PDK anulon debatet e thirret në ligj, por tashmë ka shkelur Ligjin për Zgjedhjet

Periskopi.com Lajme

Partia Demokratike e Kosovës që është në koalicion me AAK-në dhe NISMA’n ka dy ditë që nuk pranon të jetë pjesë e debateve në televizione nënë arsyetimin që Komisioni i Pavarur për Media ka ndaluar debatet e tilla.

Madje ata kanë anuluar edhe debatin më të madh të parashikuar ndonjëherë atë mes tre kandidatëve për kryeministër duke u thirrur në atë që KPM e ka dërguar vetëm si njoftim jo vendim.

Por, ata kanë filluar fushatën zyrtare.

PDK ka mbajtur një takim me ndërmarrësit para pak çastesh e ky takim është transmetuar direkt në Klan Kosova.

Ishte pikërisht drejtori i këtij televizioni Baton Haxhiu i cili një natë më parë tha se duhet të jenë në debate përfaqësuesit e këtij koalicioni, por që mbetet vendimi i tyre sipas tij, dhe u pa tepër i nervozuar për anulimin e debateve në televizion e edhe debatit mes kandidatëve për kryeministër.

Madje tha se ata tre, Avdullah Hoti, Ramush Haradinaj dhe Albin Kurti nuk do të mund të përballen më në Klan.

E Kadri Veseli me Besim Beqajn transmetuan direkt këtë takim në po këtë televizion./ Periskopi

Pallaska godet Ministrinë e Drejtësisë për Kodin Penal: Bazuar në një mbeturinë arkaike

Periskopi.com Lajme

Avokati Dastid Pallaska thotë se propozimi i Ministrisë së Drejtësisë për të sanksionuar penalisht shpifjen dhe fyerjen ndaj udhëheqësve shtetëror është arkaik.

Ndërsa, sipas tij, arsyetimi i Ministrisë së Drejtësisë se propozimi bazohet në Kodin Penal të Gjermanisë është qesharak.

Pallaska thotë se kjo dispozitë ligjore në Kodin Penal të Gjermanisë është mbeturinë arkaike e një epoke tjetër. Këtë e vërteton fakti se asnjë politikan gjerman modern nuk ka kërkuar mbrojtje sipas kësaj dispozite ligjore në shekullin XXI.

“Në fakt – pasi që kjo dispozitë ligjore në Gjermani mbron edhe udhëheqësit shtetëror të huaj – i vetmi politikan në botë që e ka përdorur këtë dispozitë ligjore të Kodit Penal të Gjermanisë në shekullin XXI ishte Presidenti i Turqisë, Rexhep Erdogan, i cili vitin e kaluar kërkoi dënimin dhe burgosjen e një satiristi gjerman. Si pasojë e (keq)përdorimit të kësaj dispozite ligjore të Kodit Penal të Gjermanisë nga Presidenti Erdogan, në fillim të këtij viti Kancelarja Merkel ka marrë iniciativë që këtë dispozitë ligjore ta largoj nga Kodi Penal i Gjermanisë deri më 1 janar 2018”, thotë ai, përcjell periskopi

Ai vlerëson se shpifja dhe fyerja në Kosovë janë probleme të mëdha për të gjithë qytetarët dhe thotë se këtë problem duhet ta adresojnë gjykatat civile duke i shpërblyer viktimat e shpifjes dhe fyerjes, kushdo qofshin ata/ato, për dëmin që ju shkaktohet nga gazetarë dhe mediume të papërgjegjshme dhe/ose joprofesionale./ Periskopi

Kompanitë e sfidojnë ligjin, shkelin privatësinë e qytetarëve

Periskopi.com Lajme

Qytetarët e Kosovës po rrezikojnë të dhënat e tyre personale, të cilat po mbesin të disponueshme për secilin kalimtar rasti.

Kompanitë prej të cilave ata marrin shërbime u dorëzojnë faturat e hapura, pa zarfe, pothuajse çdo herë, pranë dyerve të ndërtesave ku ata banojnë.

Prapa kamerave të Tribuna Channel, qytetarët janë shprehur shumë të shqetësuar, derisa kanë thënë se në këtë mënyrë po u ekspozohen rreziqeve të shumta.

Mbrotja e privatësisë së qytetarëve të Kosovës është e garantuar me kushtetutë, në nenin 36, derisa janë të hartuara edhe ligjet për mbrojtjen e të dhënave personale.

Neni 14 i ligjit për Mbrojtjen e të Dhënave Personale, përcakton qartë se zyrtatër që mirren me përpunimin e të dhënave, janë të obliguar që gjatë, dhe pas kryerjes, së punëve të kontrktuara, të mbrojnë fshehtësinë e të dhënave personale me të cilat njihen.

Por, në shtetin më të ri në Europë, kompanitë në vazhdimësi po e sfidojnë ligjin dhe kushtetutën e vendit.

Agjencia që është e ngarkuar të mbikqyrë zbatimin e rregullave për mbrojtjen e të dhënave personale,cdo ditë pranon ankesa të shkeljës së privatësisë së qytetarëve.

Jeton Arifi, drejtor për financa dhe shërbim të përgjithshëm, thotë se në vazhdimësi bëjnë këshillimin e kompanive të ndryshme, për mbrojtjen e të dhënave.

Ai thotë se probleme të tilla kanë adresuar në gjykata, duke ngritë padi kundër ndërmarrjeve që kanë bërë shkelje të ligjit.

Sipas tij, nëse Agjencia për Mbrojtjen e të Dhënave do të kishte të të drejtë të gjobisë vet kompanitë në fjalë, atëherë do të ulej numri i shkeljeve.

