Gëzim Kelmendi flet si ju vodhën votat dhe thotë se shpejt do ketë zgjedhje të reja (Video)

Teuta GASHI Lajme

Kryetari i Partisë Fjala, Gëzim Kelmendi flet për procesin zgjedhor.

Ai thotë se i janë vjedhur votat, shpjegon si dhe çfarë ka ndodhur dhe thotë se shpejt do të ketë zgjedhje sërish  në Kosovë.

Në një intervistë për Periskopi.com ai thotë se janë komisionerët e partive tjera ata që i treguan se si partisë Fjala i janë vjedhur votat.

Kelmendi thotë se fillimisht u dëmtuan kur i lejuan që të kenë komisionerë.

“Ne garuam të barabartë me tri partitë e mëdha, me koalicionet, PDK’në, LDK’në dhe Vetëvendosjen dhe ne si parti fjala garuam me nga 110 kandidatë por ata për vete siguruan në çdo vendvotim nga 3 komisionerë dhe Vetëvendosje nga dy, ndërsa neve na lanë pas asnjë komisioner. Do të thotë që qysh në fillim të këtij procesi zgjedhor neve partinë Fjala na kanë dëmtuar në fazën fillestare, na kanë mohuar të drejtën të kemi komisionerë dhe kjo bie ndesh dhe në kundërshtim me nenin 4 të rregullës zgjedhore 19/2016”, thotë ai.

Sipas tij, janë tei mënyra përmes të cilave u dëmtua kjo parti, raporton Periskopi

“Së pari duke i bërë fletëvotimet tona të pavlefshme. Së dyti: fletëvotimet tona i kanë shpërnda brenda këtyre tri subjekteve politike PDK, LDK dhe Vetëvendosje. Dhe së treti: formë e dëmtimit ka qenë kur fare nuk i kanë deklaruar votat tona. Ne kemi ba ankesë edhe në Panelin Zgjedhor për Ankesa dhe Parashtresa, presim reflektim të institucioneve të drejtësisë më konkretisht nga Prokuroria e vendit”, thotë Kelmendi.

Është i bindur se i janë vjedhur votat. Jep detaj për këtë.

“Na është vjedhur vota, këtë e kanë dëshmuar komisionerët e tyre, ma kanë dëshmuar mua drejtpërdrejt por për shkak të frikës që ata të dalin publikisht para medieve kanë kërkuar që të mos i bëjnë publike. Dëshmia e këtyre komisionerëve të këtyre tri partive ka qenë që në vendin ku kanë punuar ata; ka qenë dëshmia: Juve partisë Fjala ju kemi dëmtuar , ju kemi marrë votat, nuk ju kemi deklaruar fare. Ka pas raste kur komisionari i tyre ka thënë se unë jam mundur të mbrojnë votat e juaja por rastet e tilla kanë qenë mjaftë të vogla, pra tregon rezistencën e vet komisionerëve për me mbrojt votën tonë. Kjo dëshmi e imja nuk është iluzionare, apo dëshirore e imja por është dëshmia e bazuar nga komisionerët e këtyre tri partive të cilët rregullisht më kanë telefonuar dhe më kanë shkruar mesazhe që votat e partisë Fjala ne nuk i kemi deklaruar, i kemi shpërndarë në partitë tona apo i kemi shpallë të pavlefshme”, thotë Kelmendi për Periskopi.com

Ndër të tjera, është i bindur që ose do të mbahen zgjedhjet e reja.

“E dimë që ose do të jetë një Qeveri e brishtë e nuk do të ketë numra për të realizuar projektet madhore të vendit ose nuk do të ketë fare Qeveri e vendi do të shkojë sërish në zgjedhje”, thënë ai./ Periskopi

Reklamë
Reklamë

Mësoni nga psikologu si të mbroni fëmijën nga loja që çon drejt vdekjes “Balena Blu” (Video)

Periskopi.com Lajme

Një lojë virtuale por që fëmijët po i çon drejt vdekjes.

Është kjo “Balena Blu” e cila ka marr jetën e qindra fëmijëve nëpër botë, e tashmë ka arritur edhe në Kosovë.

Shumë raste janë paraqitur e edhe janë lajmëruar në polici. Në shkolla mësimdhënësit kanë filluar të ju shpjegojnë fëmijëve për rrezikun e saj, ndërsa psikologët tregojnë se si tu ndihmohet fëmijëve, si t’i vëreni se ata janë përfshirë në këtë lojë e edhe si t’i nxirrni nga ai tmerr.

Psikologu, Visar Sadiku nga SOS Fshati – Qendra Këshilluese flet për Periskopin.

Ai tregon se fëmijët kyçen në këtë lojë si pasojë e neglizhencës së prindërve apo neglizhencës që u bëhet në shkollë.

Sipas Sadikut shkaktar është edhe prindërimi tepër i ashpër.

Kjo lojë prek sjelljen e fëmijës, jetën sentimentale dhe dërgon në vetëlëndim.

“Balena Blu ka identifiku fëmijët nga mosha 10 deri në 16 vjeç……ka disa komanda në mënyrë që ata të ‘përforcojnë’ shkathtësitë e tyre, që të jenë të palëndueshëm dhe më të rëndësishëm se që kanë qenë”, thotë Sadiku.

Ai shpejgon se si mund t’i vëreni fëmijët që tashmë janë pjesë e kësaj loje.

“Fëmijët që luajnë Balena Blu janë fëmijë që socialisht inhibohen, nuk janë më fëmijë si kanë qenë para lojës. Ndryshojnë për nga shija sepse komandat i kanë që të dëgjojnë muzika të caktuara dhe të shohin filma të caktuar. Si dhe rritet niveli apo shfaqet niveli për sjellje vet-lënduese”, thotë ai për Periskopi.com

Por, më e rëndësishmja është se psikologu shpjegon se si të parandaloni fëmijët që të mos shkojnë më larg me këtë lojë.

