Ramiz Kelmendi tregon çfarë tha kryeministri malazez për demarkacionin

Periskopi.com Lajme

Ramiz Kelmendi ka reaguar për deklaratën e Hajredin Kuqit lidhur me demarkacionin.

Ai thotë se kryeministri malazez ishte i gatshëm të bënte lëshime me kompensim.

Lexojeni reagimin e tij:

Në emisionin ‘Zona B’, sonte zv/Kryeministri Kuqi e citoj të cunguar qëndrimin e Kryeministrit Malazez në lidhje me Demarkacionin.

Për hir të korrektësisë, dua të sqarojë, si në vijim;

Qëndrimi i kryeministrit malazez ishte se, nëse Demarkacioni me Malin e Zi pengon;

  1. Lëvizjen e lirë të qytetarëve të brezit kufitarë,
  2. Qasjen në kullosa
  3. Qasjen në burimet e ujit
  4. Qasjen në rrugë të caktuara lokale,

Jam i gatshëm të bëjë lëshime me kompenzim të këtyre sipërfaqeve, por decidivisht, ai kishte cekur se kullosa në Bjelluhë dhe Qakorr deri ne Velikë mundë të përdorën për kullosa verore të fermerëve tuaj.

Unë si Ramiz Kelmendi, këtë informatë e kam përcjellë tek bashkëvendasit e mij që të pergatiten për ndonjë kërkesë të mundshme dhe ende nuk kam marrë ndonjë përgjigje për këtë.

Ramiz Kelmendi zv/Kryeministër në detyrë i Republikës së Kosovës

 

 

Kuçi zbulon superskandalin e Isa Mustafës për Demarkacionin

Mal i Zi, gati aktakuza për grupin terrorist

Periskopi.com Lajme

Prokurori i posaçëm shtetëror në Mal të Zi ka përgatitur aktakuzën ndaj grupit të akuzuar për terrorizëm dhe komplot për grusht shtet në ditën e zgjedhjeve parlamentare të vitit të kaluar.

Aktakuza bazohet në mbi 100 fakte që implikojnë grupin terrorist me organizatorët rusë dhe me përfaqësuesë të një pjese të opozitës në Mal të Zi.

Rusia për hyrjen e Malit të Zi në NATO: Merrni përgjegjësinë për pasoja

Periskopi.com Lajme

Ministria e Punëve të Jashtme e Rusisë të premten është prononcuar për vendimin e Kuvendit të Malit të Zi për anëtarësim në NATO.

Kjo ministri konstaton me “keqardhje të thellë” se udhëheqja e tanishme e Malit të Zi dhe promotorët e saj perëndimor megjithatë “nuk kanë dëgjuar zërin e arsyes”.

“Miratimi i akteve fundamentale që kanë të bëjnë me çështjet bazë të sigurisë nacionale përmes votimit të disa deputetëve, pa marrë mendimin e popullit të vendit, paraqet akt demonstrativ të shkeljes së të gjitha normave dhe parimeve demokratike”, thuhet ndër të tjera në deklaratën e ministrisë.

 

 

 

Ministri i Malit të Zi bën shqiponjën

Periskopi.com Lajme

Ministrat e kulturës së dy vendeve, Janko Ljumoviq dhe Kujtim Shala, të shoqëruar edhe nga ambasadori i Malit të Zi në Kosovë, Ferhat Dinosha, vizituan Parkun Arkeologjik “Ulpiana”, të parin e këtij lloji në Kosovë, ku u njoftuan për së afrimi me gjetjet e shumta arkeologjike në këtë vend.

Në vazhdën e vizitës zyrtare në Kosovë dhe pas nënshkrimit të marrëveshjes për bashkëpunim kulturor ndërmjet Qeverisë së Kosovës dhe asaj të Malit të Zi, ministrat e kulturës së dy vendeve, Janko Ljumoviq dhe Kujtim Shala, të shoqëruar edhe nga ambasadori i Malit të Zi në Kosovë, Ferhat Dinosha, vizituan Parkun Arkeologjik “Ulpiana”, të parin e këtij lloji në Kosovë, ku u njoftuan për së afrimi me gjetjet e shumta arkeologjike në këtë vend dhe me vlerat që përfaqëson ky park për trashëgiminë kulture të Kosovës, shkruan KultPlus.

Të dy ministrat me bashkimin e duarve kanë bërë shqiponjën .

 

Terroristit serb që deshi ta vrasë Gjukanoviqin i vazhdohet paraburgimi

Periskopi.com Lajme

Gjykata e Lartë në Podgoricë ka vendosur që ta vazhdojë paraburgimin e gjashtë personave të dyshuar për organizimin e grusht-shtetit gjatë zgjedhjeve në Mal të Zi, në mesin e tyre edhe ish liderit të xhandarmërisë serbe, Bratislav Dikiq.

