_92669830_mediaitem92669749

Fidel Castro kundërshtoi pavarësinë e Kosovës dhe u tall me vizitën e Bushit në Shqipëri

Fidel Castro, lideri legjendar kuban, i cili u nda nga jeta gjatë së premtes, ka treguar vazhdimisht interes për situatën politike në gadishullin ballkanik.

Periskopi.com Lajme

Ai madje ka refuzuar pavarësinë e Kosovës nga Serbia dhe ka dënuar ndërhyrjen e forcave amerikane gjatë luftës. Në një artikull të vitit 1999 në gazetën e partisë komuniste “Granma”, Castro shprehet se ndërhyrja ushtarake ishte thjesht një tjetër shembull i “imperializmit amerikan”.
Ai e quajti sulmin “luftën më burracake të historisë” dhe “një betejë kolosale kundër sovranitetit” të Serbisë.
Në vitin 2007, ai madje u tall me vizitën e ish-presidentit amerikan George W. Bush në Shqipëri, duke publikuar një editorial me titull “Tirani viziton Tiranën”.
Ai bëri një deklaratë në favor të pavarësisë së Kosovës, pa respektuar interesat e Serbisë, Rusisë dhe disa vendeve të tjera evropiane. Ai i bëri leksion Serbisë se do t’i ofronte ndihmë ekonomike, nëse do të mbështeste pavarësinë e Kosovës, kultura e së cilës ka dalë nga ai vend”, shprehej Castro, i cili në vitin 2015, mori një dekoratë nga presidenti serb Nikoliq.