Ja sa është diferenca e votave në mes të Kadri Veselit dhe Ramush Haradinajt

Periskopi.com Lajme

Rreth 16 mijë vota është dallimi në vota në mes të Kadri Veselit dhe Ramush Haradinajt, kur janë numëruar 73 për qind e votave.

Kryetari i Partisë Demokratike të Kosovës Kadri Veseli del të ketë marrë më shumë vota se Ramush Haradinaj, kandidat për Kryeministër i koalicionit PDK-AAK-Nisma.

Kur janë numëruar 73 për qind të votave, është Kadri Veseli ai që prin në PAN me numrin më të madh të votave të siguruara.

Veseli ka mbledhur rreth 16 mijë vota më shumë se lideri i AAK’së Ramush Haradinaj.

Veseli ka marrë 89.281 vota i ndjekur nga Haradinaj me 73.415 vota.

PAN ka siguruar 39 ulëse në Kuvendin e Kosovës.

Reklamë
Reklamë

Drenori e prekë në pikë të dobët Kadri Veselin dhe ka një kërkesë për të

Periskopi.com Lajme

Kandidati për deputet nga Lëvizja Vetëvendosje, Xhavit Drenori, i ka bërë thirrje kryetarit të PDK-së, Kadri Veselit, që ta lirojë rrugën për mandatimin e qeverisë së re të vendit, duke i mundësuar kështu Albin Kurtit krijimin e qeverisë.

Drenori përmes një statusi në Facebook shkruan se bazuar në rezultatat ende jo zyrtare për numrin e deputetëve,  se PDK-ja ka fituar 20 mandate në Parlamentin krahasuar me legjislaturen e kaluar që mbante plot 36 sosh, “është treguesi më i mirë që je humbësi më i madh i zgjedhjeve të 11 Qershorit”.

Ai madje ka treguar edhe për votat që kanë marrë Kurti e Veseli në zgjedhjet e 11 qershorit.

“Informacionet se Albin Kurti është kandidati larg më i votuar se Ti, sado që të dy mbanit numrin 1 në lista zgjedhore, madje distanca ndërmjet Jush është jashtzakonisht e madhe, 188000 për Albinin kundrejt rreth 60000 votave për Ty, është tregues tjetër që duhet të lëshosh rrugë”, ka thënë ai duke përmendur edhe zgjedhjet lokale të mbajtura në komunën e Drenasit në dhjetor të vitit 2016.

“Rezultatet e 4 Dhjetorit 2016 në Drenas ishin në fakt një sinjal i qartë se duhej intervenim imediat në parti (PDK) për t’a pastruar nga njerëz të krimit e korrupsionit. Ti nuk e lexove drejt këtë sinjal”, ka deklaruar ai.

Ai kërkon nga Veseli të hapë rrugë dhe ta pranojë se është humbësi i zgjedhjeve, nëse këtë nuk e bënë thotë se do ta dërgonte vendin në zgjedhje përsëri.

Reklamë
Reklamë

Veseli premton paga 100 euro më të larta për punëtorët e KEK-ut

Periskopi.com Lajme

I nominuari për kryeministër i koalicionit PDK-AAK-NISMA, bashkë me kreun e PDK-së, Kadri Veseli, kanë vizituar termocentralin Kosova A, në Obiliq, njofton Klan Kosova.

Ata vizituan dhomat e punës si dhe qendrat e komandës së tërë termocentralit. P

as vizitës, në një prononcim për media Ramush Haradinaj ka thënë se më nuk do të ketë shtrenjtim të energjisë elektrike, dhe ka premtuar se sektori i energjisë do të jetë prioritet.

Ndërkohë, Kadri Veseli u ka premtuar rritje pagash prej mbi 100 euro të gjithë punëtorëve të KEK-ut, si dhe i ka siguruar se as një nga ta nuk do të largohet nga puna, përkundrazi do të shtohet numri i punëtorëve.

