Shkurte Gashi ka lidhje gjaku me një kryetar komune! (Fotot)

Periskopi.com Showbiz

Këngëtarja e njohur Shkurte Gashi e cila të gjithë i habit me paraqitjen e saj tejet elegante dhe më zërin e saj i bën të gjithë për vete.

Këngëtarja është aktive edhe në rrjetet sociale.

Ajo tash e sa vite jeton jashtë Kosovës, por a e keni ditur se nga cili vend vjen këngëtarja Gashi?

Gashi vjen nga fshati Dardhishtë Komuna e Obiliqit, e po ashtu Gashi ka lidhje gjaku me Kryetarin e Komunës së Obiliqit, Xhafer Gashi.

 

Edhe kjo ndodhë në Vushtrri, drejtori i DKA-së shpallë konkurs dhe punëson veten

Periskopi.com Lajme

Lëvizja Vetëvendosje dega në Vushtrri ka shprehur shqetësimin e saj për zhvillimet në fushën e arsimit në këtë komunë.

VV përmes një njoftimi ka bërë të ditur se në konkursin e fundit për zyrtarë në Arsimin e Mesëm të Lartë, Musaj Tërbunja ka punësuar vetën në këtë pozitë ani pse ai mban edhe pozitën e Drejtorit të Drejtorisë Komunale të Arsimit.

Njoftimi i plotë i Vetëvendosjes:

Qendra e Lëvizjes VETËVENDOSJE! Vushtrri shpreh shqetësimin e saj për zhvillimet e fundit në fushën e arsimit në Komunën e Vushtrrisë. Në vazhdën e degradimit dhe politizimit të thellë dhe të vazhdueshëm të arsimit në Komunën e Vushtrrisë është edhe rasti skandaloz i konkursit të fundit për pozitën: Zyrtar për Arsimin e Mesëm të Lartë, të datës 31.03.2017. Në këtë konkurs, z.Musaj Tërbunja, që sipas faqes zyrtare të komunës ushtron pozitën e Drejtorit të Drejtorisë Komunale të Arsimit në këtë Komunë, fillimishtë i “shpallë vetës” konkurs të paramenduar për vetëpunësim, dhe pastaj, pas procedurave me datë: 04. Maj 2017 e shpallë vetën fitues në konkursin e cekur më lartë, duke u vetëpunësuar, që paraqet skandal të llojit të vet.

Kjo është vetëm një nga shkeljet e radhës që argumenton fuqishëm politizimin e skajshëm të arsimit në Komunën e Vushtrrisë, e cila sillet me pushtetin sikur të ishte pronë e tyre partiake, duke i shërbyer interesit partiak në radhë të parë, por kursesi interesit publik dhe vlerave të mirëfillta të arsimit.

Me këtë qasje të vazhdueshme as që mund të presim ndryshime pozitive në fushën e arsimit e as të presim rezultate ndryshe nga ajo që ka dhënë rezultati i PISA-s për arsimin në vend.

 

Shpend Ahmeti e qet në shitje ‘Q7-shin’ e Isa Mustafës

Periskopi.com Lajme

Kryetari i Komunës së Prishtinës, Shpend Ahmeti ka tre vite prej se ka marrë mandatin për të udhëhequr me kryeqytetin.

Me të ardhur në krye të detyrës, Ahmeti kishte paralajmëruar shitjen e veturës “Audi” Q7 me të cilën vozitej, kryeministri Isa Mustafa sa mbante postin e kryetarit të Komunës, shkruan Indeksonline.

Vlera me të cilën ishte paralajmëruar të shitej kjo veturë ka qenë 42 mijë euro.

Në faqen zyrtare të Komisionit Rregullativ të Prokurimit Publik, te këndi i shitjes së aseteve çmimi minimal i është caktuar në vlerën e 31 mijë eurove.

Në publikimin e ofertës së Komunës janë bërë të ditura edhe detajet nga kjo veturë, përfshirë kilometrat e vitin e prodhimit.

Me veturën që vozitej kryeministri Mustafa ish kryetar i Prishtinës, janë bërë 75 mijë e 182 kilometra.

