Tensionimi i situatës, Thaçi zhvillon bisedë telefonike me zv.presidentin Biden

Pas zhvillimeve të fundit ndërmjet Kosovës e Serbisë, presidenti Hashim Thaçi ka biseduar në telefon me zëvendëspresidentin amerikan Joe Biden

Periskopi.com Lajme

Këtë e ka bërë të ditur vet Thaçi nëpërmjet një njoftimi në Twitter, transmeton lajmi.net

“Kisha një bisedë të mrekullueshme me zëvendëspresidentin Joe Biden në telefon. Dialogu dhe bashkëpunimi është e vetmja rrugë për Ballkanin Perëndimor.

Biden është takuar edhe me kryeministrin serb Aleksandër Vuçiq në Davos.

16176079_10158115777245301_1308070181_n

 

Hekurudhe - ILUSTRIM

BE do të ndërtojë hekurudhë që kalon nga Serbia nëpër Kosovë

Bashkimi Evropian kohë më pari pati bërë të ditur se është duke bërë një investim i madh hekurudhor në Ballkanin Perëndimor.

Periskopi.com Lajme

Ky investim do të lidh këtë pjesë të Evropës me pjesën perëndimore të saj, transmeton Periskopi

Ky projekt, i cili mbështetet edhe nga Banka Evropiane për Rindërtim dhe Zhvillim (BERZH) si dhe Banka Evropiane për Investime do të ndërlidh hekurudhat e Kosovës (nga Maqedonia deri në Serbi) me korridorin e Ballkanit Perëndimor, dhe më pas do të kaloj deri në Austri, Greqi e Bullgari.

Sistemi i hekurudhave të Kosovës do të ndërlidhet me ato të ish Republikës Jugosllave, përkatësisht ato të pjesës së Maqedonisë dhe Serbisë.

Nga 256 km hekurudhë, rreth 148 do të jenë vetëm në territorin e Kosovës, përkatësisht pjesa që do të lidh Kralevën e Serbisë me Prishtinën e Kosovës, dhe pjesa tjetër që do të lidh Prishtinën me Gorce Petrov e Maqedonisë, transmeton Periskopi.com

Ky projekt, faza e parë e së cilës do të kushtojë rreth 80.9 milionë euro, pritet që t’i sjell dobi të mëdha dhe të dyfishoj fitimet e këtij investimi.

Ndërsa, Komisionari për Zgjerim i Bashkimit Evropian, Johannes Hahn, tha verën që lam pas, duke folur në forumin biznesor në kuadër të Samitit për Ballkanin Perëndimor në Paris, se perspektiva e anëtarësimit të vendeve të Ballkanit Perëndimor në BE do të vazhdojë tutje, pavarësisht, se sipas tij, BE-ja ka hyrë në një fazë të vështirë.

“Kemi vendosur të sigurojmë 96 milionë euro për tre projekte të infrastrukturës hekurudhore në Serbi, Shqipëri dhe Kosovë”, pati thënë Hahn.

Përndryshe, hekurudhat e para në Kosovë janë ndërtuar në vitin 1936 dhe kanë funksionuar rregullisht deri në vitet e 90-ta, por asnjë investim madhor nuk është bërë që nga atëherë./Periskopi.com

Kosova zhbllokon dy fshatra të Kukësit nga bora, i lidh me Prizrenin

Deputeti socialist Namik Dokle, ka treguar se ka qenë Kosova që me mjetet e veta i ka dalë në ndihmë Kukësit, për ta zhbllokuar nga bora që ka rënë ditëve të fundit.

Periskopi.com Lajme

I ka lënë qasje në Prizren, e prej aty në Shqipëri.

“Përzemërsisht u jam mirënjohës ambasadorit tonë në Kosovë, Qemal Minxhozi, ministrit të Infrastrukturës në Republikën e Kosovës, Lutfi Zharku dhe bashkëpunëtorëve të tij! Sapo i njoftuam që bora e madhe kishte bllokuar fshatrat Borje dhe Shishtavec dhe se ç’bllokimi nga drejtimi i Kukësit do të vonohej shumë, morën masa të menjëhershme, angazhuan njerëzit, shkuan dhe vete dhe sot Shishtaveci dhe Borja e kanë të hapur rrugën drejt Prizrenit e prej andej për në Kukës, Tiranë e kudo, ku njerëzit mund të kenë nevojë. Pune e mrekullueshme!”, ka thënë Dokle, raporton Koha.net.

“Ndjehesh vërtetë shumë mirë, kur shikon veprime të tilla, sa të përgjegjshme po aq edhe njerëzore, sa të thjeshta në dukje po aq edhe të madhërishme në vlerat që bartin e mesazhin që trasmetojnë. Mirënjohje Lutfi, mirënjohje Qemal!”, ka thënë ai.

Muri ne Mitrovice

BE-ja nuk e di kur hapet ura mbi lumin Ibër

Bashkimi Evropian po i përcjell për së afërmi zhvillimet në Kosovë në lidhje me sulmin me bombë në objektet e qeverisë në veri të Mitrovicës, ka thënë Maja Kocijançiq zëdhënëse e BE-së. I njëjti formulim është dëgjuar gjatë ditëve kur lideri i AAK-s Ramush Haradinaj mbahej i arrestuar në Francë.

Periskopi.com Lajme

Përkundër pyetjeve të drejtpërdrejta të gazetarëve, zyrtarët e Bashkimit Evropian asnjëherë nuk janë përgjigjur në pyetjen nëse ndonjëherë gjatë dialogut, është ngritur çështja e heqjes së fletarresteve nga listat e Interpolit, as nëse e zyrtarët e BE-së e kanë në plan që t’ia bëjnë këtë kërkesë Serbisë.

Kocijançiq insiston se gjithçka është në rregull me procesin e dialogut për normalizimin e raporteve në mes të Kosovës e Serbisë.

Megjithatë, kryeministrat e Kosovës përkatësisht Serbisë nuk janë takuar për gati një vit. I tërë viti i kaluar ka shënuar ngecje në dialog, gjë që është pranuar edhe nga zyrtarët e Bashkimit Evropian.