Reklamë
Reklamë

Kadri Veseli e quan Haradinajn mik dhe kryeministër, ja si ia kthen ai

Periskopi.com Lajme

Kadri Veseli dhe Ramush Haradinaj kanë filluar fushatën që shumë kohë, e të dielën ata prezantuan planin për zhvillim ekonomik. Zgjodhën një biznes që ta bëjnë këtë.

Veseli përveç që e quajti Haradinajn kryeministër, i tha edhe mik.

“I nderuari miku ik, kryeministër, qofshim faqebardhë”, i tha Veseli.

E Haradinaj nuk dha fjalë përkëdhelëse për të. E quajti vetëm Kadri.

“Kadri faleminderit, kryetar”, i tha Haradinaj./ Periskopi

Reklamë
Reklamë

‘Kurbanët’ e Kadri Veselit

Periskopi.com Lajme

Lideri i Partisë Demokratike të Kosovës, Kadri Veseli, është dashur të përballet me një sfidë me të cilën paradhërsi i tij, tashmë presidenti I Kosovës, Hashim Thaçi, nuk ishte për- ballur asnjëherë.

Shkurtimi i listave të kandidatëve për deputetë. Nga 110 kandidatë sa do të duhej t’i kishte kjo parti për zgjedhjet e 11 qershorit, koal- icioni me AAK-në, “Nismën” dhe shtatë parti tjera të vogla ia ka lënë Veselit një listë gjysmake.

Rrjedhimisht ai ka bërë “Kurbanë” shumë prej fytyrave të rëndësihme të partisë. Atyre u prin ish-shefi i Grupit Parlamentar të PDK-së, Adem Grabovci. Vetë Grabovci ka thënë se ai është tërhequr vullnetarisht nga lista, ndërkohë që është ende e freskët në opinionin publik afera e tij “Pronto”.

Ndërkohë Veseli ka sakrifikuar edhe tre ish-ministrat e Partisë Demokratike. Hajredin Kuqi, Besim Beqaj e Justina Pula nuk kanë gjetur një vend në mesin e listës së liderit të ri të partisë më të madhe në vend në zgjedhjet e fundit.

E jashtë listës së Kadri Veselit ka mbe- tur edhe një prej ish-deputetëve që jo pak ishte ballafaquar me drejtësinë, siç është Latif Gashi, shkruan Zeri

Partia Demokratike e Kosovës mbrëmë nuk ka publikuar listën e saj përfundimtare, gjë të cilën pritet ta bëjë sot gjatë ditës. Megjithatë jo zyrtarisht, merret vesh së në listën e PDK-së, perveç liderit Kadri Veseli, janë edhe emrat si: Ganimete Musliu, Hajdar Be- qa, Nait Hasani, Andin Hoti, Mergim Lushtaku, Naim Bazaj, Bislim Zogaj, Bekim Haxhiu, Muharrem Xhemajli, Rafet Rama, Beatrisa Pista, etj.

Reklamë
Reklamë

Bahtiri ia thotë Kadri Veselit në fytyrë: U trembe

Periskopi.com Lajme

Nënkryetari i Aleancës Kosova e Re, njëkohësisht kryetar i Mitrovicës, Agim Bahtiri ka thënë se koalicioni LDK-AKR e ka “trembur” kryetarin e Partisë Demokratike të Kosovës, Kadri Veselin, njofton Klan Kosova

Këto komente ai i bëri në takimin me kandidatin për kryeministër nga radhët e këtij koalicioni, Avdullah Hotin të organizuar nga Forumi i Rinor i LDK-së.

“Nëse kemi rrezik për luftë edhe ne do ta votojmë koalicionin PDK-AAK-Nisma, por Kosova ka nevojë për akademik të paraluftës e jo të pasluftës”

“Ka kaluar koha e komandantëve”, ka shtuar ai.

