Bordi dhe menaxhmenti i KEK-ut morën pagën e 13-të, jashtë ligjshëm?

Bordi dhe menaxhmenti i Korporatës Energjetike të Kosovës (KEK), kanë marrë pagën shtesë ose pagën e 13-të për vitin 2016, por jo edhe të gjithë punonjësit në KEK që janë rreth 4.800.

Periskopi.com Lajme

Ata që iu gëzuan pagës së 13-të janë drejtori menaxhues i KEK-ut, Arben Gjukaj, drejtues të lartë të KEK-ut, Sali Bytyqi, Nexhat Podrimja, Nijazi Thaçi, udhëheqës të bordit, Berat Rukiqi, kryetar, anëtarët tjetër Haki Mjeku, Enver Muli, Ranko Makic, Burim Leci dhe Pranvera Dobruna-Kryeziu dhe disa të tjerë nga udhëheqja.

Kjo ndarje e pagave shtesë për menaxhmentin e ngushtë nuk është në përputhje me legjislacionin në fuqi. Ky diskriminim ka revoltuar të gjithë punëtoret në këtë ndërmarrje publike, për faktin se bordi nuk ka as mandat.

Edhe zyrtarë të KEK-ut kanë pranuar se menaxhmenti ka marrë pagën shtesë, me arsyetimin se janë të parapara me kontrata individuale.

Kryetari i Sindikatës së Punëtorëve të Korporatës Energjetike të Kosovës(SPEK), Izet Mustafa thotë për KosovaPress, se janë diku 20 zyrtarët më të lartë në KEK që kanë marrë pagën e 13-të.

Sipas tij, kjo ndarje e pagave shtesë vetëm për menaxhmentin nuk është e drejtë ligjore. Ai tha se shqetësime të punonjësve dhe pakënaqësi për fat të keq në korporatën energjetike ka mjaft, ndër këto shqetësime janë ato rreth pagesave dhe rreth punëve që ata i kryejnë në përditshmëri.

“Absolutisht nuk është e drejtë dhe kjo ka qenë edhe arsyeja që është shfaqur një revoltë tek punonjësit. Ne këtë e kemi thënë edhe në takim me bordin dhe menaxhmentin e KEK-ut dhe me ato institucione që menaxhojnë me KEK-un, nuk është e drejtë”, deklaron Mustafa.

Ai shton se kanë marrë një premtim nga menaxhmenti se prej muajt mars të gjithë punonjësit në KEK do të marrin një pagë shtesë për kontributin e tyre në vlerë prej 100 euro.

Mustafa thekson se punëtorët nuk janë të kënaqur për një pagesë prej 100 euro, e cila nuk ka ndodhur as deri më tani.

“Unë e di që pritjet e punëtorëve janë për një vlerë më të madhe, mirëpo gjatë bisedave dhe ballafaqimit me menaxhmentin e KEK-ut rreth kërkesës për këtë lloj page shtesë, jemi bindur që menaxhmenti, aksionari në këtë rast nuk ka pasur mundësi me paguar një vlerë më të madhe”, tha ai.

Edhe kryetari i Sindikatës së Re në KEK, Rafet Osmani, ka konfirmuar se janë të informuar se pagë shtesë kanë marrë komplet bordi i KEK-ut dhe menaxhmenti.

Osmani tha se për këto paga diskriminuese, menaxhmenti është bazuar me një rregullore të brendshme të KEK-ut.

“Ata janë bazuar në një rregullore të brendshme të KEK-ut që kanë… janë konfidenciale… ka marrë drejtori menaxhues i KEK-ut, Arben Gjukaj, drejtori i financave Sali Bytyqi, sekretari i KEK-ut, Nexhat Podrimja me gjithë anëtarët e bordit të KEK-ut”, deklaroi Osmani.

Punonjësi tjetër në KEK, Ragip Mehmeti, inspektor për siguri në makineri pranon se nuk ka marrë pagën shtesë për vitin paraprak, edhe pse ai tha se menaxhmenti i ka quajtur punëtorët e KEK-ut heronjtë të Kosovës që punojnë në temperatura minus 30 gradë celsius.

