kuvendi-1

HRW: Gazi lotsjellës pengoi progresin për liberalizimin e vizave

Organizata ndërkombëtare Human Rights Watch, që analizon çështjet që lidhen me të drejtat e njeriut në mbi 90 vende të botës, ka thënë në raportin për vitin 2016 se Kosova ka shënuar progres të ngadaltë sa i përket mbrojtjes së të drejtave të njeriut.

Periskopi.com Lajme

 

“Abuzimi serioz [me të drejtat e njeriut] ka vazhduar,” thuhet në raportin e kësaj organizate.

Në raport ndër të tjerash thuhet se minoritetet në Kosovë kanë pasur problem edhe këtë vit që të marrin dokumentet personale, gjë që ka ndikuar për të keq qasjen e tyre në sistemin shëndetësor, social e edukativ.

“Mungesa e vullnetit politik dhe ndarja e pamjaftueshme e fondeve ka rezultuar me dështim për të zbatuar në mënyrë adekuate një strategji për Integrimin e komuniteteve Roma, Ashkali e Egjiptian,” thuhet në raport, shkruan insjaderi.

Raporti shpreh shqetësim edhe për lirinë e medieve në vend. Aty thuhet se gazetarët kanë vazhduar të përballen me kërcënime, dhe se këto raste janë trajtuar ngadalë nga institucionet e drejtësisë.

Në raport po ashtu nënvizohet edhe situata e krijuar në Kuvendin e Kosovës si pasojë e marrëveshjes për demarkacion me Malin e Zi.

Sipas HRW-së, gazi lotsjellës në Kuvendin e Kosovës, i hedhur nga opozita, ka bllokuar debatin e lirë, ka penguar votimin e legjislacionin dhe ka penguar progresin e Kosovës drejt liberalizimit të vizave me Bashkimin Evropian.

kuvendi-1-1

Kuvendi jofunksional, zgjedhjet opsion

   Gjatë vitit 2016, Kuvendi i Kosovës ka pasur një aktivitet të dobët dhe përmbushje vetëm të një të tretës së plan-programit, të cilin vet legjislativi dhe komisionet parlamentare e kishin paraparë për zbatim, vlerësojnë përfaqësuesit e Institutit Demokratik të Kosovës, i cili monitoron punën e Kuvendit.

Periskopi.com Lajme

Albert Krasniqi nga Instituti Demokratik i Kosovës, duke folur për Radion Evropa e Lirë, e cilëson punën e Kuvendit si të dobët, gjë që sipas tij, detyrimisht çon në konkludimin se ky legjislativ është jofunksional për të marrë vendime, si dhe i paaftë politikisht për të përmbushur mandatin e vet.

“Asnjë prej çështjeve kryesore të cilat do të duhej të trajtoheshin aty, nuk kanë arritur të përfundohen, siç janë: ratifikimi i marrëveshjes për kufirin me Malin e Zi, transformimi i Forcës së Sigurisë së Kosovës (në Forcë të Armatosur të Kosovës), miratimi i projektligjit për kryeqytetin dhe shumë çështje të tjera të rëndësishme, të cilat nuk janë përmbyllur. Në këtë formë, çfarë është tani, Kuvendi nuk guxon të funksionojë më tutje, për shkak se ka rënie të performancës edhe në krahasim me vitin paraprak, do të thotë, vitin 2015”, ka thënë Krasniqi.

Imer Mushkolaj, njohës i zhvillimeve politike në vend, thotë për Radion Evropa e Lirë, se koalicioni qeveritar dhe shumica parlamentare janë krijuar pikërisht për të quar përpara disa procese të rëndësishme për vendin.

Por, siç thotë ai, këto procese kanë ngecur për shkak se Kuvendi ka qenë i paaftë përball çështjeve që i janë parashtruar.

“Fatkeqësisht, që prej themelimit, respektivisht prej fillimit të këtij mandati të Kuvendit dhe qeverisë, nuk është arritur që pikërisht këto çështje, për të cilat është pretenduar se do të çohen përpara duke krijuar një shumicë të tillë parlamentare, të kryej funksionin e tij”.

“Ne jemi në një situatë ku për çështjet më të rëndësishme kuvendi ka dështuar. Në një situatë normale, në një shtet normal, në një demokraci normale, në raste të tilla, Kuvendi do të duhej automatikisht të shpërbëhej dhe të shkohej në zgjedhje”, u shpreh Mushkolaj.

Por, bazuar në situatën e përshkruar nga njohësit e zhvillimeve në Kuvend dhe atyre politike në përgjithësi, a janë zgjedhjet zgjidhja me optimale për vendin?

Krasniqi vlerëson deputetët e Kuvendit të Kosovës kanë para vetes opsionet që të kërkojnë nga kryeministri i vendit që të bëjë ndryshime në kabinetin qeveritar ose të kërkojnë mocion mosbesimi ndaj kryeministrit, gjë që do ta çonte vendin drejt zgjedhjeve të parakohshme.

“Kuvendi nuk është funksional. Këtë e themi me përgjegjësi. Zgjedhjet e jashtëzakonshme janë një opsion, i cili besoj që duhet të konsiderohet me seriozitet. Mirëpo, nuk them që është opsioni i parë që do të duhej të ndërmerrej, për shkak se duhet të provohen edhe mekanizma të tjerë për të tentuar që të zhbllokohet kjo situatë”.

Analisti Mushkolaj nuk sheh opsion tjetër për të dalë nga situata e krijuar, siç e quan ai, bllokuese, përveç zgjedhjeve të parakohshme.

“Kur nuk funksionon institucioni më i lartë legjislativ i një shteti, që është Kuvendi, dhe ku do të duhej të merreshin vendime të rëndësishme, atëherë zgjedhjet mbeten zgjidhja e vetme. Kështu që, konsideroj që vendimi më i rëndësishëm që do ta merrte Kuvendi, në këtë situatë, është që të vendoste për shpërbërje dhe shkuarje në zgjedhje”.

“Çdo zvarritje e mëtejme, në këtë gjendje ku Kuvendi nuk është i aftë të marrë vendime në të mirë të qytetarëve të Kosovës, vetëm sa do ta dëmtojë pikërisht qytetarin e Kosovës, do ta dëmtojë gjithë shoqërinë dhe shtetin e Kosovës”.

Sidoqoftë, para situatave bllokuese ishin gjetur edhe legjislaturat e mëhershme të vendit, por, sipas njohësve të zhvillimeve politike, situata bllokuese në të cilën gjendet legjislatura aktuale, është më e rënda deri më tash.

albin-kurti

Dialogu pa kushte me Serbinë na kushtoi shtrenjtë

Arrestimet ndërkombëtare të ish luftëtarëve të çlirimit kombëtar, nuk janë më përjashtim por janë bërë rregull. Së pari, ato i ka mundësuar koncepti i gabuar dhe i dështuar i politikës së jashtme që udhëhiqet në negociatat me Serbinë e cila nuk na njeh dhe na lufton kudo, si dhe nga kompromiset ndaj Serbisë e cila nuk na ka kërkuar falje për krimet dhe rrjedhimisht nuk i ka paguar dëmet e luftës dhe okupimit. Së dyti, UÇK-ja është braktisur në dokumentet themeltare të pavarësisë të Republikës, përkatësisht në deklaratën e shpalljes dhe në Kushtetutë, dhe disi natyrshëm tash i nënshtrohet kriminalizimit.

Albin Kurti Opinione

Ushtria Çlirimtare e Kosovës nuk mund të jetë e harruar, nuk mund të thotë dikush që “harrova ta përmend në deklaratën e shpalljes së Pavarësisë”, ose “harrova ta përmend në Kushtetutë”, pra nuk bëhet fjalë për harresë po mohim. Si e mohuar ajo kriminalizohet. Ne të gjithë e dijmë se ajo është thelbi i historisë sonë të re. Por, duke qenë e mohuar ajo kriminalizohet. Meqë u la jashtë shtetit, ajo mbyllet brenda burgjeve. A duhet të mësohemi ne me këtë rregull? Sigurisht që jo. Ky rregull i pranuar nga pushtetarët kosovar është rregull i padrejtësisë. Ne duhet që vazhdimisht padrejtësinë ta vendosim në pikëpyetje. Të jemi kritik dhe aktiv ndaj saj deri atëherë kur padrejtësia të rrëzohet dhe institucionet e Kosovës t’i qeverisë e drejta dhe e mira e përgjithshme.

Këto ditë është folur intensivisht për arrestimin e Ramush Haradinajt dhe sigurisht që shumicës së shqiptarëve përfshirë gjithë Lëvizjen VETËVENDOSJE!, jo vetëm se na vjen keq për këtë arrestim, por edhe jemi të revoltuar ndaj kësaj padrejtësie. Do të ishte hipokrizi po të thuhej që të gjithë ata që kanë folur me keqardhje sidomos pushtetarët e duan ndaljen e arrestimeve të këtilla. Nëse do ta donin ndaljen e këtyre arrestimeve me gjithë mend atëherë pse këta qeveritarë nuk kanë vendosur si kusht në negociatat e tyre me Beogradin që të zhvlerësohen e të anulohen fletëarrestet e Serbisë ndaj qytetarëve tanë. Sepse ato negociata kanë qenë dhe janë të turpshme dhe pa parime. Gjithnjë është negociuar pa kushte për Serbinë e sipas kushteve të Serbisë, vetëm për çështje të brendshme të Kosovës. Në dialogun në Bruksel, Kosova nuk mund të jetë tamam palë gjersa është vazhdimisht temë. Pra, thuhet se Kosova është palë aty, në fakt është shumë më shumë temë sesa palë. Dialogu pa kushte me Serbinë, e me çështje të brendshme të Kosovës ishte një gjë e panevojshme për ne që na kushtoi shumë shtrenjtë. Normalizimi i marrëdhënieve mes Kosovës dhe Serbisë nuk ka qenë normalizim drejt njohjes së Kosovës por normalizim përkundër mos njohjes së Kosovës. Me Serbinë e kemi problemin e dyfishtë, edhe krimet e saj edhe armiqësinë e saj. Sepse mund të ketë shtete që i kanë problem krimet nga e kaluara por nuk kane armiqësi aktuale. Mund të ketë shtete që nuk kanë krime nga e kaluara, por kanë armiqësi aktuale. Me Serbinë i kemi të dyja dhe të padënuara nga e kaluara.