Reklamë
Reklamë

Pa kaluar as 24 orë, PDK shkel marrëveshjen e koalicionit

Periskopi.com Lajme

Një marrëveshje e nënshkruar mbrëmë në orët e vona mes PDK-së me AAK-në e Nismën është shkelur menjëherë të mërkurën nga Kadri Veseli.

Kryetari i PDK-së, gjatë një vizite në Malishevë, ka lënë të hapur mundësinë që kjo parti të ketë kandidatë të saj për deputetë në Kuvendin e Kosovës, gjë që bije ndesh me marrëveshjen e nënshkruar për koalicion parazgjedhor.

Sipas marrëveshjes – ashtu siç e kanë sqaruar përfaqësues të Nismës – meqë Malisheva është bastion i PDK-së, PDK nuk do të nominonte asnjë kandidat për Kuvendin e Kosovës.

Por, Veseli tha sot se “këshilli drejtues dhe ju si degë vendosni qysh keni me kandidu në këtë komunë”.

“Sot e pata kënaqësinë ta vizitoj sërish Malishevën. U zotova para qytetarëve të Malishevës, para përkrahësve tanë, se ne do t’ia sjellim Malishevës Fillimin e Ri për një zhvillim të hovshëm dhe të gjithmbarshëm, veçanërisht në bujqësi dhe në prodhim”, ka shkruar Veseli në llogarinë e tij në Facebook pas kësaj vizite.

Nisma për Kosovën ka bastion Malishevën, nga ku vjen edhe kryetari i këtij subjekti, Fatmir Limaj. Së bashku me Jakup Krasniqin, ata kanë qenë zyrtarë të lartë të PDK-së para se të largoheshin për të krijuar partinë e tyre.

PDK-AAK-Nisma nënshkruan në minutat e fundit të ditës së martë një koalicion parazgjedhor, si kundërpërgjigje të një koalicioni tjetër të nënshkruar disa më herët në mes të LDK-së, AKR-së, dhe Alternativës.

Reklamë
Reklamë

Kadri Veseli dhe Kosova si ‘Zvicra e Ballkanit’

Periskopi.com Video
Reklamë
Reklamë

Kur LDK thoshte- Kadri Veseli s’është Jezusi as Muhamedi, s’mund ta prish koalicionin kur do ai

Periskopi.com Video
Reklamë
Reklamë

Kjo mund të jetë deklarata më patetike e Kadri Veselit…

Periskopi.com Video
Reklamë
Reklamë

Iu deshën 10 orë Kadri Veselit për të reaguar për sulmin ndaj Arbana Xharrës

Periskopi.com Lajme

Kreu i PDK-së, Kadri veseli i cili arriti që Arbana Xharrën ta anëtarësonte në PDK ka reagua për sulmin ndaj saj.

Që nga dita kur ajo aderoi në këtë parti u pa me të në teren, në fushatën e hershme që ai ka nisur, raporton periskopi

Por, iu deshën 10 orë për të reaguar për sulmin fizik ndaj saj.

Reagimi i Veselit:

Sulmi ndaj Arbana Xharrës është një akt barbar dhe i patolerueshëm.

Linçimi i vazhdueshëm i një gruaje dhe nëne, e cila ndër vite është shquar për veprimtarinë e saj të guximshme në të mirë të të gjithë shoqërisë sonë, është një sulm i radhës qyqar ndaj Arbanës, familjes së saj dhe demokracisë në vendin tonë.

Të gjithë duhet të jemi një, kundër së keqes, kundër cenimit të fjalës së lirë, të mendimit, shprehjes dhe orientimit politik.

Arbana edhe tani në angazhimin e saj në kuadër të Partisë Demokratike të Kosovës do të vazhdojë të japë më të mirën e saj për konsolidimin e demokracisë dhe për mirëqenien e të gjithë qytetarëve të vendit.

