Zyra e BE-së detyron Isa Mustafën që të publikojë financat e LDK-së

Kërkesa e Isa Mustafës drejtuar KQZ-së për të publikuar raportet vjetore dhe të shpenzimeve të LDK-së, vije vetëm pas kërkesës së drejtpërdrejt të përfaqësues së BE-së në Kosovë Nataliya Apostolova.

Periskopi.com Lajme

Një kërkesë të tillë Felix Rathje, përfaqësuese e Zyrës së BE-së e ka parashtruar pa disa ditësh edhe në Zyrën për Regjistrimin e Partive Politike të KQZ-së.

Se kërkesa e Isa Mustafës erdhi pas presionit të Zyrës së BE-së, mësohet edhe nga burime në KQZ, ku para disa ditësh, Felix Rathje, kishte vizituar Zyrën për Regjistrimin e Partive Politike dhe kishte kërkuar që nëse partitë politike nuk i publikojnë raportet e shpenzimeve, atëherë një gjë të tillë ta bëjë vet KQZ-ja.

Në bazë të ligjit për financimin e subjekteve politike përcaktohet se KQZ-ja duhet ti publikoj të gjitha raportet vjetore financiare së bashku me deklaratën e auditimit të subjekteve politike në faqen zyrtare të saj.

Duke qenë se auditimi i këtyre raporteve nuk ka ndodhur asnjëherë që nga viti 2013, KQZ-ja nuk i ka publikuar këto raporte.

Ligji po ashtu thekson se Subjektet politike duhet të publikojnë dhe të mbajnë të publikuar së paku një (1) vit në faqet e tyre zyrtare Raportin Vjetor Financiar të vitit paraprak dhe Raportin e Deklarimit Financiar të Fushatës së zgjedhjeve paraprake.

Një gjë të tillë e kishte bërë vetëm Lëvizja Vetëvendosje. Madje dy partitë politike, LDK e PDK nuk kanë fare as uebfaqe funksionale./ Periskopi

KQZ shpalli rezultatet përfundimtare për kryetar të Drenasit

KQZ-ja shpalli sot rezultatet përfundimtare të raundit të dytë të zgjedhjeve të jashtëzakonshme për kryetar të Komunës së Drenasit (Gllogocit).

Periskopi.com Lajme

Në mbledhjen që mbajti sot nën kryesinë e Valdete Daka, Komisioni Qendror i Zgjedhjeve miratoi dhe shpalli rezultatet përfundimtare, pasi Paneli Zgjedhor për Ankesa dhe Parashtresa ka njoftuar se nuk ka pasur asnjë ankesë që mund të ndikojë në këto rezultate.

Rezultatet Përfundimtare janë si në vijim:

Demokracia në Veprim reagon ndaj KQZ-së

Pas vendimit të marrë nga Komisioni Qendror i Zgjedhjeve, për caktimin e raundit të dytë të zgjedhjeve që do të mbahet me 18 dhjetor, ndryshe nga 1 janari siç ishte planifikuar në fillim, ka reaguar Demokracia në Veprim

Periskopi.com Lajme

Në reagimin e tyre, thuhet se vendimi është marrë në ora 15:30, ende pa përfunduar afati prej 24 orësh nga data e mbajtjës së zgjedhjeve, pa u dorëzuar ankesat dhe pa u bërë certifikimi i rezultateve zgjedhore, shkruan Gazeta Fjala.

“Vendimi i KQZ-së është marrë në ora 15:30 pa përfunduar afati prej 24 orësh nga data e mbajtjes së zgjedhjeve për të dorëzuar ankesat, pa u numëruar fletëvotimet me kusht, dhe për më tepër pa u bërë certifikimi i rezultateve zgjedhore. KQZ nuk ka marrë parasysh që PZAP mund të urdhëroj KQZ-në të rinumëroj apo të përsërisë votimin në ndonjë Qendër të votimit në rast se konstatohen parregullsi”, thuhet në reagim.