Gjatë vitit që shkoi, Prishtina dhe Beogradi në nivel ekspertësh kanë biseduar për implementimin e marrëveshjeve tashmë të arritura dhe kah fundi i 2016tës u arritën marrëveshjet mbi marrëveshjet e vjetra të cilat precizuan se si të bëhet zbatimi. Marrëveshjet e fundit kishin data të sakta dhe detyra të qarta për secilën palë por asnjë afat nuk u respektua deri më tani.

Marrëveshja për lëvizjen e lirë i kapërceu afatet kohore, ndërsa edhe marrëveshja e gjyqësisë e para e paraparë për implementim për sivjet nuk u implementua në datën e dakorduar. Afati për implementim ishte 10 janari, datë kjo gjithashtu e humbur. Në emër të Bashkimit Evropian, Kocijançiq konsideron se bëhet fjalë për vonesa të kuptueshme dhe vazhdon të arsyeton se kjo marrëveshje megjithatë do të imeplementohet gjatë muajit janar, ndonëse jo me datë të paraparë.

Akoma nuk dihet nëse marrëveshja për revitalizimin e urës mbi lumen Ibër do të implementohet në afatin e përcaktuar. Sipas marrëveshjes së ndihmuar nga Brukseli, më 20 janar duhet të rihapet ura. Tani, një javë para afatit, Kocijançiq nuk është në pozitë që të sigurojë se do respektohet kalendari, njofton RTK.

Krejt çfarë thekson Kocijnaçiq është se po punohet me palët në mënyrë që të vije deri te hapja e urës sipas marrëveshjes. Mirëpo marrëveshja të cilës i referohet Kocijançiq, nuk kishte të përfshirë një objekt të ri tek ura të cilin e nderuan serbët në formë të murit e u shndërrua në shkallë në shenjë kompromisi i cili do mbetet aty edhe me rastin e rihapjes së urës, me 20 janar apo më vonë.

acari

Në Kosovë edhe dhelpra është ngrirë nga acari (Foto)

I ftohti polar që ka përfshirë vendin tonë nuk po kursen as kafshët.

Periskopi.com Lajme

Gjatë ditës së sotme është gjetur një dhelpër e ngrirë.

Kafsha është gjetur në ujërat e lumit Drin në Krushë të vogël.

Moti i ftohtë pritet të vijojë deri në fund të javës.

auto_15940557-10209147911069714-226039139579549120-n-500x3581484070431

treni serb ne Kosove

Shikoni ikonat brenda trenit serb që po vjen pa leje të Kosovës (Foto)

Serbia ka paralajmëruar veprimin e radhës përmes të cilit cenon sovranitetin e Kosovës. Kësaj radhe do të lëshojë linjë treni të udhëtarëve për në Mitrovicë pa pajtimin paraprak të qeverisë së Kosovës.

Periskopi.com Lajme

Këtë veprim në Ministrinë e Transportit, para disa dite nuk kanë pranuar ta komentojnë për gazetën Metro, me arsyetimin se “e dimë çfarë gjendje kemi në veri“.

Serbët si duket kanë bërë gati trenin dhe tashmë kanë dalë edhe fotografitë e para nga brenda. Ai, siç edhe shihet në këtë fotografi është i “stolisur” me ikona, dhe piktura të kishave.

Kjo fotografi është publikuar në disa rrjete sociale dhe e njëjta ka shkaktuar breshëri të komenteve nga më të ndryshmet, transmeton gazetametro.net.

E po ashtu edhe nga jashtë ky tren është markuar me flamurin e Serbisë dhe me emra të kishave, manastireve… serbe.

Marko Djuric, drejtor i zyrës për Kosovë në qeverinë e Serbisë ka thënë se është fjala për trenin më “modern”.

treni-beograd-kosove treni-i-beogradit-768x576

Trump

As Ambasada Amerikane në Kosovë nuk e di se kush është ftuar në inaugurimin e Trumpit

Ftesat për pjesëmarrje në inaugurimin e Presidentit të Shteteve të Bashkuara të Amerikës, Donald Trump, deri më tani i kanë “konfirmuar” vetëm lideri i AAK-së, Ramush Haradinaj dhe ai i AKR-së, Behgjet Pacolli.

Periskopi.com Lajme

Mirëpo, zëdhënësja e Ambasadës së ShBA-së në Prishtinë, J. Michelle Schohn, thotë për Ekonomia Online se nuk kanë informacione përkitazi me këtë çështje.

“Ambasada e SHBA-ve në Prishtinë nuk ka informatë lidhur me atë se kush është ftuar në ceremoninë e inaugurimit të presidentit të zgjedhur Trump”, ka thënë zëdhënësja Schohn në një përgjigje elektronike.

Burimet e Ekonomia Online pohojnë se e vetmja që ka ftesë zyrtare nga Shtëpia e Bardhë për pjesëmarrje në ceremoninë e inaugurimit të presidentit Trump është ambasadorja e Kosovës, Vlora Çitaku.

Ceremonia do të zhvillohet në 20 janar në Washington, ku Donald Trump do të bëjë betimin dhe do të marrë zyrtarisht detyrën e Presidentit të SHBA-së.

foto5

Presidenti Thaçi merr përkrahje nga Senati amerikan për Forcat e Armatosura

Presidenti i Republikës së Kosovës, Hashim Thaçi, i cili po qëndron në Shtetet e Bashkuara të Amerikës për një vizitë zyrtare, mbrëmë është takuar edhe me Kryesuesin e Komitetit për Marrëdhënie me Jashtë të Senatit amerikan, senatorin Bob Corker.

Periskopi.com Lajme

Presidenti Thaçi dhe senatori Corker kanë biseduar për thellimin e marrëdhënieve dypalëshe.

“Diskutuam për nevojën për rol udhëheqës të SHBA-së në Kosovë dhe në rajon, sepse vonesat e Bashkimit Evropian po krijojnë vakum të cilin po e shfrytëzojnë aktorë të tjerë”, është shprehur presidenti Thaçi.