Ky vendim është marrë për shkak të rrezikut që të dyshuarit mund të arratisen, shkruan Novosti.

Michael Cadenovic, Andrija Mandiq, Branko Miliq, Milan Dushiq, Srboljub Gjorgjeviq dhe Dragan Maksiq, janë të dyshuarit e tjerë që po mbahen në paraburgim, transmeton lajmi.net.

Mbrojtja e të akuzuarve e ka parë këtë vendim si të gabuar i cili nuk është i bazuar në dëshmi dhe fakte.

Zëvendësministri Hoti pa flamur shtetëror në Mal të Zi (Foto)

Periskopi.com Lajme

Zëvendësministri i Kosovës për Kulturë, Rini dhe Sport, Rexhep Hoti, sot ishte në takim me Ministrin e Malit të Zi për të Drejtat e Njeriut dhe Pakicave, Mehmed Zenka. Por, ajo çka më së shumti ra në sy ishte fakti që afër flamurit malazez nuk qëndronte edhe ai i shtetit të Kosovës.

Hoti i cili po qëndron në Mal të Zi në kuadër të një vizite zyrtare dy ditore ka shkelur me këtë rast protokollin shtetëror, i cili kërkon që flamuri shtetëror i Republikës së Kosovës të përdoret në rastet e takimeve ceremoniale të përfaqësuesve të Kosovës me përfaqësues të shteteve të huaja, përcjell gazetametro.net

Edhe pse në takim u bisedua për të drejtat e njeriut dhe pakicat kombëtare në të dyja vendet, e poashtu ministri Zenka shpalosi qëndrimin e qeverisë malazeze për respektimin dhe përparimin e të drejtave të njeriut, e me theks të veçantë të drejtave dhe lirive të shqiptarëve në Mal të Zi, duket se vet Ministri Hoti është ai i cili nuk ka bërë sa duhet lidhur me respektimin e shtetit të tij në rastin e përfaqësimit zyrtar jashtë Republikës së Kosovës.

Ministri malazez poashtu tregoi për projektligjin i cili ka kaluar nga qeveria për në parlament, sipas së cilit gjuha shqipe, përveç në Ulqin, Tuz dhe Plavë, pritet të bëhet gjuhë zyrtare edhe në Rozhajë e Tivar. Në shenjë respekti e falënderimi për avancimin e çështjes së pakicave kombëtare në Malin e Zi, Ministri Zenka ia dhuroi zëvendësministrit Hoti një kopje të projektligjit të miratuar në qeverinë malazeze për pakicat.

Ndërsa, Hoti e njoftoi ministrin Zenka se dikasteri që ai përfaqëson është i gatshëm të rrisë bashkëpunimin me qeverinë e Malit të Zi, sidomos pas nënshkrimit të Marrëveshjes Bilaterale të Bashkëpunimit kulturor ndërmjet MKRS-së dhe Ministrisë së Kulturës së Malit të Zi, e cila pritet të ndodhë shumë shpejt.

Në anën tjetër, ministri Zenka e njoftoi zëvendësministrin Hoti për punën që është bërë në ndryshimin e Ligjit për të drejtat dhe liritë e pakicave në Mal të Zi, ku parashihet edhe zyrtarizimi i gjuhës së pakicave në të gjitha komunat ku ato përbëjnë 5% të popullsisë. Kjo përqindje është marrë parasysh veçmas për shqiptarët, sepse një kuotë e tillë e përqindjes i favorizon ekskluzivisht ata.

Zyrtarët malazez flasin për demarkacionin me Malin e Zi (Video)

Periskopi.com Lajme

Zyrtarët malazezë shprehen të interesuar për një zgjidhje sa më parë të çështjes së demarkacionit të kufirit me Kosovën.

Autoritetet e Podgoricës theksojnë se çështja e kufirit nuk mund të ndikojë në marrëdhëniet dypalëshe mes Malit të Zi dhe Kosovës dhe se Mali i Zi është i gatshëm të mbështesë Kosovën që procesi të përmbyllet.

Ata theksojnë se demarkacioni është bërë mbi bazën e të dyja palëve përkatëse.

Presidenti i Malit të Zi, Filipe Vujanovic ka thënë se ratifikimi i kufirit është në interes të qytetarëve të Kosovës, pasi nga kjo varët liberalizmi i vizave.

“Ne po presim me durim që Kosova të vendos për ratifikimin e demarkacionit, pasi interesi i Kosovës varët nga kjo”, tha Vujanovic./VOA

Mali i Zi, nga alarmi për bombë evakuohet qendra tregtare

Periskopi.com Lajme

Në momentin e alarmit për bombë, në qendrën tregtare ishin qindra njerëz, ndërsa aty ishte planifikuar festivali i shëndetit.

