Jablanovic tregon se si Lista Serbe deshi ta votojë Ushtrinë e Kosovës

Periskopi.com Lajme

Aleksandar Jablanovic, i cili në zgjedhjet e 11 qershorit garon jashtë Listës Serbe, në një intervistë për KoSSve akuzon këta të fundit, si bashkëpunëtor të Hashim Thaçit, të cilët sipas tij, ishin të gatshëm të votonin Ushtrinë e Kosovës.

“Vetëm Lista Serbe është ajo e cila është e gatshme të votojë për Ushtrinë e Kosovës. Pjesë e atyre bisedimeve ishin Dalibor Jevtic, Branimir Stojavnovic dhe Ljubomir Maric dhe për këtë ekziston procesverbali. Kush është serbi i Thaçit mund të vërtetohet në evidencën e Kuvendit të Kosovës në lidhje me atë se kush ka votuar për zgjedhjen e Hashim Thaçit për president të Kosovës. Ata këtë e kanë bërë sipas urdhrave të “Zyrës për Kosovë dhe Metohi” dhe të Marko Djuric’it, ka thënë lideri i Partisë së serbëve të Kosovës Aleksandar Jablanovic, i cili me partinë e vet do të merr pjesë në zgjedhjet e jashtëzakonshme parlamentare më 11 qershor, shkruan gazetametro

Në pyetje të gazetarit të KoSSev se a e ka këtë dokument, ai përgjigjet se e posedon, porse “ju si gazetar mund t’iu drejtoheni Kuvendit të Kosovës dhe mund ta merrni kopijen e procesverbalit”.

Nga ana tjetër Dalibor Jevtic nga Lista serbe, i demanton pretendimet e Jablanovic’it duke theksuar se Jablanovic, “siç dihet, është i prirur për mashtrime”, dhe se pretendimet e tij “nuk meritojnë koment”, por “pasi që e respekton publikun i cili ka të drejtë në përgjigje”, i bënë thirrje Jablanovic’it që të publikojë dokumentin e Kuvendit të Kosovës në të cilin thirret.

“Votimi për zgjedhje të presidentit është i fshehët. Nuk ekziston asgjë që quhet “procesverbal se kush dhe si ka votuar. Jablanovic këtë e di apo nuk e di, prandaj manipulon, apo edhe një herë konfirmon mosdijen e vet politike. Mundohem që mos të hyjë në këtë baltë të tyre”, ka thënë Jevtic.

Jabllanoviq godet Listën Serbe

Periskopi.com Lajme

Kryetari i Partive të Serbëve të Kosovës – PSS (Partija Kosovskih Srba-PKS), Aleksandar Jabllanoviq ka shfaqur pritshmëritë se PSK-ja në zgjedhjet e parakohshme në Kosovë do të marrë mbështetje të madhe të trupit zgjedhor serb.

Ai ka shtuar se partia e tij do të luftojë për të drejta më të mira të popullit serb dhe pozitë më të mirë të të gjithë qytetarëve të tjerë në Kosovë e Metohi, siç e citojnë mediet serbe të jetë shprehur ai.

Jabllanoviq mbrëmë vonë, pas dorëzimit të listës së kandidatëve për deputetët në Komisionin Qendror të Zgjedhjeve, u tha gazetarëve se PSK do të dëshmojë se “Lista Serbe është projekt i tejkaluar dhe mision i gabuar”, meqë nuk ka realizuar asnjë detyrë domethënëse gjatë tri vjetëve e gjysmë.

Sipas vlerësimeve të tij, po vjen koha që serbët në Kosovë e Metohi të pyeten për të drejtat e tyre dhe ardhmërinë e vet.

“Kundërshtari i ynë më i madh politik do të jenë ata që përdorin rrenat e mashtrimet më të mëdha e më të pafytyra. Ata janë njerëz brenda Listës Serbe, të cilët katër vjet kanë gënjyer serbët në Kosovë, nga premtimet e rreme për formimin e Asociacionit të Komunave Serbe, mbi të gjitha të tjerat, deri te formimi i komunës së vendbanimeve Prilluzhë-Plemetin”, ka thënë Jabllanoviq.

Jabllanoviq ka thënë se në listën e PSK-së janë 22 kandidatë, 15 meshkuj e 7 gra.

Vukoje Vukojeviq, i cili bashkë me Jabllanoviqin dorëzoi listën e kandidatëve për deputetë, tha se “serbëve duhet t’u krijohen kushte për qëndrim të sigurt dhe mbijetesë dhe se për këtë duhet forcuar ekonomia”.

“Koalicioni ynë me siguri do të krijojë kushte për një jetë të sigurt, mbijetesë të sigurt. Ne serbët nga Kosova nuk jemi më pak të vyeshëm nga serbët e Serbisë ose nga cilido rajon tjetër”, ka thënë Vujoviq dhe ka shtuar se qëllim i PSK-së është ndërtimi i bashkëjetesës dhe prosperiteti në baza reale, e jo në baza të premtimeve.

Gashi tregon kur prishet koalicioni PDK-LDK-Lista Serbe

Periskopi.com Lajme

Analisti politik, Dardan Gashi duke folur për mundësinë e zgjedhjeve të parakohshme ka thënë se “PDK ka paralajmëruar që do të shkojë në zgjedhje, por jo me një hidhërim të madh me LDK-në”.

