Largohen nga puna 15 policë, nuk vepruan profesionalisht kur u sulmuan deputetët

Periskopi.com Lajme

Ministria e Brendshme ka pezulluar edhe 15 policë të tjerë të cilët më 27 prill në Kuvend nuk kanë vepruar profesionalisht.

Në mesin e të pezulluarve është edhe ndihmës ministri i angazhuar për çështje telekomunikimi Nebojsha Stajkoviq, i cili do të mbajë përgjegjësi për mos funksionimin e tetra- sistemit, i cili regjistron komandot nga drejtoritë kryesore në MPB siç janë Drejtoria e Sigurisë dhe Kundërzbulimit, Byroja për Siguri Publike dhe drejtoria e gjashtë, gjatë dhënies së urdhrave në masa operative dhe aksione policore.

Ministri i Brendshëm Agim Nuhiu kohë më parë në Alsat paralajmëroi hetim të plotë për mos funksionimin e sistemit për regjistrimin e komandove që nga viti 2014.

“Menjëherë kam kërkuar ekspertizë dhe vlerësim se vallë janë të inçizuara të gjitha komandat që janë dhënë nga tetra sistemi. Kam thirrur ekspert gjerman dhe është bërë vlerësimi se dy serverë nuk kanë qenë të kyçur në aparatin për inçizim dhe se një gjë e tillë nuk funksionon nga vitit 2014′, ka deklaruar Agim Nuhiu, Ministër i Brendshëm.

Pak ditë pas ngjarjeve të përgjakshme, nga MPB u pezulluan gjashtë persona. Ndër ta janë Oliver Popovski, kryeshef i preventivës, Marjan Mitevski, kryeshef i sigurimit të Trajko Veljanovskit, Sasho Milloshevski inspektor për të cilin është konstatuar se ka penguar policët të formojnë kordonë, Mite Mihajllov, inspektor në SPB Shkup dhe Abdylfetah Alimi i punësuar në drejtorinë e gjashtë, i cili më pas ka shpëtuar kreun e LR PDSH-së Zijadin Sela.

Përveç pezullimeve drejtori i Byrosë për Siguri Publike Mitko Çavkov është shkarkuar nga Shtabi operativ dhe në vendin e tij është emëruar Goranço Savovski. Numri i policëve të pezulluar pritet të shtohet me përfundimin e raportit nga Kontrolli i Brendshëm pranë MPB-së i cili pritet të finalizohet javën e ardhshme.

Reklamë
Reklamë

Nesër vendoset për datën e zgjedhjeve

Periskopi.com Lajme

Presidenti i Republikës së Kosovës, Hashim Thaçi u ka dërguar ftesat partive politike për takim gjatë ditës së nesërme.

“Po ftesat janë gati dhe ato u janë nisur partive politike. Takimi do të mbahet nesër në mëngjes nga i cili do të dal edhe data e zgjedhjeve”, ka thënë një burim i Indeksonline.

Janë dy data të mundshme kur pritet që qytetarët tu drejtohen kutive të votimi, data 11 dhe ajo 18 qershor, por që për këtë do të vendoset nesër gjatë takimit Thaçi- subjektet politike.

Reklamë
Reklamë

Thaçit mezi si pritet, shpërbën Kuvendin (Dokument)

Periskopi.com Lajme

Pas votimit të mocionit për rrëzimin e Qeverisë Mustafa, presidenti Kosovës, Hashim Thaçi ka vendosur që ta shpërndaje Kuvendin e Kosovës.

Ai shpërndarjen e Kuvendit e ka bërë përmes dekretit dhe i cili ka hyrë menjëherë në fuqi..

 

Reklamë
Reklamë

A mund të shtyhet seanca e nesërme për mocionin?

Periskopi.com Lajme

Seanca për mocionin e mosbesimit ndaj Qeverisë së Kryeministrit Isa Mustafa, mund të këtë shtyrje vetëm nëse e tërheqin deputetët e subjekteve të cilat e kanë iniciuar.

Ndryshe, çdo tërheqje e mocionit nga Kuvendi që është përcaktuar të mbahet nesër, është shkelje e kushtetutës dhe praktikave parlamentare.

Kështu ka thënë për Indeksonline, eksperti i kushtetutës, Riza Smaka.

“Mocioni sikundër që niset edhe mund të shtyhet apo të tërhiqet. Por kjo vetëm nëse subjektet të cilat e kanë iniciuar e tërheqin. Mirëpo, kjo nuk është praktike parlamentare dhe në parim nuk do të bëhej mirë nëse shtyhet mocioni” ka deklaruar Smaka.

Ai ka shtuar se shtyrja eventuale e mocionit që pritet të mbahet nesër, do të ishte në kundërshtim me ligjin.