Sulmuesit duhet të sillen para drejtësisë, kurse Arbanës i uroj shërim të shpejtë.

Reklamë
Reklamë

Abdixhiku – Veselit: Zaptues, largimi yt është çlirim për vendin

Periskopi.com Lajme

Drejtori i “Riinvest”-it, Lumir Abdixhiku thotë se kalimi i Kadri Veselit nga nëntoka në mbitokë është zanat i vjetër por që po prezantohet si shpëtim.

Abdixhiku vlerëson se shpëtimin i qytetarëve do të ishte largimi i Veselit dhe të tjerëve si ai.

Reagimi i tij:

“Fillimi i ri” është risi veç për Kadrinë. Kalimi nga nëntoka në mbitokë – aty këtu me argat të rinj sa për kozmetikë. Një udhëtim i ri me zanat të vjetër po na prezantohet si shpëtim.

Për qytetarët, fillimi e shpëtimi do të thoshte largimi i të tillëve nga kapja përgjithmonë. Do të thoshte çlirim nga zaptuesit.

Dhe ka vetëm një rrugë për të bërë një gjë të tillë. Afrim i partive e individëve që e duan këtë vend në një front të përbashkët anti-SHIK. Secili dallim tjetër është i parëndësishëm përballë kapjes së SHIK-ut që po na vjen.

Reklamë
Reklamë

Veprimtari i njohur e quan “Tarzan” Kadri Veselin

Periskopi.com Lajme

Salih Kabashi që është një aktivist dhe ish i përndjekur politik shqiptar e quan Kadri Veselin ‘tarzan’.

Ai thotë se reagimi i Kadri Veselit pas kritikave që ia bëri Anton Quni, është i injorim i palejueshëm, i pahijshëm dhe më së shumti, siç e quan ai, joparlamentar, raporton periskopi

Sipas tij, mes tjerash, Veseli nuk është i denjë për postin e kryeparlamentarit dhe se udhëheqja e seancës nga ana e tij është skandal.

Lezojeni reagimin e Kbashit, që përveq tjerash është botues, gazetar, udhëpërshkrues e reporter:

TARZANIZMI i Kryeparlamentarit të Kosovës.

Lexoni ç’përgjigje i dha Kadri Veseli Anton Çunit në fund të diskutimit të tij në Kuvendin e Kosovës:

“Valla s’di a fole si profet a si hero, s’t’mora vesh kurgjo, megjithat’ ta vazhdojmë seancën e për të gjitha kto çka fole flasim kur të dush edhe si të duash.”

Analizë e replikës:

E para dhe thelbësorja, mungon formula e domosdoshme e falënderimit nga ana e ushëheqësit të seancës pas përfundimit të fjalës së deputetit.

Ky injorim është e palejueshëm, i pahijëshëm dhe sidomos joparlamentar.

Deputeti nuk foli as si profet, as si hero. Ai foli konkretisht, me emra e mbiemra, për veprime që ai i konsideronte të padenja e të pabesa.

Diskualifikimet, injorimi e shprehjehabia e Kryeparlamentarit flet vetëm për sikletin që atij i kishin shkaktuar akuzat e deputetit. Termat “profet”, “hero” në kontekstin konkret nuk janë kurrëfarë shprehjesh parlamentare dhe flasin për mungesë të tmerrshme të talentit retorik të shefit të Kuvendit.

Në fund të replikës, Kryeparlamentari tregon se nuk është i denjë për postin që mban.

Udhëheqja e seancës nga ana e tij është skandal i paparë.

Për ato që tha Anton Çuni në Parlament, po në Parlament duhet të diskutohet, e jo diku tjetër e jo “kur të duash e si të duash”.

Ky tarzanizëm Kadri Veselin e zhvesh nga kultura parlamentare dhe dëshmon se ai kundërshtarët e tij politikë i lufton me mjete jodemokratike dhe kërcënime kriminale. Natyrisht se kjo sjellje shton dyshimet në të kaluarën misterioze të tij pas lufte.

