Dokumentari që tregon për krimet serbe në Kosovë (Video)

Provat tregojnë rolin e Ushtrisë Jugosllave në vrasjet masive të civilëve shqiptarë në Izbicë, Qirez, Savarinë, Rezallë dhe fshatra të tjerë në rajonin e Drenicës.

Periskopi.com Lajme

Në Beograd, Qendra për të Drejtën Humanitare ka publikuar një dokumentar që akuzon kreun e ushtrisë serbe, Lubisha Dikoviq për përfshirje në krime të luftës në Kosovë, si dhe në operacionet për fshehjen e trupave.

Dokumentari është shfaqur në KTV, televizion ky i autorizuar për ta transmetuar në shqip.

Sipas këtij dokumentari rreth 1,400 civilë u vranë në vitin 1999 në zonën e Kosovës, e cila ishte nën kontrollin e Brigadës 37 të Ushtrisë Popullore Jugosllave, që drejtohej nga Dikoviq.

Ky dokumentar është titulluar “Gjenerali Dikoviq dhe Brigada e 37-të e Kosovës” dhe bazohet në dëshmitë e viktimave dhe dokumentet nga Gjykata Penale Ndërkombëtare për ish-Jugosllavinë, por gjithashtu në hulumtimet e kryera nga HLC-ja gjatë punës e saj për dy dosjet “Lubisha Dikoviq” dhe “Rudnica”, që u publikuan në vitin 2012 dhe 2015. Ky dokumentar zgjat 23 minuta.

Provat tregojnë rolin e Ushtrisë Jugosllave në vrasjet masive të civilëve shqiptarë në Izbicë, Qirez, Savarinë, Rezallë dhe fshatra të tjerë në rajonin e Drenicës. Disa nga eshtrat e një sërë viktimave u zbuluan më vonë në varre masive në Serbi.

47 trupa viktimash u gjetën në vitin 2014 në një varr masiv në guroren e Rudnicës, pranë qytetit të Rashkës në Serbinë Veriore. Brigada e 37-të ishte përgjegjëse për largimin e trupave nga fshatrat Rezallë, Staro Cikitovo, Donji Zabelj dhe Gladno Selo në një tentativë për të mbuluar krimin.

Krimet e kryera nga Brigada e 37-të u trajtuan pjesërisht gjatë gjyqit të ish-presidentit serb Milan Milutinoviq dhe ato të zyrtarëve të tjerë të lartë në Gjykatën e Hagës, por askush nga brigada nuk u ndoq kurrë penalisht.

 

Një muaj paraburgim për të dyshuarin për krime lufte në Kosovë

Një rom, shtetas i Serbisë, me iniciale S. B., akuzohet për krime lufte në Kosovë dhe i është caktuar masa e paraburgimit prej një muaji. Ai ishte arrestuar në Bosnjë e Hercegovinë

Periskopi.com Lajme

Gjykata Themelore në Prishtinë i ka caktuar paraburgim prej një muaji, një romi, shtetas i Serbisë, i cili akuzohet për krime gjatë luftës në Kosovës më 1998-1999, raporton albinfo.ch.

Ai u arrestua në Bosnjë Hercegovinë dhe u ekstradua në Kosovë, me kërkesë të palës kosovare.

Ai ishte pjesë e një grupi paraushtarak dhe në mars të vitit 1999 kishin torturuar shqiptarët në Fushë Kosovë, afër Prishtinës. Ata i kishin ndarë burrat nga gratë, kurse më pas një shqiptar është gjetur i vdekur.

Gjykata ka caktuar masën e paraburgimit ndaj të pandehurit S. B., sepse ekziston rreziku i lartë i arratisjes së të pandehurit, pasi që i njëjti i është shmangur drejtësisë dhe juridiksionit të Kosovës për katër vitet e fundit.

Rreth 10 mijë njerëz kanë vdekur në luftën në Kosovë, derisa 1700 janë zhdukur. Kosova shpalli Pavarësinë më 2008.

 

Një muaj paraburgim për të dyshuarin për krime lufte në Kosovë

S’ka prokurorë për t’u zbardhur krimet që kërkon Presidenti

Krimet e kryera gjatë dhe pas luftës në Kosovë duhet të presin ende për t’u zbardhur.

Periskopi.com Lajme

Më 9 prokurorë sa ka gjithsej, Prokuroria Speciale e Kosovës nuk ka kapacitet që të hetojë këto krime, pavarësisht se presidenti i vendit, Hashim Thaçi, ka kërkuar një gjë të tillë.

Sipas Ehad Miftarit, nga Instituti Kosovar i Drejtësisë, një kërkesë e tillë e shefit të shtetit mund të interpretohet edhe si ndërhyrje në sistemin e drejtësisë.

Ai ka thënë se për shumë vite, liderët e shtetit kanë injoruar organet e drejtësisë dhe një kërkesë e tillë nga Presidenti Thaçi nuk mund të jetë e sinqertë, raporton KTV

Pas marrjes së letrave të dërguara nga Presidenti, i menjëhershëm ka qenë reagimi i kryeprokurorit Aleksandër Lumezi, duke thënë se këto letra “janë prioritet i Prokurorisë”.

Gjatë ditës, Lumezi ka mbajtur takim me të gjithë kryeprokurorët, edhe të Prokurorisë Speciale edhe asaj Themelore, si dhe departamenteve të krimeve të rënda.

E zyrtarë të LDK-së që kishin akuzuar PDK-në dhe SHIK-un për vrasjet e ashtuquajtura politike, kanë heshtur.

Këtë vit janë mbyllur 90 lokacione të lojërave të fatit në Kosovë

Policia e Krimeve Ekonomike dhe Dogana e Kosovës ka ndëshkuar subjekte të lojërave të fatit për shkak të shkeljeve ligjore.

Periskopi.com Lajme

Kjo ka ndodhur në Komunën e Prishtinës dhe Podujevës.

Gjatë aksionit inspektorët tatimor, kanë hasur në subjekte që ushtrojnë aktivitete, në kundërshtim me Ligjin Nr. 04/L-080 për Lojërat e Fatit, dhe si rezultat, janë konstatuar shkelje ligjore si:

  • Zhvillimi i veprimtarisë së basteve sportive- lojëra, të ndaluara sipas ligjit për Lojërat e Fatit , si (keno dhe gara me qen).
  • Identifikimi i tiketave, të cilat nuk kanë poseduar  identifikim të kompanisë – organizuesit të lojës së fatit.
  • Përdorimi i aparateve të basteve sportive të pa licencuara.

Masat e ndërmarra gjatë këtij aktiviteti, janë sekuestrimi i aparateve të basteve sportive të pa licencuara, gjobitja e subjekteve për parregullsitë e konstatuara, si dhe ndëshkime tjera administrative të parapara me Ligjin për Lojërat e Fatit.

Në nëntëmujorin e këtij vitit Drejtoria e Lojërave të Fatit ka zhvilluar 711 vizita, nga të cilat janë mbyllur 90 lokacione. Gjobat e lëshuara për këtë periudha, tek subjektet të cilat kanë vepruar në kundërshtim me ligjin, janë në vlerë prej 360,250 euro./ Periskopi