“Kontakti me fëmijët, të realizojmë një kontakt të besueshëm me fëmijën dhe fëmiu të ketë hapësirën për të komunikuar prindërit për atë që kanë nevojë. Ne shohim se fëmijët kanë një tendencë që të përfitojnë vëmendjen e të tjerëve në momentin kur u mungon vëmendja brenda rrethit me të cilin ata jetojnë. Prindërit duhet të ndajnë kohë. Prindërit duhet të ketë qasje në mjete elektronike apo edhe rrjetet sociale që ata i përdorin……Zhvillimi intelektual te fëmijët nuk është njësoj, prandaj disa fëmijë do të kenë pak më shumë nevojë dhe duhet më shumë kujdes gjatë punës me ta, disa të tjerë më të hapur në aspektin e punëve sociale…..Në momentin që evidentohet sjellje të cilat realizohen në shkollë dhe janë të papërshtatshme duhet njoftuar  psikologu i shkollës, kujdestari i klasës apo drejtori i shkollës në mënyrë që të bëhen intervenimet e hershme”, thotë Sadiku./ Periskopi

 

Reklamë
Reklamë

Kosova, atraksion turizmi me bukuritë e mëdha

Periskopi.com Lajme

​Kosova ka shënuar rënie të vizitorëve në tre mujorin e parë të këtij viti. Kjo konstatohet nga të dhënat e Agjencisë së Statistikave të Kosovës, sipas së cilës, kapaciteti hotelier në Kosovë është shfrytëzuar vetëm 8. 9 për qind, që është më e ulët se sa në periudhën e njëjtë me dy vitet e kaluara.

Megjithatë, përfaqësues të institucioneve nuk kanë thënë nëse ka rënie të turizmit në tre mujorin e parë të këtij viti, porse janë shprehur të kënaqur me vizitorët që ka pasur vendi gjatë kësaj periudhe.

Udhëheqës i Departamentit të turizmit në Ministrinë e Tregtisë, Hysen Sogojeva, tha se me themelimin e Agjensionit Kombëtar do të krijohen mundësi që të promovohet edhe më shumë Kosova me bukuritë e saj natyrore. Deri më tash siç tha ai, promovimi është bërë përmes panaireve dhe broshurave.

“Nëpërmjet panaireve, nëpërmjet broshurave promovohet më shumë, mirëpo nuk është ende e kënaqshme sepse ne nuk kemi Agjension Kombëtar. Momentin kur e kemi Agjensionin Kombëtar, ajo është bazë që merret kryesisht me promovimin e turizmit dhe vlerave turistike”, tha ai.

Përveç kësaj, Sogojeva theksoi se janë duke u munduar që të përfshijnë gjithë vendin me projekte për zhvillimin e mëtutjeshëm të infrastrukturës me qëllim të lehtësimit të qasjes së turistëve në pikat që dëshirojnë të vizitojnë. Ndërsa shtoi se zhvillimi i sektorit privat në Kosovë është duke dhënë frytet e tij, pasi që fakti se Kosova ka zhvillim të kapaciteteve hoteliere dhe turistike, tregon se vizitorët e huaj po gjejnë komoditet dhe argëtim në vendin tonë.

Ai u shpreh se Kosova ka mjaft potenciale turistike, ndërsa theksoi se kryeqyteti prinë me numrin më të madh të turistëve të huaj.

“Kemi potenciale turistike siç janë Bjeshkët e Nemuna dhe Malet e Sharrit… Mirëpo nëse i marrim si regjione, atëherë prej rajoneve turistike është Prishtina, sepse këtu mund të zhvillohet edhe turizmi biznesor. Në anën tjetër, Peja, që është rajoni i dytë i vizituar dhe Prizreni që përveç bukurive natyrore ka edhe ngjarjet si DokuFest e të tjera”, u shpreh Sogojeva.

Edhe në bazë të dhënave statistikore të ASK-së për vitet e fundit, numri më i madh i vizitorëve të huaj del të jetë i përqendruar në Prishtinë, me ç’rast sipas të dhënave që ata posedojnë, vetëm në tremujorin e parë të vitit 2017, janë regjistruar mbi 12 mijë vizitorë. Pas Prishtinë, vijnë Peja dhe Prizreni për të vazhduar me qytetet e tjera.

Sa i përket vizitave në lokalitete arkeologjike dhe monumenteve, foli Vjollca Aliu nga Departamenti i Trashëgimisë Kulturore në Ministri të Kulturës, e cila tha se në projeksionin buxhetor kapital vazhdon të prijë parku arkeologjik “Ulpiana”, i cili siç tha ajo, vetëm muajin e kaluar ka pasur mbi 3 mijë vizitorë. Më pas, sipas Aliut, vijnë Kalaja e Novobërdës dhe Kalja e Prizrenit.

Ajo theksoi faktin se janë duke vlerësuar disa projekte që kanë të bëjnë me promovimin e trashëgimisë kulturore si dhe në ngritjen e vetëdijes së qytetarëve në aspektin e ruajtjes dhe mbrojtjes së saj.

“Unë do të thosha që ajo çka ne duhet të bëjmë më shumë është rregullimi i infrastrukturës, gjithsesi që promovimi i tyre nuk mungon… E dyta do të thosha që ne gjatë kësaj periudhe, jemi duke vlerësuar një numër të projekteve të cilat i kemi pranuar si rezultat i thirrjes publike që e kemi pas dhe që kanë të bëjnë drejtpërdrejt me promovimin e trashëgimisë kulturore, njëra komponentë, dhe tjetra, ngritja e vetëdijes së qytetarëve në aspektin e ruajtjes, mbrojtjes dhe promovimit të trashëgimisë kulturore. Që të dyja këto bazohen në dokumentin e ‘Strategjisë Kombëtare për Trashëgimin Kulturore’, i cili është miratuar vitin e kaluar”, u shpreh Aliu.

Ajo theksoi se Kalaja e Prizrenit është një projekt shtesë i cili bashkë financohet nga Ministria dhe nga Ambasada e Shteteve të Bashkuara të Amerikës, ndërsa presin që hapja të bëhet përmes një ceremonie në fund të muajit qershor. Siç tha ajo, projekti në fjalë, lehtëson shumë qasjen e vizitorëve deri në kala dhe brenda kalasë gjithashtu. Ajo shtoi se janë në pritje për Kalanë e Novobërdës, ku është punuar me një projekt .

Alban Rafuna  nga “Be in Kosovo”, iniciativë kjo që ka për qëllim ofrimin e shërbimeve profesionale të turizmit dhe punon pikërisht me turistë të huaj që vijnë në Kosovë, tha se ideja për të marrë iniciativën për ofrimin e shërbimeve të turizmit ka rrjedhë duke e parë komunitetin ndërkombëtarë në Kosovë tek i shfrytëzon fundjavat  në  Greqi, Mal të Zi e Maqedoni, përderisa Kosova siç tha ai, ka atraksione mbase edhe më të mira se këto vende ku të huajt kanë pasur tendencën t’i frekuentojnë.