Reklamë
Reklamë

Isa Mustafa ia kthen Kadri Veselit: O i korruptuar s’më përballove dot

Periskopi.com Lajme

Ish-kryeministri i Kosovës, Isa Mustafa i është kundërpërgjigjur Kadri Veselit.

Ky i fundit që e rrëzoi qeverinë pjesë e së cilës është, ka filluar fushatën përmes një videoje dhe ka sulmuar Mustafën, e ky i fundit i është kundërpërgjigjur.

I thotë se ka qenë i vetëdijshëm se klientela e korruptuar e PDK-së nuk e përballon dot LDK-në.

Reagimi i tij:

Kjo qeveri ia vuri laurën krimit, korrupsionit dhe kapjes së shtetit. Kam qenë i vetëdijshëm se PDK dhe klientela e korruptuar nuk e përballon këtë. Kemi penguar degradimin e shtetit dhe do ta çlirojmë nga kthetrat e krimit! IM

Kadri Veseli fillon fushatën, sulmon Isa Mustafën në mënyrën më të keqe (Video)

Reklamë
Reklamë

Adriatik Kelmendi zbulon qëllimin e Kadri Veselit

Periskopi.com Lajme

Analisti Adriatik Kelmendi thotë se PDK-ja ka treguar fuqinë e saj dhe sipas tij, ajo vendos kur ka zgjedhje në Kosovë, kur të formohet Qeveria e edhe kur të bie.

Kelmendi thotë se kjo legjislaturë dhe koalicioni LDK-PDK-Lista Serbe që nga fillimi i ka ngjarë atij njeriut i cili kur zgjohet në mëngjes e urren vetveten e deri në mbrëmje – gjithë botën.

Ai tregon përse e rrëzoi Kadri Veseli qeverinë, në të cilën ishte edhe vet, transmeton periskopi

Postimi i tij i plotë:

TASH RRI SHTREMTË e fol drejt – PDK-ja edhe një herë i tregoi të gjitha partive të tjera se vetëm kur ajo do dhe si ajo do mund të bëhet qeveria dhe të bie qeveria.

Të kujtojmë, të gjitha partitë opozitare u bënë bashkë në VLAN për ta lënë PDK-në në opozitë dhe nuk ia dolën.

LVV, AAK e NISMA hodhën gaz lotësjellës e mollotovë, bojkotuan kuvendin, organizuan protesta me dhjetra mijëra qytetarë, mblodhën 205 mijë nënshkrime, por nuk ia dolën që ta rrëzonin qeverinë.

Qeveria ra kur vendosi që ta rrëzojë atë PDK-ja.

Pa votat e PDK-së, opozita nuk do të mund ta kalonte mocionin e votëbesimit.

Rrjedhimisht i bie që opozita e ndihmoi PDK-në që ta rrëzojë qeverinë dhe jo anasjelltas.

Në qoftë se do të ishte ndryshe, atëherë LVV, AAK dhe NISMA do të mund të organizonin mocione mosbesimi për qeverinë që në ditën e parë të punës së saj.

Në të njëjtën kohë, nuk po pretendoj që nuk është dashur të shkohet në zgjedhje të parakohshme. Kjo legjislaturë dhe koalicioni LDK-PDK-Lista Serbe që nga fillimi i ka ngjarë atij njeriut i cili kur zgjohet në mëngjes e urren vetveten e deri në mbrëmje – gjithë botën.

Kjo, pra, s’diskutohet.

Por, ajo për të cilën duhet vrarë mendjen liderët e opozitës, është motivi i PDK-së që pikërisht tash të dalë “në anën e tyre”.

MOTIVI I PDK-së është sa i thjeshtë ashtu edhe legjitim për një parti politike. Kadri Veseli nuk ka vendosur që ta rrëzojë qeverinë ku është vetë, për t’ia dhënë pushtetin opozitës. Veseli e rrëzoi qeverinë ku është vetë, për ta hequr nga posti Isa Mustafën dhe për t’u bërë vetë kryeministër.