“Pasi është menduar që këto dy parti ta vazhdojnë qeverisjen edhe më gjatë. Jemi në një situatë, kur LDK është tërhequr në mënyrë të njëanshme. Tash PDK thuajse është në pozitë të njëjtë, duke dashur që Qeveria të prishet përmes votave të opozitës”, ka thënë Gashi në Klan Kosova.

Ai ka thënë se LDK nuk do zgjedhje pasi e kanë postin e kryeministrit.

“PDK i dëshirojnë zgjedhjet shkaku i Veselit që ai të vijë në pozitën e kryeministrit. Dy partitë në koalicion po e kërkojnë rrugën e duhur për të shkruar në zgjedhje, LDK sa ma vonë dhe PDK sa ma shpejtë. Prishja e koalicionit në harmoni nuk do të ndodhë. Nëse kemi prishje të koalicionit kjo do të ndodh që PDK do të gjejë aleat në opozitë”, tha ai.

Lista Serbe: Isa Mustafa po gënjen në lidhje me ushtrinë

Periskopi.com Lajme

Lista Serbe mohon pretendimet e kryeministrit të Kosovës, Isa Mustafa se përfaqësuesit e saj kanë negociuar për formimin e ushtrisë së Kosovës.

Ata, për B92, pohojnë se qëndrimi i tyre mbetet i pandryshuar dhe se nuk do të mbështesë Prishtinën që të formojnë forcat e armatosura, transmeton lajmi.net.

Kryeministri i Kosovës, Isa Mustafa tha se kanë pasur takime me përfaqësuesit serbë për formimin e Ushtrisë, se arsyet për tërheqjen e tyre i ka mësuar në kontakte private, ku ai u njoftua se përfaqësuesit serbë janë të kushtëzuar dhe se ata nuk mund të marrin vendime pa qëndrimin e Beogradit.

Ndërkaq, Lista Serbe mohon pretendimet Mustafës.

‘Srpska’ bëhet parti, kërkesë bëjnë edhe Simiq dhe Jabllanoviq

Periskopi.com Lajme

Kryetari i iniciativës qytetare “Srpska”, Sllavko Simiq, ka bërë kërkesë në KQZ për riregjistrimin e Listës Serbe si parti politike me nënshkrimin e 1.650 qytetarëve, në mesin e të cilëve ka deputetë, përfaqësues të Qeverisë e kryetarë të komunave.

Për anëtarin e KQZ-së, Nenad Rikallo, Jabllanoviqin e ndihmoi Isa Mustafa për ta marrë “Srpska”-n

Lista Serbe e cila në zgjedhjet për pushtetin lokal në nëntorin e vitit 2013 si dhe në zgjedhjet nacionale një vit më vonë, të shpallura nga ish-presidentja Atifete Jahjaga, ka marrë pjesë si iniciativë qytetare me emrin lista “Srpska”, tani do të shndërrohet në parti politike dhe në zgjedhjet e sivjetme do të garojë si e tillë, pasi që kreu i saj, Sllavko Simiqi, ka bërë kërkesë në KQZ për riregjistrimin e Listës Serbe si parti politike me nënshkrimin e 1.650 qytetarëve, në mesin e të cilëve ka deputetë, përfaqësues të Qeverisë, kryetarë të komunave e të tjerë.

Një kërkesë të njëjtë e ka bërë edhe kryetari tjetër i “Srpska”-s, Aleksandër Jabllanoviq, i cili ka paraqitur kërkesën me 570 nënshkrime.

Jabllanoviq nuk u kërkon falje nënave të Gjakovës, thotë se nuk i ka fyer

Aleksandar Jabllanoviq, i cili po pretendon se është serish kryetar i Listës Serbe, ka deklaruar se Lista Serbe, punët më së miri i ka kryer kur e ka dëgjuar Qeverinë e Serbisë, ndërsa ka porositur opozitën që të mos merren me punët e Listës Serbe, “nëse ata mendojnë se janë të fuqishëm dhe përzihen në çdo çorbë, atëherë ajo çorbë atyre do t’u bie në kokë”.

Periskopi.com Lajme

Në një intervistë të dhënë për Tribuna Channel, ai ka pohuar se kurrë nuk është larguar nga Lista Serbe, pasi kam qenë themelues i saj në KQZ.

“Unë jam themelues i Listës Serbe dhe ajo nuk është një parti politike, por është një grupim i partive politike serbe, që është themeluar për një unitet të partive serbe”, ka thënë ai dhe ka shtuar se Lista Serbe ka kryer punën më së miri kur e ka dëgjuar Qeverinë e Serbisë.

Në lidhje me protestat e opozitës kundër fyerjes së tij për nënat gjakovare, Jabllanoviq ka thënë se opozita nuk janë vetëm kundër tij, por janë edhe kundër të gjithëve.

“Ne në punët e tyre nuk përzihemi, as ata nuk kanë të drejtë të përzihen te ne. Nëse ata mendojnë se janë të fuqishëm dhe përzihen në çdo çorbë, atëherë ajo çorbë atyre do t’u bie në kokë”

I pyetur nëse do t’u kërkojë falje nënave të Gjakovës, ai ka thënë se kurrë nuk ka thënë asgjë për nënat e Gjakovës.

“Në një deklaratë time kam dënuar një çështje vandale të Lëvizjes Vetëvendosje”, tha ai.

Ai ka shprehur aspirata që pas zgjedhjeve të ardhshme, nëse gjënë partneritet, do të mund të jetë sërish në qeveri.