Pra, dialogu me Serbinë është quajtur dialog për normalizim. Në këtë janë thirrur edhe kryetarët nga odat ekonomike të Serbisë dhe Kosovës, Marko Çadezh dhe Safet Gërxhaliu kur kah mesi i marsit të vitit të kaluar u kanë dërguar letër zyrtarëve të lartë të BE-së dhe ambasadorëve të vendeve të Kuintit në Serbi e Kosovë. Ja çfarë thoshin ata aty: Oda Ekonomike e Serbisë, dhe Oda Ekonomike e Kosovës janë të përkushtuara në normalizimin e marrëdhënieve mes Beogradit dhe Prishtinës, pra nuk thonë Kosovë-Serbi por  Prishtinë-Beograd, si dhe rimëkëmbjen sociale dhe ekonomike të Ballkanit Perëndimor në rrugën drejt BE-së; dënojnë ashpër përmbysjen e kamionit me mallra serbe më 11 mars. Duke e konsideruar si një përpjekjë për të shkelur liritë të lëzivjes së njerëzve dhe mallrave, letër kjo drejtuar komisionarit të BE-së për zgjerim, Johannes Hahn, përfaqësueses së lartë për politikë të jashtme të BE-së, Frederica Mogherini si dhe ambasadorëve të shteteve të Italisë, Britanisë së Madhe, Francës, Gjermanisë dhe SHBA-ve. Pra, përderisa kemi këso kryetar të Odës Ekonomike i cili bashkë me homologun e tij serb i shkruajnë letër Brukselit kundër VETËVENDOSJE!-s se u rrokullis një kamion me mallra serbe. Mund ta kuptoni se për çfarë shtetndërtimi bëhet fjalë në Kosovë dhe përse kjo marrëdhënia jonë asimetrike rezulton me kaq shumë dëme dhe vuajtje 17 vite pas çlirimit e gati 9 vite pas shpalljes së pavarësisë.

Deputetë të Kuvendit të Republikës, janë dy leva që Kosova mund t’i përdor kundër Serbisë, ndëprerjen e dialogut dhe shkëputjen e tregut. Po e vërej që shumë prej jush po thoni që  duhet të kërcënojmë e duhet ta bëjmë ndërprerjen e dialogut. Në këtë mënyrë edhe ju po pranoni që ky dialog realisht shumë më tepër i konvenon Serbisë, në mos tërësisht asaj e jo Kosovës. Pra, ne mund ta kushtëzojmë Serbinë me ndërprerjen e dialogut, sepse asaj i nevojitet dialogu dhe jo neve. Ajo po ec drejt BE-së ndërkohë që nuk po shkëputet prej Rusisë kurse ne e shihni sesi kemi mbetur. Çështja tjetër është shkëputja e tregut. Shpallja e pavarësisë së Kosovës ka qenë shpallje e pavarësisë administrative le të themi. Në kuptimin ekonomik e tregtar, Serbia shet mallra në Kosovë pakashumë si në kohë të okupimit. Nuk ka ndodhur pavarësisa dhe shkëputja ekonomike. Rreth gjysmë miliardë i merr Serbia çdo vit prej nesh me mallra të cilat edhe cilësinë ndoshta e kanë të dyshimtë. Në arenën ndërkombëtare e sidomos evropiane, Kosova dhe Shqipëria kanë shumë më shumë arsye për ta kushtëzuar Serbinë se Kroacia. Por, ja që nuk po e bëjnë këtë e sidomos Kosova. Ky është dëm edhe për brezat e kaluar edhe për brezat e ardhshëm. Sa i përket reciprocitetit po e marr një element të thjeshtë. Në 19 poste komanduese në Policinë në Preshevë, Medvegjë e Bujanoc vetëm 4 sosh janë shqiptar, dhe vetëm në Preshevë, Kryeshefi është shqiptar. Ndërkohë që në Kosovë ende ngulmohet për Zajednicën. Zajednica ka vdekur, por ka forcë edhe brenda Kosovës e jashtë Kosovës që e duan ringjalljen e saj.

Kuvendi i Kosovës me 8 dhjetor 2011, me propozim të Visar Ymerit si Kryetar i Grupit Parlamentar të Lëvizjes VETËVENDOSJE! asokohe, e patë miratuar këtë mocion për reciprocitet me Serbinë. Po ua lexoj 3 pikat e atij mocioni:

Qeveria t’i marrë masat e reciprocitetit të plotë politik, ekonomik e tregtar ndaj Serbisë.

Ministria e Tregtisë dhe Industrisë ta nxisë dhe udhëheq bashkëpunimin me prodhuesit vendor dhe ndërmarrjet tregtare për gjetjen zëvendësimeve për produktet e importuara nga Serbia.

Qeveria t’i forcojë të gjithë mekanizmat shtetëror për ta siguruar zbatimin e përpiktë të masave të reciprocitetit ndaj Serbisë.

Pra, para 5 viteve e një muaji e kemi miratuar këtë mocion më këto 3 pika, për kanë qenë 42 deputetë, kundër 33 dhe abstenuan 2. Kemi edhe nga të tillë të partisë në pushtet që kanë qenë kundër reciprocitetit dhe sot e morën fjalën. Po i përmendi emrat e disa prej tyre, Shaip Muja, Elmi Reçica, Bekim Haxhiu, Zenun Pajaziti, Adem Grabovci, Fatmir Xhelili, Xhevahire Izmaku, Ganimete Musliu dhe Safete Hadërgjonaj. Këta kanë votuar kundër reciprocitetit me 8 dhjetor të vitit 2011. Tash mund të flasim sa të duam. Por, gjërat e këqija e të mëdha nisin më hapa të vegjël e të gabueshëm dhe i tillë ka qenë edhe ky votimi atëherë. Qytetarët e Republikës nuk duhet t’i dëgjojnë vetëm fjalët e deputetëve por edhe votimet e tyre. Sepse shpeshherë këtu po flitet në mënyrë parimore, konstruktive e progresive dhe pastaj votat janë saktësisht e kundërta e kësaj. Ajo që në thelb është më e rëndësishmja.

Dialogu i kësaj Qeverie me Serbinë e ka bazën që besimi të konjuktura udhëheqëse në Serbi është cilësisht e ndryshme prej kohës së Millosheviqit. Ne e dëgjuam këtu Ministrin e Punëve të jashtme teksa thoshte se këta janë pasardhësit e Millosheviqit, pra dëshironte ta gjente një distancë minimale të brendshme midis Millosheviqit dhe pushtetit të sotëm atje. Ani pse thoshte se janë të ngjashëm, por nëse thua kështu do të thotë se nuk janë të njëjtë. I gjithë dialogu me Serbinë është i bazuar mbi këtë premisë. Mbi premisën që këta nuk janë tamam si Millosheviqi, pasi që Vuçiqi i mban raportet me perëndimin. Në fakt, Vuçiqi është ndryshe sepse kanë ndryshuar rrethanat por jo qëllimet. Ndarja e roleve mes Vuçiqit, Nikoliqit, Sheshelit e Daçiqit në Serbi është një farsë e vjetër e cila lehtësisht mund të shndërrohet në një tragjedi të re në Ballkan. Në këtë pikë unë dua të tërheq vërejtjen tek një dëm sistematik dhe i dyfishtë që po i ndodh shtetit të Kosovës. Pra, e para është dobësia e shtetit të Kosovës sepse dobësia jonë bëhet magnet për kundërshtarin dhe e dyta është fanatizmi serb. Nuk bën asnjëra të nënçmohen. Dobësia e shtetit të Kosovës në kuptimin që prej se është negociuar me Serbinë e deri tek ‘Pronto’ afera, Serbia e ka kuptuar që realisht Kosova nuk ka përmbajtje shtetërore. E ka parë që ka udhëheqje klanore. Ata e kanë parë që tek ne nuk ka shtet. Dhe kjo ua shton apetitet atyre. Pra, dobësia jonë është magnet për apetitet e tyre. E dyta është fanatizmi serb. Para disa viteve udhëheqësi çetnik i serbëve të Bosnjës Milorad Dodik pat thënë aksiomën e politikës serbe, që nuk vlen vetëm për Bosnje, me një fjali të thjeshtë dëftore e cila është kjo: Ne do të lodhemi të fundit. Kështu ka thënë ai. Kjo do të thotë që edhe kroatët e boshnjakët do të lodhen para neve, kjo i përfshin edhe shqiptarët. Ne themi “Bac, u kry”, por ata po thonë “Ne do të lodhemi të fundit”. Kjo do të thotë që nuk do të përfundoj kurrë, apo së paku do të thotë se nuk përfundon pa u lodhur ata para neve. Ne nuk po e përsërisim të vërtetën për krimet e Serbisë, e ajo po i përsërit gënjeshtrat për krimet tona dhe po dihet rezultati.

