Havolli e mohon se do jetë kandidat i LDK-së për kryetar të Prishtinës

Sokol Havolli, shefi i Kabinetit të Kryeministrit, ka mohuar se do të kandidojë për kryetar të komunës së Prishtinës.

Periskopi.com Lajme

Ai këtë e ka bërë të ditur në llogarinë e tij në Facebook, në një diskutim që ka pasur me njërin nga ndjekësit e tij në këtë rrjet social, shkruan Indeksonline.

“Nuk ka kurrfarë kandidature. Veç se duhet të gjithë ta dijnë se çka është duke ndodhur në Prishtinë”, ka shkruar Havolli. Deklarimi i Havollit se nuk do të kandidonte për Prishtinën, erdhi pas paralajmërimit të Fatmir Ademajt, anëtar i Kryesisë së LDK-së në Malishevë.

Ky i fundit i kishte shkruar Havollit se “me ardhjen tënde kryetar Prishtina do frumoj fryma e Ligjit”. Kujtojmë se i tërë diskutimi erdhi pas reagimit të Havollit për udhëheqjen e komunës së Prishtinës, për shkak të punësimit të aktivistëve të Lëvizjes Vetëvendosje në komunë.

16216048-1166192943496014-1292713004-n

Kryetari i Strugës paralajmëron dorëheqje

Këtë vendim ai e ka marrë pasi ka fituar besimin e qytetarëve shqiptarë në këtë shtet për t’i përfaqësuar në nivelin qendror

Periskopi.com Lajme

Njeriu që i priu Aleancës për Shqiptarët në zgjedhjet e jashtëzakonshme parlamentare në Maqedoni, Ziadin Sela, ka premtuar dorëheqje nga posti i kryetarit të Strugës. Këtë vendim ai e ka marrë pasi ka fituar besimin e qytetarëve shqiptarë në këtë shtet për t’i përfaqësuar në nivelin qendror.

Sela, në një deklaratë dhënë për mediet lokale në Shkup, ka theksuar se nuk e përjashton mundësinë që të kandidoje në pranverë për kryetar komune.

“Askush nuk duhet që të jetë në funksione publike ashtu si kryetari i komunës më shumë se dy mandate, dhe kjo për mua është mandati i parë. A do të jam kandidat…Ne kemi një parti politike e cila do të vendos për këtë. Nëse vlerësojmë se duhet që përsëri të jam kryetar komune, kjo gjë do të bëhet”, deklaroi Sela, i cili kishte fituar bindshëm në zgjedhjet lokale, duke i mundur të gjitha partitë maqedonase.

Sela paralajmëron dorëheqje nga kryetari i Strugës

 

Shuhret Fazlliç

Ky është kryetari i komunës që ia uli pagën vetes, i vinte turp për pagën e lartë që kishte

Ndodh rrallë që politikanët të ulin me dëshirën e tyre pagën, por një politikan në rajonin e Ballkanit është ndryshe nga të tjerë.

Periskopi.com Uncategorized

Bëhet fjalë për kryetarin e Bashkisë së qytetit Bihac në Bosnjë dhe Hercegovinë, i cili ka vendosur që të ulë pagën e tij.

Kryebashkiaku Shuhret Fazlliç ka miratuar ndryshimin e pagës së tij, sigurisht me ulje, ndryshe ngase ndodh zakonisht, shkruan syri.net.

Këshilltarët bashkiakë kanë vendosur që të rrisin pagat për punonjësit e organeve administrative të qytetit dhe kryebashkiaku ka kontribuar për këtë.

Paga e tij është reduktuar me 40 për qind, duke hequr nga portofoli i tij rreth tre paga mesatare neto në Federatën Boshnjake.

Nga 4500 KM (rreth 2500 euro), në 2.500 KM (rreth 1300 euro).

“Më vjen turp që të kem të ardhura të tilla të mëdha në kohët e sotme. Ky është një mesash që të gjithë ne duhet të ndryshojmë qëndrim për sa i përket fondeve publike. Duhet të shpenzojmë në mënyrë modeste. Kjo është mënyra e vetme për të jetuar më mirë në qytetin tonë”, tha kryebashkiaku.

b_160916053 suhret_fazlic_kandidat_za_gradonacelnika_bihaca uhret-fazllic

PDK-së po i ngushtohet rrethi në Drenas, i kërcënon anëtari nga brenda

Kryesuesi i Kuvendit Komunal të Drenasit, Naim Bazaj, edhe një herë ka konfirmuar se do të kandidojë për të marrë drejtimin e kësaj komune. Në rast se nuk e kandidon partia e tij, PDK-ja, thotë se garës do t’i hyjë si kandidat i pavarur.

Periskopi.com Lajme

Naim Bazaj është duke pritur një përgjigje nga kryetari i PDK-së Kadri Veseli, për t’i hyrë edhe zyrtarisht garës për të parin e Drenasit, pas dorëheqjes së ish-kryetarit Nexhat Demaku.

Edhe pse ndërkohë fushatën për vete e ka nisur, ende pa u shpallur nga Presidenti i vendit data e zgjedhjeve të jashtëzakonshme për kryetarë të kësaj komune.

Duke folur për Gazetën Express, Naim Bazaj tha se edhe në rast e Partia Demokratike e Kosovës nuk e përzgjedh atë si përfaqësues të saj në garën zgjedhore, ai do të synojë postin e kryetarit të Drenasit, si kandidat i pavarur.

Madje, është i bindur për fitore. Thotë se mos kandidimi i tij do ta dobësojë edhe PDK-në, që për 17 vite rresht drejton këtë komunë.

“Mu më kanë nominu elektorati në Drenas, bashkia më e madhe e jona, që i ka 5800 votues janë zotuar se nuk lëshojnë pe dhe do të më mbështesin pa marrë parasysh a do të jem kandidat i PDK-së, apo jo. Nëse nuk jam, i pavarur do të dal, dhe fitoren e kam bindëse”, i tha Bazaj, të mërkurën.

“Kam marrë nënshkrimet e këshillit drejtues, kryesisë dhe drejtuesve të nëndegëve, të cilat personalisht ja kamë dërgu kryetarit Kadri Veselit”, tregoi Bazaj.

Ky prononcim erdhi pasi mediat raportuan, po të mërkurën, se PDK-ja në zgjedhjet e jashtëzakonshme në Drenas do ta kandidojë ambasadorin e Kosovës në Shqipëri, Ramiz Lladorvci. Megjithatë, edhe në rast se kjo ndodh Bazaj sërish tregohet i bindur se do të jetë ai i pari i komunës në të cilën aktualisht drejton asamblenë komunale të saj.

“Le ta qesin kanë të dojnë, por unë jau urojë humbjen e madhe, definitivisht. PDK nëse fillon me këto përçarje atëherë as 20% nuk do ti merr. As për balotazh”, i tha gazetës Naim Bazaj.

Ndryshe, kandidimin e ambasadorit Lladrovci se kanë konfirmuar ende as PDK-ja. Madje, Nënkryetari i parë i PDK-së, Basri Musmurati, ka thënë e ende nuk ka asgjë për këtë çështje.