Ai tha se pikat turistike që i vizitojnë i ndajnë sipas regjioneve e me raste, siç tha ai, vizitat përfshijnë edhe bujtje në qytetet që ata përzgjedhin për të vizituar.

“Pikat turistike i ndajmë sipas regjioneve. Kisha thënë edhe sipas regjioneve edhe në nivel administrative. Regjioni i Prishtinës, regjioni i Prizrenit, i Pejës, i Mitrovicës, Gjilanit, Ferizajt etj. Faktikisht ne i kemi 7-të deri në 11 ditë itinerare. Për shembull Prizrenin, kur turistët kanë kohë e ndajmë në dy ditë, dhe ai është qyteti me Malet e Sharrit. Dita e dytë është Malet e Dragashit, Brodi, Restelica etj. Edhe vizitën në Pejë e ndajmë në dy ditë. Është Peja me Rugovë, Radaci, Ujëvara e Radacit, shpella që është hap rishtazi. E pastaj është edhe Gjakova me Deçan, sidomos Manastiri i Deçanit. Gjithsesi edhe në Pejë e përfshijmë Patrikanën e Pejës, që janë edhe atraksion i veçantë për shkak se janë të mbrojtura nga UNESCO”, u shpreh Rafuna, duke shtuar se punojnë vetëm me të huajt ngase siç thotë ai, interesimi i qytetarëve të Kosovës për të vizituar pikat turistike brenda vendit, nuk duket të jetë i madh.

Sipas tij, qytetarët e Kosovës duhet të vizitojnë pikat turistike brenda vendit, pasi që një gjë e tillë iu jep atyre kënaqësi dhe ngrohtësi. Ai madje vlerëson se qytetarët në këtë mënyrë, duke kaluar vikendet brenda vendit, shpenzojnë rreth 70 përqind më pak në krahasim me shëtitjet jashtë Kosovës.

I pyetur për paragjykimet që fillimisht mund të kenë turistët e huaj për Kosovën dhe mbresat e tyre nga vizita në vend, Rafuna tha se për turistët ndërkombëtar pothuajse çdoherë ndodh ndryshimi i përshtypjes së tyre të parë, që ata kanë për Kosovën dhe popullin në përgjithësi.

Madje ai shprehet se të huajt që vijnë në Kosovë krijojnë besimin se shqiptarët janë popull i hapur dhe se Kosova është vend evropian, por i pa integruar në Evropë.

“Ne me këtë përvojën tonë, mbi 14 vjet, kemi arritur të kuptojmë se mbresa primare është mikpritja e popullit shqiptar. E dyta, por jo detyrimisht kronologjikisht e renditur, është ushqimi ekstrem i shijshëm dhe i lirë. E treta, cilësia e akomodimit, me të cilin shpeshherë dinë të befasohen turistët e huaj. E katërta është kafja. Kafja është diçka që iu bënë përshtypje. Birra vendore është shumë e mirë. Sipas feedback-ut të të huajve gjithmonë. Vera vendore është shumë e mirë. Gjithashtu, ajo që iu bënë përshtypje është edhe jeta e natës, rakia e të tjera. Pavarësisht që vijnë me përshtypjen se ne jemi një vend mysliman, fudamental, kur vijnë këtu e thyejnë atë përshtypjen dhe e krijojnë besimin se shqiptarët qenkan një vend evropian i pa inkuadruar në Evropë”, u shpreh ai.

Në fund, ai thekson se Kosova ka infrastrukturë më të mirë se sa që mendojnë qytetarët, por që një investim infrastrukturor,  do të ishte i mirëseardhur në Ujëvarën e Mirushës. Sipas tij, gjatë përmirësimit të infrastrukturës duhet treguar kujdes i shtuar pasi që infrastruktura e tepërt krijon turizëm masiv e që me kalimin e kohës, kjo mund të shkaktojë shkatërrimin e monumenteve.

Ndryshe, media të ndryshme ndërkombëtare, kanë rekomanduar Kosovën si vend që duhet të vizitohet, duke rekomanduar që të vizitohet Brezovica, Bjeshkët e Sharrit, Maja e Lubotenit, Burimi i Drinit, Liqenet e Mirushës, Gjeravica, Novobërda si dhe Gryka e Rugovës.

Ndërsa, në bazë të numrit të vizitorëve ndërkombëtar, sipas statistikave të ASK-së, numri më i madh i turistëve, në tremujorin e parë të këtij viti ishte nga Shqipëria, Turqia, Gjermania, Zvicra, SHBA e vende të tjera.

Reklamë
Reklamë

Nëse dikush ju shkruan të luani lojën Balena Blu, kontaktojeni këtë person për ndihmë

Periskopi.com Lajme

Loja e rrezikshme “Balena Blu” e cila ka marrë jetën e më shumë se 140 fëmijëve në botë, tashmë është hasur edhe në Kosovë.

Administratori i kësaj loje madje po u dërgon mesazhe qytetarëve nëpër rrjete sociale që të luajnë këtë lojë përndryshe i pëson familja.

Pavarësisht që Agjencia Shtetërore për Mbrojtjen e të Dhënave Personale në bashkëpunim në bashkëpunim me ISP-të kanë bllokuar faqet që lejon të shkarkohet kjo lojë, qytetarët kanë pranuar mesazhe të tilla.

Në këtë foto, shihet se si administratori i kësaj loje ka shkruar një të riut që a dëshiron të luash lojën me 50 nivele nëse nuk dëshiron që familja të ju vdes.

Njohës i çështjeve për mbrojtjen e të dhënave personale, Mentor Hoxhaj, në një postim në facebook ka shkruar se lajmi se rreziku nga loja “Balena Blu” është evituar nga ASHMDHP është jo serioze dhe mosnjohje e problemit.

Ai u ka bërë thirrje prindërve të jenë të kujdesshëm dhe të marrin masat e duhura.

Ndërsa, ka sugjeruar që çdo kush që pranon mesazhe të tilla si në foto me poshtë të mos përgjigjen por të bllokojnë dërguesin dhe kopjojnë URL duke ia dërguar Hoxhajt.

Të nderuar Miq!

Disa fjale per lojen “Balena Blu”:

  1. Situata eshte mjaft shqetesuse dhe shume serioze per tu tallur me postime ne Facebook!
  2. Lajmi se rreziku eshte evitur, ngase ASHMDHP ne bashkepunim me ISPte kan marrur masat, është jo serioze dhe mosnjohje e problemit.
  3. Ju prinder te nderuar, duhet te jeni kujdeseshem dhe te merrni masat e duhura.
  4. Nese pranoni mesazhe si ne foto, mos u pergjigjeni, bllokoni derguesin kopjoni URL dhe me dergoni.

