Fundjava me mot të freskët dhe me shi

Periskopi.com Lajme

Këto ditë të fundjavës, nga Atlantiku, kanë depërtuar mbi rajonin tonë fusha të ulëta barike me masa të ftohta ajrore, që do të sjellin përkeqësim të motit me reshje shiu dhe rënie të temperaturave.

Po mbanë mot i freskët, kryesisht me vranësira dhe kohëpaskohe me reshje të dobëta shiu.

Të shtunën vende-vende kishte edhe bubullima. Edhe të hënën, parashihet të mbajë mot jo shumë i ngrohtë, me vranësira dhe kohëpaskohe me reshje të dobëta shiu.

Nga dita e martë pritet përmirësim i motit, me rritje të temperaturave dhe intervale më të gjata me diell.

Temperaturat minimale do të zbresin deri në 8C, e ato maksimale do të zbresin deri në 17C. Nga fillimi i javës maksimalet do të rriten gradualisht në 22C deri në 26C.

Do të fryjë erë mesatare dhe mesatarisht e fuqishme nga krahu verior 4-9m/s. Shtypja atmosferike do të luhatet rreth vlerave normale./ Periskopi

Reklamë
Reklamë

Parashikojnë analistët: Do përsëritet 2014-ta

Periskopi.com Lajme

Rezultatet e prodhuara nga zgjedhjet e 11 qershorit kanë rikthyer Kosovën në vitin 2014 me disa ndryshime dhe rirreshtime të vogla partish, shkruan Zëri.

Protagonist është përsëri PDK-ja, vetëm se këtë herë me vete ka edhe AAK-në e Ramush Haradinajt e Nismën e Fatmir Limajt. PAN-i, si koalicioni që ka fituar më së shumti vota në zgjedhje, do të ketë të drejtën për të krijuar Qeverinë, ashtu siç PDK-ja kishte në vitin 2014.

Mirëpo, në situatën aktuale PAN-i ka vetëm 39 deputetë dhe së bashku me minoritetet nuk mund të shkojnë në 59 sish.

Në këtë rast atyre u duhen të paktën edhe 2 deputetë nga koalicioni LAA.

Deri më tash Lidhja Demokratike e Kosovës, AKR-ja e dhe Alternativa, të cilat krijojnë koalicionin LAA, kanë dalë me deklarata zyrtare se nuk do të mbështesin PAN-in për krijimin e Qeverisë.

Në këtë rast, analistët kosovarë parashikojnë përsëritjen e situatës së vitit 2014, ku nuk ishte arritur që të formohej qeveria për muaj të tërë.

Megjithatë ata shtojnë se bllokadë apo jo, kjo varet edhe nga ushtrimi i maturisë së presidentit Thaçi.

Reklamë
Reklamë

KEDS shtrinë investimet edhe në Shakovicë të Podujevës

Periskopi.com Lajme

Shakovica, zonë e rëndësishme në rajonit të Podujevës tashmë ka ndjerë investimet nga KEDS. Investimet kanë të bëjnë me përmirësimin e cilësisë së energjisë, kualitetin dhe sigurinë.

KEDS ka bërë të ditur se ka shtrirë projektin investues në lokacione ku gjendja ishte jo e mirë dhe jo stabile për shkak të rrjetit të stërvjetëruar.

“Në lokacionet problematike, respektivisht ne projektin TS Shakovicë tek Mali 2, në Shakovicë të Komunës së Podujevës, për shkak të tensionit të dobët dhe gjendjes shumë të keqe të rrjetit, që paraqet rrezikshmëri për banorët e fshatit Shakovicë, është bërë instalimi i rrjetit të ri elektrik”, thonë ndër të tjera në KEDS.

KEDS po ashtu ka bërë të ditur se në këtë rajon të Podujevës, gjegjësisht në fshatin Shakovicë ka realizuar edhe rritjen e fuqisë së trasnformatorit energjetik.

Nga ky investim në Shakovicë përfitojnë saktësisht 101 ekonomi familjare. Imran Azemi, banor i këtij fshati, thotë se pret shumë që investimi të ndjehet me efekte pozitive në këtë anë.

“Kemi hequr të zinjët e ullirit. Tash presim që efeketet pozitive të vërehen. KEDS është parë se ka punuar në terren dhe është thënë se punët do të vazhdojnë edhe këto ditë”, shprehet Azemi.

Pritet që KEDS të vazhdojë deri në përfundim edhe me vënien e disa shtyllave të tjera të betonit dhe shtrirjen e kabllove në vazhdim.

KEDS gjatë viteve 2015, 2016 dhe vitin në të cilin jemi ka shtrirë investime të mëdha në rajonin e Podujevës për çfarë edhe kryetari i kësaj komune, Agim Veliu ishte shprehur i kënaqur me rritjen e dinamikave të punës nga KEDS.

Reklamë
Reklamë

Ngritët aktakuza e parë lidhur me shkeljet në procesin e djeshëm zgjedhor

Periskopi.com Lajme

Prokuroria Themelore në Pejë, Departamenti i Krimeve të Rënda, ka ngritur aktakuzë kundër të pandehurit R.Z. për vepër penale “Cenimi i përcaktimit të lirë të votuesve” nga neni 213 i Kodit Penal të Republikës së Kosovës.