Shtrohet pyetja se si ka mundësi që Franca e cila është një ndër shtetet e para që e kanë njohur Kosovën ta aktivizojë pikërisht tani një fletarrest të vitit 2004 për një luftëtar çlirimtar e komandant lufte i cili edhe më parë ka vizituar Francën por nuk i ka ndodhur asgjë. Këtu pati një mini-seancë brenda seancës sonë që nuk bën t’i prishim marrëdhëniet me Francën, që Franca është shtet që na ka ndihmuar, që është shtet demokratik e perëndimor dhe besojmë në drejtësinë franceze. Madje kishte njerëz që betoheshin për Francën më shumë se vet francezët. Paska njerëz këtu që besojnë më shumë në Francën më shumë se Franca në vetvete e që besonin në Francën në mënyrë absolute që unë do të thosha naive. Shtrohet pyetja pra përse të na vijë kjo ngjarje e keqe prej Francës. Këto janë pyetje që kanë nevojë për përgjigje. Dhe unë përgjigjen e gjej tek një filozof i shquar bashkëkohor francez, i cili kur fliste për atdheun e tij thoshte se ka pasur gjithnjë dy Franca. Në njërën anë Franca e revolucionit borgjez, në anën tjetër Franca e restaurimit monarkist. Në njërën anë Franca e iluminizmit progresiv dhe në anën tjetër Franca e reaksionit konservativ. Në njërën anë Franca e rezistencës fashiste e në anën tjetër Franca e kolaboracionizmit Petain dhe Vichy-n. Në njërën anë Franca e Majit të vitit ’68 dhe në anën tjetër Franca ksenofobe dhe neoliberale. Ne duam të besojmë se Ramush Haradinajn e ka arrestuar Franca e dytë, Franca e kolaboracionizmit me fashizmin, e reaksionit dhe së djathtës ultra-konservatore. Po kështu kemi besim që Ramush Haradinajn do ta çliroj Franca e parë, ajo e revolucionit republikan, ajo e iluminizmit. Franca që solidarizohet me popujt që kërkojnë me sakrificë çlirimin e vetvetes.

E për tu kthyer tek Serbia, fundja, establishmenti politik në Serbi nuk ka gjë të përbashkët me parullën e revolucionit francez ‘Liri Barazi Vllazëri’ dhe gjithnjë e më shumë ka shumëçka të përbashkët me parullën e Nikolla Pashiqit ‘ Zoti Populli Rusia’. Kryeministri i Kosovës, Isa Mustafa tha është arrestuar ish-kryeministri Haradinaj, është arrestuar kryetari i AAK-së, Haradinaj, njëri nga liderët në vend etj. Ai fliste për gjëra që e ndajnë Kryeministrin me Haradinajn. Nuk e përmendi si qytetar të Republikës. Po, ky mund të thotë ndonjë fjalë për Haradinajn si Kryeministër që është pozicion përjashtues në raport me të, edhe si AAK pasiqë ky nuk është AAK. Por, si qytetar të Republikës ku Mustafa dhe Haradinaj janë bashkë, për atë s’ka se çfarë bën. Pra, nuk e mbron dot si qytetar të Republikës. E kur nuk e mbron dot si qytetar të Republikës, kur nuk e mbron dot si luftëtar të UÇK-së, nuk e mbron dot si kryetar të AAK-së. Kot e përmend si kryetar të AAK-së kur nuk e mbron si qytetar. Mustafa tregonte se si Haradinaj është ndryshe nga qytetarët tjerë sepse nuk e kishte ndërmend ta mbroj si qytetar të Republikës. Por as si luftëtar i UÇK-së pasi që ajo është përjashtuar nga themelet e shtetit dhe shtetndërtimit në Kosovë.

Deputetë të Kuvendit, qytetarë të Republikës. Ne bëjmë thirrje për lirimin e menjëhershëm dhe të pakusht të Ramush Haradinajt, si dhe për ndalimin e arrestimeve të çlirimtarëve. Por, jemi të sigurt se këto thirrje nuk do gjejnë dëgjues tek Qeveria aktuale. Këto thirrje do të mund të gjejnë fatkeqësisht përgjigje serioze vetëm nesër kur pushtetin do ta ketë një Qeveri e ndershme dhe kur diplomacia do të udhëhiqet nga njerëz të mençur e me një doktrinë patriotike.

 

kuvendi_i_republikes_se_kosoves_-_6

‘Seanca për Haradinajn do të prodhojë vetëm fyerje dhe adrenalinë të rreme patriotike’

Këshilli për Mbrojtjen e Lirive dhe të Drejtave të Njeriut vlerëson se seanca që do të mbahet sot në Kuvendin e Kosovës për arrestimin e liderit të AAK-së Ramush Hradinaj nga autoritetet franceze, do të jetë vazhdimësi e seancave të jashtëzakonshme paraprake që nuk kanë prodhuar asnjë rezultat përveç fyerjeve, akuzave dhe kundër-akuzave si dhe rritjes së rreme të adrenalinës patriotike.

Periskopi.com Lajme

“Pikërisht mungesa e një patriotizmi të vërtetë, dashurisë dhe përkushtimit për shtet dhe qytetarët e tij, prodhojnë situata kaotike dhe seanca të jashtëzakonshme krejtësisht të pafuqishme, të padobishme dhe të dëmshme”, thuhet në reagimin e KMDLNj-së.

Sipas KMDLNj-së, vetëm zbatimi i ligjit, drejtësia e pavarur, serioziteti shtetëror dhe përkushtimi qytetar janë mbrojtje e Ramush Haradinaj dhe të tjerëve që janë arrestuar, po arrestohen dhe do të arrestohen.

“Ramush Haradinaj do të lirohet por situata nuk do të ndryshojë aspak! Individin e mbron shteti sikur që edhe individi, me sjellje në përputhje me ligjin, e mbron shtetin! Ky është standard demokratik i njohur dhe pranuar ndërkombëtarisht. Për fat të keq Kosova është ende shumë larg përmbushjes së këtij standardi prandaj, edhe në të ardhmen do të përballemi me këso probleme. Deri të bëhemi një vend normal!”, thuhet tutje në reagimin e KMDLNj-së.

Ky Këshill ndër të tjera ka theksuar se në shumë raste udhëheqësit më të lartë të Kosovës u arrestuan, u poshtëruan publikisht për t’u liruar me ndihmën e miqve “ndërkombëtarë, ku sipas tij në këtë mënyrë Serbia krijonte epërsi politike duke u faktorizuar ndërkombëtarisht ndërsa Kosova mbrohej dhe defaktorizohej duke kërkuar ndihmë ndërkombëtare.

“Serbia, që nga përfundimi i luftës ka sajuar lista me ‘kriminelë’ shqiptarë, kryesisht udhëheqës të UÇK – së apo të atyre që u pengojnë politikisht kurse Kosova, me sugjerimin e ‘miqve’ ndërkombëtarë, kriminelët e dëshmuar serbë nuk i akuzonte për hir të ‘normalizimit’ të marrëdhënieve me Serbinë për çka lavdërohej verbalisht nga Brukseli për qasje konstruktive kurse, faktikisht përjashtohej nga të gjitha proceset integruese duke mbetur vendi i vetëm në botë , pa liberalizim të vizave. Madje edhe Kolumbia e Pablo Eskobarit ka fituar liberalizimin e vizave për shtetet evropiane sikur që edhe Serbia e Millosheviqit, me pasardhësit politik që e trashëguan denjësisht sot në Serbi, me hapa galopant po shkon drejt integrimit evropian. Në kohën kur Serbia po sajonte sikur që edhe sot sajon “fakte” për krime lufte në Kosovë, autoritetet kosovare nuk punuan asgjë në këtë drejtim”, thotë KMLDNj.

Sipas tyre, UNMIK dhe EULEX penguan çdo hulumtim serioz për krime lufte në Kosovë prandaj toleruan strukturat e kriminalizuara në Kosovë ta bëjnë vendin “tokë me perspektivë të djegur”.

kuvendi-1-1

Sot, seancë e jashtëzakonshme për Haradinajn

Ditën e sotme do të mbahet seanca e jashtëzakonshme, ku do të diskutohet për ndalimin e ish kryeministrit dhe kryetarit të AAK-së, Ramush Haradinaj, nga policia franceze.

Periskopi.com Lajme

 

Vendimi për mbajtjen e seancës u mor të shtunën nga Kryesia e Kuvendit me kërkesë të grupit parlamentar të AAK-së.

Haradinaj është ndaluar më 4 janar në aeroportin e Baselit nga policia franceze, në bazë të një fletarresti lëshuar në vitin 2004 nga Serbia.

Hashim Thaçi ne Kuvend

Fjalimi i plotë i presidentit Hashim Thaçi, në Kuvendin e Republikës së Kosovës

Më poshtë mund ta lexoni fjalimin e plotë të Thaçit, që është obligim kushtetues, për punën e tij një vjeçare, fjalim ky që u bojkotua nga opozita, raporton Periskopi

Periskopi.com Lajme

I nderuar Kryetar i Kuvendit të Kosovës z. Kadri Veseli,

I nderuar Kryeministër, z. Isa Mustafa,

Të nderuar ministra të kabinetit qeveritar,

Të nderuar përfaqësues të korit diplomatik,

Të nderuar deputetë të Kuvendit të Kosovës,

Qytetarë të Republikës së Kosovës,

Zonja dhe zotërinj,

Është kënaqësi dhe privilegj që sot t’ju drejtohem si President i Republikës së Kosovës.

Kjo mundësi dhe detyrë më jep nder dhe përgjegjësi.

Është kënaqësi të ndjek hapat e presidentëve të mëparshëm të cilët i shërbyen Kosovës me tërë qenien e tyre, duke u bërë shembull se si duhet të punojmë për vendin tonë.

Në fillim të mandatit dhashë betimin para juve, deputetë të nderuar, se do të ruaj pavarësinë, sovranitetin dhe integritetin e Republikës së Kosovës.

Se do të garantoj liritë dhe të drejtat e njeriut për tërë qytetarët e Kosovës.

Se do të mbroj Kushtetutën dhe ligjet e Kosovës.

Se do të ruaj paqen dhe mirëqenien e të gjithë qytetarëve.

Në sheshin “Nëna Terezë” u zotova se do të jem president i të gjithë qytetarëve, në shërbim të të gjithë qytetarëve.

Edhe një herë faleminderit për besimin e dhënë.

Në fund të këtij viti, jam i lumtur të them se puna ime është udhëhequr nga këto parime dhe kam nisur të realizojë këto synime.

Të nderuar deputetë,

Gjatë kësaj periudhe kohore, si president kam ndërmarrë veprime konkrete për të garantuar liritë dhe të drejtat e qytetarëve të Kosovës, për të fuqizuar rendin e ligjin dhe integritetin e shtetit të Kosovës.