“Meqenëse ligji jonë është në plotësim ndryshim ne po presim shpejtë që Qeveria dhe Kuvendi të bëjnë punën e tyre dje me këtë rast t’i shtohet një përgjegjësi e re agjencisë, meqë rast do të mund të shqiptojmë gjoba të drejtëpërdrejta ndaj shkelqësve të qëllimshëm të drejtave të qytetarëve në privstësi. Nëse agjencia do të ketë mundësi të shqiptohet gjoba drejtëpërdrejtë, atëherë besoj që edhe këto shkelje do të jenë shumë më të rralla”, thotë ai.

Ndërsa Ganimete Musliu, nënkryetare e Komisionit Parlamentar për Mbikqyrjen e Frocës së Sigurisë së Kosovës, komision ky që e mbikqyr Agjencinë për Mbrojtjen e të Dhënave, problemin e faturave të pa-zarfuara e ka ngritur shumë herë në seancë plenare dhe në komision.

“I kemi kërkuar që të mirret me këtë problem, sepse me të vërtetë është një problem jo i vogel, sepse nëse dikuj me të vërtetë i shkelen të drejtat personale janë pikërisht qytetarët e Republikës së Kosovës, me shpërndarjen e faturave të shërbimeve piblike, pa dalli, duke filluar nga KEDS, ujesjellësi, mbeturinat, ngrohtorja e kështu me radhë. Të gjitha këto institucione ek anë obligim që faturat t’i dërgojnë konsumatorit në mënyrë të zarfuar dhe në ketë i kemi kërkuar Agjensionit për Mbrojtjen e të Dhënave. Ne si komision krejt cka mund të bëjmë është ta ftojmë prap agjensionin, t’i kërkojmë prap sic i kemi kërkuar në vazhdimësi, sic e kemi ngritë në seanca parlamentare”, thotë ajo.

Musliu, derisa flet për pamjet e ndërtesave të mbushura me fatura të pa-zarfuara, në kohën kur bëhet shpërndarja e tyre, thotë se ky fakt sa është i rrezikshëm aq edhe i besdishëm për secilin qytetar.

“Është shumë e bezdisshme t’i shohësh, ashtu të lëna në derë, thjesht pas asnjë lloj kujdesi nga ana e shpërndarësve të faturave, është e besdishme dhe është e rrezikshme sepse ka shumë indikatorë që mund të dëmtojnë konsumatorin në këtë aspekt. Andaj, shpresoj që kompanitë në fjalë, përfundimisht të vetdijësohen sepse kur kanë t’i inkasojnë të hyrat buxhetore, ata thejsht thirren në standarde europiane, ndërsa edhe zarfimi i faturave është një standard europian që ne duhet të përmbushim. Nuk po kërkojmë asgjë më shumë as më pak; thjesht të ruhen dhe të mbrohen të dhënat tona personale”, thotë Musliu.

Qytetarët e Kosovës, kanë të garantuar me ligj, të drejtën e ushtrimit të padisë ndaj kompanive të cilat ekspozojnë të dhënat e tyre personale. Madje, u garantohet e drejta që të kërkojnë dëmshpërblim.

Mentor Hoxhaj, ekspert i fushës për mbrojtjen e të dhënave personale, thotë se kompanitë në fjalë, me mos-bindjen e tyre, po e sfidojnë ligjin.

“Kemi një përpunim jo të ligjshëm dhe kemi shkelje të masave të sigursë, në këtë rast, masave fizike të sigurisë për të mbuluar këto të dhëna, që këto të dhëna mos të zbulohen, mos të kenë casje të pa autorizuar të qytetarëve të Republikës së Kosovës….08.13 Kemi një mos-bindje të kontrollorëve në zbatimin e ligjit, kemi sfidë, praktikisht kemi një sfidë që jemi duke u ballafaquar, kemi një sfidë sa i përket zbatimit të ligjeve në fuqi, organet publike dhe private janë duke sfiduar ligjin duke mos zarfuar cfardo të dhëne të faturave që u servohen qytetarëve”, thotë Hoxhaj.

Në vitin 2014, Agjencia pati proceduar një lëndë në Gjykatën Themelore në Prishtinë, kundër kompanisë KEDS. E njejta gjykatë kishte gjobitur me nëntë mijë euro kompaninë dhe një mijë euro drejtuesin e saj.

Por, pas ankesës së kompanisë, Gjykata e Apelit kishte ulur gjobën në vlerë prej tre mijë euro.

“Ata kanë shkallen e dytë, mund të ankohen, në një rast tonin, e kemi gjobitur me një shumë të caktuar, dhe në shkallen e dytë pas ankesës, ajo shumë është përgjysmuar, ndërsa me një rast, nga i njejti opoerator ekonomik, më shumë se dy herë është bërë e njtja shkelje, dhe ajo është duke vazhduar, po të kishim mundësinë e gjobitjës së drejtëpërdrejtë, ata do ishin më të ndërgjegjshëm ndaj përpunimit të ligjshëm te të dhënave personale”, thotë Arifi.

Një zarf që do të mbulonte privatësinë e qytetarëve, në mënyrë që ata mos t’u ekspozohen rreziqeve të ndryshme, kushton 1 cent.

Ndryshe, neni 81 i Ligjit për Mbrojtjen e të Dhënave Personale, përcakton dënimet që pasojnë në rast të shkeljes së dispozitave për sigurinë e të dhënave personale.