Ndërsa me këtë vendim sipas DNVsë, KQZ ka rënë në kundërshtim me ligjin.

“Për më tepër, vendimi për caktimin e datës për raundin e dytë të zgjedhjeve është bërë në kundërshtim me nenin 9.6 të Ligjit Nr. 03/L-072 për Zgjedhjet Lokale që përcakton se Raundi i dytë i zgjedhjeve mbahet ditën e diele katër (4) javë pas raundit të parë, duke shkurtuar kështu në mënyrë të kundërligjshme afatin për raundin e dytë. Përkundër që Neni 4.4 i Ligjit për Zgjedhjet Lokale parasheh mundësinë e ndryshimit të afateve kohore në rast se kjo nevojitet për shkak të rrethanave të jashtëzakonshme, ne pretendojmë që ky Nen ka të bëjë vetëm me qeverisjen e zgjedhjeve dhe jo me caktimin e afateve të cilat janë qartë të përcaktuara në nenin 9.6 të këtij ligji” /Gazeta Fjala/

Paditet KQZ-ja për ndryshime mandatesh të këshilltarëve të Prishtinës

Nëntë këshilltarë të Kuvendit Komunal të Prishtinës kanë hequr dorë nga postet, duke ua lëshuar vendin personave të tjerë bashkëpartiakë, brenda mandatit të fundit të kësaj përbërjeje të kuvendit, që ka nisur para 3 vjetësh.

Periskopi.com Lajme

 

Por, ndryshimi i fundit ka çuar para Prokurorisë Komisionin Qendror Zgjedhor, si organin që ka pranuar dhe i ka bërë të ligjshme këto ndryshime, shkruan sot “Koha Ditore”.

Nga LDK-ja janë ndërruar 4 herë anëtarët e KK-së së kryeqytetit, duke u zëvendësuar me të tjerë, dy herë janë ndërruar anëtarët e partisë që drejton Prishtinën lëvizjen Vetëvendosje, dy herë janë ndërruar edhe anëtarët e partisë tjetër të madhe opozitare-PDK si edhe është ndërruar edhe një anëtar i AKR-së, duke u zëvendësuar me një tjetër anëtar të kësaj partie.

Megjithatë, ndryshimi i fundit i bërë në KK, do ta dërgojë KQZ-në para organeve të drejtësisë, për shkak se VV-ja ka bërë padi, duke e quajtur të paligjshëm pranimin e ndërrimit të Lirjeta Rexhepit me Egzona Podvoricën. Ndërsa, ka pasur kritika se po u bëhet vendi anëtarëve të partive sipas dëshirës.

KQZ-ja bën thirrje për votim në Drenas

Komisioni Qendror i Zgjedhjeve ka bërë të ditur se është shpërndarë sipas planifikimeve i gjithë materiali sensitiv nëpër të gjitha Qendrat e Votimit në Komunën e Gllogocit.

Periskopi.com Lajme

 

Po ashtu, KQZ-ja bën të ditur se janë hapur me kohë të gjitha Vendvotimet në Komunën e Gllogocit për Zgjedhjet e Jashtëzakonshme për Kryetar të Komunës.

Përmes një njoftimi për media, KQZ u ka bërë thirrje qytetarëve me të drejtë vote që të shfrytëzojnë të drejtën e tyre.

Numri i qytetarëve me të drejtë vote në këtë komunë sipas Listës Përfundimtare të Votuesve të miratuar nga KQZ-ja është: 52 mijë e 569.

Numri i Qendrave të Votimit është 28 me gjithsejtë 72 Vendvotim

KQZ: Nëse s’ka fitues në raundin e parë, balotazhi në Drenas mbahet më 1 janar

Komisioni Qendror i Zgjedhjeve dhe Sekretariati i saj, kanë kryer të gjitha obligimet për përgatitjen e një procesi zgjedhor në Drenas.