“Jo ne nuk kemi marrë pagën e 13-të, edhe pse na takon me kontratë kolektive. Kjo kërkohet kur realizohet plani, e plani edhe në qymyr, përveç djerrinës që nuk është realizuar plani, ai i ngase sektori i qymyrit dhe i energjisë elektrike ka qenë mbi 100 përqind performaca. Djerrina në Mirash ka ngecur me 5 milionë metër kub që nuk është realizuar plani vetëm për vitin 2016, andaj, nuk janë fajtorë punëtorët, problemi qëndron këtu ku ka mbetur ngërç, andaj kërkojmë që të zhbllokohet kjo situatë në favor të punëtorëve…. Kemi kërkuar që punëtorët e KEK mbasi që edhe vet menaxhmenti i quan heronjtë e Kosovës të shpërblehen me pagën shtesë apo me pagën e 13-të”, theksoi Mehmeti.

Sipas tij, gjendja aktuale në KEK është shumë e vështirë dhe shumë e rëndë, andaj, janë vonuar proceset që është dashur të kryhen. Ai kërkoi që të krijohen kushte për punëtorë dhe mos të rrezikohen vendet e tyre të punës.

Drejtor i Zyrës për Marrëdhënie me Publikun në Korporatën Energjetike të Kosovës KEK, Skënder Bucolli ka pranuar se disa zyrtarë të menaxhemntit që kanë kontratë idividuale kanë marrë pagën e 13-të.

“Sa i përket pyetjes suaj, të gjithë punonjësit e KEK-ut duke përfshi edhe zyrtarët e lartë nuk kanë marrë pagë shtesë, përveç atyre të parapara me kontrata individuale”, ka thënë shkurt në përgjigjen elektronike Bucolli.

Edhe pse drejtori menaxhues i KEK, Arben Gjukaj merr pagë mujore 2500 euro, Bucolli është ankuar se menaxhmenti i KEK-ut, krahasuar me ndërmarrjet e tjera publike dhe agjencitë e ndryshme i ka pagat më të vogla në vend, pavarësisht faktit se është një ndër ndërmarrjet më të mëdha në vend me rreth 5 mijë punëtorë, operon me stabilimente të stërvjetruara dhe prapë ka treguar përgjegjësi të lartë duke qenë një ndër ndërmarrjet e rralla në vend që nga viti në vit është duke e ngritur përformancën.

Bucolli thotë se të gjithë punëtorët e KEK-ut janë dëshmitar se mirëqenia e përgjithshme e punëtorëve të saj është objektivi kryesor i menaxhmentit, përkundër barrës që ka në gjendjen financiare të KEK-ut dhe situatën nëpër të cilën ka kaluar korporata.

Kryetari i Komisionit parlamentar për Zhvillim Ekonomik, Muhamet Mustafa, për KosovaPress theksoi se ndarje e pagave të 13-ta për menaxhemntin nuk është në rregull, në rast se ka ndodhur një gjë e tillë, ai thotë se kjo duhet të arsyetohet nga menaxhmenti. Mustafa thotë se nuk ka njohuri për ndonjë rezultat të jashtëzakonshëm.

“Kjo parimisht nuk do të ishte në rregull, por duhet parë arsyetimin për këtë. Bordi dhe menaxhmenti mund të kenë premi për rezultate të jashtëzakonshme, nëse këto janë të precizuara me rregullore. Rezultate të tilla personalisht mua nuk më janë të njohura”, theksoi deputeti Mustafa.

Për veç pagave, sindikalistët e KEK-ut thonë se punëtorët e KEK-ut janë të shqetësuar edhe për vendet e punës së tyre që rrezikohen për shkak të mbylljes së sistemeve të djerrinës, dhe se rezervat e qymyrit flitet që janë vetëm deri ka fundi i muajt qershor.

Rafet Osmani nga Sindikata e re ka ngritur shqetësimet edhe për rrezikshmërinë e lartë të punonjësve në punën e tyre me kushte të rënda. Ai tha se gjendja në miniera është mjaft shqetësuese, njësia punuese e djerrinës në Mirash veç është e mbyllur, nuk ka mundësi me zhvilluar aktivitet./I.Shabani/

Reklamë
Reklamë

KEDS rikthen ABC-n diskriminuese të reduktimeve, reagon Avokati i Popullit (Dokument)

Nga sot qytetarët e Kosovës do të përballen me reduktime të energjisë elektrike duke u kategorizuar me planin diskriminues ABC.

Periskopi.com Lajme

Ky plan ishte aplikuar në kohën kur Kosova ishte në gjendje alarmante për energji elektrike dhe ndahesh qytetarët në kategori të furnizimit.