Nga ana tjetër, Kryesuesi i Komitetit për Marrëdhënie me Jashtë në Senatin amerikan, senatori Bob Corker, ka rikonfirmuar përkrahjen e SHBA-së për themelimin e Forcave të Armatosura të Kosovës, për anëtarësimin e Kosovës në Partneritetin për Paqe të NATO-s dhe ka shtuar se Kosova po luan një rol të rëndësishëm në luftën kundër terrorizmit.

foto4-1 foto1-1 foto3-1 foto2-1

tan2017-1-3_14262338_0-620x350

Serbia nuk ndalet, lëshon linjë treni nga Beogradi për në Mitrovicë

Për vitin e ri serb do të fillojë udhëtimin e parë treni i cili do të udhëtojë nga Beogradi në Mitrovicë, raportojnë mediat serbe duke iu referuar një njoftimi të lëshuar nga drejtori i zyrës për Kosovë në qeverinë e Serbisë, Marko Djuric, transmeton gazetametro.net.

Periskopi.com Lajme

Nuk dihet ende kjo është bërë në pajtueshmëri me Prishtinën, apo edhe një provokim i radhës i Beogradit nga të shumtët e kohëve të fundit.

Djuric duke njoftuar për linjën e trenit u ka thënë mediave në Beograd, se “Për vitin e ri serb do të fillojë qarkullimin treni Beograd-Mitrovicë. Ai do të shkojë nga Beogradi-Mladonovac-Lapovo-Kragujevc-Krajlevë-Rashkë dhe në fund në Mitrovicë. Treni do të ketë shpejtësi të madhe”.

Ai ka theksuar se kjo është linja e parë Beograd-Kosovë, pas luftës. Sipas tij, ky tren do të jetë “i zbukuruar” me motive të trashëgimisë kulturore dhe fetare serbe si dhe jashtë do të ketë flamurin serb dhe emrat e kishave dhe manastireve të cilat gjenden në Kosovë.

Djuric ndër të tjera ka thënë se çmimi i biletës do të jetë më i volitshëm se ai i autobusit, pasi që në universitetin e Prishtinës në Mitrovicë studiojnë rreth 12,000 studentë serb.

Hapen për qarkullim rrugët Mitrovicë – Bajgorë dhe Ferizaj – Hani i Elezit

Ministria e Infrastrukturës njofton se është hapur për qarkullim rruga Mitrovicë-Bajgorë e cila rrugë tashmë është e kalueshme.

Periskopi.com Lajme

Kjo Ministri bën me dije se pas punës së pandërprerë të ekipeve për mirëmbajtjen e rrugëve, në qarkullim të plotë është lëshuar edhe rruga Ferizaj-Hani i Elezit, vetëm për automjetet e vogla.

Ndërsa, sipas MI-së, për automjetet e rënda, rruga ende është e pakalueshme, ndërsa thekson se kurdo që kjo rrugë të lirohet edhe për automjetet e rënda, do të njoftojnë me kohë, raporton Koha.net.

“Njëherësh kërkojmë nga qytetarët që gjatë udhëtimeve të tyre të jenë të pajisur me pajisjet e duhura dimërore si dhe t’u përshtaten kushteve të gjendjes së rrugëve por edhe kushteve aktuale atmosferike”, thuhet në njoftimin e MI-së.

bora-berishe

Zyrtare: Këto janë rrugët e bllokuara nga reshjet në Kosovë

Reshjet e fundit, kanë bërë që të shtohet aktiviteti në mirëmbajtjen e rrugëve.

Periskopi.com Lajme

Por, edhe përkundër kësaj për shkak të reshjeve të shumta të borës, Ministria e Infrastrukturës së Kosovës njofton se disa akse rrugore janë të bllokuara:

-Pjesa e rrugës në pikën kufitare me Malin e Zi, në Kullë.

-Rruga Brezovicë-Prevallë si dhe pjesa tjetër e kësaj rruge nga pushimoret deri te Qendra e Skijimit.

-Rruga Mitrovicë-Bajgorë.

-Rruga për fshatin Tugjevc të komunës së Kamenicës.

Pjesa e rrugës për Kaçanik është bllokuar vetëm për qarkullimin e automjeteve të rënda-kamionëve, për shkak të pastrimit të rrugës.

Ndërsa, rrugët tjera janë të vendit tonë janë të kalueshme duke e përfshirë edhe Autostradën “Ibrahim Rugova” .

Ministria e Infrastrukturës, është duke punuar pa ndërprerë që të ketë një mirëmbajtje të rrugëve sipas planeve të parapara për mirëmbajtjen dimërore të këtyre rrugëve. “Ekipet tona janë duke punuar pandërprerë në mënyrë që të gjitha rrugët të jenë të kalueshme për qarkullimin e qytetarëve të vendit tonë”, thuhet në njoftimin e kësaj minsitrie./ Periskopi

Bora

Mësohet sa është trashësia e borës në komunat e Kosovës

Instituti Hidrometeorologjik i Kosovës (IHMK) ka njoftuar për reshjet e borës të regjistruara sot deri në orën 14:00 në territorin e Kosovës.

Periskopi.com Lajme

– Prishtinë 35 cm

– Besianë 36 cm

– Pejë 11 cm

– Malishevë 19 cm

– Gjakovë 25 cm

– Budakovë 75 cm

– Kotlinë (Kaçanik) 57 cm

-Ferizaj, 43 cm dhe

– Gadime (Lipjan) 65 cm.

tomislav-nikolic29-2804-201

Qeveria e Kosovës refuzon kërkesën e Presidentit Nikoliq ta vizitojë Kosovën

Qeveria e Kosovës ka marrë vendim për të refuzuar kërkesën e Presidentit të Serbisë, Tomislav Nikoliq dhe zyrtarëve të tjerë të lartë të Qeverisë së Serbisë për ta vizituar nesër komunën e Shtërpcës në Kosovë.

Periskopi.com Lajme

Refuzimi vjen pas vonesës për të deponuar me kohë kërkesën për vizitë në Kosovë ashtu siç parashihet me marrëveshjen për lejimin e vizitave të zyrtarëve të lartë ndërmjet dy shteteve.

