Blerand Stavileci tregon nëse do të jetë kandidat për kryetar të Prishtinës

Periskopi.com Lajme

Blerand Stavileci nga PDK ka folur rreth kandidimit të tij për kryetar të Prishtinës.

Në emisionin E’ Zone te Albba Morina ai e ka pranuar se e ka dëshirë të jetë kryetar.

“Është diçka që unë kam qejf, mendoj që janë dhe kam mundësi dhe potencial për diçka të tillë. Jo me këto inatet politike dhe partiake, por me marr atë që kemi bërë për disa vite, kemi bërë shumë nëse flasim veç për sport, e le më shumë”, ka thënë Stavileci.

Ndër të tjera, tha se krejt çka do të bënte është modeli i Erion Veliajt në Tiranë.

“Ka mundësi shumë me u ba për qytetin tonë, për kryeqytetin. Nuk jam i prirur për me fol për ato që nuk janë ba që shumë vite, por du me fol për ato që kanë me u ba”, ka thënë ai.

Stavileci ka thënë se nuk dëshiron garë, por dëshiron me ba punë dhe me qu para projektet dhe idetë./ Periskopi

Daut Haradinaj nuk do të jetë deputet i Kuvendit

Periskopi.com Lajme

Kandidati për deputet nga radhët e AAK-së, që është në listën e koalicionit PDK-AAK-NISMA, Daut Haradinaj nuk do të jetë deputet.

Pavarësisht se është në listë ai nuk do ulet në Kuvend edhe nëse merr votat e mjaftueshme.

Daut Haradinaj ka disa muaj që ka konfirmuar kandidimin e tij për kryetar të Deçanit, në zgjedhjet lokale që pritet të mbahen në fund të këtij viti, raporton Periskopi

Haradinaj ka zgjedhur të jetë në listë me idenë për t’i sjellur vota partisë, por pastaj llogaritet se ja liron vendin dikujt tjetër në Kuvend.

Njëlloj sikur Dauti kanë vepruar edhe Shpend Ahmeti dhe Mimoza Kusari, që të dy kanë konfirmuar kandidimin e tyre për kryetar komune, por Haradinaj dallon prej tyre ngase nuk do rikandidohet por do e provon veten për herë të parë si kandidat për kryetar komune.

Zgjedhjet qendrore të parakohshme në Kosovë pritet tëmbahen më 11 qershor./ Periskopi

Kandidati për deputet i PDK’së, nën hetime për rastin Pronto

Periskopi.com Lajme

U bënë sikur pastruan listat nga ata që janë në hetime apo që kanë aktakuza, por nuk ndodhi njëjtë me të gjithë.

Derisa ‘shefi i shefave’, Adem Grabovci është jashtë listës së PDK-AAK-NISMA, dora e djathtë e tij është në këtë listë. Ai është Nijazi Kryeziu, raporton Periskopi

Kryeziu, për ata që rastësisht nuk e njohin ‘ e sill e pshtill’ Prizrenin.

Ai vjen nga kjo komunë dhe derisa Ramadan Muja merrej me aktakuzat e veta dhe moshën tepër të shtyrë, Kryeziu merrte vendime në këtë komunë, fillimisht ishte kryesues i asamblesë në Komunën e Prizrenit.

E pastaj drejtor i urbanizmit, për të cilin post kishte pranuar se nuk ka njohuri. E të enjten, 23 maj, shefja e Zyrës së Bashkimit Evropian në Kosovë, Natalya Apostolova, ka vizituar sot qendrën historike të Prizrenit. Ajo u shpreh e shqetësuar me gjendjen në të cilën ndodhet kjo qendër e trashëgimisë kulturore dhe ndërtimet që janë bërë në atë vend.

Ai është personazh i aferës “Pronto” e në deklarimin e pasurisë tregon se është edhe sekretar i degës së PDK-së në Prizren. Jo vetëm kaq. Nga parat e buxhetit të shtetit, pagë merr edhe bashkëshortja e tij e edhe njëri nga prindërit.

Kryeziu si këshilltar i Ramadan Mujës, kishte vendosur për anëtarët e Bordit të Ujësjellësit në Prizren.

