Analizë: Elementi që u zhduk nga futbolli në 10 vitet e fundit dhe boom-i i golave

Periskopi.com Sporti

Pse përnjëherë po shënohen kaq shumë gola?

Të gjithë e mbajmë mend sezonin e parë të Mourinho-s në Real Madrid. Humbjen turpëruese 5 me 0 nga Barcelona. Tifozët madrilenë që të pakënaqur e fishkëllenin Mourinhon edhe kur ekipi i tij fitonte. Në atë vit, Mourinho aplikoi futboll mbrojtës – që është taktika me të cilën identifikohet. Mourinho pa atë mënyrë loje, nuk ekziston. Dhe vërtetë, Mourinho megjithëse formalisht ishte në Madrid, në dy vitet e tjera, ai ishte vetëm sa për sy e faqe. Sa për të motivuar ekipin. Sepse Real Madridi nuk kishte taktikë. Luante për të shënuar gola e për të argëtuar tifozët.

Njësoj edhe në Manchester United. Vitin e kaluar Mourinho u lejua të aplikonte futbollin e tij mbrojtës. Që rezultoi me fitoren e Europa League-s, por vetëm me vendin e gjashtë në Premier Ligë. E ky ishte qartë dështim pas gjithë atyre investimeve. Sivjet, përsëri Mourinho nuk ekziston. United po aplikon futboll sulmues ndaj ekipeve të vogla – dhe po fiton falë kualitetit të lartë të sulmuesve. Por në lojët e mëdha, megjithatë Mourinho po ngulmon të aplikojë taktikën e tij – e që rezultoi sërish jofrytdhënëse dhe e mërzitshme për tifozët e United [barazimi i palavdishëm me Liverpool dhe humbja ndaj Chelseat].

Në përgjithësi, ekipet e kanë ndryshuar mënyrën sesi luajnë futboll. Të gjitha sulmojnë, pa përjashtim. Ka gola më shumë se asnjëherë tjetër. Ndërkohë që, periudha e para 3-4 vitesh ishte shumë më shterpe dhe prodhonte kryesisht futboll të mërzitshëm. Sepse ky ishte futbolli përmes të cilit fitohej. Ta zëmë, kështu e fitoi Mourinho Ligën e Kampionëve me Interin dhe Porton. Kështu e fitoi Italia Kupën e Botës. Madje edhe Spanja [megjithëse, taktikë mbrojtëse këtu është posedimi i lartë i topit, që i mundësoi Spanjës të pësonte vetëm një gol në gjithë turneun e Kupës së Botës]. Kështu e fitoi Greqia kampionatin evropjan. Por në përgjithësi, në nivel kombëtaresh nuk ka ndonjë ndryshim sepse edhe Portugalia e fitoi vitin që shkoi Kampionatin Evropjan përmes po asaj taktike. Sidoqoftë, në nivel klubesh gjërat kanë ndryshuar.

Çfarë ka ndodhur? Popullariteti i futbollit është në rrezik. Kjo lojë po bëhet bajate nga përsëritja e përvitshme dhe gati e njëtrajtshme e garave kryesore. Përgjithësisht, i kemi të njëjtët kampionë dhe të njëjtët pretendentë. Gara është mbyllur. Në nëntë vitet e fundit, tetë herë pjesëmarrëse në finale të Ligës së Kampionëve ishin Barcelona dhe Real Madridi. Ndërkohë, pretendendë serioz zor se ishin më shumë se gjashtë. Ky përbën një dallim thelbësor me futbollin që luhej në vitet 90, ku gara ishte mosvet e hapur dhe ku hapësira që i lejohej befasisë, ekipeve befasuese, ishte shumë e madhe. Gjysma e ekipeve që merrnin pjesë në fazën e grupeve të Ligës së Kampionëve, kishin gjasa reale për të shkuar në majë. Crvena Zvezda ishte kampion. Poashtu edhe Marseja. Pastaj e kishim edhe Valencian dy herë rresht finaliste. Por tashmë, ekipet e këtij niveli as që mund të ëndrrojnë për një gjë të tillë. Shkaku? Diferenca e madhe financiare.