ABC-ja ishte konsideruar nga Avokati i Popullit si diskriminues dhe shkelje e të drejtave të njeriut.

Pas disa kohësh, kompania për Furnizim me Energji Elektrike, KECSO ka rikthyer planin ABC të reduktimeve.

Lajmi.net ka siguruar komplet planin që është hartuar për ta aplikuar ABC-në, e që është hartuar më 13 janar, e ka hyr sot në fuqi, më 17 janar.

“Të nderuar ABC-ja e re futet në operim sonte nga 00:00”, thuhet në emailin zyrtar që e ka siguruar lajmi.net.

Lajmi.net ka provuar të flas me zyrtarët e KEDS-it dhe KESCO-së për të marr një sqarim për arsyen e aplikimit të këtij plani, por nuk kanë kthyer përgjigje në pyetjet me shkrim.

Po ashtu redaksia e lajmi.net i ka shkruar pyetje Zyrës së Rregullatorit për Energji, por nuk kanë kthyer përgjigje se a ka drejt KEDS dhe KESCO të aplikoj planin ABC.

Ndërsa Avokati i Popullit qasjen në energji elektrike e konsideron si bazike për të siguruar jetë të shëndetshme dhe për t’i përmbush të drejtat sociale, ekonomike dhe kulturore.

“Qasja në energji elektrike është parakusht për të plotësuar nevojat bazike njerëzore, për të siguruar mirëqenie, jetë më të shëndetshme dhe për të ngritur kualitetin e jetës. Si e tillë,  energjia elektrike është  thelbësore për përmbushjen e të drejtave sociale, ekonomike dhe kulturore”, ka thënë për lajmi.net zëdhënësja e Avokatit të Popullit Majlindë Lulaj.

Avokati i Popullit e ka bërë përgjegjës ZRRE-në për veprim, në rast se qytetarët nuk marrin shërbime meritore me energji elektrike. Avokati i Popullit thotë se ZRRE duhet të veproj në pajtim me obligimet që dalin nga Udhëzuesi i OKB-së për mbrojtjen e të drejtave të konsumatorëve.

“Zyra e Rregullatorit për Energji (ZRRE)ka kompetencat për të caktuar paraprakisht cilësinë e shërbimeve dhe standardet për kryerjen e punëve, parimet dhe metodat e vënies së çmimit, tarifat për shërbimet e rregulluara të energjisë, monitorimin e tarifave, zgjidhjen e kontesteve, Ligji për Rregullatorin e Energjisë, mbrojtjen e konsumatorit e thekson si një nga kompetencat, detyrat dhe funksionet e Zyrës së Rregullatorit të Energjisë. Së këndejmi, ZRRE duhet të veproj me në pajtim me obligimet nga Parimet Udhëzuese të OKB-së për mbrojtjen e konsumatorëve. Në përmbushje të këtyre parimeve, kërkohet të veprojnë në mbrojtje të konsumatorit në pajtim me rrethanat sociale, ekonomike, mjedisore dhe nevojat e qytetarëve të vendit”, ka thënë Lulaj për lajmi.net.

Ndërsa në KEK kanë thënë se janë duke prodhuar me kapacitete të plota 100 për qind në bazë të planit.

Zëdhënësi i KEK-ut, Skender Bucolli ka thënë për lajmi.net se KEK është duke realizuar prodhimin 100 për qind përkundër temperaturave të ulëta që janë duke mbretëruar.

kek-prodhimi-2 kek-prodhimi

Bucolli ka thënë se më 14 janar të këtij viti KOSTT i ka kërkuar KEK-ut që ta zvogëloi prodhimin për shkak se kërkesa ditore nuk i ka tejkaluar planifikimet.

“Operimi në termocentrale gjatë këtij moti të ligë dhe temperaturave jashtëzakonisht të ulëta ka qenë tepër i vështir. Mirëpo, falë angazhimit maksimal të punëtorëve të KEK-ut, kemi arritur, jo vetëm ti mbajmë në operim por edhe ta realizojmë prodhimin e planifikuar me përpikëri. Te realizimi i datës 14 janar 2017, kërkesa për konsum ishte më e ulët prandaj për të barazuar sistemin elektroenergjetik, kemi pas instruksione nga KOSTT për ulje të prodhimit për atë arsye edhe ka dale përqindja më e ulët e realizimit për atë datë”, ka thënë Bucolli për lajmi.net.

