Sondazhi i fundit për Prishtinën, Ahmeti i pari, Lirak Çelaj e mund Ismet Beqirin

Periskopi.com Lajme

Një anketë online që zgjati një orë ka sjellur rezultate befasuese për PDK-në.

“Kë do ta votonit për kryetar të Komunës së Prishtinës” ishte pyetja e anketës së Periskopit ku mund të votohej me anë të butonave, dhe kandidatë ishin kryetari aktual Shpend Ahmeti, Lirak Çelaj nga PDK dhe Ismet Beqiri nga LDK.

nga rreth 4 mijë votues, 3 mijë e 200 deklaruan se zgjedhin Shpend Ahmetin, 324 për Çelajn dhe 178 për Beqirin.

Aty komentuan edhe mbi një mijë persona.

Ahmeti që aktualisht është kryetar komune, vërehet qartë sa larg la kundër -kandidatët e tij, e befasi ishte ngritja e Çelajt duke lënë pas ish-kryetarin e Prishtinës, Ismet Beqirin.

Shpend Ahmeti 3200 vota

Lirak Çelaj 324 vota

Ismet Beqiri 178 vota

/ Periskopi

Mustafa thotë se partitë e tjera po i frikësohen rritjes së LDK-së

Periskopi.com Lajme

Kryeministri i Kosovës, Isa Mustafa, ka thënë se partitë e tjera po ia kanë frikën rritjes së Lidhjes Demokratike të Kosovës, prandaj edhe po i kërkojnë zgjedhjet e parakohshme.

Kryeministri këto deklarime i ka bërë në Deçan, ku LDK-ja pati ceremoninë e 27 vjetorit të themelimit të degës së saj në këtë komunë.

Mustafa pohoi edhe se përkundër që Deçani qeveriset nga një tjetër parti, investimet nga qendra nuk kanë munguar pasi LDK-ja është parti që mendon dhe punon vetëm për interesat e qytetarëve, transmeton Klani

“Deçani meriton të qeveriset nga LDK dhe ky është synim ynë”, tha Mustafa, duke shtuar se “kur ta kremtojmë 28 vjetorin e themelimit do ta kemi Deçanin nën përgjegjësinë dhe qeverisjen tonë”.

Lutfi Haziri kurrsesi nuk e pranon se koalicioni në rrezik

Periskopi.com Lajme

Lutfi Haziri, nënkryetari i Lidhjes Demokratike të Kosovës ka thënë se me Partinë Demokratike të Kosovës besojnë se do ta çojnë mandatin deri në fund.

“Ne me PDK jemi dy partitë kryesore në vend dhe rivalët më të mëdhenj në vend. Oferta e LDK-së do të jetë në bazë të programit qeverisës. Besojmë se do ta qojmë mandatin deri në vitin 2018. Nëse nga PDK kërkohet një ridefinim i marrëveshjes, LDK e zbardh qëndrimin e vet”, tha ai.

“LDK ka partneritet për këtë kabinet qeveritar, marrëveshjen e LDK-së me Thaçin e ka konfirmuar Kadri Veseli në konventën e PDK-së. LDK e gatshme të diskutojë parimet e marrëveshjes, për çka nuk jemi të ftuar. LDK është ajo që do ta bartë përgjegjësinë e vet”, tha Haziri nw Klan Kosova.

Ismet Beqiri në fushatë për kryetar të Prishtinës (Foto)

Periskopi.com Lajme

Meqë po flitet për zgjedhje të parakohshme, duket se Lidhja Demokratike e Isa Mustafës nuk po humb kohë për fushatë.

Shefi i Grupit Parlamentar të kësaj partie, Ismet Beqiri tashmë ka nisur vizitat nëpër Prishtinë, komunën të cilën e qeveriste dikur.

Ai sot ka qëndruar në lagjen “Kodra e Trimave” ku ka treguar se ka diskutuar me qytetarë për shumë çështje dhe kërkesa të tyre.

Beqiri është shprehur i bindur se LDK do ta fitojë kryeqytetin në zgjedhjet e ardhshme.

“Takim me qytetar të Kodres së Trimave,nga nëndega e II-të e Degës tonë. Bisedë e hapur për shumë qeshtje. Identifikuam kërkesat e qytetarëve për këtë pjesë të lagjes. Me LDK-në këtë vit në qeverisje, Lagjja dhe Prishtina i kthehet zhvillimit, i thotë jo status quos”, ka shkruar ai.

 

Sabri Fejzuallahu “godet” Isa Mustafën dhe tregon çfarë favori i bëri Shpend Ahmeti (Video)

Periskopi.com Lajme

Këngëtari i njohur kosovar Sabri Fejzullahu ka goditur ish qeverisjen e kaluar të Prishtinës.

Sabri Fejzullahu ish deputeti nga radhët e PDK-së ka qenë i ftuar në emisionin “Me shukin” ku ka folur për shumë gjëra të ndryshme shkruan GazetaBlic.com

Por në një moment ai ka kritikuar ashpër ish qeverisjen e kaluar të Prishtinës  të cilën e ka udhëhequr Kryeminstri aktual i Kosovës Isa Mustafa.

Ai po ashtu në këtë emision ka lavdëruar Kryetarin aktual të Prishtinës Shpend Ahmetin.

Se çfarë favori i bëri Shpend Ahmeti, këngëtarit i cili i ka kënduar shumë Prishtinës, shikojeni videon më poshtë.