Reklamë
Reklamë

Kadri Veseli fillon fushatën, sulmon Isa Mustafën në mënyrën më të keqe (Video)

Periskopi.com Lajme

Kadri Veseli menjëherë ka postuar një video, ku me të fillon zyrtarisht fushatën.

Më e madhja në këtë mes është se ai thotë se kjo Qeveri, me në krye Isa Mustafën, dhe sikur harron se vet ishte në bashkëqeverisje me të, sipas tij, nuk e ka dërguar vendin përpara me ritmin e duhur.

Veseli thotë se Kosova po ecë me hapa të ngadalshëm në rrugën evropian, raporton periskopi

Ai thotë se i ka dhënë mbështetje Mustafës por nuk ka funksionuar.

Dëgjojeni videon e tij që është një fillim fushate e hapur./ Periskopi

Reklamë
Reklamë

Shkëlqimi dhe rënia e koalicionit PDK-LDK

Periskopi.com Lajme

Zgjedhjet e qershorit të vitit 2014 nxorën fitues PDK-në si parti më e madhja në vend. Por për gjashtë muaj asnjë parti as që deshi të diskutojë për ndonjë koalicion të mundshëm me këtë parti.

Të bashkuar si opozitë e cila më vonë u quajt VLAN u munduan të formojnë Qeverinë e re me kryetar të Kuvendit Isa Mustafa dhe kryeministër Ramush Haradinaj.

Por këtë unitet e rrëzoi Gjykata Kushtetuese e cila nuk i dha të drejtën partisë së dytë për ta formuar Qeverinë.

Pasi që vendosi Gjykata Kushtetuese LDK u kthye nga PDK-ja duke ia kthyer shpinën partnerëve nga opozita.

Këtë askush nuk e kishte besuar përveç ish-deputetit të PDK-së Rrustem Mustafa, i cili për gjashtë muaj deklaroi se vendit i duhet koalicioni PDK-LDK.

Dhe kjo ndodhi, ku Isa Mustafa u votua me votat e deputetëve të PDK-së, LDK-së dhe Listës Serbe.

Me marrjen e postit të shefit të ekzekutivit, Mustafa u përball me protesta, fillimisht të nënave gjakovare që kërkuan shkarkimin e ministrit Aleksandër Jabllanoviq dhe me ato për Trepçën.

Mustafa më vonë u përball edhe me protesta dhe hedhje me vezë nga opozita dhe kundërshtime për Asociacionin dhe Demarkacionin.

Për disa muaj seancat u mbajtën nën erën e gazit lotsjellës dhe koktej Molotovit që përdornin partitë në opozitë.

Për krejt këto Mustafa kishte edhe përkrahjen e partnerit në koalicion deri më 26 shkurt kur u zgjodh president, ish-kryetari i PDK-së dhe zëvendësi i Mustafës Hashim Thaçi.

Presidenti u zgjodh në masa policore dhe me gaz lotsjellës. Por ishin deputetët e LDK-së ata që ia mundësuan Thaçit që ta marr postin e presidentit për një mandat pesë vjeçar.

Thaçi u rehatua në kolltukun e tij në Presidencë, ndërsa Mustafa sfidohej çdo ditë me pakënaqësi si nga opozita e po ashtu edhe me protesta të qytetarëve.

Sfidë më e madhe për Mustafën ishte edhe Demarkacioni me Malin e Zi, të cilin përveç opozitës u kundërshtua vazhdimisht edhe nga deputetë të LDK-së.

Ky proces ia vështirësoi punën Mustafës për çdo ditë duke nxitur kritika edhe nga partneri në koalicion Kadri Veseli.