“Këtu bëhet fjalë për çështje që është e rregulluar juridikisht dhe është në kundërshtim me ligjin shtyrja e tij. Sikurse që është e ligjshme dhe e drejtë e padiskutueshme e deputetëve që të bëjnë mocionin” ka theksuar njohësi i kushtetutës, Riza Smaka.

Sipas tij, shtyrja e mocionit do të ishte një manovrim i deputetëve.

Në nenin 30 të pikës Kryeministri dhe Qeveria, është e rregulluar edhe çështja e mocionit të mosbesimit për Kryeministrin.

Në këtë nen thuhet se “Mocioni i mosbesimit vihet në rendin e ditës, jo me vonë se pesë ditë dhe jo me pak se dy ditë nga dita e parashtrimit të tij” dhe “Nëse mocioni i mosbesimit dështon, një mocion tjetër i mosbesimit mund të parashtrohet vetëm pas nëntëdhjetë ditëve të ardhshme”, transmeton Indeksonline.

Sekretari i subjektit Nisma për Kosovën, Bilall Sherifi, ka deklaruar se nuk mund të këtë shtyrje të seancës së mocionit, dhe se mund të anulohet vetëm nëse kryeministri Mustafa jep dorëheqje deri një minutë para mbajtjes së seancë.

Reklamë
Reklamë

Gruevski ngul këmbë, nuk e pranon Talat Xhaferin si kryetar të Kuvendit

Periskopi.com Lajme

Lideri i VMRO-DPMNE, Nikolla Gruevski sot pasdite ka pritur në takim Karen Pierce, Drejtoreshë Politik në Ministrinë e Punëve të Jashtme të Britanisë së Madhe.

Nga ana VMRO-DPMNE thonë se përveç dhuna fizike nuk është e pranueshme, dhunën politike që e promovon LSDM është gjithashtu e papranueshme nga zgjedhja joligjore e Talat Xhaferit, duke thyer plotësisht Kushtetutën dhe ligjet, njofton TetovaSot.

“Presedani i tillë, ku pa procesverbal , pa numërime, njoftimi zyrtar dhe jashtë kohës së parashikuar të punës së institucionit, me forcë duke u përpjekur për të zgjedhur kryetarin, paraqet shkelje të sistemit ligjor të vendit. Zgjedhja e Kryetarit të Kuvendit duhet të jetë në përputhje me Kushtetutën, ligjet dhe Rregulloren”, informojnë nga VMRO-DPMNE-ja.

Në komunikatën e VMRO-DPMNE, është theksuar edhe rreziku i presedanit të tillë që çon në një tjetër presedan të ri, dhe kjo të bëhet një praktikë e zakonshme e shkeljes së ligjeve dhe rregulloreve të bazuara në vetë institucionet.

Reklamë
Reklamë

E konfirmon Isa Mustafa, të hënën Qeveria procedon demarkacionin në Kuvend

Periskopi.com Lajme

Kryeministri i Republikës së Kosovës, Isa Mustafa, zhvilloi një bisedë telefonike me zëvendës ndihmës sekretarin amerikan të shtetit të SHBA-ve, Hoyt Yee, ku u bisedua për zhvillimet e fundit në Kosovë.

Kryeministri Mustafa e informoi për proceset aktuale në vend si dhe përkushtimin e Qeverisë së Kosovës për avancimin e progresit dhe çështjeve të rëndësishme për qytetarët dhe të ardhmen e vendit, raporton Periskopi

Gjatë bisedës, veçmas u diskutua për nevojën që të procedohet pa vonesë në Kuvend Projektligji për ratifikimin e marrëveshje për demarkimin e kufirit me Malin e Zi, si një prej marrëveshjeve më të rëndësishme për vendin.

Kryeministri Mustafa dhe zëvendës ndihmës sekretari amerikan i shtetit, Hoyt Yee u pajtuan që të hënën Qeveria t’ia procedojë Kuvendit të Republikës së Kosovës Projektligjin për ratifikimin e marrëveshjes për shënjimin e vijës kufitare ndërmjet Kosovës dhe Malit të Zi.

Si rrjedhim, Qeveria e Kosovës do të mblidhet të hënën dhe ky projektligj do të përcillet në Kuvendin e Kosovës.

Zëvendës ndihmës sekretari amerikan i shtetit, Hoyt Yee, e konsideroi vendim të duhur adresimin e kësaj çështje të rëndësishme për Kosovën dhe qytetarët e saj, duke shprehur bindjen se kjo marrëveshje do të votohet nga të gjithë deputetët e Kuvendit, thuhet në fund të njoftimit nga Qeveria e Kosovës./ Periskopi

Reklamë
Reklamë

Planifikohet blerja e votës për Demarkacion (Video)

Periskopi.com Lajme

Çështja e Demarkacionit me Malin e Zi mund të mos dërgohet në Kuvend këtë javë, për shkak të mungesës së votave nga ana e koalicionit PDK-LDK.

Kjo ka bërë  që kryeministri Isa Mustafa të aktivizohet që të bind deputetët të ndërrojnë mendje, përderisa shtyn procedimin  demarkacionit për në Kuvend.