 

Reklamë
Reklamë

Jo të gjithë janë të pasur, ka ish – deputetë që nuk kanë para

Periskopi.com Lajme

Në ditën e deklarimit të pasurisë çereku i tash ish-deputetëve të Kuvendit të Kosovës nuk kishin asnjë cent në llogarinë e tyre bankare. Kështu të paktën kanë deklaruar në Agjencinë Kundër Korrupsionit me rastin e deklarimit të pasurisë së tyre.

Në mesin e ish- deputetëve të cilët kanë deklaruar se nuk kanë para të gatshme është edhe kandidati për kryeministër nga Vetëvendosja, Albin Kurti. Njëjtë kanë deklaruar edhe Fatmir Limaj, Rexhep Selimi, Pal Lekaj, Agim Çeku, Gëzim Kelmendi e Nenad Rashiq.

Në deklarimin  e pasurisë në Agjencinë Kundër Korrupsion, nga të gjitha grupet parlamentare të legjislaturës së kaluar, janë 33 deputetë të cilët kanë deklaruar se nuk kanë para të gatshme në llogaritë e tyre, ose të paktën ato nuk i kanë deklaruar në formularët e pasurisë.

Nga PDK janë shtatë ish-deputetë të cilët kanë deklaruar se nuk kanë para të gatshme: Agim Çeku, Shaip Muja, Ganimete Musliu, Flora Brovina, Fadil Beka, Luljeta Veselaj-Gutaj dhe Emilija Redzepi.

Nga LDK janë gjashtë ish-deputetë pa para të gatshme: Melihate Tërmkolli, Teuta Rugova, Njomza Emini, Blerim Grainca, Kimete Bytyqi dhe Etem Arifi.

Nga Vetëvendosje janë pesë ish-deputetë, duke nisur nga i nominuari për Kryeministër Albin Kurti, më pas Rexhep Selimi, Aida Dërguti, Donika Kadaj-Bujupi dhe Mytaher Haskuka.

Nga AAK janë tre ish-deputetë të cilët kanë deklaruar se nuk kanë para të gatshme: Pal Lekaj, Bali Muharremaj dhe Teuta Haxhiu.

Po kaq ish-deputetë janë edhe nga Nisma, duke nisur nga kryetari Fatmir Limaj, si dhe dy deputetët tjerë: Zafir Berisha dhe Enver Hoti.

Në grupin e Listës Serbe janë pesë ish-deputetë që kanë deklaruar se nuk kanë para të gatshme. Ata janë: Nenad Rasiq, Adem Hodza, Sasa Milosavljeviq, Jasmina Zhikoviq dhe Milka Vuletiq.

Nga Grupi 6+ janë: Kujtim Paçaku, Danush Ademi dhe Çerim Bajrami.

Po ashtu edhe ish-deputeti Gëzim Kelmendi ka deklaruar se nuk ka para të gatshme. Kelmendi me partinë Fjala nuk ka arritur që të kalojë pragun elektoral dhe rrjedhimisht nuk do të jetë deputet në legjislaturën e re.

Reklamë
Reklamë

Ekspertja e sigurisë kibernetike ka një këshillë për Kosovën

Periskopi.com Lajme

Ekspertja e sigurisë kibernetike, Laura Galante ka deklaruar se institucionet e Kosovës duket të krijojnë një siguri më të madhe të qytetarëve ndaj sulmeve kibernetike.

Sulmet kibernatikre janë shumë të ngjashme me jetën si jetojmë, pasi ato përshtaten me realitetin politik dhe ekonomik.

“Shtetet janë të financuara mirë dhe ata janë akterët kryesor kryesorët që mund të ofrojnë siguri qytetarëve”, ka thënë ajo në RTK.

Reklamë
Reklamë

Nuk dihet kur do të përfundojë numërimi i votave

Periskopi.com Lajme

Ndonëse rreth 600 punonjës në Qendrën e Numërimit dhe Rezultateve janë duke punuar 24 orë pa ndërprerë, ende nuk dihet se kur do të përfundojë numërimi i votave. Koordinatori i QNR-së, Burim Ahmetaj, ka thënë për “Zërin” se janë duke punuar në tre ndërrime, 24 orë pa ndërprerë, që ky proces të përfundojë sa më parë.

Sipas tij, deri më tani rreth 50 për qind e materialeve të formularëve të rezultateve janë procesuar në bazën e të dhënave mirëpo, siç shprehet ai, ende ka punë për t’u bërë.

“Jemi në procesin e punës, mirëpo kemi edhe shumë procese të tjera. Pra, është duke u përgatitur raporti i auditimit, po ashtu e kemi raportin e karantinës, do t’i kemi skanimin e votuesve të rregullt, regjistrimin e votuesve me kusht dhe numërimin e votave me kusht”, ka thënë Ahmetaj. Ai ka shtuar se gjithë këto procese duhet të kompletohen dhe pasi të kompletohen të gjitha këto do të mundë t’i kenë edhe rezultatet nga QNR-ja, të cilat Komisioni Qendror i Zgjedhjeve do t’i shpallë. “Pra, nuk mund të themi se mund të kryhen shumë shpejt, nuk mund të themi që mund të kryhen brenda disa ditëve, mirëpo QNR-ja do t’i bëjë të gjitha përpjekjet në tre ndërrime, në 24 orë, në mënyrë që sa më parë të kryhen të gjitha këto procese”, ka deklaruar Ahmetaj.

Sa i përket mbarëvajtjes së zgjedhjeve të 11 qershorit, edhe pse në tërësi ishin të qeta dhe pa ndonjë incident, as këto nuk shpëtuan pa parregullsi të ndryshme. Ahmetaj ka thënë për “Zërin” se ka pasur parregullsi në regjistrimin e të dhënave nga formularët e rezultateve, ku ka pasur mospërputhje brenda formularit të rezultateve.

