi nga kryeministri i porsazgjedhur malazez, Dushko Markoviq, si dhe për prioritetet kryesore të Qeverisë së re të Malit të Zi.

Mustafa vlerësoi lartë bashkëpunimin ndërmjet dy vendeve, si dhe përkushtimin e përbashkët për zgjerimin e miqësisë.

Ai, po ashtu, tha se Kosova është e interesuar për thellimin e marrëdhënieve me Malin e Zi, me theks të posaçëm në rrugën integruese evropiane.

Edhe ambasadori Ferhat Dinosha, shprehu vullnetin e plotë të Malit të Zi dhe të Qeverisë së re për thellimin e relacioneve, shkëmbimeve si dhe bashkëpunimit bilateral me Kosovën.

 

 

 

 

Në Liqenin e Shkodrës shëtit hipopotami dy tonësh (Foto&Video)

Sa herë ka të reshura të mëdha, banorët e Malit të Zi kanë një problem ndër më të rrallët në botë.

Periskopi.com Lajme

Kur niveli i ujin ngritët, hipopotami Nikica del nga hapësira e saj në kopshtin zoologjik dhe hyn nëpër tokat e banorëve. Ajo ecë ujërave të Liqenit të SHkodrës.

Mund të paramendohen zogj në oborr, pula apo edhe ndonjë dhelpër, por jo edhe një hipopotam, raporton Periskopi

Gjitari gjigant, peshon 2 tonë dhe përpëlitet nëpër kopshtet e banorëve përreth.

Por banorët atje janë mësuar me këtë fakt.

“Ai nganjëherë ikë nga vendi ku mbahet kur nivelet e ujit rriten dhe kjo nuk është e pazakontë”, tha pronari i kopshtit privat zoologjik, Nikola Pejoviq, në Plavincë, fshat i Podgoricës.

Nikica është fotografuar  duke notuar afër shtëpive, katër kilometra larg nga shtëpia e tij.

Situata e përmbytjeve në Mal të Zi shumë shpesh rëndohet në rajonin e liqenit të Shkodrës, në kufi me Shqipërinë, ku ndodhet kopshti zoologjik.

Mijëra ushtarë ndërhyjnë vazhdimisht për të ndihmuar banorët, por nuk shprehin shqetësime asnjëherë me hipopotamin miqësor.

“Vendorët janë mësuar me të”, tha për Pejovic për Nikican, të cilin e përshkruan si “jashtëzakonisht i urtë dhe i qetë”.

Nikica, hipopotami i vetëm i Malit të zi, ka jetuar në kopshtin zoologjik që një dekadë./ Periskopi

Nikica

Mustafa i gëzuar me Qeverinë e re të Malit të Zi

Kryeministri Isa Mustafa, ka përgëzuar Qeverinë e Malit të Zi, të udhëhequr nga kryeministri Dushko Markoviq, me rastin e marrjes së mandatit.

Periskopi.com Lajme

Me këtë rast, kryeministri Isa Mustafa, i ka uruar Qeverisë së Malit të Zi, suksese në realizimin e objektivave dhe synimeve të saj shtetërore.

Kryeministri Mustafa, po ashtu ka theksuar përkushtimin e Qeverisë së Kosovës për thellimin e gjithanshëm të bashkëpunimit, miqësisë dhe partneritetit fqinjësor me Malin e Zi.

“Qeveria e Republikës së Kosovës është plotësisht e përkushtuar për bashkëpunim me Malin e Zi me theks të posaçëm në rrugën e përbashkët dhe të pa alternativë integruese të dy shteteve tona në strukturat euroatlantike, në BE dhe në NATO”, thuhet në urimin e kryeministrin Isa Mustafa./ Periskopi

 

Lajm i madh për shqiptarët e Malit të Zi: Tuzi bëhet komunë

Hyrja e koalicionit shqiptar “Shqiptarët e vendosur” në kabinetin e mandatarit për formimin e qeverisë së re të Malit të Zi, është përmbyllur me marrëveshjen që Tuzi vitin e ardhshëm ta merr statusin e komunës.

Periskopi.com Lajme

Sipas mediave serbe dhe malazeze, e gjithë ky tregim do të përmbyllet në sesionin pranveror të Kuvendit të Malit të Zi, kështu që Ligji për vetëqeverisje lokale do të ndryshohet, derisa Tuzi do ta ketë autonominë e plotë që të funksionojë si komunë, transmeton lajmi.net.

