Befason Jakup Krasniqi, ka një propozim se kush duhet ta formojë qeverinë e re

Periskopi.com Lajme

Jakup Krasniqi që për shumë vite ishte kryetar i Kuvendit të Kosovës ka një propozim.

AI nuk zgjodhi të ishte kandidat për deputet por thotë se Kushtetuta e Kosovë s e sidomos vendimi i vitit 2014 i Gjykatës Kushtetuese, ka sqaruar shumëçka dhe nuk ka lënë shumë zgjidhje.

Krasniqi sugjerim ka një Qeveri gjithëpërfshirëse edhe pse thotë se është vështirë të bëhet.

Lexoni arsyet e tij për gjithqka:

Vendimet e mëdha nuk i marrin njerëzit e vegjël!

Kushdo që ka përcjellë zhvillimet politike, sidomos nga viti 2014 duhet ta ketë më shumë se të qartë se kush mund ta bëjë Qeverinë në Kosovë. Kushtetuta e sidomos Vendimi i vitit 2014 i Gjykatës Kushtetuese, ka sqaruar shumëçka dhe nuk ka lënë shumë zgjidhje, ketë duhet të kuptojnë se paku çdo politikanë apo kandidatët për Kryeministër që u nominuan nga partitë a koalicionet parazgjedhore në zgjedhjet e 11 qershorit 2017. Kush nuk e ka kuptuar ketë, nuk ka kuptuar asgjë.

Në situata të tilla të mbarsura më shumë egoizëm e armiqësi politike, zgjidhja e problemit nuk është të uni, por te ti-ja. Uni e ka kuptimin e plotë vetëm aty ku shkalla e rrezikshmërisë është e madhe dhe kërkohet integritet i lartë njerëzor (kujtoni flijimin e Jasharëve në krye me Adem Legjendarin, kthesën që bëri ai flijim dhe askush tjetër). Pra, në momente të mëdha kthese, kërkohet urtia e zemërgjerësia e madhe në vendimmarrje. Kujtoni të djeshmen kur kërkohej flijimi, sot nuk po kërkohet Flijimi i Madh, po, po kërkohet një Vendim i Madh për kombin e shtetin.

Në një situatë si kjo e jona, sygjerimi im do të ishte: Një Qeveri gjithëpërfshirëse, ku do të merrnin pjesë të gjitha partitë politike sipas fuqive politike që kanë marr nga qytetarët e Republikës, por edhe kjo është goxha e pa mundur në ketë ambient e kulturë politike që karakterizohet nga kundërthënie të shumta deri në pa durueshmëria ekstreme. Krejt çështja është: si ta mundim ketë animizitet e pa durueshmëri ekstreme në politikën tonë?! Interesi politik është që gjithsecili ta mund vetveten dhe brezave t’ua lemë një kulturë politike për lakmi, ashtu siç na e lan trimat e motit flijimin për liri. Liderët tanë a e kanë ketë kurajo politike?

Pse po e kërkoj ketë?

Janë disa çështje të mëdha politike që kërkojnë më shumë sesa një qeverisje të thjeshtë prej 61 numrave. Pra janë disa çështje që kërkojnë një konsensus nacional në mes të gjitha partive politike shqiptare e minoritare, siç janë: Përfundimi i demarkacionit me Malin e Zi; Riformatizimi i Bisedimeve me Serbinë me ndërmjetësimin e Brukselit; Përmbyllja e shtetndërtimit; Zyrtarizimi i Ushtrisë, Reformimi i Sistemit të Drejtësisë; krijimi i politikave të qarta zhvillimore dhe reforma të tjera në fushën e investimeve, të administratës publike, në arsim e shëndetësi etj. Të gjitha këto çështje janë ekskluzivisht të ekzekutivit e të askujt tjetër.

Nëse këto reforma të interesit nacional do të kryheshin brenda dy, tri a katër viteve me një konsensus të gjerë nacional dhe pasi të përfundohej një Reformë e duhur Zgjedhore, do të mund të shkohej në zgjedhje të reja. Mbase, edhe do të krijoheshin dy blloqe të mëdha ideologjike në politikën tonë. Natyrisht për t’u arritur këto gjera tepër të rëndësishme, duhet të ketë vullnet politik, përgjegjësi politike, dashuri për kombin e shtetin dhe mendim politik të shkollës se Rilindësve! Rilindësve që na lan kombin dhe të qenurit evropian. Vendit e kombit i duhen Rilindës të kohës!

Koalicionin gjithëpërfshirës është domosdoshmëri për qeverisjen e vendit për arsyet që i përmenda më lartë. Kandidatet për Kryeministra duhet ta dinë se interesat nacionale kurdoherë janë mbi interesa e dëshira individuale. Madje ata duhet ta dinë se në Kosovë ka personalitete që dinë e donë të qeverisin më mirë sesa këta që po pretendojnë, por përgjegjësia momentalisht bie mbi këta që i kemi! Vendimi i peshuar mirë edhe i këtyre kandidatëve do të ishte sa i pranueshëm aq edhe i mundshëm, por vetëm kërkohet pak vullnet pozitiv politik për kthesën e duhur politike, të cilën po e kërkon vendi e kombi. Nga vendimi i këtyre njerëzve varet e ardhmja e vendit.

Andaj kërkoj nga partitë politike shqiptare që kanë marrë mbështetje qytetare në zgjedhjet e 11 qershorit 2017, të marrin pozicionin politik që i duhet shtetit e kombit e jo ambicieve politike të individëve a grupeve të ngushta politike a parapolitike. Kujtoni: këtu ku jemi e kështu si jemi që sa vite, jemi si rezultat i egove të sëmura te individit. Nuk mendoj se vendi mund të udhëhiqet nga egot e sëmura të akëcilit njeri.

Një gjë dihet: Vendimet e Mëdha nuk i marrin njerëzit e vegjël!

  1. S.

Mendimi i shfaqur në ketë opinion është kryekreje autorial. Kjo është bindja ime politike dhe bindjet e mija nuk frikësohem që t’i bëjë publike në kohën e duhur.

Reklamë
Reklamë

Krasniqi preferonte koalicion me Vetëvendosjen, tash nuk është as kandidat

Periskopi.com Lajme

Jakup Krasniqi, kryetar i Këshillit Kombëtar të NISMA për Kosovën, gjatë një interviste për gazetën Zëri ka deklaruar se për të më i logjikshëm do të ishte koalicioni parazgjedhor me Vetëvendosjen sesa me PDK-në, por sqaron se një bashkëpunim i tillë nuk është varur nga ai.

“Për mua do të ishte më i logjikshëm koalicioni parazgjedhor me lëvizjen Vetëvendosje, por kjo nuk është varur nga unë. Ky koalicion kishte mundësi që të bëhej, por pati veprime politike për grabitje të anëtarëve brenda opozitës dhe kjo prishi shumë punë”, ka sqaruar Krasniqi.

Ish-kryeparlamentari i Kosovës ka deklaruar se bashkë me Fatmir Limajn e braktisën vite më parë PDK-në, pasi që, siç thotë ai, kishin probleme me keqqeverisjen e Hashim Thaçit, në atë kohë kryeministër i vendit, e jo me partinë dhe anëtarësinë e saj.

