Kroacia përforcon kufirin e saj me Serbinë (FOTO)

Periskopi.com Lajme

 

Në vazhdën e tensioneve politike mes Serbisë dhe Kroacisë kjo e fundit ka përforcuar kufirin e saj me shtetin serb duke dërguar 1000 ushtarë dhe pajisje dhe armatim të rëndë duke përfshirë edhe tanket  “Panzer” të cilat i ka blerë nga Gjermania, shkruajnë mediat serbe përcjell Indeksonline.

Gjithashtu Kroacia ka në plan të vejë në gatishmëri edhe rezervistët e saj.

Gjatë këtij viti dhe vitit të ardhshëm në katër qytete në Kroaci, Vukovar, Varazhdin, Sinj dhe Pllaka, të paktën dhjetë vjet nuk ishte parë një ushtarë kroatë në uniformë.

Vendimi i ministri i Mbrojtjes Kroate Damir Krsticevic, do të dërgohen forca shtesë inxhinierë, detyra e të cilëve, ndër të tjera që lidhen me Danubin dhe kufirin me Serbinë.

Nga Ministria kroate e Mbrojtjes sqaruan se në vazhdën e ngjarjeve aktuale të zhvendosjes së NATO-s dhe ushtarëve amerikanë në kufijtë e saj lindore me Rusinë dhe arriti në përfundimin se Kroacia ka nevojë për të vendosur ushtrinë në zonat kufitare.

Në Vukovar, në brigada e 204 e ushtrisë kroate është vendosur aktualisht me 80 anëtarë të inxhinierëve dhe qindra trupave të forcave speciale.

 

Reklamë
Reklamë

BE forcon kontrollin kufitar brenda zonës Schengen

Nga e premtja e 7 prillit në kufijtë e BE-së do të aplikohen rregulla të reja të zonës Schengen duke ushtruar një kontroll të imtësishëm mbi pasagjerët për të mbrojtur BE-në nga terrorizmi, raporton Reuters.

Periskopi.com Lajme

 

Shtetasit e vendeve të tjera dhe qytetarët e BE-së do të kontrollohen tërësisht në kufi, e ndërsa rregulli i ri është parashikuar se do të shkaktojë pritje të gjata dhe trauma për udhëtarët.

Shtetet e zonës Schengen kanë filluar të paralajmërojnë qytetarët e tyre për rregullat e reja./Albeu.com/

 

Reklamë
Reklamë

Kapen afër 30 kilogramë heroinë që po hynin në Kosovë nga Mali i Zi

Gjatë kontrollimit të automjeteve që vinin nga Mali i Zi për në Kosovës oficerët doganor së bashku me ata policor kanë arritur të kapin rreth 30 kg lëndë narkotike të llojit heroinë tek një shtetas i Malit të Zi.

Periskopi.com Lajme

Rreth orëve të mesditës së sotme në pikë-kalim ka arritur një automjet me targa të Malit të zi i cili drejtohej nga një shtetas i po këtij vendi. Gjatë pyetjeve fillestare oficerët doganor kanë vërejtur se personi ka frikë dhe e kanë ndalur për kontroll të mëtejmë, raporton periskopi

Oficerët kanë filluar kontrollën me pajisjet e specializuara amerikane ku në pjesët anësore të automjetit ka pasur indikacione se ka diçka të fshehur, në ato momente personi i dyshuar ka tentuar që të futet në veturë dhe të largohet por falë intervenimit të oficerëve doganor dhe policor personi është ndaluar dhe arrestuar.

Vetura është futur për kontrolle detale, ku gjatë kontrollit në pjesën e pasme të veturës -mbrapa dyerve të vozitësit nga ana e majtë gjenden 7 qese të zeza dhe nga ana e djathtë mbrapa dyerve të bashkudhëtarit po ashtu 7 qese të zeza të ngarkuara me substancën e dyshuar narkotike e llojit heroin. Rasti dhe sasia prej rreth 30 kg substancë narkotike i është dorëzuar policisë derisa personi është arrestuar. ./ Periskopi

 

Reklamë
Reklamë

Verifikimi i kufirit Kosovë –Mali i Zi, përmes fotove të dy ekspertëve

Dëshmi të reja, tani me foto, kanë ardhur nga dy kundërshtarët e Marrëveshjes së Demarkacionit të versionit aktual.

Periskopi.com Lajme

Ekspertët Florim Isufi dhe Shpejtim Bulliqi, profesorë në Universitetin e Prishtinës, ndërsa i fundit edhe deputet i LDK-së në Kuvendin e Kosovës, dhe njëkohësisht kundërshtarë të Marrëveshjes së Demarkacionit, në Facebook, kanë publikuar disa foto, të cilat sipas tyre, dëshmojnë një vijë tjetër kufitare nga ajo që është tani ndërmjet Kosovës e Malit të Zi.