Viti i prodhimit është 2011.

“AUDI Q7 Tipi: 4.2 V8 – TDI, Kilometrat e kaluara: 75182, 5 Dyer, Viti i prodhimit: 2011, Ndërruesi i shpejtësisë: Automatik, Ngjyra: e zezë, I çregjistruar “, janë detajet e dhëna në publikimin e kësaj oferte.

Afati i fundit për oferta është 8 maj 2017. Pas kësaj date ofertat nuk pranohen.

“Informata shtesë mund të merren nga: përgjegjësi i garazhes se automjeteve të Komunës z. Shaban Maliqi Ofertat duhet të dorëzohen në Komunën e Prishtinës – zyra pritëse nr. 6. me datën 08/05/2017 ne ora: 14:00. Ofertat e vonuara do të refuzohen”, bëhet e ditur më tej në ofertën e publikuar.

Pacolli nuk e mohon se mund të kandidojë për kryetar të Prishtinës

Periskopi.com Lajme

Kryetari i Aleancës për Kosovë të Re (AKR), Behgjet Pacolli, nuk e ka përjashtuar mundësinë që të jetë kandidat për kryetar të Prishtinës, në zgjedhjet e ardhshme lokale.

Ai në emisionin “Info-Box” të RTV Dukagjini, ka thënë se në Prishtinë ka shumë punë dhe se ai nuk i frikësohet punës.

“Unë mendoj se është privilegj me qenë kryetar i Prishtinës. Po tingëllon bukur kjo gjë. Por, unë asnjëherë në jetë nuk e kam menduar që të kandidoj për të kryetar të kryeqytetit”, ka theksuar Pacolli.

Sipas tij, po të ekzistojë një variant i tillë (që ai të kandidonte), nuk do të frikësohej fare.

Sondazhi i fundit për Prishtinën, Ahmeti i pari, Lirak Çelaj e mund Ismet Beqirin

Periskopi.com Lajme

Një anketë online që zgjati një orë ka sjellur rezultate befasuese për PDK-në.

“Kë do ta votonit për kryetar të Komunës së Prishtinës” ishte pyetja e anketës së Periskopit ku mund të votohej me anë të butonave, dhe kandidatë ishin kryetari aktual Shpend Ahmeti, Lirak Çelaj nga PDK dhe Ismet Beqiri nga LDK.

nga rreth 4 mijë votues, 3 mijë e 200 deklaruan se zgjedhin Shpend Ahmetin, 324 për Çelajn dhe 178 për Beqirin.

Aty komentuan edhe mbi një mijë persona.

Ahmeti që aktualisht është kryetar komune, vërehet qartë sa larg la kundër -kandidatët e tij, e befasi ishte ngritja e Çelajt duke lënë pas ish-kryetarin e Prishtinës, Ismet Beqirin.

Shpend Ahmeti 3200 vota

Lirak Çelaj 324 vota

Ismet Beqiri 178 vota

/ Periskopi

Akt vandal në Obiliq, mbishkrimi “Kosova është zemra e Serbisë” në muret e shkollës (Foto)

Periskopi.com Lajme

Një akt vandal ka ndodhur në fshatin Plemetin në Komunën e Obiliqit.

Në shkollën “Pandeli Sotiri” të këtij fshati janë vendosur mbishkrime “Kosova është zemra e Serbisë” në gjuhë serbe e edhe stema çetnike serbe e njohur me 4 S, raporton Periskopi

Kjo ka ndodhur një ditë më parë, Komuna ka reaguar duke i pastruar muret, Policia po merret me rastin por ende nuk ka asnjë të arrestuar.

Kryetari i Komunës së Obiliqit, Xhafer Gashi bënë thirrje për qetësi tek të gjithë banorët dhe thotë se rasti është në duart e drejtësisë.

Gashi për Periskopi. com thotë se me të marr informacionin kanë dal në vend ngjarje, bashkë edhe me Policinë, kanë marr të dhënat dhe po hetohet rasti.

Ai bënë të ditur se Drejtori i Shërbimeve Publike bashkë me kompaninë e kontraktuar i kanë ngjyrosur sot, e premte, muret sërish duke i kthyer në gjendjen e mëparshme.