Burime të Tribuna Channel brenda LDK-së, kanë pohuar se kryeministri do të insistojë që deputetët e “padëgjueshëm” t’i bind me ndonjë post eventual të ambasadorëve, siç ndodhi rasti me deputeten Alma Lamajn, e emëruar ambasadore në Francë, pasi këmbej votën për zgjedhjen e presidentit Hashim Thaçi.

Madje ky burim ka thënë se në listën e përfitimit të posteve të tilla janë tre deputetë të kësaj partie.

Televizioni ka tentuar të marrë një përgjigje nga zyra e kryeministrit, por këshilltari i tij, Faton Abdullahu nuk ka qenë i qasshëm për medie.

Në anën tjetër, Partia Demokratike e Kosovës, po tenton që këtë javë të dërgojë marrëveshjen e kufirit me Malin e Zi për ratifikim, në Kuvend.

Deputeti i PDK-së  Bislim Zogaj ka thënë se kanë insistuar që marrëveshja të procedohet, megjithatë shpreh mendimin se në  këtë javë është e pamundur mbajtja e seancës, me këtë pikë të rendit të ditës.

Reklamë
Reklamë

Trazirat, Gruevski kthehet nga Vjena në mesnatë

Periskopi.com Lajme

Ndërkohë që situata në Kuvendin e Maqedonisë u përshkallëzua në dhunë, kryetari i VMRO-DPMNE-së, Nikolla Gruevski ka qenë jashtë shtetit.

Zyrtarët e partisë së tij thonë se ish-kryeministri maqedonas ka qenë për takim pune në Vjenë të Austrisë.

Në një fotografi të siguruar nga Nova TV, Gruevski shihet në aeroplanin që udhëtonte prej kryeqytetit austriak drejt Shkupit.

Reklamë
Reklamë

Eskalon situata në Maqedoni pas zgjedhjes se Xhaferit kryetar Kuvendi

Periskopi.com Lajme

Pas zgjedhjes së Talat Xhaferit për Kryetar të Kuvendit, qytetarët e mbledhur jashtë Kuvendit janë futur me dhunë në ndërtesën Kuvendit.

Në këtë moment po mbahet konferencë nga kreu i LSDM i cili arsyeton zgjedhjen e Talat Xhaferit për kryeparlamentar.

Protestuesit maqedonas kanë hyrë në parlament, pasi deputetët e LSDM-së dhe deputetët shqiptar, votuan pro Talat Xhaferit për kryetar të Parlamentit.

Policia e cila ka qenë e angazhuar për mbajten nën kontroll para Parlamentit, ka lejuar që me lehtësi protestuesit të futen brenda ambienteve në Parlament.

Reklamë
Reklamë

Ndryshon historia shqiptare në Maqedoni, Talat Xhaferi kryetar Kuvendi

Periskopi.com Lajme

Në parlamentin e Maqedonisë po ndodh diçka historike në historinë e Maqedonisë, që për herë të parë zgjedhjet kryetar shqiptar.

Sot pas tensioneve të mëdha që janë duke u zhvilluar edhe më tej në Parlamentin e Maqedonisë, Talat Xhaferi nga radhët e BDI-së, ka dhënë betimin e tij si Kryetar i këtij insticioni./ Periskopi

Reklamë
Reklamë

Lutfi Haziri i tregon Kadri Veselit se kush e procedon Demarkacionin!

Periskopi.com Lajme

Pas deklaratës së kryetarit të Kuvendit, Kadri Veseli që gjatë javës së ardhshme do të procedohet në Kuvend marrëveshja për demarkacionin me Malin e Zi, ka reaguar nënkryetari i Lidhjes Demokratike të Kosovës, Lutfi Haziri.

Ai në një deklaratë të shkurtër për Gazetën Blic, nëpërmjet mesazhit telefonik ka treguar se është kryeministri Mustafa, ai i cili do ta riprocedojë në Kuvend demarkacionin, duke mos dhënë detaje tjera.

“Kryeministri duhet ta riprocedoj, sepse është kthyer nga ai në qeveri”, ishte komenti i shkurtër i Hazirit në lidhje me paralajmërimin e sotëm të Kadri Veselit, që gjatë javës tjetër do të riprocedohet në Kuvend marrëveshja për demarkacionin me Malin e Zi.

I pari i PDK-së, Kadri Veseli sot përmes një njoftimi për media ka bërë të ditur se ka pasur një bisedë telefonike me Zëvendës/Ndihmës Sekretarin e SHBA-së, Hoyt Brian Yee, ku temë kryesore ka qenë demarkacioni me Malin e Zi.

Sipas një njoftimi të lëshuar për media, thuhet se ata u pajtuan që Demarkacioni të procedohet nga Qeveria për miratim në Kuvend javën tjetër, bëhet e ditur përmes një komunikate të dërguar mediave.

