Sigal Prishtina – KB Peja është finalja e Kupës së Kosovës

Prishtina ka mposhtur Trepçën për të kaluar në finale të Kupës së Kosovës në basketboll.

Periskopi.com Sporti

Kampionët e Kosovës në basketboll mposhtën “Minatorët” me rezultat 56 me 50 për të siguruar finalen, ku po e pret Peja që më herët gjatë ditës mposhti Bashkimin.

Finalja e Kupës së Kosovës zhvillohet të dielën.

Peja mposhtet nga skuadra maqedonase në Ligën Ballkanike

Peja ka pësuar humbje në Ligën Ballkanike.

Periskopi.com Sporti

Pejanët u mposhtën në paletstrën “Kvadarci Jasmin” prej skuadrës maqedonase të Feni Industries me rezultat 90:88.

Vetëm në çerekun e fundit basketbollistët kosovar ishin më të mirë se vendasit, transmeton Telegrafi.

Dhjetë minutshi i parë i takoi maqedonasve, të cilët e përfunduar me shtatë pikë epërsi 28:21.

Edhe pjesa e parë përfundoi në dobi të Fenit, të cilët ngritën epërsinë për dy pikë, 48:39.

Në pjesën e dytë pejanët luajtën më mirë se në 20 minutshin e parë, por kjo nuk mjaftoi për të evituar humbjen e pesë në shtatë ndeshje.

Çerekun e tretë verdhezinjtë e humbën me katër pikë diferencë, përkatësisht rezultati në semafor tregonte shifrat 68:55.

Në dhjetë minutshin e fundit, Feni arriti të ruajë epërsinë e krijuar në tre çerekët e parë dhe triumfoi me rezultat 90:88

Lamarcus Reed ishte basketbollisti më i mirë te pejanët me 21 pikë ndërsa Alban Veseli realizoi 18 sosh kurse te Feni më i miri ishte George Sharabizde me 24 pikë dhe Matija Ceshkovic realizoi 20 sosh.

Pas kësaj, Peja në saje të pesë humbjeve dhe dy fitoreve zë vendin e pestë me dhjetë pikë n Grupin B ndërsa Feni zë pozitën e dytë me pesë fitore e tre humbje.

 

 

 

 

KB Peja mposht Sutjeskën e Malit të Zi

KB Peja ka arritur fitore të madhe në udhëtim te Sutjeska në Nikshiq të Malit të Zi me rezultat 67-86.

Periskopi.com Sporti

Ndeshja në kuadër të Ligës Ballkanike e pa si favorit Sutjeskan, por Peja shfaqi performancë fantastike qysh në start të takimit.

Me gjashtë pikë epërsi u mbyll periudha e parë, kurse epërsia u thellua në 10 pikë pas pjesës së parë.

Peja vazhdoi me lojën e mirë edhe në dy periudhat e fundit duke mos lejuar vendasit të shkrijnë epërsinë.

Më i miri ishte Alban Veseli me 19 pikë e pesë asistime, shoqëruar nga Billie me 14 pikë e nëntë kërcime.

Kjo është fitorja e katërt e Pejës në Ligën Ballkanike dhe është me një hap afër kualifikimit të fuqishëm në fazën tjetër.

 

“Shqiponjat” bojkotojnë Pejën

Grupi i tifozëve të klubit të basketbollit Peja, “Shqiponjat”, ka njoftuar se ka vendosur të bojkotojë klubin pejan.

Periskopi.com Sporti

Kjo për shkak të “injorimit që klubi Peja po i bën Shqiponjave”.

Në një postim në faqen zyrtare të grupit në Facebook, “Shqoponjat” kanë thënë se klub duhet t’i respektojë tifozët e vet ashtu si duhet.

Ky është postimi i tifozëve në Facebook:

“Tashmë #Zyrtare

Shqiponjat bojkotojnë klubin e basketbollit KB.Peja

Para pak çastesh përfundoj mbledhja e tifo grupit #Shqiponjat, mbledhje kjo e thirrur nga kryesia e saj për diskutimin e problemeve klub – tifozë.

Unanimisht nga mbi 40 veta u kërkua dhe u miratua bojkotimi total i klubit KB.Peja e cila po i injoron tifozat #Shqiponjat, dhe po i bojkoton.

Andaj edhe njëherë ju njoftojmë se #Shqiponjat nuk shuhen, aq ma tepër ata nga kjo mbledhje janë edhe më të fort dhe të bashkuar si kur më parë. Edhe pse dikush dëshiron ti shuaj. #Shqiponjat ishin dhe do jenë së egzistuari ende.

Shqiponjat janë tifozët e qytetit Peja, por jo edhe klubit basketbolli Peja deri sa ajo ti respektoi si duhet tifozet e vet.

Këtë përgjigje e ka marr klubi KB.Peja edhe në ndeshjet e fundit ku palestra nuk mblodhi as 200 shikues.