Fotot, Isufi dhe Bulliqi i kanë shoqëruar edhe me këtë tekst:

Të dashur miq

Po ndajmë me ju disa çaste përmes fotove me rastin e verifikimit të vijës kufitare mes Kosovës dhe Malit të Zi. Pjesëmarrës në terren edhe strukturat shtetërore vendore dhe ndërkombëtare. Koha e verifikimit është datat 01/04/2008. Kjo ngjarje tregon edhe për kontrollin efektiv deri me këtë datë. Policia malazeze qëndron në veri të vijës kufitare Kulla. Pas demarkimit vija kufitare zbret deri në 5 km në jug nga Kulla.

F.I. & SH.B.

Reklamë
Reklamë

Policia e Kosovës detyron Rakiqin të kaloj kufirin këmbë në Jarinje

Kryetari i Mitrovicës së veriut, Goran Rakiq është detyruar që ta kaloj në këmbë kufirin në Jarinjë, pasi që Policia e Kosovës nuk e ka lejuar shkuarjen me automjet zyrtar në Serbi për shkak të dokumentacionit.

Periskopi.com Lajme

 

Burime të Veriu.info bëjnë të ditur se në ora 05:45 të mëngjesit të sotëm, automjeti zyrtar i Goran Rakiqit dhe dy automjete tjera të komunës së Zveçanit dhe Leposaviqit, nuk janë lejuar ta kalojnë kufirin në Jarinjë.

“Automjeti i kryetarit Rakiq dhe dy automjete zyrtare të Zveçanit dhe Leposaviqit janë ndaluar në pikën kufitare në Jarinjë, pasi që nuk kanë pasur autorizim nga Ministria, siç parashihet me ligj, për të kaluar në një shtet tjetër”, ka thënë burimi i portalit Veriu.info.

Veriu.info mëson se kjo është hera e parë që zyrtarëve të komunave serbe iu kërkohet autorizim i paraparë me ligj, pasi që deri më tash ata nuk e kanë përfillur këtë.

Rakiq së bashku me zyrtarët e tjerë të komunave serbe në veri të Kosovës, sot ka shkuar në Serbi për të takuar drejtorin e zyrës për Kosovën, Marko Gjuriq. /Veriu.info/

Reklamë
Reklamë

Si e ruan Serbia, kufirin me Kosovën (Foto)

Në bazën Vrpce në Medvegjë, në Serbi, kreu i patrullës ushtarake me katër anëtarë jep urdhra të rreptë komandues, pasi katërshja mbushi me municion mitralozin, snajperin dhe dy pushkët automatike. Pastaj, ata zënë pozicionet në vendet e caktuara.

Periskopi.com Lajme

Prita zihet afër pikës kufitare Kapia, në rrugën ndërmjet Kamenicës e Medvegjës. Është ftohtë dhe ushtarët, veç armëve, kanë më vete edhe shumë rroba. Vendbanimet e largëta janë kryesisht të braktisura, natyra malore është pothuaj e paprekur. Asgjë nuk pipëtin.

“Nuk ka migrantë, trafikantë, kriminelë e as provokues nga Kosova. As kalimtari i rëndomtë nuk duket kund. Vargun e mendimeve e ndërpret zemërimi nga ngrirja e gishtërinjve në atletet e thella dhe lëvizjet e pakuptueshme të ushtarit që rri në atë që quhet mbrojtje ku secili shikon secilin dhe në drejtim të caktuar. Për sqarime është më mirë të kthehet në bazë, në kazermë, ku në temperaturën 25 gradë është shumë më këndshëm”, shkruan gazeta e Beogradit “Blic”.

“Ushtarët komunikojnë me sinjalet për të cilat janë marrë vesh më herët. Në rast se ndodh diçka, ata kanë radiolidhjen e shifruar dhe komunikojnë me bazën. Kemi planin shtatë ditor përmes të cilit bëjmë raportet ditore e javore. Në bazat tjera tokësore të sigurisë kemi ndeshur vendkalime ilegale dhe prerje mali, por këtu deri më tash, s’e kemi pasur as problemin më të vogël. Në patrullë shkojmë edhe me KFOR-in”, thotë Vladimir Nikoliç, komandanti, kapiten i brigadës së dytë të ushtrisë tokësore e cila nga 8 tetori e ka marrë bazën Vrpce nga Xhandarmëria.