Qeveria e Kosovës konsideron se sjelljet e fundit të Serbisë dhe deklaratat e njëpasnjëshme janë kundër frymës së bashkëpunimit ndërshtetëror dhe të arriturave të dialogut për të ndërtuar ura të shëndosha bashkëpunimi në mes dy shteteve dhe popujve.

Po ashtu, ato janë kundër interesit të qytetarëve serbë të Kosovës të cilët kanë vendosur të jetojnë në Kosovë./ Periskopi

Ramush Haradinaj

Do të jem në inaugurimin e Trump

Viti që po lëmë pas padyshim se kishte zhvillime nga më të ndryshmet. Ishin Trepça, Zajednica, teksa vazhdojnë të jenë demarkacioni, muri në veri të Mitrovicës, liberalizimi i vizave dhe zhvillimi ekonomik e shumë çështje të tjera do të vazhdojnë të mbeten në procedim e sipër edhe për fillimin e vitit 2017.

Indeksonline Intervista

Ndërsa lider i i Aleancës për Ardhmërinë e Kosovës, Ramush Haradinaj në një intervistë përmbyllëse për vitin 2016 të realizuar nga Indeksonline, ka theksuar se viti që kaloj do të kujtohet si vit i ngecjes.

Sipas tij ngecjet në ekonomi, gjyqësi, prokurori e në investimet e huaja kanë bërë që  vendi të jetë ende në një gjendje aspak stabile.

Zotëri Haradinaj, si e përmblidhni me pak fjalë vitin 2016 në aspektin politik, ekonomik e social?

Haradinaj: Është vit i ngecjes  në situata të caktime edhe është përkeqësuar gjendja në Kosovë, ndërhyrjet politike në polici, në gjyqësorë në prokurori dhe aspektet e tjera e kanë dobësuar gjendjen në rend dhe ligj. Kemi dobësim në atë që është siguri sepse nuk është avancuar votimi i sigurisë është mungesë, në planin ekonomik ka mungesë të investimeve pra nuk po ndodhin investime në Kosovë edhe dështimi i resurseve na e është krijuar bindja që qëllimshëm po dyshtohen pasuritë dhe resurset e Kosovës. Është dështuar KEK-u, apo investimet në KEK pasi ne tani prodhojmë energji me teknologji që është shumë e vjetër kur kemi mundur të kemi investime të reja e energji që është më e pastër e prodhuar me më pak ndotje e me çmim më të mirë sepse prodhimi me këto mjete nuk është i mirë dhe kushton. Pushteti ka dështuar me Trepçën, Brezovicën, Postën dhe besojmë se qëllimshëm po dobësohet  Kosova që me qenë në gjendje të rëndë ekonomike. Nuk ka investime as nga diaspora pra investitorët para se të fillojnë punën kanë kërkesë për hise nga pushtetarët që është e vështirë për t’u ndarë zhvillimi ekonomik. Përkrahja për bujqit është e dobët, subvencionet janë shumë të dobëta ka keqpërdorime dhe bizneset e vogla dhe të mesme nuk i përkrah kush . Kemi situatë të rëndë ekonomike, pra një pjesë e popullit është në gjendje të rëndë ekonomike . Në shëndetësi e dimë se si është gjendja , në hall janë edhe mjeku edhe pacienti. Qindra  milionë shpenzohen jashtë vendit vetëm ato para që shpenzohen jashtë po të dihej të drejtoheshin në vend ishin dhënë përgjigje për plot problem enë shëndetësi në Kosovë. Këtu e ka pru gjendjen kjo udhëheqje politike, por Aleanca e ka dhënë një platformë në tubimin e fundit, pra dhamë përgjigje se si dilet nga kriza por edhe jemi duke përgatitur strategjinë për dalje nga kriza për një kohë afatgjatë.

Cilat ishin disa prej dështimeve më të mëdha të ekzekutivit përgjatë vitit 2016?

Haradinaj: Dështim serioz ka qenë mos-votimi i ushtrisë, siguria është treguese edhe për aspekte të tjera sa më i sigurt që të jetë një vend aq më të mëdha janë investimet pra mungesa e një vizionit për të mbërrij deri të vota është dështim i këtij koalicioni. Pra i kaloj dy vite ky koalicion dhe votoj disa herë me 2/3 por nuk e votoj ushtrinë, gjykatën, presidentin por jo ushtrinë. Mungesa e investimeve  pasi nëse shikojmë raportin e progresit shihet sa i madh është dështimi në vend.

 

Partia të cilën ju drejtoni ishte e para dhe më zëshmja në Kuvend sa i përket bllokimit të marrëveshjes së demarkacionit me Malin e Zi, sa shpresoni që kjo marrëveshje nuk do të kalojë pavarësisht insistimit të Qeverisë?

Haradinaj: Ne kemi dëshirë me e përmbyllë këtë marrëveshje, pra me e kry. Ju kujtohet ligji për Trepçën e sollën në ligj të gabuar e kundërshtuam e sollën një ligj të drejtë dhe e votuan pra nëse Qeveria vendos me e korigju marrëveshjen dhe kufiri i drejtë të vendoset në qafë të Çakorrit atëherë ne e kishim votuar me qef pra është e këtushme që të votohet versioni i drejtë dhe versioni i gabuar është kot dhe nuk kalon asnjëherë pra është e kotë.  Kemi  pasur një bisedë me anëtarë të Bashkimit Evropian, me kryeministrin me kryetarë të partive tjera e tryeza pra  ne vazhdojmë me bisedu dhe unë vazhdoj të loboj dhe të kërkojë ndihmë tek institucionet e BE-së dhe tek ata të Amerikës, për t’u korrigjuar marrëveshja por tash jam habitur me një veprim të kryeministrit për matje. Ai sikur dëshiron të pengojë korrigjimin dhe vërtetë është jashtë-logjikës ky veprim . Propozimi i tij për komision është pengesë pra për të penguar këtë korrigjim.

A konsideroni se viti 2017 do të jetë vit i dy palë zgjedhjeve dhe çfarë prisni nga to?

