Izraeli e mbështetë sulmin e Amerikës në Siri

Periskopi.com Lajme

Kryeministri  i Izraelit, Benjamin Netanyahu ka deklaruar se ai e mbështetë “mesazhin e fortë dhe të qartë” që është dërguar me sulmin amerikan në Sirinë fqinje.

“Si me fjalë, ashtu edhe me veprime, presidenti amerikan, Donald Trump ka dërguar një mesazh të fortë dhe të qartë sot – se përdorimi dhe përhapja e armëve kimike nuk do të tolerohet”, thuhet në një deklaratë nga zyra e Netanyahut, transmeton Klan Kosova.

“Izraeli e mbështet vendimin e presidentit Trump dhe shpreson se ky mesazh i dërguar pas veprimeve të tmerrshme të regjimit të Assadit do të reflektojë jo vetëm në Damask, por në Teheran edhe më gjerë”, thuhet tutje në këtë deklaratë.

Ezani prej sot ndalohet me ligj në Izrael

Komisioni parlamentar i Knesseti-it izraelit ka kaluar ndryshimet në projektligjin i cili parashikon ndalimin e ezanit, duke e çuar këtë aktë për miratim në parlament, transmeton AA.

Periskopi.com Lajme

 

Sipas një lajmi të gazetës, Yedioth Ahronoth, thuhet se komisioni ka përfunduar diskutimet për projektligjin i cili njihet si “ndalimi i ezanit”.

Në këtë projektligj parashikohet që ezani të mos thirret me zë të lartë nga ora 23:00 deri në orën 07:00. Ndërkohë në ndryshime parashikohen gjoba deri në 200 mijë dollarë për xhamitë që nuk do ta respektojnë atë.

– Ç’është ndalimi i thirrjes së ezanit?

Projektligji për ndalimin e ezanit me altoporlantë në xhami, me pretendimin se është një ndotje akustike, duhet të diskutohet në 3 seanca plenare të Knesset-it, në mënyrë që të kthehet në një ligj. Projektligji i cili ka tërhequr reagime të ashpërta nga bota arabe, është dërguar edhe më parë në Knesset, por nuk ka mundur të kalojë.

Nga ana tjetër Kryeministri i vendit Binyamin Netanyahu, ka deklaruar se mbështet nismën për miratimin e një projektligji që synon ndalimin e ezanit.

Izraeli pro murit të Trump

Benjamin Netanyahu, kryeministri i Izraelit ka dalë pro idesë së Presidentit Donald Trump për ndërtimin e murit ndarës me Meksikën, njofton Klani

Periskopi.com Lajme

“Trump ka të drejtë. Unë kam ndërtuar një mur në kufirin jugor të Izraelit dhe kam ndalur migrimin ilegal. Sukses i madh dhe ide e madhe”, ka shkruar Netanyahu në profilin e tij në Facebook.

Ish-presidenti izraelit i dënuar për përdhunim, lirohet nga burgu

Ish-presidenti izraelit, Moshe Katsav u lirua nga burgu këtë javë, pasi prokurorët publik vendosën të mos apelojnë vendimin e bordit për lirim me kusht, shkruan AA.

Periskopi.com Lajme

Katsav, (71) u lirua nga burgu Maasiyahu në pjesën qëndrore të Izraelit të mërkurën pas vuajtjes së dënimit prej 5 vitesh nga 7 vite sa ishte i dënuar për përdhunim.

Në dhjetor të vitit 2010, Katsav u dënua për kryerjen e përdhunimit dhe sulmit seksual derisa shërbente si ministër i kabinetit. Ai u dënua gjithashtu për ngacmim seksual ndaj dy grave në kohën kur ishte president.

Në fund të vitit 2011, ai filloi vuajtjen e dënimit prej shtatë vitesh burg.

Katsav u zgjodh president nga ana e Knessetit (Parlamentit izraelit) në vitin 2000. Ai u detyrua të japë dorëheqje në vitin 2007, 15 ditë para përfundimit të mandatit të tij, në mes të dyshimeve për abuzim seksual.

Izraeli blen nga SHBA avionë të teknologjisë së lartë

Izraeli ka pranuar dërgesën e parë prej dy avionësh luftarakë F-35 të cilët i ka blerë nga Shtetet e Bashkuara të Amerikës (SHBA), dorëzimi i të cilëve u vonua nga shkaku i mjegullës.