E Policia që po hetojnë rastin, nuk pranojnë të flasin nëse kanë ndonjë të dyshimtë, me arsyetimin se mund të ndërhyhet në hetime.

“Kemi mbajtur një takim me zyrat lokale të komuniteteve dhe nënkryetarin, e kanë dënuar këtë veprim që të gjithë. Gjërat e tilla kontribuojnë destabilizimit të situatës në vend. Nuk kemi pasur probleme serioze deri më tani të bashkëjetesës në Plemetin. Aty ka komunitete të përziera, shqiptar, serb dhe romë. Veprimet e tilla i dënojnë edhe vet qytetarët”, thotë Gashi për Periskopi.com

Ai ka bërë lutje te të gjithë qytetarët që të jenë të vëmendshëm dhe që veprimet e tilla të mos ndikojnë në jetën dhe fqinjësinë që kanë në atë fshat.

Thotë se të gjithë duhet të bashkëpunojnë që të mos ndodhin gjera të tilla./ Periskopi

Zbulohen dy emra të rinj dhe befasues për kryetar të Prishtinës nga LDK!

Periskopi.com Lajme

Nëndega e LDK-së në lagjen Ulpiana, në Prishtinë ka dalur haptazi kundër lidershipit të partisë së saj.

Petrit Bicaj anëtarë i kësaj dega ka treguar se anëtarët e saj një zëri janë pajtuar se kandidati i kësaj partie për kryetar të komunës së Prishtinës duhet të jetë një emër i ri, që do të kthente besimin e qytetarëve prishtinas kah LDK-ja për qeverisje të kryeqytetit dhe jo emra të ricikluar.

Ai, më tej jep edhe dy emra që kjo nëndega i ka përkrahur si kandidat të mundshëm;Vjosa Osmani sipas tij është emri që duhet të marr mbështetjen për kandidim nga LDK-ja , që është edhe befasi duke pasur parasysh edhe përplasjet që deputetja e LDK-së ka pasur me lidershipin e partisë dhe me vet kryetarin e saj, Isa Mustafën.

Emri tjetër i propozuar prej kësaj nëndege, sipas Bicajt është Lumir Abdixhiku, e gjithë kjo nëse do duhej të vendosej për një person jashta partisë.

Ky është shkrimi i plotë i Petrit Bicajt:

“Nendega Ulpiana njezeri konkludoj se Prishtina ka nevoj per kandidat te ri, e jo riciklime, qe mund ta rikthej Prishtinen dhe njekohesisht besimin tek elektorati i zhgenjyer i LDK-se. Kandidati i cili mund ta beje kete ndryshim eshte deputetja Vjosa Osmani, nese edhe ajo shpreh deshiren per kandidim! Si kandidat tjeter i mundshem, jasht strukturave te LDK-se, u lakua edhe emri i Lumir Abdixhikut!”/GazetaBlic.com

Kush janë përfituesit e banesave për familjet në nevojë në Prishtinë

Komisioni për ndarjen e banesave i Komunës së Prishtinës ka përfunduar procesurën e selekcion it të përfituesve të banesave për familjet në nevojë.

Periskopi.com Lajme

“Në proces kanë aplikuar 330 familje, përafërisht 30 janë përjashtuar për deklarim të rrejshëm apo për mospërmbushje të kritereve për aplikim. Ndërsa 301 famillje janë vizituar dhe janë pikëzuar sipas legjislacionit në fuqi” ka deklaruar i pari i kryeqytetit të Kosovës, Shpend Ahmeti.

Nga 50 familjet përfituese, 43 janë me të hyra mujore më pak se 150 euro dhe me kushte shumë të rënda. Ndërsa 7 kanë qenë me të hyra në mes 150 – 250 euro.

Sipas Ahmetit, 14 përfitues janë familje të udhëhequra nga nëna vetëushqyese. Mesatarisht janë familje me nga pesë anëtarë.