“Parregullsitë mund të jenë të ndryshme, sidomos në regjistrimin e të dhënave nga formularët e rezultateve, ku ka mospërputhje brenda formularit të rezultateve, mirëpo të cilat Qendra e Numërimit dhe Rezultateve do t’i korrigjojë të gjitha këto mospërputhje dhe do të dërgojë rekomandime tek Komisioni Qendror i Zgjedhjeve për të marrë vendim për të gjitha ato vendvotime ku mospërputhjet mund të evitohen”, ka shpjeguar ai duke shtuar. “Pra, ka raste kur subjekti ka vota ndërsa kandidatët nuk kanë ose subjekti nuk ka vota dhe kandidatët kanë apo ndonjë kandidat ka më shumë vota sesa subjekti. Pra, raste të ndryshme dhe të gjitha këto raste do t’i evidentojë Qendra e Numërimit dhe Rezultateve. Pra, do të dërgohen rekomandimet tek Komisioni Qendror i Zgjedhjeve për të marrë vendim për to”, ka treguar Ahmetaj.

Kurse, sa i përket votave të pavlefshme, ai thotë se ende nuk dihet arsyeja e këtij fenomeni. Ahmetaj ka thënë se ndoshta Komisioni Qendror i Zgjedhjeve do ta krijojë një komision të veçantë për ta gjetur arsyen se përse ka pasur kaq shumë vota me kusht dhe të pavlefshme.

“Ndoshta është shumë vështirë për ta ditur arsyen dhe shkaqet se përse ka një numër kaq të madh të votave me kusht. Edhe pse në bazë të rezultateve preliminare janë diku rreth 50 mijë vota me kusht, që do të thotë rreth 20 mijë vota më tepër krahasuar me zgjedhjet e kaluara parlamentare. Është shumë herët të flitet në këtë aspekt, mirëpo me siguri KQZ-ja do të krijojë komision dhe do t’i shikojë të gjitha shkaqet dhe arsyet se përse ka mundur të ketë numër kaq të madh të fletëvotimeve me kusht dhe arsyet pse janë dëmtuar apo janë të pavlefshme, pra numërimi i këtyre votave. Kështu që KQZ-ja ndoshta do të formojë komision”, ka deklaruar Ahmetaj.

Reklamë
Reklamë

Albin Kurti është zgjidhja e duhur për Kosovën, thotë publicisti më i njohur shqiptar

Periskopi.com Lajme

Publicisti i njohur shqiptar Fatos Lubonja ka dhënë mendimin e tij për MekuliPress, lidhur me zhvillimet në Kosovë pas zgjedhjeve të 11 qershorit.

Fatos Lubonja, ka thënë se ata që përfaqësohen nën petkun UÇK-së u mungon dituria dhe ndershmëria.

“Kosovës i duhen njerëz të ditur dhe të ndershëm, dhe kam përshtypjen atyre që përfaqësohen nën pëtkun e UÇK-së, i mungojnë që të dyja”, është shprehur Fatos Lubonja.

Në anën tjetër, Lubonja ka dhënë një këshillë për Lëvizjen Vetëvendosje e cila po pretendon të formoj institucionet.

“Albini dhe Vetëvendosja, me të vërtet duken i ndershëm, por po i’u futën aventurave nacionaliste, në vend se të ndërtojnë shtetin e së drejtës në Kosovë, më shumë do të hapin punë se do zgjidhin”, ka përfunduar Lubonja.

Reklamë
Reklamë

Deputeti i Parlamentit Evropian: Zgjedhje vërtet konkurruese në Kosovë

Periskopi.com Lajme

Shefi i Misionit, Z. Alojz Peterle, Deputet i Parlamentit Evropian, paraqiti sot gjetjet preliminare të Misionit të Bashkimit Evropian për Vëzhgimin e Zgjedhjeve (EU EOM) për zgjedhjet e parakohshme parlamentare të 11 qershorit në Kosovë.

“Zgjedhjet e parakohshme të 11 qershorit 2017 ishin vërtet konkurruese dhe të qeta në pjesën më të madhe të Kosovës. Votuesve në përgjithësi ju ofruan informacione pluraliste për forcat politike që ishin në garë,” tha Z. Peterle sot në konferencën për shtyp në Prishtinë. “Megjithatë, zgjedhjet u ndikuan negativisht nga dobësitë e vjetra, veçanërisht nga listat e pasakta të votuesve që janë të cenueshme ndaj mashtrimeve, një sistem zgjedhor që lë mundësi për abuzim, dhe një sistem me shumë të meta për votim jashtë Kosovës.”

“Këto çështje do të kërkojnë vullnet dhe përkushtim politik për të bërë reformat e nevojshme,” tha Z Peterle.

EU EOM-i vlerësoi se “në zonat me shumicë serbe, procesi zgjedhor u dëmtua nga frikësimi dhe rastet e dhunës brenda komunitetit serb të Kosovës kundër kandidatëve dhe votuesve. Po ashtu pati një reagim të pamjaftueshëm nga prokuroria dhe policia ndaj atyre incidenteve.”

Peterle tha se “kjo ngrit pyetje rreth besueshmërisë së procesit demokratik në këto zona.”

Dita e zgjedhjeve ishte e qetë dhe nuk u vërejt ndonjë incident i theksuar nga EU EOM, përfshirë edhe në veriun e Kosovës. Votimi në përgjithësi u vlerësua pozitivisht. Megjithatë, vëzhguesit vërejtën raste të shpeshta të votimit familjar, raste të ndihmës abuzive të votuesve, dhe pranisë së tepërt të vëzhguesve nga dy subjekte politike duke e shkelur ligjin. Procedurat e numërimit të votave nuk u përfillën gjithmonë, duke nënvizuar nevojën për trajnim më të mirë të stafit zgjedhor.

Komisioni Qendror i Zgjedhjeve (KQZ) u konsiderua nga EU EOM të jetë politikisht përfshirës, që kryesisht vepron në mënyrë transparente, dhe që ka bërë përpjekje të zhvillojë një proces transparent dhe të mirëfilltë.

Igor Šoltes, udhëheqës i delegacionit nga Parlamenti Evropian, i inkurajoi autoritetet kosovare  që të veprojnë në adresimin e mangësive të identifikuara: “Ka pasur rekomandime të qarta lidhur me periudhën e nevojshme kohore për përgatitjen e zgjedhjeve.” Për vendimin për mbajtjen e zgjedhjeve të parakohshme brenda afatit më të shkurtër të mundshëm, Šoltes tha: “Pasojat e kësaj zgjedhjeje janë të dukshme, nga cilësia e listave të votuesve, te mundësia për votuesit jashtë Kosovës që të votojnë ose te gatishmëria e organeve për menaxhimin e zgjedhjeve.”