Vizitorët dhe të punësuarit në qendrën tregtare Delta City në Podgoricë të Malit të Zi, u evakuan sot pas alarmit se në qendrën tregtare është vendosur një bombë. Alarmi për bombë u kumtua përmes një njoftimi publik, raporton Anadolu Agency (AA).

Në momentin e alarmit për bombë, në qendrën tregtare ishin qindra njerëz, ndërsa aty ishte planifikuar festivali i shëndetit.

Qasja deri te qendra tregtare momentalisht është e ndaluar.

Presidenti i Malit të Zi flet për Demarkacionin me Kosovën

Presidenti i Malit të Zi, Filip Vujanoviq ka folur për shenjëzimin e kufirit me Kosovën, i cili nuk po arrin të ratifikohet në Kuvendin e Kosovës.

Periskopi.com Lajme

Ai ka thënë se ratifikimi i kësaj marrëveshjeje është në interes të qytetarëve të Kosovës, pasi varet direkt me liberalizimin e vizave për Kosovën, transmeton lajmi.net.

“Ne kemi mirëkuptim, dhe po e presim me durim që Kosova të vendosë për ratifikimin e demarkacionit. Ky është interes i qytetarëve të Kosovës, pasi liberalizimi i vizave varet nga demkarakcioni. Ne do ta presim vendimin e Kuvendit”, ka thënë Vujanoviq.

Kosova dhe Mali i Zi në gusht të viti 2015 ka nënshkruar marrëveshje me Kosovën për caktimin e kufirit ndërmjet dy shteteve.

Kurse që nga atëherë ky projektligj nuk po arrinë të miratohet, përkundër se BE-ja e ka përcaktur si kusht final për liberalizimin e vizave.

Vujanoviq ka folur edhe për raportet e Malit të Zi me Serbinë ku ka thënë se anëtarësimi në NATO do t’i përmirësojë këto raporte.

Mali i Zi nuk do të jetë anëtar i plotë i NATO-s në samitin e ardhshëm

Mali i Zi nuk do të mund të jetë si anëtar me të drejta të plota të NATO-s në samitin e ardhshëm të Aleancës Veri-Atlantike, ku do të marrë pjesë edhe presidenti amerikan Donald Trump, kah fundi i majit, tha të premten një zyrtar në Bruksel.

Periskopi.com Lajme

Hyrjen e Malit të Zi në NATO, me çka do të bëhej vendi i 29 anëtar i saj, Rusia po e konsideron si provokim, duke shkaktuar ndarje në vendin e vogël me 620.000 banorë, ku opozita pro-ruse po kërkon referendum lidhur me këtë çështje.

Qëkur Mali i Zi në dhjetor të vitit 2015 ishte ftuar t’i bashkëngjitet Aleancës, 25 vende anëtare të NATO-s kanë ratifikuar hyrjen e këtij vendi në NATO, ndërsa një  gjë të tillë e miratoi këtë javë edhe Senati amerikan.

Por, një zyrtar i paemëruar i NATO-s tha se Mali i Zi nuk do të jetë anëtar me të drejta të plota deri në samitin e planifikuar për datën 25 maj, në Bruksel.

“Holanda nuk do të mund të ratifikojë hyrjen e Malit të Zi në NATO, pasi procedura në parlamentin e Den Hag do të zgjasë të paktën tetë javë”, ka shpjeguar zyrtari në fjalë.

Ndryshe, kryeministri i Malit të Zi, Dushko Markoviq shfaqi shpresën se vendi i tij do të bëhej anëtar me të drejta të plota deri në fillim të samitit. Rusia zgjerimin e NATO-s në Ballkan e ka quajtur provokim, pasi nëse Mali i Zi hyn në NATO, Aleanca Veri-Atlantike do të kontrollojë të gjitha anët e Ballkanit.

Berisha tregon nëse Shpend Ahmeti ishte me dashnore apo me grua në Mal të Zi

Analistja Kimete Berisha ka komentuar vizitën e Shpend Ahmetit në Malin e Zi.

Periskopi.com Lajme

Ajo thotë se Ahmeti ka të drejtën të shkoj me çfarëdo jahti, i kujtdo qoftë ai dhe se sipas saj, asgjë të pamoralshme as kundërligjshme nuk ka bërë Ahmeti.

Berisha thotë se mjafton që Devollët të paguajnë tatimin shtetit, ndërsa për Ahmetin thotë se nuk ishte me dashnore por me grua.

Lexojeni shkrimin e saj të plotë:

Pse mos m’u kënaq Shpendi?

Këta që po e gozhdojnë Shpendin pse u pa në jahtën e Devollëve, vetë për vete natë e ditë ‘shkërdhjehen’ me Ilir Metën në villat e tij.

