Thaçi sikur Edi Rama ‘kërcënon’ BE-në: Nëse na e mbyllni derën, shqiptarët do të jetojmë në një hapësirë të vetme

Periskopi.com Lajme

Nëse Bashkimi Evropian e mbyll derën për Kosovën, atëherë të gjithë shqiptarët në rajon do të jetojnë në një hapësirë të vetme, ka deklaruar për Radion Evropa e Lirë, presidenti i Kosovës, Hashim Thaçi.

Reagimi i tij, pason deklaratën e kryeministrit të Shqipërisë, Edi Rama i cili ka thënë se bashkimi i Shqipërisë me Kosovën nuk mund të përjashtohet nëse perspektiva për anëtarësimin e Ballkanit në BE venitet.

“Bashkimi Evropian, aktualisht as në raport me Kosovën dhe as me Ballkanin Perëndimor, nuk ka as vizion dhe as lidership për integrimin apo zgjerim me përfshirjen e vendeve të Ballkanit Perëndimor”, ka thënë Thaçi.

“Këtë vonesë, këtë ngurtësi, e këtë jovizion për Ballkanin Perëndimor, për fat të keq janë duke e shfrytëzuar ideologji dhe vende joevropiane dhe të frymës dhe vizionit jo euroatlantik”, ka theksuar ai.

“Natyrisht që qytetarët e Kosovës janë të frustruar me Bashkimin Evropian, me ngurtësinë e tyre, me bllokadën e tyre dhe padrejtësinë dhe ndëshkimin që po u bëhet qytetarëve të Kosovës për procesin e liberalizimit të vizave, sepse Kosova ka përmbyllur të gjitha kriteret e nevojshme dhe të domosdoshme dhe krejtësisht me të padrejtë e ka vënë edhe çështjen e demarkacionit”, ka thënë tutje presidenti i Kosovës.

“Natyrisht, atë që e kam thënë edhe në vitin 2013 e them edhe tani, nëse Bashkimi Evropian e mbyll derën për Kosovën, të gjithë shqiptarët në rajon do të jetojnë në një hapësirë të vetme për t’u integruar pastaj tutje në familjen evropiane”, është shprehur Thaçi.

Ditë më herët, në një intervistë për “Politico”, Edi Rama ka paralajmëruar se “Evropa mund të përballet me një makth” nëse vendet e Ballkanit “çmenden” si pasojë e nxjerrjes së zgjerimit jashtë agjendës së BE-së.

Ai në plan të parë e ka vënë bashkimin e shqiptarëve në kuadër të integrimit të tyre në Bashkimin Evropian. Por, nëse kjo rrugë pamundësohet, ai ka paralajmëruar edhe mënyra tjera.

“Askush nuk do të shohë drejt unioneve më të vogla. Të gjithë duan që të bashkohen në Unionin e madh. Por nëse nuk ka shpresë, nuk ka perspektivë dhe nuk ka hapësirë, atëherë bashkimet e vogla mund të ndodhin”, ka thënë Rama.

Ndërkohë, kryeministri i Kosovës, Isa Mustafa, i kishte cilësuar si populiste deklaratat e homologut të tij nga Tirana, Edi Rama.

Në një intervistë për “KTV”, ai është shprehur se Kosova nuk synon bashkim tjetër veç BE-së.

“Ne nuk e kemi orientimin që të bëjmë bashkime tjera, përveç Bashkimit Evropian. Edhe nëse s’na pranojnë për dere, do të hyjmë për dritareje”, ka theksuar ai. (REL)

Vëllai i drejtorit të operacioneve në Polici, Rashit Qalajt, kërcënon Dardan Molliqajn

Periskopi.com Lajme

Xhavit Qalaj që është vëllai i Rashit Qalajt ka kërcënuar sekretarin e Vetëvendosjes, Dardan Molliqajn.

Në fotografinë e postuar nga Molliqaj ku ai thotë se po prezanton skemën e krimit të organizuar të Policisë së Kosovës, Qalaj ka reaguar e edhe kërcënuar

“Kjo është skema e krimit të organizuar brenda Policisë së Kosovës, e cila ka bërë që Kosova të shndërrohet në parajsë të krimit të organizuar dhe në vend tranzit të trafikimit”, ka shkruar Molliqaj.

Lexoni kërcënimet e Qalajt.