Ai po ashtu ka pohuar se Presidenti Hashim Thaçi nuk mund të thotë se nuk ka kontakte me serbët, pasi e ka këshilltar vëllain e kryetarit të Shtërpcës.

Lista Serbe habit me qëndrimin për Demarkacionin

Lista Serbe mban po të njëjtin qëndrim lidhur me raportin me nismën për themelimin e Ushtrisë së Kosovës, ka thënë për Radion Evropa e Lirë, Branimir Stojanovic, zëvendëskryeministër në Qeverinë e Kosovës.

Periskopi.com Lajme

“Transformimi i Forcave të Sigurisë së Kosovës në Forca të Armatosura për ne nuk është fare temë për bisedime dhe se çdo diskutim për këtë çështje, për ne do të ishte vetëm humbje kohe”, tha Stojanovic.

Ai po ashtu u shpreh se mund të diskutohet me presidentin e Kosovës apo liderët tjerë vendorë, por për Ushtrinë “nuk ka hapësirë për të arritur ndonjë përparim në negociata”.

“Nisma për themelimin e ushtrisë së Kosovës”, ka nënvizuar ai, “u ka shërbyer liderëve kosovarë vetëm për nevoja të brendshme, ngase kjo temë nuk ka si qëllim zgjidhjen e problemeve me të cilat po ballafaqohen sot qytetarët e vendit”.

Pas bojkotit prej gjashtë muajve, Lista Serbe është kthyer në institucionet e Kosovës, duke ruajtur kështu postet ministrore në qeveri dhe mandatet e deputetëve në Kuvend.

Kthimin e deputetëve serbë, e ka mirëpritur Qeveria e Kosovës e cila ka paralajmëruar se tani mund të arrihen 80 votat e nevojshme në Kuvend për ratifikimin e Marrëveshjes së Demarkacionit të kufirit me Malin e Zi, si kushti i fundit i vënë nga Komisioni Evropian për heqjen e vizave.

Por, Stojanovic, thotë se Lista Serbe nuk ka ende një qëndrim të prerë rreth demarkacionit dhe ka kritikuar ata që llogarisin në votat e serbëve sa herë që bllokohet ndonjë vendimmarrje.

“Atëherë kur nuk ka mundësi që brenda deputetëve shqiptarë të arrihet shumica, fajësia hidhet te serbët. Por, siç nuk kemi qenë fajtorë në të kaluarën nuk do të jemi as në të ardhmen”, ka thënë Stojanovic, teksa shton se ishte ndikimi dhe trysnia ndërkombëtare ajo që i ka shtyrë serbët që të kthehen në institucionet e Kosovës.

 

Lista Serbe e gatshme ta votojë Demarkacionin me Malin e Zi, kanë arsye pse

Kryetari i Listës serbe, Slavko Simiq ka marrë pjesë sot në mbledhjen e Kryesisë së Kuvendit të Kosovës.

Periskopi.com Lajme

Simiq pas mbledhjes së Kryesisë tha se ata kanë marrë vendim që t’i kthehen punës në kuvend, në mënyrë që ta votojnë Demarkacionin me Malin e Zi, në mënyrë siç tha ai që qytetarët të mos mbesin të izoluar.

“Kjo për hir të qytetarëve që të mos mbeten të izoluar”, ka thënë Simiq.

Kryetari i Listës serbe kërkoi edhe formimin e Asociacionit të komunave serbe. Ai po ashtu tha se do të kundërshtojnë çdo proces ose ligj që është në kundërshtim me interesat e serbëve.

Mushkolaj tregon pse u kthye Lista Serbe në Kuvend

Lista Serbe ka vendosur që t'i kthehet punës së Kuvendit të Kosovës, pas 6 muajve bojkot.

Periskopi.com Lajme

 

Kjo listë mori pjesë sot në mbledhjen e Kryesisë së Kuvendit.

Kryetari i kësaj liste, Slavko Simiq ka thënë se kthimi në Kuvend është bërë për arsye të kundërshtimit të shndërrimit të FSK’së në ushtri dhe që të themelohet Asociacioni i Komunave Serbe.

I kontaktuar nga Periskopi, kthimin e zyrtarëve serbë e ka komentuar analisti Imer Mushkojal.

Ai, konsideron se Lista serbe e mori këtë vendim për interesa të veta dhe kjo dëshmon se Beogradi po bashkëqeverisë në Kosovë.

“Lista Serbe është kthyer në institucione për interesa të veta, e jo për gjë tjetër. Qëllimi i saj është themelimi sa më i shpejtë i Asociacionit, por kthimi i këtij subjekti nuk nënkupton se do ta votojë edhe ushtrinë. Lista Serbe u kthye kur i tha Beogradi dhe kjo flet shumë për atë se si Beogradi, në fakt, bashkëqeverisë në Kosovë. Po të mos kishin interes, zyrtarët serbë nuk do të ishin kthyer”, tha ai./Periskopi/

Fillon mbledhja e Kryesisë së Kuvendit, prezent edhe Lista Serbe

Ka filluar tashmë mbledhja e Kryesisë së Kuvendit të Kosovës, ku pritet të caktohet seanca e ardhshme e Kuvendit.

Periskopi.com Lajme

Për dallim nga java e kaluar ku dështoi mbledhja për shkak të mungesës së kuorumit, sot të pranishëm janë të gjithë anëtarët e Kryesisë.