Sipas aktakuzës, i pandehuri R.Z., më 11 qershor 2017, në shkollën fillore “Janko Jovicevic” në Gorozhdec të Pejës, si simpatizant i “Listës Serbe”, duke shfrytëzuar paaftësinë profesionale të votuesve, u ka sugjeruar atyre të votojnë për personat e cekur në fletëvotimet e plotësuara, të cilat i pandehuri i posedonte me kandidatët e caktuar. Atij i janë gjetur 32 fletëvotime, prej të cilave 27 ishin të shënuara me kandidatë të njëjtë, raporton Periskopi

I pandehuri me këto veprimet ka përmbushur elementet e veprës penale të përshkruar sikur më lart.

 

Prokurori i çështjes me rastin e ngritjes së aktakuzës i ka propozuar Gjykatës kompetente që të pandehurin ta shpall fajtor për veprën penale për të cilën ngarkohet dhe ta dënojë sipas ligjit./ Periskopi

Reklamë
Reklamë

Numërohen 95% e votave, Vetëvendosje dhe LDK ende diferencë 1 %

Periskopi.com Lajme

Komisioni Qendror i Zgjedhjeve tashmë ka procesuar 95.34% të vendvotimeve nga të cilat janë dërguar të dhëna.

Aty sa shkon e rritet numri i fletëvotimeve të pavlefshme e edhe numri i fletëvotimeve me kusht.

Në këtë përqindje, PDK_AAK-NISMA prinë me 34.42%, pas saj Vetëvendosje me 26.68% dhe LDK-AKR me 25.86%.

Numri i përqindjes pritet të përfundojë sot./ Periskopi

Reklamë
Reklamë

Ja komunat ku udhëheqë PAN, VV dhe çfarë i mbeti LDK-së

Periskopi.com Lajme

Kur janë numëruar 91 për qind të votave në nivel të Kosovës dhe numërimet variojnë në nivel komunash, këto janë partitë që prijnë në komunat e vendit.

PDK AAK Nisma: Prizren, Pejë, Gjakovë, Mitrovicë, Junik, Klinë, Malishevë, Obiliq, Rahovec, Shtime, Skenderaj, Suharekë, Gllogovc, Deçan, Klinë.

Vetëvendosje: Prishtinë, Gjilan, Ferizaj, Kamenicë, Kaçanikë, Han i Elezit, Vushtrri, Fushë Kosovë, Viti.

LDK AKR Alternativa: Istog, Lipjan, Podujevë, Dragash

Komunat tjera i kanë minoritetet.

Në disa komuna rezultatet në këtë pikë të numërimit të votimit rezultatet janë të ngushta dhe mund të ketë ndryshime.

Reklamë
Reklamë

Skandali i zgjedhjeve, PDK e AAK i fshehin vëzhguesit partiakë në OJQ joaktive

Periskopi.com Lajme

KALLXO.com ka zbuluar planet e koalicionit PDK-AAK-NISMA për të fshehur vëzhguesit e tyre në emër të një OJQ-je joaktive.

Në një hulumtim të kryer pas publikimit të listës së OJQ-ve të akrediturara nga Komisioni Qendror i Zgjedhjeve, KALLXO.com zbulon se asamblistë të PDK-së dhe AAK-së janë futur në listën e vëzhguesve të akredituar nga KQZ nën emrin e organizatës  “Instituti Rajonal për Demokraci, të Drejtat e Njeriut dhe Studime Politike”.

Nga 8,800 vëzhgues të akredituar të të gjitha OJQ-ve vendore, mbi gjysma, ose 4548 janë vëzhgues të kësaj OJQ-je. KALLXO.com zbulon se vëzhguesit e Aleancës për Ardhmërinë e Kosovës nga regjioni i Prizrenit janë veshur nën petkun e kësaj OJQ-je e po ashtu anëtarë të PDK-së nga Gjakova kanë marrë akreditime nga kjo OJQ.

Asamblisti i PDK-së nga Gjakova, Artan Nimani i cili figuron si i akredituar nga kjo OJQ thotë se është akredituar nga partia, por se nuk e ka nënshkruar vet deklaratën e KQZ-së për akreditim.

“..akreditimin e marr kur të shkoj në parti. Unë se kam nënshkruar, ndoshta partia ka bo diçka”, tha ai.

Një tjetër asamblesit i PDK-së nga kjo komunë është Arben Rogova, i cili thotë se  është akredituar nga partia dhe se akreditimin e ka marrë në degën e PDK-së në Gjakovë.

“Po po prej partisë jam akreditu edhe akreditimin e kam marrë në degë këtu në Gjakovë”, tha ai.

Ndërsa Fatmir Kastrati, asamblist i AAK-së në Prizren tha se të gjithë vëzhguesit e partisë së tij në këtë komunë janë të regjistruar në emër të kësaj organizate.

“Akronimi i krejt vëzhguesve të aleancës që i kemi këtu në Prizren është i njëjti. Akronimi është IRDDNJSP”, tha ai.

Informacioni se të gjithë pjesëtarët e AAK-së nga Prizreni janë të akredituar në emër të kësaj OJQ-je nuk është komentuar nga zyrtarët e AAK në Prishtinë. I kontaktuar nga KALLXO.com Valon Tolaj sekretar i AAK-së nuk ka komentuar ndërsa ka kërkuar që pyetjet t’i dërgohen në email në të cilin ai nuk është përgjigjur.

Në anën tjetër nënkryetari i PDK-së Uran Ismajli nuk ka dashur të komentojë për këtë çështje duke e orientuar ekipin e KALLXO.com që të kërkojë sqarime nga Blerand Stavileci i cili nuk është përgjigjur në telefon.