Një nga bisedat telefonike të përgjuara të Adem Grabovcit shpalosë mënyrën më të errët se kush duhet të jenë anëtarët e Bordit të Ujësjellësit të Prizrenit. Grabovci bashkë me Nijazi Kryeziun marrin vendimin përfundimtar, përtej kualiteteve të kandidatëve. Kriter për ta është vetëm nëse kandidati është i tyre. Biseda dëshmon se kryeprokurori i Prizrenit, Sylë Hoxha është zgjedhur nga PDK-ja. Hoxha një kohë ka qenë edhe ushtrues detyre i kryeprokurorit të Shtetit.

Në një bisedë telefonike në mes të shefit të Grupit Parlamentar të PDK-së, Adem Grabovci dhe nënkryetarit të PDK-së, Dega në Prizren, Njazi Kryeziu klasifikohen kandidatët në mënyrën më klandestine.

Grabovci, që i telefonon Kryeziu ia lexon 34 emra kandidatësh. Ata seleksionohen nga Kryeziu. Bashkëbiseduesit heqin nga lista kandidatë që nuk u përkasin atyre.

Në këtë bisedë të zhvilluar në nëntor 2011, dëshmohet se PDK-ja në Prizren ka zgjedhur për kryeprokuror, Sylë Hoxhën i cili në të kaluarën ishte zyrtar i lartë i Lidhjes Demokratike të Kosovës. Hoxha ka qenë zëvendësministër i Drejtësisë nga kjo parti.

Jo vetëm kaq.

Në vitin 2012, ai dyshohej se falsifikoi planin urban.

Qendra e Vetëvendosjes në Prizren, kishte dorëzuar në prokurori një kallëzim penal trefaqësh kundër kryesuesit të Kuvendit të atëhershëm Komunal, Nijazi Kryeziu. Sipas kallëzimit penal, ai akuzohet se vitin e kaluar ka falsifikuar dokumentin zyrtar, duke ndërruar planin rregullues urban për lokacionin “Qendra e Re 2”, pasi ai ishte miratuar nga Asambleja. Kryeziu thotë se bëhet fjalë për një “gabim teknik”.

Në kallëzimin e dorëzuar në Prokurorinë Komunale të Prizrenit, Nijazi Kryeziu akuzohej për veprat penale “shpërdorim i detyrës zyrtare dhe i autorizimit” dhe “falsifikim i dokumenteve zyrtare”, të parapara me Kodin e Përkohshëm Penal të Kosovës.

Kryeziu atë kohë thoshte se bëhet fjalë për një gabim teknik dhe ja kishte dal pas ‘dëshmive’ që dha që hetimet të pushonin pa shkuar fare rasti në Prokurori.

Kryeziu është diku nga fundi i listës së PDK-së, e në të është edhe Nait Hasani të cilit Kryeziu ia kishte sharë nënën në një kohë, e u largu verën që kemi lënë pas nga posti i drejtorit të Urbanizimit për tu bërë këshilltar i kryetarit të Kuvendit, Kadri Veseli raporton Periskopi

Kryeziu, që është gjithkund kur bëhet fjalë për poste e edhe pranë shefave, u përmend edhe pak muaj më parë si kandidat i mundshëm për kryetar në Prizren.

“Lufta” për të parin e “Jerusalemit” të PDK-së është ende e hapur.

Nijazi Kryeziu është pjesë e hetimeve nga Prokuroria Speciale e Kosovës, pas aktvendim për zgjerimin e hetimit, i cili fillimisht është iniciuar kundër deputetit të Partisë Demokratike të Kosovës, Adem Grabovcit.

Në mesin e zyrtarëve që po hetohen në këtë aferën “Pronto” janë Zenun Pajaziti deputet i PDK-së , ish-ministri i Zhvillimit Ekonomik, Besim Beqaj.

Për të njëjtin rast po hetohen edhe Arbenita Pajaziti, shefe e Njësisë për furnizim në Departamentin e farmacisë në Ministrinë e Shëndetësisë, Ilhami Gashi  ish- sekretar i përgjithshëm në Ministrinë e Punëve të Brendshme, Fatmir Shurdhaj ish – zëvendës ministër në Ministrinë e Punës dhe Mirëqenies Sociale, dhe Sedat.Gashi ish – Këshilltar politik në Ministrinë e Punëve të Brendshme.

Të gjithë të pandehurit dyshohen për kryerjen e dy veprave penale: Keqpërdorimi i pozitës apo autoritetit zyrtar dhe Shkelja e statusit të barabartë të shtetasve dhe banorëve të Kosovës. / Periskopi

Kur Avdullah Hoti akuzohej për mosrespektim të dispozitave ligjore

Periskopi.com Lajme

Ish–zëvendësministri i Ministrisë së Financave, Isni Kilaj, kishte adresuar kritika pa kursim ndaj shefit të tij, atë kohë ministrit Avdullah Hoti, siç shprehej ai – për mosrespektim të dispozitave ligjore.