Në mbledhje janë edhe përfaqësuesit Listës Serbe të cilët tash e disa muaj kishin bojkotuar punën e institucioneve.

Këto janë pikat për të cilat do të diskutohet në mbledhjen e Kryesisë:

Miratimi i procesverbalit nga mbledhja e mëparshme,

Përgatitjet për seancë plenare:

Koha për deklarime jashtë rendit të ditës,

Koha për pyetje parlamentare,

Miratimi i procesverbalit nga seanca e mëparshme,

Interpelanca e Kryeministrit të Kosovës Isa Mustafa, sipas kërkesës së deputetes Donika Kadaj-Bujupi, e mbështetur edhe nga 15 deputetë nënshkrues, për çështjen mbi shfrytëzimit e thëngjillit dhe minierën e Sibovcit,

Interpelanca e Ministrit Blerand Stavileci, sipas kërkesës së deputetit Visar Ymeri, i mbështetur edhe nga 15 deputetë nënshkrues, në lidhje me Kontratën e privatizimit të Kompanisë së Distribuimit të Energjisë Elektrike,

Shqyrtimi i Projektligjit nr. 05/L-157 për ratifikimin e Marrëveshjes së financimit të Projektit për sigurinë e ujit dhe mbrojtjen e kanalit, e nënshkruar ndërmjet Republikës së Kosovës dhe Asociacionit Ndërkombëtar për Zhvillim,

Shqyrtimi i parë i Projektligjit nr. 05/L-138 për kompleksin memorial “Adem Jashari” në Prekaz,

Shqyrtimi i parë i Projektligjit nr. 05/L-142 për mbrojtjen nga rrezatimi dhe siguria bërthamore,

Shqyrtimi i dytë i Projektligjit nr. 05/L-134 për Legalizimin e Armëve dhe dorëzimin e armëve të vogla dhe të lehta, municionit dhe mjeteve eksplozive,

Shqyrtimi i dytë i Projektligjit nr. 05/L-091 për mbrojtjen nga zhurma,

Shqyrtimi i dytë i Projektligjit nr. 05/L-127 për plotësimin e Ligjit nr. 04/L-033 për Dhomën e Posaçme të Gjykatës Supreme të Kosovës për çështjet në lidhje me Agjencinë Kosovare të Privatizimit,

Shqyrtimi i Propozim – Programit të Punës së Kuvendit të Republikës së Kosovës për vitin 2017,

Shqyrtimi i Raportit të Komisionit për Arsim, Shkencë, Teknologji, Kulturë, Rini e Sport lidhur me Mbikëqyrjen e zbatimit të Ligjit nr. 03/ L-145 për fuqizim dhe pjesëmarrje të rinisë,

Zgjedhja e një (1) anëtari të Komisionit të Pavarur për Media,

Debat parlamentar sipas kërkesës së deputetes Teuta Haxhiu, e mbështetur edhe nga 9 deputet tjerë nënshkrues, në lidhje me Mos zbatimi e rekomandimeve të Avokatit të Popullit nga ana e Qeverisë së Republikës së Kosovës,

Debat parlamentar sipas kërkesës së deputetëve Bekim Haxhiu dhe Xhevaire Izmaku, të mbështetur edhe nga 8 deputet tjerë nënshkrues, në lidhje me shkeljen e të drejtave të punëtorëve në Kosovë.

Lista Serbe i kthehet Kuvendit të Kosovës, tregojnë arsyen

Periskopi.com Video

Sa po i kushton buxhetit të Kosovës bojkoti i Listës Serbe

Më shumë se 40 mijë euro u janë paguar vetëm paga ministrave dhe këshilltarëve të tyre të Listës Serbe për 5 muajt e fundit, kohën kur ata nuk janë duke punuar fare.

Periskopi.com Lajme

Të dhënat janë bazuar në pagat që ministrat dhe këta zyrtarë i kanë deklaruar në Agjencinë Kundër Korrupsion.

Më së shumti shpenzime në paga ka bërë Ministria e Kthimit dhe Komuniteteve, ku për 5 muaj, ministri Dalibor Jevtiq bashkë me 7 këshilltarë të tij, janë paguar 23 mijë e 165 euro vetëm pagën bazë.

Ministri Dalibor Jevtiq për këta 5 muaj ka marrë pagë, 4 mijë e 755 euro.

Ndërkohë, kolegu i tij Ljubomir Mariq për dy muaj sa ka qëndruar në këtë pozitë para shkarkimit është paguar 2 mijë e 148 euro.

Këto shpenzime nga taksat e qytetarëve të Kosovës, duket se nuk janë problematike për Qeverinë, zyrtarë të së cilës kanë thënë se do t’u japin kohë aq sa u duhet, për t’u kthyer në institucione e Kosovës.

Lista Serbe nuk heq dorë nga asociacioni

Lista Serbe nuk do të heqë dorë nga formimi i Bashkësisë së komunave serbe dhe atë që është arritur marrëveshja lidhur me këtë në Bruksel, ka deklaruar të enjten ministri për Kthim dhe Komunitete në Qeverinë e Kosovës, Dalibor Jevtiq.

Periskopi.com Lajme

Ai në tribunën e Qendrës për politikë publike ndërkombëtare “Pikëpamjet dhe perspektivat e BKS-së” në Fakultetin për diplomaci dhe siguri, theksoi se ky është qëndrim politik i serbëve në Kosovë.