Kryeministri rus kërcënon: Sulmi i SHBA-së në Siri çoi në prag të luftës me Rusinë

Periskopi.com Lajme

Kryeministri rus, Dmitry Medvedev, tha se sulmi në bazën ushtarake në Siri është shkelje e ligjit ndërkombëtar dhe atij amerikan, dhe se çoi “në prag të luftës me Rusinë”.

“Në vend të përsëritjes së tyre të vazhdueshme për luftën e përbashkët kundër armikut të përbashkët – Shtetit Islamik, administrata e Trumpit ka treguar se do të luftojë fort kundër qeverisë së zgjedhur në mënyrë të ligjshme në Siri”, tha Medvedev në Facebook.

Medvedev tha se ” mbetjet e mjegullës zgjedhore u shpërndanë” dhe se administrata e re tregoi varësinë e saj ndaj opinioneve të establishmentit në Washington, “të atij që Presidenti i ri e ka kritikuar ashpër”.

Siç tha ai, “kësaj makinerie” ju deshën vetëm dy muaj e gjysëm për të thyer shtyllat zgjedhore të Trumpit.Presidenti amerikan, gjatë natës së fundit ka vendosur që, në përgjigje të një sulmi të armëve kimike në Idlib, të përgjigjet me raketa në caqet ushtarake në Siri.

Aleatët amerikanë e përshëndetën këtë hap, por Rusia e ka dënuar me forcë dhe ka shtuar se bëhet fjalë për agresion kundër një shteti sovran.

Rusia ka pezulluar marrëveshjen me Washington-in mbi komunikimin dhe parandalimin e incidenteve mbi Siri gjatë operacioneve, ndërsa ministri i jashtëm, Sergei Lavrov, la të kuptohet se ngjarja mund të ketë pasoja në marrëdhëniet mes Rusisë dhe Shteteve të Bashkuara.

Gjithashtu, Kremlini njoftoi se ishte në pyetje “sulmi mbi një aleat të Rusisë”.

Doktori që e kërcënoi qytetarin në oborrin e QKUK-së, thotë se nuk është penduar

Kryetari i Sindikatës së Mjekëve të QKUK's, Xhemajl Selmani i tha qen dhe pis, madje e kapi pë fyti të enjten, një qytetari i cili e pengoi Selmanin gjatë konferencës ngase po kërkonte ndihmë për bashkëshorten e sëmurë.

Periskopi.com Lajme

Selmani flet për Periskopi.com. Thotë se nuk është penduar për ato fjalë, madje thotë se e ka prekur edhe me dorë, ngase mendon se qytetari nuk ishte i revoltuar për shkak shëndetit të bashkëshortes dhe mos-ofrimit të shërbimeve, por sipas tij, ishte i porositur për të bërë skandal.

Deri në detajin më të vogël shpjegon përse mendon ashtu.

“Ai ka mujt edhe me ba vrasje. Videoja që është publikuar në media veç është prerë, unë e kam kap për jakne i kam thënë shko atje ka kush merret me ju dhe bashkëshorten tuaj. I kam thënë qen dhe pis, dhe nuk pendohem aspak për ato fjalë”, thotë ai, duke qenë këmbëngulës se ai ishte i porositur aty.

I pyetur se nga kush mund të jetë i porositur, thotë se nga shumëkush, madje edhe nga politika.

“Dyshoj që ishte i revoltuar, mendoj që është i porositur. Qëllimi im ka qenë më largu nga aty, ai e ka provoku skandalin. Dyshoj që është porositur nga politik, nga shërbime të ndryshme,….në këtë që ka ndodhur edhe shteti ka dorë, sepse ne e kemi paralajmëruar protestën që po e mbanim aty në krejt mënyrat e rregullta Ligjore, do duhej të isha i mbrojtur nga Policia”, thotë Selmani për Periskopi.com

Ai thotë se gjatë protestës që kanë mbajtur nuk është ndërprerë puna dhe ofrimi i shërbimeve nëpër klinika, aq më pas në ato që ai i quan vitale.

Kur u pyet nëse ka pasur probleme të ngjashme gjatë punës së tij, thotë se ka pasur provokime por që ai është përmbajtur./ Periskopi

Kryetari i Sindikatës së Mjekëve kërcënon qytetarin që kërkonte ndihmë: Ik mos të kapi për fyti  

 

 

Berisha e quan “derr të pangopur” Selmanin: Krejt Kosova ta shkërdh… shkollën ty

 

Kërcënon presidenti maqedonas, përmend edhe Ushtrinë

George Ivanov vazhdon me fjalorin kërcënues rreth krizës politike në Maqedoni.