Ky ishte fjalimi i Bulliqit, në mbledhjen e Këshillit të Përgjithshëm të LDK-së

Periskopi.com Lajme

Në mbledhjen e Këshillit të Përgjithshëm të LDK-së, deputeti i saj në Kuvendin e Kosovës, Shpejtim Bulliqi edhe njëherë ka treguar qëndrimin e tij të qartë sa i përket Demarkacionit me Malin e Zi.

Gjatë fjalimit të tij edhe njëherë ka ritheksuar me fakte shkencore se pse Demarkacioni që ka paraqitur Komisioni Shtetëror është i gabuar.

Më poshtë mund të lexoni fjalimin e tij të plotë:

Fjalimi i sotëm në këshillin e përgjithshëm të LDK-së

Te nderuar anëtare të këshillit të përgjithshëm të LDK-së

Me lejoni te ju përshëndes dhe njehërit të ju falënderojë nëse keni durim për te dëgjuar dhe kuptuar qëndrimin tim edhe njëherë rreth demarkacionit. Ne ketë temë unë jam hyrë më arsyen më të sinqertë për ta interpretuar nga aspekti shkencore dhe faktik problemin e krijuar rreth çështjes se kufirit me Malin e Zi, por që të politizohet skajshmerishtë, dhe kaq tragjikisht nuk ma kishte marre mendja.

Jam munduar të eci në rrugën institucionale për ta sqaruar duke kontaktuar fillimisht Kryeministrin Mustafa dhe duke i sqaruar që të ketë kujdes, dhe në atë takim fituam përshtypje unë dhe kolegu Florim se u sqaruam dhe do të ketë mundësi të korrigjohen gjërat sepse kishte kohë pasi Mali i Zi ende se kishte ratifikuar në kuvend ketë marrëveshje.

Për çudi menjëherë pas disa ditësh ne morëm ofendime më të ulëta të mundshme dhe denigrimet për këto dy vite me radhë. Ecja ime në ketë drejtim ka qenë në dy drejtime e para që mos ta lejojmë LDK-në që të jetë ajo që po mbron ketë çështje të gabuar, dhe njëkohësisht të paraqesim profesionalizmin siç e kërkon edhe arsyeja dhe momenti.

Kjo nuk u bë e mundur dhe filloi një beteje e goditjeve nga jo profesionistet dhe nga mercenaret që cyteshin të na dëmtojnë në çdo aspekt.

Të gjendur në ketë situate edhe nga prononcimet ndërkombëtare që ishin vetëm vlerësues sipërfaqësor por jo në thelb të problemit u krijua një situatë amullie.

Presioni që është bëre se ne që po kundërshtojmë ketë formë të demarkacionit nga lidershipi ynë për mua ka qenë antikushtetues dhe jo parimore dhe jo me interes për ta zgjedhur situatën në drejtimin e duhur por për ta tensionuar edhe me shumë.

Ne ketë loje mendoje se ka përfituar personalisht dhe politikisht Hashim Thaci me marrjen e postit të presidentit duke e tensionuar situatën politike dhe duke favorizuar PDK-në si parti që është e ”disiplinuar” duke mos pasur asnjë qëndrim të qartë rreth demarkacionit.

Kjo u pa se fundmi kur edhe në konventën e tyre që demarkacioni të zgjidhet me ”konsensus nacional politik ndërpartiak”.

Të nderuar anëtar të këshillit të përgjithshëm e di që do ketë reagime ndoshta edhe tash nga salla këtu por po ju garantoje që kufiri është bëre keq, ka fakte të mjaftueshme dhe të faktueshme.

Një gjë i siguroj të gjithë të pranishmit se qëllimi im ka qenë dhe është që të kontribuoj që Kosova mos të humb territor, kur them mos të humb territor nuk aludoj në pjesët që u janë marrur shqiptarëve nepër konferencat e famshme, por për territor që vet regjimet Jugosllave e lëne brenda kufirit të Kosovës me delimitimin e viteve 1945/46.

Ne kemi prezantuar materiale aq shumë, bindëse që nuk mund ti rrezoj askush. Të gjitha ato komisionet të kota u krijuan për te tentuar të bindin opinionin e gjerë se Kosova s,po humb asgjë duke berë edhe shpenzime shtesë për vendin.

Për të gjithë ata që kanë dyshime në kundërshtimin që unë dhe te tjerë e kemi berë rreth kësaj marrëveshje, ju bej apel që ti pyesin autoritetet e Malit te Zi se kah ju erdhi ajo sipërfaqe shtesë, e kam fjalën për publikimin që e kemi bërë ku kemi dëshmuar se Mali i Zi po rritet në sipërfaqe, kuptohet në dem të Kosovës.

E çart që na keni akuzuar për pengim të liberalizimit të vizave gjë që nuk është krejt e sigurt edhe po te ndodhte kjo që liberalizimi do te ndodh. E di që është folur se po pengojmë hyrjen e Malit te ZI ne NATO dhe po lejojmë Rusinë të jetë prezentë, edhe kjo nuk qëndron sepse muajin e ardhshëm Mali i Zi po futet në NATO e dini besoje.

E di që na keni akuzuar se po koketojme më opozitën gjë që nuk është e vërtet. E di që na keni akuzuar se miqtë tanë ndërkombëtare po na i largoni më qëndrimet tona që nuk është e vërtetë, sepse me miqtë ndërkombëtare asnjëherë nuk është lejuar kundërshtimi profesional të paraqitet para tyre, por vetëm mjegulltës dhe politizues mjafton të kthehemi të data 3 gushti 2016 epilogu u tregua para se të përfundoj debati. E di që do të thoni LDK-ja është dëmtuar, por ketë nuk e kemi bëre ne, e kanë bëre ata që janë sjellur jo konform situatës se krijuar “DUKE DASHUR TA DUAN E KANË KAFSHUAR RENDË LDK”.