Ndryshe, Prokuroria Speciale e Kosovës dje ka ngritur aktakuzë ndaj ministrit për Komunitete dhe Kthim, Dalibor Jevtiq për keqpërdorim të detyrës zyrtare.

Ai akuzohet se i ka dhënë në shfrytëzim të përhershëm automjetin zyrtar që ishte  pronë e ministrisë, Radio KIM –TV Centar, me seli në Çagllavicë të Komunës së Graçanicës.

Reagon Lista Serbe ndaj vendimit të Qeverisë për pronat e ish – RSFJ

Kryetari i Listës Serbe Slavko Simiq ka thënë se menjëherë duhet të revokohet vendimi i Qeverisë së Kosovës sipas së cilit të gjitha pronat e paluajtshme të regjistruar në ish-Repblikën Federative të Jugosllavisë, përkatësisht ish-Republikën Socialiste të Serbisë të regjistrohen në emër të Kosovës.

Periskopi.com Lajme

 

“Vendimi i Qeverisë së Kosovës është tendencioz  dhe përpjekje që përmes  vendimeve të institucioneve të Kosovës të vazhdojë represioni i vazhdueshëm kundër popullatës serbe në Kosovë dhe Metohi dhe konfiskimi i pronës shoqërore dhe private të popullit serb”, tha Simiq, transmeton Klan Kosova.

Në një deklaratë për Tanjug ai tha se që nga “viti 1999 janë uzurpuar mbi një milion parcela kadastrale të ndërmarrjeve shoqërore dhe publike në Kosovë dhe Metohi, dhe kjo është një përpjekje e hapur nga Prishtina që me miratimin zyrtar të vendimeve të njëanshme të legalizojë pronën në mënyrë të paligjshme”.

Ai shtoi se çështja e pronës  do të duhej të diskutohej në Bruksel.

Lista Serbe e quan kriminel Ramush Haradinajn

Deklarata e ish presidentit të Kroacisë, Stjepan Mesiq, i cili është deklaruar sot rreth Ramush Haradinajt dhe pret që ky i fundit të lirohet sa më shpejtë nga Franca, ka ngjallë reagime edhe tek Lista Srpska, parti kjo që bënë pjesë në Qeverinë e Kosovës.

Periskopi.com Lajme

Madje nuk kanë nguruar të thonë që Mesiq e ka treguar fytyrën e vërtetë të lëvizjes pjesë e së cilës është.

Ata po e quajnë ish presidentin si një rrënues të shteteve dhe nxitës të luftës vëllavrasës.

“Njeriu i cili është krenar me rolin e tij në shkatërrimin e shtetit që shpërbërjen e tij e shtyri në luftë, ku si pasojë u vranë miliona serbë, myslimanë dhe kroatë”, thuhet në reagimin e kësaj partie, përcjell Gazeta Metro.

Lista Srpska nuk ndalet me kaq. Ramush Haradinajn, i cili po mbahet në Francë, po e quajnë kriminel lufte.

“Mesiq u është bashkuar lobistëve shqiptarë, i cili për para të përgjakura, të fituara me tregti me narkotikë dhe organe njerëzore, është i gatshëm të bëjë gjithçka, bile edhe kriminelët e luftës t’i quajnë miq”, thuhet në reagimin e Listës Serbe.

Asociacioni kthen Listën Serbe në institucione

Lista Serbe do ta shfrytëzojë si pretekst themelimin e Asociacionit të komunave me shumicë serbe, për t’iu kthyer me normë të plotë punës në Kuvend dhe Qeveri. Edhe pse ka disa muaj që zyrtarisht kjo listë i ka hyrë bojkotit institucional, ata nuk janë shkëputur plotësisht nga Qeveria.

Periskopi.com Lajme

 

Zyrtarë të Qeverisë së Kosovës, që janë në koalicion me Listën Serbe, nuk e kanë përjashtuar mundësinë që ditëve në vijim ky subjekt të kthehet edhe zyrtarisht. Ky është edhe kushti që ka vënë Qeveria, para se të nisin angazhimet për themelimin e asociacionit. Pas rrënimit të murit në Mitrovicë, edhe Brukseli ka kërkuar veprime nga Prishtina për ta përmbushur këtë obligim, i cili del nga marrëveshjet e Brukselit, shkruan sot “Koha Ditore”.

Bajram Gecaj, këshilltar i kryeministrit Isa Mustafa, njëkohësisht zëvendësministër i Pushtetit Lokal, ka thënë për “Kohën Ditore” se ka indikacione për kthimin e Listës Serbe.

“Ne nuk e kemi ndërprerë komunikimin me përfaqësues të Listës Serbe asnjëherë. Besoj se kemi indikacione pozitive për kthimin e tyre, kemi një atmosferë të përshtatshme bashkëpunimi pas zgjidhjes së çështjes së murit. Megjithatë, vendimi për kthim do të jetë vendim i tyre”, ka thënë Gecaj.

Thaçi: Srpska s’do të bindet, Kuvendi të marrë vendim për themelimin e Ushtrisë

Presidenti i Kosovës, Hashim Thaçi, i cili po qëndron për një vizitë zyrtare në Bruksel ka deklaruar për televizionin publik të Kosovës se nuk do të ketë liberalizim të vizave pa ratifikim të demarkacionit. Ndërkaq, deklaroi se Kuvendi i Kosovës duhet menjëherë të marrë vendimin për krijimin e Forcave të Armatosura.