I pari i komunës, si mëson infoGlobi, ka shpjeguar se pas këtij vendimi pason periudha dhjetëditore kur të gjithë mund të paraqesin informata shtesë për vetën ose për dikënd tjetër në qoftë se janë të dokumentuara, e mandej janë edhe periudhat e ankesave administrative dhe gjyqësore.

“Zotohemi se në 3 – 5 vitet e ardhshme do të strehojmë të gjitha familjet në nevojë për strehim. Po ashtu këtë vit na lirohen edhe disa banesa për shkak të skadimit të kontratave në banesat e komunës ku janë të vendosur ata që i kanë punët mirë dhe janë funksionarë, dhe edhe këto banesa do ti përdorim për strehimin e rasteve sociale”, ka deklaruar mes tjerash Shpend Ahmeti.

Banesat e ndara ndodhen në Hajvali./infoglobi

Mbahet seanca e parë e Kuvendit Komunal të Prishtinës

Sot u mbajt mbledhja e Kuvendit Komunal të Prishtinës, me pikat e rendit të ditës të parapara nga Komiteti për Politikë dhe Financa.

Periskopi.com Lajme

Në këtë mbledhje u miratua propozimvendimi i planit për qoshqe dhe dhënia në shfrytëzim të përkohshëm e pronës komunale për këto qoshqe.

Gjithashtu, u diskutua edhe raporti i Zyrës së Auditorit të Përgjithshëm për vitin 2015, ku pati diskutim mes asambleistëve dhe ekzekutivit komunal.

Si pikë e rendit të ditës ishte edhe shqyrtimi i raportit vjetor buxhetor për vitin 2016, ku u fol për shpenzimin e parasë publike.

Raporti nuk mori votat e asamblesë, megjithëse secili shpenzim është i publikuar në detaje edhe në uebfaqen zyrtare të Komunës së Prishtinës.

Nënkryetari i Prizrenit: Po të isha në vendin e Mujës do të dorëhiqesha

Lulzim Kabashi, nënkryetari i komunës së Prizrenit, thotë se po të ishte në vendin e kryetarit të komunës, Ramadan Muja, do të dorhiqej.

Periskopi.com Lajme

Kjo për shkak se Muja po e mban postin edhe pse është i dënuar për keqpërdorim të detyrës zyrtare.

Pavarësisht kësaj, Kabashi që vjen nga radhët e AAK-së, e ka cilësuar të suksesshme bashkëqeverisjen me PDK-në në këtë komunë. Ai thotë se edhe pse Muja ka munguar në postin e tij, qeverisja e Prizrenit ishte në nivel me komunat tjera të Kosovës, por shton se Prizreni ka pasur ngecje ekonomike.

“Po të isha në vendin e Mujës, personalisht në situatë të tillë do të jepja dorëheqje”, ka thënë ai në Interaktiv të KTV-së.

“Relativisht ka qenë koalicion i suksesshëm. Nuk është mirë pa kryetar, por administrata tashmë ka një traditë të punës”.

Tuzi bëhet komunë

Tuzi tashmë merr statusin e Komunës.

Periskopi.com Lajme

 

Lajmin për këtë e ka bërë me dije kryetari i Komunës së Ulqinit, Nazif Cungu, përmes profilit të tij në Facebook.

Ai ka treguar se qeveria e këtij shteti kaloi ligjin për Organizimin Territorial i cili formon Komunën e shumëpritur të Tuzit.

“Në këtë mënyrë ne po ia dalim që të përmbushim një ndër kërkesat kryesore të shqiptarëve të Malit të Zi duke realizuar gjithashtu një premtim të kamotshëm të Forcës së Re Demokratike”, ka thënë Cungu. “Unë ju falënderoj për mbështetjen e vazhdueshme që na keni dhënë, fal votave tuaja ne kemi mundësuar që të vëmë në jetë aspiratën e popullit tonë për të pasur komunën e dytë me shumicë shqiptarë në Mal të Zi”, ka thënë ai.

Punëtorët e Drejtorisë së Arsimit në Prishtinë në grevë, kërkojnë rritje të pagave

Punonjësit e Drejtorisë së Arsimit në komunën e Prishtinës sot kanë mbajtur një grevë duke shprehur pakënaqësinë e tyre në lidhje me pagat që ata marrin.

