11-shja më e mirë e Premier Ligës sipas Goal.com

Periskopi.com Sporti

8 lojtarë të Manchester Cityt, një i Liverpoolit, një i Burnleyt dhe një i Manchester Unitedit përbëjnë 11-shen më të mirë në Premier Ligë deri tash – sipas Goal.com

Tabloidi i njohur Goal.com ka zgjedhur 11-shen më të mirë në Premier Ligë deri tash. Dhe, jobefasisht kjo 11-she është e mbushur me lojtarë të Manchester Cityt. Madje, mund të thuhet që befasi është mos-përfshirja e tre lojtarëve tjerë, të cilët janë nga ekipet e tjera që poashtu kanë impresionuar deri në këtë fazë.

Portjeri më i mirë në Ligë, është zgjedhur David De Gea. Portjeri spanjoll ka bërë pritje të jashtëzakonshme, pa të cilat pozita e dytë në të cilën ndodhet United aktualisht do të ishte vetëm një e pamundur. Ai në ndeshjen e fituar me Arsenalin i bëri 14 pritje, 3 nga të cilat ishin vendimtare për të mos e lënë skuadrën nga Londra që t’iu rrëmbente fitoren nga dora.

Mbrojtësi i krahut të djahtë më i mirë, është zgjedhur Kyle Walker. Lojtari i Cityt ka lënë shumë kritikë të tij gojëhapur me paraqitjet fenomanele për ekipin e Guardiolas. Kur u transferua për një shifër të pabesueshme prej 50 milionë eurosh, Gary Lineker, komentuesi më i paguar në ishull tha me ironi “Imagjinoni sa do të kushtonte Walker, sikur të dinte edhe të krosonte”. Por në fakt, ky ironizim i ish-legjendës angleze është hedhur poshtë nga reprezenzuesi i Tre Luanëve.

Mbrojtës i krahut të majtë në këtë formacion është… Fabian Delph. Mesfushori i kthyer në mbrojtës krahu, poashtu ka qenë mjaft solid deri në këtë fazë duke u kthyer në një pikë të nxehtë diskutimi mes komentuesve. Disa besojnë – transmeton Periskopi – që forma e tij e mirë është përçuar nga forma e mirë e gjithë skuadrës, ndërsa të tjerë i japin kredite atij vetë për arritjet e këtij sezoni. Megjithatë është e vështirë të besohet që Delph do të përfshihet në kombëtaren e Anglisë në atë rol.

Dyshja mbrojtëse në qendër është mjaft e çuditshme. James Tarkowski dhe Nicolas Otamendi. Lojtari i Burnleyt, që vitin e kaluar ishte zëvendësues i Michael Keane, ka qenë i pakapërcyeshëm dhe vendimtar në paraqitjet e tij për skuadrën e Sean Dyche. Tarkowski e eklipsoi edhe mbrojtësin e shumë-lëvduar Ben Mee, i cili kërkohej nga disa skuadra më të mëdha të Ligës. Otamendi bëri disa gabime, dhe në fakt nuk kishte shumë për të bërë, por sidoqoftë vlen të kreditohet për soliditetin e tij.

Mesfusha është treshe. Dhe të tre lojtarët, me plot të drejtë, janë të liderit Manchester City. Kjo skuadër ishte tmerrësisht dominuese ndaj të tjerave, dhe arriti të bëj atë që asnjë skuadër tjetër nuk e kishte bërë asnjëherë në historinë e këtij kampionati. Fitoi 16 ndeshje radhazi, shumicën e të cilave me diferencë të madhe. Meritat për këtë formë i ka mesfusha shumë kreative. Fernandinho, është vendosur si mesfushor shkatërrues ndërsa dyshja krijuese është David Silva dhe Kevin De Bruyne.