Të nderuar për mua në ketë situate të krijuar për demarkacionin do të propozoja që kjo temë të mbyllet me një fjali, ”edhe pse këshilli i përgjithshëm mendon se demarkacioni aktual është mirë ne kërkojmë zgjidhje me konsensus politik me të gjitha partitë ose ta sjellim në kuvend dhe ti japim drejtim.

Sipas informative që kemi Parlamenti Evropian është shumë i interesuar të zvarritet kështu demarkacioni sepse thonë se as ne nuk jemi të njëzëri për ta mbështetur në liberalizim Kosovën arsyet janë të njohura pesë shtetet të BE-së ende se njohin Kosovën, dhe pas problemit anglez ka divergjenca edhe më të mëdha, si dhe situatat rajonale e globale marre parasysh.

Por nëse ne e fusim në proces të zgjidhjes edhe më kushtin e anulimit të këtij versioni do të dalim të gjithë fitues kjo ska dyshim. Do na hap mundësi që më komisionin e Malit të Zi të ulemi, edhe njëherë dhe nëse nuk arrijm më fakte ti bindim e që faktet janë krejt në anën tonë.

Arsyetimet se kjo gjë nuk behët nuk qëndrojnë sepse në çdo marrëveshje ka edhe kontestime dhe komisioni i Malit të Zi mundet lehtësisht në parlamentin e tyre ta sqaroj të gjeturat plotësuese për ta korrigjuar problemin edhe në gjuhën angleze mundet të quhet ADENDUM që është edhe term juridik i pranueshëm. Nëse edhe ky opsion nuk kalon atëherë shkohet në arbitrazh dhe çka do që vendose arbitrazhi nuk ka nevoje mandej të vihet në kuvendin e Kosovës sepse merret si punë e përfunduar përveç konfirmimit formal që duhet pranuar.

Te nderuar e kuptoje edhe atë që na thonë se ne asnjëherë nuk kemi caktuar kufi por na i kanë bërë të tjerët, kjo nuk qëndron sepse sot jemi autonom të vendosim vetë mbi bazën e dokumenteve dhe ligjeve të ish RSFJ dhe KSAK, e di që ka zëra që thonë se nëse kufiri konfirmohet se është drejte dhe ne kemi penguar koti unë jam i gatshëm të marre përgjegjësinë politike morale e profesionale. Por e di edhe një gjë që edhe pyes nëse vërtet vërtetohet se është gabim, çka do të bëjnë ata që e kane mbrojtur të keqën.

Nga unë nuk do keni asnjë ngushtim sepse ju kuptoje se nuk jeni në temë profesionale por keni pasur vullnet pozitiv të zgjidhjes se problemit ndërsa për mua dhe ekipet që kundërshtojnë do të jetë një qetësim shpirtërorë, një obligim kushtetues dhe kombëtarë dhe një vlerë që mbi ” partin është kombi e shteti ”.

Strukturat profesionale dhe politike të partisë nuk arritën që pas vdekjes së presidentit historik të Kosovës Dr. Ibrahim Rugovës ta realizojnë dëshirën e tij për himnin e Kosovës, e gjithashtu edhe flamurin si simbole identifikuese dhe jashtëzakonisht frymëzuese për popullin. A do të thotë kjo që prapë strukturat politike dhe profesionale të LDK-së mos ta realizojnë edhe vijën kufitare me Malin e Zi sipas fakteve të prezantuara nga Dr. Ibrahim Rugova dhe Enver Maloku. Sot po ju publikoj edhe ketë fakte që kufirin më Malin e Zi e paraqesin sipas delimitimit 1945/46.

Deri dje zoti kryetar i partisë sime dhe zoti kryeministër i vendit keni berë gabime që janë njerëzore për secilin, dje keni thënë një gjë në parlament që po të ishte thëne në vitin 2015 sot nuk kishim biseduar aspak për demarkacionin, dje thatë po citoje “unë e kam gjetur të përfunduar punën e komisionit të kufirit dhe nëse është bërë gabim ata mbajen përgjegjësinë për gabimet sepse unë nuk jam profesionist por jam institucional të ju besoje institucioneve “.

Ky deklarim qëndron dhe kemi kohe për veprim.

  1. B.

Deputeti i LDK-së që as sëmundja nuk e ndalë për të votuar Demarkacionin

Periskopi.com Lajme

Deputeti i Lidhjes Demokratike të Kosovës, Bardhyl Meta është i gatshëm të kthehet në Kosovë për 48 orë, nga ku po merr terapi sepse vuan nga një sëmundje e rëndë, vetëm për t’i treguar shefit të tij, Isa Mustafës, se është i ‘devotshëm’ në punë.

Ai pas reagimeve ku u mbajt Këshilli i Përgjithshëm i LDK-së, thotë se do të kthehet në seancën e Demarkacionit, për një seancë të mundshme për FSK-në dhe për seancën e Asociacionit.

Meta thotë kështu edhe pas një mbledhje të Këshillit të partisë së tij, me shumë tensione dhe ku nuk u lejua fjala e lirë, e atyre që nuk pajtohen patjetër me urdhrat e shefit.

Nuk duhet harruar se Meta, po kurohet jashtë vendit me para të ndara nga buxheti i vendit, që iu ndanë me vendim të Qeverisë të udhëheqë shefi i tij Isa Mustafa.