Periskopi.com Lajme

Këta punëtorë grevën e kanë mbajtur në zyrat e tyre në ndërtesën e komunës, ndërsa asnjë nga ta nuk ka dashur që të flas për KosovaPress.

Por për grevën dhe kërkesat e tyre ka folur shefja e arsimit të Prishtinës Arbërie Nagavci.

Nagavci tha se është në dijeni për grevën e këtyre punëtorëve, ndërsa tregoi se kërkesën për rritje të koeficientit të pagave për këta punëtorë e kanë paraqitur edhe te kryetari i komunës, Shpend Ahmeti, i cili të njëjtën e ka dërguar edhe në Ministri të Financave por që e njëjta është refuzuar.

“Zyrtarët e Arsimit ka kohë që e kanë paraqitur kërkesën për ngritje të koeficienti, e cila për mendimin tim është një kërkesë legjitime sa i përket punës dhe angazhimeve që ata i bëjnë çdo ditë. Por kjo i tejkalon kompetencat tona kërkesën e zyrtarëve dhe mbështetjen tonë. Sigurisht e kemi paraqitur edhe para kryetarit të Komunës Shpend Ahmeti, i cili ka dërguar një kërkesë në Ministri të Financave për ngritjen e pagës për një numër, jo vetëm për zyrtarët e Arsimit, por për punëtorët e komunës së Prishtinës në mes të cilëve ka mosharmoni të mëdha edhe brenda Komunës po edhe në raport me komunat tjera. Përgjigjja e parë e Ministrisë së Financave ka qenë një refuzim edhe pse kryetari Ahmeti i ka njoftuar se komuna ka buxhet të mjaftueshëm që të përballoj nivelizimin e pagave të zyrtarëve”, tha Nagavci.

Punëtorët grevistë i ka vizituar edhe një përfaqësues i Sindikatës së Bashkuar të Arsimit, për të parë nga afër gjendjen dhe kërkesat e tyre.

Nënkryetari i SBASHK-ut Lutfi Mani tha për KosovaPress se janë të njoftuar se këta punëtorë i janë drejtuar komunës që nga viti 2013 që të zbatohet ligji mbi pagat, ku paguhen në bazë të koeficientit dhe se komuna u ka thënë se kjo çështje do të rregullohet.

“Grevën po e mbajnë punëtorët e sektorëve arsimit të komunës së Prishtinës për shkak të pagave. Këta që nga viti 2013 iu kanë drejtuar komunës me kërkesë që të zbatohet Ligji mbi Pagat që është për shërbyes civil ku paguhen në bazë të koeficientit ashtu si e parasheh ligji dhe të kenë paga të barabarta me komunat që janë përreth. Komuna ka thënë që për të gjithë punëtorët e komunës të rregullohet kjo çështje, këtu ka qenë edhe një grevë një ditshme po është pezulluar me ndërmjetësimin e SBASHK-ut, sepse SBASHK-u vjen këtu për tu solidarizuar…Greva vazhdon, i lusim zyrtarët komunal që të reflektojnë pozitivisht dhe shpresojmë që kjo grevë të përfundojë sa më shpejtë por gjithmonë me realizim të kërkesave të punëtorëve”, tha Mani.

Punëtorët e Drejtorisë së Arsimit në komunën e Prishtinës kanë paralajmëruar se edhe ditëve të ardhshme do të ketë grevë deri në realizim të kërkesave të tyre.

Arbër Vllahiu kandidat i LDK-së për Kryetar të Prishtinës?

Njëri prej gazetarëve në Kosovë, Arbër Vllahiu, shumë shpejt mund ta shohim kandidat për Kryetar të Prishtinës.

Periskopi.com Lajme

Partia e Isa Mustafës, LDK-ja, është duke përgatitur ofertën për Vllahiun, i cili, për një kohë ishte edhe Këshilltar i Presidentes.

Aktualisht, Vllahiu është udhëheqës i Radios Evropa e Lirë për Ballkan.