Sipas këtij komunikimi publik, Veseli sërish ka paralajmëruar se nëse nuk kalon demarkacioni, vendi duhet të shkoj në zgjedhje.“Gjatë bisedës me diplomatin amerikan, Kryetari Veseli, u shpreh se institucionet e Kosovës duhet të marrin vendime të mëdha, sepse, në të kundërtën, ato e humbin kuptimin”, thuhet në këtë njoftim.

Në anën tjetër, është raportuar se nëse nuk kalon demarkacioni në Kuvend, vendi shkon në zgjedhje të reja. Madje, si data të mundshme përmendet fundi i majit, ose fillimi i muajit qershor.

Mirëpo, kryeministri i vendit, Isa Mustafa në deklaratën e dhënë para disa ditësh, ka thënë se demarkacioni nuk do të procedohet përgjatë këtij muaji.

Ai ka thënë se riprocedimi i marrëveshjes për demarkacionin do të ndodhë më së largu deri në fund të muajit qershor.

Ndërkohë, Isa Mustafa sipas burimeve të Gazetës Blic ka dështuar që të bind deputetët e LDK-së që ta votojnë demarkacionin.

Reklamë
Reklamë

Bllokohet Qeveria e Kosovës, nuk flasin kur do dërgohet demarkacioni në Kuvend

Periskopi.com Lajme

Kreu i Kuvendit Kadri Veseli thotë se pas një bisede me telefon që kishte me zëvendës ndihmës sekretarin amerikan të shtetit të SHBA-ve, Hoyt Yee, u pajtuan që demarkacioni të dërgohet në Kuvend javën e ardhshme.

Për këtë të fundit vendos Qeveria. Zyrtarët e Qeverisë ka disa orë që nuk lajmërohen, e në një komunikatë të dërguar thuhet se edhe Mustafa bisedoi përmes telefonit me Yee, por nuk tregohet kur do e dërgojnë në Kuvend, raporton Periskopi

Të kontaktuar nga Periskopi, këshilltarët e Isa Mustafës nuk kanë qenë të qasshëm, por sapo është dërguar një njoftim për media.

Aty thuhet se kryeministri i Republikës së Kosovës, Isa Mustafa, ka zhvilluar një bisedë telefonike me zëvendës ndihmës sekretarin amerikan të shtetit të SHBA-ve, Hoyt Yee.

Kryeministri Mustafa dhe z.Yee kanë biseduar për zhvillimet në Kosovë.

Kryeministri Mustafa e falënderoi për përkrahjen e pazëvendësueshme të SHBA-ve për Kosovën, duke theksuar përkushtimin e Qeverisë së Kosovës për zgjerimin e bashkëpunimit dhe partneritetit strategjik me SHBA-të, në të gjitha fushat.

Zëvendës ndihmës sekretari amerikan, Hoyt Yee, vlerësoi përkushtimin e Qeverisë së Kosovës për avancimin e proceseve në vend, duke përfshirë gatishmërinë për partneritet të plotë me SHBA-të dhe NATO-n në procesin e transformimit të FSK-së.

“Z. Yee, po ashtu, vlerësoi lidershipin e qartë të kryeministrit Mustafa për rrugën evropiane dhe euroatlantike të Kosovës. Kryeministri Isa Mustafa dhe zëvendës ndihmës sekretari amerikan, Hoyt Yee, kanë biseduar edhe për procesin e ratifikimit nga Kuvendi i Kosovës të Marrëveshjes për shënjimin e kufirit me Malin e Zi dhe nevojën që kjo marrëveshje të ratifikohet sa më shpejtë, si konfirmim i rrugës evropiane të Kosovës”, thuhet në njoftim, ndryshe që Veseli ishte më i drejtpërdrejt, tha se me Yee o morën vesh që Demarkacioni të dërgohet javën e ardhshme. / Periskopi

 

Demarkacioni javën e ardhshme në Kuvend, e pranon Kadri Veseli

Reklamë
Reklamë

Nesër mbledhja e Kryesisë së Kuvendit, në rend dite aktivistët e Vetëvendosjes e edhe Isa Mustafa

Periskopi.com Lajme

Kryesia e Kuvendit të Ksovës ka mbledhjen e saj të premten, më 14 prill, raporton Periskopi

Rendi i ditës duke të jetë tepër i ngarkuar. Aty janë të përfshira çështja e AKI-së, interpelanca e Isa Mustafës e edhe votimi i Propozim-rezolutës në lidhje me arrestimet e aktivistëve  të Lëvizjes Vetëvendosje.