Ai ka folur edhe për përgjimet telefonike të aferës “Pronto”, ku Krasniqi dhe Limaj fyheshin rëndë nga drejtues të PDK-së dhe thotë se vesi i veprimeve të prapashpinës veç sa është perfeksionuar.

Reklamë
Reklamë

Vazhdojnë sakrifikimet, i radhës është Jakup Krasniqi

Periskopi.com Lajme

Ish-kryetari i Kuvendit, Jakup Krasniqi nuk do të jetë pjesë e garës për deputet të Kosovës.

Zyrtari i lartë i Nismës, nuk dihet si e mori vendimin por dihet se nuk do i hyj garës, raporton periskopi

Ish kryetari i Kuvendit, pati dorëzuar mandatin e tij si deputetë në fillim të legjislaturës se kaluar. Vendin e tij e kishte zënë deputeti Enver Hoti.

Krasniqi për dy mandate ka drejtuar Kuvendin e Kosovës.

Nisma për Kosovën në zgjedhjet e 11 qershorit do të konkurroj në koalicion parazgjedhor me AAK dhe PDK.

Reklamë
Reklamë

Krasniqi i kërkon llogari Isa Mustafës për “3 përqindëshin”, por s’thotë asgjë për “Vendlindja thërret”

Periskopi.com Lajme

Kryetari i Këshillit Kombëtar të NISMA për Kosovën, Jakup Krasniqi ka akuzuar LDK-në pas deklaratave të Ministrit Hoti se demarkacioni po procedohet pas konsultave me Amerikën dhe se ky subjekt është partneri me kredibil i SHBA-së.

Pas kësaj, Krasniqi ka marrë një reagim nga Bajram Gecaj i cili e ka quajtur rrahagjokës dhe “bira e fundit e kavallit në politikë”.

Krasniqi i është përgjigjur sot Gecajt duke e quajtur “jesmen” ndërkohë që nga Mustafa ka kërkuar llogari për punët që ka drejtuar sa ka qenë Ministër në Ekzil.

 

Shkrimi i plotë i Jakup Krasniqit:

A ËSHTË MOCIONI KËRKESË DEMOKRATIKE PËR QEVERITARËT TANË?

Mocioni është kërkesëdhe mjet demokratik në të gjitha vendet që shquhen me demokraci të konsoliduar, të cilin mund ta përdorë opozita, sa herë që ajo mendon se vendi po qeveriset keq e zgjidhja e së keqes janë zgjedhjet. Edhe pozita e ka të drejtën t’i përgjigjet me mjete demokratike, me kulturë e edukatë njerëzore kërkesës së ligjshme parashtruesve të mocionit të mosbesimit, duke ofruar fakte e dëshmi që tregojnë të kundërtën. Mënyra, e sidomos gjuha e komunikimit, që përdor Kryeministri dhe jesmenët e tij është gjuhë rrugaçësh, thënë më but sa s’ka më. Secili qytetar e ka mundësinë që ta bëjë krahasimin mes gjuhës argumentuese të mocionkërkuesve dhe mocionkundërshtuesve! Në vend se gjuha e Kryeministrit dhe e jesmenëve të tij të ishte gjuhë pacifiste, siç e kishin në kohën që nuk duhet ta kishin, ata po përdorin një gjuhë të ndyrë e shoviniste ndaj kundërshtarëve politikë. Nejse, ky vend e ka përjetuar goxha shpesh gjuhën shoviniste, ndërsa këta që po e përdorin po atë gjuhë, së cilës jo pak herë i kanë shërbyer verbërisht, madje deri në përkuljeprej skllavi.

Politikanet shqiptarë duhet ta kuptojnë se demokracia si proces kërkon një gjuhë tjetër komunikimi. Kërkon gjuhën e komunikimit të Nënës e jo të “Babës”! Gjuha e Nënës është gjuha kombëtare e edukimit, është gjuha e kulturës dhe e arsimit, është gjuha e argumentit. Ndërsa gjuha e “Babës” është gjuhë e sundimtarëve të egër, që ne e njohim si gjuhë të “Babës Davlet”, të “Baba Musës” e të “Babës Hetë” e më vonë të “Babës Titë”! Këtë të fundit disa e kanë për nostalgji ndaj sundimtarëve të djeshëm, që nuk ju prish shumë punë po t’i kanë edhe të sotëm!

Në parantezë, a nuk i dëshmojnë lëshimet e pafalshme palës serbe në bisedimet e Brukselit, demarkacioni, Zajednica e çfarë jo tjetër?

Konsideroj se vetë mënyra sesi qeveritarët po e kundërshtojnë mocionin e mosbesimit, si vendorët e po ashtu edhe jovendorët, duhet ta kuptojnë se kjo qeveri duhet të bie e vendi duhet të shkojë në zgjedhje të parakohshme. Është mbase normale që njeriu të mos dijë të qeverisë, pasi të qeverisurit është kulturë e traditë (jo e traditës alla Baba-Titë!), është përkushtim e dashuri për t’i shërbyer publikut, por të mos dish të komunikosh si njeri, është turp e shkuar turpit! Qeveritarët janë në shërbim të publikut dhe jo e kundërta.

Statistikat na tregojnë se në secilin komb, gatishmëria e njerëzve për të sakrifikuar për kombin e atdheun e tyre, sillet nga 3 deri në 5 për qind, ndërsa aftësia për të qeverisur është edhe më e vogël se kaq, natyrisht që këtu nuk po flasim për aftësitë grabitqare të njerëzve të qeverisë sonë!

Sipas të gjitha gjasave, qeveritarët tanë gjuhën e komunikimit e kanë po atë gjuhë komunikimi që e kanë shumica e njerëzve në rrjetet sociale, nuk mund të bësh diferencën, madje është vështirë të dihet edhe se kush nga cili mësoi gjuhën, apo le ta themi pak si me ironi, artin e denigrimit!

Kryeministri dhe jesmenët e tij sa herë qëndodhen në vështirësi, përdorin gjuhën e “akademikëve” të nivelit të “lartë” qëështë goxha vështirë ta hasësh edhe në gjuhën e rrugës në qytetet tona. Ata nuk e kanë për gjë që tëhedhin një mal akuzash ndaj atyre që i sollën në qeverisje të vendit. E në anën tjetër, harrojnë se e sabotuan luftën çlirimtare, nuk e dhanë asnjë llogari për fondin e trepërqindëshit, nuk dhanë raport për Dardania Bankën dhe i harruan 70 dosjet e të qeverisurit në Prishtinë! Dhe korrupsioni i tyre më i madh janë marrëveshjet e Brukselit me të cilat Kosova po humb jo pak sovranitet!

Vërtet, për qeveritarët tanë, mocioni i mosbesimit a thua është mjet demokratik apo mjet për sharje denigruese?! Sikur mocioni mos të ishte mjet demokratik, pse Kushtetuta ta parashihte si zgjidhje?!

Reklamë
Reklamë

A është mocioni kërkesë demokratike për qeveritarët tanë?