Shkrimi i plotë i tij:

Ka me siguri diku 8 – 9 javë – që Kryetarit të partisë sime, Lidhjes Demokratike të Kosovës, njëherit edhe Kryminister i vendit – z. Isa Mustafa – sikur edhe Kryetarit të Grupit Parlamentar të LDK-ës, z. Ismet Beqiri – ua kam bërë me dije, se në momentin që më njohtojnë – Unë – nderprejë menjëherë trajtimin e terapite e mia në Spitalin e Heidelbergut – dhe kthehem në Kosovë për 3-4 ditë, që të marr pjesë aktive në Seancën apo Seancat, Debatet sikur edhe në Votimet lidhur me:

– Demarkacionin,

– Asociacionin dhe natyrishtë e gjithsesi, edhe për

– Forcat e Armatosura të Republikës së Kosovës!

Me mjaftojnë 24 – 48 orë, njohtim paraprak!

p.s Kjo deklaratë është pergjigje publike, për ata që po ma shtrojne këtë pyetje (besojë, jo vetem mua?) në email apo sms, sikur edhe per media tjera që mund t’a shtrojnë nesër.

– Natyrishtë, kjo përgjigje, tashmë u hyn në punë edhe të tjerrëve që po i kalkulojnë votimet dhe rrjedhat e tyre…

– Dhe fatmirësisht, i prish punë ndonjë të “vetmuari” tjeter, që ka “profesion” spekulimin…

Me nderime – e për shnet,

BM

Heidelberg

Tensione në mbledhjen e LDK-së, Sabri Hamiti – Isa Mustafës: Nuk shkon kështu!

Periskopi.com Lajme

Mbledhja e sotme e Këshillit të Përgjithshëm të Lidhjes Demokratike të Kosovës është përcjellur me tensione të mëdha në momentin kur debati u zhvendos tek çështja e Demarkacionit me Malin e Zi.

Kështu kanë bërë të ditur për “Gazeta Blic” burime brenda kësaj mbledhje.Sipas këtyre burimeve, tensionet kanë nisur në momentin kur Kryeministri i Kosovës dhe njëherit lideri i LDK-së, Isa Mustafa ka kërkuar mendimet e deputetëve nga radhët e kësaj partie lidhur me çështjen e Demarkacionit, gjë të cilën e ka kundërshtuar deputeti i Kuvendit të Kosovës, Sabri Hamiti, duke thënë se nuk bënë të veprohet në këtë mënyrë.

“Nuk shkon kështu, nuk ka rëndësi këshilli i përgjithshëm për deputetin, kjo punë duhet të kryhet në Kuvend e jo në Këshill të Përgjithshëm. Unë abstenoi dhe ju ftojë me apstenu“, ka deklaruar Hamiti duke qëndruar në këmbë, thonë burimet e njëjta.

7 deputetë të LDK-së abstenojnë demarkacionin

Periskopi.com Lajme

Mbledhja e sotme e Këshillit të Përgjithshëm të Lidhjes Demokratike të Kosovës është përcjellur me tensione të mëdha në momentin kur debati u zhvendos tek çështja e Demarkacionit me Malin e Zi.

Pavarësisht kësaj situate, siç mëson “Gazeta Blic” nga burimet e saj brenda kësaj mbledhje, kreu i LDK-së Mustafa e ka vendosur në votim çështjen e Demarkacionit, kështu duke kërkuar nga ta se a janë pro apo kundër që kjo çështje të procedohet në Kuvend.

Përmes këtyre burimeve mësohet se kanë qenë 7 deputetë që kanë abstenuar, pasi që çështja e Demarkacionit është hedhur në votim, kurse pjesa tjetër e deputetëve e kanë votuar.

Mbledhja e Këshillit të Përgjithshëm të LDK-së ka nisur në orën 16:00 dhe ka përfunduar rreth 3 orë më vonë.

Përveç Demarkacionit, çështje tjera që u trajtuan në këtë mbledhje ishin edhe zgjedhjet lokale, për të cilat kreu i LDK-së Mustafa mori vendim që partia e tij të mos ketë kandidatë që janë të akuzuar për korrupsion në garë për zgjedhjet lokale që priten të mbahen në vjeshtën e këtij viti.

Vjosa Osmani nuk u lejua të flasë, ka një porosi për Mustafën

Periskopi.com Lajme

Deputetes së Kuvendit të Kosovës nga radhët e LDK-së Vjosa Osmanit, nuk i është dhënë fjala sot në mbledhjen e Këshillit të përgjithshëm të kësaj partie, ku u diskutua për zgjedhjet lokale dhe demarkacionin.

Osmani pas mbledhjes së Këshillit, pohoi se nuk i është dhënë fjala, po ashtu tha sa i përket demarkacionit, kishte diskutime pro dhe kundër. Ajo pohoi se edhe pse kishte një numër të anëtarëve të LDK-së që e kërkuan fjalën, nuk  iu dha fjala, sepse diskutimet u ndërprenë në gjysmë nga anëtarët e Këshillit të përgjithshëm.

“Megjithatë çështja se si do të duhej të procedohej me demarkacionin, nuk është çështje e Këshillit të përgjithshëm, por e Kuvendit të Kosovës. Dhe ajo që duhet ta ketë parasysh secili anëtarë i Këshillit të përgjithshëm, sepse aty ka shumë pak deputetë, në fakt, është që deputetët e Kuvendit do të duhej dhe unë besoj që do votojnë vetëm në përputhje me vullnetin e tyre të lirë dhe nuk do duhet të përdorej asnjë gjuhë, as kërcënuese as shantazhuese ndaj askujt. Deputetët kanë dhënë një betim, që të mbrojnë integritetin territorial dhe sovranitetin e vendit dhe po ashtu interesat e qytetarëve dhe unë besoj se secili ka pas detyrë dhe deri tani ka pas edhe kohë, sepse kanë kaluar gati dy vite që nga nënshkrimi i asaj marrëveshje, që t’i analizojnë të gjitha argumentet për dhe kundër, dhe të marrin një vendim në përputhje me mandatin e tyre të lire”, tha ajo.