Bucolli ka thënë se KEK nuk është përgjegjës për furnizim me energji elektrike.

“Për të qenë transparent ndaj të gjitha palëve, vlen të theksohet se furnizimi i konsumatorëve me energji elektrike në bazë të licencave të lëshuara nga ZRRE-ja, është përgjegjësi ekskluzive e Furnizuesit Publik përkatësisht KEDS(KESCO-së), përgjegjësi kjo e ngarkuar edhe me ligjin për energji elektrike. Prandaj, për informimin e juaj KEK është përgjegjës vetëm për prodhim të energjisë elektrike dhe jo për reduktime apo furnizim të konsumatorëve”, ka thënë ai.

Reklamë
Reklamë

KEK-u realizon planin e prodhimit me 98.9%, punëtorët me kushte si në Siberi (Foto)

Përkushtimi i jashtëzakonshëm i punëtorëve të KEK-ut, për të mbajtur termocentralet në operim.

Periskopi.com Lajme

Për vëmendjen tuaj, fotot që mundë ti shihni nuk janë në Siberi por tek ftohësit e termocentraleve të KEK-ut.

Përkundër kësaj gjendje të jashtëzakonshme të krijuar ditët e fundit nga kushtet ekstreme atmosferike edhe përkundër vështirësive për shkak të pajisjeve të stërvjetruara, KEK-u, ditëve të fundit është duke realizuar planin e parashikuar me përpikëri. Si ilustrim, Më 10 janar plani i prodhimit është realizuar 98.9%, më saktë, nga 15360 MWh të planifikuara ka arrit të realizojë prodhimin 15190 MWh, një gjendje e ngjashme është edhe sot (e mërkurë).

Duke pasur parasysh gjendjen e krijuar për sa i përket sigurisë energjetike kombëtare dhe nevojën e shtuar për energji elektrike, KEK-u, përveç grupeve të operimit që punojnë në tri ndërrime, për të tejkaluar situatën aktuale të acarit, është përforcuar edhe me ekipet e mirëmbajtjes në Divizionin e Prodhimit të Qymyrit, Termocentralin “Kosova A” dhe Termocentralin “Kosova B”.

Për më tepër, operimi në termocentrale gjatë këtij moti të ligë dhe temperaturave jashtëzakonisht të ulëta është tepër i vështir. Mirëpo, falë angazhimit maksimal të punëtorëve të KEK-ut, kemi arritur, jo vetëm ti mbajmë në operim por edhe ta realizojmë prodhimin e planifikuar me përpikëri.

Me këtë dëshmohet edhe njëherë se KEK si bartës i stabilitetit të sektorit të energjisë është duke treguar përgjegjësi të larte ndaj qytetarëve të vendit. Sido që të jetë, përveç KEK-ut, një angazhim i tillë është i nevojshëm edhe nga të gjitha subjektet e ndërlidhura me sektorin e energjisë.

Për të qenë transparent ndaj të gjitha palëve, vlen të theksohet se furnizimi i konsumatorëve me energji elektrike në bazë të licencave të lëshuara nga ZRRE-ja, është përgjegjësi ekskluzive e Furnizuesit Publik përkatësisht KESCO-së, përgjegjësi kjo e ngarkuar edhe me ligjin për energji elektrike. Prandaj, për informimin e juaj KEK është përgjegjës vetëm për prodhim të energjisë elektrike dhe jo për reduktime apo furnizim të konsumatorëve. /Telegrafi

15966981_1459647707378893_1991043686_o 15967360_1459647704045560_581788384_o 15991758_1459647700712227_468978813_o 15991759_1459647710712226_33101321_o

 

 

 

 

 

Reklamë
Reklamë

Vazhdojnë dallaveret me tenderët e KEK-ut, OSHP kërkon hetim

Organi Shqyrtues i Prokurimit (OSHP) ka ngritur dyshime se Korporata Energjetike e Kosovës i ka dhënë tenderin për “Furnizim me gëlqere të hidratizuar”, një kompanie pa ia verifikuar validitetin e certifikatës ISO.

Periskopi.com Lajme

 

Për këtë arsye OSHP-ja ka paralajmëruar se do të dërgojë kërkesë për hetime lidhur me këtë procedurë në Departamentin për hetimin e krimit dhe korrupsionit në Polici të Kosovë, shkruan sot Koha Ditore.