Jakup Krasniqi Opinione

Mocioni është kërkesëdhe mjet demokratik në të gjitha vendet që shquhen me demokraci të konsoliduar, të cilin mund ta përdorë opozita, sa herë që ajo mendon se vendi po qeveriset keq e zgjidhja e së keqes janë zgjedhjet. Edhe pozita e ka të drejtën t’i përgjigjet me mjete demokratike, me kulturë e edukatë njerëzore kërkesës së ligjshme parashtruesve të mocionit të mosbesimit, duke ofruar fakte e dëshmi që tregojnë të kundërtën. Mënyra, e sidomos gjuha e komunikimit, që përdor Kryeministri dhe jesmenët e tij është gjuhë rrugaçësh, thënë më but sa s’ka më. Secili qytetar e ka mundësinë që ta bëjë krahasimin mes gjuhës argumentuese të mocionkërkuesve dhe mocionkundërshtuesve! Në vend se gjuha e Kryeministrit dhe e jesmenëve të tij të ishte gjuhë pacifiste, siç e kishin në kohën që nuk duhet ta kishin, ata po përdorin një gjuhë të ndyrë e shoviniste ndaj kundërshtarëve politikë. Nejse, ky vend e ka përjetuar goxha shpesh gjuhën shoviniste, ndërsa këta që po e përdorin po atë gjuhë, së cilës jo pak herë i kanë shërbyer verbërisht, madje deri në përkuljeprej skllavi.

Politikanet shqiptarë duhet ta kuptojnë se demokracia si proces kërkon një gjuhë tjetër komunikimi. Kërkon gjuhën e komunikimit të Nënës e jo të “Babës”! Gjuha e Nënës është gjuha kombëtare e edukimit, është gjuha e kulturës dhe e arsimit, është gjuha e argumentit. Ndërsa gjuha e “Babës” është gjuhë e sundimtarëve të egër, që ne e njohim si gjuhë të “Babës Davlet”, të “Baba Musës” e të “Babës Hetë” e më vonë të “Babës Titë”! Këtë të fundit disa e kanë për nostalgji ndaj sundimtarëve të djeshëm, që nuk ju prish shumë punë po t’i kanë edhe të sotëm!

Në parantezë, a nuk i dëshmojnë lëshimet e pafalshme palës serbe në bisedimet e Brukselit, demarkacioni, Zajednica e çfarë jo tjetër?

Konsideroj se vetë mënyra sesi qeveritarët po e kundërshtojnë mocionin e mosbesimit, si vendorët e po ashtu edhe jovendorët, duhet ta kuptojnë se kjo qeveri duhet të bie e vendi duhet të shkojë në zgjedhje të parakohshme. Është mbase normale që njeriu të mos dijë të qeverisë, pasi të qeverisurit është kulturë e traditë (jo e traditës alla Baba-Titë!), është përkushtim e dashuri për t’i shërbyer publikut, por të mos dish të komunikosh si njeri, është turp e shkuar turpit! Qeveritarët janë në shërbim të publikut dhe jo e kundërta.

Statistikat na tregojnë se në secilin komb, gatishmëria e njerëzve për të sakrifikuar për kombin e atdheun e tyre, sillet nga 3 deri në 5 për qind, ndërsa aftësia për të qeverisur është edhe më e vogël se kaq, natyrisht që këtu nuk po flasim për aftësitë grabitqare të njerëzve të qeverisë sonë!

Sipas të gjitha gjasave, qeveritarët tanë gjuhën e komunikimit e kanë po atë gjuhë komunikimi që e kanë shumica e njerëzve në rrjetet sociale, nuk mund të bësh diferencën, madje është vështirë të dihet edhe se kush nga cili mësoi gjuhën, apo le ta themi pak si me ironi, artin e denigrimit!

Kryeministri dhe jesmenët e tij sa herë qëndodhen në vështirësi, përdorin gjuhën e “akademikëve” të nivelit të “lartë” qëështë goxha vështirë ta hasësh edhe në gjuhën e rrugës në qytetet tona. Ata nuk e kanë për gjë që tëhedhin një mal akuzash ndaj atyre që i sollën në qeverisje të vendit. E në anën tjetër, harrojnë se e sabotuan luftën çlirimtare, nuk e dhanë asnjë llogari për fondin e trepërqindëshit, nuk dhanë raport për Dardania Bankën dhe i harruan 70 dosjet e të qeverisurit në Prishtinë! Dhe korrupsioni i tyre më i madh janë marrëveshjet e Brukselit me të cilat Kosova po humb jo pak sovranitet!

Vërtet, për qeveritarët tanë, mocioni i mosbesimit a thua është mjet demokratik apo mjet për sharje denigruese?! Sikur mocioni mos të ishte mjet demokratik, pse Kushtetuta ta parashihte si zgjidhje?!

Reklamë
Reklamë

Krasniqi tregon kur do dërgohet në Kuvend mocioni për rrëzimin e Qeverisë

Periskopi.com Lajme

Kryetari i Këshillit Kombëtar të NISMA për Kosovën, Jakup Krasniqi tregon se iniciativa e këtij subjekti ka mbledhur sot 41 nënshkrime të deputetëve që janë pro rrëzimit të qeverisë.

AI për Periksopi.com thotë se brenda dy ditësh apo më së shumti 6 ditë, ajo duhet të procedohet.

Krasniqi shpjegon se nënshkrimet janë mbledhur dhe thotë se ka edhe nga pozita që kanë nënshkruar atë.

Krasniqi pret qe deputetët nesër të vazhdojnë me këtë procedurë, duke thirrur seancën e Kuvendit, që sipas tij mund të jetë e jashtëzakonshme, por nuk sheh arsye të thirret e tillë./ Periskopi

Reklamë
Reklamë

Krasniqi: Thaçi po mundohet t’ia merr meritat opozitës, të dorëhiqet

Ish-kryeparlamentari Jakup Krasniqi gjatë një interviste për “Zërin” thotë se deri më tani ka pasur shumë arsye që presidenti Hashim Thaçi të dorëhiqet. Sipas tij, dorëheqja bëhet dukshëm më e qartë nëse ai nuk arrin të garantojë mbështetjen për ushtrinë nga aleatët tradicionalë të lirisë dhe të pavarësisë së Kosovës.

Periskopi.com Lajme

 

Kryetari i Këshillit Kombëtar të “Nismës për Kosovën”, Jakup Krasniqi, ka vlerësuar se iniciativa e presidentit Hashim Thaçi për ta formuar ushtrinë duhet të çohet përpara, por jo duke cenuar raportet me bashkësinë ndërkombëtare.

Ai në një intervistë për gazetën “Zëri” ka thënë se Thaçi me këtë nismë sikur deshi t’ia marrë meritat opozitës, pasi që, ashtu si ai është shprehur, opozita ka qenë ajo e cila për herë të parë ka iniciuar formimin e ushtrisë nëpërmjet ligjit. Ndërkohë, ka thënë se Thaçi duhet të japë dorëheqje, po qe se nuk garanton mbështetje nga ndërkombëtarët, sa i përket çështjes së ushtrisë.