Haradinaj: Zgjedhjet parlamentare besoj se do të ndodhin më herët pasi është bërë situatë e rëndë dhe e vështirë për t’u mbajtur si gjendje e tillë pasi po i kushton Kosovës. Ndërsa zgjedhjet lokale janë në bazë të orarit pra në vjeshtën e vitit që vjen pra do të kemi dy palë zgjedhje.

AAK-NISMA tashmë janë në një koalicion parazgjedhor, në rast të bashkimit edhe të AKR-së, sa janë gjasat që ky bllok të dal i pari në zgjedhjet nacionale?

Haradinaj: Ne kur kemi themeluar koalicionin AAK-NISMA qëllimin e kemi pasur tek një  bosht opozitar fitues dhe kemi punuar intensivisht që të rriten AAK dhe NISMA që të fitojnë zgjedhjen e pra në rast se këtij boshti do t’i bashkohej edhe AKR atëherë mundësitë janë reale që të fitohen zgjedhjet.

A jeni i gatshëm që të qeverisni me Kosovën?

Haradinaj: Nëse më besohet kjo po por nuk e kemi definuar këtë. Është e hapur mënyra se si të ndërtohen institucionet, pra është e hapur nga Aleanca.

Është bërë shumë bujë e madhe për ftesën  e pjesëmarrjes në Inaugurimin e Presidentit të Amerikës, Donald Trump, si e pritet këtë ftesë dhe nga kush saktësisht është dërguar kjo ftesë tek ju?

Haradinaj: Më ka kontaktuar një organizatë që e ka përkrahur presidentit Trump në zgjedhje dhe quhen ‘Voton djathtas’ pra janë interesuar se kush janë partitë shqiptare djathtas dhe me siguri ata kanë respekt për pozicionimin tim politik në të  kaluarën apo në zhvillimet që kanë ndodhur këtu. Unë nuk kam pasur ndonjë rol në zgjedhjet amerikane atje dhe ata i kam takuar dhe më kanë propozuar që nëse jam dakord t’i bashkohem inaugurimit pasi nuk do të thërrasin dikë tjetër në këtë inaugurim dhe unë kam pranuar me dëshirë . Ftesa ka ardh, organizata që unë po flas njëri nga kryesuesit është  Michael Bjundo, është edhe anëtarë i (PICUT),  apo Komiteti Presidencial për Inaugurim, ku edhe do të marrë pjesë në ceremoninë kyçe pra kryesore e më pas edhe në atë përcjellëse por për koincidencë më ka ardhur edhe një ftesë tjetër prapë ku është presidenti aty janë lutjet e mëngjesit, ai mban fjalim.

Pak është befasi ardhja e dy ftesave nuk e kam pritur fort që do të vijnë por menjëherë jam përgjigjur pozitivisht dhe kam aplikuar për viza pasi nuk e kam pasur të paraparë që në kohën e festave të fundvitit por besoj që do të mbërrijë me kohë vizën që të mund të mbërrijë në inaugurim. Në fakt unë kam qenë edhe në inaugurimin e presidentit Bush në 2001, ngjarja kryesore ndodhë jashtë në natyrë në oborrin e Shtëpisë së Bardhë, në oborrin prapa aty janë shumë të ftuar dhe zakonisht ftesa është shkresa si rasti im por pastaj atje duhet të jesh prezent sepse të bëjnë fotografim aty për aty, të japin kartelë dhe është shkaku i sigurisë. Unë pash edhe disa komentime të shumta se a është me rëndësi apo nuk është e  që nuk duhet të thuhet ashtu sepse kur thuhet ashtu nuk është me rëndësi ftesa në inaugurimin e presidentit të një vendi që ka bërë shumë për ty, edhe ata e marrin si ofendim, pra jo ndaj meje por duhet të ketë kujdes edhe pala tjetër.

Pra kush është me rëndësi me na e thirr, Moska, Beogradi apo kush nëse jo prej Amerikës. Është pak e çuditshme pra unë jam habit me disa reagime sepse ftesa më është drejtuar mua dhe fundi i fundi unë jam i Kosovës e përfaqësojë Kosovën dhe kur jam në Amerikë zakonisht kërkojë nga Amerika përkrahje për Kosovën. Unë kam tri tema që do t’i trajtojë atje në planin ndërkombëtarë më shumë njohje në organizata ndërkombëtare deri në OKB, pasi pa përkrahje Kosova e ka të vështirë me ec dhe shihet se kemi stagnim në njohje dhe anëtarësim  sepse i kemi kryer FIFA e këto por tani jemi bllokuar . S’kemi avancim një njohje në gjashtë muaj dhe kjo është shumë vështirë pra kërkoj përkrahje  për siguri, ushtri e anëtarësim në NATO . Pa Amerikën është e vështirë të ecën këto gjëra, pra Kosova është e ndërlidhur me Amerikën. Ne kemi një ‘Bonstill’ kemi një superfuqi ushtarake amerikane në Kosovë , por se kemi një superfuqi ekonomike pse mos të kemi edhe një ‘Bonstill’ ekonomik të Kosovës, pra diku kudo që janë 5-6 kompani të mëdha që punësojnë mijëra njerëz. Kompanitë amerikane investojnë gjithkah e kemi të tilla që në Serbi kanë investuar me punësimin e mijëra njerëzve. Veç një gjë më vjen keq prej shqiptaro-amerikanëve tanë atje pasi ju bëhem barrë pak me shpenzime pasi që ata mi mbulojnë shpenzimet edhe kësaj here si në të kaluarën por edhe ata besoj që e dinë t’i shfrytëzojnë për të mirën e Kosovës.

Pse mendoni se janë bërë komente kaq të shumta për këtë ftesë?

Haradinaj: Nuk e di pse po panikojnë nuk ka logjikë ajo në fund të fundit çdo kush i ka të drejtat e veta ato nuk janë ekskluzive të rezervuara për pushtetarë në Ëashington  kanë shkuar plot prej atyre që Kosova s’ka pa gjë të mirë prej tyre veç dëme e harxhime ka pas. Pra nëse shkoj diçka e mirë do të vijë për Kosovën?