Lidhja Demokratike e Kosovës është duke shqyrtuar mundësinë për ta bindur gazetarin shumëvjeçar, Arbër Vllahiun, të jetë kandidat për Kryetar të Prishtinës.

Vllahiu shihet si kandidat adekuat për t’i dalë përpara Shpend Ahmetit të Vetëvendosjes.

Vllahiu, asnjëherë s’është përmendur për asnjë aferë, as sa ishte në Zyrën e Presidentes Jahjaga.

Lajmi.net ka provuar të flas me Vllahiun, por ai nuk e ka hapur fare telefonin lidhur me mundësinë e hyrjes në politikë.

Lidhja Demokratike e Kosovës ka humbur garën në zgjedhjet e fundit përballë Shpend Ahmetit.

Pikërisht, kjo humbje, ka shtyrë zyrtarët e LDK-së të mendojnë për një person kredibil që do të mund ta sfidonte Ahmetin për kreun e qytetit më të rëndësishëm në Kosovë.

Në garën për Prishtinë nga PDK është përmendur Blerand Stavileci, por ende s’ka asgjë zyrtare.(Lajmi.net)

Komuna e Prishtinës largon nga banesat komunale zyrtarët e PDK-së dhe LDK-së

Komuna e Prishtinës ka vendosur që në banesat e ndara komunale në “Bregun e Diellit” t’i largojë të gjithë ata që nuk i përkasin rasteve sociale, kategorive të luftës dhe që nuk janë invalidë të punës.

Periskopi.com Lajme

Në një konferencë për media drejtori i Pronës në komunën e Prishtinës, Dren Kukaj, tha se kjo është vendosur që të largojë nga banesat komunale të gjithë ata që nuk e meritojnë. Sipas tij pushtetarët e kaluar të komunës së Prishtinës në saje të privilegjeve që i kanë pasur i kanë ndarë vetes banesa. Kukaj thotë se ato banesa do t’ua marrin dhe do t’u jepen njerëzve që kanë nevojë..

Drejtori i Pronës bëri të ditur se përfitues të banesave komunale kanë qenë kryesuesi i Asamblesë Komunale Halim Halimi i cili e ka përfituar banesën si ish drejtor, Sabedin Haxhiu, Muhamet Gashi, Agim Dibrani. Të gjithë këta qenë përfitues gjatë kohës sa kanë   qenë drejtorë. Në mesin e përfituesve është edhe asamblisti i tanishëm nga radhët e PDK-së Shemsi Veseli.

“Pra ky është një vendim, një qëndrim politik i qeverisjes se Lëvizjes Vetëvendosjes të cilën e kemi marrë në bashkëpunim me kryetarin tonë Shpend Ahmeti. Shpresoj që të mos keqkuptohet e të mos interpretohet si ndonjë lloj hakmarrje politike, por si një vendim i drejtë ku do të largohen ata që më të vërtetë nuk kanë nevojë dhe do të zëvendësohen me të tjerë që më të vërtetë kanë nevojë. Të tillë, si përfitues mund ta gjeni prej kryesuesit të asamblesë komunale Halim Halimi i cili ka përfituar atë banesë si ish drejtor, gjithashtu Sabedin Haxhiun e Muhamet Gashi, Agim Dibrani, të gjithë drejtorë në atë kohë kur janë dhënë banesat vetës së tyre. Gjithashtu ka edhe asamblist të atëhershëm por edhe të tashëm, sikurse Shemsi Veseli nga radhët e PDK-së”, tha Kukaj.

Drejtori i Pronës në komunën e Prishtinës tha se do të largohen të gjitha ata që nuk janë raste sociale për t’i zëvendësuar me raste që sipas tij me të vërtetë kanë nevojë.

“Kemi marrë një vendim ose duhet t’iu kumtoj një qëndrim politik të qeverisjes sonë që për banesat e ndara në ‘Bregun e Diellit’, për të cilat është folur shumë që janë diku rreth 50 banesa, ne kemi vendosur që përjashtimisht prej kategorive që u kanë ndarë kategorive të luftës, rasteve sociale, të invaliduarëve në punë që ka raste të tilla që kanë përfituar banesa, të gjithë të tjerët ne kemi vendosur që prej aty t’i largojmë e njëkohësisht të shpallim një konkurs të ri, që të njëjtit t’i zëvendësojmë me raste që me të vërtetë kanë nevojë”, tha Kukaj.