Mehmet Zenka, lideri i Unionit Demokratik të Shqiptarëve, do të jetë ministër për të drejtat e njeriut dhe pakicat, derisa shqiptarëve do t’ju takojnë pozita të zëvendësministrave dhe ndihmësve në disa ministri, por edhe pozita tjera në sektorin publik.

Në anën tjetër, shqiptarët do ta kenë për herë të parë edhe një nënkryetar të Kuvendit. Ai pritet të jetë Genc Nimanbegu.

Shqiptarët e Malit të Zi ka më shumë se dy dekada që kanë kërkuar që Tuzi të jetë komunë.

“Komuna e pavarur e Tuzit është kërkesë e jonë programore që shumë kohë dhe ne jemi e vetmja parti shqiptare e cila në vazhdimësi ka kërkuar që kjo të realizohet. Që të arrinim deri te ky qëllim, është dashur shumë gjëra të ndryshonin. Duhet të dihen kufijtë e komunës, deri ku duhet të shtrihet Malësia”, ka thënë për mediat serbe Mehmed Bardhu, lideri i Lidhjes Demokratike.

Tuzi nga viti i ardhshëm do të jetë sikur të gjitha komunat tjera në Mal të Zi. Do ta kontrollojë buxhetin e vet për pagesa të të punësuarve në administratë dhe vet do t’i përcaktojë prioritetet në rajonin e Malësisë.

Mustafa: Demarkacioni nuk ka vdekur, do bëhet me bindje të plotë të deputetëve

Kryeministri i Kosovës, Isa Mustafa, tha sot se demarkacioni nuk është punë e vdekur, por kjo çështje do të përfundojë sepse është në interes të Kosovës.

Periskopi.com Lajme

Sipas tij, deputetët që po e kundërshtojnë këtë proces duhet të punojnë për shtetin e tyre e jo për interesa individuale.

“Është në interes të Republikës së Kosovës që ne të përcaktojmë kufijtë. Demarkacioni nuk është çështje e vdekur ashtu siç lexova sot sepse shteti i Kosovës është shtet që gjallëron dhe kufijtë janë kufij që duhet të ekzistojnë sepse nuk ka shtet pa kufij prandaj këtë do të bëjmë me çdo kusht, do ta bëjmë me bindje të plotë të deputetëve se ata duhet të punojnë për shtetin e tyre jo për interesa individuale”, tha Mustafa, raporton Kosovapress.

Kryeministri i Kosovës këto komente i bëri gjatë vënies së gurthemelit për ndërtimin e objektit për Institutin e Administratës Publike.

Harrohet Demarkacioni, nuk kryhet këtë vit

Marrëveshja e shënjimit të vijës kufitare me Malin e Zi, ende nuk dihet se kur do të procedohet për të dytën herë në Kuvendin e Kosovës.

Periskopi.com Lajme

Edhe, pse janë bërë më shumë se dy muaj kur kryeministri i Kosovës, Isa Mustafa ka tërhequr këtë projektligj nga rendi i ditës me pretekstin se nuk janë rrethanat qe të votohet një ligj i kësaj rëndësie, kjo gjë si duket është harruar.

Këshilltari politik, i kryeministrit Mustafa, Faton Abdullahu, ka thënë për Tribuna Channel se çështja e demarkacionit mbetet peng i pamundësisë për të reflektuar arsyeshëm dhe pragmatikisht për këtë çështje.

I pyetur se a pritet që kjo marrëveshje të procedohet në këtë vit para se Kuvendi i Kosovës të shkoj në pushim dimëror, Abdullahu nuk është përgjigjur.

“Për këtë çështje të rëndësishme do të vendoset për të diskutuar përsëri, atëherë kur të gjitha palët e koalicionit konsiderojnë se është reflektuar sa duhet dhe se i kanë numrat e nevojshëm”, thotë ai.

Ratifikimi i Demarkacionit me Malin e Zi është vendosur kusht i BE-së për Kosovës për liberalizimin e vizave. Këtë e thotë edhe kreu i Qeverisë, Isa Mustafa.