Për shfrytëzimin e OJQ-së për të akredituar struktura partiake KALLXO.com ka tentuar të kontaktojë me Astrit Rexhajn drejtorin e Institutit Rajonal për Demokraci të Drejta të Njeriut dhe Studime Politike por kontakti me të ka qenë i pamundur në numrin e telefonit të cilin ai e ka të shënuar në KQZ.

Reklamë
Reklamë

Raporto parregullsitë e zgjedhjeve në këtë numër

Periskopi.com Lajme

 ‘Voto dhe Vëzhgo’ për mbrojtje të votës, kjo është thirrja që i bëhet sot qytetarëve nga Fondacioni i Kosovës për Shoqëri të Hapur (KFOS), në bashkëpunim me Institutin Columbus.

Fushata i mundëson qytetarëve të dërgojnë sms nëse ka parregullsi në numrin 500 88.

Qytetarët do të kenë mundësi të dërgojnë sms falas dhe do të jenë anonim.

Ata mund të dërgojnë sms edhe nëse gjithçka është në rregull.

Në dispozicion janë 25 operatorë ku do të klasifikohen mesazhet në kohë reale.

Fondacioni i Kosovës për Shoqëri të Hapur ka bërë thirrje që të dalin të gjithë të votojnë.

Reklamë
Reklamë

Shabllonët me shkrimin Brail të gatshëm për nesër

Periskopi.com Lajme

Në Zgjedhjet e Parakohshme për Kuvendin e Republikës, Komisioni Qendror i Zgjedhjeve do t’u mundësojë të votojnë edhe të gjithë atyre qytetarëve me të drejtë vote e që janë të verbër dhe me të pamur të dobësuar.

Votimi në mënyrë të pavarur dhe në konfidencialitet të plotë, edhe për këtë kategori, mundësohet përmes shabllonëve në shkrimin e Brailit.

Kryetarja e KQZ-së, Valdete Daka thotë se shablloni me shkrimin Brail do të dërgohet në çdo Qendër Votimi, në 889 sosh në të gjithë Republikën e Kosovës.

Shabllonët në shkrimin Brail janë të shtypur në atë mënyrë që fletëvotimi të vendoset në të dhe pasi të përfundojë votimin, ta nxjerrë atë nga shablloni, ta palos dhe ta hedhë në kutinë e votimit.

Daka thotë se Komisioni Qendror i Zgjedhjeve që nga viti 2009 u mundëson të gjithë qytetarëve me të drejtë vote nga kjo kategori votim të pavarur dhe të fshehtë dhe është shprehje e përkushtimit të institucionit tonë që të gjithë qytetarëve t’u ofrojë shërbime sipas nevojave të tyre.

Shabllonët në shkrimin Brail janë të shtypur në atë mënyrë që fletëvotimi të vendoset në të dhe pasi të përfundojë votimin, ta nxjerrë fletëvotimin nga shablloni, ta palos dhe ta hedhë në kutinë e votimit.

Gjithashtu, në çdo Qendër Votimi do të jetë edhe Lista e Kandidatëve të Subjekteve Politike në shkrimin e Brailit, ku qytetarët me të drejtë vote të kësaj kategorie të mund të informohen për kandidatët dhe subjektet politike që janë në garë./ Periskopi

Reklamë
Reklamë

Lumezi kërkon nga kryeprokurorët që t’i trajtojnë rastet që ndërlidhen me zgjedhjet

Periskopi.com Lajme

Kryeprokurori i Shtetit, Aleksandër Lumezi, ka mbajtur sot takim pune me kryeprokurorët e prokurorive Themelore, Prokurorisë Speciale dhe Prokurorisë së Apelit.

Gjatë këtij takimi sipas kërkesës së kryeprokurorit Lumezi të gjithë kryeprokurorët e prokurorive të vendit, raportuan për muajin prill të këtij viti për punën e prokurorive që i drejtojnë, si dhe për punën e secilit prokuror të asaj prokurorie, njofton kumtesa.

Nga paraqitja e këtyre raporteve u pa se gjatë muajit prill 2017 ka pasur rezultate të mira të punës dhe rritje të efikasitetit të punës në të gjitha prokuroritë themelore, në Prokurorinë Speciale të Republikës së Kosovës, si dhe në Prokurorinë e Apelit.

Vetëm gjatë muajit prill shtatë prokuroritë themelore kanë pranuar në punë 2108 lëndë dhe kanë përfunduar 3140 lëndë, që do të thotë se prokurorët kanë përfunduar 1032 lëndë më shumë sesa kanë pranuar në punë.

  • Prokuroria Themelore në Prishtinë ka pranuar në punë 550 lëndë dhe ka përfunduar 1124;
  • Prokuroria Themelore në Ferizaj ka pranuar në punë 244 lëndë dhe ka përfunduar 431;
  • Prokuroria Themelore në Gjilan ka pranuar në punë 193 lëndë dhe ka përfunduar 195;
  • Prokuroria Themelore në Gjakovë ka pranuar në punë 183 lëndë dhe ka përfunduar 175;
  • Prokuroria Themelore në Mitrovicë ka pranuar në punë 138 lëndë dhe ka përfunduar 307;
  • Prokuroria Themelore në Pejë ka pranuar në punë 393 lëndë dhe ka përfunduar 416;
  • Prokuroria Themelore në Prizren ka pranuar në punë 407 lëndë dhe ka përfunduar 492.