Sot, kampioni i Ligës ose Ligës së Kampionëve ose edhe pretendët kryesor bëhen të ditur që në verë – përmes transferimeve që bëjnë. Dhe në këtë aspekt, ekipet humbëse i thellojnë humbjet vit pas viti. Sepse ekipet fituese i rrisin në vazhdimësi fitoret.

Kjo ka bërë që futbolli të jetë në dorën e një grusht njerëzish – pronarë të klubeve kryesore evropjane. Këta pronarë nuk kërkojnë me ngulm titujt, por atë që është më e nevojshme për t’i rritur profitet e tyre: spektaklin dhe golat. Arsenali, që shquhet për lojë të bukur, i ka biletat më të shtrenjëta në evropë, pavarësisht që ka fituar vetëm kupën FA në katër vitet e fundit – dhe asnjëherë Ligën e Kampionëve.

Nuk kërkohet më fitorja – në stilin e Mourinhos – por loja në stilin e Wengerit e të Cruyffit. Dhe nëse Wenger nuk kishte mundësitë financiare që me Arsenalin e tij të konkuronte Real Madridin, Barçën, Bayernin, Parisin e dy Manchesterët – këta pronarë i kanë këto mundësi.

Por, Wengeri e sillte lojën e bukur sidoqoftë, me anë të futbollistëve jo-aq-kulmor teknikisht. Këta pronarë po e ofrojnë futbollin e bukur përmes ngushtimit të konceptit të garës, dhe duke e marrë të gatshme punën që bëhet me të rinj në klube gjithandej evropës. Kjo ka bërë që futbolli real t’i përngjajë gjithnjë e më shumë atij virtual, Playstation psh, ku çdo aksion e çdo gol, është i disa stileve të përcaktuara qysh më parë nga teknikët e lojës – dhe ku humb ndjesia e asaj që është spontane e reale.

Futbolli i Wengerit nuk ishte thjesht i bukur. Ai kishte një dimension që këto ekipe të mëdha, e kanë të pamundur ta ofrojnë: spontanitetin. Golat që kemi parë në vitet 90, ose edhe në pesë vitet e parë të 2000-ave, mund të kenë qenë teknikisht më të parealizuar – por ishin shumë më të bukur pikërisht shkaku i skemave të pamenduara e të krijuara atypëraty. Pra, si shkak i spontanitetit.

A do ta humbë futbolli popullaritetin? Padyshim që po. Biles, ky ndryshim i përnjëhershëm në taktika, është një simptomë e qartë e kësaj gjëje. Nëse gjërat vijojnë të jenë kaq të përcaktuara jashtë fushe e në fushë, atëherë audienca globale do të bëhet gjithnjë e më e ftohtë ndaj sportit më popullor në botë. PERISKOPI

Mourinho: Martial nuk duhet të dëgjojë agjentin e tij

Jose Mourinho thotë se Anthony Martial nuk duhet t'a dëgjojë agjentin e tij lidhur me të ardhmen e tij.

Periskopi.com Sporti

Shkaku i minutazhës së ulët, shumë herë Martial është lidhur me një largim nga ”Old Trafford”, megjithatë Mourinho e ka paralajmëruar sulmuesin francez.

”Martial ka luajtur, ka krijuar raste, ka shënuar dhe ka sfiduar. Mendoj që ai ishte shumë pozitiv dje”.

”Unë e di se Martial është top talent. Por, ai duhet të më dëgjojë mua dhe jo agjentin e tij për çdo gjë”, tha Mourinho për mediat britanike.

Wenger shpërthen ndaj trajnerëve rivalë

Arsene Wenger shpërthen në fund të vitit duke deklaruar se Pep Guardiola, Jurgen Klopp, Jose Mourinho dhe Antonio Conte deri tani kanë qenë zhgënjyes në çdo aspekt.

Periskopi.com Sporti

Trajneri i Arsenalit në fillim të sezonit kishte deklaruar se ishte i entuziazmuar nga fakti se do të përballej me disa prej trajnerëve më të mirë në botë. Por sipas tij, asnjë prej tyre nuk ka arritur të prodhojë ndeshjet e paharrueshme për kampionatin anglez.

“Jemi në mes të një kampionati ku konkurrojnë trajnerët më të mirë në botë dhe ka qenë zhgënjyes në çdo këndvështrim të mundshëm. Mendohej se do të ishte një vit i jashtëzakonshëm, por nuk kemi arritur të prodhojmë ndeshjet për të cilat njihet futbolli anglez.