Vendi ynë edhe ashtu ka Kushtetutën dhe legjislacionin më të avancuar në rajon.

Por, ne kemi identifikuar disa mangësi, prandaj edhe kam vepruar menjëherë duke kërkuar ndryshim-plotësimin e Kodit Penal me qëllim që t’i korrigjojmë ato dhe të mos lejojmë askënd që t’i shmanget apo abuzojë me drejtësinë dhe ligjin në Kosovë.

Ministria e Drejtësisë dhe organet tjera relevante kanë filluar punën dhe tani janë duke përgatitur rekomandimet për ndryshimet që duhet bërë.

Në qershor të këtij viti, ne filluam t’i marrim kompetencat ekzekutive në sektorin e drejtësisë, që deri atëherë ishin në duart e institucioneve ndërkombëtare që veprojnë në Kosovë.

Prandaj, i vetëdijshëm për progresin e shënuar në fushën e drejtësisë në Kosovë, përkundër sfidave, i bindur në profesionalizmin e organeve vendore dhe në fuqizimin e tyre me transferimin e kompetencave të EULEX-it, e kam adresuar edhe nevojën për të punuar në çështjet që shqetësojnë qytetarët e Kosovës:

–                      krimet e luftës,

–                      krimet e pasluftës,

–                      sulmet dhe dëmtimet kundër trashëgimisë sonë kulturore e historike,

–                      si dhe për viktimat e luftës, me theks të veçantë tek të pagjeturit dhe viktimat e dhunës seksuale.

Jam i inkurajuar me reagimin e menjëhershëm të organeve relevante për të punuar rreth këtyre pikave.

Çdo hap në zbardhjen e së vërtetës është një gur tjetër në themelin e shoqërisë sonë si një shoqëri e barabartë për të gjithë.

Të gjithë duhet ta kuptojnë se drejtësia nuk njeh kufizim kohor, status social apo etnik.

Një nismë tjetër e imja është edhe puna për përfundimin e reformës elektorale, e cila ka filluar vite më parë dhe nuk është përfunduar.

Reforma elektorale bëhet për t’i siguruar qytetarët e Republikës së Kosovës se ata do të votojnë në një proces të drejtë, transparent dhe fer, në të cilin vota e tyre nuk mund të humb dhe të manipulohet.

Por, do të jetë besim për të udhëhequr institucionet.

Ekipi im ka kryer punën e vet në përpilimin e propozimeve konkrete për reformën elektorale dhe mbetet në vullnetin tuaj politik, deputetë të nderuar, që propozimet që kanë rrjedhur nga konsultat e përbashkëta me përfaqësuesit e partive politike parlamentare, shoqërinë civile, mekanizmat ndërkombëtarë, etj., të shndërrohen në vendime të Kuvendit të Kosovës.

Kam mbledhur Këshillin Kombëtar Kundër Korrupsionit në të cilin ekspertët e fushës kanë debatuar për mënyrat më të mira të luftimit të këtij fenomeni në Kosovë.

Korrupsioni dhe krimi i organizuar vazhdimisht paraqiten lart në listën e shqetësimeve të qytetarëve të Kosovës.

Prandaj, lart janë edhe në listën e prioriteteve të çështjeve që duhet zgjidhur menjëherë nga politika dhe institucionet e Kosovës.

Organet tona të drejtësisë kanë hapur raste të korrupsionit.

Hetimeve, akuzave e dënimeve nuk u kanë shpëtuar as zyrtarët më të lartë shtetëror.

Kjo punë e bërë është për çdo vlerësim, por duhet bërë edhe më shumë.

E përsëris, para ligjit të gjithë jemi të barabartë.

Kam mbledhur edhe Këshillin Kombëtar për Integrim në Bashkimin Evropian, në të cilin konfirmuam se nuk kemi alternativë tjetër përveç se NATO-n dhe BE-në.

Por, kërkuam që edhe BE-ja të mendojë në mënyrë strategjike për rajonin e më gjerë.

Kam mbledhur edhe Këshillin Konsultativ për Komunitetet.

Kam vlerësuar punën e tyre në promovimin e të drejtave dhe barazisë për të gjitha komunitetet.

Në kuadër të punës për forcimin dhe ruajtjen e sovranitetit tonë shtetëror, të inkurajimit të atyre pjesëtarëve të policisë kufitare dhe oficerëve të doganave të Kosovës, kam vizituar pikën kufitare në Jarinjë, në mes Kosovës dhe Serbisë, në veri të Leposaviqit.

Puna dhe përkushtimi i pjesëtarëve të policisë dhe doganës së Kosovës me bindi se sovraniteti shtetëror i Kosovës nuk mund të cenohet nga askush.

Kosova është një, e pandashme, nuk do të ketë barrikada dhe mure, por vetëm ura që na bashkojnë.

Muri nuk do të qëndroj aty e askund tjetër.

Muri nuk do të shkurtohet e as zvogëlohet për disa centimetra, por do të hiqet nga baza.

Nuk do të ekzistoj fare.

Por, në mes të këtyre sukseseve, kemi përjetuar edhe sfida.

Sfida më e madhe është mos mbajtja e zotimit të dhënë para partnerëve ndërkombëtarë.

Që t’u qëndrojmë prapa zotimeve tona kushtetuese dhe ligjore, qoftë për të themeluar asociacionin e komunave me shumicë serbe, qoftë për miratimin e demarkacionit të kufirit me Malin e Zi.

Kjo marrëveshje është e drejtë.

Është sipas Kushtetutës dhe interesave të vendit tonë, e cila do të çonte tutje konsolidimin e integritetit shtetëror.

Reagimet kundër kanë dëmtuar më të pafajshmit, qytetarët e Republikës së Kosovës, të cilët ende nuk mund të udhëtojnë të lirë në Bashkimin Evropian.

Reagimi kundër ishte agjendë e interesit të ngushtë politik dhe injorancës profesionale, e në asnjë rrethanë kauzë kombëtare apo ngadhënjim i argumenteve.

Prandaj, shteti ynë do të qëndrojë prapa të gjitha obligimeve ndërkombëtare që ka marrë mbi vete.

Zonja dhe zotërinj,

Të nderuar deputetë,

Qytetarë të Republikës së Kosovës,

Në kuadër të promovimit të të drejtave dhe lirive njerëzore, kam marrë pjesë dhe kam përkrahur marshin e komunitetit LGBTI dhe kam përkrahur punën e shoqatave që u dalin në ndihmë viktimave të dhunës seksuale të luftës.

Kam vizituar komunitetin kroat në Janjevë dhe komunitetin malazez në Gorazhdec të Pejës, për t’i siguruar të gjithë se Kosova është shtëpi e të gjithëve.

 

Se në shtetin tonë të gjithë janë të barabartë, të lirë për të gjetur lumturinë e tyre.

Ndërsa sot, me lejoni të rikonfirmoj se asnjë individë apo grup nuk do të mbetet i margjinalizuar, i harruar apo i përjashtuar në shoqërinë tonë.

Në Kosovën tonë ka vend për të gjithë ata që e shohin Kosovën si atdhe dhe shtëpi të tyre.

Të nderuar deputetë,

Kam vizituar dhe kam takuar afaristë dhe ndërmarrës në tërë Kosovën, odat ekonomike të Kosovës dhe ato të rajonit.

Jam inkurajuar nga sukseset e bujqve dhe blegtorëve të Kosovës.

Investimet disavjeçare në bujqësi kanë sjellë dobi për tërë Kosovën, duke krijuar të hyra të mëdha që kontribuojnë në mirëqenien e qytetarëve tanë.

Me hyrjen në fuqi të Marrëveshjes për Stabilizim dhe Asocim, bujqit dhe blegtorët tanë, vreshtarët dhe prodhuesit e verës, tashmë kanë qasje në tregun më të madh në botë, atë të Bashkimit Evropian.

Në kuadër të punës sime, një pjesë të konsiderueshme i kam kushtuar edhe përfaqësimit të shtetit tonë në arenën ndërkombëtare.

Në samitin Brdo-Brione dhe në Procesin e Bashkëpunimit të Evropës Juglindore kam konfirmuar se pavarësia e Kosovës ka sjellë paqe dhe stabilitet në rajonin tonë.

Në vizitat bilaterale në Slloveni dhe në Maltë, jo vetëm që kemi konfirmuar marrëdhëniet e mira në mes vendeve tona, por kemi eksploruar edhe mundësitë e bashkëpunimit ekonomik.

Në Kanada kemi hapur përfaqësinë e Republikës së Kosovës dhe jemi pajtuar së bashku me autoritetet e Kanadasë për intensifikimin e bashkëpunimit bilateral.

Në Vatikan kam pasur audiencë private me Atin e Shenjtë, të cilit i konfirmova edhe një herë se Kosova është e pa luhatur në promovimin e vlerave euroatlantike.

E kam ftuar Atin e Shenjtë për vizitë në Kosovë dhe kjo vizitë do të ndodhë në kohën më të përshtatshme.

 

E kemi konfirmimin edhe nga vetë Ati i Shenjtë.

Në Vjenë kam takuar Presidentin e Austrisë, ndërsa në Tiranë tërë lidershipin e Shqipërisë.

Në të gjitha këto forume është theksuar integriteti dhe sovraniteti shtetëror i Kosovës dhe është lavdëruar konsolidimi i shtetësisë sonë në botë.

Por, pjesë e veçantë e të arriturave të këtij viti, për tërë Kosovën është edhe pjesëmarrja në Lojërat Olimpike në Rio.

Falë performancës së shkëlqyer të sportistëve tanë, veçanërisht falë medaljes së artë të Majlinda Kelmendit, janë hapur dyer për takime me krerë shtetesh e qeverish nga e tërë bota që merrnin pjesë në Rio, me të cilët kam biseduar për Kosovën, për vendin tonë të ri, të vogël, por me potenciale të mëdha.

Ishte kënaqësi të takoja diplomatë nga e tërë bota dhe ta shfrytëzoja rastin për të dëshmuar edhe një herë integritetin dhe sovranitetin e Kosovës dhe rolin konstruktiv që po luan vendi ynë në skenën ndërkombëtare.