Periskopi.com Lajme

Pasi refuzoi t’i japë mandatin Zoran Zaevit duke kundërshtuar platformën shqiptare, tani presidenti maqedonas kërcënon edhe me ushtrinë.

“Edhe sot, por edhe më herët ne jemi përballur me rreziqe. Ushtria e Maqedonisë është e gatshme për të qenë mbrojtës i integritetit dhe stabilitetit në vend. Kjo ushtri ka standarde të larta në punë dhe deri tani suksesshëm e ka treguar veten deri tani. Transformimi dhe modernizimi i ushtrisë ka ndikuar që të jemi më të sigurtë për këto vite”, është shprehur Presidenti Ivanov.

Qeveria e Kosovës reagon për kërcënimin e ISIS-it drejtuar UP-së

Qeveria e Republikës së Kosovës ka pranuar me shqetësim informatat se Universiteti i Prishtinës “Hasan Prishtina” ka marrë një letër kërcënuese në emër të organizatës terroriste të ashtuquajtur “Shteti Islamik”.



Periskopi.com Lajme

Qeveria e Kosovës, përmes një komunikate fton organet kompetente shtetërore që të zbardhin këto kërcënime dhe të përballin me drejtësinë kryesit e akteve të tilla.

Duke ftuar qytetarët e Kosovës që të jenë të qetë, Qeveria e Republikës së Kosovës shpreh përkushtimin e plotë që, në partneritet me Shtetet e Bashkuara të Amerikës dhe partnerët tjerë strategjikë, të luftoj dhe të jap kontribut në të gjitha format në luftën globale kundër terrorizmit.

Qeveria e Kosovës, po ashtu, dënon mbishkrimet e ulëta që janë shfaqur në disa objekte private në Gjilan, të drejtuara kundër komunitetit serb.

Duke pas parasysh ambientin e sigurt në Kosovë dhe përkushtimin e popullit dhe institucioneve të Kosovës për vlerat e bashkëjetesës ndërmjet komuniteteve, Qeveria e Kosovës fton organet e rendit që të marrin të gjitha masat dhe të venë para drejtësisë individët e papërgjegjshëm që kanë kryer këto akte vandale, kushdo që ata janë.

Republika e Kosovës është sot modeli më i mirë i shtetit ku respektohen të drejtat më të avancuara për të gjithë qytetarët dhe se vlerat e bashkëjetesës paqësore dhe harmonisë ndërmjet komuniteteve nuk mund të vihen në pikëpyetje nga parullat e vandalëve dhe mbishkrimet që kanë për synim ngritjen e tensioneve, kudo që ato mund të shfaqen dhe ngado që mund të vijnë./ Periskopi

ISIS kërcënon me sulme resortet turistike të Spanjës

Fanatikët e Shtetit Islamik, kanë kërcënuar në mënyrë direkte resortet më të mëdha të turistëve në Spanjë, atje ku pritet të shkojnë për vizitë miliona britanikë gjatë këtij viti.

Periskopi.com Lajme

Kërcënimet janë shpërndarë nëpër rrjetet sociale duke u shoqëruar me frikën se grupi terrorist po punëson edhe përkthyes dhe xhihadistë të jashtëm në këtë shtet.

Këto kërcënime vijnë vetëm disa javë pasi policia në pjesën veriore të vendit në San Sebastian, ka arrestuar trajnerin maroken të boksit nën dyshimin se ka rekrutuar njerëz për ISIS-in.

Kërcënimet direkte kundrejt Spanjës janë përmendur edhe në një raport zyrtar të qeverisë shkruan Daily Mail, transmeton Klan Kosova.

Kjo po cilësohet si përsëritje e masakrës së Tunizisë në qershor të vitit 2015-të, ku xhihadisti Seifeddine Rezgui vrau 38 njerëz në resorin Port El Kantaoui.

Serbët kërcënojnë njeri-tjetrin në veri

Një person me nacionalitet serb ka kërcënuar bashkëkombësin e tijn në rrugën “Mbreti Petar” në veri të Mitrovicës.

Periskopi.com Lajme

 

Ankuesi ka raportuar se ka pranuar një mesazh kërcënues nga i dyshuari serb, thuhet në raportin e policisë.

Lidhur me rastin është njoftuar prokurori, ndërsa ende nuk ka të arrestuar.