Poashtu gjatë këtij takimi kryeprokurori Lumezi i njoftoi kryeprokurorët se Këshilli Prokuorial i Kosovës, ka aprovuar procedurat standarde të veprimit për ngritjen e efikasitetit në trajtimin e rasteve të dhunës në familje, i cili plan ka për synim ngritjen e efikasitetit për trajtimin e rasteve të dhunës në familje gjatë procedimit të këtyre rasteve në prokurori. Andaj kryeprokurori Lumezi kërkoi që kryeprokurorët e të gjitha prokurorive themelore të caktojnë nga një prokuror, me përjashtim të Prokurorisë Themelore në Prishtinë që duhet të caktoj dy prokurorë, të cilët do të merren me trajtimin e lëndëve që kanë të bëjnë me dhunën në familje, me synim për ngritje të efikasitetit në trajtimin e këtyre lëndëve, duke siguruar që këto lëndë të trajtohen me prioritet. Këta prokurorë do të specializohen për rastet e dhunës në familje në pajtim me kërkesat që burojnë nga Strategjia kombëtare e Republikës së Kosovës për mbrojtje nga dhuna në familje dhe Plani i veprimit 2016-2020.

Gjatë këtij takimi, kryeprokurori Lumezi kërkoi nga kryeprokurorët që t’i trajtojnë  me prioritet edhe rastet që ndërlidhen me zgjedhjet, si dhe njoftoi se me qëllim të caktimit të obligimeve dhe detyrave në kuadër të projektit për mbrojtjen e votës ka aprovuar planin e veprimit për zgjedhjet nacionale në vend. Ky plan përcakton të gjitha obligimet dhe përgjegjësitë e koordinatorit nacional, menaxherit të projektit, kryeprokurorëve të prokurorive themelore, prokurorëve të angazhuar dhe stafit mbështetët të angazhuar në procesin e zgjedhjeve të jashtëzakonshme.

Në fund të takimit kryeprokurori Lumezi njoftoi se është nënshkruar memorandum i mirëkuptimit në mes kryeprokurorit të Shtetit, Këshillit Prokuorial të Kosovës dhe Këshillit Gjyqësor të Kosovës për aplikimin nga prokurorët dhe vendosjen nga ana e gjykatave për shitjen e aseteve, dhënies në shfrytëzim apo shkatërrimit të tyre. Kryeprokurori Lumezi kërkoi që në pajtim me këtë Memorandum, kryeprokurorët e të gjitha prokurorive të evidentojnë të gjitha rastet kur ka asete të sekuestruara, të cilat potencialisht mund të konsiderohen për tu shitur, dhënë në shfrytëzim apo për tu shkatërruar, para ose pas vendimit përfundimtar të gjykatës. Më pas ato raste kryeprokurorët t’i shpërndajnë tek prokurorët e rasteve, të cilët obligohen t’i paraqesin kërkesat për shitje të aseteve, dhënie në shfrytëzim apo shkatërrim.

Reklamë
Reklamë

Një mijë persona në Kosovë me Sklerozë Multiple

Periskopi.com Shëndeti

Në prani të  profesionistëve shëndetësorë, mjekë, infermierë dhe pacientëve, Klinika e Neurologjisë e  Qendrës Klinike Universitare të Kosovës,  ka shënuar 31 Majin, Ditën Ndërkombëtare e Sklerozës Multiple.

Me këtë rast, u njoftua, se në Kosovë,  ka mbi 1000 pacientë me sklerozë multiple, ndërsa vetëm 100 prej tyre marrin terapi imunomodulatore mbështetëse nga ana e shtetit.

Profesionistë të kësaj fushe, dr. Nexhmedin Shala dr. Afrim Blyta dhe specialistë të tjerë të Klinikës së Neurologjisë dhe Shoqatës së Neurologëve,   kërkuan  nga vendimmarrësit   të shikohet mundësia  të ndihmohet kjo kategori e pacientëve për diagnostikim dhe rehablitim dhe trajtim  sa më të mirë.

Poashtu, u kërkua mbështetje me terapi  imunomodulator për të gjithë pacientët e  diagnostikuar me këtë sëmundje.

Në  shënim të kësaj dite ishte i pranishëm edhe drejtori i SHSKUK-së, dr. Curr Gjocaj, zv. Ministri i Shëndetësisë në detyrë, dr. Kadir Hyseini dhe Dr. Valbon Krasniqi nga Kabineti i Ministrit në detyrë.

Shoqata e Neurologëve të Kosovës,  nderoi  me një mirënjohje drejtorin Gjocaj,  për përkrahje të vazhdueshme për pacientët me sklerozë multiple.

Reklamë
Reklamë

Auditimi i fushatave zgjedhore s’u bë asnjëherë në Kosovë

Periskopi.com Lajme

Përfaqësues të BE-së thonë se transparenca financiare e partive e rritë besimin tek elektorati. Ata thonë se zgjedhjet mbahen në kohë kritike për Kosovën. BE-ja është e gatshme që të ofrojë vëzhgues në këtë proces.

Partitë politike që do të garojnë në zgjedhjet e 11 qershorit, nënshkruan një deklaratë për rritjen e transparencës financiare, gjatë fushatës zgjedhore, e cila zyrtarisht fillon me datë (31.05). Mirëpo megjithë nënshkrimin e kësaj deklarate ku premtohet transparencë maksimale, ekspertët e ekonomisë bazuar në praktikat e mëhershme, thonë se partitë politike bëjnë shpenzime shumë më të mëdha financiare, krahasuar me mjetet që atyre iu ndahen çdo vit nga buxheti i Kosovës.