 

Veseli me ambasadorin e Malit të Zi bëjnë plane për rrugën Deçan-Plavë

Kryetari i Kuvendit të Republikës së Kosovës, Kadri Veseli, priti sot në takim ambasadorin e Malit të Zi në vendin tonë, Ferhat Dinosha, me të cilin diskutoi për raportet që Prishtina dhe Podgorica zyrtare kanë ndërtuar midis tyre, si dhe për sfera të ndryshme bashkëpunimi midis dy vendeve.

Periskopi.com Lajme

Në njoftimin e dërguar nga zyra e Veselit, thuhet se ata të dy vlerësuan se marrëdhëniet midis dy vendeve janë të shkëlqyera, ndërsa shprehën përkushtimin që bashkëpunimi ndërshtetëror të thellohet edhe më tej në të ardhmen, në frymën e orientimit të përbashkët euro-atlantik, raporton Periskopi

Në këtë funksion, kryetari i Kuvendit të Kosovës shtroi nevojën e forcimit të bashkëpunimin në fushën e arsimit dhe të rritjes së shkëmbimeve tregtare, në interes të të dyjave vendeve.

Po ashtu, kryetari Veseli theksoi rëndësinë e realizimit sa më të shpejtë të rrugës Deçan-Plavë, si një arterie shumë e rëndësishme e bashkëpunimit ndërshtetëror dhe e qarkullimit të qytetarëve në të dy anët e kufirit.

Kryeparlamentari Veseli tha se çështja e demarkacionit, i cili nuk ka përfunduar ende si proces, nuk ka ndikuar në marrëdhëniet e mira ndërfqinjësore, në të cilën Mali i Zi ka treguar konstruktivitet.

Veseli dhe ambasadori Dinosha diskutuan edhe për pozitën e komunitetit malazez në Kosovë, si dhe për thellimin e bashkëpunimit midis institucioneve të Kosovës dhe përfaqësuesve të komunitetit malazez në vendin tonë.

“Malazezët e Kosovës do ta kenë vendin e merituar në shoqërinë dhe institucionet e Kosovës, si qytetarë te respektuar të Republikës se Kosovës”, theksoi kryetari Veseli./ Periskopi

Dinosha zyrtarisht ambasador i Malit të Zi në Kosovë

Ministri i Punëve të Jashtme i Republikës së Kosovës, Enver Hoxhaj, ka pritur në takim njoftues ambasadorin e ri të Malit të Zi në Prishtinë, Ferhat Dinosha, të cilit i ka uruar mirëseardhje në Kosovë dhe sukses në detyrën e tij të re.

Periskopi.com Lajme

Në këtë rast, ministri Hoxhaj i ka ofruar ambasadorit Dinosha gatishmërinë e tij dhe të Ministrisë së Punëve të Jashtme për ta mbështetur punën e tij në Kosovë.

“Kënaqësi ta pres sot ambasadorin e Malit të Zi në Kosovë, Ferhat Dinosha. I urova mirëseardhje dhe suksese në misionin e ri diplomatik në Kosovë. Ardhja e tij është shenjë e raporteve të mira ndërfqinjësore që kemi”, ka thënë Hoxhaj.

Nga ana tjetër ambasadori Dinosha, shprehu kënaqësinë e tij që gjendet në Kosovë, i emëruar  ambasadori i parë i Malit të Zi, ndërsa ka theksuar se do të japë kontributin e tij maksimal për thellimin e bashkëpunimit në mes të Malit të Zi dhe Kosovës.

Të dy palët u pajtuan se Mali i Zi dhe Kosova synojnë thellimin e bashkëpunimit dhe avancimin e përbashkët në rrugën e integrimeve euro-atlantike.

Serbët e arrestuar në Mal të Zi i frikësohehen Policisë së Kosovë

Ikin në Boegrad shkaku i ROSU - Kosovo Special Forces​

Periskopi.com Video

Serbët e arrestuar në Mal të Zi ia kanë frikën ROSU-s

Njëri nga 6 serbët e Zubin Potokut të arrestuar në natën e zgjedhjeve në Mal të Zi, në Podgoricë, Vlladimir Bozhoviq, në një rrëfim për medie në Beograd ka thënë se për shkak të shkrimeve në mediet shqiptare dhe për shkak të arsyetimit të arrestimit të tyre, frikësohet se Forcat Speciale ROSU të Policisë së Kosovës do t’i arrestojnë.