Periskopi.com Lajme

Sipas tij, është shumë e rëndësishme që të ruhet agjenda evropiane për Kosovën. Ai tha se ndjehet mirë që përfaqëson qytetarët më pro-evropianë, derisa shprehu shqetësimin për mosrealizimin e vizave.

“BE ka vënë si standard liberalizimin e vizave me ratifikimin e demarkacionit”, tha ai duke fajësuar deputetët e Kuvendit për vonesa të tilla.

“Mosliberalizimi i vizave është peng i deputetëve që nuk po e votojnë demarkacionin. Pa ratifikim të demarkacionit nuk do të ketë liberalizim të vizave. Qytetarët vazhdojnë të jenë të ndëshkuar për lëvizje të lirë nga mos votimi i deputetëve. Definitishfivsht ratifikimi duhet të ndodhë në të kundërtën do të shtyhet liberalizimi i vizave. Nëse ratifikimi do të ndodhë këtë muaj, atëherë sigurisht menjëherë do të ketë edhe liberalizim, por nëse kjo vonohet edhe 2 -3 vjet, atëherë edhe liberalizimi do të shtyhet edhe për 2 apo 3 vjet tjera”, tha ai.

Presidenti Thaçi porositi deputetët e Kuvendit që t’i vënë interesat e shtetit para atyre partiake.

“Ata që s’po e votojnë demarkaciomnin, ata vet i kanë vizat, por në këtë mënyrë po ndëshkohen qytetarët”, tha ai.

Kujtojmë se opozita dhe ekspertë të fushës kanë deklaruar vazhdimisht se me mënyrën se si është demarkuar kufiri mes Kosovës dhe Malit të Zi, vendi hup mijëra hektarë tokë, transmeton Koha.net. Nënshkrimin në ata marrëveshje mes palëve e ka vënë Thaçi në cilësinë e Ministrit të Punëve të Jashtme.

I pari i shtetit, foli edhe për krijimin e Forcave të Armatosura të Kosovës. Ai tha se nuk ka kohë që të humbët për këtë çështje dhe sipas tij, Kuvendi i Kosovës menjëherë duhet të marrë vendimin për krijimin e ushtrisë së Kosovës.

“Është mirë që sot ka ndodhur diskutimi në Kuvendin e Kosovës për krijimin e ushtrisë, por nuk duhet të politizohet kjo çështje. Por, nevojitet vendimi i Kuvendit për formimin e Forcave të Armatosura. Të shkohet në votim dhe jo polarizim, dhe kjo çështje ka mundur të përfundojë qysh në vitin 2014, por meqënëse nuk ka ndodhur tash nuk ka kohë të humbet asnjë ditë, e lërë më javë apo muaj”, tha Thaçi.

Sipas tij, janë shterur të gjitha mundësitë për ta bindur Listën Serbe për votim të Ushtrisë së Kosovës.

“Për fat të keq ata janë të ndikuar nga Beogradi dhe nuk mund ta presim disponimin e Serbisë për t’i themeluar Forcat e Armatosura, sepse ata kurrë nuk disponohen për ta formuar Kosova ushtrinë”, ka deklaruar presidenti Thaçi.

Sipas tij, Kosova duhet bëjë përpjekjet e fundit për ta bindur Listën Serbe, por nëse jo, atëherë të shkohet në ndryshime ligjore dhe FSK të ketë mandat dhe mision ushtarak.

Gjatë gjithë mandatit të tij si kryeministër i vendit, Thaçi kishte premtuar vazhdimisht themelimin e FAK-ut, por nuk arriti ta realizojë, raporton Koha.net.

Ai ka folur edhe për mbetjen e Haradinajt në Francë, duke përmendur se institucionet e Kosovës kanë bërë atë që kanë mundur të bëjnë, madje tha se kanë bërë maksimalen.

“Në anën tjetër janë procedurat e gjykatës franceze ato që janë, por drejtësia do të ngadhënjejë. Në të gjitha takimet që kam pasur në Bruksel kam theksuar se duhet bëhet presion më i madh të Serbia nga ana e BE-së që të tërhiqen të gjitha fletarrestet e lëshuara nga politika e Sllobodan Millosheviqit”, tha në fund Thaçi.

 

Kushtetuesja ia këput shpresat Listës Serbe për pronën e Kishës Ortodokse

Gjykata Kushtetuese e Kosovës ka hedhur poshtë pretendimet e Listës Serbe se Ligji për Investime Strategjike është në kundërshtim me kushtetutën e vendit si dhe me Kartën Evropiane të Vetëqeverisjes Lokale.

Periskopi.com Lajme

Në vendimin e kushtetueses thuhet se Lista Serbe nuk ka ofruar dështmi që tregojnë se ky ligj është në kundërshtim me ligjet e Kosovës.

“Gjykata Kushtetuese ka  konstatuar sot se parashtruesit e kërkesës nuk kane dëshmuar pretendimin e tyre ne baza kushtetuese dhe nuk kane paraqitur prova qe tregojnë se si dhe perse me Ligjin e kontestuar për Investime Strategjike është shkelur Kushtetuta, qofte për shkak te procedurës, qofte për shkak te përmbajtjes” thuhet në vendim.

“Gjykata deklaron se Ligji nr. 05/L-079 për Investimet Strategjike ne Republikën e Kosovës është ne pajtueshmëri me Kushtetutën, qe do te thotë se ai është kushtetues”.