Isha edhe në Finlandë, në ndeshjen e parë të përfaqësueses sonë në futboll, ku isha dëshmitar i pikës së parë të fituar në garat ndërkombëtare.

Pjesëmarrja në këtë garë u bë e mundur pas pranimit të Kosovës në FIFA dhe UEFA.

Pas gati një çerekshekulli izolim, tash futbollistët dhe talentet tanë në sportet e tjera janë të lirë të zhvillojnë talentet e tyre, të konkurrojnë, të ëndërrojnë dhe të punojnë që ëndrrat e tyre t’i bëjnë realitet.

Si çdo kosovar tjetër, në garat dhe fitoret e sportistëve të Kosovës jam ndier i lumtur dhe krenar me flamurin dhe me himnin tonë.

Janë këta gurët mbi të cilët ndërtojmë dashurinë dhe respektin në shoqërinë tonë, për shtetin tonë.

Të nderuar deputetë,

Kam pasur fatin që të eci së bashku me Kosovën në ndërtimin e historisë, në dekadat më të rëndësishme tonat.

Kemi ditur se çfarë angazhimi kërkon secila epokë, prandaj edhe sot jemi të suksesshëm.

Dikur ishte koha të angazhohemi për barazi dhe liri.

Kemi guxuar të kërkojmë liri edhe kur askush tjetër nuk ka shpresuar dhe besuar.

Kemi qenë të gatshëm që të sakrifikojmë çdo gjë për të arritur këtë liri.

Pas lirisë, guxuam ta ëndërrojmë dhe realizojmë edhe pavarësinë.

Jam krenar që në të gjitha këto procese, të çlirimit të Kosovës, të shpalljes së shtetit të Kosovës, kemi qenë së bashku me ju dhe me të gjithë qytetarët e Kosovës shtylla kryesore të realizimit të këtyre aspiratave.

Por, sikurse atëherë që e kemi ditur se është koha për sakrifica deri në pavarësim, ashtu e dimë edhe sot që është koha për integrim.

Është koha për dialog dhe për pajtim, brenda në Kosovë dhe në rajon.

Për ketë qëllim, gjatë këtyre muajve kam takuar edhe familjarë të viktimave të luftës dhe të të pagjeturve.

Dhemb shumë të shohësh që të gjithë ende vuajmë nga plagët e luftës.

Ndoshta plagët nuk do të mbyllen kurrë, por ne duhet që së paku t’i japim fund agonisë, sidomos për familjet e të pagjeturve.

Duhet të nxjerrim mësime nga kjo e kaluar e hidhur, që të mos lejojmë të përsëriten tmerret që kemi parë me sytë tonë, që kemi përjetuar me zemrat tona.

Nuk do të lejojmë që asnjë fëmijë i Kosovës ta mbushë zemrën me urrejtje e me vuajtje

Qëllimi im, por edhe i juaji, është të punojmë që fëmijëve të Kosovës t’ua mbushim zemrat e mendjet me dashuri për njëri-tjetrin, për vendin e tyre dhe për të ardhmen e tyre.

Gjatë verës dola sërish që të nderoj dhe kujtoj viktimat e luftës dhe t’i inkurajoj organet e drejtësisë dhe pajtimin ndëretnik.

Këtë herë shkova në Grackë të Lipjanit.

Aty vendosa lule tek pllaka përkujtimore në qendër të fshatit që përkujton 14 qytetarë serbë, bujq e punëtorë.

E theksova atje dhe po e them përsëri këtu se ky akt dhe aktet e tjera të dhunës kanë qenë vepra kundër lirisë dhe së ardhmes demokratike të Kosovës, dhe jo vetëm kundër viktimave dhe familjeve të tyre.

Krimi është krim, kundër kujtdo qoftë të jetë bërë apo nga kushdo qoftë që është kryer.

Edhe sot lutem me dhimbje dhe shpreh edhe një herë keqardhje për të gjitha viktimat civile të të gjitha komuniteteve, të vrarë gjatë dhe pas luftës.

Në muajin gusht përkujtova vrasjen e dy dhe plagosjen e katër fëmijëve serbë në fshatin Gorazhdec në afërsi të Pejës, që kishte ndodhur në vitin 2003.

Në qendër të fshatit u ndala me banorët vendas, serbë.

Pas këtyre vizitave, kishte opinione të ndryshme.

E dija se ende ka njerëz të lënduar apo të helmuar nga urrejtja ndërnacionale.

Prandaj këtu menjëherë ftojë të gjithë që të ngrehemi mbi urrejtjen dhe jotolerancën.

Dikush thoshte se është herët për gjëra të tilla, kurse unë vlerësoj se jemi vonë.

Fundja, viktimat ishin produkt i ferrit historik të raporteve serbo-shqiptare dhe atyre rajonale, që kurrë nuk u ushqyen me vullnet mirëkuptimi apo pajtimi, por vetëm me urrejtje dhe armiqësi.

Çuditërisht, sulmet kundër këtyre veprimeve takoheshin dhe bëheshin bashkë në ekstremet e tyre.

U ngritën disa pyetje legjitime: pse po nderoja serbët kur ata na kanë vrarë? Kur në pllakat përkujtimore shkruante në çirilicë: “viktima të terroristëve shqiptarë dhe të agresionit të NATO-s”.

U tha se po cenoheshin vlerat e luftës së popullit të Kosovës për liri.

Po fyheshin dëshmorët dhe lufta e shenjtë e UÇK-së dhe popullit të Kosovës.

Në anën tjetër vazhdonin akuzat e stërvjetëruara tash e dekada kundër shqiptarëve në tërësi.

Në tërë këtë, më i urti ishte reagimi i familjarëve të të vrarëve, shqiptarë e serbë, të cilët edhe një herë patën vetëm një kërkesë, vetëm një dëshirë: “duam të vërtetën”.

Prandaj të sakrifikojmë nga pak të gjithë për të vërtetën.

E vërteta nuk duhet ta pengojë dhe frikësojë askënd.

Isha i vetëdijshëm dhe i bindur se po bëja punën më të mirë për vendin.

E dija se çfarë shkruante në pllakat përkujtimore në alfabetin çirilik.

Nuk pajtohem me tekstin, sepse është paragjykim dhe gënjeshtër.

Por, kjo nuk duhet të na ndalojë t’i nderojmë viktimat.

Me këtë nderim ne nuk cenojmë vlerat e lirisë sonë dhe as luftën e UÇK-së.

Vlerat e lirisë sonë e të luftës së UÇK-së i cenojnë mu ata që i kanë bërë këto krime dhe ata që sot i arsyetojnë këto krime.

Përpjekja për t’i arsyetuar krimet duke thënë se janë bërë në emër të kauzës kombëtare, duhet të jetë arsye për brejtje të ndërgjegjes, sepse po keqpërdoret çështja kombëtare, në dëm të interesit dhe së ardhmes së shtetit të Kosovës.

Ata që i kanë kryer këto veprime, individë apo grupe, kanë fyer e cenuar vlerat e lirisë dhe vetë luftën e UÇK-së.

Ne duhet t’i standardizojmë vlerat çlirimtare dhe të mos e lejojmë askënd që t’i degjenerojë ato.

Gjykata speciale nuk është produkt i vendimeve politike të gabuara.

Nuk duhet të shikohet si ndëshkim, por si avantazh për vendin.

Presioni ndërkombëtar për themelimin e saj ka ardhur si rezultat i përvojës së keqe në mbrojtjen e dëshmitarëve.

 

Unë besoj në Zot dhe vlera morale, ndërgjegje, drejtësi e pajtim, duke mos e akuzuar apo ofenduar askënd për asgjë.

Por, duke i ftuar të gjithë për drejtësi, solidaritet dhe pajtim ndëretnik.

Zonja  e zotërinj,

Këtë vit kemi vendosur marrëdhënie kontraktuale me BE-në dhe kemi nisur dialogun politik me NATO-n.

Janë këto dy pika të përcaktuara si qëllimet tonat dhe për këtë kemi konsensus të plotë politik dhe shoqëror.

Do të dëshironim që udhëtimi ynë drejt NATO-s e BE-së të jetë më i shpejtë.

Por, kjo nuk varet vetëm nga dëshira dhe nga puna jonë.

BE-ja dhe shtetet anëtare të saj sot kanë sfida të mëdha dhe kanë nevojë që t’i rimendojnë raportet në mes tyre dhe pozitën e tyre në vetë Unionin Evropian.

Përgjigjet nuk do jenë as të shpejta, as të lehta.

Kosova më shumë se të gjitha shtetet tjera të Ballkanit Perëndimor është duke vuajtur pasojat e kësaj situate komplekse.

Si pasojë, jemi ende të fundit në rajon në kuadër të procesit të integrimit në BE dhe jemi padrejtësisht të izoluar nga BE-ja në aspektin e lëvizjes pa viza në Zonën Shengen.

Pavarësisht këtij fakti të hidhur, BE-ja që synojmë ne, më shumë se Brukseli apo Komisioni Evropian, se Parlamenti Evropian apo Këshilli i Ministrave, është BE-ja e vlerave për të cilat angazhohemi ne.

Paqja dhe dialogu, bashkëpunimi rajonal dhe marrëdhëniet e mira fqinjësore, toleranca dhe bashkëjetesa në mes etnive e feve, gjithëpërfshirja dhe të drejtat e liritë e njeriut. Këto janë vlerat që ne ia përshkruajmë BE-së, por janë edhe vlerat me të cilat ne dëshirojmë të udhëhiqemi e të bashkëjetojmë.

Jetojmë në një botë më dinamike se kurdoherë më parë, me trende dhe lëvizje përplot me të panjohura.

 

Por, ne kemi arritur t’i identifikojmë aleancat tona strategjike dhe të qëndrueshme.

Jemi përcaktuar për marrëdhënie të veçanta me Shtetet e Bashkuara të Amerikës dhe për bashkëpunim me BE-në deri në anëtarësim të plotë në këtë organizatë.

