Kaka

Kaka: Milano do të rikthehet

Periskopi.com Sporti

Ish-ylli i Milanit, Leite Kaka beson se ‘rosonerët’ do ta kalojnë këtë periudhë të vështirë nëpër të cilën ka kaluar sezoneve të fundit dhe do t’i rikthehet sukseseve sikurse në të kaluarën.

Braziliani kujton kohërat kur mbronte ngjyrat e klubit nga ‘qyteti i modës’, ndërsa ndjen se është e vështirë ta shohësh një klub si Milani në një gjendje të tillë.

“Kam pasur momente shumë të mira atje, kam parë Milanin në krye të botës dhe të shohësh klubin në një gjendje si tani, kjo është trishtuese”, deklaroi Kaka.

“Ata janë ende një klub i madh me një histori të madhe. Unë mendoj se brenda pak viteve ne do të shohim Milanin duke luftuar sërish në Ligën e Kampionëve dhe në garë për të fituar Serie A. Jam i sigurtë se Milani do ta bëjë këtë përsëri”.

Shtatë herë kampioni i Europës përfundoi sezonin e kaluar në Serie A në pozitën e shtatë. /Periskopi.com

kaka-ronaldo

Kaka me fjalë të mëdha për Ronaldon

Periskopi.com Sporti

Leite Kaka është shprehur i habitur nga forma çdoherë e në rritje e superyllit të Real Madridit, Cristiano Ronaldo.

Braziliani, i cili dikur luante bashkë me portugezin te madrilenët, thotë se 31-vjeçari ka motivim shtesë në çdo sezon.

“Është e pabesueshme, ai tregon çdo vit që mund të kaloj veten. Çdo vit ai ka motivim për të mbajtur vazhdimësinë, rezultatin dhe të jetë lojtari më i mirë në botë”, deklaroi Kaka.

“Ndonjëherë kur ju keni fituar shumë gjëra në karrierën tuaj, është normale që të ngadalësoni. Por ai është i pabesueshëm si Lionel Messi, sepse këta kanë fituar çdo gjë që mundën dhe ende duan të fitojnë dhe të jenë më të mirët”, ka theksuar ai. /Periskopi.com