“Dorëheqja është akt moral i secilit zyrtar të lartë të shtetit. Edhe deri më tani kishte shumë arsye që ai të dorëhiqej, pasi ai nuk po mund të jetë unifikues i skenës politike në Kosovë”, është shprehur ai.

Krasniqi më tej ka bërë të ditur se opozita do të vazhdojë ta kundërshtojë Demarkacionin dhe se protestat nuk duhen ndalur ndaj kësaj marrëveshjeje. Megjithëkëtë, ai ka theksuar se “Nisma” nuk është kundër kësaj marrëveshjeje, por kundër versionit që ajo ka aktualisht.

Reklamë
Reklamë

Krasniqi – Francës: Mos u merr me kurdisjet e politikës së Beogradit

Ish-kryetari i Kuvendit të Kosovës, Jakup Kransiqi, teksa i është drejtuar masës së mbledhur në sheshin “Skënderbeu” në Prishtinë, ka thënë se nuk janë tubuar aty për ta mbrojtur Ramush Haradinajn as si kryetar të AAK-së sepse, siç ka thënë këtë e kanë thënë tashmë qytetarët e Kosovës, e as si ish-kryeministër.

Periskopi.com Lajme

“Por këtu jemi mbledhur për ta mbrojtur Ramushin nga gënjeshtrat e kurdisura nga Beogradi, jo vetëm për Ramushin por edhe për Kosovën.

Prandaj sot kërkojmë nga drejtësia e Francës që mos të mbështetet në akuzat e rrejshme që ka kurdisur politika në Beograd, jo vetëm sot, ndaj Kosovës në përgjithësi dhe të Ramushit në veçanti”, ka thënë Krasniqi.

Fjalën e tij e ka përmbyllur me deklaratën se gjithë shqiptarët kudo që janë e mbështesin Haradinajn.

Reklamë
Reklamë

Krasniqi tregon se si Thaçi kishte ndëhyrë që ta lexojë Deklaratën e Pavarësisë

Periskopi.com Video
Reklamë
Reklamë

Krasniqi u dërgon memorandum autoriteteve franceze për Haradinajn

Jakup Krasniqi, kryetar i Këshillit Kombëtar të partisë NISMA për Kosovën përmes Ambasadës së Francës në Kosovë dhe përmes postës elektronike, u ka dërguar autoriteteve të Francës Memorandumin lidhur me arrestimin e Ramush Haradinajt.

Periskopi.com Lajme

 

Në këtë memorandum janë sjellë fakte që dëshmojnë se “Dosja Haradinaj” është dosje e porositur nga strukturat politike të regjimit të Millosheviqit, e sajuar nga Shërbimi sekret serb dhe e shpërndarë nga njerëzit e këtij regjimi.

“Si e tillë, akuza kundër z. Ramush Haradinaj është një akuzë e motivuar politikisht dhe urdhër-arresti i lëshuar nga Serbia është urdhër- arrest i POROSITUR NGA POLITIKA e Beogradit. Që të shmang grackën e politikës serbe drejtësia franceze duhet ta lirojë menjëherë dhe pa asnjë kusht Ramush Haradinajn. Ky veprim është veprim i vetëm serioz dhe me dinjitet i një drejtësie vërtetë të pavarur”, thuhet në njoftimin e partisë Nisma për Kosovën.

Reklamë
Reklamë

Krasniqi pyet kush ishte ndërmjetësuesi i bisedës së Thaçit me Vuçiqin

Kryetari i Këshillit Kombëtar të Nisma për Kosovën, Jakup Krasniqi ka reaguar pas bisedës telefonike që Presidenti Hashim Thaçi ka zhvilluar me kryeministrin e Serbisë, Aleksandar Vuuçiq.

Periskopi.com Lajme

Ai ka pyetur se “a më shumë janë gëzuar dje Vllasi e Morina kur kanë folur me Millosheviqin, apo Hashimi e Mustafa sot kur flasin me Vuçiqin e Nikoliqin”.

Reagimi i Krasniqit në Facebook:

KUSH E DINE?

A ME SHUME JANE GEZUAR DJE, VLLASI E MORINA KUR KANE FOLUR ME MILLOSHEVIQIN APO HASHIMI E MUSTAFA, SOT KUR FLASIN ME VICIQIN A NIKOLIQIN?

QE PESE VJETNE BISEDIMET E BRUKSELIN NUK MUJTEN ME U MARRE VESH PO THUAJSE PER ASGJE, NDOSHTA ME TELEFONATA MERREN VESH ME MIRE?!

ESHTE INTERESAN ME E DITUR EDHE KUSH ISHTE NDERMJETESUESI!

A PO NA NDJEK PAS PLANGPRISHTESIA DHE DERI KUR DO TE NDODH KJO?!

Reklamë
Reklamë

Pakurrizorët e politikës

Kanë kaluar disa vite nga Konferenca Ndërkombëtare e Rambujesë dhe Bisedimet e Vjenës, të udhëhequra nga Presidenti Marti Ahtisari. Sigurisht si marrëveshja e parë ashtu edhe e dyta i kanë pasur anët e tyre të mira dhe të këqija. Por që të dyja, për popullin shqiptar të Kosovës kanë prodhuar fryte që me decenie e shekuj i kanë kërkuar shqiptarët – Lirinë dhe Shtetin e Pavarur.

Jakup KRASNIQI Opinione

Pa Marrëveshjen e Rambujesë, atje ku na çoi UÇK-ja nuk do të ndodhnin as Bombardimet 78 – ditëshe të NATO-s, bombardime që sollën çlirimin e Kosovës. Shqiptarët sot duhet të flasin të përqendruar si e përdorën krerët e politikës shqiptare lirinë për të filluar jetën e re! Dhe kjo duhet të bisedohet me emra dhe mbiemra konkretë.

Pse dhe kush ishin fajtorët që nuk lejuan as të kërkohet një bashkëbisedim i përfaqësuesve të UÇK-së e të LDK-së?! Por edhe sot ka barrikadime për të penguar të vërtetën!

Ndërsa Bisedimet e Vjenës, të udhëhequra nga Presidenti Marti Ahtisari, që përfunduan me një marrëveshje e cila prodhoi një Dokument Përfundimtar për Zgjidhjen e Statusit Politik të Kosovës, i njohur edhe si Dokumenti i Ahtisarit, mundësoi Shpalljen e Pavarësisë së Kosovës.

Nuk ka asnjë dyshim, Marrëveshja e Vjenës ishte një kompromis i dhimbshëm,kompromis që mundësoi në bashkërendim me komunitetin ndërkombëtar Shpalljen e Pavarësisë së Kosovës më 17 shkurt 2008. Për mua Liria e Pavarësia ishin fitore të mëdha! Sesi u menaxhuan këto fitore të mëdha të kombit është çështje tjetër. Këtu ka shumë vend e hapësirë për t’u diskutuar! Por, për këtë nuk ka ambient as politik e as intelektual!

Fillimisht ishte menduar që Këshilli i Sigurimit i Kombeve të Bashkuara ta shfuqizonte Rezolutën 1244 dhe me një rezolutë të re të njihej Republika e Kosovës nga OKB-ja dhe Këshilli i Sigurimit. Por këtë e pengoi vetoja Ruse. Prandaj u zgjodh rruga e shpalljes në Kuvendin e Kosovës. Pa këtë rrugë dhe pa bashkërendimin e Kosovës me Komunitetin Ndërkombëtar nuk do të kishte as njohje ndërkombëtare. Pra, nuk do të na njihte askush!