SHBA paralajmëron ashpër Iranin

Shtëpia e Bardhë i ka vënë një paralajmërim të ashpër Iranit.

Periskopi.com Lajme

Këtë e ka bërë të ditur gjenerali amerikan Michael Flynn në një konferencë për shtyp duke iu referuar testimeve të një rakete balistike nga Irani, njofton Klan

Këshilltari për Siguri Kombëtare nga Presidenca Trump ka thënë se “që nga sot ne zyrtarisht i kemi vënë një paralajmërim të ashpër Iranit”.

Adoleshenti kërcënon vajzat: Nëse nuk bëni seks me mua, do t’ua publikojë fotografitë lakuriq

20 vjeçari Alistar Wilson nga Britania e Madhe ka kërcënuar dy vajza adoleshente, se në qoftëse ato nuk do të bënin seks me të, ai do të postonte foto lakuriq të tyre në rrjetin social Facebook, transmeton Periskopi.

Periskopi.com Lajme

Wilson i cili ndjekë mësimet në njërën nga shkollat më prestigjioze të vendit, përmes “ seks mesazheve “ kishte arritur të siguronte foto lakuriqe të vajzave, me të cilat më pas i kërcënoi.

Ai i paralajmëroi ata se në rast se nuk pranon të bënin seks me të, atëherë fotografitë do të shpërndaheshin. Përveç seksit, ai kërkoi nga vajzat që të paguanin nga $100.

Gjate një video – regjistrimi dëgjohet Wilson teksa kërcënon 18 vjeçaren “Bëj seks me mua ose do t’i postoj fotografitë, i dua edhe paratë deri të martën në xhillollogarinë time“ dhe më pas e mbyll telefonin. Vajza i thotë disa herë se si do të sigurohej se ai nuk do ta kërcënonte më, derisa Wilson i përgjigjet “Ky është problemi yt”.

Njejtë ai kishte bërë edhe me një 17 vjeçare teksa vajza thotë “Ai dukej shumë qesharak dhe sharmant, mirëpo manipulues” deri kur ai i dërgoi një video – mesazh në Facebook me fjalët e njëjta.

Ajo e kishte paralajmruar se kjo çfarë ai po bënte quhej “Kërcënim” dhe do të mund të përfundonte në burg. Wilson më pas pendohet dhe i kërkon falje duke thënë “Unë jam njeriu më i keq në botë, të lutem më fal”, mirëpo deri atëherë video – regjistrimi ishte në duar të policisë.

Vout citohet të ketë thënë “Kur vajza i tha se çfarë nëse fotot do të binin në duar të gabuara “ ai përgjigjet “ Ndonjëherë kur mban diçka me forcë është shumë e dobishme”.

Alistar Wilson e ka pranuar fajin dhe është dënuar nga gjykata me tetë muaj burg me kusht për 18 muaj, punë të papaguar 100 orë dhe me 10 ditë rehabilitim.

Ai gjithashtu është i detyruar të paguajë dëmshpërblim prej $3.500 dhe $2.500 për vajzën më të re dhe ka një urdhër kufizimi për dy vajzat.

Alister Smith thekson se “ seks – mesazhet “ dhe dërgimi i fotografive lakuriq është një fenomen shumë i përhapur tek adoleshentët, këto nuk janë produkt i kriminalitetit apo i keqdashjes, mirëpo të një papjekurie të thellë emocionale./ Periskopi /

 

Sllavo Simiq kërcënohet me jetë, kërkon mbrojtje 24 orëshe nga Policia e Kosovës

Deputeti i Listës Serbe, Slavko Simiq është kërcënuar me jetë. Kështu i kanë thënë Gazetës Blic burime brenda Policisë së Kosovës.

Periskopi.com Lajme

Sipas këtyre burimeve, pos Simiqit, është kërcënuar edhe familja e tij.

 “Simiq ka kërkuar mbrojtje të afërt 24 orëshe nga ana e Policisë së Kosovës”, tha ky burim i Gazetës Blic.

Ndryshe, Simiq ishte kthyer në Kuvendin e Kosovës në seancën e kaluar. Ai para deputetëve ka thënë se serbët nuk do të tërhiqen nga kërkesa pëe Asociacionin.

Ndërkohë, para pak ditësh kishte një përplasje të ashpër brenda vetë Listës Srpaska. Simiq madje ishte shkarkuar nga shefi i deputetë të Listës Srpaska.