Këto janë pikat e rendit të ditës:

  1. Miratimi i procesverbalit nga mbledhja e mëparshme,
  2. Caktimi i datës për vazhdimin e seancës plenare:
  3. a) Pikat e papërfunduara nga seancat plenare, të mbajtura më 30 dhe 31 mars 2017:
  4. Votimi i Projektligjit për ndryshimin dhe plotësimin e Ligjit për minierat dhe mineralet,
  5. Votimi i Propozim-rezolutës në lidhje me arrestimet e aktivistëve të Lëvizjes Vetëvendosje,
  6. Shqyrtimi i dytë i Projektligjit për ndryshimin dhe plotësimin e Ligjit për ekzekutimin e sanksioneve penale.
  7. b) Pikat e papërfunduara nga seanca plenare, e mbajtur më 11 prill 2017:
  8. Miratimi i procesverbalit nga seanca e mëparshme,
  9. Shqyrtimi i Propozim – Programit të Punës së Kuvendit të Republikës së Kosovës për vitin 2017,
  10. Interpelanca e Ministrit Blerand Stavileci, sipas kërkesës së deputetit Visar Ymeri, i mbështetur edhe nga 15 deputetë nënshkrues, në lidhje me Kontratën e privatizimit të Kompanisë së Distribuimit të Energjisë Elektrike,
  11. Shqyrtimi i Raportit të Komisionit për Arsim, Shkencë, Teknologji, Kulturë, Rini e Sport lidhur me Mbikëqyrjen e zbatimit të Ligjit nr. 03/ L-145 për fuqizim dhe pjesëmarrje të rinisë,
  12. Zgjedhja e një (1) anëtari të Komisionit të Pavarur për Media,
  13. Debat parlamentar sipas kërkesës së deputetes Teuta Haxhiu, e mbështetur edhe nga 9 deputet tjerë nënshkrues, në lidhje me zbatimin e rekomandimeve të Avokatit të Popullit nga ana e Qeverisë së Republikës së Kosovës,
  14. Debat parlamentar sipas kërkesës së deputetëve Bekim Haxhiu dhe Xhevahire Izmaku, të mbështetur edhe nga 8 deputet tjerë nënshkrues, në lidhje me shkeljen e të drejtave të punëtorëve në Kosovë.

3 Përgatitjet për Seancë plenare të re:

  1. Interpelanca e Kryeministrit të Kosovës Isa Mustafa, sipas kërkesës së deputetes Donika Kadaj-Bujupi, e mbështetur edhe nga 15 deputetë nënshkrues, për çështjen e shfrytëzimit e thëngjillit dhe minierën e Sibovcit,
  2. Shqyrtimi i parë i Projektligjit për aftësimin, riaftësimin profesional dhe punësimin e personave nga pjesët veriore të Kosovës,
  3. Shqyrtimi i dytë i Projektligjit nr. 05/L-118 për ndryshimin dhe plotësimin e Ligjit nr. 04/L-139 për procedurën përmbarimore,
  4. Shqyrtimi i dytë i Projektligjit nr. 05/L-132 për Automjete,
  5. Shqyrtimi i Programit Kombëtar për zbatimin e Marrëveshjes së Stabilizim Asociimit për periudhën 2017-2021,
  6. Shqyrtimi i Rekomandimit të Komisionit për të Drejtat e Njeriut, Barazi Gjinore, për Persona të Pagjetur dhe Peticione lidhur me Propozim-vendimin nr. 20/2017, dt. 10 mars 2017, të Avokatit të Popullit për zgjedhjen e pesë (5) zëvendësve të Avokatit të Popullit,
  7. Shqyrtimi i Raportit të Komisionit për Mbikëqyrjen e Agjencisë së Kosovës për Inteligjencë lidhur me zbatimin e Ligjit nr. 03/L-178 për klasifikimin e informacioneve dhe verifikimin e sigurisë,
  8. Shqyrtimi i propozimeve dhe kërkesave
Reklamë
Reklamë

Zyrtari i PDK-së thumbon LDK-në: Ne i kemi votat për Demarkacionin, po ju presim juve

Rexhep Hoti nga Partia Demokratike e Kosovës ka thënë në Zona e Debatit në Klan Kosova, se PDK-ja i ka votat për ta votuar Demarkacionin me Malin e Zi, por po e pret partnerin e koalicionit që edhe ata të grumbullojnë votat e nevojshme.

Periskopi.com Lajme

“Partia Demokratike i ka votat për Demarkacionin, ne jemi duke e pritur Lidhjen Demokratike të Kosovës”, ka deklaruar Hoti, njofton Klan Kosova.

“Jo vetëm që i kemi votat për Demarkacionin, por PDK është unike dhe ka mirëkuptim për Kryeministrin që ka problem me 30 për qind të deputetëve. Por ne në PDK-së kemi vendim unanim për ta votuar Demarkacionin, mund të mos jemi një votë ose dy, por jo më shumë kurrë”.

Zëvendësministri i Kulturës, Rinisë e Sportit, ka vazhduar më tej duke lavdëruar partinë e tij për organizimin dhe funksionimin.

“Sistemi i partisë Demokratik është sistem që është larg të tjerëve”, pohoi Hoti.