Unë nuk e shoh problemin te ato marrëveshje ndërkombëtare, problemet janë krijuar pas zgjedhjeve të vitit 2010. Problemi është i krijuar gjatë dy legjislaturave të fundit dhe Bisedimet e Brukselit të udhëhequra nga HashimThaçi e Isa Mustafa. Kushdo që e kërkon prodhimin e kësaj gjendjeje në të cilën jemi futur, sidomos pas fillimit te bisedimeve politike Kosovë – Serbi, me ndërmjetësimin e Brukselit, si dhe ‘as zgjedhjeve të qershorit 2014, atëherë nuk e njeh ose nuk dëshiron ta njohë apo ta shohë drejt realitetin.

Nëse njerëzit (e autorizuar – mandatuar) të politikës nuk janë në gjendje të shohin se çka ndodhi dhe si u qeveris Kosova pas 17 shkurtit 2008, sidomos pas zgjedhjeve të vitit 2010, këta vërtet ose janë të padijshëm ose verbërisht ecin pas liderëve të padijshëm, si “Muça pas daive”. Kjo formë e qeverisjes i ka pasur dhe i ka kundërshtarët e vet. Por dikush as ka parë dje dhe nuk po sheh as tani dhe me gjasë nuk do të shohë as nesër.

Pse politikanët me nam, qofshin brenda institucioneve, qofshin jashtë institucioneve relevante nuk po i shohin si po merren vendimet në institucionin përfaqësues të qytetarëve të Kosovës? Pse nuk po i shohin njerëzit që po qeverisin me vendin, me njerëzit dhe me pasurinë kombëtare?

Disa po zihen në kazanin e kumbullave të kalbura pa të cilat nuk bëhet dot rakia, duke thonë sot e gjithë ditën se janë të shëndoshë! Në atë kazan, pas gjithë këtyre zhvillimeve, askush nuk mund të jetë i pastër. Provoni e dilni nga ai kazan, shikoni esëll! As dalja prej kazanit të tillë nuk i lë të pastër: dalin të dehur. Vetëm ata që kanë distancë nga ky kazan shohin realitetin në tërë dimensionin e tij tragjik..

Unë nuk kam asnjë problem me Konferencën e Rambujesë. Nuk kam asnjë problem as me Presidentin Ahtisari, bile e falënderoj shumë. Ai ndihmoi shumë që të korrigjohej një gabim politik që Evropa ia kishte bërë kombit tonë në fillim të shekullit XX. Problem janë njerëzit që kanë qeverisur dhe po qeverisin me vendin! Njerëzit që nuk e dinë se ç’është të qeverisurit e vendit me përgjegjësi. Këta njerëz nuk mund të dalin jashtë lëkurës së tyre, jashtë kapaciteteve të tyre politike e intelektuale më se modeste! Këta pakurrizorë të politikës ditore të Kosovës!

Ecja në të njëjtën rrugë, me të njëjtit njerëz, nuk mund të ketë destinacion tjetër! Ecja në këtë rrugë, të nisur e të mbarsur keq dita-ditës, është rrugë pa krye! Prandaj unë as jam as dua të jem aty! Rruga Thaçi & Mustafa ka hyrë në batak! Në atë rrugë mund të hysh, por si ajo fjala: hyn, por nuk mund dalësh!

Jam më se i bindur se këta njerëz nuk mund të sjellin asnjë ndryshim, veç thellimit të degradimit të përgjithshëm! Këtë, opinionit ia kam bërë të ditur qysh në prill të vitit 2011! Nuk thuhet kot:Tupani rreh për atë që ka vesh! Edhe më keq është kur njerëzit nuk duan të marrin vesh e bëhen se janë do farë kundërshtaresh “parimor”!

Po pakurrizorët tanë të politikës a thua kanë veshë?

Reklamë
Reklamë

Krasniqi: Lirimi me kusht i Haradinajt, ‘betejë’ e fituar, por jo ajo që duhej

Kryetari i Këshillit Kombëtar të Nismës për Kosovën, Jakup Krasniqi ka shkruar në Facebook se lirimi me kusht është një “betejë” e fituar, por, jo ajo që duhet të ishte lirimi i plotë i Ramush Haradinajt.

Periskopi.com Lajme

 

Shkrimi i plotë i Krasniqit:

Le t’i besojmë Drejtësisë Frënge!

Lirimi me kusht është një “betejë” e fituar, por, jo ajo që duhet të ishte – lirimi i plotë i Ramush Haradinajt.

Te shpresojmë e besojmë që drejtësia e Francës se Revolucioneve Demokratike, në kohën e duhur do ta merr vendimin e duhur, për lirimin e Ramush Haradinajt që ai t’i kthehej Kosovës dhe gjirit familjar!

Ramushi si shqiptar e luftëtar lirie as kaq nuk e ka merituar!

Le t’i besojmë Drejtësisë Frënge.

Reklamë
Reklamë

Detaje të reja: Ja kush nga figurat e larta të UÇK-së e pengoi Fehmi Lladrovcin të hyjë në Kosovë

Periskopi.com Video
Reklamë
Reklamë

Ja çfarë basti vë Jakup Krasniqi për shtëpinë e tij! (VIDEO)

Jakup Krasniqi, kryetar i Këshillit Kombëtar të Nisma për Kosovën, i ftuar në emisionin “Politikë” ka thënë se nuk ka bërë keqpërdorime. Sipas Krasniqit, të gjithë pasurinë mund ta jap, vetëm nëse vërtetohet që ka pasur keqpërdorime.

Periskopi.com Lajme

“Për mua sdo të thotë asgjë një shtëpi. Kurdo le të formohet një komision dhe ta vlerëson shtëpinë time aktuale. Shtëpia ime ka katër kate gjysmën e asaj shume le të ma dhënë mua dhe pjesën tjetër i lë katër katet për familjet skamnore. Por edhe ata që kanë keqpërdorë të bëjnë të njëjtën gjë. Le të heqin dorë nga bizneset e tyre dhe t’ia kthejnë qytetarëve”, tha Krasniqi në Politikë.

Reklamë
Reklamë

Krasniqi: Ramiz Lladrovci e ka një incizim të Adem Jasharit me të cilin e shantazhon Thaçin e Veselin

Jakup Krasniqi, kryetar i Këshillit Kombëtar të Nisma për Kosovën, ka folur për një incizim të cilin e posedon Ramiz Lladrovci.

Periskopi.com Lajme

Krasniqi, në emisionin “Politikë” në Tribuna Channel, ka thënë se Lladrovci me atë video ka shantazhuar Hashim Thaçin dhe Kadri Veselin.

“Ai ka shantazhuar me një incizim të Adem Jasharit. Hashim Thaçi dhe Kadri Veseli kanë qenë në armiqësi. Raportet e tyre me familjen e Adem Jasharit unë i kam balancuar. Incizimi nuk e di që çfarë është, por nuk është në favor as të Kadriut as të Hashimit”, tha Krasniqi në Politikë.