Jemi përcaktuar për marrëdhënie të mira ndërfqinjësore dhe për bashkëpunim rajonal.

Jemi përcaktuar që idetë ekstremiste e radikale, pa marrë parasysh se nga çfarë ideologjie janë nisur, idetë përjashtuese të komuniteteve e individëve, të mos i pranojmë si parime apo ideologji në shoqërinë tonë.

Kosova është shtëpi e të gjithë qytetarëve të saj, shembull i dialogut dhe pajtimit, tolerancës dhe bashkëjetesës.

Kosova është shembull se si të gjendet fuqia që të tejkalohet e kaluara e hidhur, me lufta e dhimbje, dhe të ndërtohet e ardhmja në paqe e prosperitet.

Kjo është ajo për të cilën kam punuar këtë vit.

Kjo është ajo për të cilën do të punoj edhe katër vitet e ardhshme.

Ju ofrojmë bashkëpunim institucioneve vendore e partnerëve ndërkombëtarë për forcimin dhe zhvillimin e vendit tonë, që të jemi krahë për krahë me botën e qytetëruar.

Këtë e kemi obligim. Këtë presin qytetarët nga ne. Për këtë do të angazhohemi.

Ju faleminderit!

kuvendi-ikosoves

Kuvendi fillon seancë pas mesnatës, po votohet për buxhetin e vitit 2017

Projektligji për buxhetin për vitin 2017 është miratuar me shumicë votash në lexim të parë, të enjten gjatë ditës.

Periskopi.com Lajme

Kuvendi i Kosovës kishte planifikuar të mblidhet në orën 21:00 për të vazhduar seanca që të shqyrtohet leximi i dytë i Projektligjit për Buxhetin e vitit 2017, por kjo nuk ka ndodhur deri pas mesnatës, raporton Periskopi

Kuvendi është mbledhur vetëm pas mesnatës, tashmë e premte, dhe në sallën po votohen amendamentet me radhë e edhe po diskutohen ato. Në sallë janë të pranishëm mbi 70 deputetë./ Periskopi

Dita e BUXHETIT, ka më shumë se një orë që nuk po mblidhen deputetët

KUVENDI

Ky është vendimi i Kuvendit për rastin Dehari

Deputetët e Kuvendit të Kosovës kanë miratuar propozimin e PDK-së për rastin e Astrit Deharit, ku ndër të tjera thuhet se nëse familja kërkon hetim të vdekjes së Astrit Deharit jashtë vendit, atëherë Qeveria e Kosovës, duhet t’ia mundësojë këtë duke hequr edhe shpenzimet.

Periskopi.com Lajme

Në ndërkohë është votuar edhe një projekt-rezolutës të propozuar nga Lëvizja Vetëvendosje, i cili morri më pak vota se sa rekomandimet e PDK-së.

AAK NISMA

AAK e Nisma nuk pranojnë komision të ri për demarkacionin

Aleanca për Ardhmërinë e Kosovës dhe Nisma për Kosovën e kanë quajtur mashtrim të radhës, idenë e kryeministrit të Kosovës që të formohet një komison për të bërë matjen nëse Kosova ka humbur territor nga Demarkacioni me Malin e Zi.

Periskopi.com Lajme

Në komunikatën e dy partive opozitare thuhet se ky propozim tregon papërgjegjësi prej burrështetasit.

“Përpjekja e radhës e Kryeministrit Mustafa për të krijuar një komision gjeodetësh të tij, i cili do ta legjitimonte teorinë e tij se Kosova nuk ka humbur territor duke zbritur kufiri nga Cakorri në Kuqishtë dhe nga Kulla në Savino Vodë, është mashtrim ordiner dhe jo përgjegjësi prej burrështetasi që për qëllim ka ta zgjidh një çështje jetike për vendin në të cilin, ai e bart postin e kryeministrit”, thuhet në reagimin e tyre.

Tutje, AAK e Nisma shprehen se pa shkarkimin e Komisionit Shtetëror nuk mund të bëhet asnjë komision tjetër.

“Nuk mund të behët asnjë komision pa u shkarkuar Komisioni „Meha“. Nëse ai paska vullnet për ta zgjidhur këtë çështje, së pari duhet ta pranojë dështimin e marrëveshjes për kufirin dhe më pastaj të krijojë një komision që ë trajton këtë çështje nga e para, e jo do farë komisionesh që as nuk dihet çka janë, as çfarë kompetencash kanë, por që për detyrë kanë ta legjitimojnë një marrëveshje që është në kundërshtim me terësinë tokësore të Shtetit të Kosovës”, thuhet në reagim.

Kryeministri Isa Mustafa gjatë mbledhjes së Qeverisë, ka thënë se nëse është nevoja do të formojnë një komision për të bërë mbajtën nëse Kosova ka humbur territor, ku ka ftuar edhe opozitën të jenë pjesë e tij.

Naser Osmani / Foto: Kushtrim Ternava

Aktakuzë për keqpërdorim e 5 milionëve, por vendos për buxhetin e shtetit

Deputeti i Kuvendit të Kosovës, Naser Osmani ka një aktakuzë të rëndë, është deputet i LDK’së, por kjo nuk ishte pengese që ai të jetë edhe kryetar i Komisionit për Buxhet dhe Financa në Kuvendin e Kosovës.

Teuta GASHI Lajme

Djaloshi i rrezikshëm i Halil Budakoves – kishte aktruar në filmat e Budakoves – del të jetë po aq i rrezikshëm edhe për partinë e tij, LDK’në.

Ata asnjëherë nuk ia kërkuan dorëheqjen, aq më pak ta shkarkonin nga posti i kryetarit të Komisionit, raporton Periskopi

Ai vet nuk e komenton këtë çështje, flet vetëm për aktakuzën ndaj tij, që e quan drejtësi selektive.

Analistët dhe monitoruesit e Kuvendit vlerësojnë se ai nuk do të duhej të ishte në krye të Komisionit për Buxhet, të paktën për çështje morale, meqë partia në të cilën ishte kandidat, LDK, nuk po ka guximin ta shkarkojë.

Osmani për Periskopi.com thotë se ai akuzohet për votim që ka bërë në vitin 2010 për lirimin nga mbikëqyrja e fabrikës “FAN” në Podujevë.

Ai vlerëson se votimi është e drejtë e garantuar e secilit.

Por, i pyetur se çfarë ndodh kur vërtetohet që dikush voton i ndikuar, ai tha se ndaj tij është bërë drejtësi selektive

Nuk ka pranuar të deklarohet sa i përket dorëheqjes së mundshme nga Komisioni parlamentar për buxhet dhe financa.

Në anën tjetër, monitoruesi i Kuvendit të Kosovës nga Instituti Demokratik i Kosovës (KDI), Albert Krasniqi thotë për Periskopi. com se Osmani do të duhej të jepte dorëheqje për shkaqe morale.

Madje sipas tij, marrëveshja e partive në koalicion PDK-LDK për largimin e ministrave që kanë aktakuzë do të duhej të vlente edhe për kryetarët e Komisioneve Parlamentare.

“Naser Osmani ende nuk është shpallë fajtor, vlen prezumimi i pafajësisë. Kjo do të duhej të ishte çështje e partisë, ata të përcaktoheshin që të mos mbajnë në poste njerëz me aktakuzë. Por për shkaqe morale ish dashtë më dhanë dorëheqje”, thotë Krasniqi.

Edhe analisti Imer Mushkolaj mendon se Osmani do të duhej të jepte dorëheqje.

Mushkolaj për Periskopi.com thotë se partitë politike në koalicion do të duhet t’i pastrojnë institucionet nga njerëz të dyshuar dhe të akuzuar për vepra penale.

“Është demagogji të flasësh për luftimin e krimit e të korrupsionit, si dhe për institucione demokratike, ndërkohë që në to mbajnë poste njerëz të inkriminuar e me aktakuza. Të tillët do të duhej të jepnin dorëheqje ose të shkarkoheshin nga partia, por fatkeqësisht në Kosovë kjo nuk ndodh”, thotë Mushkolaj.

Madje sipas Mushkolajt, brenda LDK-së ekzistojnë struktura dhe individë të ndryshëm, të cilët edhe i mbrojnë të tillët si Osmani.

“Por, LDK do të duhej ta gjente vullnetin për të vepruar në të mirë të ligjit dhe të institucioneve”, thotë ai.

Ndryshe, bashkë me deputetin Naser Osmani të akuzuar janë edhe Bahri Shabani, Shkëlzen Lluka, Naim Avdiu, Melita Ymeraga, Agron Kamberi, Adrian Kelmendi dhe Agim Deshishku.

Përveç Agim Deshishkut, që është blerës i ndërmarrjes “FAN” në Podujevë, të gjithë të akuzuarit e tjerë ishin zyrtarë të Agjencisë Kosovare të Privatizimit në kohën për të cilën akuzohen.

Sipas aktakuzës Naser Osmani e Bahri Shabani ngarkohen se në bashkëkryerje me persona tjerë zyrtarë dhe duke shfrytëzuar detyrën zyrtare në Agjencinë Kosovare të Privatizimit, nuk e kanë përmbushur këtë detyrë duke ia mundësuar përfitimin e kundërligjshëm pasuror vetes ose tjetrit, përkatësisht blerësit të Ndërmarrjes së Re “FAN-Podujevë”, Sh.P.K. të pandehurit Agim Deshishku në vlerën rreth 5.400.000.00 euro.

Blerësi i kësaj fabrike sipas kontratës me AKP-në duhej të bënte investime në të. Osmani e Shabani akuzohen edhe se si anëtarë të Bordit Drejtues të AKP-së kanë vendosur dhe votuar “për” që investimet e bëra jashtë hapësirave të ndërmarrjes të pranohen si investime brenda saj, duke liruar Ndërmarrjen e Re “FAN-Podujevë” nga monitorimi i AKP-së dhe kushtet e Marrëveshjes së Zotimeve.

Me këto veprime prokuroria pretendon se Osmani e Shabani kanë kryer keqpërdorim të pozitës apo autoritetit zyrtar.