Neni 21: Shkelja e dispozitave për sigurinë e të dhënave personale thotë:

  1. Personi juridik ose personi që ushtron veprimtari të pavarur dënohet për kundërvajtje me gjobë prej katërmijë (4.000) deri në dhjetëmijë (10.000) Euro, nëse gjatë përpunimit të të dhënave personale dështon të garantojë nivel duhur për sigurimin e mbrojtjes së të dhënave personale sipas neneve 14 dhe 16 të këtij ligji.
  2. Personi përgjegjës i personit juridik ose i personit që ushtron veprimtari të pavarur dënohet për kundërvajtje me gjobë prej pesëqind (500) deri në dymijë (2.000) Euro për shkelje nga paragrafi 1 i këtij neni.
  3. Personi përgjegjës i organit shtetëror dënohet për kundërvajtje me gjobë prej pesëqind (500) deri në dymijë (2.000) Euro për shkelje nga paragrafi 1 i këtij neni.
  4. Individi dënohet për kundërvajtje me gjobë prej dyqind (200) deri në tetëqind (800)Euro për shkelje nga paragrafi 1 i këtij neni.

Kosova, vendi që po synon integrimin europian, mbetët larg praktikave të vendeve europiane, meqë ato kanë të rregulluar cështjen e zarfimit të faturave, duke përpunuar në mënyrë të dinjitetshme tëdhënat e qytetarëve.

 

 

Qehaja tregon pse duhet të bëhet ushtria me ndryshim ligji

Shtetet e Bashkuara të Amerikës po kërkojnë që transformimi i Forcave të Armatosura të Kosovës në Ushtri të bëhet vetëm përmes ndryshimeve Kushtetuese, përderisa propozimi i presidentit të Kosovës ka qenë që të formohet ushtria përmes ndryshimit të ligjit.

Periskopi.com Lajme

Një gjë e tillë po bëhet pasi, presidenca është në dijeni se nëse shkohet me ndryshim të Kushtetueses nuk do ta ketë përkrahjen e Listës Serbe.

Kështu tha për Indeksonline, njohësi i çështjeve Ushtarake dhe të Sigurisë, Ramadan Qehaja i cili shton se duhet t’ua bëjmë të qartë faktorëve ndërkombëtar pse po kërkojmë formimin e ushtrisë përmes ligjit.

Sipas tij, transformimi i FSK-së në Ushtri përmes ligjit është alternativa B prandaj nuk duhet pritur asnjë moment.

“Jemi në një vonesë të madhe të formimit të Forcave të Armatosura të Kosovës dhe kujtoj që çdo pritje apo lënie anash e kësaj çështje do të ishte gabim shumë i madh. Lidhur me këtë unë mendoj që kemi pritur mjaft. Që tri vite është dashur të përfundojë kjo çështje. Unë kujtojë pasi që Lista Serbe nuk do i votojë ndryshimet kushtetuese që kanë të bëjnë me FAK, një ligj për Forcat e Sigurisë së Kosovës është e mundur që do avancojë në kryerjen e alternativave ushtarake, kështu që kjo do të ishte alternativa B dhe duhet të shkohet me të. Kuptohet se kjo duhet t’iu shpjegohet në mënyrë të qartë gjithë faktorëve ndërkombëtarë pse ne kërkojmë në këtë mënyrë”, ka thënë Qehaja.

Sipas tij, në rast se ndërkombëtarët nuk arrijnë që ta bindin Serbinë për ndryshimin kushtetues, atëherë nuk duhet pritur që të bëhet formimi i ushtrisë me ligj.

Në anën tjetër, Qehaja thotë se është pritur tepër gjatë për këtë iniciativë, e cila edhe po të bëhet tash do të nevojiten 7 deri në 10 vite për t’u përmbyllur i gjithë ky proces.

“Unë kujtoj se Beogradi zyrtar nuk do lejojë Listën Serbe që ta votojë ndryshimin kushtetues që ka të bëjë me Forcat e Armatosura të Kosovës. Nëse është ashtu, pse të mos shkojmë me ligj dhe këtë çështja ta ngrisim në nivel më të lartë. Duhet një proces mjaft i gjatë deri në formimin e tërësishëm të FAK, do të thotë, sipas mendimit tim nevojiten 7 deri në 10 vite që të përmbyllet ky proces dhe nëse është ashtu, shtrohet pyetja pse kemi pritur deri më tani dhe pse duhet pritur edhe më tutje”, ka shtuar ai.

Ndryshe, ambasadori i Shteteve të Bashkuara të Amerikës, Greig Delaëie dje ka thënë se është optimist se ushtria e Kosovës mund të bëhet sivjet, duke ritheksuar se kjo gjë duhet bërë nëpërmjet ndryshimeve kushtetuese e jo nëpërmjet ligjit.

Nuk kalon projektligji për të cilin u bë “zhurmë”

Nuk mjaftuar 70 vota për të kaluar projektligji për themelimin e Fondit për Ballkanit Perëndimor

Periskopi.com Lajme

Projektligji  lidhur  me themelimin e Fondit të Ballkanit Perëndimor nuk ka kaluar në Kuvendin e Kosovës.

81 deputetë sa ishin në sallë votuan për këtë projektligj ku 70 prej tyre ishin pro 2 kundër  dhe 9 abstenuan.

Opozita doli kundër kësaj marrëveshjeje siç tha me fusnotë dhe kërkoi paraprakisht një deklaratë për këtë çështje.

Pas një votimi të tillë, reagoi shefi i grupit parlamentar të PDK-së i mbështutur edhe nga LDK që të ketë pauzë 15 minutshe për formulimin e një deklarate në mënyrë që të ketë konsensus për këtë marrëveshje. Kështu, kuvendi shkoi në pauzë për të formuluar këtë deklaratë.

Projektligji për ratifikimin e Marrëveshjes lidhur me themelimin e Fondit të Ballkanit Perëndimor nuk ka kaluar në Kuvendin e Kosvës.

81 deputetë sa ishin në sallë votuan për këtë projektligj ku 70 prej tyre ishin pro 2 kundër dhe 9 abstenuan.