Periskopi.com Lajme

Avionët e rinj F-35 për të cilët u raportua se kushtojnë 100 milionë dollarë secili, janë vetëm dy nga gjithsej 50 sa ka porositur Izraeli.

Avionët duhej të mbërrijnë më herët nga Italia, por kushtet e këqija klimatike kishin pamundësuar dërgimin e tyre në Izrael. Në ceremoninë në të cilën mori pjesë Sekretari amerikan i Mbrojtjes, Ash Carter dhe kryeministri i Izraelit, Benjamin Netanyahu u tha se avionët do të risin akoma më shumë fuqinë tashmë të konsiderueshme ushtarake, raporton AA

“Sot dëshiroj t’u them njerëzve në Izrael se ky krah i gjatë sot është bërë akoma më i gjatë dhe më i fuqishëm”, tha Netanyahu sipas të cilit nuk është rastësi që Izraeli është i pari që merr këto avionë sepse kjo simbolizon karakterin shumë të rëndësishëm të aleancës midis Izraelit dhe SHBA-ve.

Izraeli ka dorëzuar kërkesën pavarësisht debatit të mëhershëm për nevojën apo jo për të shtuar mjete të shtrenjta në forcat ajrore.

“Arsyeja është e thjeshtë, mosha e avionëve, për çka Forcat Ajrore të Izraelit (IAF) kanë nevojë të rinovojnë avionët e saj”, shkroi eksperti izraelit për Siguri, Yiftah Shapir.

Në shtator, Izraeli arriti një marrëveshje armësh me SHBA-të për një periudhë 10 vjeçare dhe të vlefshme 38 miliardë dollarë e cila përfshinë edhe ndihmën për mbrojtje raketore.

Franca kërkon që mallrat nga Izraeli të shoqërohen me etiketë të posaçme

Franca ka kërkuar nga Izraeli që mallrat e prodhuar në rajonin e ndërtuar pa leje në Rripin e Gazës dhe që eksportohen drejt Francës, të shoqërohen me etiketën e posaçme.

Periskopi.com Lajme

Sipas një vendimi të Ministrisë franceze të Ekonomisë, të publikuar në Gazetën Zyrtare, mallrat e eksportuara drejt Francës dhe të prodhuara në rrafshnaltën Golan, Jerusalem, si dhe në vendbanimet e paligjshme në Rripin e Gazës, duhet të shoqërohen me etiketat me emërtimin “mallra nga vendbanimet izraelite”, raporton AA

Pas humbjes nga Izraeli, lajm i keq për Shqipërinë

Kombëtarja shqiptare vijon rënien e lirë në renditjen e FIFA.

Periskopi.com Sporti

Pas humbjes shokuese 0-3 në shtëpi ndaj një kundërshtari direkt si Israeli, sigurisht që nuk mund të prisnim lajme të mira për renditjen që do të publikohet zyrtarisht më 24 nëntor, shkruan Albeu.

Kuqezinjtë që drejtohen nga Gianni De Biasi do të humbasin dy vende, duke zbritur në poziconin e 49-të, poshtë Congos dhe Australisë.

Izraeli ndërkohë ka përfituar shumë nga fitorja ndaj nesh pasi ka një ngjitje rekord me 25 pozicione, raporton Albeu.

Kosova do të mbetet në vendin e 164-t pas humbjes ndaj Turqisë. Italia ka zbritur me 3 vende, ndërkohë që vendi i parë mbahet nga Argjentina e ndjekur nga Brazili dhe Gjermania.

Gjyqtari arsyetohet për kartonët e kuq në ndeshjen Shqipëri-Izrael

Gjyqtari që drejtoi ndeshjen kualifikuese, Shqipëri-Izrael 0-3, Deniz Aytekin e ka rihapur llogarinë e tij personale në Facebook.

Periskopi.com Sporti

Pasi e mbylli atë, direkt mbas ndeshjes në fjalë, sepse pati një sulm komentesh e fyerjesh të panumërta për dy kartonët e kuq dhe dy penalltitë e dhënë ndaj kuqezinjve, sigurisht nga shqiptarët, e ka hapur së fundi me një shënim faqen e tij në këtë rrjet social.