Edhe Shkelzen Lluka, Naim Avdiu, Melita Ymeraga, Ardian Kelmendi dhe Agron Kamberi në cilësinë e personave zyrtarë në Agjencinë Kosovare të Privatizimit akuzohen si Osmani e Shabani në lidhje me përfitimin e paligjshëm të vetes ose blerësit të fabrikës “FAN” të Podujevës.

Lluka e Avdiu akuzohen se nuk ndërmorën masa edhe për zbatimin e  kontratës mes AKP-së e blerësit të fabrikës “FAN”.

Melita Ymeraga, Ardian Kelmendi dhe Agron Kamberi ishin përgjegjës për monitorimin e investimeve të blerësit të ndërmarrjes “FAN”, ndërsa ata ngarkohen se “nuk kanë kontrolluar dhe monitoruar investimet e raportuara nga investitori, nuk kanë verifikuar deklarimet për investime, nuk kanë bërë monitorimin fizik të investimeve kapitale, verifikimin e dokumentacionit financiar të investimeve kapitale dhe zotimeve për punësim,”.

Agim Deshishku, blerësi i fabrikës “FAN” akuzohet se mashtroi zyrtarët e AKP-së me paraqitje të rreme ose fshehje të fakteve, duke i shtyrë ata të veprojnë në dëm të pasurisë dhe punëtorëve të kësaj ndërmarrjeje.

Deshishku akuzohet për mashtrim, legalizim i përmbajtjes së rreme dhe shmangie nga tatimi./ Periskopi

kadri_veseli_3

Veseli: Seanca për Astritin do të mbahet më 14 dhjetor

Kryetari i Kuvendit të Kosovës, Kadri Veseli ka thënë se më 14 dhjetor Grupi Parlamentar i PDK-së do të kërkojë seancë të jashtëzakonshme për Astrit Deharin.

Periskopi.com Lajme

Ai ka thënë se duhet të dihet se pse djali i një veprimtari është mbajtur në burg, deri sa tre persona të tjerë kanë qenë jashtë burgut ani pse akuzoheshin për vepër të njëjtë, terrorizëm.

“Më 14 dhjetor PDK-ja do të kërkojë seancë të jashtëzakonshme. Në rend të parë dihet e vërteta ajo që është. Të njëjtën kohë të kërkohet pse sistemi i brishtë i drejtësisë mban një djalë të një veprimtari në burg veç pse ka qenë i ardhur nga Kumanova e tre të tjerë i lë jashtë për të njëjtën aktakuzë”, është shprehur Veseli./Indeksonline/

KUVENDI

Kuvendi shpenzon dy mijë euro për 28 Nëntor, nuk dihet qëllimi (Dokument)

Për nder të festës zyrtare të flamurit, Kuvendi i Kosovës ka vendosur të shpenzoj nga buxheti i shtetit para për të festuar këtë festë.

Periskopi.com Lajme

 

Madje u mor edhe vendimi nga kryeministri i Kosovës, Isa Mustafa, që e hëna të jetë ditë zyrtare pushimi, shkruan Indeksonline.

E për ta pritur këtë festë deputetët e Kuvendit të Kosovës, do të shpenzojnë rreth 2 mijë euro nga buxheti i  shtetit.

Njoftimi bëhet i ditur në faqen zyrtare të tenderëve, në Komisionin Rregullativ të Prokurimit Publik.

Mirëpo, në kontratë nuk është specifikuar se për ç’shërbimesh bëhen fjalë, pasi në përshkrimin e shkurtër të lëndës nuk ipet asnjë detaj nga më i vogli.

“MEGA MEDIUM, NTSH1”, është kompania të cilës i është besuar tenderi, ndërsa duket të ketë qenë e vetmja në garë.

Data e dhënies së kontratës është bërë me 23 të këtij muaji, ndërsa nënshkrimi i saj është bërë me 24 nëntor. /Indeksonline

obiliqi-ndot4

Kuvendi të mërkurën pritet ta miratojë Projektligjin për Obiliqin

Kryetari i Kuvendit të Republikës së Kosovës, Kadri Veseli, priti sot në takim Kryetarin e Komunës së Obiliqit, Xhafer Gashi, me të cilin diskutoi për Projektligjin për Zonën e Rrezikuar mjedisore të Obiliqit dhe rreth tij, njofton kumtesa nga Kuvendi, transmeton Koha.net.

Periskopi.com Lajme

Ky projektligj ishte hartuar nga Kuvendi dhe miratimi i tij pritet të bëhet në seancën e 30 nëntorit.
Veseli dhe Gashi theksuan rëndësinë e madhe që ky projektligj ka për qytetarët e Komunës së Obiliqit, të cilët janë duke pësuar jashtëzakonisht shumë në shëndetin dhe mirëqenien e tyre nga efektet e ndotjes industriale.

Veseli ka thënë se përveç mbrojtjes së ambientit dhe shëndetit të qytetarëve, ligji parasheh edhe një klauzolë, e cila i mundëson Komunës së Obiliqit të përfitojë financiarisht 20 për qind nga vlera e tatueshme si fitim.

KUVENDI

Ja sa deputetë të koalicionit qeverisës nuk do ta votojnë demarkacionin

Përveç opozitës e cila në tërësi nuk e voton marrëveshjen për demarkacion me Malin e Zi, votë kundër kësaj marrëveshje ka edhe në dy partitë më të mëdha në vend.

Periskopi.com Lajme

 

Burime të ‘Indeksonline’, brenda këtyre dy grupeve më të mëdha parlamentare në Kuvend bëjnë më dije se janë se paku 10 deputetë nga dy partitë qe janë shprehur kategorik në kundërshtim të demarkacionit.

Numri më i madh i tyre vijnë nga LDK.

Kreu i kësaj partie, Isa Mustafa, po tregohet i pafuqishëm për t’i bindur disa deputetë të LDK-së  për të votuar demarkacionin.

E në anën tjetër, zyrtar qeveritar kanë deklaruar se do të punojnë me deputetët për t’i siguruar votat e mjaftueshme për të kaluar demarkacionin.

I pari i Ekzekutivit ka paralajmëruar se gjatë muajit dhjetor marrëveshja për demarkacion mund të kthehet sërish në Kuvend, në mënyre qe të zinën afatet për liberalizim të vizave. Ndërkohë nuk dihet, nëse qeveria mund të llogarisë në votat e Listës Serbe për demarkacionin, pasi kjo e fundit tash e gati dy muaj është duke i bojkotuar institucionet e Kosovës.

I kontaktuar nga ‘Indeksonline’, Shpejtim Bulliqi, deputet i LDK-së thotë se deri më tash askush nga partia nuk e ka takuar për të folur për çështjen e demarkacionit.

“Unë e kam dhënë mendimin profesional dhe atë ditë se kur do të vjen demarkacioni në Kuvend do ta them qëndrimin tim politikë, i cili është shumë normal qe nuk dallon nga mëndmi profesional”, ka thënë Bulliqi.

Bulliqi thotë se nuk e dinë se cili është qëndrimi i deputetëve tjerë të LDK-së për demarkacionin.

“Nuk e di situatën si qëndron në grupin parlamentar dhe mund të gabojë në vlerësim, tash presim nëse vjen në Kuvend aty do të merret vesh gjithçka”, ka shtuar ai.

Kundërshtari më i zëshëm i demarkacionit nga radhët e pozitës thotë se kanë pasur biseda kolegiale me deputetë të LDK-së ku është përpjekë të ju jep sqarime për disa pika të interesimit.

Megjithatë ai thotë se mbetet në domenin e tyre si do të votojnë pasi vota është e pavarur.

veseli-e-haliti

Skandaloze: Kadri Veseli krye në veti ia ndan 18 mijë euro Xhavit Halitit

Kryetari i Kuvendit të Kosovës, Kadri Veseli, me vendim personal dhe pa mbështetje ligjore ia ka ndarë 18 mijë euro nga paratë e taksapaguesve bashkë partiakut, njëherësh nënkryetarit të Kuvendit, Xhavit Haliti, raporton gazeta Fjala.

Periskopi.com Lajme

Këto mjete, mësohet se i janë dhënë për trajtim mjekësor jashtë vendit, përkundër faktit se Kuvendi nuk ka një linjë zyrtare buxhetore për raste të tilla të deputetëve.

E vetmja rrugë ligjore është ajo përmes Ministrisë së Shëndetësisë, e cila përkrah qytetarët që nuk kanë mundësi ti mbulojnë shpenzimet për shërim jashtë vendit.

Mirëpo ky nuk del të jetë rasti edhe për nënkryetarin e Kuvendit, i cili në Agjencinë Kundër Korrupsionit ka deklaruar se posedon pasuri të majme.

Haliti ka 110 mijë euro para të gatshme në bankë, 30 mijë euro të hyra vjetore nga Kuvendi dhe është aksionarë në dy kompani private.

foto 2 haliti

E pavarësisht kësaj, kolegët e tij dhe ata që e monitorojnë punën e legjislativit thonë se deputeti Haliti u ndihmua financiarisht, ani pse qindra rasteve tjera të qytetarëve në nevojë presin në listë.

Ndarja e 18 mijë eurove joligjore

Gazeta Fjala ka siguruar një kopje të raportit të fundi të Kuvendit, ku thuhet se shuma prej 18 mijë eurove është futur tek kategoria e subvencioneve, praktikë kjo e pazakontë për Kuvendin dhe e pambështetur ligjërisht.

Aty nuk sqarohet se për çfarë arsye i janë ndarë këto mjete Halitit.

foto 1 haliti

Mirëpo anëtarja e Kryesisë se Kuvendit, Aida Dërguti, për Gazetën Fjala, ka sqaruar se është në dijeni për këtë rast.

Sipas saj, këto para Halitit i janë ndarë për trajtim mjekësor jashtë vendit, megjithatë mohon se ka pasur një vendim të kryesisë për këtë punë.

Vendimi thotë Dërguti është kryekëput i kryetarit të Kuvendit, Kadri Veseli.

