Studimi i KDI-së: Vetëvendosje del e para, PDK e dyta, LDK e treta

Periskopi.com Video
muri ne Mitrovice

KDI kërkon sqarim nga Qeveria për murin në veri të Mitrovicës

KDI shpreh shqetësimin e saj për devijimin e projektit të dakorduar për revitalizimin e Urës së Mitrovicës në kuadër të dialogut Kosovë – Serbi, me ndërtimin e një muri në anën veriore të Mitrovicës.

Periskopi.com Lajme

 

“Ura e Mitrovicës duhet të shërbejë për të bashkuar qytetarët të cilët jetojnë në të dy anët e saj, çfarëdo ndarje përfshirë ndërtimi i mureve ndarëse është i papranueshëm. Veprime të tilla po krijojnë konfuzion te qytetarët, po ngjallin ndjenjën e pasigurisë dhe të frikës si dhe po minojnë kredibilitetin e këtij procesi”, thuhet në komunikatë të KDI-së.

KDI i bën thirrje Qeverisë së Kosovës, në përputhje me obligimet që ka karshi qytetarëve, që të monitoroj nga afër zbatimin e marrëveshjeve të cilat dalin nga dialogu Kosovë- Serbi, të sqarojë sa më parë gjendjen e krijuar dhe të ndërmarrë të gjitha masat e nevojshme për të siguruar që procesi i revitalizimit të urës së Mitrovicës të jetë në shërbim të lëvizjes së lirë të qytetarëve, mirëqenies së tyre, të bashkëjetesës ndëretnike dhe ofrimit të perspektivës për zhvillim të dy anëve të qytetit.

KDI kërkon nga Qeveria dhe Kuvendi që të jenë vigjilentë në procesin e dialogut Kosovë-Serbi duke garantuar që marrëveshjet e arritura dhe zbatimi i tyre të jenë në përputhje të plotë me kushtetutën dhe ligjet e Republikës së Kosovës.

albert-krasniqi

Krasniqi: PDK me vetura zyrtare në fushatën zgjedhore në Drenas (Video)

Monitoruesi i Institutit Demokratik të Kosovës, Albert Krasniqi ka thënë se gati të gjithë kandidatët për kryetar të komunës së Drenasit e kanë filluar fushatën zgjedhore para hapjes zyrtare të fushatës duke e shfrytëzuar mosanksionimin me ligj.

Periskopi.com Lajme

 

Monitoruesi i Institutit Demokratik të Kosovës, Albert Krasniqi ka thënë se gati të gjithë kandidatët për kryetar të komunës së Drenasit e kanë filluar fushatën zgjedhore para hapjes zyrtare të fushatës duke e shfrytëzuar mosanksionimin me ligj.

Krasniqi në emisionin “Kontakt”, ka thënë se shqetësuese në fushatën zgjedhore kanë marrë pjesë fëmijë , e për të cilën gjë sanksionohet me legjislacionin në fuqi.

Ai ka thënë se përdorimi i veturave zyrtare është vërejtur në fushatën e Partisë Demokratike të Kosovës. Ai thotë se kjo nuk do të duhej të ndodhte dhe bartësit e këtyre institucioneve, sektorëve do të duhet të ndërmarrin masa dhe ti ndëshkojnë këto keqpërdorime.

Ai në këtë emision ka folur për reformën zgjedhore, peticionin e dorëzuar në Kuvend për rastin e Astrit Deharit, si dhe për projektbuxhetin e vitit 2017.

Vota Ime

Qeveria ka proceduar në Kuvend vetëm 28 projektligje

Qeveria e Kosovës për vitin 2016 kishte paraparë të sponzorizojë 87 ligje mirëpo deri në fund të muajit tetor ka sjellë në Kuvend vetëm 28 prej tyre, ose 32 % të projektligjeve të planifikuar për procedim në Kuvend.

Periskopi.com Lajme

Nga këto 28 projektligje, vetëm 15 prej tyre kanë arritur që të kalojnë në shqyrtim të dytë në Kuvend, prej nga kanë marrë miratimin përfundimtar, kështu thuhet në publikimin e Vota Ime.

Kurse 13 vazhdojnë të mbesin në procedurë, nëntë nga to janë në mes të shqyrtimit të parë dhe të dytë në komisionet përkatëse, kurse katër prej tyre do të procedohen për lexim të dytë në seancën e ardhshme, raporton Periskopi

Projekti Vota Ime që është i Institutit Demokratik të Kosovës KDI, përbëhet nga tre komponentë kryesore:

i) Monitorimi i rregullt i aktiviteteve të Kuvendit, që shërben si bazë për mbledhjen e të dhënave të shumëllojshme statistikore të cilat publikohen në platformë, me mundësi të shumta krahasimi në varësi prej fushave të interesit;

ii) Mbledhja dhe  përpunimi i të dhënave nga procesi i monitorimi analizohet me kujdes dhe publikohet në raporte të veçanta periodike. Publikimi i raporteve monitoruese analitike bëhet pas përfundimit të çdo sezoni të Kuvendit, të shoqëruar me tryeza të rrumbullakëta dhe konferenca avokuese për media;

iii) Pjesëmarrja e qytetarëve në vendimmarrje bëhet përmes parashtrimit të pyetjeve publike nga qytetarët për të zgjedhurit e tyre, dhe pranimit të përgjigjeve publike përmes platformës. Qytetarët mund të dërgojnë edhe komentet e tyre për projektligjet të cilat janë në diskutim publik. / Periskopi