Periskopi.com Lajme

Gjashtë serbët e Zubin Potokut të arrestuar një ditë para mbatjejs së zgjedhjeve në Mal të Zi, të shtunen para mesnate, janë liruar, por asnjëri prej tyre nuk është kthyer në Zubin Potok. Ata kanë shkuar në Beograd, siç thonë, edhe nga frika se forcat speciale të Policisë së Kosovës, ROSU do t’u trokasin në derë,shkruan gazeta ‘Zeri’.

Njëri nga 6 serbët e Zubin Potokut të arrestuar një natë para zgjedhjeve në Mal të Zi, në Podgoricë, të cilët pastaj janë liruar, Vlladimir Bozhoviq (21), në një rrëfim për medie në Beograd,  të cilin e përcjellin mediet në veri të Mitrovicës ka thënë se për shkak të shkrimeve në mediet shqiptare dhe për shkak të arsyetimit të arrestimit të tyre frikësohet se forcat speciale të ROSU  të Policisë së Kosovës do t’u trokasin në derë. Sipas tij, kjo frikë ekziston edhe tek familjet e tjera në Zubin Potok, të cilat siç ka thënë ai ,“jetojnë me frikën dhe nën presion të vazhdueshëm”.

Daçiq flet për serbët e arrestuar për terrorizëm në Mal të Zi

Ministri i jashtëm serb, Ivica Daçiq, duke iu referuar nivelit të komunikimit me Malin e Zi, pas arrestimit të një grupi njerëzish nga Serbia me dyshimin se au përpoqën të organizojnë akte terroriste, tha se vendit i tij është i interesuar në mënyrë jetike për stabilitetin në rajon dhe për “këtë arsye kjo situatë sa më shpejt që të jetë e mundur do të zgjidhet”, raportojnë mediat serbe.

Periskopi.com Lajme

“Me qytetarët e dyshuar dhe të ndaluar të Serbisë është  arritur qasje konsullore dhe informacionet e marra tregojnë se ata deklarohen të pafajshëm”, ka thënë kryediplomati serb për  Radio Televizionin e Vojvodinës, transmeton Klani

Gjithashtu, tha ai, në përputhje me praktikën diplomatike është vendosur edhe komunikimi me ministrinë përkatëse të Malit të Zi, gjë që  Serbia është  informuar për të burgosurit dhe të dyshuarit në këtë rast.

Shefi i diplomacisë serbe  tha se nuk e di se në çfarë gjendje është ish-kreu i xhandarmërisë serbe, Bratislav Dikiq, i cili ishte në mesin e të arrestuarve në Mal të Zi, duke shtuar se e dinte se ai ishte nën përcjelljë në kohën sa ishte në krye të xhandarmërisë serbe.

 

 

Vuçiq: Serbët në Mal të Zi u arrestuan në bazë të deklaratave të komandantit shqiptar

Kryeministri serb, Aleksandar Vuçiq u deklarua sot gjatë ditës mbi akuzat për terrorizëm ndaj të arrestuarve serbë në Malin e Zi, përfshirë edhe ish-shefin e Xhandarmërisë, Bratisllav Dikiç, duke hedhur dyshime se grupi i serbëve të arrestuar, është bërë bazuar në të dhënat e “komandantit shqiptar Selimaj”.

Periskopi.com Lajme

“Do të doja që burgosja e njerëzve nga Zubin Potoku nuk është e bazuar në dëshmitë e Komandantit shqiptar të Policisë, Selimaj, por frikohem se kemi të dhëna që është ashtu. Prandaj, mendoj që kjo nuk ka qenë arsye serioze. Presim të shohim mos ka diçka tjetër. Por, nëse çdo gjë është e bazuar në deklaratat e Selimajt, e për këtë kemi të dhëna, sepse ai i ka paraqitur policisë malazeze përfaqësuesit të lëvizjes “Ravna Gora” (organizatë çetnike v.j) të cilët në fakt janë armiqtë e mi politik”, ka thënë sot Vuçiq.

Gazeta Insajderi ka pyetur së paku tre zyrtarë të Policisë së Kosovës në lidhje me këtë deklaratë, por asnjëri prej tyre nuk ka treguar se kush është komandanti që i referohet Vuçiq.