Kjo thyerje e Listës ka ardhur për shkak të emërimit të ministres së re të Administrimit të Pushtetit Lokal.

Shqiptari kërcënon live në Facebook dy belgë (Video)

Vëllai i tij i vogël plagosi me thikë dy persona nga 24 vjeç në Belgjikë. Për ngjarjen e ndodhur në Ninove, vëllai i madh i shqiptarit ka kërcënuar me vdekje përmes një videoje në Facebook, dy shtetasit belg.

Periskopi.com Lajme

“Vëllai im ndodhet në burg. Thuaji atyre që të kenë kujdes. Do t’u vras. Dhe nuk do ta bëj me thikë, por me tjetër armë”, kërcënon shqiptari me një holandishte të çalë.

Mediat belge raportojnë se në videon live që zgjat rreth 19 minuta, shqiptari duket se ndodhet nën efektin e alkoolit.

Një ditë para videos, shqiptar postoi një foto me flamurin shqiptar, me kapele dhe me dy pistoleta. “Njëra ka ikur, po tjetra është ende këtu”, shkruante ai.

Pas videos së gjatë shqiptari, publikon dhe një tjetër ku thotë se do të qëllojë me një pistoletë prej ari dhe ndaj policisë dhe në një fragment tregon dhe armën.

Policia belge po heton rastin dhe prokurori i çështjes thotë se kërcënimi është marrë seriozisht.

Vëllai i tij i vogël, 16 vjeç, u arrestua pak ditë më parë. Mbrëmjen e së shtunës së kaluar, ai plagosi dy persona.

Nën kërcënim të thikës grabitet marketi në Prishtinë

Policia e Kosovës bën të ditur se dje nën kërcënimin e thikës është grabitur një market në Prishtinë, transmeton Koha.net.

Periskopi.com Lajme

 

“Viktima, punëtore në një market raporton se një i dyshuar i panjohur nën kërcënimin e thikës i ka grabitur parat në arkë dhe ka ikur në drejtim të panjohur”, thotë PK.

Në vendin e ngjarjes kanë dal të gjitha njësitë përkatëse policore, përderisa, nuk raportohet për të lënduar, thuhet më tutje në komunikatën për media të PK-së.

Greqia kërcënon sërish Shqipërinë me ndërhyrje ushtarake

Greqia kërcënon sërish Shqipërinë me ushtri, pavarësisht se të dyja vendet janë anëtare të NATO-s, shkruan sot Koha Ditore.

Periskopi.com Lajme

Ministri grek i Mbrojtjes, Panos Kammenos, ia kujton Tiranës zyrtare, aleates së saj të NATO-s, se ka një ushtri më të fuqishme dhe të gatshme për të ndërhyrë në çdo moment.

Gjatë një aktiviteti të Forcave të Armatosura të Greqisë në Selanik , ministri i Mbrojtjes i këtij vendi, Panos Kammenos, është pyetur rreth komenteve të fundit të zyrtarëve shqiptarë dhe atyre turq. Në përgjigje të pyetjes, Kammenos ka thënë se “Forcat e Armatosura të Greqisë janë këtu, janë të fuqishme dhe nuk kanë frikë as shqiptarët, as turqit”.

Murtezaj thotë se Nikoliqi po kërcënon

Asnjë deklaratë e autoriteteve të Serbisë nuk mund ta ndalojë Kosovën të anëtarësohet në Agjencinë për Kulturë, Shkencë dhe Arsim të Kombeve të Bashkuara (UNESCO) dhe institucionet e Kosovës janë duke punuar për një anëtarësim të tillë, kanë bërë të ditur zyrtarët e Qeverisë së Kosovës.

Periskopi.com Lajme

Zëvendësministrii Punëve të Jashtme i Qeverisë së Kosovës, Valon Murtezaj, thotë për Radion Evropa e Lirë se institucionet e Kosovës janë duke punuar në përmbushjen e standardeve që ndërlidhen me mundësinë për anëtarësim në UNESCO, ndonëse ai nuk ka përmendur afate të mundshme se kur dhe nëse Kosova do të aplikojë për pranim në këtë organizatë.

“Kosova e ka kërkesën e saj plotësisht legjitime për t’u anëtarësuar në UNESCO. Aktualisht, Qeveria e Republikës së Kosovës, Ministria e Jashtme dhe ministritë e tjera përkatëse, ajo e Kulturës, janë duke punuar për të avancuar standardet që lidhen drejtpërdrejt me këtë anëtarësim”, deklaron Murtezaj.