Ndryshe për këtë projekligj u bë debat i gjatë në Kuvënd pasi që për themelimin e këtij fondit kërkohej që Kosova të paraqitej me fusnotë gjë e cila nuk pranohej nda deputetët./21Media

Thaçi nuk jep dorëheqje nëse Qeveria nuk e kalon Ligjin për Ushtrinë

Presidenti Hashim Thaçi kur e ka nisur iniciativën për transformimin e FSK-së ka dhënë edhe një premtim, duke thënë se nëse projektligji shkon në Kuvend dhe nuk kalon, atëherë, ai do të jap dorëheqje.

Periskopi.com Lajme

Ai ka folur sërish për këtë çështje, raporton Periskopi

Thotë se premtimin do e mbanë. Por, ai ka thënë se jep dorëheqje nëse nuk kalon në Kuvend, jo edhe nëse atë nuk e dërgon Qeveria deri atje, raporton Periskopi

“Deklarata ime ka qenë shumë e qartë që nëse projektligji shkon në Kuvend dhe nuk votohet, atëherë jap dorëheqje, kjo qëndron edhe sot, por unë kam besim se deputetët do të jenë në krye të përgjegjësive të tyre dhe e theksoj edhe një herë një konsensus i skenës politike Kosova nuk ka përjetuar kurrë në historinë e vet. Nëse deklaratën e pavarësisë së kanë nënshkruar 109 deputetë, tash minimum 110 deputetë do të jenë për të votuar ushtrinë e Kosovës”, u shpreh Thaçi./ Periskopi

Ezani prej sot ndalohet me ligj në Izrael

Komisioni parlamentar i Knesseti-it izraelit ka kaluar ndryshimet në projektligjin i cili parashikon ndalimin e ezanit, duke e çuar këtë aktë për miratim në parlament, transmeton AA.

Periskopi.com Lajme

 

Sipas një lajmi të gazetës, Yedioth Ahronoth, thuhet se komisioni ka përfunduar diskutimet për projektligjin i cili njihet si “ndalimi i ezanit”.

Në këtë projektligj parashikohet që ezani të mos thirret me zë të lartë nga ora 23:00 deri në orën 07:00. Ndërkohë në ndryshime parashikohen gjoba deri në 200 mijë dollarë për xhamitë që nuk do ta respektojnë atë.

– Ç’është ndalimi i thirrjes së ezanit?

Projektligji për ndalimin e ezanit me altoporlantë në xhami, me pretendimin se është një ndotje akustike, duhet të diskutohet në 3 seanca plenare të Knesset-it, në mënyrë që të kthehet në një ligj. Projektligji i cili ka tërhequr reagime të ashpërta nga bota arabe, është dërguar edhe më parë në Knesset, por nuk ka mundur të kalojë.

Nga ana tjetër Kryeministri i vendit Binyamin Netanyahu, ka deklaruar se mbështet nismën për miratimin e një projektligji që synon ndalimin e ezanit.

Veseli kërkon ndryshimin e ligjit për familjet e dëshmorëve

Kryetari i Kuvendit të Kosovës, Kadri Veseli ka paralajmëruar se në seancën e ardhshme do t’i bëjnë nënshkrimet e nevojshme për ta ndryshuar ligjin, i cili familjeve të dëshmorëve që kanë dy dëshmorë të mos marrin vetëm një pension.

Periskopi.com Lajme

Sipas tij, ky është një shqetësim i familjeve të dëshmorëve dhe së shpejti duhet të ndryshohet ligji, sidomos të familjet e dëshmorëve, martirëve dhe të zhdukurve, në mënyrë që familjet që kanë nga dy të vrarë, të jenë përfitues të dy pensioneve.

Gjendja ekonomike e qytetarëve, pengesë për kufizimin e vjetërsisë së automjeteve

Vjetërsia e automjeteve, monopoli mbi homologimin e tyre, cilësia e karburanteve, si dhe kontradiktat në Ligjin për trafikun dhe Ligjin për kundërvajtje, kanë qenë temat bosht të dëgjimit publik, të mbajtur të mërkurën në Komisionin parlamentar për zhvillim ekonomik, infrastrukturë, tregti dhe industri, shkruan sot Koha Ditore.

Periskopi.com Lajme

Pjesëmarrësit kanë kërkuar bashkëpunim më të madh ndërmjet institucioneve, në mënyrë që të harmonizohen propozimet dhe vërejtjet rreth Projektligjit për automjetet.

Dardan Abazi, nga Instituti për Politika Zhvillimore, ka thënë se ndonëse në Projektligj është paraparë rregullimi i kushteve të importit, megjithatë, këto kushte nuk janë rregulluar, sidomos për vjetërsinë e veturave.

Rreth 240 mijë armë pa leje në Kosovë

Numri i madh i armëve që mbahen pa leje vazhdon të jetë shqetësim për qytetarët dhe vetë institucionet e sigurisë. Sipas hulumtimit të fundit që ka bërë nga Ministria e Punëve të Brendshme, supozohet se janë rreth 240 mijë armë pa leje në Kosovë, shkruan sot Koha Ditore.

Periskopi.com Lajme

“Ky numër është më i vogël për afro 100 mijë armë nga hulumtimi paraprak. Deri më tani nga paslufta janë lëshuar rreth 50.000 leje për armë”, thuhet në përgjigjen e Zyrës për Informim të MPB-së, dhënë gazetës të mërkurën.

Mbrojtja e fëmijëve me ligj mbetet larg

Komisioni për të Drejtat Njeriut, Barazi Gjinore, për Persona të Pagjetur dhe Peticione nuk ka arritur të mërkurën që për tri orë të shqyrtojë në tërësi Projektligjin për mbrojtje të fëmijëve. U diskutuan 25 amendamente, në 9 nenet e para të Projektligjit që gjithsej i ka 48, shkruan sot Koha Ditore.