Paneli shqyrtues i këtij Organi ka anuluar këtë tender dhe ka konstatuar se KEK-u, edhe pse ata me vendimet e mëparshme kishin urdhëruar ta verifikonte validitetin e certifikatës ISO të operatorit ekonomik TC, që i ishte dhënë kontrata, nuk kishte arritur ta bënte një gjë të tillë dhe i kishte dhënë tenderin pa marrë verifikimin për këtë certifikatë.

KEK-u ka mohuar një gjë të tillë, duke thënë se me dhënien e tenderit kompanisë TTC, “kanë zbatuar vetëm vendimet e OSHP-së”.

Ky është vendimi i tretë që OSHP-ja e ka marrë për këtë procedurë.

Reklamë
Reklamë

ZRRE i monitoron reduktimet e KEDS-it: Nuk do të ketë reduktime pas orës 19:00

Duke ju referuar gjendjes së krijuar kohëve të fundit, nga ndërprerjet e energjisë elektrike dhe me qëllim që të kemi një pasqyrë më reale nga terreni për ndërprerjet që po ndodhin, ZRRE-ja nga fundi i muajit tetor ka nisur një verifikim të përgjithshëm të procesit të mirëmbajtjeve të planifikuara të rrjetit të shpërndarjes nga KEDS-i.

Periskopi.com Lajme

Sipas, ZRRE-së reduktimet do të pezullohen pas oreks 16:00. “ZRRE ka kërkuar nga KEDS që nga sot, e deri nё përfundim të verifikimeve të mëtejshme, ndërprerjet e planifikuara të energjisë elektrike për qëllim të mirëmbajtjes, të mos ketë pas orës 16:00. Gjithashtu ZRRE ka kërkuar qё ndërprerjet për qëllim të mirëmbajtjes gjatë ditës tё mirёplanifikohen, në mënyrë që të eliminohet çfarëdo efekti negativ tek konsumatorët”.

Stafi i ZRRE-së ka punuar me kapacitete të shtuara gjatë tërë kohës edhe në orët e vona të natës për të verifikuar ndërprerjet e energjisë elektrike si pasojë e mirëmbajtjes dhe ka trajtuar çdo ankesë të pranuar,s hkruan Telegrafi.

“ZRRE mbetët e përkushtuar që problemet me ndërprerjet e energjisë me të cilat konsumatorët janë ballafaquar, me theks të posaçëm nga ora 16:00 deri në ora 20:00 në disa lokalitete të vendit, të mos përsëriten më. Gjithashtu, ZRRE do të vazhdoi të monitoroi të gjitha ndërprerjet që mund të ndodhin nga KEDS (qofshin ato të planifikuara apo të pa planifikuara), për të pasur një furnizim sa më të rregullt të konsumatorëve. Po ashtu ZRRE do të vazhdojë punën e saj për të siguruar se efektet negative në sistemin elektroenergjetik (në mënyrë të veçantë ndërprerjet e energjisë elektrike) do të minimizohen aq sa është e mundur”, ka njoftuar ZRRE. /Telegrafi/

Reklamë
Reklamë

As KEK-u e as KEDS-i nuk marrin përgjegjësi ta heqin një shtyllë elektrike afër një pompe të benzinës

Periskopi.com Lajme

As KEK-u e as KEDS-i nuk po marrin përgjegjësi për heqjen e një shtylle elektrike të tensionit të lartë, e vendosur 12 vjet më parë nga Korporata Energjetike e Kosovës (KEK) afër një pompe të benzinës në Rezallë të Skënderajt, shkruan Koha Ditore.

Kjo shtyllë elektrike ishte vendosur në vitin 2004, rreth 4 vjet pas hapjes së pompës “REZ-IMEX”. Pronari i saj, Sabit Hoxha, thotë se shtylla ishte vendosur pa pëlqimin e tij.

Përçuesi i tensionit të lartë, sipas Hoxhës, është i vendosur mbi çatinë e pompës, derisa ka shtuar se që nga fillimi ka bërë kërkesa që t’i largohet, por vazhdimisht është injoruar kërkesa e tij si nga KEK-u ashtu edhe nga KEDS-i.