Në sulm janë tre futbollistë, por asnjëri prej tyre nuk është sulmues tipik. Bomberi i Liverpoolit, Mo Salah nuk mund të mungonte në formacion duke qenë golshënuesi më i mirë i ligës. Por, të kombinuar me të janë edhe dyshja fantastike e Cityt, Raheem Sterling dhe Leroy Sane. /Periskopi

 

Conte godet Mourinhon: Këtë yll nuk është dashur ta largosh nga Chelsea

Trajneri i Chelseat, Antonio Conte ka folur rreth të kaluarës së Kevin de Bruyne te Chelsea.

Periskopi.com Sporti

Italiani thotë se është për keqardhje pse ai sot luan në tjetër ekip dhe jot ë Chelsea, duke kritikuar kështu indirekt Jose Mourinhon, i cili në atë kohë drejtonte të kaltërit nga Londra.

“De Bruyne ka luajtur në Chelsea dhe vërtetë është një lojtar i madh”, deklaroi Conte.

“Është keqardhje e madhe pasi ai sot luan për tjetër ekip. Ai është një lojtar fantastik për Manchester Cityn. I uroj gjitha të mirat atij, pas përballjes me ne”, shtoi italiani. /Periskopi.com

City pa një yll ndaj Unitedit

Manchester City do të luajë ndaj Manchester Unitedit pa një yll. Bëhet fjalë për Kevin de Bruyne, i cili nuk është i gatshëm për këtë sfidë.

Periskopi.com Sporti

Këtë e ka konfirmuar trajneri i ‘qytetarëve’, Pep Guardiola.

“Kevin? Në asnjë mënyrë! Ai nuk mund të luajë”, deklaroi Guardiola.

Ndeshja ndërmjet Manchester Cityt dhe Manchester United zhvillohet nesër mbrëma me fillim nga ora 20:45 në kuadër të Kupës EFL. /Periskopi.com

De Bruyne: Nuk kam asgjë ndaj Mourinhos

Ylli i Manchester City, Kevin De Bruyne, ka insistuar se nuk ka asnjë problem me ish trajnerin e tij, Jose Mourinho.

Periskopi.com Sporti

Belgu nuk kishte arritur të fitojë një vend në formacionin e Chelseat nën Mourinho, ku portugezi kishte vendosur të shes drejt ekipit gjerman, Wolfsburg.

Jose Mourinho kishte deklaruar se Kevin De Bruyne nuk ishte i gatshëm për të luftuar për vendin e tij në formacion duke vendosur për të larguar nga skuadra e Chelseat.

“Nuk kam problem me Jose”, tha De Bruyne për Dail Mail.

“Nesë ai ka deklaruar ashtu për shtypin atëherë ata do t’i besojnë sepse në ato momente vetëm ato gjëra kanë mundur të dëgjojnë, por unë nuk mendoj se jam ashtu siç ka thënë ai.

“Unë gjithmonë kam dashur të luajë. Kam luajtur mjaft shumë në karrierën time dhe jam vetëm 25-vjeçar. Pra unë jam përgjigjur mjaft mirë”, përfundoi mesfushori belg.

De Bruyne pas transferimit të tij në Wolfsburg kishte shkëlqyer për “ujqërit” duke siguruar një transferim tek Manchester City. /Periskopi.com

Lëndohet lojtari kryesor i Cityt

Manchester City do të duhet t’ia dalë pa futbollistin më në formë, Kevin de Bruyne. Ky i fundit ka pësuar një dëmtim në sfidën ndaj Swanseas dhe pritet të mungojë për të paktën katër javë.

Periskopi.com Sporti

Belgu pritet t’i mungojë ‘qytetarëve’ në pesë ndeshjet e ardhshme, kundër Celtic dhe Barcelonës në Ligën e Kampionëve si dhe ndaj Tottenham, Everton dhe Southampton në Premier Ligë.

Ai zhvilloi paraqitje fantastike në këtë fillimsezon të Premier Ligës, duke shënuar dy gola dhe duke bërë katër asistime. /Periskopi.com