Reklamë
Reklamë

Edhe një deputet i PDK-së thotë se nuk e voton Demarkacionin

Deputeti i Partisë Demokratike, Shukri Buja është i bindur se demarkacioni i paralajmëruar për javën e ardhshme nuk do të kaloj në Kuvendin e Kosovës, sepse sipas tij pa konsensus insitucional demarkacioni nuk kalon.

Periskopi.com Lajme

Ai, dyshon që Lista Serbe është kthyer në Kuvend për ta votuar demarkacionin në këmbim të Asociacionit. “Pavarësisht që publikisht nuk është dhënë asnjë informacion nëse ka ndonjë marrëveshje me Listën Serbe, por sipas disa qëndrimeve të tyre publike, Lista Serbe është kthyer për ta votuar demarkacionin në këmbim të Asociacionit’’, tha Buja për Kosova Post.

Ai mendon se demarkacioni do ta ketë të vështirë për të përfunduar në Kuvend, kur dihen qëndrimet e disa deputetëve të koalicionit. Buja madje kujton se edhe në Konventën politike të Partisë Demokartike për demarkacionin kërkohet konsensus institucional, të cilën deklaratë si deputet i PDK-së, thotë se është i obliguar ta respektoj.

“Do ta respektoj deklaratën e Konventës, në rast se do të ketë konsensus politik institucional, unë do ta votoj, por  siç po shihet vështirë të ketë një konsensus institucional për shkak të qëndrimeve të opozitës dhe disa deputetëve të koalicionit. Nuk shihet që mund të kaloj demarkacioni pavarësisht se ne po demtohemi. Duhet të qartësohet opinioni se as opozita dhe as pozita nuk janë për të mos kaluar demarkacioni, por janë kundër formës që është sjellë në Kuvendin e Kosovës”, tha Buja.

I pyetur nga KosovaPost se nëse është kthyer Lista Serbe për ta votuar demarkacionin për një Asociacion me kompetenca ekzekutive, Buja dyshon në rikthim të qëllimshëm të tyre për ta nxjerr Asocicaionin, por kujton që ajo marrëveshje është hedhur poshtë nga Kushtetuesja.

“Nuk besoj në Asociacion me kompetenca ekzekutive, edhe pse këtu bukur shumë do luhet me politikë sepse kemi të bëjmë me dy marrëveshje atë të Thaçit sa ishte kryeministër dhe marrëveshjen që  e ka nënshkruar Mustafa, të cilën marrëveshje e ka kontestuar Gjykata Kushtetuese. Asociaioni nuk besoj që do të vie në Kuvend, por do të shkoj përmes Gjykatës Kushtetuese, dhe kjo e fundit shpresoj që nuk do të lejoj të shkelet Kushtetuta e Kosovës”, deklaroi Buja.

Reklamë
Reklamë

Deputetët përplasen për Kompleksin Memorial “Adem Jashari”

Deputeti i PDK-së, Shaip Muja, dhe deputetja e LDK-së, Melihate Tërmkolli, janë përplasur për projektligjin për Kompleksin Memorial “Adem Jashari”.

Periskopi.com Lajme

Muja ka paraqitur projektligjin në Kuvend, që është përkrahur në parim nga të gjitha partitë politike. Megjithatë, ishte deputetja e LDK-së Melihate Tërmkolli që tha se ata që e dinë mirë historinë e Kosovës dhe ata që e kanë projektuar pavarësinë e Kosovës, do duhej të kishin përpara dy projektligje, për memorialin “Ibrahim Rugova” dhe memorialin “Adem Jashari”.

“Unë veç në këtë mënyrë e votoj këtë projektligj, dhe ftoj edhe LDK-në ta bëjë këtë, por edhe partitë tjera”, tha Tërmkolli.

Ndaj Tërmkollit replikoi deputeti Muja. Ai tha se më së paku ka pritur që të thotë dikush se po bëhet fushatë me këtë projektligj. Sipas Mujës po bëhet përpjekje për ta shpëtuar një vlerë të jashtëzakonshme kombëtare, pasi “Ademi nuk ka vdekur për një njeri, por për tërë Kosovën”.

Përsëri ka reaguar Tërmkolli e cila ka thënë se të gjithë e dinë vlerën e Ibrahim Rugovës dhe për të di e gjithë bota, raporton kp. “Askush nuk është kundër ligjit për memorialin Adem Jashari, por kujtesa historike duhet të jetë e plotë, jo selektive”, ka shtuar ajo.

Për këtë projektligj Qeveria e Kosovës nuk e ka dhënë asnjë koment, derisa u kritikua nga deputetët pse nuk ka gjetur kohë të jap komentet e saj.

Reklamë
Reklamë

Nuk kalon projektligji për të cilin u bë “zhurmë”

Nuk mjaftuar 70 vota për të kaluar projektligji për themelimin e Fondit për Ballkanit Perëndimor

Periskopi.com Lajme

Projektligji  lidhur  me themelimin e Fondit të Ballkanit Perëndimor nuk ka kaluar në Kuvendin e Kosovës.