Mos u bëni fukarenjë.

Jahta nuk është shtëpi publike. Nuk është marre me ‘hyp’ n’të.

Nëse i zoti i jahtës është menaxher i prostitutave, i PIMP e i ‘bordellove’ (qysh po thoni ju), punë për të.

Kosova vlon prej shtëpive publike. Kjo s’është sekret.

Ju më zi se Dovolltë i promovoni në portal-gazetat e juaja farën më të flliqtë të kombit, dhe prostitutat i prezantoni si valltare dhe heroina.

As Devolli më zi s’bën.

Askush nuk kërkon nga Devolli me qenë ‘haxhi’.

Kryesore tatimet le t’i paguan.

P.S. E ti Shpend, rrno, kënaqu e shkriju prej lezetit se kërkush s’ta din. Më shumë na kryen punë një Shpend i kënaqur sesa një Shpend i pakënaqur.

Kryesore s’ke figuru në jahtë me dashnore (si këta) por me grua. Kjo neve na intereson. Morali.

Pasurinë duhet ta lakmojmë, ta dëshirojmë për vete, e jo ta urrejmë.

Shpend Ahmeti flet sërish, tregon detaje rreth udhëtimit të tij për në Malin e Zi

Kryetari i Prishtinës, Shpend Ahmeti ka sqaruar sërish se ku ndodhet dhe me çka udhëtoi nga Shqipëria për në Malin e Zi.

Periskopi.com Lajme

Pas publikimeve të disa fotografive se ai ishte në një jaht, ai thotë se as që ka udhëtuar në deti/ujëra. Ahmeti thotë se ka udhëtuar me veturën e tij bashkë me familje.

Shkrimi i tij i plotë:

Te fala nga une dhe familja ime ne pak vikende qe kemi bashke. E kuptoj qe jam person publik dhe cdo minute e jetes sime eshte publike dhe e kuptoj qe jam ne percjellje te kundershtareve cdo moment prandaj nuk kane nevoje msheftas me fotografu e me bo storie te paqena. Edhe keto dy-tre dite edhe ne Mal te Zi kam takuar dhjetera kosovarë që më kanë parë, me kanë përshendetur dhe jemi fotografuar bashkë.

P.s. Kam ardh me veturen time, e ne deti/ujera nuk kam shetitur fare, e sonte kthehna. Shpifjet nuk na ndalin, por per bashkeqytetaret e mi gjithmone kerkoni shpjegime nga une se nuk ka te keqe./ Periskopi

Kapen afër 30 kilogramë heroinë që po hynin në Kosovë nga Mali i Zi

Gjatë kontrollimit të automjeteve që vinin nga Mali i Zi për në Kosovës oficerët doganor së bashku me ata policor kanë arritur të kapin rreth 30 kg lëndë narkotike të llojit heroinë tek një shtetas i Malit të Zi.

Periskopi.com Lajme

Rreth orëve të mesditës së sotme në pikë-kalim ka arritur një automjet me targa të Malit të zi i cili drejtohej nga një shtetas i po këtij vendi. Gjatë pyetjeve fillestare oficerët doganor kanë vërejtur se personi ka frikë dhe e kanë ndalur për kontroll të mëtejmë, raporton periskopi

Oficerët kanë filluar kontrollën me pajisjet e specializuara amerikane ku në pjesët anësore të automjetit ka pasur indikacione se ka diçka të fshehur, në ato momente personi i dyshuar ka tentuar që të futet në veturë dhe të largohet por falë intervenimit të oficerëve doganor dhe policor personi është ndaluar dhe arrestuar.

Vetura është futur për kontrolle detale, ku gjatë kontrollit në pjesën e pasme të veturës -mbrapa dyerve të vozitësit nga ana e majtë gjenden 7 qese të zeza dhe nga ana e djathtë mbrapa dyerve të bashkudhëtarit po ashtu 7 qese të zeza të ngarkuara me substancën e dyshuar narkotike e llojit heroin. Rasti dhe sasia prej rreth 30 kg substancë narkotike i është dorëzuar policisë derisa personi është arrestuar. ./ Periskopi

 

Senati amerikan voton javën e ardhshme për anëtarësimin e Malit të Zi në NATO

Senati i SHBA-së do të votojë javën e ardhshme rreth propozimit që Malit të Zi të bëhet anëtari më i ri i aleancës së NATO-s.

Periskopi.com Lajme

Reuters njoftoi të martën se Sekretari i Shtetit, Rex Tillerson i kishte shkruar udhëheqësve të Senatit ku thoshte se anëtarësimi i Malit të Zi në Organizatën e Traktatit të Atlantikut të Veriut është “fuqishëm në interes të Shteteve të Bashkuara”, transmeton Klan Kosova

Të gjithë 28 anëtarët e NATO-s duhet të ratifikojnë pranimin e Malit të Zi para se t`i mund të bashkohet zyrtarisht aleancës.