Për fund, ju njoftojmë të gjithë anëtarësin e tifo grupit #Shqiponjat dhe qytetarët e #Pejës se begjat e anëtarsisë janë përfundu, ndërsa ato sonte u shpërndan për të pranishmit, ndërsa ata që i duan begjat le të kontaktojnë kryetarin e saj Nermin Ferizi”.

 

 

KB Peja mposhtet nga Karpos Sokoli në Ligën Ballkanike

Peja ka pësuar humbje të ngushtë me rezultat 82-75 nga Karpos Sokoli në Maqedoni.

Periskopi.com Sporti

Ndeshje tejet intensive dhe me shumë kthesa u zhvillua mes dy skuadrave të cilat kishin për qëllim vetëm fitoren.

Por, dueli i cili u vendos vetëm në minutat e fundit, i takoi Karposit që tregoi kompozitet më të mirë në fushë.

Epërsia në fund të pjesës së parë ishte shtatë pikë për Karposin, por atë e ngushtoi nga gjysma e fushës me një super treshe Cameron Rundles, përcjell Telegrafi.com

Në katër minutat e fundit Karposi krijoi epërsi prej nëntë pikësh, që ishte e paarritshme për Pejën, kurse dobësia sërish u tregua nën kosh, aty ku po çalon skuadra kosovare.

Më i miri në takim ishte Dragan Labovic me 19 pikë. Zoran Vrkic dhe Dominik Mavra shtuan nga 15 pikë.

Noah Dahlman kishte ndeshje të mirë me 26 pikë, Veseli shtoi 20 pikë dhe Rundles kishte nëntë pikë, tetë kërcime dhe pesë asistime.

Për Karposin ishte kjo fitorja e tretë dhe ka gjasa kualifikuese, kurse Peja ka tre fitore dhe dy humbje, kurse zhvillon edhe disa ndeshje të shtyra në Ligën Ballkanike.

KB Peja përcjell Bashkimin dhe Sigal Prishtinën, fiton në Ligën Ballkanike

KB Peja ka arritur të shënojë fitore e tretë në Ligën Ballkanike, pas fitores ndaj Sutjekkës së Malit të Zi me rezultat 76:74.

Periskopi.com Sporti

Takimi përfundoi vetëm pas kohës shtesë sepse në kohën e rregullt ndeshja u mbyll me rezultat 64:66.

Takimi filloi keq për Shqiponjat duke mbyllur pjesën e parë me 11 pikë epërsi, epërsi kjo që u shkri qysh në çerekun e tretë.

Në periudhën e fundit, pejanët rritën avantazhin dhe e mbajtën atë deri pak sekonda para fundit, kur mysafirët shfrytëzuan një gabim të Mirza Ahmetbashiqit për të barazuar gjithçka. Fitoren në vazhdime Pejës ia siguroi Alban Veseli me trepikësh në sekondat e fundit.

Në Grupin B Peja tani ka 7 pikë me tri fitore e një humbje, ndërsa Sutjeska 10 pikë me katër fitore e dy humbje. /Periskopi/

KB Peja zyrtarizon basketbollistin amerikan

Peja është përforcuar edhe me një basketbollist tjetër amerikan.

Periskopi.com Sporti

Klubi pejan ka paraqitur kërkesen për regjistrim e tij në FBK, gjë që është konfirumuar nga federata e basketbollit.

Jamie O’Brien Billie është nga Shtetet e Bashkuara të Amerikës.

“Lojtari i lartpërmendur mund të regjistrohet në FBK dhe të paraqitet për KB Peja pas plotësimit të kritereve në bazë të Rregullores mbi regjistrimin e lojtarëve në FBK”, thuhet në njoftim.

KB Peja fiton bindshëm në Ligën Ballkanike

Peja ka regjistruar fitore prej 90-64 kundër KK Karpos Sokoli në palestrën“Karagaçi”, në kuadër të Ligës Ballkanike.

Periskopi.com Sporti

Skuadra vendase ishte bindshëm më e mirë në çerekun e parë të lojës, në të cilin shënoi dyfish më shumë pikë se kundërshtari (24:12).

Pejanët luajtën më mirë edhe në fraksionin e dytë (26:21) dhe shkuan në pushim me rezultat 50-33.

Dominimi vazhdoi edhe në pjesëlojën e tretë, në të cilën nikoqirët shënuan 16 pikë më shumë se kundërshtari nga Maqedonia (26:10).

Përkundër se mysafirët ishin më të mirë në çerekun e fundit (14:21), fitorja u takoi pejanëve.

Kjo ishte fitorja e dytë e Pejës në Grupin B nga po aq ndeshje të zhvilluara në Ligën Ballkanike.

Mposhtet KB Peja në FIBA Europe Cup

Peja nuk ka arritur ta mposhtë liderin e Grupit G, Gaziantep, në palestrën “Karagaçi”, në kuadër të FIBA Europe Cup.

Periskopi.com Sporti

Skuadra vendase e nisi mirë takimin duke e mbyllur çerekun e parë me gjashtë pikë epërsi (21:15), përcjell Telegrafi.com

Në pjesëlojën e dytë, mysafirët shënuan katër pikë më shumë se nikoqirët (20:24) dhe skuadrat shkuan në pushim me rezultat 41-39.