81 deputetë sa ishin në sallë votuan për këtë projektligj ku 70 prej tyre ishin pro 2 kundër  dhe 9 abstenuan.

Opozita doli kundër kësaj marrëveshjeje siç tha me fusnotë dhe kërkoi paraprakisht një deklaratë për këtë çështje.

Pas një votimi të tillë, reagoi shefi i grupit parlamentar të PDK-së i mbështutur edhe nga LDK që të ketë pauzë 15 minutshe për formulimin e një deklarate në mënyrë që të ketë konsensus për këtë marrëveshje. Kështu, kuvendi shkoi në pauzë për të formuluar këtë deklaratë.

Projektligji për ratifikimin e Marrëveshjes lidhur me themelimin e Fondit të Ballkanit Perëndimor nuk ka kaluar në Kuvendin e Kosvës.

81 deputetë sa ishin në sallë votuan për këtë projektligj ku 70 prej tyre ishin pro 2 kundër dhe 9 abstenuan.

Ndryshe për këtë projekligj u bë debat i gjatë në Kuvënd pasi që për themelimin e këtij fondit kërkohej që Kosova të paraqitej me fusnotë gjë e cila nuk pranohej nda deputetët./21Media

Reklamë
Reklamë

Demarkacioni me Malin e Zi javën e ardhshme në Kuvend

Qeveria duket se ka marr një vendim. Pas shumë diskutimeve, dilemave dhe pasimit të fajit tek njëri-tjetri, java e ardhshme do të jetë në vëmendjen e të gjithëve.

Periskopi.com Lajme

Demarkacioni me Malin e Zi do të dërgohet në Kuvend për votim.

Kosova dhe Mali i Zi kanë nënshkruar marrëveshjen për përcaktimin e vijës kufitare në fund të gushtit të vitit 2015.

Tashmë deputetët kanë filluar të pranojnë në kushte anonimiteti se javëne  ardhshme do u duhet të votojnë ose jo demarkacionin.

Për shkak të kundërshtive, Kuvendi i Kosovës nuk ka arritur ta ratifikojë atë. Por, duket se ky debat do të mbyllet të enjten e ardhshme.

Ratifikimi i Marrëveshjes për përcaktimin e vijës kufitare me Malin e Zi është kusht për liberalizimin e vizave për qytetarët e Kosovës. / Periskopi

Reklamë
Reklamë

Kuvendi as këtë javë nuk diskuton për formimin e ushtrisë

Kuvendi i Kosovës as këtë javë nuk do ta ketë në rend dite projektligjin për shndërrimin e FSK-së në Forca të Armatosura të Kosovës.

Periskopi.com Lajme

Këtë javë kryesia e Kuvendit ka paraparë mbajtjen e dy seancave plenare, njëra të enjten e tjetra të premten.

Mos futjen e projektligjit për ushtrinë opozita e quan tërheqje të presidentit nga nisma e tij, edhe pse në fillim thoshte se ushtria do të bëhet medoemos.

Madje, opozita kërkon zgjedhje si zgjidhje e situatës, meqë sipas tyre koalicioni qeverisës nuk po funksionon.

Shefi i grupit parlamentar të Vetëvendosjes, Glauk Konjufca thotë se Kuvendi nuk është duke funksionuar as për se afërmi me parametrat që ka dhe detyrat që ka me Kushtetutë.

Ai tha pas mbledhjes së kryesisë se nuk patën në rend dite ligjin që mundëson transformimin e FSK-së në ushtri.

Derisa ka theksuar se VV-ja do ta përkrah projektligjin e propozuar nga Thaçi, porse në asnjë mënyrë nuk do të përkrahin nëse ai vjen në pako me demarkacionin e Asociacionin.Sipas tij, kjo nuk do të ndodh as javën e ardhshme nga ajo që ai ka mundur të lexojë.

“Deri diku para dhjetë ditës kemi pasur ato deklaratat e presidentit se ligji për ushtrinë do të bëhet medoemos, pra që FSK-ja do të bëhet ushtri. Këtë javë mendoj apo më saktë javën e kaluar e patëm qëndrimin e zbutur të presidentit i cili tha se FSK-ja nuk duhet të bëhet ushtri pa një koordinim me ndërkombëtarët, pra tash ose është në koordinim me ndërkombëtarët ata po thonë se FSK nuk duhet të bëhet ushtri me ligj por me Kushtetutë, ose nëse mendon se duhet të bëhet me çdo kusht, duhet t’i bindësh ndërkombëtaret. Mendoj që presidenti është tërhequr javën e kaluar dhe deklaratat e tij nuk janë se FSK do të bëhet ushtri por janë tash që nuk do të shkojmë në mënyrë të njëanshme”, tha Konjufca.