Si e shihni miratimin e rezolutës për rrënimin e murit në Mitrovicë dhe si pasojë e kujt apo çkaje ka ardhur deri te ky mur?

Haradinaj: Delegacioni i Kosovës që ka negociuar me Serbi nuk ka menduar se është e nevojshme që të informohet Parlamenti me një marrëveshje se si e kanë menduar atë plan të rregullimit të urës. Sipas logjikë së  Editës dhe Isës diçka që e dinë Gjuriqi apo Brukseli nuk bën me e ditë parlament, është shumë habitshme si po sillen këta. Në vend që të vijnë të shpjegojnë para Parlamentit prapa po i marrin këto punë sekret dhe si kështu ndodhi me komunat serbe, zajednicën, demarkacionin dhe tani edhe me murin, pra pse për diçka që ka mundu të ndalohet para se të bëhej. Respekt për partitë dhe grupet parlamentare që kanë gjetur gjuhë të përbashkët për krijimin e kësaj rezolute, dhe si rezultat muri do të hiqet pasi Parlamenti Evropian detyron ekzekutimin e çdo niveli që të sillen në bazë të ligjit dhe të hiqet ky muri.

Si e komentoni gjuhën e ashpër dhe në disa raste ofenduese të Listës serbe apo të Drejtori të Ashtuquajturës Zyra për Kosovën, Marko Gjuriq?

Haradinaj: Problemi tek ne është ne e kemi dobësuar veten shumë , udhëheqësit tanë nuk po besojnë as në vete, them se kushti i parë për të besuar të tjerë së pari duhet t’i besohet vetes dhe kur kemi besuar në atë që ishte e drejtë na kanë përkrahur  miqtë dhe na e kanë respektuar kundërshtarë nëse ne vetes nuk i besojmë nëse presidenti , kryeministri e të tjerët nuk besojnë në vete atëherë nuk të respekton kundërshtari dhe nuk të përkrahin miqtë pra sikur ata të rrisnin këtë besim të tjerë do të kujdeseshin se çfarë thonë.

Sot janë prezantuar edhe ndryshimet për miratimin e Ligjit të Veteranëve të UÇK-së, sa mendoni se duhet të kalojë ky ligj?

Haradinaj: E shoh njëfarë hile në këtë ide kategorizimi është i pafytyrë. Ndoshta të tjerët e kanë përjetuar veten ndryshe por unë se kam përjetuar veten ndryshe në luftë nga cilido ushtarë. Jam kundër asaj që duhet të ndahen ushtarët në kategorizime të ndryshme. 5 minuta në luftë kanë mjaftuar që të vritesh dhe të njëjtën epilog ka mund ta kishte secili. Nuk jam pro kategorizimit, pra nuk duhet të kategorizohen, unë s’kam dallim sa i përket luftës në ushtarët e mi. Unë s’kam pse me qenë kategori e veçantë të paktën në qatë aspekt të rrimë drejt mos të koritemi me njëri-tjetrin. Është e padrejtë shumë.

Sa do të jetë e mundur që qytetarët e Kosovës të kenë liberalizimin e vizave në vitin 2017?

Haradinaj: Është e mundur pasi që Qeveria e Kosovës duhet të bëjë një raportim për zhvillimet në rend dhe ligj. Por unë mendoj se më se miri do të kishte qenë të kishte zgjedhje pasi dërgojnë porosi se Kosova po fillon hapa serioz në rend dhe ligj, reforma dhe administratë por sa është kështu qeverisja është problem.

Si e nis ditën Haradinaj dhe ku jeni zakonisht për festat e fundvitit?

Haradinaj: Ditët e mija janë dy-tri lloje ka ditë që kur e di se kam për t’u vonuar shumë në mbrëmje për shembull mbrëmë kam qenë në Pejë në teren dhe jam kthyer vonë në mesnatë unë nuk e marr aq për ngute se po bëhet dita 18 orë pra zakonisht ndonjë kafe dhe sport, rreth orës shtatë dhe vazhdoj me punë por kur e di që kam ndonjë pauzë para darkës ose para aktiviteteve të mbrëmjes ia filloj pak më herët por diku në mes të mbylljes së ditës prapë kryesisht punë i kam, por mundohem që sportin me e mbajt së paku njëherë në çdo ditë pastaj në momente të caktume mundohem që gjithmonë me kontaktu me fëmijët me i pyet se si ka qenë dita e tynve me Anitën merremi vesh se si të takohemi, gati si me qenë zyrtare shkaku i mungesës së kohës por kur kam ditë më të lira i njoftoj fëmijët dhe Anitën se e kam  të lirë, pra nëse kemi vullnet shkojmë diku më larg mua më pëlqen me ec në bjeshkë ndërsa ndonjëherë qëndrojmë edhe këtu afër . I kemi disa festa që familja jonë i respekton shumë. 24 marsi Beteja e Gllogjanit, në  vitin 1998 e festojmë në Gllogjan mblidhemi e gjithë familja një natë përpara por edhe të nesërmen por dikush nga familja qan, dikush mërzitet më shumë por që mblidhemi bashkë. E kemi qershorin apo çlirimin, e kemi edhe prillin ramjen e Shkëlzenit, nuk është festë por datë që mblidhemi bashkë e përkujtojmë, ramjen e Luanit, Enverit të cilët i kujtojmë gjithashtu edhe të shumë të rënëve të tjerë të cilët mundohemi t’i respektojmë. Kemi edhe 28 nëntorin kur mblidhemi një natë më parë dhe të nesërmen e festojmë në mënyrë më shqip, siç është rendi. Por për Vitin e Ri mblidhemi të gjithë në Gllogjan, sepse vetëm kur kam qenë në Hagë nuk kam arritur të jem përndryshe gjithmonë mblidhemi më fëmijë, nipa e mbesa e presim bashkë.

Përpos lajmeve çfarë ndiçni tjetër në media?