“Sipas dokumenteve zyrtare subvencioni për intervenim kirurgjik jashtë shtetit i është ndarë kolegut tonë Xhavit Halitit me vendim të kryetarit Kadri Veseli. Një vendim i tillë nuk është marrë në kryesi”, ka thënë Derguti për Gazetën Fjala.

Aida Derguti ka pranuar se një vendim i tillë nuk ka mbështetje ligjore, porse është bërë edhe në të kaluarën, në raste kur ka pasur nevojë për trajtim mjekësor të ndonjë deputeti.

“Meqë nuk ka mbështetje ligjore ky vendim është futur tek kategoria e subvencioneve”, ka thënë Dërguti.

E vetmja mundësi ligjore për këso rastesh është ajo përmes Ministrisë se Shëndetësisë, ku ekziston linjë e veçantë buxhetore, ku mund të kenë qasje të gjithë qytetarët që kanë nevojë.

Albert Krasniqi nga KDI thotë se as rasti i Halitit apo kujtdo tjetër nuk do të duhej të bëjë përjashtim nga kjo rregull.

“Normalisht një gjë e tillë nuk ish dashtë me ndodh, pasi ka institucione, si Ministria e Shëndetësisë që e ka një buxhet të veçantë për trajtim të pacientëve jashtë vendit nëse këto nevoja nuk mund të mbulohen nga institucionet shëndetësore në vend”, thotë Krasniqi.

Sipas Krasniqit, edhe deputetët, sikur çdo qytetar, duhet t’iu nënshtrohen këtyre rregullave.

Kuvendi fsheh vendimin për Halitin

Gazeta Fjala ka kërkuar një kopje të këtij vendimi, për një javë rresht nga Kuvendi dhe kabineti i krye kuvendarit, por të dyja palët, nuk kanë pranuar ta bëjnë publik.

Ndërkohë të gjitha vendimet që i merr kryetari dhe kryesia e Kuvendit duhet të publikohen në faqen zyrtare të Kuvendit. Aty figurojnë të gjitha vendimet varësisht prej kohë kur janë marrë, por jo edhe ai për Halitin.

Një vendim i tillë për subvencionim nuk përmendet fare as në procesverbalet e Kryesisë së Kuvendit, ndërkohë që aty figurojnë të gjitha vendimet për subvencionet tjera të ndara gjatë gjashtë mujorit të këtij viti.

I kontaktuar disa herë nga Gazeta, sekretari i Kuvendit Ismet Krasniqi, nuk ka pranuar të jap detaje, duke aluduar se kjo është punë e kryesisë.

“Ne e kemi zbatuar vendimin e kryesisë”, ka thënë shkurt për këtë rast, Krasniqi.

Kur Gazeta ka kërkuar një kopje të vendimit, Krasniqi ka thënë se fillimisht do të konsultohet me kabinetin e krye kuvendarit. Por pas kësaj telefoni i tij ka qenë i pa qasshëm.

Gazeta ka kontaktuar edhe Xhavit Halitin. Telefoni i tij personal dhe ai në zyrë ka qenë i pa qasshëm./Gazeta Fjala/

Kryesia e Kuvendit

S’ka seancë për Astrit Deharin se paku edhe një muaj

Kryesia e Kuvendit të Republikës së Kosovës, ka mbajtur sonte mbledhjen e radhës, në të cilën ka vendosur që Kuvendi, më 30 nëntor, në orën 10:00, të mblidhet në seancë të rregullt plenare, si dhe ka përcaktuar rendin e ditës për këtë seancë.

Periskopi.com Lajme

Mbledhja e kryesisë, u mbajt të enjten, në orët e vona, e burime të Periskopit, bëjnë të ditur se kjo është mbajtur me qëllim para se të dilte autopsia e Astrit Deharit, ku do të kërkohej seancë nga Vetëvendosja, ngase ajo që u kërkua, u tërhoqën shumë nënshkrime me arsyetimin se drejtësia nuk e ka dhënë fjalën e fundit.

E si rrallëherë, për të mos thënë kurrë, kryesia cakton seancë, për të martën e 30 nëntorit, që mbahen të enjteve, dhe cakton për dy javë më vonë, që gjithmonë ndodh vetëm dy më së shumti tre ditë para.

Pikat që do diskutohen në seacnë e 30 nëntorit, do të shqyrtohen disa projektligje, raporte vjetore, rekomandime dhe propozim-vendime.

Ndryshe, në mbledhjen e kryesisë, që e shtyu kaq shumë seancën e radhës, nuk morën pjesë Vetëvendosja, e sipas llogarive seancë për Astrit Deharin edhe nëse mblidhen nënshkrimet nuk mund të mbahet edhe së paka një muaj.

Në seancën e 30 nëntorit këto janë në rend dite:

Pas pikave të rregullta, kohës për deklarime jashtë rendit të ditës dhe pyetjeve parlamentare, në seancën e 30 nëntorit Kuvendi do të shqyrtojë për herë të parë shtatë projektligje: Projektligjin për ratifikimin e Marrëveshjes financiare për IPA 2015 ndërmjet Kosovës dhe Bashkimit Evropian, Projektligjin për ndryshimin dhe plotësimin e Kodit të Procedurës penale, Projektligjin për ndryshimin dhe plotësimin e Ligjit për procedurën përmbarimore, Projektligjin për kontrollin e brendshëm të financave publike, Projektligjin për Inspektoratin Shëndetësor,

Projektligjin për ndryshimin dhe plotësimin e Ligjit për lirinë fetare në Kosovë, si dhe Projektligjin për tregtinë me produkte të naftës dhe karburante të ripërtërishme në Kosovë. Nëse kalon procedurat e parapara parlamentare, ndërkaq, në këtë seancë do të shqyrtohet edhe Projektligji për Obiliqin.

Kuvendi do të vazhdojë punën me shqyrtimin e dytë të dy projektligjeve: Projektligjit për performancën energjetike në ndërtesa dhe Projektligjit për akreditim. Më pas, deputetët do ta shqyrtojnë raportin vjetor të Auditimit të Zyrës Kombëtare të Auditimit, si dhe raportin vjetor financiar të Zyrës së Auditorit të Përgjithshëm, për vitin 2015.

Po ashtu, do të shqyrtohet edhe Rekomandimi i Komisionit për Buxhet dhe Financa lidhur me kërkesën e Fondit të Kursimeve Pensionale të Kosovës për miratimin e taksave vjetore për vitin 2017, si dhe dy propozim-vendime: propozim-vendimi i Komisionit për Buxhet dhe Financa për caktimin e pagës së kryesuesit dhe anëtarëve të Bordit të Drejtorëve, të kryesuesit dhe anëtarëve të Komisionit të Auditimit, të Operatorit të Sistemit, Transmisionit dhe Tregut-KOSTT sh.a., si dhe për caktimin e kompensimeve për kryetarin, nënkryetarët dhe anëtarët e Këshillit për Trashëgimi Kulturore. Në fund, pritet shqyrtimi i rekomandimit të Komisionit ad-hoc për zgjedhjen e dy anëtarëve të Bordit të Radio Televizionit të Kosovës.

Në mbledhjen e sotme, Kryesia shqyrtoi nismën legjislative të Projektligjit për plotësimin e Ligjit nr. 04/L-033 për dhomën e posaçme të Gjykatës Supreme të Kosovës për çështjet në lidhje me Agjencinë Kosovare të Privatizimit, e hartuar nga Komisioni për Zhvillim Ekonomik, Infrastrukturë, Tregti dhe Industri, si dhe nismën legjislative të Projektligjit për ndryshimin dhe plotësimin e Ligjit nr. 03/L-163 për Minierat dhe Mineralet, i ndryshuar dhe plotësuar me Ligjin nr. 04/L-158, hartuar nga deputeti Shaip Muja, i mbështetur edhe nga 5 deputetë të tjerë, të cilat iu dërguan qeverisë për mendim.

U miratua, gjithashtu, edhe rekomandimi i Komisionit për Buxhet dhe Financa lidhur me kërkesat buxhetore të Kuvendit të Kosovës për vitin 2017-2019 në bazë të Qarkores së dytë buxhetore të Ministrisë së Financave 2017/02.

Në këtë mbledhje, Kryesia shqyrtoi edhe çështje të tjera nga fushëveprimtaria e saj./ Periskopi

duda-2-e1479396604987-780x439

Deputetja kosovare vjen me poza joshëse (Foto)

Ajo është një prej deputetëve më të bukura të Kosovës.

Periskopi.com Limonada

Bëhet fjalë për Duda Balen, e cila është edhe nënkryetare e Kuvendit të Kosovës.

Së fundi, deputetja prej radhëve të komunitetit boshnjak ka publikuar disa fotografi në llogarinë personale në Facebook, transmeton Telegrafi.

Bale shihet mjaft seksi dhe joshëse me syze teksa bën një fotografi ‘selfie’.

Vlen të theksohet se kjo nuk është hera e parë që ka publikuar poza të tilla, të cilat kanë marrë shumë ‘like’ dhe komplimente deputetja kosovare. /Telegrafi/

duda

duda-2

duda-3

Kuvendi i Kosoves

Ende s’ka filluar seanca e paralajmëruar, mungojnë deputetët

Ende s’ka nisur seanca për votimin në lexim të dytë të Projektligjit për Trepçën.

Periskopi.com Lajme

Ndonëse kreu i Kuvendit të Kosovës, Kadri Veseli, kishte thirrur për në orën 20:30 që të rinisë Seanca në të cilën do të votohej në lexim të dytë Projektligji për Trepçën.

Gazetarët e në Kuvend bëjnë me dije se disa deputetë kanë mbërritur në sallë, por ende jo të gjithë. Madje, u tha që do të mbahet edhe seancë e jashtëzakonshme për arrestimin e Nehat Thaqit.

Komisioni për Zhvillim Ekonomik, Infrastrukturë, Tregti dhe Industri ka pranuar amendamentet nga deputetët dhe Grupet Parlamentare dhe ka shqyrtuar ato.