Krasniqi ka thënë se Adem Jashari ka qenë i strehuar në shtëpinë e tij.

“Është një e vërtetë e madhe se formacioni i Adem Jasharit ka qëndruar më 31 dhjetor 1991. Unë isha i burgosur politik, shpija ime ishte shumë afër rrugës dhe mund të vinte Policia serbe. Isha me një numër të madh anëtarësh e nuk mund të fshihja atë grup. Por, kah mëngjesi i asaj nate, 1 janar 1992 ka shkuar në familjen e Shaban Shalës. Por, Ademi është kthyer dhe 5-7 ditë ka qëndruar në familjen time, veç ai”, tha Krasniqi.

Reklamë
Reklamë

Pas deklaratave të Lladrovcit qëndrojnë Hashim Thaçi e Kadri Veseli

Kryetari i Këshillit Kombëtar të NISMA's për Kosovës, Jakup Krasniqi thotë se është bërë tabelë qitjeje për gjithë orgjinë e PDK-së që kur nuk ka pranuar të kthehet në këtë parti.

Kushtrim Hajzeri Lajme

Në një intervistë për Periskopi.com ai thotë se e gjithë PDK-ja kanë qenë të angazhuar për një muaj rreth zgjedhjeve në Drenas, nga frika se po e humbin këtë komunë.

Krasniqi thotë se në jetën e tij ka pranuar sulme të ndryshme por thotë se goditjet më të ulëta i ka marr nga bashkëpartiakët dhe Shikistët.

Sa i përket deklaratave të Ramiz Lladrovcit në lidhje me fondin ‘vendlindja thërret’, Krasniqi thotë se pas këtyre sulmeve fshihet Hashim Thaçi.

Në intervistë për Periskopi ai flet për Demarkacionin me Malin e Zi, për murin e ndërtuar në Mitrovicë, për UÇK-në për të cilën thotë se është dëmtuar si luftë me akuza e shpifje të shumëllojta edhe te disa profiterëve te sotëm te politikës.

Ndërsa, për kodin telefonik +383 thotë se nuk është i Kosovë, por i Serbisë e cila ia jep Krahinës së saj.

Intervista e plotë me të:

Periskopi: Në lidhje me zgjedhjet në Drenas keni thënë që PDK po i drejton shigjetat nga ju edhe pse nuk keni qenë në garë. Pse mendoni që PDK po ju sulmon?

Krasniqi: Shikuar në shikim të parë të duket se është më shumë se e pakuptimtë, në garë si subjekt ishte NISMA për Kosovën, me kandidatin e saj, Isa Xhemajlaj dhe normalisht ata do të duhej t’i shpalosnin programet e tyre qeverisëse për Drenasin. Ketë nuk e pamë, sidomos nga kandidati i PDK-së. Kush me vëmendje e ka përcjell si para fushatën si fushatën, nuk e ka pasur të vështirë që t’i vërejtur akrobacionet e PDK-së dhe të kandidatit të saj. Fillimisht kërkuan që t’i kthehem familjes së vjetër (PDK-së) dhe po të kthehesha do të isha i mirë, madje shumë i mirë, por pasi nuk ua pranova ftesën, u bëra tabelë qitjeje për gjithë orgjinë e PDK-së ne institucione?! Kështu për më shumë se një muaj pushoj puna ne institucionet e shtetit, nisur nga Kuvendi.

Pse ndodhi kjo, ndoshta më mirë do të ishte të pyetshin ata. Populli ynë e ka një shprehje: “Pas Atit të mirë çohet shumë pluhur”! Mbase ata e bënë edhe nga frika e humbjes. Kjo frikë i shtyri të bëjnë shkelje te shumta ligjore, që ne një shtet do te dënoheshin?! Ata, ndoshta u nisën nga logjika “sulmi është mbrojtja më e mirë”! Por goditjet e tyre ishin tepër nën brez! Në jetën time kam marrë shumë goditje. Pas viteve të ’80 nga UDB-a Jugosllave e në vitet e ’90 krejt deri pas Luftës Çlirimtare nga segmente te Sigurisë që vepronin nën flamurin e LDK-së, por goditjet më të ulta i kam marrë nga bashkëpartiakët dhe Shikistet, ndonëse në periudhat më të vështira te tyre edhe i kam mbrojtur. Tani me vjen shumë keq se e paskena pas futur gjarprin ne gji! Madje sa për mua kjo nuk ka rëndësi, pasi këta gjarpërinjë janë duke e rrezikuar perspektivën e kombit. Për ketë shqetësohem unë!

Në jetën time, si te organizimit të fshehtë, të hetuesisë e të burgut dhe të luftës, nuk jam frikësuar për arsye te idealit e të qëllimit fisnik për liri e atdhe. Shikuar nga perspektiva e sotme, sot po frikësohem për atëherë. Me çfarë njerëzish paskena qenë ne të njëjtat llogore! Po, po kam frikë për perspektivën e popullit dhe të atdheut, kam frikë për fatin e fëmijëve të mi dhe gjeneratës së fëmijëve të mi! Këto ditë shpesh sjelli ndërmend një fjalë të popullit: “Se njeriun pa i  dhënë pushtet nuk e njeh”! E saktë, vetëm kur njeriu merr pushtet e tregon kafshërinë e tij!

Periskopi: Si i komentoni deklarata e Ramiz Lladrovcit në lidhje me fondin “vendlindja thërret”, ku për gjithcka që lidhet me këtë fond ka kërkuar të adresohet tek ju dhe Fatmir Limaj?

Krasniqi: Thuhet se një lavire kishte lindur një fëmijë kopil dhe ia la një tjetrës femër kopilin në derë. Pastaj nga kjo ka lindur shprehja: “T’i them se nuk me ka thënë”! Unë në organizimin ushtarak në radhët e UCK-së kam pasur kryesisht rolin e zëdhënësit të saj. Sikur akuzat të ishin për dobësi në komunikim me medie apo në deklaratat e shumta politike, në prononcime apo intervista, të cilat kanë qenë të shumta, ndoshta edhe do t’i hante pazari. Unë nuk besoj që ai është autori i tyre, por ai është zëdhënësi dhe përçuesi i atyre gënjeshtrave apo sajesave mediale. Unë besoj dhe besoj shumë se ajo gjuhë është vetëm e Hashimit, se ai jeton prej gjërave te tilla, por ai e ka gjetur një viktimë te mjerë që po ia bënë një argat besnik?! As Fatmiri nuk ka qenë pjesë e Fondit “Vendlindja Thërret”. Pra, kjo është një politikë tipike gebellsiane. Rrej, rrej e vetëm rrej se dikush te beson!