Pushimi i pasdites ikën shpejt nga zhurma e alarmit shurdhues. Pas pak çastesh ushtarët e armatosur janë në llogore të oborrit në bazë. Fjala është për demonstrim të ushtrimit për mbrojtje të menjëhershme.

“Përpiqemi që ushtarët të reagojnë fill pas sinjalit të alarmit. Me rëndësi është që ushtarët të mos bien në apati. Kjo është pushka me rreze të gjatë 12,7 milimetra e njohur si “shigjeta e zezë”, e ky është granatë hedhësi BGA 30 milimetra”, zbulon Nikoliç duke treguar “pse askush nuk i afrohet kodrës sipër Medvegjës”.

“Kur në tetor Xhandarmëria u tërhoq nga zona tokësore e sigurisë, shumë serbë në jug u frikësuan për çështjen e sigurisë. U shtrua edhe pyetja se kush do t’i legjitimonte shqiptarët nëse ata e thyejnë ligjin. Nëse ka ndonjë telash, ne mund të thërrasim në ndihmë policinë”, thotë eprori Nikoliç, sipas koha.net..

Në afërsi të bazës gjenden shtëpi të braktisura e edhe shkolla e cila punon tri herë në javë dhe në të cilën mësimin e ndjekin vetëm dy djem, Stefan e Lazar nga Banja e Sijarinës.

201701030934371796461483444784 201701030934033201483444781 201701030934112111483444778

Reklamë
Reklamë
kufiri Kosove-Shqiperi

Kosova dhe Shqipëria përshpejtojnë procedurat e transitit në kufi

Rritja e tregtisë me Shqipërinë dhe shfrytëzimi i porteve detare nga bizneset e Kosovës ka ngritur nevojën në marrjen e masave shtesë për përshpejtimin e procedurave të transitit në kufi me Shqipërinë dhe anasjelltas. Lidhur me ketë, Dogana e Kosovës me Doganat shqiptare kanë filluar një projekt të përbashkët i cili është plotësisht funksional.

Periskopi.com Lajme

Ky sistem ju mundëson bizneseve që të hapin një transit në territorin e Shqipërisë apo të Kosovës dhe të mbyllin transitin në vendin tjetër (Kosovë apo Shqipëri) duke shmangur kontrollet e panevojshme kufitare.

Para krijimit të korridorit të përbashkët procedurat e transitit merrnin shumë kohë për t’u përfunduar kurse aktualisht koha për përfundimin e procedurave kufitare është reduktuar shumë dhe merr më pak se 10 minuta. Kjo paraqet një përshpejtim të theksuar të procedurës së kalimit të kufirit dhe uljes së kostos për bizneset e përfshira në këto transaksione, përfshirë dhe kompanitë transportuese.

Investimet e përbashkëta në programe kanë bërë që më datë 19.12.2016, procedura e transitit të përbashkët të automatizohet në tërësi dhe ka filluar ndërlidhja automatike e sistemeve elektronike ndërmjet dy vendeve.

Përveç fushës së transitit, bashkëpunimi me Doganën e Shqipërisë edhe në fushat tjera është i rregullt dhe në vazhdimësi këmbehen informacione dhe trajtohen çështje me interes për të dyja administratat./ Periskopi

Reklamë
Reklamë

Egjipti rihap kufirin me Rripin e Gazës për tre ditë

Autoritetet e Egjiptit vendosën të shtunën për rihapjen e kalimit kufitar Rafah për tre ditë me Rripin e Gazës, i cili është nën bllokadën izraelite.

Periskopi.com Lajme

“Terminali u rihap dhe ashtu do të jetë tre ditë me radhë”, thanë zyrtarët e kufirit në Gaza, raporton AA

Sipas njoftimit, studentëve, të sëmurëve dhe palestinezëve me shtetësi të huaj do t’u lejohet kalimi i kufirit në periudhë prej tre ditësh.

Siç raporton nga vendi i ngjarjes raportuesi i AA në kalimin kufitar nga ana palestineze në orët e mëngjesit të shtunën u tubuan një numër i madh i njerëzve të cilët donin ta kalojnë kufirin.

 

 

Reklamë
Reklamë

Kthehen mbrapsht kosovarët që nuk kanë autorizimet e veturave në serbisht

Policia e Serbisë po kthen qytetarët e Kosovës të cilët me vetura po mësyjnë shtetin fqinjë e që nuk kanë autorizimet për ngasjen e veturave të përkthyera në gjuhën serbe. Noterët po detyrohen që shqiptarëve që synojnë të shkojnë në Serbi t'iu shkruajnë autorizimet edhe në serbisht

Periskopi.com Lajme

Ai ka bërë 75 kilometra deri në pikën kufitare të Depcës.