Një sezon në Angli shquhet gjithmonë për 2-3 ndeshje të shkëlqyera, që janë absolutisht spektakolare dhe deri tani ne nuk kemi dhuruar asnjë të tillë”, tha tekniku francez i “topçinjve”.

Mourinho: Pogba është mesfushori më i mirë në botë

Trajneri i Manchester United, Jose Mourinho, ka thurur elozhe për mesfushorin francez, Paul Pogba së është më i miri në botë në pozitën ku luan.

Periskopi.com Sporti

Mancheshter United rikthen mesfushorin në OldTrafford për një shumë rekorde të paguar në drejtim të Juventusit.

Mourinho beson se Pogba mund ta fitojë ‘Topin e Artë’ në të ardhmen, nëse Topi i Artë nuk vlerësohet vetëm nga golat e shënuar, atëherë Pogba do ta fitojë atë.

pogba-rooney
Paul Pogba, Manchester United

 

“Njerëzit duhet të ndryshojnë mënyrën se si ata e shohin Topin e Artë, dhe për momentin, nëse nuk jeni golashënues, ju nuk mund ta fitoni atë. Nëse ky perceptim ndryshon, Pogba mund të triumfojë, dhe sipas mendimit tim, ai është mesfushori më i mirë në botë”, ka thënë Mourinho për SFR Sport.

Mourinho: Do e pranoj ofertën e Manchester United

Trajneri i Manchester Unitedit, Jose Mourinho, është shprehur se nuk do të hezitonte për të nënshkruar kontratë e re me klubin anglez.

Periskopi.com Sporti

Jose Mourinho erdhi në korrik të këtij viti në krye të pozitës së trajnerit në OldTrafford.

Siç u raportua sot nga redaksia jonë se United është i vendosur t’i ofrojë kontratë të re edhe pse forma e skuadrës nuk ka qenë ajo që është pritur.

“Ata e dinë se po e shijoj çdo minutë, punën time në Manchester United dhe e dinë që një ditë nëse më ofrojnë kontratë të re, do ta nënshkruaj, nuk më duhen as këshilltarët, do të nënshkruaja sepse e dua këtë punë”, ka thënë Mourinho për “SkySports”, transmeton Periskopi.com.

‘Djajët e Kuq’ aktualisht gjinden në pozitën e gjashtë në Premier Ligë me 30 pikë. /Periskopi/

Mourinho: Rooney nuk ishte i zemëruar me mua (Video)

Menaxheri i Manchester Unitedit, Jose Mourinho thotë se Wayne Rooney nuk ishte zemëruar me të, por me gjyqtarin kryesor të ndeshjes.

Periskopi.com Sporti

Djajtë e Kuq triumfuan kundër Crystal Palace me rezultat 2:1, ku reprezentuesi anglez është zëvendësuar në minutën e 80-të kur rezultati ishte 1:1.

Kapiteni i United ishte dukshëm i zemëruar në stol, por Mourinho tha se  nuk ishte i zemëruar në lidhje me ndërrimin, por ishte i hidhëruar në gjyqtarin pasi nuk i kishte gjykuar një faull në dobi të sulmuesit, transmeton Telegrafi.

“Ai ishte i zemëruar për shkak të faullit të pagjykuar. Ai u ankua te gjyqtari kryesor, por edhe te i katërti”, ka thënë Mourinho.

Vlen të theksohet se pas kësaj fitore, United zë vendin e gjashti në renditjen tabelore të Ligës Premier me 27 pikë.

Mourinho rikthen ish sulmuesin e Manchester United

Jose Mourinho ka pranuar që sulmuesi bullgar të stërvitet me Manchester United, deri sa ai të gjejë një ekip.

Periskopi.com Sporti

Po flitet për një rikthim senzacional të Dimitar Berbatovit te “Djajtë e Kuq”, raporton Sportal.bg, përcjell Periskopi.

Bullgari i cili së fundmi ishte pjesë e PAOK, klubit grek, tani është lojtar i lirë dhe Jose Mourinho e ka lejuar që të stërvitet me skuadrën e parë të United.