Në ditën e zgjedhjeve, EU EOM ka shpërndarë rreth 100 vëzhgues gjithandej Kosovës nga shtetet anëtare të BE-së, si dhe nga Norvegjia dhe Zvicra. EU EOM do të mbetet në Kosovë për të përcjell procesin në Qendrën e Numërimit dhe Rezultateve dhe zgjidhjen e të gjitha ankesave dhe parashtresave, deri në shpalljen e rezultateve përfundimtare./ Periskopi

Reklamë
Reklamë

Përfundon gjithçka, numërohen votat, mësoni fituesit

Periskopi.com Lajme

Komisioni Qendror i Zgjedhje ka procesuar 99.08 % të vendvotimeve nga të cilat janë dërguar të dhëna.

Kështu numërimi i votave thuajse është përmbyllur, dhe mbetët që në ditët në vijin të certifikohet rezultati.

Nga kjo përqindje e numëruar, që ka mbetur më pas se një për qind pa numëruar e që nuk mund të ndryshoj asgjë në renditje, tashmë saktësohen fituesit.

Në këto zgjedhje që kanë votuar vetëm 41% e qytetarëve me të drejt vote, siç raporton Periskopi, koalicioni PDK-AAK-NISMA del e para. E dyta Vetëvendosje dhe e treta LDK-AKR./ Periskopi

Partia Demokratike e Kosovës Aleanca për Ardhmërinë e Kosovës Nisma për Kosovën Partia e Drejtësisë Lëvizja për Bashkim Partia Shqiptare Demokristiane e Kosovës Partia Konservatore e Kosovës Alternativa Demokratike e Kosovës Republikanët e Kosovës Partia e Ballit Partia Socialdemokrate Balli Kombëtar i Kosovës

Ky koalicion ka 236.463 vota apo  34,07%

Lëvizja VETËVENDOSJE!

Ky subjekt ka 187.630 vota apo 27,03%

LIDHJA DEMOKRATIKE E KOSOVËS ALEANCA KOSOVA E RE

Ky koalicion ka 178.637 vota apo 25,74%

GRAĐANSKA INICIJATIVA SRPSKA LISTA

Ky subjekt ka 41.279 mijë apo 5,95%

FJALA

Ky subjekt ka 7.450 vota apo 1,07%

 

 

KËTU rezultatet

 

Reklamë
Reklamë

Probleme serioze për formimin e Qeverisë së ardhshme

Periskopi.com Lajme

Kosova mund të futet në bllokadë rreth formimit të Qeverisë së re pas zgjedhjeve të parakohshme parlamentare që u mbajtën më 11 qershor, parashikojnë njohës të çështjeve politike.

Ata thonë se bllokada rreth formimit të Qeverisë së re mund të diktohet nga rezultati përfundimtar i zgjedhjeve, e që sipas rezultateve të deritanishme asnjëra nga subjektet politike nuk kanë fituar më shumë se 35 për qind të votave.

Nga 97 për qind e votave të numëruara nga Komisioni Qendror i Zgjedhjeve (KQZ), koalicioni i Partisë Demokratike të Kosovës, Aleancës për Ardhmërinë e Kosovës dhe partisë Nisma ka fituar 34.2 për qind të votave.

Pasohet nga Lëvizja Vetëvendosje me 27 për qind, kurse koalicioni Lidhja Demokratike e Kosovës, Aleanca Kosova e Re dhe Alternativa me 25.7 për qind të votave.

Derisa, Lista Serbe ka fituar mbi 5 për qind.

Politologu Belul Beqaj, profesor i Shkencave Politike, thotë për Radion Evropa e Lirë se mund të ketë vështirësi të mëdha në krijimin e Qeverisë së re pas zgjedhje të parakohshme parlamentare të 11 qershorit.

“Pas proceseve që janë zhvilluar kohëve të fundit besoj që do të ketë probleme serioze për formimin e Qeverisë së ardhshme për arsye se rezultati përfundimtar i zgjedhjeve është i përafërt. Në një situatë të rezultateve të përafërta të tri blloqeve do të jetë shumë vështirë të gjendet një emërues i përbashkët”, ka theksuar Beqaj.

Për formimin e Qeverisë së Kosovës, janë të domosdoshme të paktën 61 vota në Kuvend. Koalicioni apo partia fituese, kryesisht llogaritë në koalicione paszgjedhore edhe në pakicat, si kategori kushtetuese e domosdoshme për përfshirje në Qeveri.

Avni Mazreku, njohës i rrethanave politike dhe profesor i së Drejtës Evropiane, duke folur për Radion Evropa e Lirë, thotë se duhet të ketë një konsensus politik nacional si i vetmi instrument që mund të shpie përpara agjendën shtet-formuese të Kosovës.

“Faktorët politik parlamentar pas zgjedhjeve të 11 qershorit do të duhet të arrinin në një pikë konsensuale politike pavarësisht se në cilin krah do t’i poziciononte rezultati si parti në pushtet apo opozitare, për tema me interes nacional të ketë kompromis politik”, ka theksuar Mazreku

Ndërkohë, nëse do të arrihet që të formohet Qeveria e re e Kosovës, sipas analistëve politikë, Kosovën do ta presin çështjet për të cilat mbeten të papërfunduara nga Qeveria në largim dhe për të cilat vendi shkoi në zgjedhje.

Belul Beqaj, thotë se janë pikërisht çështjet si Demarkacioni i kufirit me Malin e Zi dhe Asociacioni i komunave me shumë serbe, me të cilat do të merret Qeveria e re.

“Dy temat që kanë qenë oguri i zi deri më tani fatmirësisht apo fatkeqësisht do të jenë çështjet imediate që do të mundohet për t’i zgjedhur Qeveria e ardhshme. Këto janë detyrat që janë trashëguar dhe kanë shërbyer për të shkuar në zgjedhje të parakohshme”, thekson Beqaj.

Në anën tjetër, Avni Mazreku, thotë se Qeverinë e re e pret një agjendë jo e lehtë politike.

“Qeverinë e re e pret një agjendë jo shumë e lehtë politike. Në fakt, pikat kritike për të cilat ka dështuar koalicioni i cili ka qeverisur vendin që nga viti 2014, e që ajo agjende ka qenë jashtëzakonisht e rëndësishme në kontekst të shtet-ndërtimit të Kosovës. Koalicioni fitues i zgjedhjeve e pret një agjendë siç është procesi i ngecur i shtet formimit të Kosovës”, thekson Mazreku.

Kosova, që prej shpalljes së pavarësisë së saj, nuk ka pasur një Qeveri të qëndrueshme që ka kryer mandatin kushtetues prej katër vjetësh, meqë pothuaj secila prej tyre është detyruar të dorëhiqet pas votimeve të mosbesimit në Kuvend.