Ajo po ashtu tha se mandati i deputetit mbrohet me kushtetutë dhe nuk ka asnjë organ as partiak e as tjetër që mundet me iu imponu deputetëve të votojnë ndryshe.

E pyetur rreth arsyeve pse asaj dhe disa anëtarëve të tjerë nuk u është dhënë fjala, ajo tha se si duket nuk u pëlqente kahja që merrnin diskutimet.

“Si duket nuk u pëlqente kahja që merrnin diskutimet, sepse shumcia e diskutuesve që kërkuan fjalën në pjesën e dytë, janë deputetë që kanë shprehur shqetësime. Unë nuk e di se si do të votojnë, por së paku kanë shprehur shqetësime për këtë proces. Dhe kjo mund të ketë qenë arsyeja. Megjithatë u kërkua që të ketë një votim dhe aty edhe në shumë diskutime u thanë edhe shumë të pavërteta, megjithatë besoj se argumentet e sakta do t’i japim në Kuvend edhe neve që nuk na u dha fjala sot”, tha ajo.

Vjosa Osmani nuk i bindet Isa Mustafës për votimin e demarkacionit

Periskopi.com Lajme

Pas mbledhjes së Këshillit të Përgjithshëm të LDK-së, deputetja Vjosa Osmani ka thënë se disa anëtarëve të kësaj partie nuk ia kanë dhënë të drejtën e fjalës.

Ndërsa sa i përket çështjes së demarkacionit ajo ka thënë se deputetët nuk janë të obliguar të respektojnë qëndrimet e këshillit drejtues, transmeton lajmi.net.

“Deputetët nuk kanë pse ti nënshtrohen vendimeve të asnjë organi të partisë…. ata kanë dhënë betimin për mbrojtjen e sovranitetit,  integritetit dhe të vendit, prandaj duhet të votojnë sipas bindjes së tyre”, ka përfunduar Osmani.

Përfundon mbledhja e LDK-së, Mustafa thotë se mori mbështetje për votimin e demarkacionit

Periskopi.com Lajme

Kryeministri dhe kryetari i LDK-së, Isa Mustafa, pas mbledhjes së Këshillit të Përgjithshëm të LDK-së që ka zgjatur më shumë se tri orë, ka rikonfirmuar qëndrimin pro ratifikimit të demarkacionit dhe liberalizimit të vizave.

Mustafa ka thënë se pret që deputetët kundërshtues të demarkacionit brenda partisë së tij, ta respektojnë vendimin e LDK-së këtë çështje, raporton lajmi.net.

Ai nuk ka dhënë datë se kur do të procedohet demarkacioni në Kuvend, duke shtuar se kjo do të bëhet pas konsultimeve me PDK-në dhe Listën Serbe.

Kurse sa i përket mundësisë për zgjedhje të parakohshme parlamentare, Mustafa ka thënë se nuk është diskutuar pasi janë afatet ligjore dhe kushtetuese.

Mocioni ka mbështetje edhe nga deputetë të PDK-së e LDK-së

Periskopi.com Lajme

Deputeti nga radhët e NISMA-s, Haxhi Shala ka deklaruar që kjo parti ka vlerësuar që të gjitha institucionet janë jashtë funksionit si pasojë e keqqeverisjes andaj edhe e kanë parë të arsyeshme nismën e mocionit për votëbesimin e qeverisë.

Sipas Shalës, përveç partive opozitare këtë mocion po e mbështesin edhe deputetë nga partitë e koalicionit gjithashtu edhe nga minoritetet.

“Ka mbështetje të madhe nga opozita, mirëpo edhe nga deputetët e partive pozitare dhe nga deputetë të minoriteteve. Shefat e grupeve parlamentare të AAK-së dhe NISMA-s, janë duke mbajtur takime për të formuar tekstin e mocionit, i cili do të jetë i gatshëm javën e ardhshme” ka thënë Shala në një intervistë në Info Magazine të Klan Kosovës.

Tutje Shala ka shtuar që aktualisht nuk kanë ndonjë koordinim me partitë pozitare, LDK-në dhe PDK-në, megjithatë deputetë nga të dy këto parti, sipas tij do të vendosin nënshkrimet në mocionin për rrëzimin e qeverisë, njofton Klan Kosova.

Albulena Haxhiu përplaset me deputetin e LDK-së

Periskopi.com Lajme

Deputetja e Lëvizjes Vetëvendosje, Albulena Haxhiu, ka lëshuar mbledhjen e Komisionit Parlamentar për Punë të Jashtme ku po diskutohej për dialogun Kosovë-Serbi.

Kjo pasi që ajo është përplasur me deputetin e LDK-s, Muhamet Mustafa, rreth marrëveshjes për Asociacionin e Komunave Serbe.

Albulena Haxhiu, ka treguar për Telegrafin arsyet se pse ajo në mënyrë demonstrative ka lëshuar sot takimin e kryetarëve të Komisioneve Parlamentare, të thirrur nga Komisioni për Punë të Jashtme.

Ajo ka thënë se kryetari i Komisionit për Zhvillim Ekonomik, Muhamet Mustafa është sjellur më të në mënyrë të vrazhdë për shkak të mospajtimeve që i kanë pasur rreth qëndrimeve politike.