35 vjeçari kishte shënuar 56 gola gjatë katër viteve sa ishte pjesë e Manchester United. /Periskopi/

Mourinho: Merituam fitoren

Trajneri portugez i Manchester United, Jose Mourinho është shprehur pas ndeshjes me Crystal Palace se ekipi i tij meritojë fitoren.

Periskopi.com Sporti

Manchester United ka mposhtur skuadrën londineze si msyafir me rezultat 1 me 2. Kjo ishte edhe fitorja e dytë radhazi e ‘djajëve të kuq’ në Premier Ligë pas shumë kohësh.

”Ne ishim skuadra më e mirë. E merituam fitoren sepse e kishim kontrollin e lojës. Në 20 minutat e fundit ishim super dominues”, tha Mourinho.

”Nuk do ta diskutoj ndërhyrjen e Danny Rose. Nuk do ta diskutoj ndërhyrjen e David Luiz dhe as ndërhyrjen e Marcos Rojo”, u shpreh Mourinho pas ndeshjes.

Kujtojmë që ”Djajtë e Kuq” janë të pamposhtur në 9 ndeshjet e fundit në të gjitha garat, ecuri kjo më e gjata pa humbje prej ardhjes së Jose Mourinhos në klub.

Mourinho: Lojtarët e mi mund të transferohen te rivalët

Trajneri i Manchester United, Jose Mourinho, ka deklaruar se është gjithmon i hapur me lojtarët e tij.

Periskopi.com Sporti

Jemi shumë afër afatit kalimtar të janarit dhe janë shtuar zërat për largimin e lojtarëve nga skuadra e portugezit. Lojtarët që janë përmendur për një largim të mundshëm nga OldTrafford, si Memphis Depay, Morgan Schneiderlin e Matteo Darmian.

“Gjithmonë kam qenë i hapur për ofertat. Më shumë se ofertat, unë jam gati të dëgjojë lojtarët”, ka thënë Mourinho.

“Shumë lojtarë kanë trokitur në derën time që nuk kanë qenë të lumtur dhe kanë kërkuar largimin, kur ishte oferta e duhur. Unë kurrë nuk bllokojë largimin edhe nëse është te rivalët”.

Sonte Manchester United do të përballet me Crystal Palace në kuadër të Premier Ligës. /Periskopi/

Mourinho: Nuk jam më i miri në botë

Trajneri i Manchester United, Jose Mourinho, ka refuzuar të pranojë se është trajneri më i miri në botë

Periskopi.com Sporti

Trajneri i Zoryas, Yuriy Vernydub, e kishte vlerësuar Mourinhon si trajnerin më të mirë në botë, para ndeshjes së sotme në Ligën e Evropës.

“Është shumë mirë ta thuash këtë, por nuk mendoj që është e drejtë. Trajneri më i mirë në botë nuk eksiton”.

“Çdo sezon dikush duhet ta fitojë ‘Topin e Artë’, por nuk mendoj se zgjidhet më i miri”.

“Mund të thuash më i miri i vitit dhe me këtë do të isha i pajtimit pasi atë vit ke arritur rezultatet të rëndësishme”.

“Ai është treguar vetëm i mirë që ka thënë ashtu, asgjë më shumë. Të mësojë nga unë? Ai mund të mësoj nga unë njëjtë sa unë mësojë nga ai”, ka thënë Mournho.

Anulohet ndeshja Zorya-Manchester United? (Foto)

Zorya Luhanski dhe Manchester United do të takohen nesër mbrëma për të zhvilluar ndeshjen në kuadër të Europa Ligës.

Periskopi.com Sporti

Sipas gazetës së përditshme angleze Telegraph ndeshja mund të anulohet shkaku i gjendjes së dobtë të fushës së skuadrës vendase, transmeton Periskopi.com.

general-view-of-the-pitch-during-training

Për gjendjen e fushës është ankuar edhe trajneri i Manchester United, Jose Mourinho në konferencën për shtyp të mbajtur sot.

manchester-united-jose-mourinho-
Jose Mourinho, gjatë konferencës për shtyp

Temperatura besohet se do të jetë minus 7 dhe zyrtarët e UEFA-s janë duke punuar dhe inspektuar se a do të jetë në gjendje fusha për t’u zhvilluar takimi.

general-view-of-manchester-uniteds-ashley-youngs-boots-during-training

Takimi do të zhvillohet nga ora 18:00 por sipas të gjitha gjasave do të shtyhet pasi që fusha është e ngrirë. /Periskopi/

Mourinho: Duam të fitojmë titullin

Trajneri i Manchester Unitedit, Jose Mourinho, ka deklaruar se Manchester United e mendon seriozisht Europa Ligën dhe dëshiron ta fitojë.