Deklarata e zëvendësministrit të Jashtëm, Murtezaj, vjen një ditë pas deklaratave të presidentit të Serbisë, Tomisllav Nikoliq, i cili ka thënë se në rast se Kosova do të arrijë të anëtarësohet në UNESCO, pa u shqyrtuar kjo çështje në dialogun në Bruksel, atëherë ai do t’i propozojë Qeverisë së Serbisë që ta ndërpresë dialogun me Kosovën.

“Është larg mendsh që Kosova të jetë në UNESCO pa u biseduar në Bruksel. Në rast të një rezultati të tillë në votimin e Asamblesë së Përgjithshme të UNESCO-s, propozoj që t’i ndërpresim bisedimet me Prishtinën, dhe të ndihmojmë popullin tonë, që t’i ofrohet një jetë më e mirë se tash, si në Kosova ashtu edhe në Serbi”, ka thënë Nikoliq. Këtë deklaratë presidenti serb e ka bërë për një të përditshme në Serbi.

Ai ka theksuar, gjithashtu, se Serbia duhet ta vazhdojë presionin te vendet që nuk e kanë njohur Kosovën, në mënyrë që ta pengojë këtë të fundit të anëtarësohet në organizata ndërkombëtare.

Por, zëvendësministri Murtezaj thekson se anëtarësimi i Kosovës në UNESCO nuk varet nga qëndrimet e autoriteteve të Serbisë.

Deklaratën e presidentit serb ai e vlerëson si një thirrje kërcënuese dhe për destabilizim.

“Janë për të ardhur keq dhe nuk ka asnjë qëndrim të asnjë qeveritari të Serbisë që mund ta ndalojë Kosovën që të bëhet pjesë e UNESCO-s. Thirrjet për ndërprerje të dialogut dhe për mbrojtje (të serbëve) janë në fakt thirrje apo kërcënim për destabilizim të Kosovës, të cilën gjë institucionet e Kosovës nuk do ta lejojnë asnjëherë”, thekson Murtezaj.

Më 9 nëntor të vitit 2015, Konferenca e Përgjithshme e Organizatës së Kombeve të Bashkuara për Arsim, Shkencë dhe Kulturë (UNESCO), nuk votoi në favor të pranimit të Kosovës në këtë organizatë. Kosova nuk arriti të sigurojë votat e më shumë se dy të tretave të vendeve anëtare të kësaj organizate, të cilat ishin të nevojshme për pranimin e saj në UNESCO.(REL)

Putini kërcënon Evropën: Lansohet raketa ruse, që për 13 minuta arrin Britaninë e Madhe (Foto/Video)

Presidenti rus, Vladimir Putin ka zbuluar një super armë që lë në hije sistemet mbrojtëse raketore të NATO-s, thonë ekspertët rus të raketave.

Periskopi.com Lajme

Forcat e armatosura ruse mburren se kjo raketë lëvizë me shpejtësi aq të madhe, sa që është e pamundur që ajo të shpërthehet apo rrëzohet derisa lëviz, transmeton Telegrafi.

Madje pretendohet se ajo mund të arrijë nga Kalingradi për në Mbretërinë e Bashkuar Madhe për vetëm 13 minuta, pasi që lëviz me shpejtësi prej 6500 kilometra në orë.

Detajet e kësaj arme të re eksperimentale të Kremlinit janë zbuluar nga një korporatë që merret me prodhimin e armëve të rënda.

Por prezantimi i kësaj rakete gjigante të quajtur “Object 4202”, ka nxitur dyshime rreth agresionit rus në kohën kur janë rritur tensionet mes Rusisë dhe pjesës tjetër të Evropës.

Kjo super raketë është projektuar posaçërisht që të montohet në maje të raketës së tjetër të re bërthamore të quajtur “Satan 2”, që ishte prezantuar gjatë muajit të kaluar.

“Object 4202” është lansuar mijëra milje nga një bazë ushtarake në Yasny të Rusisë në drejtim të Kamchatka, ku sipas zyrtarëve të Kremlinit testi ka përfunduar me sukses.

Kjo kokë bërthamore që është e padukshme për sistemin anti-raketor të ushtrisë amerikane, lëviz me shpejtësi aq të madhe sa që është pothuajse e pamundur të goditet apo shpërthejë derisa lëviz. /Telegrafi/

 

3-138 4-106