Lirohet aktivistët e Vetëvendosjes, Arianit Beqirin e Gerolld Nikoliqin

Janë liruar dy aktivistët e Lëvizjes Vetëvendosje, Arianit Beqiri dhe Gerolld Nikoliqi, raporton Periskopi

Periskopi.com Lajme

Ata u arrestuan sot për shkak se po merrnin pamje nga seanca gjyqësore ndaj aktivistëve të VV-së të dyshuar për sulmin në Kuvend.

Vetëvendosje gjatë ditës e ka quajtur arrestimin e tyre veprim të qëllimshëm për të larguar vëmendjen nga padrejtësia, që sipas VV-së, po i bëhet Adea Batushës, Atdhe Arifit, Egzon Halitit dhe Frashër Krasniqit.

Zëdhënësja e Policisë, Flora Ahmeti ka thënë gjatë ditës se të dy janë arrestuar pasi nuk kanë përfillur urdhrat e zyrtarëve policorë në gjykatë.

Ndërsa në njoftimin e VV-së, kjo lëvizje ka thënë se policia ia arrestoi të dy aktivistët sepse po xhironin brenda seancës gjyqësore ndaj aktivistëve të lëvizjes të dyshuar për sulmin në Kuvend.

“Policia ka kërkuar që t’i identifikojë, por ata nuk kanë dhënë asnjë dokument dhe janë shoqëruar në polici për mospërfillje të urdhrave të personit zyrtar. Gjithashtu, nuk janë sjellë mirë edhe me poicët”, ka thënë zëdhënësja e Policisë së Kosovës, Flora Ahmeti./ Periskopi

Reklamë
Reklamë

Policia gjermane për kosovarët e liruar: Nuk ka fakte që i ndërlidhin me sulmin e mundshëm

Policia gjermane, nëpërmjet një njoftimi, tregon se dyshimet ndaj dy vëllezërve kosovarë nuk janë konfirmuar dhe rrjedhimisht ka pushuar edhe arsyeja e mbajtjes së tyre në paraburgim.

Periskopi.com Lajme

“Që nga sot nuk ka fakte të rëndësishme kriminale për të dy personat. Nuk ka asnjë rrezik të vërtetë ndaj tyre, prandaj, zyrtarët i liruan në mesditë nga paraburgimi”, thuhet në njoftimin e Policisë.

Policia ka njoftuar se kanë kryer hetime intenzive, mirëpo, nuk kanë gjetur fakte që i ndërlidhin dy kosovarët me sulmin e mundshëm.

Sidoqoftë, hetimet për këtë rast do të vazhdojnë.

Reklamë
Reklamë

Boko Haram liron 21 femra nga gjithsej 276 sa rrëmbeu në vitin 2014

Njëzet e një nga gjithsej 276 femrat e rrëmbyera në Nigeri në vitin 2014 nga grupi terrorist Boko Haram janë liruar, ndërkohë që konfirmimi është bërë edhe nga qeveria e Nigerisë.

Periskopi.com Lajme

Zëdhënësi presidencial Garba Shehu tha se 21 vajzat janë liruar pas negociatave intensive me rrëmbyesit.

“Mund të konfirmojmë se 21 nga femrat e zhdukura janë liruar dhe tani gjenden nën përkujdesin e shtetit”, thuhet në njoftim ku nënvizohet se negociatat janë ndërmjetësuar nga Kryqi i Kuq Ndërkombëtar dhe qeveria e Zvicrës të cilët janë të përfshira në bisedimet për lirimin edhe të vajzave tjera të rrëmbyera.

Reklamë
Reklamë