Periskopi.com Lajme

Gjatë mbledhjes disa prej anëtarëve të Komisionit, nisën të dilnin e të hynin në sallë, për dallim prej përfaqësuesve të shoqërisë civile e të Qendrës për Punës Sociale në Prishtinë, që nuk e humbën durimin.

Grupi punues për përpilimin e këtij projektligji, i përbërë nga anëtarë të këtij Komisioni dhe përfaqësues të fushës së mbrojtjes së fëmijëve, ka organizuar deri më tani disa punëtori, por megjithatë kanë mbetur të pakënaqur me arritjet.

BE-ja e brengosur për mungesë transparence në amandamentimin e ligjit për RTK-në

Zyra e BE-së në Kosovë/Përfaqësuesja e Posaçme e BE-së është e brengosur rreth mungesës së transparencës në hartimin e amandamenteve të ligjit mbi Radiotelevizionin e Kosovës (RTK) dhe miratimin e propozim-amandamenteve nga komisioni parlamentar për media pa praninë dhe pa diskutime publike.

Periskopi.com Lajme

BE-ja bën thirrje që Kuvendi të lejojë publikun e interesuar për të marrë pjesë në debatin mbi amandamentimet në pajtim me parimet e qeverisjes së mirë, Marrëveshjes për Stabilizim Asociim (MSA) në mes Kosovës dhe BE-së dhe Agjendës për Reforma Evropiane si mjet për implementim të MSA-së.

BE-ja është e inkurajuar se përkundër vonesës së konsiderueshme, Qeveria dhe Kuvendi i Kosovës kanë vendosur të përmbushin dispozitat e ligjit mbi RTK-në të vitit 2012 të cilat përcaktojnë se zgjidhja rreth financimit të RTK-së duhet të gjendet fillimisht përmes abonimit dhe burimeve të tjera të pavarura të financimit (neni 21).

Megjithatë, BE-ja, është informuar se buxheti i shtetit do të mbetet burim i rëndësishëm, nëse jo de facto primar, i financimit të transmetuesit publik, që mund të dëmtojë pavarësinë afatgjate editoriale dhe financiare të RTK-së, veçanërisht në një situatë ku nuk dihet se si mbledhja e tarifës së parapagimit është e rregulluar.

BE-ja poashtu i bën thirrje Kuvendit, si përfaqësues i popullit, që të krijojë hapësirë për diskutim publik dhe konsultime në çdo fazë të përgatitjes së amandamenteve të ligjit për RTK-në.

Kjo do të mundësonte që palët e interesit të japin kontributin e tyre në hartimin e ndryshimeve në mënyrë që ndryshimet t’i ofrojnë RTK-së mjetet e nevojshme për të ushtruar përgjegjësi publike të pavarur nga ndonjë ndikim dhe në të mirë të qytetarëve të Kosovës të cilëve ju shërben./ Periskopi

Ligji “Brexit” dorëzohet për procedurë parlamentare

Ditë më parë Gjykata Supreme vendosi se qeveria e Britanisë së Madhe do të duhet të kërkojë votimin e Parlamentit para se të aktivizojë nenin 50 nga Traktati i Lisbonës

Periskopi.com Lajme

Të enjten është dorëzuar për procedurë parlamentare ligji i cili do ti mundësojë qeverisë të iniciojë daljen e Britanisë së Madhe nga Bashkimi Evropian (BE), raporton Anadolu Agency (AA).

Ligji i është dorëzuar qeverisë pasi më herët ai “pësoi një disfatë” në ankesën te Gjykata Supreme e cila vendosi se Parlamenti është ai që inicion Brexitin.

“Ligji i BE-së (Njoftimi për Tërheqje) është dorëzuar sot në Dhomën e Ulët nga ana e Sekretarit Shtetëror për daljen nga BE-ja, David Davis”, thuhet në kumtesën e qeverisë.

“Ligji i cili i jep kryeministres fuqinë për të aktivizuar formalisht nenin 50, pritet të kalojë nëpër të dyja dhomat, atë të Ulët si dhe në Dhomën e Lordëve, para marrjes së pëlqimit Mbretëror para afatit të 31 marsit”, thuhet më tej.

VV e AAK e çojnë në Kushtetuese Ligjin për Veteranë

Grupet Parlamentare të Vetëvendosjes dhe të AAK-së do të dërgojnë në Gjykatën Kushtetuese Ligjin e ri për Veteranë.

Periskopi.com Lajme

“Grupi Parlamentar i Lëvizjes Vetëvendosje dhe ai i Aleancës për Ardhmërinë e Kosovës, përmes deputeteve Aida Dërguti dhe Time Kadrijaj, dorëzojnë sot në Gjykatën Kushtetuese në orën 14:00 kërkesë për vlerësimin e kushtetutshmërisë të ligjit për plotësimin dhe ndryshimin e Ligjit për Veteranë”, thuhet në njoftimin për media të Vetëvendosjes.

Luana ‘shkel ligjin’ ja çka bëri kësaj here (Foto)

Këngëtarja Luana Vjollca kohëve të fundit po qëndron mes Kosovës dhe Shqipërisë.

Periskopi.com Showbiz

Ajo në Instagram ka publikuar një fotografi ku shihet se është në mes autostradës, në Rrugën e Kombit, shkruan lajmi.net

E me këtë veprim, ajo ka ‘shkelur ligjin’ pasi që dihet me rregulla të komunikacionit në autostradë nuk lejohet asnjë këmbësorë, as ndalje tjetër (për fotografi) pos për ndalje emergjente.

Kjo ndalje duhet logjikisht të mos bëhet, sidomos në rrugë më borë.

screenshot_1

Mustafa forcën e koalicionit e mat me aprovimin e Ligjit të Veteranëve

Isa Mustafa, kryeministri i vendit pas aprovimit të Ligjit për Veteranët e UÇK-së, tha se u tregua forca e koalicionit qeverisës.