Votimi në Senat të SHBA-së është bllokuar për disa muaj, kur të paktën dy senatorë republikanë, Rand Paul dhe Mike Lee, bllokuan votimin e shpejtë.

 

Verifikimi i kufirit Kosovë –Mali i Zi, përmes fotove të dy ekspertëve

Dëshmi të reja, tani me foto, kanë ardhur nga dy kundërshtarët e Marrëveshjes së Demarkacionit të versionit aktual.

Periskopi.com Lajme

Ekspertët Florim Isufi dhe Shpejtim Bulliqi, profesorë në Universitetin e Prishtinës, ndërsa i fundit edhe deputet i LDK-së në Kuvendin e Kosovës, dhe njëkohësisht kundërshtarë të Marrëveshjes së Demarkacionit, në Facebook, kanë publikuar disa foto, të cilat sipas tyre, dëshmojnë një vijë tjetër kufitare nga ajo që është tani ndërmjet Kosovës e Malit të Zi.

Fotot, Isufi dhe Bulliqi i kanë shoqëruar edhe me këtë tekst:

Të dashur miq

Po ndajmë me ju disa çaste përmes fotove me rastin e verifikimit të vijës kufitare mes Kosovës dhe Malit të Zi. Pjesëmarrës në terren edhe strukturat shtetërore vendore dhe ndërkombëtare. Koha e verifikimit është datat 01/04/2008. Kjo ngjarje tregon edhe për kontrollin efektiv deri me këtë datë. Policia malazeze qëndron në veri të vijës kufitare Kulla. Pas demarkimit vija kufitare zbret deri në 5 km në jug nga Kulla.

F.I. & SH.B.

NATO shpreson në anëtarësimin e Malit të Zi më 25 maj

Aleanca Veri-atlantike shpreson se do të përshëndesë Malin e Zi si anëtare të saj të re në takimin e NATO-s më 25 maj, tha të mërkurën zëvendës sekretarja e përgjithshme e Aleancës, Rose Gottemoeller.

Periskopi.com Lajme

Sekretari amerikan i Shtetit, Rex Tillerson u ka shkruar liderëve të Senatit amerikan, duke iu bërë thirrje që të ratifikojnë anëtarësimin e Malit të Zi në NATO me arsyetimin se kjo është në interesin se SHBA-ve, transmeton Reuters, duke iu referuar letrës së Tillerson të datës 7 mars.

Familjari i Hashim Thaçit anëtar i Komisionit për matjen e territorit

Komisioni për matjen e Territorit të Republikës së Kosovës tashmë i ka prezantuar rezultatet, Qeveria e ka miratuar raportin e tij por ende nuk është dërguar në Kuvend.

Periskopi.com Lajme

Kjo është një nga temat më të rëndësishme në vend, pra demarkacioni me Malin e Zi.

Anëtarët e këtij komisioni ishin shumë, por mes tyre edhe një familjar i Hashim Thaçit. Në fakt, është vëllai i Lumnije Thaçit, zonjës së parë të vendit, bashkëshortes së presidentit.

Ai është Besim Gërxhaliu, raporton Periskopi

Por, këtë nuk e sheh si konflikt interesi zëdhënësi i Komisionit, Tomor Çela.

I kontaktuar nga Periskopi ai ka thënë se nuk është në dije për lidhjen familjare që Thaçi ka me Gërxhaliun, por për këtë të fundit ka shumë fjalë ‘miradie’.

“Nuk e kam idenë miku i kujt është. E ka kryer punën në mënyrën më të profesionale, ka qenë shumë profesional. Aq sa di unë raporti i antenave të KOSST ka qenë i viteve ’77-’78”, thotë ai.

“Nuk e kam idenë se çfarë janë mes vete, por nëse qenkan nuk mund të jetë konflikt interesi”, thotë Çela për Periskopi

E tashmë, Komisioni ka publikuar raportin, e ai është mbyllur me konstatimet përmbledhëse, e rezultati i tyre ishte: që madhësia territoriale është 10 mijë e 905.25 kilometra katrorë.

Ky komision kanë raportuar se kanë matur të gjitha sipërfaqet e komunave administrative, u matën 38 komuna, u matën sipërfaqet e 1 mijë e 305 zonave kadastrale, që pajtoheshin zonat me kumulativin e sipërfaqes së komunave administrative. Madje, sipas komisionit, kjo u bë një kohë të gjatë dhe u bë disa herë, minus ndryshimi që ndodhi me Planin e Ahtisaarit me Maqedoninë, dhe doli shifra e lartë përmendur. Përfundimi është se Kosova nuk humb territor sipas matjeve.