Por, ndonëse kishte të gjitha dokumentet e nevojshme për të kaluar me veturën e të vëllait të tij në Serbi, Flamur Ejupi nuk ka arritur të kalojë kufirin me veturë.

Autorizimin që kishte marrë tek një noter në Prishtinë për të ngarë veturën që kishte në emrin e vëllait e kishte vetëm në gjuhën shqipe, që nuk është pranuar nga policët kufitarë, shkruan sot Gazeta “Zëri”.

“E kalova kufirin e Kosovës mirëpo sapo arrita në anën serbe më urdhëruan se duhet të kthehem apo të kaloj pa veturë, pasi autorizimin e kisha vetëm në gjuhën shqipe. Vetura është e regjistruar në emrin e vëllait tim dhe për ta ishte e papranueshme që ishte vetëm në gjuhën shqipe”, thotë Ejupi.

Dy orë në kufi “sherri” i autorizimit shqip

Ai ka thënë se ka pritur rreth dy orë në kufi mes Kosovës dhe Serbisë, derisa një familjar i bashkëshortes së tij ka shkuar nga Presheva për ta marrë me veturë të regjistruar në Serbi.

“Një person tjetër u kthye mbrapsht pasi edhe ai kishte të njëjtin problem”, tregon burri rreth 40 vjeç.

Ai ka thënë se vendi ku kanë pritur ishte shumë i bezdisshëm.

“Dy orë aty me fëmijë. Ata nuk rrinin. Kur dilnin nga vetura ishte shumë ftohtë”, thotë Ejupi për “Zërin”.

Sipas tij, gjithë këto lojëra po bëhen nga ana e Serbisë, pasi pala kosovare nuk është treguar syçelë për të siguruar materiale të nevojshme siç është letërngjitësi që do të mundësonte respektimin e Marrëveshjes për qarkullimin e lirë për dy palët.

Reklamë
Reklamë

Haradinaj thotë se njoftimi i MPJ-së “mos udhëtoni në Serbi”, është humor i zi

Njoftimi i MPJ-së lidhur me arrestimet në Serbi ku kërkohet që shtetasit e Kosovës të shmangin kalimin në territorin e Serbisë, deputeti i AAK-së Daut Haradinaj i ka cilësuar si “humor i zi”.

Periskopi.com Lajme

Ai në Rubikon të KTV-së ka thënë se të gjithë ata të cilët gjenden në listën e veteranëve të luftës shihen si terroristë nga Serbia dhe si të tillë do të arrestohen në momentin e parë që gjenden në territorin e tyre.

“Humor i zi, kurrgjë ma shumë nuk është. Serbia nuk e konsideron Kosovën shtet dhe jo vetëm në Interpol, për secilin qytetar që e shohin si të dyshimtë. Bëj thirrje publike, të gjithë ata që gjenden në listat e veteranëve të luftës, ata nuk e gëzojnë lëvizjen e lirë pasi Serbia i sheh si terroristë, ke kryer apo jo vepër, për mua është çlirimtarë, për atë është terrorist”, ka thënë Haradinaj.

“Institucionet e Kosovës duhet me kërku pezullimin e këtyre listave të paktën në zonën Schengen”, shtoi tutje Haradinaj.

Reklamë
Reklamë

Tahiri vendos gurëthemelin e kufirit me Serbinë, në fshatin që nuk ka rrymë

Dje është vënë gurthemeli për pikëkalimin e ri kufitar në Kapinë e Sfircës, që është rezultat i dialogut të Brukselit dhe Marrëveshjes së arritur në Bruksel, më 21 maj 2015.

Periskopi.com Lajme

Ministrja për Dialog, Edita Tahiri, e cila vuri gurthemelin e pikës së re kufitare mes dy shteteve, Kosovës dhe Serbisë, te Kapia e Sfircës, tha se është shumë e gëzuar që u arrit ky sukses, sepse kjo pikë e re kufitare do të afroj më shumë shqiptarët e Luginës së Preshevës me Kosovën, por dhe gjithë qytetarët dhe komunitetet këndej dhe andej kufirit, raporton Periskopi

“Në emër të Qeverisë së Republikës së Kosovës së pari ju uroj këtë ditë të rëndësishme për të gjithë Kosovën, gjithë qytetarët dhe komunitetet, veçmas për shqiptarët e Luginës së Preshevës. Qeveria jonë ndihet krenare me këtë arritje që është në dobi jo vetëm për lëvizjen më të lirë të qytetarëve, por edhe për zhvillimin ekonomik dhe social të këtyre zonave kufitare, sidomos për Kamenicën që nuk është më një zorrë qorre dhe për Medvegjën dhe shqiptarët e Luginës së Preshevës që kanë nevojë për zhvillim dhe prosperitet”, tha ministrja Tahiri.

