Kjo është mrekullia që ndodhi në tragjedinë e Londrës

Periskopi.com Lajme

Tragjedia që ndodhi në Londër ka ende viktima të cilët për fat të keq mund të mos identifikohen kurrë. Mirëpo, për vajzën 4-vjeçare të quajtur Pat ka ndodhur një mrekulli. Ajo arriti të mbijetonte edhe pse u hodh nga kati i 5 i pallatit nga e ëma e saj.

Për këtë hero u bë një fqinj i saj që arriti ta priste poshtë vogëlushen duke mos e lënë të binte në tokë nga një lartësi prej 15 metrash. Por për fat të keq, e ëma e 4-vjeçares mendohet të jetë një prej viktimave e cila nuk është identifikuar ende.

Policia ka paralajmëruar se disa prej viktimave të mbetura në katet e pallatit të djegur në Londër mund të mos identifikohen kurrë. Shërbimet emergjente do të shpenzojnë një ditë të tretë duke kërkuar për trupat e djegur në kullën Grenfell në zonën Knesington.

Deri më tani zyrtarisht është njoftuar për 17 të vdekur, por kjo shifër duket se do të rritet ndjeshëm sipas policisë pasi ende dhjetëra persona mungojnë, madje edhe familje të tëra.

Forcat e zjarrfikëses thonë se nuk presin më të gjejnë të mbijetuar, ndërkohë që kryeministrja Theresa May urdhëroi një hetim të plotë publik.

‘Po vdes, nuk ia dal dot!’ Zbulohen mesazhet e lamtumirës nga Londra

Periskopi.com Lajme

Personat e bllokuar brenda ndërtesës së ferrit në Londër u kanë dërguar mesazhet e tyre të fundit familjeve kur e kuptuan se do të ishte thuajse e pamundur të mbijetonin.

Disa janë lutur për shpëtim, ndërsa tymi dhe flakët pushtonin dhomat e tyre, ndërsa të tjerë thjesht kanë thënë “Lamtumirë”.

Një nënë, e cila ishte bllokuar me 3 fëmijët e saj ndërsa flakët përfshinë apartamentin e saj, u ka shkruar mesazh miqve: “Lamtumirë, nuk do t’ia dal dot!”.

Nura Jemal dhe bashkëshorti i saj Hashim Kedir ishin mes familjeve që iu tha të prisnin për shpëtimin nga autoritetet e emergjencës. Por rreth orëve të para të mëngjesit kur e pa se nuk do t’ia dilte dot telefonoi të afërmit dhe u tha: “Zjarri është këtu, po vdes. Lamtumirë, nuk do t’ia dalim dot! Ju lutem më falni!”.

Këto ishin fjalët e saj të fundit që miqtë dëgjuan prej saj.

Miqtë kanë qenë të shqetësuar edhe për një çift italian që banonte në katin e 23-të të godinës, ndërsa një nënë e dy fëmijëve kishte shpërndarë në FB momentet e saj të fundit.

Gjithashtu është ende i paditur fati i 27-vjeçares Mariem Elgwahry, e cila jetonte në katin e 19-të bashkë me nënën e saj.

12-vjeçarja Jessica Urbano kishte telefonuar nënën e saj në orën 1:40 të mëngjesit për t’i thënë se ishte bllokuar brenda godinës që po digjej. Nëna e saj kishte shkuar me urgjencë në shtëpi, ndërsa kthehej nga puna, por oficerët nuk e lejuan të depërtonte kordonin e sigurisë. Nuk dihet ende fati i saj.

 

Londër, fotoja e myslimanes që ndihmon një pensioniste pushton rrjetet sociale

Periskopi.com Lajme

Fotoja e një gruaja myslimane duke ndihmuar një zonjë të vjetër që u rrëzua në një autobus në Londër ka marrë më mijëra shpërndarje në median sociale.

Gruaja e panjohur pa udhëtonte me autobusin E17 në Londrën lindore kur një 84-vjeçare u rrëzua, ndërsa gruaja myslimane e ndihmoi duke i lëvizur kokën nga dera e hekurt duke i dhënë ndihmën e parë.

Hamza O Bakri, që bëri foton tregoi edhe ngjarjen, shkruan The Independent.