Periskopi.com Lajme

Më poshtë është  i plotë shkrimi i tij:

Aprovimi i ndryshimeve në Ligjin për Veteranët e UÇK-së dëshmon seriozitetin dhe forcën e koalicionit qeverisës. Uroj deputetët për një vendim shumë të rëndësishëm, Kryetarin e Kuvendit dhe OVL.

Është ky një vendim që ka kërkuar më shumë kohë dhe angazhim, një involvim të kreut të shtetit dhe punë me përkushtim të Ministrit të Punës dhe Mirëqenies Sociale. Kosova trasoi rrugën për zhvillim të qëndrueshëm ekomomik.

Ja si do të kategorizohen veteranët me ligjin e ri dhe sa para ju takojnë në muaj

Deputetët e Kuvendit të Kosovës gjatë seancës së jashtëzakonshme, sonte kanë miratuar shqyrtimin e dytë të Projektligjin për veteranët e luftës së Ushtrisë Çlirimtare të Kosovës.

Periskopi.com Lajme

Në votimin e parë për Projektligjin me ndryshime kanë votuar 45 deputetë, 6 ishin kundër, ndërsa 7 abstenuan, për çka u deshtë të votohet sërish, pasi në votim morën pjesë 58 deputetë.

Ndërsa, në votimin e dytë, ku në sallë ishin 68 deputetë, 44 deputetë votuan për, 8 ishin kundër, 11 abstenuan, shkruan lajmi.net.

Si do të kategorizohen veteranët dhe cili është pensioni që do të marrin ata.

Veterani luftëtar i mobilizuar në luftë nga fillimi i saj deri në fund me pension 250 euro, veterani luftëtar i mobilizuar në luftë nga data 5 mars 1998 deri në fund me pension 170 euro dhe veterani luftëtar i mobilizuar në luftë nga data 31 mars 1999 deri në fund me pension 120 euro.

Kryeministri Isa Mustafa ka thënë se në rast se Ligji nuk miratohet brenda këtij viti, Kosova rrezikon të dalë nga programi i FMN-së.

Në ditën e tyre, veteranët e UÇK-së bëhen me Ligj të ri

Kuvendi ka miratuar Projektligjin për veteranët Ushtrisë Çlirimtare të Kosovës.

Periskopi.com Lajme

Deputetët e Kuvendit të Kosovës gjatë seancës së jashtëzakonshme, sonte kanë miratuar shqyrtimin e dytë të Projektligjin për veteranët e luftës së Ushtrisë Çlirimtare të Kosovës.

Në votimin e parë për Projektligjin me ndryshime kanë votuar 45 deputetë, 6 ishin kundër, ndërsa 7 abstenuan, për çka u deshtë të votohet sërish, pasi në votim morën pjesë 58 deputetë.

Ndërsa, në votimin e dytë, ku në sallë ishin 68 deputetë, 44 deputetë votuan për, 8 ishin kundër, 11 abstenuan.

Obama nënshkruan Ligjin e ri për mediet ndërkombëtare

Presidenti i Shteteve të Bashkuara, Barack Obama, e ka nënshkruar legjislacionin e ri, me të cilin konsiderohet se do të konsolidohet mbikëqyrja e transmetuesve joushtarakë të Shteteve të Bashkuara, duke i lënë ata në dorën e një shefi ekzekutiv të vetëm.

Periskopi.com Lajme

Ky është një rishikim, që është përshëndetur nga mbështetësit si reformë shumë e nevojshme, por kritikët kanë tërhequr vërejtjen se mund ta rrezikoj pavarësinë gazetareske.

Legjislacioni, që është pjesë e ligjit më të gjerë për shpenzimet e mbrojtjes së Shteteve të B,ashkuara për vitin 2017, të cilin zoti Obama e ka shndërruar në ligj duke e nënshkruar, e ristrukturon Bordin e Guvernatorëve të Transmetuesve (BBG), që është agjenci për mbikëqyrjen e transmetuesve qeveritarë civilë dhe të operacioneve të mediave, ku përfshihen edhe Radio Evropa e Lirë/Radio Liria dhe Zëri i Amerikës.

Me legjislacionin e ri do të zëvendësohet BBG-ja dypartiake me një bord këshilldhënës, i nominuar nga presidenti, që nuk do të ketë autoritet për vendimarrje. Por, këtë autoritet do ta ketë shefi ekzekutiv që nominohet nga Shtëpia e Bardhë dhe është subjekt i konfirmimit të Senatit të Shteteve të Bashkuara.

Mbështetësit e këtij legjislacioni, që është udhëhequr nga republikani nga Kalifornia, Ed Royce, anëtar i Dhomës Përfaqësuese të Kongresit të Shteteve të Bashkuara, dhe administrata e presidentit, Barack Obama, thonë se ai do ta përmirësoj efikasitetin e transmetuesve ndërkombëtarë të Shteteve të Bashkuara, duke e eliminuar BBG-në e tashme, që përbëhet nga anëtarët që shërbejnë gjysmë orari të punës dhe nuk takohen rregullisht.

Por, kritikët e këtij legjislacioni kanë ngritur shqetësime se ai mund ta dëmtojë integritetin gazetaresk të mediave nën ombrellën e agjencisë. Kritikët thonë se autoriteti i këtillë në duart e shefit ekzekutiv të emëruar nga Shtëpia e Bardhë, mund t’i cenoj të drejtat editoriale në raportet ndërmjet mediave dhe qeverisë.