Lista Serbe kërkonte nga gjykata qe te vendosë masë të përkohshme që Ligji për Investime Strategjike të pezullohet. Kryetari i kësaj partie, Slavko Simiq, ka thënë për media se Projektligji për investime është i dëmshëm dhe njëri nga faktet është se konteston edhe pronësinë e Kishës Ortodokse në Kosovë.

Lista Serbe vazhdon të mbajë “të ngrirë” qëndrimin e saj në institucionet e vendit. Një nga arsyet e bojkotit të tyre vije si pasojë e miratimit të këtij ligji dhe Ligjit për Trepcën./Insajderi.com

Lista Serbe tregon a do të merr pjesë në senacën për Haradinajn

Kuvendi i Kosovës pritet që gjatë ditës së sotme të mbajë seancë të jashtëzakonshme për ta nxjerrë një rezolutë kundër arrestimit të gjeneralit të UÇK-së, njëherësh kryetarit të AAK-së, Ramush Haradinaj.

Periskopi.com Lajme

 

Në këtë seancë është paralajmëruar pjesëmarrje nga shumica e grupeve parlamentare, por jo edhe deputetëve serbë.

Grupi Parlamentar i Listës Serbe ka marrë vendim që mos të marrë pjesë në seancën për Haradinajn.

Shefi i serbëve në Kuvendin e Kosovës, Slavko Simiq ka thënë për “Indeksonline” se ata nuk do të jenë në sallën e Kuvendit.  “Jo, s’marrim pjesë në këtë seancë”, ka thënë shkurt ai.

Ndryshe, ish-kryeministri kosovar është arrestuar nga autoritetet franceze me 4 janar në aeroportin e Baseli-Mulhouse-Freiburg.

Ky ndalim është bërë në bazë të një fletarrest të lëshuar në vitin 2004-t nga shteti i Serbisë.

Osmani: Është momenti i fundit që Lista Serbe të largohet nga Qeveria

Shteti dhe institucionet e Kosovës, po sfidohen vazhdimisht, nisur kryesisht edhe nga veprime krye në vete të cilat vijnë nga komunat serbe (veriu), e po ashtu nga deputetët serbë në Kuvendin e Kosovës, të cilët vazhdojnë t’i bllokojnë ligjet e rëndësishme.

Periskopi.com Lajme

 

Sipas deputeteve dhe analistëve politikë, institucionet e vendit, po sfidohen përmes strukturave paralele në veri, përmes ndërtimit të mureve, investimeve të paligjshme dhe ndërtimit të objekteve, me qëllim të kolonizimit të Mitrovicës dhe të Kosovës.

E, institucionet e Kosovës, vazhdojnë të mos kenë forcën për të treguar ‘muskujt’ ligjorë, për të cilët folën shumë herë gjatë këtij viti.

Glauk Konjufca, deputet nga radhët e lëvizjes Vetëvendosje, thotë se shteti i Kosovës fillimisht sfidohet nga ajo që është problemi kryesor, të cilin e zbaton Serbia në Kosovë, e që është mos njohja e shtetësisë së Kosovës.

Pastaj në përputhje me këtë qëndrim i cili derivon dhe nga kushtetuta e tyre, Konjufca thotë se vijnë dhe një mori veprimesh të nivelit shtetëror, duke filluar prej ndarjes së veçantë buxhetore, që është për Kosovën, pagesa e mijëra personave brenda Kosovës, që punojnë në sektorin publik, e që janë në kuadër të institucioneve të Serbisë, të cilat veprojnë në Kosovë e të cilat janë ilegale.

“Pastaj dhe janë veprimet e tyre të drejtpërdrejta siç është ndërtimi i lagjeve të tëra në veri të Kosovës. Serbia e zbaton një lloj kolonizimi të Kosovës. Pra me ç’rast përpiqet me ndryshua përbërjen demografike të veriut të Kosovës. Në njërën anë para 16 viteve përmes spastrimit etnik me dhunë prej strukturave paralele dhe të paligjshme të Serbisë. Pastaj pas spastrimit ndalimi i shqiptarëve për me u kthye në atë pjesë. Dhe në të njëjtën kohë dhe ndërtimi i lagjeve të reja për serbet atje, të cilët ndoshta nuk kanë jetuar kurrë atje… Dhe përveç kësaj ajo e sfidon dhe shtetin e Kosovës, në kuptimin e autoritetit institucional në veri të Kosovës, në aspektin e sigurisë, strukturave të saj, të cilat qartazi ndërhyjnë në punët e brendshme të Kosovës”.

“Serbia p.sh. i ka strukturat e saj të cilat i ndalojnë në veri të Kosovës, figurat tona politike. P.sh. ministri Hoti u ndalua atje prej struktur ave të Serbisë. Kryeministri Mustafa nuk guxoi që të shkoj nëpër rrugë, të cilat janë zyrtare dhe të cilat janë rrugë rajonale të Kosovës. Por u detyrua që të shkojë rrugëve alternative në veri. Këto krejt tregojnë se atje nuk ekziston shteti i Kosovës dhe atje situatën e mban në kontroll, një mori institucionesh të Serbisë, të cilat ajo i financon e i kontrollon, e që kanë si qëllim me mbajt situatën të konservuar, e ku nuk lejohet zbatimi i ligjit, zbatimi i kushtetutës së republikës së Kosovës dhe i autoritetit të institucioneve të shtetit tonë”, thotëKonjufca.