Deklarata për transparencën financiare nga partitë politike u nënshkrua në prezencë të organizatave të shoqërisë civile, përfaqësuesve të KQZ-së dhe përfaqësuesve të zyrës së BE-së në Kosovë. Këta të fundit thanë se, transparenca financiare e partive politike e rritë besimin e elektoratit.

“Beso dhe verifiko”

“Llogaridhënia publike mbështetet në transparencën “beso dhe verifiko”. Kjo është e rëndësishme për partitë politike, që të fitojnë besimin e elektoratit. Presim proces zgjedhor, të drejtë, të lirë dhe kredibil. Ju bëjmë thirrje partive, që fushata te kryhet në pajtim me standardet demokratike. Zgjedhjet mbahen në koh

ë kritike për Kosovën, pasi janë reformat e saj lidhur me BE-në dhe gatishmëria e BE-së për të ofruar vëzhgues tregon sa ky është proces i rëndësishëm për BE-në”, tha Luigi Brusa, nga zyra e BE-së në Kosovë. Sipas tij, duhet të forcohet mbikëqyrja dhe kontrolli financiar dhe auditimet e pavarura.

Mungesa e auditimeve të pavarura të partive politike është e dëmshme për proceset demokratike, thotë Shpend Emini, nga Instituti Demokracia në Zhvillim, që do të jetë pjesë e monitorimit të zgjedhjeve të 11 qershorit. “Kryerja e auditimit, kontrollit dhe zbardhja e fondeve të financimit të partive politike, do të ishte hap i madh drejt transparencës dhe llogaridhënies të subjekteve politike. Auditimi i rregullt i partive politike në Kosovë, është në interes të procesit të demokratizimit, ngaqë çdo shpenzim dhe pranimi i parasë nga partitë politike duhet t’i nënshtrohet mekanizimit mbikëqyrës të Kuvendit të Kosovës”, tha Shpend Emini, nga Instituti Demokracia në Zhvillim.

Në Kosovë – pa auditime

Në Kosovë asnjëherë nuk është bërë auditimi i fushatave zgjedhore në Kosovë, ndonëse këtë kompetencë e ka pasur kuvendi i Kosovës. Valdete Daka, kryetare e KQZ-së, shpreson që kësaj radhe do të ketë edhe auditim të fushatës zgjedhore. “Transparenca është një prej themeleve të demokracisë dhe shpresoj që këtë herë subjektet politike edhe pse ndoshta ka ndonjë paqartësi në ligj, vet do t’i bëjnë publike raportet financiare, të cilat ne si KQZ vetëm i pranojmë dhe pastaj i dërgojmë në Kuvendin e Kosovës. Pres nga subjektet politike dhe nga këtu i ftoj subjektet politike që ta zbatojnë ligjin”, tha Valdete Daka.

Ekspertët e konomisë nga ana e tyre thonë se ligji i obligon partitë politike që të publikojnë raportet e tyre financiare. Naim Gashi, ekspert i ekonomisë, i tha Deutsche Welles, se nëse shihen raportet financiare të partive politike ka shpërputhje shumë të theksuar.

Nuk është ndërtuar sistemi i besueshëm

“Në këto pak vite demokraci në Kosovë nuk është ndërtuar një sistem i besueshëm i burimeve financiare të partive politike. Partitë politike janë të obliguara me ligj që të bëjnë publike raportet e tyre financiare dhe ato e kryejnë këtë të ashtuquajtur obligim ligjor. Por nëse i shikojmë raportet e tyre financiare të cilat i kanë të publikuara në ëeb-faqet e tyre, aty vërehet një diskrepancë e madhe ndërmjet të hyrave dhe shpenzimeve që ne i shohim në fushata”, thotë Naim Gashi. Sipas tij, fushatat për zgjedhje në Kosovë shpenzojnë miliona euro, ndërsa deklarohen disa dhjetëra ose qindra mijëra.

“Bizneset në Kosovë e kanë pa që investimi në fushata zgjedhore përkthehet në projekte publike, pasi që partia e caktuar të vije në pushtet. Në fakt në Kosovë ekzistojnë kompani të lidhura me politikën, të cilave pushteti u krijon monopole dhe favore në treg, ndërsa ata i financojnë fushatat e tyre zgjedhore. Njëra nga arsyet e frenimit të zhvillimit ekonomik të vendit është pikërisht ruajtja e monopoleve dhe oligopoleve nga pushteti”, thotë Naim Gashi.

Partitë politike në Kosovë, të cilat përfaqësohen me deputet në kuvend marrin më shumë se katër milion euro nga buxheti i shtetit. Këto të holla ndahen në bazë të përqindjes së fituar në zgjedhje, përkatësisht ulëseve për deputet. Kuvendi i Kosovës ka 120 deputet, ku 20 nga këto vende janë të rezervuara për pakicat kombëtare.

Reklamë
Reklamë

Mësoni kush është Arian Janova që publikoi një sondazh për zgjedhjet e 11 qershorit

Periskopi.com Lajme

Një sondazh i bërë nga Instituti për Hulumtime dhe Analiza Sociale, që drejtor është Arian Janova, e nxjerr fitues të zgjedhjeve parlamentare të 11 qershorit koalicionin PDK-AAK-NISMA me 40.82 për qind të votave, kurse koalicionin LDK-AKR-Alternativa e radhit në vendin e dytë me 30.22 për qind, ndërsa Lëvizja Vetëvendosje në vendin e tretë me 19.45 %.