Ajo tha se kjo ngjarje shënon zbatimin e marrëveshjes së Brukselit të IBM për pikën e re kufitare, të arritur në Bruksel midis Kosovës dhe Serbisë dhe e cila po zbatohet nga të dyja shtetet. Ajo theksoi se zbatimi i marrëveshjeve i jep suksesin e pritur dialogut të Brukselit dhe kontribuon në normalizimin e marrëdhënieve fqinjësore mes dy shteteve.

“Kjo pike e re kufitare te Kapia e Sfircës në bazë të analizave të bëra nga institucionet tona do të shkurtoj rrugën mes Kamenicës dhe Medvegjës për reth 80 km, pra në vend të dy orë udhëtimi, tani më qytetarët do të udhëtojnë vetëm një orë për të mbërritur në Kosovë dhe anasjelltas. Shpresoj se kjo do të nxisë më shumë bashkëpunim, lidhje më të fuqishme mes shqiptarëve dhe do të nxis shqiptarët e Medvegjës të kthehen në vendlindje. Dëshiroj t’ju bëjë me dije se për të arritur këtë marrëveshje nuk ka qenë fare e lehtë, por ia dolëm falë këmbëngulësisë së palës tonë por me këtë rast vlerësoj kontributin e të dyja udhëheqjeve komunale, të Kamenicës dhe Medvegjës me të cilat jam takuar disa herë për këtë qëllim dhe të cilët kanë qenë po ashtu mjaft këmbëngulës”, tha ministrja Tahiri.

Po ashtu, ajo vlerësoj lartë angazhimin e Policisë së Kosovës dhe Ministrisë së Punëve të Brendshme si dhe tërë Grupit punues për Marrëveshjen e Brukselit për pikë kalimin në Kapinë e Sfircës, Shaban Guda drejtor i policisë kufitare, Dren Zeka, koordinator i Grupit punues, Bekim Mehmetaj, drejtor i IBM në Doganën e Kosovës, Driton Gashi, sekretar i përgjithshëm i MPB, Arben Çitaku sekretar i përgjithshëm, MMPH,  Qemajl Marmullakaj antarë i Grupit punues.

Ceremonia e vënies së gurthemelit të pikës kufitare te Kapia e Sfircës ishte organizuar nga Komuna e Kamenicës dhe në të morën pjesë edhe Begzad Sinani, Kryetar i Komunës së Kamenicës, Fatmir Matoshi, zv.Kryetar i komunës së Kamenicës, Dren Zeka, koordinator i Grupit punues qeveritar për Marrveshjen e IBM, Fahri Gashi  u.d. drejtor i doganeve, Shaban Guda, drejtor i Policisë Kufitare, Bekim Mehmetaj, drejtor i IBM në Doganën e Kosovës si dhe këshilltarët politikë të ministres Tahiri, Elona Cecelia dhe Ramize Sejdiu. Nga komuna e Medvegjës e Bujanovcit ishin prezent Shaip Kamberi, Kryetar i Komunës së Bujanovcit dhe Leme Xhema, nënkryetare e komunës së Medvegjës si dhe qytetar të shumtë të dy komunave.

Ministrja Tahiri po ashtu vizitoi edhe fshatin Sfircë me ç’rast u takua me banorët e fshatit të cilëve ua dha lajmin e mirë që së shpejti do kenë funrizim me rrymë pas shumë vitesh.

Ministrja me këtë rast deklaroi: “Nga mediat e kam kuptuar se fshati Sfircë në një pjesë të saj nuk ka rrymë elektrike. Më ka prekur lajmi dhe kam ndërmarrë një iniciativë humanitare që së bashku me KEDS-in ta zgjidhim këtë problem, t’i japim dritë Sfircës. Falënderoj KEDS-in për gatishmërinë dhe shumë shpejtë do të keni energji eklektike dhe drita. Ky fshat ka dhënë kontribut për lirinë dhe pavarësinë e Kosovës, dhe këtë e dëshmon kontributi dhe sakrifica edhe e heroit Nuhi Berisha dhe respekti dhe nderimi për të do të jetë i përhershëm”.

Ajo vizitoi shtëpinë ku ka lindur Nuhi Berisha dhe u shpreh e bindur se kjo shtëpi do të jetë një muze i luftës sonë, për të cilën Kuvendi i Kosovës ka iniciuar procedurat./ Periskopi

Reklamë
Reklamë