E sa i përket përfshirjes së deputeteve në Kuvendin e Kosovës nga Lista serbe, Konjufca pohon se ata janë në koordinim të plotë me Vuçiçin dhe se kjo listë është krijuar me qëllim që të krijohet një formacion politik i cili zhduk të gjitha alternativat tjera të serbeve dhe mbanë vetëm një reprezentim politik, e që është në funksionon të direktivave të Beogradit.

Edhe Shpejtim Bulliqi, deputet nga LDK, thotë se Kosova vazhdon të ketë sfida serioze në funksionimin e shtetit ligjor.

“Të them të drejtën duke pasur parasysh brishtësinë e institucioneve tona, sigurisht që nuk janë pa probleme të gjitha këto sfida, nëpër të cilat po kalon Kosova. Kemi parasysh dhe bllokadat që po shkaktohen në funksionimin e pushtetit sidomos në veri të Mitrovicës. Pastaj lidhja shumë e ngushtë e këtyre eksponentëve, që faktikisht po përfaqësojnë tani në Kuvendin e Kosovës popullatën serbe të Kosovës, që për mendim timin më së paku e përfaqësojnë popullatën serbe në Kuvendin e Kosovës. Të gjitha këto mendoj, se janë sfida relativisht serioze në funksionimin e shtetit ligjor në Kosovë”, tha ai.

Nga ana tjetër, deputetja Vjosa Osmani thotë se është momenti i fundit që qeveria e Kosovës t’i largojë nga institucionet përfaqësuesit e Listës serbe.

“Është momenti i fundit që Qeveria e Kosovës, të largojë nga qeveria përfaqësuesit e Listës serbe dhe të përfshijë në qeveri SLS në partinë e z. Petroviq, deputet e së cilës vazhdimisht kanë punuar në përputhje me kushtetutën e vendit dhe kanë dhënë kontributin e tyre në përfaqësimin e qytetarëve të Kosovës… Natyrisht që veriu që nga pas lufta, sidomos pa pavarësisht në vitit e 2008, vazhdimisht ka qenë çështja më sfiduese në aspektin e integritetit territorial dhe sovranitetit të vendit. Mirëpo, politika jonë nuk duhet të jetë vetëm reaktive, të presin se çfarë politike të re, çfarë provokimi të ri po bën Beogradi dhe në bazë të saj të determinohet dhe agjenda e bisedimeve me Serbinë. Qeveria e Kosovës dhe institucionet e Kosovës duhet të jenë shumë më aktive me ide me propozime të qarta lidhur me integrimin e veriut të vendit, me shtrirjen e sovranitetit në atë pjesë, por mbi të gjitha me projekte të qarta ekonomike të cilat i bëjnë bashkë qytetarët në veri dhe qytetarët në jug dhe integrojnë të gjitha komunitetet”, thotë Osmani.

Imer Mushkolaj, analist politik, lidhur me këtë temë thotë se Kosova jo vetëm që po sfidohet, por po i cenohet integriteti dhe sovraniteti i saj territorial.

“Është e dhimbshme të thuhet, mirëpo Serbia bashkëqeveris me Kosovën nëpërmjet Listës serbe. Ne e dimë që lista serbe në vazhdimësi e ka blloku, e ka shantazhuar në përgjithësi shtetin e Kosovës, duke mos e pranuar, duke bojkotuar punën e institucioneve e kështu me radhë. Unë besoj që situatat në këtë fushë, në raportet se si sillet Serbia ndaj nesh dhe Lista serbe, si një subjekt i krijuar nga Beogradi, është shumë më i keq se para dy vjetësh. Jo vetëm që po sfidohet Kosova, mirëpo po cenohet dhe integriteti dhe sovraniteti i saj territorial. E kemi rastin e murit të ndërtuar në veri në fund, kemi rastin e ardhjes së zyrtarëve serb, kur të duan në veri të Kosovës. Dhe ata që na thonë se në veri të Kosovës është shtri sovraniteti dhe integriteti territorial, ata që thonë që strukturat paralele nuk funksionojnë, atëherë ata thjeshtë na gënjejnë, për shkak se strukturat paralele funksionojnë gjithande j. Jo vetëm në veri por funksionojnë dhe në pjesët tjera ku ka serb në Kosovë”, tha Mushkolaj.

Edhe kryeministrin Isa Mustafa, si sfidë të këtij viti të ri ka përmendur veriun e vendit. Mirëpo ai thotë se problemet atje do të zgjidhen përmes ligjit dhe jo në forma tjera.

“Nëse vajtoj për diçka s’vajtoj për Serbinë dhe veriun. Kemi mjaftë çështje tjera për të cilat mund të ndiejmë hidhërim të brendshëm. Kështu që ne në asnjë rast nuk do ta vajtojmë atë. Por duhet ta pranojmë një fakt, që ne akoma kemi probleme me veriun e vendit dhe atë fakt s’mund ta fshehim. Ka probleme, problemet janë reale. Unë s’mund të them që gjendja në veri të vendit, është sikurse gjendja në pjesën tjetër të Kosovës… Ne mund të krekosemi me lloj- lloj kërcënimi dhe lloj-lloj qëndrimi. Po unë se kam as natyrën e tillë që ta bëj. Ligjin e kemi përpara. Do të bëjmë përpjekje që ligji të funksionojë dhe çdo gjë që zgjidh në këtë vend dhe në veri dhe jug ta zgjidhim përmes ligjit”, tha ai.