Por, Drejtori i IHAS-P, Arian Janova i akuzuar për ushtrim të ndikimit në rastin e disa studentëve që akuzohen për ryshfet dhe ushtrim ndikimi me regjistrime e nota në UP.

Mësoni në linkun më poshtë për të dhe pse akuzohet ai

 

 

SMS që Flasin për Provime e Para në Gjykimin e Studentëve

 

 

 

Reklamë
Reklamë

Hoti: Për katër vite qeverisje do ta bëjmë buxhetin 5 miliardë euro

Periskopi.com Lajme

Kandidati për kryeministër nga LDK-AKR-Alternativa, Avdullah Hoti, gjatë një bashkëbisedimi me të rinjtë e Pejës ka thënë të dielën se gjatë katër vite qeverisje, pas 11 qershorit, do ta bëjë buxhetin e Kosovës 5 miliardë euro dhe në këtë mënyrë do t’i financojë nevojat e qytetarëve për vende pune, arsim e shëndetësi më të mirë dhe perspektivë për të ardhmen.

“E kemi gjet një buxhet 1.2 miliardë euro. Sot e kemi dy miliardë. Kur kam propozuar buxhetin dy miliardë euro për 2017 jam kritikuar shumë se nuk mund t’ia arrini. Sot atë buxhet e kemi realitet. Ne i kemi shtuar të ardhurat, jo nëpërmes gjobave, por nëpërmes bashkëpunimit me biznese të cilëve ua kemi ulur 50 milionë euro taksa”, ka thënë Hoti.

Ai ka shtuar se për dy vite ne kemi mbledh 400 milionë euro më shumë taksa, sepse me politikat tona kemi gjeneruar dy miliardë më shumë qarkullim tek bizneset dhe kemi hapur së paku 40 mijë vende të reja të punës.

“Tash po përgatitemi për një buxhet 3 miliardë euro dhe ju garantojë deri në fund të mandatit katërvjeçar buxheti do të mbërrijë në 5 miliardë euro dhe në këtë mënyrë do të kemi mundësi të financojmë të gjitha projektet e mundshme për rininë, fushën e arsimit, shëndetësi dhe fushat e tjera”, ka thënë Hoti.

Kandidati për kryeministër ka thënë se do të ndërrojmë kursit politik që institucionet të jenë në shërbim të qytetarëve dhe jo në shërbim të politikanëve.

“Do ta kemi qeverinë më të mirë që ka Kosova. Do të merremi me temat më të ndjeshme siç janë demarkacioni, liberalizimi i vizave, krijimi i ushtrisë, dialogu, rendi dhe ligji, drejtësia, zgjidhja e probleme në shëndetësi, në arsim, në standardin jetësor të popullatës etj”, ka thënë Hoti.

Ai ka thënë se lista e LDK-AKR-Alternativa është më e përgatitura me 30 doktorë të shkencave dhe 46 kandidatë me gradën magjistër.

Ministri i Kulturës, Rinisë dhe Sportit, Kujtim Shala, ka thënë se në shtatë vitet e tij të angazhimit politik dhe institucional nuk ka takuar asnjëherë një njeri më të ndershëm se kryeministri i ardhshëm Avdullah Hoti.

Ai i ka ftuar Pejanët dhe gjithë qytetarët e Kosovës të votojnë për koalicionin e zhvillimit dhe perspektivës.

Kryetari i Pejës, Gazmend Muhaxheri, ka thënë se me koalicionin aktual jemi përballur para tri vite e gjysmë në Pejë dhe i kemi mposhtë bindshëm, “unë besoj se fitorja e doktor Hotit ka me qenë më e bindshme se fitorja që ka qenë në Pejë”.

 

Reklamë
Reklamë

Mësoni emrat e shefave të shtabeve zgjedhore, aty edhe Avdullah Hoti

Periskopi.com Lajme

Ka mbetur edhe pak më shumë se dy javë deri në ditën e mbajtjes së zgjedhjeve të parakohshme.

E partitë politike pas marrëveshjeve për koalicion parazgjedhor mes vete, kanë nisur përgatitjet për procesin zgjedhor, shkruan Indeksonline.

Ato tashmë kanë caktuar edhe shefat e shtabeve zgjedhore që do të njoftohen hollësisht për ecurinë e zgjedhjeve.

Partia më e madhe në vend, PDK ende nuk ka vendosur përfundimisht se kë do ta emëroj shef. Sipas burimeve të Indeksonline, në parti po përfliten dy emra, Hajredin Kuçi ose Bajrush Xhemajli.

Në Lidhjen Demokratike të Kosovës është vendosur që shef i shtabit zgjedhor të jetë kandidati për kryeministër i koalicionit LDK-AKR-Alternativa, Avdullah Hoti.  Këtë e ka konfirmuar Arban Abrashi i LDK-së.

E AAK-ja në zgjedhjet e 11 qershorit e ka përzgjedhur për shef të shtabit zgjedhor Valon Tolajn, i cili e  ka konfirmuar për Indeksonline vet emërimin e tij.

Shkodran Hoti i Vetëvendosjes ka thënë se kjo parti ka vendosur që në zgjedhjet e parakohshme ta ketë shef të shtabit Besnik Bislimin.