Periskopi.com Sporti

‘Djajët e kuq’ do të përballen neser me Zorya Luhanskin në kuadër të Europa Ligës, ku  skuadrës së Mourinhos i duhet vetëm një pikë për t’u kualifikuar në 32 ekipet më të mira.

Mourinho ka treguar edhe arsyejen se pse ka lënë jashtë disa lojtar dhe poashtu është ankuar edhe në gjendjen e fushës, e cila besohet se është shumë rrëshitshme nga të ftoftit.

“Ndeshja e parë ishte e vështirë për ne, por edhe për Zoryan. Mendoj se nesër do të jetë njëjtë. Vështirë për të dy anët, por e dimë se jemi para një ndeshje vendimtare për ne. Nëse humbin mund të jemi jashtë, dhe nuk duam. Duam të fitojmë titullin”, ka thënë portugezi.

“Lojtarët që nuk i kam thirrur e kam bërë për t’i mbrojtur, pasi gjendja e fushës është shumë e rëndë dhe e rrëshitshme, nuk dua të kem lëndime të reja në skuadër”

Zorya-Manchester United do të zhvillohet nesër mbrëma. /Periskopi/

Ky është futbollisti i cili i tregon Mourinho se çka duhet të bëjë për të mos dështuar

Mats Hummels beson se Manchester United do të arrijë rezultate më të mira nëse Henrikh Mkhitaryan luan më shpesh në formacionin e Jose Mourinhos.

Periskopi.com Sporti

Ish ylli i Borussia Dortmundit ka qenë më shpesh në bankën e rezervistëve se sa në fushën e lojës për “Red Devils”.

Por, mbrojtësi i Bayern Munichut beson se Mkhitaryan ka kualitete të padiskutueshme të cilat duhet t’i sheh Mourinho.

“Nëse e lini të luajë, do ta shihni sa i mirë është. Jam 100 për qind i sigurt”, deklaroi Hummels për “Daily Mail”, përcjell “Lajmi.net”.

“Ai është një prej futbollistëve më të mirë me të cilët kam luajtur. Por, nëse nuk luani, nuk mund të shkëlqeni. Është e lehtë, shumë e lehtë”, u shpreh ai.

Pas yjeve si Messi e Sanchez edhe Mourinho akuzohet për evazion fiskal

Gjatë kësaj jave është përfshirë edhe emri i Jose Mourinhos në skandalin e evazionit fiskal.

Periskopi.com Sporti

Sipas ‘Mundo Deportivo’  Jose Mourinho ka bërë evasion fiskal gjatë kohës sa ishte trajner i Real Madridit.

Trajneri portugez ka dërguar parat e tij në Ishujt Virgjin të Britanisë, këtë informacione vijnë pas raportimeve se ai ka përdorur bashkëshorten e tij si mbulesë, pasi e ka shfrytëzuar emrin e saj për t’i dërguar parat në Zelandën e Re.

Mourinho është argëtues në stervitje

Mesfushori i Man United, Marouane Fellaini thotë se stërvitjet janë më argëtuese me Jose Mourinhon se sa me Louis van Gaal.

Periskopi.com Sporti

Mesfushori belg edhe nën drejtimin e Van Gaal kishte minutazh por jo sikur në këtë sezon nën drejtimin e portugezit Jose Mourinho.

”Van Gaal është strik, Mourinho është strikt, por jo si Van Gaal”.

”Është më argëtuese me Mourinhon, stërvitja ndryshon gjatë gjithë kohës. Nuk është rutinë”, theksoi Fellaini. /Periskopi/

Mourinho dorëzohet për titullin, ia hedh fajin Van Gaalit

Barazimi i fundit në kampionat ndaj West Ham duket se ka shuar shpresat e United për të qenë në garë për titullinkampion.