Haradinaj: Këto portalet po i shoh në telefon pasi është kriju mundësi me i përcjell aty për aty, edhe mediet e huaja BBC, CNN e këto të tjerat i përcjelli në ndonjë rast të caktuar kur lidhet me prononcime të Serbisë, i përcjelli edhe mediet e tyre, gjithashtu mediat e Shqipërisë më interesojnë temat, nganjëherë shkoj deri në fund të rubrikave, shëndetin, sportin e shumë të tjera përpos politikës çkado që është tjetër edhe në shoëbiz. Ndërsa për Vitin e Ri uroj suksese për ju dhe të gjithë qytetarët e vendit.

Si e ruan Serbia, kufirin me Kosovën (Foto)

Në bazën Vrpce në Medvegjë, në Serbi, kreu i patrullës ushtarake me katër anëtarë jep urdhra të rreptë komandues, pasi katërshja mbushi me municion mitralozin, snajperin dhe dy pushkët automatike. Pastaj, ata zënë pozicionet në vendet e caktuara.

Periskopi.com Lajme

Prita zihet afër pikës kufitare Kapia, në rrugën ndërmjet Kamenicës e Medvegjës. Është ftohtë dhe ushtarët, veç armëve, kanë më vete edhe shumë rroba. Vendbanimet e largëta janë kryesisht të braktisura, natyra malore është pothuaj e paprekur. Asgjë nuk pipëtin.

“Nuk ka migrantë, trafikantë, kriminelë e as provokues nga Kosova. As kalimtari i rëndomtë nuk duket kund. Vargun e mendimeve e ndërpret zemërimi nga ngrirja e gishtërinjve në atletet e thella dhe lëvizjet e pakuptueshme të ushtarit që rri në atë që quhet mbrojtje ku secili shikon secilin dhe në drejtim të caktuar. Për sqarime është më mirë të kthehet në bazë, në kazermë, ku në temperaturën 25 gradë është shumë më këndshëm”, shkruan gazeta e Beogradit “Blic”.

“Ushtarët komunikojnë me sinjalet për të cilat janë marrë vesh më herët. Në rast se ndodh diçka, ata kanë radiolidhjen e shifruar dhe komunikojnë me bazën. Kemi planin shtatë ditor përmes të cilit bëjmë raportet ditore e javore. Në bazat tjera tokësore të sigurisë kemi ndeshur vendkalime ilegale dhe prerje mali, por këtu deri më tash, s’e kemi pasur as problemin më të vogël. Në patrullë shkojmë edhe me KFOR-in”, thotë Vladimir Nikoliç, komandanti, kapiten i brigadës së dytë të ushtrisë tokësore e cila nga 8 tetori e ka marrë bazën Vrpce nga Xhandarmëria.

Pushimi i pasdites ikën shpejt nga zhurma e alarmit shurdhues. Pas pak çastesh ushtarët e armatosur janë në llogore të oborrit në bazë. Fjala është për demonstrim të ushtrimit për mbrojtje të menjëhershme.

“Përpiqemi që ushtarët të reagojnë fill pas sinjalit të alarmit. Me rëndësi është që ushtarët të mos bien në apati. Kjo është pushka me rreze të gjatë 12,7 milimetra e njohur si “shigjeta e zezë”, e ky është granatë hedhësi BGA 30 milimetra”, zbulon Nikoliç duke treguar “pse askush nuk i afrohet kodrës sipër Medvegjës”.

“Kur në tetor Xhandarmëria u tërhoq nga zona tokësore e sigurisë, shumë serbë në jug u frikësuan për çështjen e sigurisë. U shtrua edhe pyetja se kush do t’i legjitimonte shqiptarët nëse ata e thyejnë ligjin. Nëse ka ndonjë telash, ne mund të thërrasim në ndihmë policinë”, thotë eprori Nikoliç, sipas koha.net..

Në afërsi të bazës gjenden shtëpi të braktisura e edhe shkolla e cila punon tri herë në javë dhe në të cilën mësimin e ndjekin vetëm dy djem, Stefan e Lazar nga Banja e Sijarinës.

201701030934371796461483444784 201701030934033201483444781 201701030934112111483444778

kuvendi

Këto janë ofendimet më të mëdha të politikanëve kosovarë (Video)

Sharjet e fyerjet nga politikanë, liderë e deputetë janë bërë gati se të zakonshme në Kosovë.

Periskopi.com Lajme

Jo rrallë, cak i tyre ishin gratë.

Rasti i fundit, është i ish avokatit të popullit, Sami Kurteshit drejtuar ministres Dhurata Hoxha.

pistole-587x396

Refugjatja kosovare qëllohet nga revolja frikësuese në Zvicër

Njëri nga plumbat ose petardat e gjuajtura ka qëlluar kosovaren 37 vjeçare e cila ka pësuar një lëndim të lehtë (djegie), thotë një zëdhënës i policisë

Periskopi.com Lajme

Persona të panjohur kanë gjuajtur me pistoletat e tyre frikësuese në drejtim të një qendre të azilit në Freiburg. Me këtë rast  kanë qëlluar një banore të qendrës, një azilkërkuese 37 vjeçare nga Kosova, e cila ka marrë lëndime të lehta. Policia kriminalistike është duke zhvilluar hetimet, shkruan badischezeitung.de.

Sipas policisë, në natën në mes të enjtes dhe të premtes janë drejtuar tri të shtëna në drejtim të qendrës së azolit, nga një grup prej tre personash të panjohur, transmeton albinfo.ch. Njëri nga plumbat ose petardat e gjuajtura ka qëlluar kosovaren 37 vjeçare e cila ka pësuar një lëndim të lehtë (djegie), thotë një zëdhënës i policisë.

Autoritetet ende nuk mund të thonë asgjë lidhur me prapavijën e të shtënave. Ato janë shkrepur në drejtim të qendrës së azilit, por nuk dihet nëse kjo është bërë në mënyrë të qëllimshme. Është sulmi i parë në një qendër të strehimit të refugjatëve në Freiburg, theksojnë në polici.

Kosovarja 37 vjeçare kishte dëgjuar rreth orës 2.30 të pas mesnatës dy krisma dhe kishte dalë nga ndërtesa së bashku me të birin për të parë se çfarë po ndodhte, përcjell albinfo.ch. Djali i saj 17 vjeçar nuk është qëlluar ndërsa e ëma, e lënduar lehtë, nuk ka pasur nevojë për ndihmën mjekësore.