“Ai fillimisht tha se nuk jemi këtu për t’i prezantuar qëndrimet e partive politike. Por, unë thash se ne nuk mund të shkëputemi nga kjo gjë, sepse aty jemi si përfaqësues të subjekteve politike. Më pas ai filloi ta ngre zërin, veçanërisht te çështja e ‘Zajednicës’”, ka bërë të ditur Haxhiu.

Sipas saj, Mustafa tha se nuk është e vërtetë që Gjykata Kushtetuese e ka rrëzuar ‘Zajednicën’, duke shtuar se “unë i tregova se kjo nuk është e vërtetë, sepse kjo Gjykatë e ka gjetur se në 23 pika të dokumentit të Asociacionit të Komunave, ka shkelje të Kushtetutës”.

“Më pas Mustafa më tha rri aty, mos fol, në mënyrë urdhërore. Dhe unë e ndjeva se është cenuar integriteti im si femër dhe si deputete, dhe e lëshova mbledhjen në mënyrë demonstrative”, ka theksuar Haxhiu.

Ndryshe, sot Komisioni për Punë të Jashtme, i ka ftuar të gjitha kryetarët e Komisioneve Parlamentare, për të diskutuar për dialogun në mes Kosovës dhe Serbisë. Prezentë ishin edhe përfaqësues të KDI-së që merren me monitorimin e punës së Kuvendit.

Përfaqësuesja e kësaj organizate i ka prezantuar rezultatet e sondazhit të organizuar me qytetarët e Kosovës, për punën e Kuvendit të Kosovës në procesin e dialogut Kosovë – Serbi.

Ministria që u bë çerdhe e LDK-së (Video)

Periskopi.com Lajme

Djali i nënkryetarit të LDK-së, Agim Veliut, djali i kryetarit të Lipjanit Imri Ahmetit, vajza e vëllait të Isa Mustafës, dhe reja e Isa Mustafës, janë prurjet e fundit në Institucionin shtetërorë që udhëhiqet nga ministri i LDK-së Arban Abrashi.

Ministria e Punës dhe Mirëqenies Sociale që si institucion ka për qëllim rehabilitimin e mirëqenien e pjesës më të madhe të popullsisë në vend, ka rehatuar të paktën të afërmit e bashkë partiakëve të ministrit.

Shkumbin Veliu, djali i kryetarit të Podujevës Agim Veliut, e që vjen nga LDK-ja, është punësuar në këtë ministri si zyrtar për legjislacion.

Ndërsa në divizionin e hapur muaj më parë në këtë ministri, atë për sigurime sociale është punësuar Qëndrim Ahmeti, djali i kryetarit të Lipjanit Imri Ahmetit, e që gjithashtu vjen nga Lidhja Demokratike e Kosovës.

Ky madje është në kontratë mbi vepër.Sekretari i përgjithshëm i Ministrisë, Izedin Bytyqi i ka konfirmuar televizionit këto punësime, ani pse sipas tij të dy ata janë punësuar me plotësim të kritereve.

“Shkumbin Veliu është zyrtar me kontrate te rregullte, nuk është me kontrate mbi vepër, ne MPMS ka ardhë si transfer nga komuna e Prishtinës, kurse Qendrim Ahmeti është i angazhuar me kontrate mbi vepër, ne divizionin për marrëveshje për sigurime Sociale dhe punësim, qe është një divizion i sapo funksionalizuar ne kuadër te ministrisë. Procedura e angazhimit te tij ka qene me konkurs publik, me kohëzgjatje për periudhe gjashtëmujore.”

Njëjtë në këtë ministri janë punësuar edhe vajza e vëllait të kryeministrit Mustafa, si dhe nusja e djalit të vet kryeministrit.

 

Shpërthen Isa Mustafa, fajëson PDK-në

Periskopi.com Lajme

Kryetari i Lidhjes Demokratike të Kosovës (LDK), njëherit kryeministri i vendit, Isa Mustafa ka akuzuar qeveritë e mëparshme për skandalet e ndodhura, për të cilat është e detyruar qeveria e udhëhequr nga ai të paguajë miliona për ato skandale.

Në shënimin e 27 vjetorit të themelimit të LDK-së, në Shtime, kreu i kësaj partie Isa Mustafa theksoi se qeveria e tij është më e mira, duke mos pasur asnjë skandal korruptiv deri me tani.

Porse, sipas tij, skandalet e mëhershme të shkaktuara nga qeveritë e kaluara, po e detyrojnë që të paguajë milionat e atyre skandaleve.

“Nuk shohim arsye që s’kemi qeverisur me së miri dhe që s’i kemi kontribuuar me së shumti këtij vendi, sa i përket zhvillimit ekonomik. Nuk shohim arsye që s’i kemi plotësuar të gjitha kriteret që BE-ja i ka kërkuar para nesh. Nuk shohim arsye s’kemi nënshkruar marrëveshjen e parë kontraktuale me BE-në, që s’e ka nënshkruar askush para nesh. Nuk kemi arsye, sepse kemi rritjen më të madhe ekonomike, që ka pasur ky vend dhe më të madhe se çdo shtet fqinjë edhe dhjetë vjet para nesh kanë kryer tranzicionin. Nuk kemi arsye, sepse nuk jemi qeveri e korruptuar dhe nuk kemi asnjë skandal, por na tash po i paguajmë skandalet që kanë ndodhur para nesh. Po paguajmë miliona, e dhjetë miliona të krijuara përpara, por për këtë duhet drejtësia ta jap vërdiktin e vet”, tha Mustafa.