“Zonja 84-vjeçare u rrëzua pranë derës dhe gruaja myslimane jo vetëm e ndihmoi, por edhe i mbajti dorën duke e ndihmuar atë për 20 minuta derisa arriti ambulanca”.

Postimi u shpërnda mbi 41,000 herë.

Një komentues shkruante: “Unë mendoj që njerëzit e Britanisë së Madhe duhet të zgjohen, nuk është feja që shkakton luftëra, por politika. U uroj shërim të shpejtë zonjës”.

Bethany Roberts shkruan: “Njerëzit duhet ta kuptojnë se terroristët nuk janë myslimanë. Myslimanët e vërtetë janë një komunitet shumë i këndshëm”.

Shumica e komentuesve shkruanin se ky “është Islami i vërtetë”.

Sipas Hamzait, shoferi i autobusit kaloi mbi në kanal, çka shkaktoi që autobusi të tronditej dhe gruaja të rrëzohej.

Krimet islamofobe janë rritur me pesë herë pas sulmit në Urën e Londrës.

Numri i sulmeve raciste tre ditë pas ngjarjes së Urën e Londrës arriti deri në 54 raste, me një rritje prej 40 përqind në krahasim me vitin e kaluar, shkruan The Independent

Sulmet në Londër: 130 imamë refuzojnë t’ua falin xhenazet sulmuesve (Video)

Periskopi.com Lajme

Një grup prej 130 imamë dhe liderë fetarë kanë refuzuar t’ua falin xhenazet sulmuesve të urës në Londër, të cilët lanë të vrarë shtatë persona dhe mbi 50 tjerë të plagosur, shkruan Independent.

Liderët kanë thënë se nuk do të kryejnë ritualet që normalisht kryhen për çdo mysliman, pavarësisht veprimeve të tyre, transmeton Telegrafi.

“Ky vendim vjen si pasojë e veprimeve të tyre që janë në kundërshtim me parimet e Islamit. Ne nuk do t’ua falim xhenazet autorëve të krimit, dhe u bëjmë thirrje imamëve tjerë dhe liderëve fetarë që të mos e bëjnë një gjë të tillë”, thuhet në deklaratën e grupit të imamëve.

Identifikohen 2 nga autorët e sulmit terrorist në Londër

Periskopi.com Lajme

Dy nga emrat e personave që kryen sulmin terrorist të së shtunës në Londër janë bërë të ditur nga policia lokale.

Ata janë Khuram Butt dhe Rachid Redouane, 30 vjeç.

Butt, 27 vjeç, ishte i martuar me fëmijë dhe jetonte në Barking, në lindje të Londrës prej disa vitesh. Ai ishte i njohur për policinë dhe “MI5”, por nuk kishte asnjë indikacion nga inteligjenca britanike për një sulm të mundshëm nga ana e tij.

Ata dhe një burrë tjetër u vranë nga policia pasi vranë shtatë persona dhe plagosën 48 të tjerë.

Terrori në Londër, xhihadisti me bluzën e Arsenalit

Periskopi.com Lajme

Policia e Londrës po punon për identifikimin e tre xhihadistëve, të cilët shkaktuan terror në Londër.

Të tre xhihadistët mbetën të vrarë nga policia, ndërsa njëri prej tyre mbante të veshur një bluzë të Arsenalit.

Ngjarja e rëndë ndodhi mbrëmë në Londër, ku mbetën të vrarë shtatë persona dhe dhjetra të tjerë u plagosën.

Xhihadistët u futën në një rrugë këmbësorësh, në “London Bridge”, me një furgon të bardhë dhe sulmuan këmbësorët, duke ecur me një shpejtësi rreth 80 km/orë dhe lëvizje në formë “S”.

Më pas, tre xhihadistët dolën në rrugë dhe filluan të godisnin njerëzit me thikë, pranë tregut “Borough”.

Shpërthim në Londër, dy të plagosur

Periskopi.com Lajme

Në lagjen Finsbari Park në veri të Londrës të mërkurën ka ardhur deri te një shpërthim, në të cilin janë lënduar dy persona, në mesin e të cilëve ishte një polic, ndërkohë që po bëhet evakuimi i njerëzve nga kjo lagje, transmetojnë mediat britanike.