Themelimi i Komisionit qeveritar për matjen e territorit ka bërë bujë të madhe në opinionin publik, por thuhet se nga ana buxhetore nuk i ka kushtuar shtetit.

Çela ka deklaruar se Komisioni i ka kushtuar zero buxhetit të shtetit.

Opozita nuk pati pranuar qe të dërgoj ekspertët e tyre në këtë Komision.

Ndryshe, Gërxhaliu në këtë komision mori pjesë si përfaqësues i KOSTT, e aty ka postin e ushtruesit të detyrës së drejtorit të Departamentit të Transmisionit, raporton Periskopi

Në këtë komision ishin pjesë:

  • Nga Akademia e Shkencave dhe Arteve të Kosovës, është Kryetari i Akademisë, akademik Hivzi Islami;

  • Nga Fakulteti i Shkencave Matematikore Natyrore është caktuar, Dr.Fitim Humolli;

  • Nga Grupi për Hulumtimin e Politikave të Ballkanit, është caktuar zëvendësdrejtori i këtij grupi, Jeton Rexha, që i përket shoqërisë civile. Kanë propozuar që me të, të jenë edhe dy ekspertë që do ta mbështesin. Një ekspert do të jetë po ashtu edhe me Kryetarin e Akademisë të fushave profesionale;

  • Nga Agjencia Kadastrale e Kosovës, Avni Ahmeti;

  • Nga Agjencia e Ujërave, Fidan Bilalli;

  • Nga Agjencia e Pyjeve, Faruk Bojaxhi;

  • Nga KOSTT-i, Besim Gërxhaliu;

  • Nga Agjencia Kosovare e Privatizimit, Agron Luta;

  • Nga Policia e Kosovës, Nënkolonel Kamer Jonuzaj, Departamenti i Kufirit;

  • Nga Agjencia e Statistikave të Kosovës, Idriz Shala;

  • Kryetari i Komunës së Pejës, Gazmend Muhaxheri;

  • Kryetari i Komunës së Deçanit, Rasim Selmanaj;

  • Kryetari i Komunës së Istogut, Haki Rugova;

  • Kryetari i Komunës së Junikut, Agron Kuçi; dhe

  • Dy përfaqësues janë caktuar nga Peja, Ali Lajçi dhe Rrustem Selimaj./ Periskopi

 

Babai im ka mbrojtur kufirin me Malin e Zi

Kryetari i Komunës së Pejës, Gazmend Muhaxheri tregon nëse sërish do të jetë kandidat për kryetar të Pejës, në zgjedhjet lokale që pritet të mbahen në fund të këtij viti.

Teuta GASHI Intervista

Në një intervistë për Periksopi.com, Muhaxheri ka folur për shumë çështje, mes tjerash për ndalimin e Ramush Haradinajt nga autoritetet franceze, por nuk ka pranuar të deklarohet lidhur me akuzën që Haradinaj i ka bërë atij kohë më parë.

Muhaxheri ka folur për Demarkacionin me Malin e Zi. Thotë se i interesojnë faktet që janë prezantuar dhe tregon përse ka një lidhje të veçantë dhe emocionale me atë pjesë të vendit, pra përreth kufirit me Malin e Zi.

Në intervistë ka pranuar se papunësia në këtë komunë është rreth 35 %.

Periskopi: A do të kandidosh edhe zgjedhjet e ardhshme, kur dihet se mbahen këtë vit?

Muhaxheri: Kjo është çështje që vendoset nga Kryesia e Lidhjes Demokratike te Kosovës, por unë jam i gatshëm të ju dalë përballë të gjitha angazhimeve, të cilat  më ngarkohen nga LDK.

Ky është obligim i imi personal dhe moral që të kontribuoi në këtë parti për qytetin tim.

Periskopi: Cilat premtime që i ke bërë në fushatë janë realizuar, e në cilat po ke vështirësi?

Muhaxheri: Shumica e premtimeve të programit tim qeverisës janë arritur, ose janë në përfundim e sipër, vështirësi në realizimin e programitqeverisës gjithnjë është aspekti financiar. Më duhet të ju rikujtoj që Peja ka pësuar një shkurtim esencial në buxhetin komunal.

Ky shkurtim i afrohet vlerës prej 2 milionë euro, kjo ka qenë edhe një sfidë shumë e madhe për ne, por me njohuri të mira menaxheriale dhe një staf profesional kemi arritur t’i menaxhojmë të gjitha prioritet tona.

Periskopi: A keni mbështetjen e Qeverisë në realizimin e projekteve?

Muhaxheri: Të jem shumë i sinqertë Qeveria e RKS na ka ndihmuar jashtëzakonisht shumë, jo vetëm në investime kapitale direkte, por na ka ndihmuar që shumë çështje t’i avancojmë në të mirë të Komunës së Pejës.