Periskopi.com Lajme

“Tash jemi në fundin e këtyre përgatitjeve dhe gjithçka ka shkuar sipas planeve tona operacionale dhe nuk ka diçka për të mos u theksuar në kuptimin e mos realizimit”, ka thënë Enis Halimi, kryeshef i sekretariatit të KQZ-së në Tribuna Channel.

Sipas tij, materiali tani gjendet në depot e KQZ-së përfshirë edhe fletëvotimet.

“Lista zgjedhore është tema bosht e një procesi zgjedhor. I kemi disa probleme në kuptimin e cilësisë së listës, por ne kemi bërë gjithçka për ta pasur një listë cilësore, një listë të pastruar”, ka deklaruar Halimi.

Sa i përket akreditimit të vëzhguesve ai ka thënë se nuk ka numër të saktë të tyre sepse afati për akreditim është ende i hapur.

Ligji parasheh që balotazhi të mbahet katër javë pas ditës së votimit në raundin e parë dhe nëse do të këtë balotazh atëherë del se data 1 janar do të jetë dita kur qytetarët e Drenasit, ndonëse festë, do t’i drejtohen edhe njëherë kutive të votimit.

“Ne jemi të përgatitur për çdo proces. Por tani jemi fokusuar vetëm në ruanin e parë”, ka deklaruar Halimi.

KQZ zgjat afatin për regjistrimin e vëzhguesve ndërkombëtare për zgjedhjet në Drenas

Komisioni Qendror i Zgjedhjeve njofton se ka pranuar kërkesën nga Ambasadori i Mbretërisë së Bashkuar i akredituar në Kosovë, Ruairi O’Connell, e shkruar edhe në emër të përfaqësuesve të katër shteteve mike të Republikës së Kosovës.

Periskopi.com Lajme

KQZ, në përgjigje të kësaj kërkese, sipas kumtesës dërguar medieve, transmeton Koha.net, ka marrë vendim që të shtyjë deri ditën e shtunë (3 dhjetor) afatin për aplikim për akreditim të vëzhguesve ndërkombëtarë për të vëzhguar Zgjedhjet e Jashtëzakonshme për kryetar të Komunës së Drenasit (Gllogocit) që do të mbahen më 4 dhjetor 2016, konform dispozitave ligjore për rolin e vëzhguesve të zgjedhjeve.

Kurse, lidhur me kërkesën specifike, KQZ-ja, duke u mbështetur edhe në ligjet në fuqi, njofton se nuk ka pasur asnjë pengesë që këtë proces, ndonëse i jashtëzakonshëm, ta implementojë deri në fund me sukses të plotë.

Përfaqësuesi i PDK-së në KQZ: Kërkesa e O’Connell cenon pavarësinë e KQZ-së dhe të shtetit

Periskopi.com Lajme

Ambasadori i Britanisë së Madhe, Ruairi O’Connell, i ka kërkuar Kryetares së Komisionit Zgjedhor, Valdete Dakës, që misioni i OSBE-së dhe stafin e saj të kenë qasje të duhur në qendrat e votimit dhe stacioneve në ditën e zgjedhjeve, në mënyrë që të sigurojë një vlerësim profesional të zhvillimin e procesit.

Mirëpo, kjo gjë po kundërshtohet nga PDK-ja.

Përfaqësuesi i këtij subjekti politik në KQZ, Ilir Gashi, ka thënë se kjo kërkesë cenon sovranitetin e KQZ-së e edhe pavarësinë e Kosovës.

Më poshtë statusi o plotë i Gashit:

Shkresa e Ambasadorit O’Conell, drejtuar Kqz -s, nëse permban versioni anglisht sikur se shqip, ateher cenon sovranitetin e Institucionit te Pavarur dhe në një forme, edhe te pavarsis se Kosoves!

OSBE mund te jetë vezhguese e procesit zgjedhor dhe kaq!