Edhe zgjedhjet e parakohshme parlamentare të cilat janë mbajtur më 11 qershor pasuan votimin në Kuvend të një mocioni mosbesimi ndaj Qeverisë më 10 maj.

Reklamë
Reklamë

Vetëm edhe 2% të votave pa u numëruar, mësojeni rezultatin

Periskopi.com Lajme

Komisioni Qendror i Zgjedhjeve pa procesuar 97.59% të vendvotimeve nga të cilat janë dërguar të dhëna.

Numri i fletëvotimeve të pavlefshme ka arritur rreth 52 mijë, ndërsa fletëvotime me kusht janë 30 mijë e 274.

Nga të numëruara, PDK-AAK-NISMA prin me 34.20%, pas saj vjen Vetëvendosje me 27.06% dhe e treta është LDK-AKR me 25.76%, raporton Periskopi

Nuk duhet harruar se Lisat Serbe ka marr 5.79%./ Periskopi

 

Rezultati KËTU

Reklamë
Reklamë

Një qytetari nuk iu lejua votimi dje, ‘ia pa sherrin’ bashkëshortes

Periskopi.com Lajme

Një qytetar nuk ka mundur të votojë të dielën, më 11 qershor, në Kosovë.

Kjo ngase atij i ishte bërë dora me sprej  teksa ka ecur dorë për dore e cila kishte votuar paraprakisht.

Bytyqi me shaka e thotë se ose ka faj bashkëshortja ose KQZ’ja por hallin e ka që nuk ka mundi të votonte, raporton Periskopi

SHkrimi i tij që po qarkullon nëpër rrjete sociale:

Une Sovran Bytyci nuk votova dje.

Kur shkova ne piken e votimit (Salla 1 Tetori) mes gishtave te dores kisha pasur disa shenja te vogla me sprej, ama shume te vogla. Zyrtari me tha se nuk mund te votosh.

Mendo, mendo cka ka ndodh e gjeta problemin. Dhjete minuta me heret kishte votuar gruaja dhe si duket dje ishte nje nga ato ditet e rralla kur duhet ecur me gruan dore per dore. Si duket aty edhe dora ime ka marr sprej.

Nuk e di a e ka fajin KQZja apo gruaja por une nuk votova!

Reklamë
Reklamë

Luftë e ashpër mes Vetëvendosjes dhe LDK’së për vendin e dytë, diferenca më pak se 1%

Periskopi.com Lajme

Vazhdon numërimi i votave në Kosovë.

Deri në orën 12 janë procesuar 93.29% të vendvotimeve nga të cilat janë dërguar të dhëna.

Përderisa PDK-AAK-NISMA kanë 34.57% të votave, Vetëvendosje 26.68% ndërsa LDK-AKR ka 25.81%.

Vërehet se LDK dhe Vetëvendosje janë në një rezultat të ngushtë me më pak se 1%.

deri ka mbetur edhe rreth 7% të vendvotimeve pa u procesuar, nuk duhet harruar se deri më tani 50 mijë vota janë të pavlefshme ndërsa fletëvotime me kush janë mbi 29 mijë./ Periskopi

KËTU mund të shihni rezultatet

http://rezultatet.kqz-ks.org/Results.aspx?RaceID=1&UnitID=1&IsPS=0&Turnout=0&LangID=2

 

 

 

 

Reklamë
Reklamë

Ueb-faqja e KQZ-së sërish jashtë funksionit

Periskopi.com Lajme

Ueb-faqja zyrtare e Komisionit Qendror të Zgjedhjeve ka dalë sërish nga funksioni.

Në KQZ mbrëmë e kanë arsyetuar se serveri i ueb-faqes së KQZ-së ka rënë për shkak të vizitave të shumta, ndërkohë që as ditën e sotme kjo web-faqe nuk është në funksion.

Përditësimi i fundit i rezultateve preliminare është bërë rreth orës 2:00, ku janë numëruar rreth 91 përqind e votave.

Në bazë të këtyre rezultateve, koalicioni PDK-AAK-Nisma prin me 34.62, Vetëvendosje është në vendin e dytë me 26.69 për qind, ndërsa koalicioni LDK-AKR-Alternativa është i treti me 25.81.

Reklamë
Reklamë

18 vjet nga hyrja e forcave të NATO-s në Kosovë

Periskopi.com Lajme

Sot shënohen plot 18 vjet nga dita kur NATO u fut në Kosovë për t’i dhënë fund masakrave dhe shovinizmit serb mbi qytetarët e pafajshëm të Kosovës.

Ndërhyrja e NATO-s në Kosovë, i parapriu një lufte të ashpër mes Ushtrisë Çlirimtare të Kosovës dhe forcave serbe dhe pas shumë masakrave të kryera ndaj civilëve nga paramilitaret serbë.

Hyrja e trupave të NATO-s u bë pas marrëveshjes së Kumanovës ndërmjet zyrtarëve serbë dhe autoriteteve të NATO-s, të udhëhequra në atë kohë nga gjenerali britanik, Mike Jackson. Me këtë marrëveshje, Serbia ishte detyruar të tërheqë të gjitha forcat e saja policore dhe ushtarake nga Kosova.

Dita e Lirisë së Kosovës, së bashku me pavarësinë, konsiderohen si ngjarje që kanë shënuar kthesë në histori. 12 qershori është dita e rreshtimit të botës demokratike dhe që atëherë, kjo datë kujtohet si Dita e Lirisë së Kosovës nga agresioni serb.

Reklamë
Reklamë

Retuers: Lëvizja Vetëvendosje, befasia më e madhe e zgjedhjeve në Kosovë

Periskopi.com Lajme

Agjencia e lajmeve Reuters ka raportuar për rezultatin preliminar të zgjedhjeve të parakohshme parlamentare të mbajtura më 11 qershor në Kosovë.

Në raportin e kësaj agjencie, thuhet se befasia më e madhe e këtyre zgjedhjeve ishte rezultati i Lëvizjes Vetëvendosje.

Koalicioni i kryesuar nga Partia qeverisëse e qendrës së djathtë, ajo Demokratike e Kosovës (PDK) doli e para në zgjedhjet e parakohshme parlamentare  të së dielës në Kosovë, por asaj do t’i duhet  të gjejë një partner koalicioni për të formuar një qeveri të qëndrueshme.