Kryetari i ri i Drenasit, nuk e ka pasur as një arsyeje të vetme te shpifte kundër meje, madje as te merrej me mua. Ai veç shumë sajesave të tjerave e ka sajuar, konfliktin tim me Fehmi Lladrovcin, konflikt që nuk ka ekzistuar kurrë. Përkundrazi e kam vlerësuar shumë dhe ai e ka merituar që të jetë, Komandant i Zonës se Drenicës dhe bile edhe anëtar i SHP te UCK-së, në ketë rrugë karriere nuk e kam penguar unë, përkundrazi. Ai e dinë mirë, bile shumë mirë se kush ishin penguesit e tij real?! Pse i heshtë ato, e dinë vetëm ai. Kjo mund të jetë vepër e shërbimit kriminal për denigrimin e njerëzve, por kurrë jo e një njeriut normal! Kjo me ka ardhur siç thotë populli si: “reja për s’kfjellti”. Edhe një herë e them me përgjegjësi se, autorët e pisllëqeve te tilla mund të jenë vetëm: Hashim Thaçi e Kadri Veseli. Për ndryshe unë nuk e kuptoj gjithë ketë mllef ndaj meje dhe familjes sime?! E cila prej viteve ’90 ka qenë derë e hapur për njerëzit e Lëvizjes Kombëtare e Çlirimtare. Edhe për te përmendurit! Këto  akuza i shoh si përpjekje për te më eliminuar politikisht, por e kanë kot. Nuk jam gjunjëzuar as para kriminelëve të Serbisë! Nuk gjunjëzohem as tani, le ta harrojnë. Në jetën time, politikës i jam qasur me ndershmëri dhe do ta vazhdoi ashtu deri në fund. Qentë le te lehin atë zanat e kanë. Ne të drejtën time, do të eci edhe i vetëm!

Nëse opinioni media e kërkon autorin e tyre, le ti shikoj debatet në Kuvendin e Kosovës gjatë viteve 2004-2007 e sidomos akuzat ndaj Bajram Kosumit e Agim Çekut, akuza që e kishin adresë të vetme burimore – ke tjetër pos Hashim Thaçin e etur për pushtet! Krahasoni me këto të sotshmet.

Unë kam shkruar për luftën dhe asnjë akuzë të vetme nuk ua kam drejtuar asnjë njeriu te UCK-së. Këta të sotshmit edhe i kam kursyer shumë.  UCK-në e kam trajtuar si vlerë kombëtare dhe është vlerë bile kryevlerë. Atë vlerë e godasin vetëm ata që donë ta han si samunin kur njeriun e kap uria, mbase edhe pangopësia!

Këtu e mbylli çdo debat me hashimovitet e yshtur nga Hashimi. Nëse ata donë le te polemizojnë me librat e mija për luftën. Në dashin edhe me Dëshminë time te dhënë në Tribunalin e Hagës se edhe ajo i mundon?! Ajo dëshmi e ka pas shqetësuar shumë Thaçin dhe zëdhënësin e tij media!

Periskopi: Kuvendi si duket do ta përmbyll këtë vit pa pasur pikë diskutimi demarkacionin me Malin e Zi. Sipas jush a do të thotë kjo që kolicionit qeverisës po i duhet kohë për reflektim?

Krasniqi: Sivjet Kuvendi ka qenë në pushim. Demarkacioni nuk i ka numrat. Marrëveshjet e këqija po mbijnë si këpurdhat. Ky koalicion nuk dinë se çka është reflektimi, se po të dinte, do të ishin kryer zgjedhjet e parakohshme. Këta njerëz po e çojnë vendin drejt shkatërrimit! Për ketë qeverisje, gjyshet tona do të thoshin: “Bash për armik”!

Periskopi: Pasojë e kujt mund të konsiderohet muri mbi lumin “Ibër” në Mitrovicë?

Krasniqi: Muri është pasoj e bisedimeve politike të zhvilluara në Bruksel me Serbinë, te cilat fare nuk është dashur të fillonin. Bisedime teknike po. Bisedimet politike me Serbinë kanë përfunduar në Vjenë. Fajtor janë Thaçi e Mustafa. Ky i fundit jo vetëm që i ka vazhduar, por edhe duke qenë në opozitë i ka pas mbështetur marrëveshjet politike te Thaçit.

Periskopi: A po tregohet pafuqi e insitucioneve që deri tani nuk ka ndonjë ndërhyrje konkrete në këtë cështje?

Krasniqi: Të pritesh nga këto institucione është si ajo kënga: “Pritë me muaj e prit me vjet/ Pushka e Lilës s’ po kërcet”. Këta njerëz që e kanë kapur fort çdo mekanizëm te shtetit, nuk dinë se çka është qeverisja me përkushtim e përgjegjësi! Këta janë të çartur për pushtet.

Periskopi: Lista Serbe po vazhdon tash e sa muaj të bojkotojë institucionet e vendit. Deri tani nuk ka ndonjë ndërhyrje për zgjedhjen e kësaj ‘bllokade’. Si e komentoni këtë?

Krasniqi: Lista serbe më mirë do të ishte të quhej: Lista e Serbisë. Kjo Listë, krijesë e bisedimeve te Brukselit është pengesa kryesore për integrimin e serbëve te Kosovës në jetën institucionale e publike. Këta njerëz dinë vetën që t’i ndërlikojnë gjerat.  Këta as me opinionin publik, komunikimin nuk e kanë normal e njerëzor. Kjo tregon se këtyre njerëzve ju mungon kultura e komunikimit!

Periskopi: Gjuriq edhe njëherë nuk respektoi vendimin e MPJ dhe hyri ilegalisht në Kosovë, madje tha se lëviz lirshëm në veri, derisa Mustafa u pengua nga serbët për të kaluar në veri të Mitrovicës dhe shkoi atje nën përcjelljen e KFOR-it. Si e komentoni këtë?

Krasniqi: Kjo që po e thoni tregon më se miri sesa është jo funksional shteti ynë në veri. Mustafa- Thaçi e kanë pranuar sovranitetin e dyfishtë në atë pjesë, mbase edhe më shumë se kaq. Bashkësia e Komunave serbe, Muri, telekomi, energjia, gjyqësia e shumëçka tjetër e konfirmon ketë.

Periskopi: A mendoni që ka pasur situata politike ku është tentuar ulja e vlerave të UÇK-së?

Krasniqi: Pas luftës shumë kategori te shoqërisë sonë, madje dhe vet pjesëtarë të UCK-së ose disa pashallarë të pas luftës, kanë shërbyer për uljen e vlerave të luftës. Mënyra sesi i jemi qasur kësaj vlere, me akuza e shpifje të shumëllojta edhe te disa profiterëve te sotëm te politikës, seria e dënimeve të ndryshme e sidomos rasti Drenica dhe krijimi i Gjykatës Speciale, do ta shkarravisin edhe më tutje ketë vlerë. Nuk e di çka po mbetet nga ajo vlerë?  Kjo është tepër e dhimbshme.

Periskopi: Kodi telefonik është paraqitur si sukses nga insitucionet e vendit dhe në të njëjtën kohë edhe nga ato të Serbisë. Ku qëndron e vërteta në këtë mes sipas jush?

Krasniqi: Kodi nuk është i Kosovë. Kodi është i Serbisë e cila ia jep Krahinës se saj. Kosovës e Metohisë për shfrytëzim. Kodi ishte një mashtrim si te gjitha mashtrimet e tjera. Inshalla jemi shëndosh, nga këta njerëz do të na vijnë edhe mashtrime te tjera, pa dyshim! Prandaj këta njerëz duhet te shkojnë në theqafje!