Ai kihste deklaruar se nuk mund të gëlltisë këto shkelje të ministrit Hoti, pavarësisht nga pozita, si zëvendës i tij.

Zëvendësministri Kilaj në një shkrim të tij thoshte:

Ministri i Financave Avdullah Hoti nuk ka zbatuar asnjë vendim të Këshillit të Pavarur Mbikëqyrës të Kosovës për kthimin në punë në pozitat paraprake për disa zyrtarë të ATK-së, të larguar padrejtësisht nga ish ushtruesi i detyrës së drejtorit të ATK-së, Nait Sharku, si të Bekim Gashi, Blerim Hamiti, Halide Pireva, Diamanta Skenderi , Shaqir Totaj, Valdet Bektashi etj.

Vendimet e këtij Këshilli janë obligative për të gjitha institucionet në Republikën e Kosovës, por jo edhe për Ministrin Hoti!

Por më e rënda është se as vendimet e Gjykatës Themelore në Prishtinë nuk janë obligative për ministrin Hoti. Gjykata Themelore në Prishtinë me vendimet e datës 04.05.2016 /Nr.07-06-1279,78…/ka kthyer në punë në pozitat paraprake ish zyrtarët në Departamentin e Tatimpaguesve të Mëdhenj: Bekim Gashi, Blerim Hamiti, Halide Pireva e Diamanta Skenderi. Por vendimet nuk janë implementuar.

Ky veprim i ministrit Hoti ka krijuar pasiguri dhe pakënaqësi te zyrtarët në Ministrinë e Financave, por edhe një pasiguri qeverisjeje të partnerëve të koalicionit, pasi që kjo po bëhet në baza partiake, – përfundon shkrimi./ Periskopi

Kjo është bashkëshortja dhe dy djemtë e Avdullah Hotit (Foto)

Periskopi.com Lajme

Avdullah Hoti tashmë është kandidat për kryeministër të Kosovës, nga radhët e LDK-së.

Dikur nënkryetar i komunës së Prishtinës, e së fundmi ministër i financave, ai gjithmonë ka qenë njeriu ‘pas’ Isa Mustafës, aq më shumë në çështjet ekonomike dhe ato të financave.

Por, si rrallë ndonjë ministër apo zyrtar, bashkëshorten e tij pakkush e njeh, raporton periskopi

Në fotografinë e mëposhtëm është ai me bashkëshorten dhe dy djemtë e tij, raporton Periskopi

Hoti është nga një fshat i Rahovecit, ai është kryetar i degës së LDK-së në këtë Komunë./ Periskopi

Vetëvendosje: Shpend Ahmeti sërish kandidat për kryetar

Për Lëvizjen Vetëvendosje nuk ka asnjë dilemë se kënd do ta kandidojë për kryetar të Prishtinës në zgjedhjet e ardhshme lokale, që do të mbahen në vjeshtën e vitit të ardhshëm.

Periskopi.com Lajme

Kryetari i degës së Vetëvendosje për Prishtinën, Ylli Hoxha ka thënë për Tribuna Channel se nuk kanë diskutuar asnjëherë për kandidaturën e ardhshme për të parin e kryeqytetit, për faktin se Vetëvendosje e mbështet në mënyrë unanime kandidimin e Ahmetit edhe për një mandat të ri katërvjeçar.

Hoxha ka folur edhe për marrëveshjen për demarkacionin, për të cilën ka thënë se është vdekur.

Vetëvendosje, sipas tij, ka prezantuar një alternative se si mund të dilet nga kjo situatë.

Ndërsa ka akuzuar qeverinë se më qëndrimin të cilin po e mban për demarkacionin mund të sjellë pasoja në raportet mes dy vendeve.

Ai ka paralajmëruar se nëse Qeveria vendos të rikthejë këtë marrëveshje në Kuvend, VV do të ftojë qytetarët për të protestuar. Protesta, sipas tij, do të ketë edhe brenda Kuvendit duke mos treguar se në çfarë forme do të protestohet.

Ndërsa, sa i përket arrestimit të Nehat Thaqi, Hoxha ka thënë se kjo tregon sa të nënshtruar jemi ne në procesin e dialogut me Serbinë.