Shërbimi i zjarrfikësve aktualisht po përpiqet të shuajë zjarrin që ka shpërthyer pas eksplodimit, shkruan gazeta britanike “Express”.

Sulm me thikë në autobus në Londër, afrikani hero i shpëton të gjithë (Video)

Periskopi.com Lajme

Qytetarët që po udhëtonin me një autobus në veri-perëndim të Londrës kanë përjetuar momente paniku. Një agresor ka hipur në autobus dhe ka tentuar të sulmojë pasagjerët me një thikë.

Por agresori u  neutralizua nga një pasagjer me kombësi afrikane i cili ka luftuar më të dhe i ka marrë thikën nga dora.

Me thirrjet “Jam afrikan dhe kurrë nuk do ta marrësh jetën time”, afrikani e hodhi e toke sulmuesin.

Pasi pa se kishte humbur betejën, autori doli me shpejtësi nga autobusi dhe u largua nga vendi i ngjarjes.

Edhe viktima e pestë nga sulmi në Londër, një 75 vjeçar

Policia ka bërë të ditur se si pasojë e sulmit terrorist të djeshëm në Londër edhe një person 75 vjeçar ka vdekur duke e quar numrin e viktimave në pesë, shkruan Daily Mail, përcjell Periskopi

Periskopi.com Lajme

Deri tani nuk është bërë i ditur identiteti apo nacionaliteti i viktimës i cili po trajtohej në spital për shkak të plagëve të marra.

Momenti kur filloi sulmi në Londër (Video)

BBC ka publikuar një video të fillimit të sulmit në Londër.

Periskopi.com Lajme

Katër veta kanë humbur jetën dhe 20 të tjerë janë lënduar në një sulm jashtë Parlamentit britanik në Londër, si dhe urën Westminster, transmeton Koha.net.

“Katër persona kanë vdekur në një sulm në Londër. Kjo video tregon momentin kur filloi incidenti jashtë Parlamentit britanik”, shkruan BBC në Twitter.

Në video shihet paniku mjaft i madh i qytetarëve, përderisa policët iu kërkojnë që të largohen.

 

 

Në sulmin në Londër katër të vdekur dhe 20 të lënduar

Policia britanike ka bërë të ditur se katër veta kanë humbu jetën të mërkurën në sulmin para Parlamentit britanik dhe urës Vestminster në qendër të Londrës.

Periskopi.com Lajme

Siç transmeton “Guardian”, në mesin e të vrarëve është edhe një polic dhe sulmuesi.

Në sulmin në Londër janë lënduar edhe tre nxënës francezë, kanë konfirmuar zyrtarë francezë.

Tre nxënësit të moshës 15 dhe 16 vjeç janë nga Bretanja në perëndim të Francës, shkruan gazeta rajonale “Le Telegram”.

Me këtë numri i përgjithshëm i të lënduarve në incidentin e sotëm, sipas policisë, është ngritur në gjithsej 20.

Ndryshe, policia incidentin e ka quajtur “sulm terrorist”.

Takim i komitetit për situata të jashtëzakonshme, kryesohet nga May

Kryeministrja britanike, Theresa May, do të kryesojë takimin e sotëm të komitetit për situata të jashtëzakonshme (COBRA), pas sulmit te Parlamenti britanik, të cilin policia e trajton si incident terrorist.

Periskopi.com Lajme

“Sot mbahet takimi i COBRA”, ka bërë të ditur zëdhënësi në zyrën e kryeministres britanike, transmeton Reuters.

Kosovarja rrëfen për sulmin në Londër

Shqiptarja nga Kosova, Vlora Pireva që jeton në Londër ka rrëfyer se si e ka përjetuar sulmin e sotëm në Parlamentin e Britanisë, sulm ky që po cilësohet si terrorist.

Periskopi.com Lajme

“Unë sapo përfundova punën. Për momentin, është qetë. Më herët ishte panikë, kishte gjithandej helikopterë, makina të Policisë si dhe motoçikleta që në fakt edhe na e pamundësonte punën”.

Ajo në Info Magazine të Klan Kosovës ka thënë se pavarësisht këtij incidenti, tashmë situata është qetësuar në Londër por që kontrollet e detajuara të Policisë po vazhdojnë.