Sa i përket banesave që janë ndërtuar në Hajvali për familjet me gjendje të rëndë ekonomike, drejtori i Shëndetësisë Arben Vitia tha se përfitues të tyre do të hyjnë 50 familje me gjendje të rëndë ekonomike.

“Nga këto banesa do të përfitojnë vetëm 50 familje, ato në kushtet më të rënda, janë 330 familje që kanë aplikuar në tërësi. Deri më tani në fazën e dytë Komisioni ka bërë vlerësimin e situatës në terren për 94 familje, procesi është në vazhdim e sipër dhe tani që po flasim, besoj që sot do ta tejkalojë numrin 100 dhe për një kohë relativisht të shkurtë presim të vijnë edhe me të gjitha informacionet më fotografi dhe vlerësimin e situatës në terren për të gjitha familjet 330 të cilat kanë aplikuar”, tha Vitia.

Gjithashtu, ai tha se  nën mbikëqyrjen e kryetarit Shpend Ahmeti, për 280 familjet tjera të cilat nuk do të munden të përfitojnë nga ky rast janë duke përgatitur planin tre vjeçar të banimit në bashkëpunim me Drejtorinë e Pronës dhe Drejtorinë e Urbanizmi, t i cili plan mendohet që në tri deri në pesë vitet e ardhshme do të zgjedhë përfundimisht çështjen e banimit social në komunën e Prishtinës.

Komuna tentoi t’u jepte skamnorëve dru për ngrohje, nuk lejon Agjencioni i Pyjeve (Video)

Familjet skamnore të Prishtinës do mund të furnizoheshim me dru për këtë dimër të ftohët me një iniciativë të Komunës, por që një gjë të tillë nuk po e lejon Agjencioni i Pyjeve të Kosovës.

Periskopi.com Lajme

Kjo për arsye se drurët që komuna ka menduar tu shpërndaj familjeve skamnore janë pjesë ë mallrave të konfiskuar, transmeton Tribuna Channel.

Rrjedhimisht Agjencioni i Pyjeve nuk po e lejon Komunën që këta drunj tu dhurohen skamnorëve  me arsyetimin se ato duhen të shiten e jo të shpërndahen falas për familjet me kushte të rënda sociale.

 

Haradinaj tregon kandidatët e AAK-së për kryetar komune në Gjakovë, Pejë, Rahovec e Suharekë

Ardian Gjini do të jetë kandidati i AAK-së për kryetar komune në zgjedhjet e ardhshme lokale, ndërsa Fatmir Gashi do të jetë kandidat për Pejë.

Periskopi.com Lajme

Kështu ka njoftuar deputeti i kësaj partie Daut Haradinaj, për komunat në të cilat AAK-ja është ndër dy të parat me vota.

“Në Pejë do të shkojmë me Fatmir Gashin, në Gjakovë me Ardian Gjinin, mendoj se është djalë i dëshmuar. Smajl Latifi në Rahovec edhe pse humbi për 300 vota, ndërsa në Suharekë është Bali Muharremaj”, ka njoftuar ai në Interaktiv.

Komuna e Prishtinës veproi ‘përmes’ Facebook-ut, rregulloi problemin më të vjetër në qytet (Foto)

Problemi që në lagjen "Dardania" në Prishtinë ishte që nga viti 2001, tashmë po rregullohet.

Periskopi.com Uncategorized

Ka mjaftuar  një postim në rrjetin social dhe Komuna e Prishtinës ka intervenuar.

Blendi Zymi ka postuar fotografi, se si në një pjesë të kësaj lagjeje, gjithmonë bëhet akulli dhe rrezikon qytetarët, si me makina si këmbësorët.

Kur ai postoi fotografinë, i përmendi edhe kryetarin Shpend Ahmetin dhe nënkryetarin Dardan Sejdiun.