Shefi ekzekutiv i Bordit të Guvernatorëve të Transmetuesve (BBG), John Lansing, mbetet në këtë post, që ishte krijuar vitin e kaluar. Por, kundërshtarët e legjislacionit kanë tërhequr vërejtjen se presidenti i zgjedhur amerikan, Donald Trump, i cili ka raporte kundërthënëse me mediat, mund të synoj instalimin e lojalistit, i cili do ta përdorë agjencinë si mjet në agjendën e zotit Trump.

Në një intervistë të publikuar më 13 dhjetor në rrjetin Fox News, Ed Royce i ka hedhur poshtë këto vërejtje duke i cilësuar ato si “histeri”.

“Disa e paraqesin këtë si maskim, por kjo nuk ka asgjë të përbashkët me presidentin e ardhshëm të Shteteve të Bashkuara, Donald Trump”, tha Ed Royce.

John Lansing në një letër te personeli, më herët këtë muaj, ka shkruar se legjislacioni “nuk e ndryshon kufirin ndërmjet qeverisë federale dhe gazetarëve të pesë rrjeteve tona”.

“Mbajtja e pavarësisë sonë gazetareske dhe kredibiliteti ynë në gjithë botën, mbetet i rëndësisë më të madhe”, ka shkruar Lansing.

Derisa Zëri i Amerikës është agjenci federale dhe formalisht pjesë e qeverisë së Shteteve të Bashkuara, Radio Evropa e Lirë/Radio Liria dhe organizatat e saj simotra, Radio Azia e Lirë dhe Radio Marti, janë koorporata të pavarura me bordet e tyre të veçanta editoriale, të financuara nga Kongresi i Shteteve të Bashkuara.

Megjithatë, të gjitha ato mibikëqyren nga BBG-ja.

Mustafa kërkon fuqizimin e masave për zbatimin e Ligjit për Kontrollin e Duhanit

Kryeministri i Republikës së Kosovës, Isa Mustafa, mori pjesë në konferencën për fuqizimin e masave për zbatimin e Ligjit për Kontrollin e Duhanit.

Periskopi.com Lajme

Në këtë konferencë, të pranishëm ishin edhe ministri i Shëndetësisë, Imet Rrahmani, shefi i Zyrës së Organizatës Botërore të Shëndetësisë në Kosovë, Skënder Syla, drejtori i Instituti Kombëtar të Shëndetësisë Publike, Naser Ramadani, deputetë dhe kryetarë të komunave të Kosovës.

Kryeministri Mustafa, me këtë rast, përmendi ndryshimin kulturor dhe shëndetësor që solli në Kosovë ky ligj, duke krijuar mjedise të lira nga pirja e duhanit, konsumim të zvogëluar në familje por edhe ulje në ekspozim ndaj duhanit në mesin e të rinjve. Megjithatë, kryeministri theksoi se ka pasur ulje të disiplinës të organeve mbikëqyrëse dhe zbatuese që nga viti 2013, kur Ligji u aprovua në Kuvend.

“Sipas të dhënave të raportuara brenda një viti, si pasojë e pirjes së duhanit, merret jeta e rreth dy mijë kosovarëve, pa llogaritur edhe humbjet tjera që lidhen me invaliditetin, me rënien e produktivitetit në punë, me vuajtjen dhe ngarkesat materiale e shpirtërore për familjet”, tha kryeministri.

Kryeministri Mustafa ka kërkuar që takimi i sotëm të jetë një nxitës për të korrigjuar dhe për të përmirësuar sjelljet që do të mundësonin zbatim edhe më të mirë të Ligjit.

“Sa i përket anës së veprimeve qeveritare, përpos anës ligjore, ne kemi marrë edhe masa në ngritjen graduale të akcizës në duhan duke filluar nga 32 euro për kilogram në vitin 2013  për të arritur në 41 euro në vitin 2016, e cila ka krijuar kushte që të bie pak kërkesa për duhan dhe po ashtu të sigurohen të hyra për buxhetin si pasojë e kësaj. Do të bëjmë përpjekje më tutje që në koordinim me të gjitha organizatat të harmanizojmë politikat tona edhe në këtë aspekt”, tha kryeministri.

 

Ministri i Shëndetësisë, Imet Rrahmani ka kërkuar ndihmën e inspektorateve tjera për zbatimin e ligjit, por edhe të të gjitha institucioneve publike, sidomos angazhim më të madh nga ana e kryetarëve të komunave.

“Ne do t’i përmbushim obligimet tona duke përfunduar Programin për Kontroll të Duhanit, e gjithashtu edhe legjislacionin sekondar, por nëse në zbatim nuk angazhohen të gjitha inspektoratet, rezultatet prapë nuk do të jenë të mira. Prandaj,  Ministria e Shëndetësisë konsideron se qasja e mëtejme duhet të ndryshojë rrënjësisht, duke filluar nga ne si bartëse të këtij ligji, e gjithashtu, edhe nga organet tjera”, tha ministri Rrahmani.

Skënder Syla, shef i Zyrës së Organizatës Botërore të Shëndetësisë potencoi se numri i madh i vdekjeve të parakohshme në Kosovë që vjen nga duhanpirja aktive dhe pasive, është dëshmi e qartë për nevojën e veprimit të menjëhershëm dhe të domosdoshëm institucional dhe individual.

“Ligji për Kontrollin e Duhanit vë në prioritet kontrollin e duhanit, me qëllim mbrojtjen e shëndetit publik të gjeneratave të tashme dhe të ardhme, nga pasojat shëndetësore, sociale, ekonomike dhe mjedisore nga konsumimi i duhanit”,  tha Syla.