Periskopi.com Sporti

Jose Mourinho e pranon tashmë se skuadra e tij thuajse nuk ka asnjë shans, teksa ka gjetur dhe fajtorin për dështimin e këtij sezon.

“Ndonjëherë, kur një trajner merr përsipër një klub të ri, dallimet në çasjen e mentalitetit janë të rëndësishme. Në këtë rast të gjitha gjërat kanë nevojë për një kontakt, qoftë edhe pak, vetëm një gjurmë gishtash dhe trajneri i ri mund të marrë më shumë nga skuadra.

Ne ndoshta mund të merrnim rezultate më të mira, në qoftë se nuk ishin duke u përpjekur për të shkuar në një drejtim të kundërt”, tha ndër të tjera Mourinho që sulmoi në mëyrë indirekte Van Gaalin.

Conte godet Mourinhon: Këtë yll nuk është dashur ta largosh nga Chelsea

Trajneri i Chelseat, Antonio Conte ka folur rreth të kaluarës së Kevin de Bruyne te Chelsea.

Periskopi.com Sporti

Italiani thotë se është për keqardhje pse ai sot luan në tjetër ekip dhe jot ë Chelsea, duke kritikuar kështu indirekt Jose Mourinhon, i cili në atë kohë drejtonte të kaltërit nga Londra.

“De Bruyne ka luajtur në Chelsea dhe vërtetë është një lojtar i madh”, deklaroi Conte.

“Është keqardhje e madhe pasi ai sot luan për tjetër ekip. Ai është një lojtar fantastik për Manchester Cityn. I uroj gjitha të mirat atij, pas përballjes me ne”, shtoi italiani. /Periskopi.com

Mourinho flet për trajnerin e Chapecoense (Video)

Bota e futbollit ka mbetur e shokuar me aksidentin që skuadra e Chapecoenses e pësoi në fillim të kësaj jave.

Periskopi.com Sporti

Shumica e lojtarëve e humbën jetën pas rrëzimit të aeroplanit ku ishin duke udhëtuar drejt Kolumbisë për tu takuar me skuadrën Atletico Nacional.

Edhe trajneri i tyre Caio Junior, ka humbur jetën në këtë aksident.

Trajneri Jose Mourinho, ka folur pas ndeshjen me West Hamin (4-1) ku ka kujtuar trajnerin brazilian.

Braziliani ka luajtur një pjesë të madhe të karrierës në Portugali ku e kanë  pëlqyer shumë si lojtar.

Mourinho tha se është i shokuar nga vdekja e tij dhe lojtarëve duke i ngushëlluar familjet.

Zyrtare: Mourinho dënohet nga FA

Trajneri portugez i Manchester United, Jose Mourinho, ka marrë suspendim prej një ndeshje mos paraqitje.

Periskopi.com Sporti

Jose Mourinho, është dënuar me një ndeshje mosparaqitje dhe gjobë prej 16 mijë funtesh pasi u ndëshkua nga gjyqtari në barazimin 1 me 1 me Ëest Hamin të dielën.

Ai do të mungojë sonte në ndeshjen mes dy klubeve në kuadër të çerekfinales në EFL Cup.

Ai ishte përjashtuar nga gjyqtari Jon Moss pasi kishte goditur shishen e tij të ujit në shenjë frustrimi pas vendimit të gjyqtarit për ndëshkim me karton të verdhë të Paul Pogbas. /Periskopi/

‘Mourinho dëshiron të shkarkohet nga United’

Ish-futbollisti anglez, Tony Gale ka dhënë një deklaratë shumë interesante në lidhje me trajnerin e Manchester United, Jose Mourinho.

Periskopi.com Sporti

Ai thotë se portugezi disi dëshiron të shkarkohet nga pozita e trajnerit te gjigandi nga Old Trafford.

“Ai duhet si një njeri që përpiqet për t’u shkarkuar”, tha Gale.

“Ai nuk ka marrë një shtëpi në Manchester. Ai duket se vetëm po kërkon të largohet”.

“Kjo ndodh zakonisht në dy ose tre vjet me Mourinhon, por tani kanë kaluar vetëm dy ose tre muaj dhe unë nuk mund ta kuptoj se çka po ndodh”, përfundoi ai. /Periskopi.com