Shkresa e Ambasadorit, bie ndesh me deklarimet e Keshillit te Sigurimit se Kosova ka organizuar zgjedhje te lira dhe demokratike!

Nuk guxojm te kthehemi në vitin 2002! /Periskopi/

Anëtari i KQZ-së thotë se KQZ-ja kontrollohet nga Kadri Veseli

Komisioni Qendror i Zgjedhjeve po kontrollohet nga Partia Demokratike e Kosovës (PDK) për t’i legjitimuar lojërat dhe pazaret e kryetarit të kësaj partie dhe njëherësh kryetar i Kuvendit të Kosovës, Kadri Veseli.

Periskopi.com Intervista

Kështu ka thënë anëtari i Lëvizjes Vetëvendosje në KQZ, Adnan Rrustemi në një intervistë për Periskopin.

Rrustemi, vendimin e këtij komisioni për decertifikimin e kadidatëve të pavarur Naim Bazajt dhe Rrahim Elshanit e ka quajtur të paligjshëm, pasi këtë vendim e ka anuluar Paneli Zgjedhor për Ankesa dhe Parashtresa.

Ai ka thënës e KQZ-ja tashmë e ka humbur kredibilitetin duke theksuar se me shkeljet ligjore të këtij komisioni nuk mund të priten zgjedhje të lira dhe me integritet, qoftë në Drenas apo edhe zgjedhje të përgjithshme.

Intervista e plotë:

Periskopi: A është shkelje ligjore nga ana e KQZ-së, decertifikimi i kandidatëve të pavaruar për Drenasin, derisa Paneli Zgjedhor për Ankesa dhe Parashtresa nuk e ka mbështetur këtë vendim?

Rrustemi: Decertifikimi i kandidatëve të pavarur ka qenë tërësisht i paligjshëm që nga fillimi.  Ndërsa, vendimi i PZAP-së si institucion me karakter dhe përbërje gjyqësore, vetëm sa e ka vërtetuar këtë, kur e ka anuluar vendimin e KQZ-së.  Ndërsa KQZ, në vend që në mbledhjen e djeshme të shfrytëzoj shansin që të kompensojë sado pak dëmin e këtij vendimi, ndoqi rrugën e shkeljeve edhe më të mëdha dhe të shumëfishta, duke nxjerrë sërish të njëjtin vendim, por tashmë dy ditë pas hedhjes së shortit dhe pa qenë fare në rend të ditës . Vendimi i fundit përbënë po ashtu një rast të rrezikshëm dhe të paprecedent kur KQZ-ja nuk i zbaton vendimet e një gjykate siç është PZAP.

Periskopi: Sipas jush pse KQZ-ja e ka marrë një vendim të tillë?

Rrustemi: Pasi që KQZ po kontrollet nga PDK, ajo po shfrytëzohet për të legjitimuar lojërat dhe pazaret e Kadri Veselit.  KQZ nuk duhet të lejoj të bëhet palë në këto pazare e aq më tepër që t’i legjitimoj. Ligji për zgjedhjet, neni 20.3 e thotë qartë se kandidatët e pavarur nuk mund të tërhiqen nga gara deri pas certifikimit të rezultateteve, ndërsa neni 28.1 e përcakton qartë afatin kur do të duhej të tërhiqen subjektet politike.

Periskopi: Si do të duhej të veprohet me këtë rast ?

Rrustemi: Këtu gjithçka është e qartë, se kandidatët e pavarur për kryetar të Komunës së Drenasit mund të tërhiqen nga aktiviteti i tyre paraelektoral, por nuk mund të tërhiqen nga fletëvotimi.  Këtë e ka vërtetuar edhe vendimi i PZAP-it, i cili dy ditë më parë e kishte anuluar vendimin e KQZ-së. KQZ-së, duhet të respektoj dhe zbatoj vendimet e PZAP-it, duke e rikthyer kandidatin e pavarur në fletëvotim dhe të marr masa që të jetë e paanshme ndaj palëve.