Përsëri edhe në dhjetëminutëshin e tretë, vizitorët realizuan dy pikë më shumë (14:18) duke e mbyllur këtë fraksion me dy pikë epërsi.

Dhe gjithçka u vendos në çerekun e fundit kur skuadra mysafire i doli të ishte fituese (66-76).

Peja transferon një super-basketbollist (Video)

Klubi i basketbollit, Peja ka nënshkruar me lojtarin amerikan Cameron Rundles.

Periskopi.com Sporti

Rundles, i cili luan në pozitën e organizatorit, është paraqitur në ekipin Montana dhe Wofford.

Karrierën profesionale e ka vazhduar në Evropë, ku në sezonën 2013/14 ishte pjesë e ekipit Jekabpils në Supërligën e Latvisë, e cila luante edhe ne Baltic Basketball League.

Sezonën 2014/15 luajti në Cherkaski Monkeys në Ukrainë për të vazhduar në ekipin hungarez të Falco KC.

Në FIBA Europe Cup ka pasur një mesatare prej 15 pikë, 5 asistime dhe 3 kërcime për ndeshje.

Kujtojmë faktin se KB Peja sonte luan kundër ekipit të njohur turk Gaziantep në ora 19:30.

KB Peja mposhtet në Qipro

KB Peja është mposhtur nga AEK-u në kuadër të FIBA Europe Cup.

Periskopi.com Sporti

KB Peja ka pësuar edhe humbjen e katërt në këtë garë, kësaj radhe nga skuadra greke AEK me rezultat 81-64.

Skuadra pejane është në grupin G, ku ka regjistruar vetëm një fitore. /Periskopi.com/

Peja kërkon fitoren në Qipro

Peja kërkon fitore ndaj Petrolina AEK Larnaca për t'u stabilizuar në vendin e tretë në grup dhe për të rritur gjasat për kualifikim në raundin e dytë të FIBA Europe Cup, shkruan sot Koha Ditore.

Periskopi.com Sporti

Peja të mërkurën (sot, 18:00) në Larnaca të Qipros e luan ndeshjen e pestë në kuadër të Grupit G të FIBA Europe Cup. Aktualisht është e treta në grup me një fitore e tri humbje, ndërsa për të shpresuar që të kalojë grupin, i duhet të ruajë pozitën e tretë.

Fitoren ekipi pejan e ka arritur pikërisht ndaj AEK Larnacas, në ndeshjen e dytë, me shifrat 87:82. Ka humbur dy herë nga Cluj-Napoca e Rumanisë dhe një herë nga Gaziantepi turk. Ndeshjen e fundit e luan të martën tjetër kur e pret Gaziantepin. Që të ruajë vendin e tretë në grup, Pejës do të mund t’i mjaftojë edhe një humbje e lehtë nga AEK-u, me më pak se pesë pikë dallim. AEK-u është i fundit në grup, pa fitore të arritur.

Të mërkurën (sot, 19:00), ndeshje luan edhe Sigal Prishtina. Prishtina në Samokov të Bullgarisë, përballet me Rilski Sportist në kuadër të Grupit H. Por Prishtina është pa gjasa të kalojë tutje në raundin e dytë.

Peja ndjek hapat e Sigal Prishtinës, mposhtet në shtëpi nga U-BT Cluj

Klubi basketbollistik i Pejës ka regjistruar humbje para tifozëve në “Karagaçi” nga U-BT Cluj Napoca (76-99).

Periskopi.com Sporti

Skuadra vendase nuk e nisi mirë sfidën, ashtu që çereku i parë përfundoi me rezultat 13:21.

As në pjesëlojën e dytë nikoqirët nuk treguan lojë të mirë (17:30) dhe shkuan në pushim me disavantazh të lartë 30-51.

Pejanët ia dolën të shënojnë 20 pikë në çerekun e tretë, por pranuan 24, ashtu që kundërshtari e thelloi akoma më shumë avantazhin dhe ky fraksion përfundoi me rezultat 50-75.

Përpjekjet e vendasve për të humbur me disavantazh më të ulët në çerekun e fundit, ishin të kota, pasi rumunët ishin të pandalshëm.

Kjo është humbja e tretë e Pejës në Grupin G, ndërsa ka regjistruar vetëm një fitore.

Derisa Cluj i ka të gjitha katër ndeshjet e deritanishme  fitore.

 

Peja transferon një amerikan, priten largime

Federata e Basketbollit të Kosovës, ka njoftuar se skuadra e Pejës, ka paraqitur për regjistrimi fundorin amerikan Kevin Bruwell shkruan GazetaOlle.com

Periskopi.com Sporti

Bruëell është emër i njohur për basketbollin e Kosovës, pasi edicionin që lamë pas ishte aktivizuar pikërisht te skuadra pejane.

Ardhja e Bruwell i cili luan në pozitën dy mund të largoj një nga lojtarët aktual të Pejës, LaMarcus Reed dhe Austin Tillston.