Mustafa nuk është ndalur me kaq, i ka quajtur frikacak dhe të papërgatitur ata që nisin një punë dhe e lënë në gjysmë.

“Ne jemi që të respektojmë të gjitha proceset demokratike, por jemi po ashtu të respektojmë përgjegjësitë që kemi marr para qytetarëve, për t’i përmbushur të gjitha premtimet dhe obligimet që kemi marr para qytetarëve tanë. Qeveritë janë që të qeverisin dhe përmbushin detyrimet. Qeverisja nuk nënkupton që si të lodhesh dhe të bëhesh i dobët, të skajohesh anësh dhe të thuash, po të bëjë veprime tjera. Vetëm frikacakët dhe të papërgatiturit e lanë punën në gjysmë, ne në LDK nuk e kemi mendjen ta lëmë punën në gjysmë”, theksoi Mustafa.

Ndërsa, kryetari i LDK-s në Shtime, Selim Shabani, po ashtu drejtoi një mal akuzash ndaj pushtetit aktual në këtë komunë, të cilën e udhëheq PDK-ja.

“Qytetarët e Shtimes po përballen me një gjendje të rënd ekonomike, si rezultat i keqqeverisjes aktuale komunale. Qytetarët e Shtimes janë të lodhur dhe zhgënjyer me ketë qeverisje komunale, e zhytur në keqpërdorim të pushtetit me punësime partiake, nepotiste, me keqmenaxhim të parasë publike dhe pronës publike. Kjo mënyre e qeverisjes ka ndikuar që qytetarët e Shtimes ta humbin besimin në qeverisjen aktuale komunale. Prandaj, shpresë e vetme për shtet ligjor prosperitet qytetarë është qeverisja e LDK-së. Këtë po e dëshmon qeverisja qendrore”, u shpreh ai.

Në shënimin e 27 vjetorit të themelimit të LDK-së në Shtime, çmimi “Ibrahim Rugova” iu dha aktivistit shumë vjeçar dhe themeluesit të kësaj partie, Ahmet Ahmeti dhe çmimin postmortum Zeqir Rexhajt. Po ashtu, në këtë aktivitet dhjetëra të rinj nga Shtimja, kryesisht familjarë të Zeqir Rexhajt u anëtarësuan në LDK.

Mustafa tregon për kandidatin e LDK-së për Prishtinë

Kryeministri i Kosovës, ish-kryetari i Prishtinës, Isa Mustafa ka folur për kandidatin e LDK-së për kryetar të Prishtinës.

Periskopi.com Lajme

Ai ka thënë se pavarësisht kush do të jetë kandidat, subjektit që ai drejton do t’i takoj Prishtina.

Kështu beson ai edhe pse nuk ka treguar ende emrin e kandidatit.

Thotë se janë disa emra dhe se kandidati do të jetë patjetër nga partia jo nga shoqëria civile.

“Kandidati ynë do të fitojë, kushdo që është. Janë çështje konsultimesh, nuk jam përcaktuar as unë ende për emrin. Kemi shumë emra, secili meriton të jetë kryetar, por, do të jetë figurë e lidhur me LDK-në, që e përfaqëson partinë dhe mbron interesat e saj”, tha Mustafa në televizionin publik.

Ai ka kritikuar punën e Shpend Ahmetit, duke thënë se projektet që i kanë përfunduar, janë të kohës kur Mustafa ka udhëhequr Prishtinën./ Periskopi

LDK-ja shpresat te një koalicion me AKR-në, i përgjigjet Pacolli

Periskopi.com Video

Deputeti i LDK-së thotë se duhet edhe 10 vite që Kosova të bëhet me ushtrinë e saj

Deputeti i Kuvendit të Kosovës nga radhët e Lidhjes Demokratike të Kosovës, Nuredin Ibishi thotë se duhen edhe 10 vite që Kosova të bëhet me ushtrinë e saj.

Periskopi.com Lajme

Kjo pasi që transformimi i FSK-së sipas deputetit Ibishi, do të ndahet në tri faza dhe do t’i kushtojë buxhetit të Kosovës jo më pak se 819 milionë euro.

“Qeveria e Kosovës ka ndarë 9% të buxhetit të saj për FSK-në në vitin e kaluar, pra 5 milionë euro, para këto që do t’i ndajë çdo vit deri pas 10 viteve kur pritet të bëhet formimi i ushtrisë, sepse procesi i transformimit të FSK-së në ushtri do të ndahet në tri faza, faza e parë që është tri vjet, e dyta po ashtu 3 vjet dhe faza e tretë dhe e fundit që është 4 vjet”, ka deklaruar Ibishi në emisionin “Fakt Plus” të Tribuna Channel.

Ibishi, po ashtu ka thënë se do të rritet edhe numri i pjesëtarëve aktiv dhe rezervë me krijimin e ushtrisë së Kosovës.

“Me formimin e ushtrisë do të rritet edhe numëri i personelit nga 2500 sa i ka sot përafërsisht të rritet në 5 mijë me forca aktiva dhe nga 800 të rritet në 3 mijë në forcën rezervë”, tha ai.

Është Presidenti i Kosovës Hashim Thaç ai i cili ditë më parë ka iniciuar transformimin e FSK-së në ushtri. Por kjo nismë është kundërshtuar nga SHBA-ja dhe NATO, të cilët kërkuan që ky transformim të bëhet vetëm përmes ndryshimeve Kushtetuese, ku nevojiten dy të tretat e votave përfshirë këtu edhe votat e deputetëve nga radhët e Listës Serbe të cilët në këtë javë i janë kthyer institucioneve të Kosovës pas rreth 7 muajve bojkot. Por, pavarësisht kthimit të tyre në institucione, këta të fundit kanë paralajmëruar se nuk do të votojnë Ligjin për ndryshime Kushtetuese që do të mundësonte transformimin e FSK-së në Ushtri.

