Kim Mehmeti godet partitë politike: Strehimore për të paaftët

Publicisti Kim Mehmeti ka thënë se shqiptarët në Kosovë, Shqipëri dhe Maqedoni kanë të përbashkët partitë politike që janë shndërruar kryesisht në strehimore për të paaftët dhe ngjajnë në ‘kompani’ private të kryehajdutëve dhe kryebanditëve që i drejtojnë ato.

Periskopi.com Lajme

Ja postimi i plotë i Mehmetit në facebook:

“Po, Shqipëria ka filluar t’i ngjajë një plantashi të kanabisit, që mbijeton nga paratë e drogës, Kosova është bërë vend ku të rinjtë presin radhë për të shtegtuar në Perëndim dhe ushqehet me paratë e mërgatës, shqiptarët e Maqedonisë vazhdojnë të hanë bukën e vet, si me qenë në shtëpi të huaj! Por megjithatë, ka diçka që i bënë të njëjta të gjitha ‘Shipëritë’ tona: partitë politike në to janë shndërruar kryesisht në strehimore për të paaftët dhe ngjajnë në ‘kompani’ private të kryehajdutëve dhe kryebanditëve që i drejtojnë ato! Kuptohet, gjitha këto vlerësime e kritika, Kryeministri i Shqipërisë do i komentonte me thënien: karvani do të shkojë përpara, sado të lehin qentë! Sikur të mos e kishte ndje veten si kalorës, kritikët e tij si qenë, e popullin si deve, ai që moti do e kuptonte se, nuk quhet karvan tufa e hienave!”

Reklamë
Reklamë

Kim Mehmeti i quan të pafytyrë udhëheqësit e Kosovës, ka një arsye

Lidhur me burgosjen e Ramush Haradinajt në Francë, ka reaguar edhe shkrimtari Kim Mehmeti. Në një deklaratë për dritare.net, Mehmeti pohon se rasti i burgosjes së Ramushit duhet të na nxisë ta kthejmë shikimin nga vetvetja e të shohim nga kjo sjellje pothuajse mospërfillëse ndaj neve shqiptarëve e një pjese të Europës.

Periskopi.com Lajme

 

Nëse do të jemi të sinqertë përpara vetvetes, do duhet ta pranojmë se shpeshherë, të tjerët sillen ndaj nesh ashtu si edhe ne ndaj vetvetes, pra me përbuzje e me mospërfillje, pohon Mehmeti.

“Po, disa vende të Evropës vazhdojnë t’i burgosin heronjtë shqiptarë të Kosovës, duke u mbështetur në dosjet e Serbisë! Kjo ndodh sepse ne kurrë nuk reaguam kur po kjo Evropë – vetëm që të na barazonte të gjithëve në krime – vendosi që të mos i nxirrte përpara drejtësisë vetëm strategët dhe ekzekutorët e gjenocideve, por edhe viktimat e tyre, edhe ata që nuk donin asgjë më shumë se liri për popujt e vet!”, pohon Mehmeti duke e përshkruar Kosovën e sotme si një geto të mbyllur, ku banojnë dy milionë shqiptarë pa të drejtë lëvizjeje të lirë nëpër kontinentin ku jetojnë, përballë kriminelëve serbë, që e shëtisin botën si të ishin misionarë bemires.

Por, edhe burgosjet, edhe vizat për kosovarët, nuk kanë të bëjnë vetëm me dystandardin e botës së ‘civilizuar dhe humane’, por edhe me pafytyrësinë e disa drejtuesve kosovarë, të cilët bënë çmos për të mirën e vetvetes, por thuajse asgjë për mirëqenien e popullit të vet dhe për ta bërë Kosovën shtet që do e meritonte respektin e të tjerëve. Po pra, këto burgosje dhe këto përbuzje që i bëhen shqiptarisë, nuk tregojnë vetëm fytyrën e shëmtuar të Evropës, e cila jo njëherë e ka shpërblyer kriminelin për ta bërë atë të mire dhe, e ka dënuar të mirin, duke e ditur se s’ka si bëhet i keq, por këto burgosje e padrejtësi që i bëhen Kosovës, kanë të bëjnë edhe me ata ‘çlirimtarët’ tanë të djeshëm, e politikanë të sotëm, të cilët para se ta mbronin shtetin dhe popullin e vet, mbrojtën hajdutin në vetvete, atë hajdutin që ishte arrogant dhe i pamëshirshëm ndaj popullit të vet, por aq servil dhe aq i përulur përpara të huajve sa, më shumë i gëzohej një shtrëngimi duarsh me shërbëtorët e deridjeshëm të Millosheviçit, se sa me kundërshtarët e vet politik shqiptarë! Po pra, një pjesë e botës së civilizuar sillet me përbuzje dhe mospërfillje ndaj nesh edhe shkaku se lejuam të na drejtojnë dhe përfaqësojnë edhe ata që nuk mërziten e nuk lodhen pse u rrënohet shtëpia, por kanë gajlen se do u zbulohet hajnia”, pohon shkrimtari Kim Mehmeti.

Reklamë
Reklamë

Kim Mehmeti i penduar, e quan gabim përkrahjen që ia bëri BDI-së

Anëtari i Këshillit Opozitar të shqiptarëve të Maqedonis, Kim Mehmeti, në një qëndrim të tijin të fundit, thotë se nuk është anëtar i asnjë partie dhe nuk do të merret aktivisht me politikë, por shton se do të mbështesë rininë e Lëvizjes “Besa” dhe të krahut të Rilindjes Demokratike Kombëtare.

Periskopi.com Lajme

“S’jam anëtar i asnjë partie dhe kurrë nuk do merrem aktivisht me politikë, por e them publikisht se me aq sa mundem, do e mbështes rininë e Lëvizjes ‘Besa’ dhe të krahut të RDK-së, që iu bashkëngjit koalicionit opozitar! Për dashamirët që më thonë se gaboj dhe se nuk kam nevojë për diçka të tillë, vetëm dy fjalë: nuk mund të bëj gabim më të turpshëm se ai i 2002, kur i kam përkrahur drejtuesit e BDI-së?! Pastaj ka diçka edhe më të turpshme se të gabosh: të mos bësh gjë për ta korrigjuar gabimin…”, ka shkruar Mehmeti.

Reklamë
Reklamë