Reklamë
Reklamë

Kriza energjetike e kaluar në banalitet në Kosovë

Kosova që nga paslufta vazhdon të përballet me krizë të thellë energjetike. Për rrjedhojë, jo pak investitor potencial janë larguar nga vendi ynë. Ky telash ende i pazgjidhur po vazhdon ta pengojë zhvillimin ekonomik.

Periskopi.com Lajme

Pas një varg tentativash e analizash për të zgjidhur këtë problem, rreth një dekadë më parë u pa e udhës që përfundimisht të ndërtohet një termocentral i ri, pasi që termocentralet ekzistuese janë të vjetra dhe nuk mund t’i mbulojnë nevojat energjetike të vendit.

Mirëpo edhe 17 vjet pas luftës dhe 10 vjet pas planifikimit të ndërtimit të termocentralit të ri, Kosova vazhdon të përballet me të njëjtin problem.

Pala më e dëmtuar për shkak të kësaj krize besohet të jenë bizneset në vend të cilat vazhdimisht e kanë ngritur problemin e energjisë elektrike si problem kyç në pengimin e zhvillimit të biznesit vendor.

Ibrahim Rexhepi nga STRAS thotë se pa energji nuk ka zhvillim ekonomik.

“Përderisa nuk kemi prodhim të ri të energjisë elektrike nuk mund të llogarisim që çështja do të tejkalohet me potencialet e tanishme që i ka Kosova”, thotë ai.

Në anën tjetër Ministria e Zhvillimit Ekonomik insisto se gjithçka apo shkon në rregull me projektin.

“Nuk ka pengesa në mbarëvajtjen e projektit, por ka procedura që po zbatohen në përpikëri”, thuhet në përgjigjen tyre.

“Kosova e Re” pritet të fillojë së ndërtuari gjatë vitit të ardhshëm.

Reklamë
Reklamë

Kushëriri i Hashim Thaçit në aktakuzën për tenderin e KEK-ut

Misioni i BE-së për Sundim të Ligjit në Kosovë (EULEX) më 7 korrik të këtij viti ka ngritur aktakuzë të re ndaj Hysni Hoxhës, ish kryetar i Organit Shqyrtues i Prokurimit (OSHP). Po ashtu përveç këtij në aktakuzë janë të përfshirë edhe 6 zyrtarë të tjerë.

Periskopi.com Lajme

Aktakuza ka ardhura pas hetimeve rreth një tenderi të Korporatës Energjetike të Kosovës (KEK), ku  në atë kohë pala që pretendon se është  dëmtuar ka kërkuar nga Organet e Hetuesisë që hetojë rastin.

Në aktakuzën e siguruar nga portali Infokusi, shihet se përveç Hoxhës, aty është përfshirë edhe Emin Tmava, Hanefi Hajdini, Driton Pruthi, Muhamet Selmani, Nijazi Thaçi si dhe Azem Duraku, ky i fundit më herët ka qenë ekspertë shqyrtues në OSHP, ndërkaq tash është drejtor i Prokurimit në Administratën Tatimore të Kosovës (ATK).

Driton Pruthi, aktualisht është  zyrtar i Prokurimit në KEK, po ashtu zyrtarë i lartë në këtë kompani është edhe Nijazi Thaçi, ndërkaq Muhamet Selmani, po ashtu ka qenë zyrtarë për prokurim në KEK, ndërkaq aktualisht është deputet i PDK-së në asamblenë komunale të Prishtinës.

Portali ka kontaktuar edhe avokatet mbrojtës të akuzuarve  në këtë rast, por ata vetëm kanë konfirmuar aktakuzën. Sipas tyre, EULEX-it në këtë rast ka ngritur aktakuzën pa bazë ligjore për shkak sa janë tejkaluar të gjitha afatet e parapara ligjore.

Po ashtu sipas tyre në këtë rast nuk ka asnjë fakt të vetëm për shkeljet për të cilat pretendon pala ankuese, kompania “SMH Kosovo”, e cila ishte garë për këtë tender, por nga zyra e Prokurimit të KEK-ut është shpallur si ofertues i pasuksesshëm për shkak të çmimit më të lartë se sa operatori i rekomanduar dhe më pas përfitues i kontratës për  furnizim me pjesë për makina të rënda të KEK-ut.

Rasti për të cilin është ngritur aktakuza ka ndodhur në mars të vitit 2011 rreth një tenderi për furnizim me pjesë rezerve të makinerisë së rëndë.

Reklamë
Reklamë