Ndryshe Presidenti Thaçi dje është tërhequr nga nisma e tij, kështu duke ndryshuar mënyrën e transformimit të FSK-së nga ajo përmes ndryshimeve të Ligjit në ndryshime Kushtetuese.

Deputeti i LDK-së, thotë se PDK është parti e krimit dhe korrupsionit

Deputeti i Lidhjes Demokratike të Kosovës, Adem Salihaj nuk beson që Kadri Veseli e Isa Mustafa nuk i kanë punët në “terezi” sa i përket koalicionit.

Periskopi.com Lajme

Ndërkohë Salihaj nuk e dëshiron në të ardhmen koalicionin PDK – LDK, sepse sipas tij krimi dhe korrupsioni që ka kapluar vendin është i strehuar në PDK. Ai ka dëshirë që PDK të mbetet opozitë për faktin se siç thotë, dukuritë  negative që po ballafaqohet Kosova nuk ka mundësi të luftohen derisa PDK, është në pushtet.

Mes tjerash Salihaj në një intervistë për Kosova Post, thotë se nuk e frikësojnë sondazhet e fundit ku Vetëvendosjen e nxjerrin parti të “fortë”, meqë ai  dyshon në manipulimin e tyre.

Ditëve të fundit është ashpërsuar gjuha e deputetëve të koalicionit PDK-LDK. A do të thotë kjo se partnerëve të koalicionit nuk po u shkojnë punët mirë?

Adem Salihaj: Më shumë kemi të bëjmë me një lloj fryme të fushatës mes dy partive në koalicion PDK-LDK, në fakt një lloj përpjekje diferencimi nga njëra-tjetra, meqë koalicioni nënkupton pikëpamje të përbashkëta për shumë çështje e duke marrë parasysh se dy partitë duhet të dalin në zgjedhje si konkurrente njëra me tjetrën, tash po bëhet një lloj përpjekje për diferencim qëndrimesh, pikëpamjeve koncepteve e të tjera. Unë këtë e kuptoj si një lloj para fushate e jo diçka tjetër. Nuk besoj që është afër prishja e koalicionit  duke marrë parasysh se lidhur me këto çështje Kosova asnjëherë nuk ka vendosur vetë, por në koordinim me partnerët ndërkombëtarë të cilët e kanë vlerësuar situatën se a duhet Kosova të shkojë në zgjedhje të parakohshme. Unë nuk jam ithtar i zgjedhjeve të parakohshme, sepse edhe me parë kemi mbajtur zgjedhje të parakohshme por asnjë të mirë nuk i kanë sjellë Kosovës.

Përplasjet ndërmjet  LDK-së dhe PDK-së, a flasin për zbehjen  raporteve  mes Veselit dhe Mustafës?

Adem Salihaj: Me sa shoh unë  nuk ka ndonjë prishje në veprimet praktike të Qeverisë dhe Kuvendit, nuk shoh asnjë kontradiktë në mes tyre, por që më shumë këtë mund ta shohim si një lloj parafushate.

Nëse Kosova shkon në zgjedhje a duhet që sërish PDK-LDK, të qeverisin së bashku?

Adem Salihaj: Unë vazhdimisht kam qenë kundërshtar i këtij koalicioni që nga fillimi deri më tani. Mendoj që një koalicion i dy partive të mëdha nuk i bën mirë vendit, sepse mbetet një opozitë shumë e dobët e cila pastaj nuk ka fuqi që të ndikojë në vendimet e Qeverisë dhe Kuvendit. Përveç kësaj unë gjithmonë jam kundër një koalicioni me PDK-në, meqë  konsideroj se krimet kryesore dhe korrupsioni janë të strehuara brenda kësaj partie. Nuk mund të bëjmë asnjë hap përpara as në krimin e organizuar dhe korrupsionit nëse e kemi brenda një parti që ka brenda vetes gjitha këto. Në të gjitha aspektet e konsideroj një koalicion jo të natyrshëm dhe të dëmshëm për Kosovën.

Ju thatë që Kosovës i nevojitet një opozitë më e fuqishme. A duhet të jetë PDK apo LDK ajo opozita e ardhshme e Kosovës?

Adem Salihaj: Nuk e di, gjithçka do të varet nga rezultati zgjedhor. Por gjithmonë mendoj se është mirë që PDK të jetë në opozitë për arsye se mandej do të hapet një mundësi shumë më e madhe që të luftohet krimi dhe korrupsioni dhe të ndalen këto dukuri negative që kanë kapluar vendin. Derisa PDK, të jetë në pushtet nuk ka mundësi të luftohen dukuritë negative që kanë evoluar.

Sondazhet e fundit po e qesin Vetëvendosjen si partinë më të fuqishme, ndërsa LDK, sipas tyre është parti në rënie e sipër. A ju frikësoheni ju këtyre sondazheve?

Adem Salihaj: Nuk e dimë këtë, sondazhet që i  bëjnë partitë politike i rregullojnë qysh u konvenon atyre. Unë nuk i konsideroj si reale dhe nuk mund ti marrim seriozisht madje as sondazhet e OJQ-ve.

Nuk e shihni ju Vetëvendosjen si parti të “fortë” në skenën politike?

Adem Salihaj: Realisht nuk di ta vlerësoj në këtë moment. Të presim zgjedhjet a do ta nxjerrin parti të fortë Vetëvendosjen.