Qytetarja Pireva ka thënë se pavarësisht krejt kësaj ngjarje, ajo nuk është shqetësuar shumë.

“Njerëzit janë të rezervuar për të përdorur transportin publik por njerëzit megjithatë po vazhdojnë ta përdorin atë, nuk është mbyllur. Nuk jam shqetësuar shumë, jemi mësuar me këto ngjarje. Aktualisht kam pak frikë ta përdorë trenin nëntokësor, andaj po mendohem çfarë të bëj”, ka thënë ajo.

Tjetër kërcënim në Londër, gjendet pako e dyshimtë afër Parlamentit

Një tjetër kërcënim ka alarmuar autoritetet në Britani të Madhe, teksa një pako e dyshimtë është gjetur në një makinë të parkuar pranë Parlamentit në Londër.

Periskopi.com Lajme

Në vendngjarje ka shkuar skuadra anti-bombë, e cila do të verifikojë pakon e dyshimtë nëse ka material shpërthyes apo është alarm i rremë.

Ndërkohë, është pezulluar evakuimi i stafit të Parlamentit, që kishte nisur pas ngjarjes në hyrje të godinës, ku një agresor përplasi me makinë 12 këmbësorë dhe qëlloi me thikë një oficer policie, para se të vritej nga policia.

Mediat britanike raportojnë se autori është një 40-vjeçar aziatik. Ka dyshime të forta se ngjarja është sulm terrorist. Të paktën në këtë pistë po hetohet për momentin deri në zbardhjen e plotë të ngjarjes. /SYRI.net

Sulmi në Londër: Theresa May ishte ‘vetëm 35 metra larg” vendit ku ndodhi sulmi

Kryeministrja britanike Theresa May, ishte “vetëm 35 metra larg” vendit ku ndodhi sulmi në Londër.

Periskopi.com Lajme

Shumë dëshmitarë kanë deklaruar për mediat angleze, se May ishte duke u bërë gati të futet në veturën e saj kur u pengua nga policia pasi në ato momente po ndodhte sulmi, transmeton Telegrafi.

Autoritet e sigurisë e kanë cilësuar sulmin si “incident terrorist”, në të cilën një person humbi jetën dhe më shumë se 12 tjerë janë lënduar rëndë.

Sulmuesi që është qëlluar nga policia kishte therur me thikë një polic, që po qëndronte pranë portës së Parlamentit britanik.

 

Pas sulmit, flet kryetari i Londrës

Kryetari i Londrës, Sadiq Khan ka reaguar pas sulmit që ka ndodhur sot në Parlamentin e Britanisë e po cilësohet si terrorist.

Periskopi.com Lajme

“Ka ndodhur një incident serioz në afërsi të Parlamentit, dhe deri tani po cilësohet si sulm terrorist derisa të vërtetohet e kundërta. Policia është duke e hetuar rastin dhe do të njoftoheni për të gjitha të rejat. Bashkëndjejë me personat e lënduar dhe familjet e tyre”, ka thënë ai, transmeton Klan Kosova.

Shpërthim dhe kaos në rrugët e Londrës (Foto&Video)

Një shpërthim gazi ka ndodhur në kryeqytetin britanik Londër, në zonën e quajtur Soho.

Periskopi.com Lajme

Rrugët ishin të mbushur me njerëz që po shijon të premten kur ka ndodhur shpërthimi. Njerëzit në ndërtesa dhe rrugët në zonë janë evakuuar, raportojnë mediat lokale.

Njerëzit, në panik, kan raportuar për ngjarjen në rrjetet sociale.

O Zot, sapo ndodhi një shpërthim gazi”, shkruan dikush në Twitter.

Në rrugët “Archer” dhe “Rupert” ka një prani të madhe të forcave të policisë dhe atyre zjarrfikëse.

 

 

Shqiptari nga Kosova vjedh rrymën në Londër, dënohet 4 vite burg

Shaip Nimani, 52 vjeç, me origjinë nga Kosova, kishte punësuar rumunin Sandu Laurentiu Sava 40-vjeç, dhe pesë burra të tjerë rumunë që të punojnë për 40 £ në ditë në autolarjen e tij “Bubbles” në lindje të Londrës, shkruan dailymail.