Me 70 për qind të votave të numëruara, koalicioni i kryesuar nga PDK kishte 34.3 për qind të votave, Vetëvendosje (VV)  26.3 për qind, dhe koalicioni i udhëhequr nga Lidhja Demokratike e Kosovës (LDK), 25.8 për qind, shkruan Reuters duke cituar rezultatet e DnV-së.

Rreth 1.9 milion kosovarë, gati gjysmë milioni i të cilëve jetojnë jashtë vendit, janë regjistruar për të votuar në zgjedhjet e treta që kur Kosova shpalli pavarësinë në vitin 2008.

Sipas Komisionit Shtetëror të Zgjedhjeve në zgjedhje kanë marrë pjesë rreth 41.5 për qind, më e ulëta që nga viti 2008, me shumë kosovarë të frustruar mbi mungesën e përparimit ekonomik dhe një nivel të thellë të korrupsionit. Në vitin 2010 dhe 2014 pjesëmarrja  ishte 48 dhe 43 për qind.

Surpriza më e madhe ishte partia Vetëvendosje e opozitës, e cila pothuajse ka dalur partia e dytë, shkruan tutje Reuters.

“Vetëvendosja ka fituar  këtë numër votash për shkak se ata duan që të ndëshkojnë  partitë qeverisëse”, tha Ismet Kryeziu, kreu i Demokracisë në Veprim.

Qeveria e re do të duhet të merret me papunësinë  dhe për të përmirësuar marrëdhëniet me fqinjët e Kosovës, sidomos  me Serbinë, një parakusht për të dy vendet për të ecur përpara në procesin e anëtarësimit në Bashkimin Evropian.

Reklamë
Reklamë

Për kë votoi sot Adem Demaçi?

Periskopi.com Lajme

Simboli i rezistencës, Adem Demaçi këtë të diele duket se nuk ka votuar.

Ai i kontaktuar nga Periskopi për ta përcjellur gjatë votimit tha se kjo nuk mund të realizohet.

Kjo ngase, siç tha djali i tij, Shqiptar Demaçi, ai nuk voton që disa vite, e asaj kësaj radhe.

Në KOsovë po mbahen zgjedhjet e parkohshme parlamentare.

 

Reklamë
Reklamë

Më shumë votues në Kosovë se banorë, mësojeni arsyen

Periskopi.com Lajme

Në listat e votuesve për zgjedhjet e parakohshme parlamentare të Kosovës gjenden mbi 615 mijë votues më shumë se sa është numri i përgjithshëm i qytetarëve të Kosovës.

Të drejtë vote për zgjedhjet që do të mbahen më 11 qershor të këtij viti kanë rreth 1.9 milion kosovarë, ndërsa statistikat zyrtare thonë se Kosova nuk i ka as 1.8 milion banorë.

Ky dallim i madh midis numrit të votuesve dhe numrit të banorëve vlerësohet se është pasojë e dështimit të vazhdueshëm të institucioneve që të pastrojnë listat e votuesve.

Për këtë arsye, në zgjedhjet e kaluara kanë ndodhur keqpërdorime masive të votave në vend.

Por, Kryetarja e Komisionit Qendror Zgjedhor (KQZ), Valdete Daka, ka thënë ditë më parë se listat zgjedhore për zgjedhjet e parakohshme janë të pastruara.

Ajo ka thënë se në listat e votuesve përfshihen të gjithë qytetarët që gjenden në regjistrin civil, pavarësisht se ku jetojnë.

“Kjo është një çështje e cila në çdo zgjedhje diskutohet, po ata janë të gjithë votues dhe i përfshin të gjithë qytetarët e Kosovës, të cilët janë të regjistruar në regjistrin civil, sepse ne e marrim ekstraktin nga regjistri civil. Aty janë të përfshirë të gjithë diaspora dhe të gjithë qytetarët të cilët janë të regjistruar, ata kanë edhe të drejtë vote”, ka thënë Daka./ Periskopi

Reklamë
Reklamë

“Der Spiegel”: Ky është gabimi që bëri perëndimi me Kosovën

Periskopi.com Lajme

Perëndimi ia ka lëshuar komandantëve kombit të ri. Këtu erdhi te krijimi i shtetit mafioz, shkruan fillimisht magazina më e madhe e Europës, “Der Spiegel”.

Kosova ka kaluar në kohë luftërash por edhe sot e kësaj dite shoqëria e saj është ndërtuar si shoqëri lufte. Atë që ata kanë për ta thënë, janë të ngjashme se në vitet 90-të.

Miliarda për elitën e korruptuar

Për të gjetur një vend që është në duart e një klani të vogël, duhet të hedhësh shikimin në Botën e tretë. Kosova është një Failed State, Shtet i dështuar, ku krimi i organizuar ndodhet i fshehur deri në institucionet më të larta të vendit. Sipas Interpolit një pikë lidhëse për trafikimin e drogës dhe qenieve njerëzore. Miliardat e BE të investuar në projektin K – në shumicën e rasteve janë derdhur në xhepat e elitës të korruptuar.

Gabimi i perëndimit

Më pas media gjermane thekson se gabimi që bëri perëndimi është që Kosovën ua la në dorë komandantëve që glorifikohen si “ushtarë të lirisë”, por në shumë raste bëhet fjalë për luftëtarë të krimit.

“Ata nuk ishin të gatshëm të ndërtonin demokracinë, respektimin e ligjit, drejtësinë funkcionale dhe shtetin social,” përcjell botasot.info. Edhe presidenti i shtetit sipas raporteve të BND (Shërbimit sekret gjerman) gjatë periudhës paramilitare ka qenë pjesë e organizatës kriminale. Sipas organizatës “Pro Asyl” në Kosovë është “mezi e dallueshme” ndarja mes shtetit dhe mafias.

Erdogani dhe Putini si pasqyrë

Më pas shkrimi ndalet duke folur për pasqyrën e të rinjve në Kosovë dhe rritjen e ndikimit të fesë.

“Pasqyra ose “role model” këtu nuk është BE, por një burrë i fuqishëm si Erdogani. Te serbët kjo vlen për Putinin.”

Pas viteve 90-të vendet e Gjirit kanë ngritur shkolla të mësimit të Kuranit në Bosnjë duke rritur shtimin e ndikimit të fesë në rajon.

Dikur luftonin çeçenët, irakenët në Ballkan, ndërsa sot në kuadër të ISIS në Lindjen e Mesme luftojnë shumë banorë të Kosovës dhe Bosnjës.

Reklamë
Reklamë