E ky i fundit reagoi menjëherë. I kërkoi adresën e saktë dhe pas pak orësh i tregoi se akulli u largu, e përveç kësaj, premtoi se do rregullohet edhe rrjedha e ujit tërësisht, shumë shpejt.

“Në momentin që krijohen kushtet klimatike do të intervenohet edhe në rregullimin e rrjedhjes së ujit!”, ka shkruar Sejdiu./ Periskopi

gdgk capturexfgdfdsx 15978093_10154183748022681_1166698870377671258_n 15977546_10154183747837681_6135080535564523460_n 16105800_582392741946578_1817946521313088484_n

Gjetja arkeologjike në Sheshin e Lidhjes pa masa mbrojtëse kundër ngricave (Foto)

Gjetja arkeologjike në Sheshin e Lidhjes në Prizren edhe gjatë këtij dimri ka mbetur pa masa mbrojtëse kundër ngricave. Kjo gjetje, ka mbetur e hapur prej vitit 2015, duke iu nënshtruar kushteve të jashtme, ndërkohë që ditëve të fundit është mbuluar nga bora dhe moti i ftohtë përkatësisht ngricat.

Periskopi.com Lajme

Instituti Arkeologjik i Kosovës gjatë vitit 2016 ka vazhduar gërmimet me karakter shpëtimi në Sheshin e Lidhjes dhe ka konstatuar se bëhet fjalë për një mbetje arkitektonike të periudhës klasike romake, përkatësisht të shekullit II-III. Njëkohësisht ka paralajmëruar mbulimin provizor të monumentit për ta mbrojtur gjatë stinës së dimrit.

Bazuar në vëzhgimin në terren, në këtë hapësirë nuk është vërejtur zbatimi i ndonjë mase mbrojtëse kundër borës e ngricave.

EC Ma Ndryshe përkujton se edhe një vit më parë pat reaguar, duke kërkuar aplikimin e masave mbrojtëse në këtë lokalitet arkeologjik, i cili qe zbuluar në fund të vitit 2014, gjatë punimeve infrastrukturore në Sheshin e Lidhjes. Vitin e kaluar si pasojë e motit të ftohtë pat ardhur deri te shpërthimi i gypave të ujit që kalojnë nëpër këtë hapësirë, duke mbuluar kështu me ujë pjesë të caktuara të lokalitetit.

Prandaj, EC sërish i bën thirrje institucioneve përgjegjëse që këtë vlerë të trashëgimisë kulturore ta trajtojnë me seriozitet, të ndërmarrin veprime adekuate për mbrojtje gjatë të ftohtit, dhe në kohën më të shkurtër të fillojë trajtimi profesional i lokalitetit konform legjislacionit dhe praktikave të mira për mbrojtjen e trashëgimisë arkeologjike, në mënyrë që ai të vihet në shërbim të publikut dhe vizitorëve të Prizrenit./ Periskopi

gjetja-arkeologjike_sheshi-i-lidhjes-1 gjetja-arkeologjike_sheshi-i-lidhjes-2

Komuna e Prishtinës do t’i gjobisë me nga 100 euro ata që përdorin mjete piroteknike

Periskopi.com Video

Autobusët e rinj të Prishtinës tashmë gati (Foto)

Kryetari i Prishtinës, Shpend Ahmeti ka postuar autobusët e rinj që do të përdoren në kryeqytet.

Periskopi.com Uncategorized

Ata duket se janë gati dhe shpejt arrijnë në vend.

Këta 20 autobusë në kryeqytet, ndërsa 31 tjerët pritet që të vijnë në janar.

Gjatë muajit shtator u nënshkrua marrëveshja për furnizim me autobusë në mes ndërmarrjes “Trafiku Urban” dhe kompanisë çeke “Iveco”, si fituese e tenderit për furnizimin me autobusë urban në Prishtinë.

Ky projekt u mbështet me një kredi nga Banka Evropiane për Rindërtim dhe Zhvillim – BERZH./ Periskopi

15697793_10155626457827166_8406246859407163226_n 15672911_10155626457777166_5721714719719416181_n