Aksident / ARKIV

Kaçanik: Aksident i rëndë në mes të trenit dhe betonierës

Në Runjevë të Kaçanikut ka ndodhur një aksident trafiku, ku treni ka goditur një betonierë – mikser të betonit.

Periskopi.com Lajme

Aksidenti, sipas dëshmitarëve, ka ndodhur rreth orëve të para të mbrëmjes këtë të premte.

Një shikues/lexues i Klan Kosovës i ka dërguar disa foto në redaksi ku shihet vendndodhja e aksidentit.

Nuk është raportuar për persona të lënduar në këtë aksident.

Kaçanik

Asambleisti i Kaçanikut thotë se shteti po i trajton shqiptarët si pakicë etnike

“28.11.2016 * Dita e Shqiptarëve”, - shkruhet në kalendarin e MASHT të RK për vitin shkollor 2016/17

Periskopi.com Lajme

Për këtë mbishkrim ka reaguar asambleisti i Komunës së Kaçanikut, Basri Kodra.

Shkrimi i tij i plotë:

Për 28 Nëntorin – Ditën e Flamurit, siç e quajmë ne që mbetëm jashtë, e Ditën e Pavarësisë, siç e quajnë ata që mbetën brenda!

Nuk e kuptova pse me fusnotë!? Kam filluar të kem frikë nga fusnotat.

Na e paskan rezervuar edhe neve një ditë, thash. Po na i njohin disa të drejta: njerëzore, kulturore, etnike; jo kombëtare.

Sikur duan të na pajtojnë: Ja merreni, thonë – edhe ju keni festën tuaj, siç kanë të gjitha komunitetet tjera, apo pakicat etnike, kuptohet me përjashtime gjithmonë. Në Kosovë të gjitha komunitetet janë ‘pakica etnike’, përveç serbëve të cilët janë pakicë kombëtare.

Dëshirojnë të tregohen formalisht ‘demokratikë’. Demokratikë dhe zemërgjerë, nëse mund të thuhet për ngrehat politike. Zemërgjerë dhe evropianë, desha të them, (pro)perëndimorë (jo lindorë).

Megjithatë, vetë 28 Nëntori, kjo Ditë e Madhe e kombit shqiptar, po ua prishë planet, si dhe ligjet, sundimtarëve gjithfarësh, edhe sot si dje./ Periskopi