Shefi i deputetëve të Vetëvendosjes shtoi se deklaratat e bashkësisë ndërkombëtare që të mos bëhet ushtria përmes projektligjit, por ndryshimeve kushtetuese nuk kanë qenë kërcënime, por vetëm sugjerime.

“Ne jemi të bindur se bërja e FSK-së ushtri në çfarëdo mënyre nuk do të qonte bashkësinë ndërkombëtare t’ia kthente shpinën Kosovës…nuk pajtohem që kanë qenë kërcënime, kanë qenë sugjerime që ne duhet t’i marrim me kujdes, mirëpo, duhet të shkojmë drejt FSK-së ushtri, nëse mendoni se duhet të mbetemi peng i Listës Serbe, atëherë, unë nuk mendoj që kjo do të ishte njëfarë programi i mirë për shtetin e Kosovës”, shtoi ai.

Konjufca ka kërkuar shkuarje në zgjedhje meqë thotë se koalicioni qeverisës pavarësisht numrave që ka, nuk po funksionon, derisa, përgjegjësia duhet të kërkohet tek partnerët e koalicionit.

“Atëherë nëse nuk ka funksionim, natyrisht që vendi duhet të shkoj në zgjedhje, sepse nuk ka zgjidhje tjetër, kjo është vetëm zvarritje e proceseve. Derisa nuk e patëm edhe kryetarin në mbledhje të kryesisë, ai me siguri është në fushatë nëpër fshatra të Kosovës duke bërë fushatë zgjedhore. Kryetari i Kuvendit bënë fushatë zgjedhore, sillet si kryeministër. Kohët e fundit nuk po i vije rendi opozitës ta shaj pushtetin sepse po shahen mes veti, prej vrasjeve politike, e deri të prishja e marrëdhënieve me ndërkombëtarët. Jemi me një situatë jo serioze të një Qeverie të papërgjegjshme”, theksoi ai.

Por ndryshe mendon nënkryetari i Kuvendit të Kosovës, Xhavit Haliti, i cili mendon se koalicioni qeverisës po funksionon, porse nëse ka atëherë duhet të flasin krerët e partive, Kadri Veseli e Isa Mustafa.

Derisa thekson se nuk di gjë nëse mund të ketë zgjedhje të parakohshme parlamentare.

“Unë nuk kam dëgjuar që ka probleme mes koalicionit të natyrës së tillë, sidoqoftë është në dorën e atyre që mund t’i thonë, mund të flasin në emër të partive, Mustafa e Veseli, që mund ta hapin problemin për ta shqyrtuar çështjen e koalicionit, nuk jam unë dhe nuk është ai, as kryesia e Kuvendit që do ta shpallë prishjen e koalicionit në kohën kur koalicioni është duke funksionuar, ç’është e vërteta, sepse unë me kolegët që punojë se kam asnjë problem….Nuk e di, nuk kam dëgjuar, ju e dini që zgjedhjet e parakohshme sipas Kushtetutës mbahen atëherë kur nuk ka kuorumin e duhur për votim dhe kur prishet koalicioni, në qoftë se nuk i ka Qeveria 61 vota, ajo normalisht që duhet të bjerë”, tha Haliti.

Mirëpo, mungesën e deputetëve në seanca plenare dhe dështimi i tyre për shkak të kuorumit sipas Halitit, po ndodhë për shkak të papërgjegjësisë së deputetëve, të cilët gjatë seancave plenare dalin kryejnë edhe punë personale.

“Jo, jo çdoherë kur grupet janë të përgjegjshme dhe kur kemi bërë thirrje që vijnë deputetët kemi pasur kuorum. Nuk do të thosha sabotim por do të thosha papërgjegjësi e deputetëve dhe dalin sa është seanca e kryejnë edhe ndonjë punë të vetën dhe mungojnë në votim”, shtoi Haliti.

Derisa për mungesën e Veselit në kryesi, Haliti tha se nuk e dinë ku është, porse Veseli i ka pesë zëvendës dhe mund ta zëvendësojnë në çdo situatë.

Rikthimin e deputetëve të Listës Serbe në Kuvend e ka quajtur lajm të mirë, sepse ata duhet të jenë pjesë e institucioneve të Kosovës për t’i përfaqësuar votuesit e tyre.

Reklamë
Reklamë

Këtë javë dy seanca të Kuvendit të Kosovës, mësojeni pse

Nënkryetari i Kuvendit Xhavit Haliti ka bërë të ditur se të enjten dhe të premten do të ketë seancë plenare.

Periskopi.com Lajme

Haliti tha se nuk ka probleme mes partnerëve të koalicionit, derisa theksoi se nuk e dinë nëse do të ketë zgjedhje të parakohshme.

Nënkryetari i Kuvendit i ka quajtur papërgjegjësi të deputetëve mospjesëmarrjen e tyre në seanca dhe mungesës në votime.

Reklamë
Reklamë