Reklamë
Reklamë

Krasniqi: Kodi telefonik ishte mashtrim

Kryetari i Këshillit të Përgjithshëm të Nismës, Jakup Krasniqi ka thënë se kodi telefonik i marrë dy ditë më parë nga ITU-ja është padyshim mashtrimi i radhës së Qeverisë së Kosovës.

Periskopi.com Lajme

“Nuk ka asnjë dyshim, Kodi ishte mashtrim. Krejt çështja është, cili do të jetë mashtrimi i radhës?”, ka shkruar Krasniqi në llogarinë e tij në Facebook, transmeton Koha.net.

Njëjtë pati thënë në “Interaktiv” të KTV-së edhe eksperti i telekomunikacionit, Ismet Hamiti, i cili ka thënë se me këtë kod është shkelur sovraniteti i Kosovës dhe se është vetëm kod gjeografik, jo shtetëror.

Krasniqi më tej shtron edhe pyetje tjera, sipas tij, për mashtrimin nga qeveritarët.

“Secili nga ne duhet te pyet: A do të ndodhë ndonjëherë që njerëzit tanë te veshur me pushtet të bëjnë punë të mençura për kombin e shtetin? Kur këta njerëz do të pushojnë se mashtruari opinionin publik? Pas gjithë këtyre mashtrimeve, a ka akoma njerëz që u besojnë më?”, përfundoi Krasniqi.

Reklamë
Reklamë

Lladrovci paralajmëron Limajn dhe Krasniqin: Flasim të hënën

Kandidati për kryetar të Drenasit nga radhët e PDK-së Ramiz LLadrovci i ka ftuar qytetarët që të dielën t’i bashkohen vizionit të partisë së tij.

Periskopi.com Lajme

Ai thekson se drejtuesit e NISMA-s, Jakup Krasniqi dhe Fatmir Limaj, kanë udhëhequr një fushatë të egër ndaj tij dhe familjes së tij. Mirëpo ai thotë se përgjigjen atyre do t’ua jap të hënën duke aluduar në fitoren tij pas së dielës. /Lajmi.net/

Ky është postimi i tij:

Qytetarë të dashur të Drenasit,

Ju ftoj që të dielën, më 18 dhjetor, ta shprehni vullnetin tuaj të lirë, të garantuar me kushtetutë.

Ftoj veçanërisht qytetarët që nuk kanë marrë pjesë në procesin zgjedhor në raundin e parë, që t’i bashkohen vizionit të PDK-së, ofertës më të mirë për të gjithë qytetarët e komunës sonë, pa dallim.

Kohët e fundit, drejtuesit e NISMA-s, Jakup Krasniqi dhe Fatmir Limaj, kanë udhëhequr një fushatë të egër ndaj meje dhe familjes sime. Mirëpo, duke bartur mbi vete një përgjegjësi dhe kontribut atdhetar, njëherësh duke mos dashur që argumentet që posedoj të ndikojnë negativisht në garën zgjedhore të kandidatit që pa faj ndodhet në këtë mes, përgjigjet adekuate do t’i jap të hënën.

Reklamë
Reklamë

Jakup Krasniqi kërkon të hetohet procesi për kodin telefonik të Kosovës

Kryetari i Këshillit kombëtar të Nismës për Kosovën, Jakup Krasniqi ka thënë se duhet kërkuar botimi i letrës së Serbisë dhe asaj të Austrisë drejtuar ITU-së, për kodin telefonik të Kosovës.

Periskopi.com Lajme

 

Ai ka shtuar se këto letra dhe gjithë atë që po shkruhen e thuhen për marrëveshjen për Telekomunikacionin me Serbinë, duhet që ta vejë në Lëvizje Prokurorinë e Shtetit.

Postimi i plotë i Krasniqit:

KODI I TELEFONISË, A ËSHTË I KOSOVËS SHTET?

Ne një rast të tillë, opinioni ynë, gjithë komunitetet e organizuara, duhet të kërkojnë: botimin e këtyre letrave. Letrën e Serbisë drejtuar ITU-së si dhe atë te Austrisë!

Nga Jakup Krasniqi

Ditë më parë, eksperti i Telekomunikacionit, zotëri Ismet Hamiti, i bëri Prokurorit te Shtetit ftesë publike, për ta hetuar procesin e bisedimeve për telekomunikacionin. Për ketë proces eksperti Hamiti, eksperti më i mirë që kemi për ketë fushë, thotë zëshëm e argumentueshëm se është krim ekonomik e financiar, mbase edhe politik, për të cilin ai kërkon hetim nga Prokuroria e Shtetit. Por e gjithë çështja është: A kemi Prokurori e Prokuror kredibil, profesional e të pavarur që do të merrte një vendim shumë të vlefshëm për ta mbrojtur interesin e kombit e të shtetit?!

Kur një ekspert ndër më profesionalet që kemi për ketë fushë, një njeri që për vite punoi në institucione përkatëse ndërkombëtare, me përvojë të gjatë pune dhe moshe, e ngritë para opinionit një shqetësim të argumentuar shumë mirë, shtron domosdoshmërinë për një reagim te shpejtë e profesional te Prokurorit të Shtetit. Hamiti thotë se: “Me marrëveshjen për Telekomin, Kosova ia ka falur Serbisë 1.202.929.500 euro”. Humbja është gati e barabartë përafërsisht sa është Buxheti vjetor i shtetit tonë. Kryeprokuror, në raste të tilla, kush e ka për obligim t’i filloi hetimet?

Kjo që e thoshte ditë më parë z. Ismet Hamiti, sot më 12 dhjetor 2016, nga Brukseli po e thotë edhe Agfustin Paloka. Ai sot në Koha Ditore po shkruan: “Nuk ka ende përgjigje të qartë në pyetjen se a është kodi për Kosovën, kod shtetëror sikur për të gjitha shtetet, siç pretendon Kosova, apo “kod gjeografik” që ka kërkuar Serbia “për krahinën e saj të Kosovës dhe Metohisë”. BE-ja insiston që pa marrë parasysh se çfarë mund të ketë shkruar Serbia në letrën drejtuar ITU-së, “Serbia jep vetëm pajtimin”, ndërsa kërkesën e ka dërguar Austria. Por edhe letra e Austrisë, teksti i së cilës ishte dakorduar në Bruksel, kërkesën e ka bërë “në emër të Serbisë dhe Kosovës.”

Ajo që është e qartë në ketë rast, janë dy letra, një letër e dërguar nga Serbia dhe tjetra nga Austria. Këto letra për opinionin nuk janë publike dhe këto letra duhet të bëhen transparente për publikun. Ne një rast të tillë, opinioni ynë, gjithë komunitetet e organizuara, duhet të kërkojnë: botimin e këtyre letrave. Letrën e Serbisë drejtuar ITU-së si dhe atë te Austrisë!

Këto letra dhe gjithë atë që po shkruhen e thuhen për marrëveshjen për Telekomunikacionin me Serbinë, duhet që ta vejë në Lëvizje Prokurorinë e Shtetit!

Reklamë
Reklamë