Periskopi: A mendoni se ka ndikime politike në vendimet e KQZ-së?

Rrustemi: Për fat të keq, ndikimi politik nuk është vetëm në komision, por edhe në segmente të administratës të KQZ-së, veçanërisht në Zyrën për Regjistrimin dhe Certifikimin e Subjekteve Politike, ku përmes drejtoreshës së saj znj. Drejtoresha e ZRPP-së po sjell në mbledhje të KQZ-së rekomandime të kundërligjshme, të manipuluara, gjysmake që pastaj po i paraprijnë vendimeve të paligjshme  të KQZ-së.  Kësisoj, KQZ po merr rolin e legjitimuesit të presioneve e pazareve të Kadri veselit, aty, ku në fakt do të duhej të ndërhynte prokuroria për të hetuar dhe vetë KQZ për të ruajtur integritetin e procesit. Moszbatimi i vendimit të PZAP-it implikon edhe përgjegjësi penale për anëtarët e KQZ-së dhe ZRPP-n, prandaj, nisur nga zhvillimet e fundit ka hapësirë të mjaftueshme që Kryeprokurori Lumezi të filloj hetimet përkitazi me këto shkelje.

Periskopi: A po humb kredibiliteti i KQZ-së?

Rrustemi: Pa dyshim, edhe pse në bazë të Kushtetutës, por edhe për nga roli në përputhje me standardet ndërkombëtare të zgjedhjeve, KQZ-ja si institucion që organizon zgjedhjet është e domosdoshme të jetë profesional, i pavarur dhe i besueshëm për të gjithë akterët zgjedhor. Nuk mund të presim zgjedhje të lira dhe me integritet, kur vetë institucioni që i organizon ato nuk i trajton të gjitha subjektet politike në mënyrë të njëjtë, kur vetë KQZ-ja e shkelë ligjin e aq më tepër nuk e zbaton një vendim me karakter gjyqësor, siç është vendimi i PZAP-it.

Vendimet dhe veprimet e fundit të Komisionit Qendror të Zgjedhjeve, duke shkelur ligjin për zgjedhjet dhe moszbatimi i  vendimeve të detyrueshme të PZAP-it, e ka nxjerrë në pah një fakt shqetësues jo vetëm për zgjedhjet e jashtëzakonshme në Drenas, por edhe për integritetin e zgjedhjeve në përgjithësi, kurdo që do të mbahen. Prirja dhe insistimi i KQZ-së që përmes vendimeve të paligjshme, moszbatimit të vendimeve të PZAP-it e që këto të fundit kanë efektin e vendimeve gjyqësore, ka bërë që ky institucion që do të duhej të ishte i pavarur dhe i paanshëm, të vihet në shërbim të një partie politike të caktuar apo të kontrollohet tërësisht, siç është rasti nga PDK-ja dhe Kadri Veseli. / Periskopi/

 

Krasniqi: KQZ-ja po konfirmohet botërisht gatishmëria për t’i thelluar parregullsitë

Kryetari i Këshillit Kombëtar të Nisma për Kosovën, Jakup Krasniqi ka thënë se me shkeljet e një pas njëshme te nenit 118.5 te Ligjit për Zgjedhjet e Përgjithshme dhe me shkeljen e Vendimit të PZAP-it nr. 91/2016, nga Institucioni i Pavarur për Zgjedhjet – KQZ-ja, e drejtuar nga një gjyqtare e Gjykatës Supreme, po konfirmohet botërisht gatishmëria për t’i thelluar të gjitha veprimet në drejtim të parregullsive në zgjedhjet e jashtëzakonshme në Komunën e Drenasit. Në Komunën që nga zgjedhjet e kaluara janë mbi 250 komisionar të dënuar me vendime gjyqësore.

