Bashkëshorti i Mimoza Kusarit keqpërdori paratë publike, e dështoi ekspeditën e Kosovës në Everest?

Ekspedita e Kosovës në Everest, e iniciuar dhe organizuar nga Klubi Alpinin Prishtina është përgjysmuar. Për në Nepal janë nisur vetëm dy anëtarë, nga katër sa ishte e planifikuar. Akuzojnë Federatën e Bjeshkatarisë dhe Alpinizmit, me në krye Arben lilën se keqpërdori paratë e dedikuara për ekspeditë.

Periskopi.com Lajme

Tashmë për në Nepal janë nisur vetëm dy persona, por dy nga ata që nuk munden të nisen tregojnë se kush keqpërdori paratë e shtetit të dedikuara për këtë mision.

Qendrim Sopi dhe Haki Hasanramaj nga Klubi Alpin thonë se kanë tri vite që përgatiten për këtë ekspeditë, pa ndaluar me aktivitete tjera.

Ata thonë se ekspedita e Kosovës nuk ka komponenta personale dhe çdo veprim kishte të bënte, dhe ka të bëjë, me përfaqësimin e shtetit të Kosovës në Everest.

“Po çuditërisht, puna dhe përpjekjet tona kanë nxitur reagime dhe komplote të ulëta të cilat nuk kanë qenë dhe kurrë nuk do të jenë pjesë e Alpinizmit në Kosovë. Për ti përkeqësuar gjërat, këto veprime (me ose pa dashje nuk ka rëndësi) vijnë nga ajo që duhet të jetë shtëpia e Bjeshkatarisë dhe Alpinizmit, nga Federata. Klani brenda Federatës, në krye me Kryetarin e saj z.Arben Lila duhet ta kuptojnë se sporti dhe alpinizmi nuk mund të ecin përpara me të tilla veprime, dhe pikërisht këta hapa e kanë vënë seriozisht në dyshim rrolin e Federatës dhe qëllimin e saj”, njoftojnë ata, raporton periskopi

“Përgjysmimi i Ekipës vie si pasojë e keqinformimit të MKRS-së nga Federata, e cila ka bërë shpërndarje të fondit të Ekspeditës, me qëllim të pengimit të saj. Ka shpërndarë dhe ka marë vendime arbitrare dhe dashakeqe, jashtë çdo logjike të shëndoshë. Për ti keqësuar gjërat edhe më shumë MKRS ka rënë në grackën e Federatës në krye me z.Lila. Pra, mjetet e alokuara sipas projektit dhe kërkesës së K.A.P. në Ministrinë e Sportit, kanë kaluar në Federatë, dhe janë shpërndarë në të tjera destinime. Ministria e Sportit duhet të ketë shumë kujdes dhe të mos bie në gracka të tilla, sepse ne Alpinistët besojmë fuqishëm në Shtetin e Kosovës dhe Gjyqësorin e saj, dhe pikërisht ky qëndrim i yni na obligon që së shpejti ti fillojmë procedurat ligjore për këtë çështje”, thotë Klubi Aplin.

Ata kanë edhe kërkesa për Arben Lilën. Kërkesat janë këto

Kuptojeni Alpinizmin dhe si sport fisnik, ndërsa Ekspeditën e Everestit mision shtetëror dhe shpirtëror

Urgjentisht ti bartni mjetet financiare në Ekspeditë dhe ta ndërpreni dëmtimin e saj.

Ministrisë dhe institucioneve të tjera relevante ju bëjmë thirrje qe ta vazhdojnë financimin e Ekspeditës në Everest dhe Alpinistet e KAP të ndihen të perkrahur, te ndihen Shqiptarë dhe shtetas te Kosoves, pra ti inkurajojmë në misionin e tyre dhe ti presim shëndosh e mirë në Ks; këta janë njerëzit tanë dhe na përfaqësojnë neve atje, kanë guxim dhe vetëbesim, janë të gatshëm edhe për më të keqën, janë të përgatitur dhe të vendosur, pra janë Alpinistët e Ekspeditës së Kosovës në Everest

Ju njoftojmë se së shpejti do të fillojmë mbledhjen e opinioneve dhe nënshkrimeve për rishikimin e strukturës udhëheqëse te Federates. E drejta jonë ligjore sportive dhe njerzore na obligon që të dermarrim hapa dhe të mos lejojmë dëmtimin e mëtutjeshëm të ketij sporti fisnik.

Patjeter qe do te hapen debate në rrjetet Sociale dhe Televizon ku do te trajtohet kjo qeshtje pike per pike.

Ekipës se Klubit Alpin Prishtina, edhe pse unë Qendrim Sopi dhe Haki Hasanramaj nuk e patëm fatin të jemi me ta, i urojme shëndet fat dhe sukses në misionin e tyre sportiv dhe perfaqësues. Gjithashtu i siguroj se e kanë perkrahjen tonë shpirtërore dhe nuk do te jenë vet në Everest.

Sinqerisht,

Qëndrim Sopi dhe Haki Hasanramaj

Anëtarët e Ekspedtitës të cilëve iu pamundësua pjesëmarrja   / Periskopi

Reklamë
Reklamë

Jo veç vetëm bjeshkatari, Klubi Alpin Prishtina edhe me çiklizëm malor

Ata nuk ndalen. Nuk lënë bjeshkë pa e shkelur.

Periskopi.com Lajme

Klubi Aplin Prishtina janë ngjitur edhe deri në Kilimanxharo, përveç shumë tjerash, kësaj radhe kanë vendosur të sjellin diçka të re.

Bordi i Klubit Alpin Prishtina vendosi që zyrtarisht të themelohen sektorë që deri më tani nuk ishin.

Sektori i Çiklizmit Malor – Përgjegjës: Hajdin Kastrioti (Dini)

Sektori i Vëzhguesve Malor – Përgjegjës: Labinot Salihu (Labi)

Aktivitete të lidhura me këta Sektorë janë zhvilluar edhe më herët, por tani do të zhvillohen konform Programit dhe në mënyrë pothuajse të pavarur nga Sektorët e tjerë të Alpinizmit dhe Bjeshkatarisë.

 

Reklamë
Reklamë