Edhe Nisma për Kosovën ka emëruar tashmë shefin e shtabit. Është Endrit Shala i përzgjedhuri i partisë, gjë të cilën e ka konfirmuar vet ai.

Aleanca Kosova e Re që në zgjedhjet e 11 qershorit garon më LDK-në dhe Alternativën, ka emëruar shef të shtabit zgjedhor Rrahim Pacollin.

Reklamë
Reklamë

Kjo është vaktia e Ramazanit për Kosovën (Foto)

Periskopi.com Lajme

Nga muaji i shenjtë i Ramazanit na ndajnë vetëm edhe tre ditë. Të gjithë besimtarët e fesë islame do të agjërojnë për 30 ditë rresht.

Sipas kalendarit mysliman, muaji i Ramazanit fillon më 27 maj dhe dita e parë e Fiter Bajramit është me 25 qershor, transmeton Indeksonline.

Sipas fesë islame, agjërimi në Islam nënkupton abstenimin apo “me u përmbajte nga një veprim”.

Më poshtë e gjeni vaktinë e Ramazanit për Kosovën për këtë vit.

Reklamë
Reklamë

Mesazhi emocionues nga arresti i kandidatit Frashër Krasniqi (Video)

Periskopi.com Lajme

Zëdhënësi i VV-së, Frashër Krasniqi, tash e 9 muaj ndodhet në arrest shtëpiak. Ai së bashku me tre aktivistë të tjerë po akuzohet për sulmin ndaj Kuvendit të Kosovës.

Mirëpo, Gjykata ende nuk ka mundur ta vërtetojë fajësinë e tyre.

Krasniqi dhe tre aktivistët tjerë, Egzon Haliti, Adea Batusha dhe Atdhe Arifi janë pjesë e listës së VV-së për deputet.

E në pamundësi për të bërë fushatë e për të takuar qytetarët, Krasniqi iu është drejtuar atyre me një video.

Ai ka thënë se dyert e banesës së tij janë të hapura për të gjithë ata qytetarë që duan ta takojnë e të bisedojnë me të.

Pritet që edhe kandidatët e tjerë të VV-së që ndodhen në arrest, t’u drejtohen votuesve me video të ngjashme./Periskopi

Reklamë
Reklamë

Emrat më të çuditshëm të kandidatëve për deputetë, ka Kolosale e edhe Vetima (Dokument)

Periskopi.com Lajme

Qindra kandidatë kërkojnë votën për deputetë, në zgjedhjet që pritet të mbahen më 11 qershor në Kosovë.

Ata vijnë nga lista të ndryshme, ka kryesisht emra të zakonshëm, por ka edhe më të veçantë.

Në listën e përgjithshme të kandidatëve ka emra si Kolosale, Abdelnasi e Vetima.

Kolosale Çitaku ndodhet në listë, Abdelnasi Çuni, Vetima Koprani, Moamer Alaksa, Stamifer Kryeziu e edhe Vezir Jonuzi.

Ka edhe emra si Nevzad, Shyqeri, Mirdita, Nasir e të ngjashëm. Por ndër më të veçantët mbetet padyshim Koloasle.

Ata janë pjesë e listave të ndryshme, që të gjithë kërkojnë votën për deputet të Kosovës./ Periskopi

 

Reklamë
Reklamë

Krejt kush kërkon votën më 11 qershor, emrat dhe numrat e tyre (Dokument)

Periskopi.com Lajme

Komisioni Qendror i Zgjedhjeve mori vendim për Certifikimin e Subjekteve Politike dhe Kandidatëve të Subjekteve Politike shqiptare.

Lidhur me Subjektet Politike nga komunitetet pakicë, Komisioni Qendror i Zgjedhjeve vendosi në këtë mbledhje që të bëjë vetëm Certifikimin e Subjekteve Politike, ndërsa Kandidatët e tyre të certifikohen më së largu ditën e nesërme (e mërkurë), pasi institucionet përkatëse të verifikojnë përkatësinë etnike të disa prej kandidatëve të tyre.

Kryeshefi Ekzekutiv i SKQZ-së, Enis Halimi bëri të ditur se është duke u vazhduar me përgatitjet lidhur me organizimin e Zgjedhjeve të Parakohshme për Kuvendin e Republikës së Kosovës.

Duke folur për Periudhën e Aplikimit për Regjistrim të Votuesve nga jashtë vendit, e cila është përmbyllur me datë 22 maj, Halimi bëri të ditur se numri i aplikacioneve për regjistrim është: 11 mijë e 818 aplikacione.

Anëtarët e KQZ-së shprehën falënderim për interesimin e madh të diasporës për të aplikuar për t’u regjistruar si votues jashtë vendit, ndërsa inkurajuan shërbimin e votuesve për të shqyrtuar të gjitha aplikimet e pranuara./ Periskopi

 

Reklamë
Reklamë

Beogradi shantazhon serbët e Kosovës

Periskopi.com Lajme

Beogradi zyrtar po u bën presion qytetarëve serbë të Kosovës që në zgjedhjet e parakohshme parlamentare të Kosovës të votojnë vetëm për Listën Serbe, si dhe po përdor forma shantazhi ndaj pesë subjekteve tjera politike serbe, të cilat janë pjesë e garës zgjedhore, vlerësojnë përfaqësuesit e disa subjekteve politike serbe në Kosovë, si dhe njohësit e zhvillimeve politike.