Periskopi.com Lajme

“Për ne si subjekte politike nuk ka rëndësi se kush do mbetet e kush do të tërhiqet nga gara zgjedhore, edhe pse as kjo nuk është e pa rëndësishme se çka i shtynë ata njerëz të tërhiqen në momentin e fundit?! Është presioni apo korrupsioni ai që po i “detyron” ata të tërhiqen nga vullneti i tyre?! Po, kjo është shqetësuese”, ka deklaruar Krasniqi.

Sipas tij për ne si subjekt politik dhe opinionin në përgjithësi, më shumë se shqetësuese duhet të jenë faktet se: Institucioni i Pavarur për organizimin e zgjedhjeve, KQZ-ja me lehtësi marramendëse, pa u skuqur fare e bënë shkeljen e Ligjit për Zgjedhjet. Dhe jo vetëm kaq, por i njëjti organ nuk e përfill as vendimin e Gjykatës (PZAP-it) e cila duhet të rishikoj, rregullsinë apo pa rregullsinë e vendimeve të KQZ-së! Në ketë rast KQZ-ja në vend që t’i nënshtrohej vendimit të organit kompetent, e merr rolin e Gjykatës Supreme duke e zhvlerësuar (me vota), vendimin e PZAP-it. Njerëzit përgjegjës në KQZ janë duke thënë: “Ligji dhe Maliqi jemi ne”!!! Nuk i përfillim vendimet e organeve kompetente.

Këto veprime, sipas Krasniqit, sigurisht që nuk janë të vetmet, janë të mjaftueshme për te fluturuar dikush nga aty dhe për te filluar një reformë e thellë në atë institucion të “pavarur”, përndryshe ai do të mbetet: Klubi i kriminalizuar për tjetërsimin e vazhdueshëm te vullnetit të qytetarëve dhe jo vetëm në këto zgjedhje.

“Këto veprimet e fundit antiligjore te KQZ-së, do të duhej të ishin të mjaftueshme për një reagim të ashpër të institucioneve përgjegjëse dhe i gjithë mekanizmave të organizuar te shoqërisë sonë”, ka thënë ai.

52 mijë e 963 është numri i votuese në komunën e Drenasit

Në mbledhjen që ka mbajtur Komisioni Qendror Zgjedhor ka paraqitur numrin e votuese që do të marrin pjesë votimet në komunën e Drenasit duke treguar se sipas regjistrit civil në këtë komunë janë 52 mijë e 963 qytetarë me të drejtë vote.

Periskopi.com Lajme

Ndërsa shpenzimet maksimale që lejohen për tu shpenzuar gjatë fushatës pesë ditore në këtë komunë janë 26 mijë e 481,50 euro./Gazeta Monitor

Mandati i kryetari të ri të Drenasit do të jetë vetëm një vjeçar

Komisioni Qendror i Zgjedhjeve (KQZ) është në pritje të shpalljes së zgjedhjeve të parakohshme nga Presidenti për kryetar të komunës së Drenasit.

Periskopi.com Uncategorized

Zëdhënësi i këtij institucioni, Valmir Elezi në një intervistë dhënë për Tribuna Channel, ka thënë se shpallja e zgjedhjeve të parakohshme pritet të ndodhë shumë shpejt nga presidenti.

“KQZ është në gatishmëri për t’i përmbushur të gjitha detyrimit ligjore për këtë proces. Këtë herë në Drenas do të këtë më tepër qendra të votimit ndërsa numri i atyre që do tu drejtohen kutive të votimit do të sillet më shumë se 50 mijë”, ka deklaruar Elezi.

Ai ka treguar se pasi që këto janë zgjedhje të parakohshme atëherë edhe kohëzgjatja e fushatës elektorale do të jetë e shkurtër, por që do të caktohet në ditët në vijim.

Ndërsa sa i përket mandatit të kryetarit të ri, sipas tij në këtë rast mandati është i përcaktuar me ligj.

“Mandati i kryetarit të ri përfundon njëjtë sikurse mandati i kryetarit që ai e zëvendëson, që do të thotë mandat rreth një vjeçar”, ka deklaruar Elezi.