Ai në shumë tubime ka thënë se kryeministrit të Mustafës i mungon guximi për të marrë vendime të mëdha për vendin.

Këta zëra kritik nga PDK u shtuan çdo ditë duke kërkuar rrëzimin e Qeverisë dhe shpalljen e zgjedhjeve të parakohshme.

Por Kadri Veseli nuk ndërmori asnjë hap për t’i thënë Mustafës për ndarje por ia la në dorë opozitës. Kjo e fundit inicoi një mocion mosbesimi i, i cili pas marrjes së nënshkrimeve të nevojshme u protokollua në Kuvend.

Seanca për mocionin e mosbesimit u caktua për sot ndërkaq kryeministri u aktivizua duke bërë përpjekje që të shtyjë jetën udhëheqjes së tij.

Ai kërkoi ndihmë edhe nga ambasadori amerikan Greg Delaëie që t’i bindë deputetët e tij që ta votojnë Demarkacionin me Malin e Zi.

E mërkura e 10 majit PDK u mbledh për të marr qëndrim nëse do ta votojnë mocionin e mosbesimit.

Ndonëse jo publikisht, u vendos që të ndahen me LDK-në. Madje në seancë deputetët e këtyre d partive shkëmbyen akuza të rënda ndaj njëri-tjetrit. Aty u përmend edhe e kaluara e individëve e sidomos e krerëve të PDK-së.

Duke parë këtë ndarja e tyre shihej se do të ndodhë. Dhe kjo ndodhi pikërisht në orën 14 e 26. Qeveria ra. Për rrëzimin e Qeverisë votuan 78 deputetë, 34 kundër ndërsa tre deputetë abstenuan.

Në bazë të kësaj koalicioni që shumëkush e ka quajtur “martesë e panatyrshme” i erdhi fundi.

 

Në bazë të rregullores së Kuvendit i mbetet presidentit të Kosovës që ta shpërndajë Kuvendin dhe t’i shpallë zgjedhjet e parakohshme.

Reklamë
Reklamë

E pabesueshme, ja si flet tani Arbana Xharra për Kadri Veselin

Periskopi.com Lajme

Tashmë anëtarja më e re në PDK, Arbana Xharra tregon përse hyri në PDK e jo në një parti tjetër.

Ajo thotë se zgjodhi PDK-në, ngas është partia më e madhe në vend dhe se Kadri Veseli i dha një sinjal se do ndryshoj.

“Kam pas punë të mirë dhe krejt në rregull, për 17 vite kam kritikuar të gjitha partitë. Kam me vazhdu me qenë kritike edhe brenda, po du me hy, me pru një frymë të re në politikë. Kanë fillu me ndryshu gjërat në PDK, me njerëz të ri dhe gjithçka tjetër”, ka thënë ajo.

Madje ka përmendur edhe ministra të PDK -së që sipas saj janë shumë të suksesshëm dhe jo të korruptuar.

Përmendi Blerand Stavilecin, Memli Krasniqin, Mimoza Ahmetajn dhe Dhurata Hoxhën. Thotë se ka marr vendim të futet brenda këtij grupi.

Në Klan Kosova ajo ka folur shumëçka, kur ia përmendën të korruptuarit dhe kriminelët tha që secili do të jep përgjegjësi personale.

“Unë nuk do të kem pengesë në rrugëtimin tim personal brenda kësaj partie”, ka thënë ajo.

Reklamë
Reklamë

Arbana Xharra e ndjente qysh moti pushtetin e Kadri Veselit

Periskopi.com Lajme

Tashmë është pjesë e PDK-së, por shkrimet e saj kundër kësaj partie, e veçanërisht kundër Kadri Veselit tek i cili shkoi nuk u ndalën asnjëherë.