Kryeministri në largim, përkatësisht presidenti i zgjedhur i Serbisë, Aleksandar Vuçiq, u ka bërë thirrje serbëve të Kosovës që të votojnë vetëm për Listën Serbe.

Ai, madje, ka theksuar se “forca të caktuara shqiptare dhe të botës po i blejnë serbët, në mënyrë që t’i kenë katër prej dhjetë deputetëve serbë për ta votuar ushtrinë e Kosovës”.

Nenad Rashiq, drejtues i Partisë Demokratike Përparimtare, subjekt politik serb në Kosovë, tha për Radion Evropa e Lirë se Beogradi zyrtar as që ka tentuar t’i unifikojë përfaqësuesit politikë të serbëve në një listë të përbashkët, por i ka ndarë serbët në “të mirë” dhe në “të këqij”.

Me këtë retorikë, sipas tij, Beogradi zyrtar po i përçan serbët në “të jugut” dhe “të veriut” dhe ka shfaqur tendencën që serbët e veriut të Kosovës t’i marrin funksionet në institucionet e Kosovës.

Sjellja aktuale e Beogradit zyrtar ndaj subjekteve politike dhe vetë komunitetit serb në Kosovë është formë e presionit, tha Rashiq.

“Me këtë sjellje, Beogradi do të ndikojë në strukturat e serbëve të Kosovës dhe vetë serbët dhe sigurisht do ta pamundësojë që përfaqësimi të jetë me kapacitete të plota dhe me njerëz burimorë. Ju keni parë se çfarë terminologjie po përdoret, se kinse disa serbë, siç thotë edhe Marko Gjuriq (drejtor i Zyrës për Kosovën në Qeverinë e Serbisë) do të votojnë për krijimin e Ushtrisë së Kosovës. Në fakt, në këtë moment nuk ekziston ndonjë serb në Kosovë që do të votonte për këtë ushtri”, tha Rashiq.

Beogradi (s’)mund ta krijojë listën unike për zgjedhjet në Kosovë

Aleksandar Jabllanoviq, ish-themelues i Listës Serbe, aktualisht drejtues i Partisë së Serbëve të Kosovës, e cila në garën zgjedhore të 11 qershorit është futur në koalicion me Iniciativën Qytetare Aktive, tha për Radion Evropa e Lirë se Beogradi zyrtar është duke gabuar me politikën e tij të animit vetëm kah Lista Serbe.

“Ato po u ndodhin serbëve në Kosovë, mund të them lirisht se janë kërcënimet më të vrazhda, të cilat serbët i kanë prej vitit 1999, prej kur merren me politikë. Këto kërcënime, fatkeqësisht, vijnë nga ana e institucioneve të shtetit tonë, Serbisë, të cilat funksionojnë ende në Kosovë. Unë nuk e kuptoj se cila është prapavija e kësaj, përveçse mund të shoh se caku është që tash të krijohet frikë dhe ngatërrim te njerëzit, se kinse një grup i serbëve do të ketë guxim dhe do të vendosë që ta formojë Ushtrinë e Kosovës”, tha Jabllanoviq.

Ai shtoi se kërcënime janë duke marrë përfaqësuesit e subjekteve të ndryshme politike serbe në Kosovë. Gjithashtu, sipas tij, familjarët e tyre kërcënohen se do të mbesin pa punë, se studentët do të mbesin pa konvikte.

Jabllanoviq theksoi se Beogradi, me këto veprime, vetëm sa po e vë veten në situatë të rëndë.

Tensione në Listën Serbe, nuk dihet kush është kryetari, Jabllanoviq apo Simiq

Por, njohësi serb i zhvillimeve politike, Rangjell Nojkiq, tha për Radion Evropa e Lirë se sjellja e Beogradit zyrtar ndaj serbëve të Kosovës nuk paraqet asgjë të re.

 

Sipas tij, Beogradi, tash e disa vite, përpiqet t’i orientojë serbët e Kosovës se si të votojnë, duke mos llogaritur se një pjesë e votuesve janë kundër Listës Serbe ose favorizojnë ndonjë subjekt tjetër politik serb.

“Ata që janë kundër kësaj liste, ose favorizojnë ndonjë listë tjetër, nuk janë më pak serbë, më pak të rëndësishëm dhe të ndershëm sesa këta që zoti Vuçiq, Gjuriqi dhe të tjerët nga Qeveria e Serbisë i bëjnë të rëndësishëm dhe vetëm ata i promovojnë si përfaqësues serbë. Mendoj se kjo është krejtësisht e gabuar dhe kjo është një prej nënçmimeve të radhës të serbëve të kësaj hapësire. Do të shihni se, pavarësisht faktit se do të ketë presione të llojllojshme që të votohet për Listën Serbe, një numër i caktuar këtë nuk do ta bëjë dhe kjo edhe më shumë do t’i ndajë serbët”, tha Nojkiq.

Ai shtoi se në mesin e serbëve të Kosovës ka mjaft të tillë, të cilët nuk mendojnë ashtu siç mendon Qeveria e Serbisë.

Përfaqësuesit politikë të serbëve po garojnë për 10 vendet e garantuara në Kuvendin e Kosovës, i cili ka 120 vende.

Sipas Nojkiqit, në sesionin e ri, në opozitë do të ketë edhe serbë, në qoftë se Beogradi zyrtar nuk i dëgjon edhe serbët tjerë dhe jo vetëm Listën Serbe. /REL

Reklamë
Reklamë