Ai ka thënë se KQZ aktualisht është në fazën e parashikimit të buxhetit se sa do të kushtojnë saktë këto zgjedhje.

“Ne do t’i drejtohemi qeverisë për buxhet shtesë, pasi këto zgjedhje janë të parakohshme dhe nuk janë të parapara në buxhetin e KQZ-së për këtë vit”, ka deklaruar zëdhënësi i KQZ-së.

Ka dilema për zgjedhje të parakohshme

Miratimi i Ligjit për Trepçën nga Kuvendi i Kosovës ka krijuar një problem të ri në koalicionin qeverisës. Lista Serbe mori vendim ta ngrijë pozicionin e saj brenda Qeverisë. Ky veprim ka bërë që të nisin debatet për zgjedhje të parakohshme.

Periskopi.com Lajme

Në KQZ janë gati për çdo eventualitet.

Kryetarja e këtij institucioni, Valdete Daka, ka thënë për klankosova.tv se nuk do të befasohen nëse ndodhin zgjedhjet e parakohshme.

“Komisioni Qendror Zgjedhor është gati për arsye se e kemi obligim ligjor dhe kushtetues. Gjithsesi, zgjedhjet e parakohshme janë një sfidë për shkak të afateve të shkurta kohore brenda të cilave duhet të organizohen”, tha ajo.

Daka ka cekur një faktor që e bën të besojë se përvoja e institucionit të cilin e udhëheq do t’ia lehtësojë kryerjen e procesin zgjedhor në mënyrën e duhur.

“Është interesante se që nga shpallja e pavarësisë asnjë mandat qeveritar nuk ka shkuar deri në fund, kështu që në vazhdimësi zgjedhjet kanë qenë të parakohshme. Prandaj, edhe po të ndodhin tash ne jemi gati. Por, një gjë është e qartë – procesi i parakohshëm zgjedhor nuk mund të krijojë mundësi që të manipulohet me vota”, tha Daka.

Për analistin politik Blerim Burjanin tërheqja e Listës Serbe do të ketë ndikim në dialogun mes Prishtinës dhe Beogradit në Bruksel, por jo në punën e Qeverisë.

“Zgjedhje mund të ketë po që se të gjitha partitë parlamentare – pozitë dhe opozitë – i kërkojnë ato, por jo kur të dojë vetëm njëra palë”,tja ai.

Ai ka deklaruar se tash nuk është koha më e favorshme për zgjedhje.

“Pranvera e vitit 2017 do të ishte më e përshtatshme, pasi deri atëherë edhe partitë do të mund të përgatiteshin”.

Kurse për çështjen nëse Komisioni Qendror i zgjedhjeve është gati për një proces të parakohshëm zgjedhor, Burjani ka shtuar se në aspektin organizativ dhe teknik ky institucion është çdo herë gati, por ka ngritur dilema për cilësinë e procesit.

“Problemi mund të jetë te kualiteti i shërbimeve që ofron ky institucion, sepse zgjedhjet e parakohshme janë zgjedhje të tipit ad-hoc dhe fokusimi është vetëm teknik, ku KQZ kryen të gjitha procedurat thelbësore dhe të shkurtra”.

Sipas tij, zgjedhjet mund ta dëmtonin Kosovën pas obligimeve të marra nga ndërkombëtarët.

“Kosova ka dhënë premtime se do të përmbushë obligimet që rrjedhin prej diskutimeve të Brukselit, përderisa demarkacioni është i kushtëzuar nga Bashkimi Evropian”.

“Fatkeqësia e kësaj politike është se s’ka gatishmëri, s’ka interes, s’ka vullnet për të zgjidhur gjëra të ‘mëdha’ pa presion të madh”.

Sidoqoftë, kurdo që të ndodhin zgjedhjet parlamentare do t’i kushtojnë buxhetit të Kosovës katër deri në pesë milionë euro. /Klan Kosova/