Policët kanë parë tre persona duke ikur dhe është vënë në ndjekje të tyre por deri më tash pa sukses.

Refugjatja kosovare qëllohet nga revolja frikësuese: lëndohet lehtë

Policia e Kosoves

Policia me apel për festën e Vitit të Ri

Policia e Kosovës ka apeluar tek çdo prind që të jenë të kujdesshëm dhe vigjilentë në parandalimin e përdorimit në mënyrë të rrezikshme të mjeteve piroteknike nga fëmijët, me qëllim të shmangies së rrezikut që mund të shkaktojnë mjetet plasëse, fishekzjarrët, ku si pasojë e përdorimit të tyre duke përfshirë edhe armë të ndryshme në vitet paraprake janë evidentuar edhe incidente me pasoja të rënda.

Periskopi.com Lajme

Policia vlerëson se nga aspekti i rendit dhe sigurisë publike, përmbyllja e këtij fundviti dhe fillimi sa më i mbarë i vitit të ri 2017, është prioritet yni dhe kjo mund të arrihet vetëm me një përkushtim dhe vigjilencë të të gjithë qytetarëve dhe institucioneve të vendit tonë.

“Sikurse edhe viteve të kaluara Policia e Kosovës edhe këtë vit për festat e fundvitit ka përgatitur planin operativ “Fundviti 2016 dhe fillimi i vitit 2017”, për të ofruar siguri, rend dhe qetësi publike në tërë territorin e Republikës së Kosovës.

Qëllimi i këtij planifikimi dhe angazhimi të Policisë së Kosovës, është ruajtja e rendit dhe qetësisë publike në mbarë vendin, parandalimi dhe luftimi i dukurive negative dhe akteve të ndryshme kriminale të natyrave të ndryshme.

Po ashtu pjesë e planit është edhe shtimi i prezencës policore në trafikun rrugor si dhe shtimi i prezencës dhe vigjilencës policore në ambiente të hapura, në sheshe të qyteteve të ndryshme ku do të mbahen organizime festive.

Me qëllim të parandalimit të aksidenteve të mundshme në trafik Policia e Kosovës apelon tek të gjithë qytetarët e vendit, që të respektojnë dispozitat ligjore që dalin nga ligji për rregullat e trafikut rrugor, të respektojnë shenjat e trafikut, kufizimet e shpejtësisë, t’u përshtaten kushteve të rrugës, mos të përdorin telefonin gjatë vozitjes si dhe të mos drejtojnë automjetet nën ndikim të lodhjes dhe alkoolit”, thuhet në komunikatën e Policisë së Kosovës.

Po ashtu, Policia e Kosovës është e përkushtuar të ndërmarr të gjitha veprimet e menjëhershme ligjore kudo që vëren se janë përdorur armë apo mjete tjera të kundërligjshme gjatë festimeve të fundvitit.

Arsim Bajrami

Ndodh edhe kjo në Kosovë: Test shtetëror për të diplomuarit

Arsim Bajrami, ministër i Arsimit, Shkencës dhe Teknologjisë ka thënë se do të këtë një test shtetërorë për të diplomuarit. Sipas tij, të diplomuarit nuk do të aplikojnë për punë pa e kaluar atë test shtetëror.

Periskopi.com Lajme

“Gjithë studentët që diplomojnë në kolegje private apo publike nuk do të aplikojnë në punë pa e dhënë një test shtetëror. Ata do të maten me testin shtetëror që do të pasqyrojë diplomimin e tyre. Do të ketë 50 pyetje nga fushat të ndryshme. Fillimisht do të shkojmë me gjashtë profesione dhe kjo do të mundësojë që të ngritët cilësia”, tha Bajrami në Tribuna Channel.

Sipas Bajramit, kjo do të ndikojë që kolegjet dhe universitetet do të ngrisin cilësinë dhe në vitin 2017 do ta pilotojmë këtë në praktikë.

ILUSTRIM

Rritet tregtia me pakicë në Kosovë

Agjencia e Statistikave të Kosovës (ASK) ka publikuar “Statistikat Afatshkurta të Tregtisë me Pakicë” për tremujorin e tretë (TM3) 2016.

Periskopi.com Lajme

Në bazë të të dhënave të publikuara, vërejmë se në tremujorin e tretë (TM3) 2016 ka rritje, krahasuar me tremujorin e dytë (TM2) 2016, te: Tregtia me pakicë në dyqane jo të specializuara (1.5%); dhe Tregtia me pakicë e pajisjeve të tjera shtëpiake në dyqane të specializuara (0.4%).

Ndërsa, rënie kanë pasur: Tregtia me pakicë jo në dyqane, tezga ose tregje (4.0%); Tregtia me pakicë e pajisjeve informatike dhe të komunikimit, në dyqane të specializuara (2.2%); Tregtia me pakicë e karburantit për automjete në dyqane të specializuara (2.1%); Tregtia me pakicë e mallrave kulturore dhe të argëtimit, në dyqane të specializuara (2.0%); Tregtia me pakicë e produkteve ushqimore, pijeve dhe duhanit, në dyqane të specializuara (1.7%); si dhe Tregtia me pakicë e mallrave të tjera në dyqane të specializuara (0.7%).

Ndërkaq, krahasuar TM3 2016 me TM3 2015 ka rritje te: Tregtia me pakicë e pajisjeve informatike dhe të komunikimit, në dyqane të specializuara (49.2%); Tregtia me pakicë jo në dyqane, tezga ose tregje (15.4%); Tregtia me pakicë e pajisjeve të tjera shtëpiake në dyqane të specializuara (8.8%).

Kurse, rënie kanë pasur: Tregtia me pakicë e mallrave kulturore dhe të argëtimit, në dyqane të specializuara (21.5%); Tregtia me pakicë e karburantit për automjete në dyqane të specializuar (12.2%); Tregtia me pakicë e produkteve ushqimore, pijeve dhe duhanit, në dyqane të specializuara (10.9%); Tregtia me pakicë e mallrave të tjera në dyqane të specializuara (5.0%)./ Periskopi