Kjo në aspektin strategjik afatmesëm, vlen të theksohet këmbimi dhe aprovimi i projektit më të madh për Qendrën Turistike “BOREA” .

Periskopi: Në çka beson konkretisht që do ju përkrah Qeveria, a do tentoni që të rritet buxheti i Komunës që drejtoni?

Muhaxheri: Po, reformat rrënjësore që Qeveria e RKS, po ndërmerr në gjitha dikasteret pa marrë parasysh cilat kanë filluar të tregojnë rezultatin e tyre qysh tash e ky ndikim për mua do të jetë akoma më frytdhënës në muajt e ardhshëm.

Kjo do të jetë njëra nga mundësit që komunat të ngrisin akoma më shumë efikasitetin dhe efektiviteti e tyre në grumbullimin e taksave komunale.  

Periskopi: A ka të interesuar për investime në Pejë?

Muhaxheri: Fushëveprimi i udhëheqjes komunale sa i përket të interesuarve për investime është jashtëzakonisht i kufizuar për shkak te legjislacionit për qeverisje lokale, prandaj edhe interesimet që kemi ne duhet t’i orientojmë tek organet qendrore, prandaj konsideroj që kjo mangësi nëse mund ta quaj ashtu, do të rregullohet me plotësim- ndryshimet e planifikuar nga Qeveria dhe Parlamenti. Shumë shqetësime të nivelit lokal duhet të procedohen dhe përpunohen nga hartuesit e ligjeve dhe udhëzimeve administrative për ta rritur interesimin e investimeve te huaja. 

Periskopi: Çfarë po ndodh me Qendrën e Skijimit?

Muhaxheri: Për Qendrën  Turistike “BOREA” jemi në fazën e fundit të procedurave të PPP dhe presim së shpejti të pranojmë ofertat përfundimtare nga 3 operatorët e kualifikuar nga faza e parë.

Kjo është ajo çka mund të themi deri më tani.

Periskopi: Sa të papunë janë në komunën që drejton, çfarë po bëni që të ulet numri i tyre?

Muhaxheri: Papunësia ne komunën tonë shkon diku rreth 35%, gjithashtu edhe në këtë sektor nuk mund të kemi ndikim shumë të lartë, por jemi duke bashkëpunuar ngushtë që sektori privat të jetë promotor direkt.

Trendi është në rritje shumë të qëndrueshme duke e parë rritjen ekonomike të vendit në 2 vitet e fundit besoj që edhe papunësia do të filloj të zbutet dhe të ndihen efekte te qytetarët tonë.

Periskopi: Deri ku është kufiri me Malin e Zi, cilat matje i pranoni dhe a duhet Demarkacioni të kalohet në Kuvend sa më shpejt?

Muhaxheri: Kufiri me Malin e Zi tashme është ezauruar si temë shumë here, si nga Komisioni Shtetëror ashtu edhe nga Komisioni ad-hok që e ka formuar ish-Presidentja, znj. Jahjaga edhe nga komisioni tjetër për matjen e territorit i udhëhequr nga Kryetari i Akademisë zt. Islami,prandaj mua si Kryetar Komune më kanë interesuar fakte që janë prezantuar, ndërsa emocionalisht unë e ndjej veten shumë të lidhur me këtë ndarje mes tokave shqiptare pasi që edhe baba ime si i ri ka qenë pjesëmarrës në mbrojtjen e këtij kufiri.

Sa për pjesën e dytë të pyetjes tuaj se a duhet të votohet kjo është në tagrin e të zgjedhurve tonë në parlamentin e RKS, pa dallime partiake.

Kjo është një situatë tipike për kuvendaret, sepse ata janë në ato karrige për të marrë  vendime të vështira, por gjithnjë në interes të popullit dhe zhvillimit të qëndrueshëm.

Periskopi: Nëse po merreni me partinë në qendër, si po ecë koalicioni dhe a pajtoheni që të mbahen zgjedhjet në këtë vit?  A është e gatshme LDK-ja për zgjedhje këtë vit?

Muhaxheri: Mua më është besuar udhëheqja e njërit ndër qytetet më të mëdha nga LDK dhe tani jam 100% i angazhuar, që t’i përmbush detyrimet e mia si Kryetar, jam i fokusuar për nivelin lokal, ndoshta në të ardhmen do të angazhohem edhe në nivelin nacional, ku i dihet! 

Periskopi: Si e komentoni ndalimi e Ramush Haradinajt në Francë, dhe a jeni ftuar ndonjëherë në pyetje nga drejtësia për akuzën që keni prej tij?