Nuk ka fjalë e shkrim që nuk ka botuar kundër kësaj partie e këtij personi, e sot aderoi tek ta, madje dolën në një konferencë të përbashkët, ku u panë të qeshur dhe reflektonin lumturi, për aderimin e saj në këtë parti, raporton Periskopi

Por, ne vetëm një shkrim të saj mund të mësoni mendimin që ajo kishte dikur për Veselin.

Thoshte se të gjithë i frikësohen.

Shkrimi i saj i plotë i botuar para pesë vitesh:

“Pushteti i Kadri Veselit”

Arbana Xharra

Ai është i vetmi që nuk guxojnë ta zënë në gojë, ka pushtet të madh edhe pse zyrtarisht nuk ka asnjë pozitë brenda Partisë Demokratike të Kosovës(PDK). Është i vetmi emër që asnjë klan brenda kësaj partie nuk merret me të. Me prezencën e tij nën hije dhe paralajmërimet se në një të ardhme të afërt mund të vijë në politikë, deri me tash nuk është dalë ndonjë version zyrtar për angazhimin e tij në skenën politike.

Kadri Veseli, ish- shefi i Shërbimit Informativ të Kosovës (SHIK) është i vetmi kandidat potencial për t�ia zënë vendin në krye të Partisë Demokratike të Kosovës Hashim Thaçit. Këtë e thonë vetë zyrtarët e lartë të PDK-së por në heshtje. Të gjithë janë të vetëdijshëm, edhe brenda partisë e diskutojnë, por asnjëri nuk flet publikisht për të ardhmen e Veselit në krye të PDK-së dhe zëvendësimin e Thaçit nga ai.

Deri më tash Veseli ka mbajtur një qëndrim indiferent ndaj zhvillimeve politike, duke vrojtuar situatën nga larg me paralajmërime të kohëpaskohshme për prezencën e tij në politikë. Zhvillimet e fundit brenda PDK-së, akuza të ndërsjella nuk kanë përmendur Veselin në asnjë kombinim të mundshëm mes dy grupeve tashmë të ndara zyrtarisht brenda kësaj partije.

Deklaratën e fundit përmes korrierëve të tij, Veseli e ka dhënë duke bërë me dije se nuk është në favor të koalicionit të ngushtë PDK-AAK. Ai indirekt ka zgjedhur të thotë se do të përfshihet në PDK, vetëm nëse do të ndikonte në ndryshimet pozitive brenda partisë. Për të mos dalë vetë zyrtarisht me kritika ndaj PDK-së, ditë më parë njerëz të afërt me Veselin kanë thënë se ai konsideron se ndryshimet në PDK janë të domosdoshme duke aluduar në pakënaqësitë për zhvillimet dhe strukturat e saj.

Por deri më tash nuk ka dalë zyrtarisht me ndonjë kritikë ndaj PDK-së. Politika e tij indirekte sinjalizon inicime për ndryshime brenda PDK-së. Veseli është hierarkia e PDK-së ndonëse zyrtarisht e njohim të vetmin me pushtet brenda saj Thaçin. Duke e marrë parasysh të kaluarën e tij në krye të SHIK-ut, dhe batalionin e madh që ka pas vetës, militantët, strukturat dhe përfshirjen e tyre në sektorët më të rëndësishëm shtetërorë, Veseli do të jetë pasardhësi i vetëm i Thaçit.

Reklamë
Reklamë

Mësohet kur mbahet takimi urgjent i PDK-së

Periskopi.com Lajme

Këshilli Drejtues i Partisë Demokratike të Kosovës pritet që nesër nga orët e hershme të mëngjesit të mblidhet në Selinë Qendore të partisë. 

Indeksonline mëson se arsyeja e këtij takimi është seanca për rrëzimin e Qeverisë “Mustafa”.

“Po, në ora 8:00 këshilli drejtues i partisë do të mblidhet për të diskutuar rreth mocionit të “Nisma”-s”, thotë ky burim.

Ndryshe, seanca e nesërme parlamentare pritet të mbahet ora 10:00.

Reklamë
Reklamë