Fjala e plotë e kryeministrit Isa Mustafa:

Më lejoni të hapi takimin e  sotëm, në të cilin e kemi shtruar një çështje shumë të rëndësishme që ka të bëjë me shëndetin, ka të bëjë  me mjedisin dhe me mirëqenien e qytetarëve e që është zbatimi i Ligjit për Kontrollin e Duhanit.  Zbatimi mirëfilltë i këtij ligji do të ndikoj fuqishëm në parandalimin e vdekjeve të parakohshme, të invaliditet dhe të humbjeve të tjera nga pasojat e drejtpërdrejta dhe të tërthorta që shkakton duhani.

Të rikujtoj se Kuvendi i Republikës së Kosovës e ka miratuar më 4 prill të vitit 2013 Ligjin për Kontrollin e Duhanit, dhe se gjatë vitit të parë të zbatimit të këtij Ligji, Kosova ka qenë model i zbatimit të suksesshëm jo vetëm në rajon dhe janë arritur mjaft shumë suksese në fushën e shëndetit publik, të cilat suksese ishin evidentuar atëherë edhe në Raportin e Progresit për Kosovën.

Është konstatuar se zbatimi i Ligjit ka sjell një ndryshim edhe kulturor edhe shëndetësor në Kosovë, janë krijuar mjedise qind për qind të lira nga pirja e duhanit. Evidentohet se duhani konsumohet më pak në familjet kosovare sidomos brenda shtëpive dhe në prani të fëmijëve. Janë rritur ndjeshëm njohuritë e qytetarëve për ligjin dhe efektet negative të pirjes së duhanit, ndërsa studimet e kryera nga profesionistët tanë të fushës së shëndetit publik flasin edhe për uljen e konsumit dhe ekspozimit ndaj duhanit në mesin e të rinjve.

Mirëpo nëse i përcjellim rezultatet nga viti i parë i zbatimit të këtij ligji dhe më tutje, mund të vërejmë se kemi rënie në zbatimin e tij, kemi ulje të disiplinës dhe të angazhimit të organeve mbikëqyrëse dhe organeve zbatuese.

Të dhënat e raportuara nga Ministria e Shëndetësisë si udhëheqëse e Këshillit Ndërministror për Kontrollin e Duhanit dhe koordinator shtetëror, tregojnë që me gjithë rezultatet pozitive që i ka prodhuar ky ligj si në rrafshin shëndetësor ashtu edhe në atë social dhe mjedisor, rënia e nivelit të zbatimit të ligjit është shoqëruar me raportim jo adekuat të institucioneve zbatuese për aktivitetet e tyre, me involvim të ulët të disa inspektorëve në zbatimin e ligjit, me mos koordinim në mes institucioneve zbatuese, me trajtim të ngadalshëm nga ana e gjykatave të fletëparaqitjeve të dërguara nga inspektorët për shkelësit e ligjit dhe me involvim akoma të ulët të autoriteteve komunale në zbatimin e ligjit.

Prandaj pa dashur që të veçoj përgjegjësitë sipas këtyre konstatimeve, unë konsideroj se takimi i sotëm duhet të jetë një nxitës për të korrigjuar dhe për të përmirësuar sjelljet që do të mundësonin zbatim më të mirë të ligjit.

Sipas të dhënave të raportuara brenda një viti si pasojë e pirjes së duhanit merret jeta e rreth dy mijë kosovarëve,  pa llogaritur edhe humbjet tjera që lidhen me invaliditetin, me rënien e produktivitetit në punë, me vuajtjen dhe ngarkesat materiale, shpirtërore për familjet.

Sa i përket anës së veprimeve qeveritare përpos anës ligjore, ne kemi marrë edhe masa në ngritjen graduale të akcizës në duhan duke filluar nga 32 euro për kilogram në vitin 2013 për të arritur në 41 euro në vitin 2016, e cila ka krijuar kushte që të bie pak kërkesa për duhan dhe po ashtu të sigurohen të hyra për buxhetin si pasojë e kësaj.

Do të bëjmë përpjekje më tutje që në koordinim me të gjitha organizatat të harmanizojmë politikat tona edhe në këtë aspekt. Dëshiroj po ashtu të nënvizoj se Raporti i Progresit për vitin 2016 në mënyrë të qartë ka theksuar nevojën e fuqizimit të zbatimit të këtij Ligji, të njëjtën gjë e ka kërkuar edhe Organizata Botërore e Shëndetësisë, që mbetet një institucion në të cilin ne synojmë që të anëtarësohemi. Unë jam i vetëdijshëm se ekziston varshmëria e duhanpirësve nga duhani në njërën anë sikurse ekziston interesi i bizneseve në anën tjetër, por mbi të gjitha ne duhet të vlerësojmë aspektin shëndetësor, social dhe mjedisor të duhanit.

Prandaj, për fund, më lejoni të theksoj se praktika ka dëshmuar se një koordinim më i mirë, mund të prodhojë rezultate konkrete dhe rezultate më të mira dhe unë pres që sot, varësisht prej diskutimeve, të cilat ne do t’i zhvillojmë këtu, të merremi vesh dhe t’i konkretizojmë edhe veprimet e mëtejme  konkrete.

Këto veprime sipas orientimeve të këtij Këshilli, do të parashihet hartimi i Programit Kosovar për Kontroll të Duhanit që tashmë është në procedurë e sipër, përmbyllja e legjislacionit sekondar, në mënyrë që të konkretizohen të gjitha masat parandaluese, vazhdimin e aksioneve inspektuese dhe koordinimin midis institucioneve që nuk ka qenë i mjaftueshëm deri tani, ndërgjegjësimin e vazhdueshëm të publikut lidhur me këtë problematikë dhe ngritjen e kapaciteteve për zbatimin e ligjit.

Ne do të jemi të përkushtuar që t’ju përkrahim maksimalisht, por edhe të kërkojmë rezultate konkrete në mënyrë që të rrisim efikasitetin e implementimit të këtij ligji.