Flora Ahmeti, zëdhënëse në rajonin e Prishtinës ka thënë të mos ketë ndonjë informacion lidhur me atë se cilit komandant i referohet kryeministri serb.

Insajderi ka kontaktuar edhe zyrtarin tjetër për informim në Policinë e Kosovës, Daut Hoxha. As ky nuk ka dhënë ndonjë koment mbi këtë deklaratë apo jo.

Ka sugjeruar të kontaktohet zyrtari tjetër për informim në Policinë e Kosovës, për rajonin e Mitrovicës, Besim Hoti.

As ky nuk ka dhënë ndonjë informacion.

“Jo, nuk kam njohuri për një çështje të tillë”, ka shkruar Hoti nëpërmjet një mesazhi telefonik.

Edhe ky ka sugjeruar të drejtohen pyetjet tek zyra për informim.

E në anën tjetër, kryeministri serb, ka vazhduar të flas edhe më tutje për komandantin e Policisë që ai i referohet si “komandant i policisë shqiptare”.

Në ndërkohë, agjencia “KosovaPress” raportoi në burime të veta se në mesin e 20 personave të arrestuar gjatë ditës së diel në Podgoricë, të dyshuar për sulme terroriste në ditën e zgjedhjeve parlamentare të Malit të Zi, gjenden edhe 6 persona nga veriu i Mitrovicës.

“Nëse kjo ka qenë arsyeja, atëherë unë nuk mendoj se ka qenë arsye e fuqishme për fjalë të tilla, ose hajde ta presim ndonjë gjë më tepër se deklaratat e Selimaj”, ka thënë kryeministri serb.

E teksa Vuçiqi pret që të dalë diçka më shumë sesa “dëshmitë e komandant Selimaj”, Policia e Kosovës, vazhdon të heshtë rreth këtyre deklarimeve.

Nesër voton Mali i Zi

Partitë malazeze kanë zhvilluar tubimet e fundit elektorale përpara zgjedhjeve të dhjeta të përgjithshme të vendit që nga aplikimi i sistemit parlamentar.

Periskopi.com Lajme

Ndryshe nga herët e tjera, Partia Demokratike Socialiste në pushtet këtë radhë paraqitet e vetme, pa ndonjë partner koalicioni. Por edhe opozita nga ana tjetër është e përçarë.

“Ne nuk po votojmë thjesht për zgjedhjen e një qeverie, ne po zgjedhim një mënyrë të jetuari. A duam vallë një Mal të Zi europian, të stabilizuar dhe të begatë, që është mik dhe partner me vendet e zhvilluara europiane e botërore, apo një vend peng të zmbrapsjes, intolerancës, dhunës dhe mungesës së shpresës? Duam të jemi pjesë e një shoqërie europiane apo një koloni ruse në Ballkan?”, shprehet Milo Gjukanovic, lider i DPS dhe kryeministër i Malit të Zi, shkruan Top Channel.

“Bëj thirrje këtu në emrin tuaj dhe në emrin e të gjithë njerëzve të lirë të Malit të Zi, Gjukanoviq, dorëzo paqësisht pushtetin në 16 tetor!  Të paktën një herë të vetme trego respekt për njerëzit që i quan ‘të tutë’ dhe për këtë komb, të cilin thua se e do! Ne e duam Malin e Zi, ne ju respektojmë, do t’iu shërbejmë dhe do të respektojmë votën tuaj!”, tha Nebojsa Medojevic, lideri i Frontit Demokratik opozitar.

Votimet e se dielës konsiderohen si testi më i fortë ndaj qeverisjes 25-vjeçare të Djukanovic-it. Nëse partia e tij fiton megjithatë nuk merr vota mjaftueshëm për një shumicë të qartë, kryeministri do ta ketë të vështirë krijimin e një koalicioni.

Pasiguria është kryefjala e këtyre zgjedhjeve, ndaj dhe ekspertet nuk nxitojnë të bëjnë parashikime.

Partitë shqiptare pretendojnë më shumë se 2 vende në Parlamentin e ri me argumentin se përbëjnë 5% të popullsisë. Partitë kryesore shqiptare do të garojnë me tre lista.