Muhaxheri: Ndalimi i tij ëhstë në sfidë për shtetin, për Kosovën. Normalish askënd nuk e gëzon ndalimi i tij. Shpresoj që autoritetet franceze të veprojnë dhe ai të kthehet sa më shpejt në vendin e tij, te familja e tij./ Periskopi

Mali i Zi, 5 shtetas serbë me nga 5 muaj burg për terrorizëm në tentativë

Pesë shtetas serbë të cilët ngarkohen për krijim të organizatës kriminale dhe terrorizëm në tentaitvë, sot pranuan se kanë planifikuar të deportojnë me forcë përmes kordonit policorë dhe të marrin Kuvendin e Malit të Zi.

Periskopi.com Lajme

Pesë shtetas serbë, Aleksandar Çuroviç, Nikola Gjuriç, Sinisha Cetkoviç, Dejan Stanojeviç dhe Ivica Matiç, të cilët ngarkohen për krijim të organizatës kriminale dhe terrorizëm në tentaitvë, sot kanë pranuar se kanë planifikuar të deportojnë me forcë përmes kordonit policorë dhe të marrin Kuvendin e Malit të Zi në natën e zgjedhjeve parlamentare më 16 tetor të vitit të kaluar. Ata u dënuan me nga pesë muaj burg, raporton Anadolu Agency (AA).

Ata sot në seancën dëgjimore në Gjykatën e Lartë në Podgoricë, thanë se në Mal të Zi në prag të zgjedhjeve kanë ardhur për të mbështetur Frontin Demokratik. Ata theksuan se u është thënë se do të vijnë shumë njerëz nga Serbia “për të mbështetur vëllezërit malazez dhe opozitën”.

Në seancën e sotme u tregua rezervimi dhe një kopje e pasaportës së qytetarëve rus Eduard Shirokov dhe Vladimir Popov, me të cilat ata kanë hyrë dhe dalur nga Serbia.

 

 

Lekaj thotë se për demarkacionin me Malin e Zi duhet negocim nga Qeveria e re

Grupi Parlamentar i AAK-së, përmes një reagimi dërguar mediave, Komisionin qeveritar për matjen e territorit të vendit e ka quajtur pa kredibilitet dhe pa legjitimitet.

Periskopi.com Lajme

Në këtë reagim, shefi i GP i AAK-së, Pal Lekaj, thotë se ky komision, i formuar nga Qeveria e Kosovës, është i përbërë nga ata të cilët e kanë mbrojtur versionin aktual të demarkacionit, ndërsa thotë se opozita dhe qytetarët s’mund t’i besojnë “Hivzi Islamit dhe Tomor Qelës të cilët hapur e kanë mbrojtur versionin aktual të demarkacionit”.

“Prandaj, vlerësoj se ky komision është vetëm mbulesë për Qeverinë e koalicionit për t’i shantazhuar deputetët e Kuvendit për ta votuar demarkacionin”, thotë Lekaj, raporton Koha.net.

Zyrtari i AAK-së thotë se partitë opozitare dhe kryetarët e Komunave të Deçanit dhe Junikut kanë refuzuar të jenë, siç thotë ai, “pjesë e këtij cirku” pasi “nuk mund të jemi pjesë e një komisioni, i cili do të matë territorin e vendit për sa kohë qe kufijtë e vendit mbesin të padefinuar”.

“Se nuk mund të matet territori i vendit pa u definuar kufijtë e kanë thënë edhe ekspertët e gjeodezisë, madje edhe deputetë të koalicionit”, thekson më tej Lekaj.

Grupi Parlamentar i Aleancës për Ardhmërinë e Kosovës do të vazhdojë, bashkë me partitë opozitare, që të kundërshtojnë këtë marrëveshje “e cila i humbet vendit mbi 8 mijë hektarë”.

Shefi i GP të AAK-së i ka bërë thirrje Qeverisë që të ndalë përpjekjet e tyre për të kaluar këtë marrëveshje pasi ajo nuk do të kalojë.

“Qeveria duhet që ta anulojë në tërësi këtë marrëveshje dhe të shkarkojë Komisionin Shtetëror i cili ka bërë demarkimin e kufirit me Malin e Zi, dhe pastaj Qeveria e ardhshme, e cila do të formohet si rezultat i vullnetit të popullit, ta negociojë me Malin e Zi demarkimin e kufirit”, potencon shefi i deputetëve të AAK-së, Pal Lekaj.

“Thirrjet e Thaçit e Mustafës se kalimi i demarkacionit e bën të mundshëm liberalizimin e vizave janë të pavërteta, sepse e kanë thënë edhe zyrtarët e lartë të Bashkimit Evropian se Kosova nuk do të marrë liberalizimin e vizave për sa kohë që nuk luftohet krimi dhe korrupsioni i organizuar, i cili po lulëzon çdo ditë e më shumë”, ka përfunduar ai.