Periskopi.com Lajme

Ai kishte ndalur 40 £ në javë nga çdo punonjës për qëndrimin e tyre në një bllok strehim të improvizuar pas auto-larjes, nën harqe, të cilën ai e kishte marrë me qira nga Rrjeti hekurudhor. Vendstrehimi është përshkruar si një “pisllëk” që përbënte “rrezik ekstrem për jetën”.

Sandu Laurentiu Sava pësoi një goditje fatale elektrike, ndërsa ishte duke bërë dush në garazh, pasi Nimani kishte anashkaluar matësin elektrik për të kursyer para, sipas gjykatës.

Prokurori William Boyce QC i tha gjykatës: “Kushtet në bllokun e banimit përbënin rrezik ekstrem për jetën. Sistemet elektrike në auto-larje ishin në një gjendje të tmerrshme. Ishte manipuluar me energjinë elektrike në auto-larje në mënyrë mjerisht të paaftë duke anashkaluar matësin elektrik, dhe nuk ka dyshim, për të shmangur pagesën e faturës”./Zeri

Sulmohet një grua e mbuluar në Londër

Policia britanike është në kërkim të një 17 dhe 19 vjeçari të cilët kanë zvarritur në tokë një grua të mbuluar.

Periskopi.com Lajme

Njoftohet se në rajonin Chingford në lindje të Londrës 2 persona kanë rrëzuar dhe kanë zvarritur një grua të mbuluar. Policia e britanike e rajonit Scotland Yard, ka njoftuar se kanë nisur punimet për kapjen e sulmuesve të cilët janë përcaktuar se janë të moshës 17 dhe 19 vjeç, raporton AA

Ndër të tjera bëhet e ditur se femra e mbuluar identiteti i të cilës nuk është publikuar është në moshën 20-vjeçare dhe gjatë momentit të sulmit ka qenë e vetme.

Në një deklaratë të bërë nga policia theksohet se në ngjarje e cila ka ndodhur ditën e mërkurë personat e veshur me të rroba të zeza fillimisht janë përpjekur ti heqin mbulesën të dëmtuarës dhe më pas e kanë shtrirë në tokë duke e tërhequr zvarrë.

Ndër të tjera theksohet se gruaja e dëmtuar pasa se të telefononte policinë ka qëndruar për 20 minuta në tokë dhe më pas është strehuar tek një restorant turk pranë ku dhe punonjësit e restorantit kanë ofruar ndihmë.

Gjithashtu edhe në fillim të javës një person në stacionin e trenit në Londër plagosi me thikë një musliman duke thërritur me zë të lartë “dua të vras muslimanë”.

Teksa ka shqetësime se mund të humbasë aftësinë e të shikuarit Muhammed Askar i cili u plagos gjatë sulmit, policia kishte deklaruar se ngjarja “nuk është klasifikuar si një sulm terrorist”.

Sipas nismës Tell Mama që mbështetet nga qeveria, e cila ndjek sulmet kundër muslimanëve në vend, theksohet se objektivi fillestar i këtyre sulmeve janë gratë. Gjithashtu Tell Mama ka vënë në dukje se një objektiv tjetër janë edhe qendrat e muslimanëve. Në një raport të publikuar muajin e kaluar kjo nismë e organizuar në formën e një projekti kishte deklaruar se në 3.5 vitet e fundit më shumë se 100 xhami dhe institucione islame kanë qenë objektiv i sulmeve anti-muslimane.

Panik në Londër, evakuohen stacionet e trenave

Dy stacionet e metrosë në Londër janë evakuuar sot pasi është raportuar për një zjarrë në tren.

Periskopi.com Lajme

Pasagjerëve në stacionin Highbury dhe Islington u është thënë të largohen nga stacionet edhe më pas u mbyll për një kohë, shkruan gazeta “Mirror”, përcjellë lajmi.net

Disa nga udhëtarët thanë se kanë nuhatur erë e se diçka po digjej, transmeton lajmi.net.

Një zëdhënës i Trafikut të Qytetit në Londër (TFL) ka thënë se të dy stacionet janë hapur pasi problemi teknik ishte zgjidhur, edhe pse ai nuk i ka komentuar arsyet e evakuimit.