Përmes një statusi, ai ka dashur të sqarojë pozicionin e tij në raport me rregulloren e gjykimit të FIFA-s, duke nënvizuar se ka qenë krejtësisht korrekt në drejtimin e kualifikueses së luajtur në “Elbasan Arena”.

“Në të drejtën time!!! Pas ndeshjes së fundit, midis Shqipërisë dhe Izraeli, sulmet dhe ofendimet e tifozëve na bënë ta çaktivizojmë përkohësisht faqen në Facebook. Kjo ishte vetëm një masë mbrojtëse, që të ndaleshin komentet ofenduese, sepse mund t’i fshinim dhe t’u jepnim “bllok” përdoruesve. Pasi kam riparë videot e ndeshjes, të gjitha, pa përjashtim, jam i bindur se kam qenë totalisht serioz dhe korrekt në vendimet e marra. Veprimi i mbrojtësit apo goditja e portierit padyshim janë të ndëshkueshme me kartonë të kuq”, ka shkruar ai në Facebook.

E pabesueshme, ja ku pritej të luhej ndeshja Shqipëri-Izrael

Shqipëri-Izrael mund të ishte luajtur fare mirë në fushë neutrale.

Periskopi.com Sporti

Alarmin e japin mediat izrealite dhe konkretisht “Ynetneës”, e cila zbardh edhe letrën që Qeveria shqiptare i ka dërguar FIFA-s për të garantuar sigurinë gjatë ndeshjes.

“Ishte Qeveria Shqiptare e cila garantoi në FIFA zhvillimin e ndeshjes pa probleme. Nëse nuk do të ndodhte kështu atëherë takimi do të luhej në një fushë neutrale, ndoshta në një qytet jashtë Shqipërisë. Masa të çuditshme pas kësaj marrëveshje u ndërmorën edhe nga shqiptarët edhe nga ne”, shkruan ndër të tjera media izraelite.

Në fakt, masat e Policisë u konsideruan nga shumë futbollistë dhe analistë sportiv si arsyeja kryesore përse stadiumi “Elbasan Arena” ishte gjysmë bosh.

Izraeli pagoi dy hotele në Tiranë, zbardhet shkaku

Federata Izraelite e Futbollit ka paguar dy hotele në Tiranë gjatë dy ditëve që ekipi i futbollit qëndroi në kryeqytetin shqiptar.

Periskopi.com Sporti

Mësohet se fillimisht ishte planifikuar që ekipi izraelit të akomodohej në hotel “Sheraton” aty ku ishin rezervuar të gjitha dhomat për futbollistët dhe stafin, shkruan “Neësbomb”.

Por në fund plani i Izraelit ka ndryshuar dhe ekipi u akomodua në hotel “Plaza” në qendër të kryeqytetit.

Federata izrealite ka paguar të gjitha dhomat që kishte zënë paraprakisht në “Sheraton” dhe më pas ka paguar edhe dhomatte “Plaza”.

Kjo është renditja në grupin e Shqipërisë

Kombëtarja Shqiptare u mposht nga Izraeli me rezultat të thellë 0:3.

Periskopi.com Sporti

Pas kësaj humbje, gjasat për kualifikim zbehen dukshëm, duke pasur parasysh faktin se Spanja dhe Italia shënuan fitore.

grupi

Humbje e thellë e Kombëtares në shtëpi

Kombëtarja Shqiptare ka pësuar humbje të thellë në shtëpi nga Izraeli me rezultat 0:3.

Periskopi.com Sporti

Kuqezinjtë ishin të pafat në këtë sfidë, pasi shumë herët mbetën me një lojtar më pak.

Po zhvillohej minuta e 17-të, kur mbrojtësi Berat Gjimshiti pengoi në zonë izraelitin Eran Zahavi, i cili më pas realizoi nga penaltia për epërsinë e Izraelit.

Kuqezinjtë tentuan të marrin lojën në dorë, mirëpo nuk arritën të bënin më shumë sesa disa kundërsulme.

Edhe më keq për të përzgjedhurit e Gianni de Biasit u bë në minutën e 55-të, kur edhe portieri Etrit Berisha u përjashtua me karton të kuq, pas një kacafytje të vogël që pati me Zahavin.

Penaltinë arriti ta mbrojë portieri i sapoinkuadruar, Alban Hoxha.

Mirëpo, të tanët nuk arritën të mbahen më shumë me të njëjtin rezultat, pasi në minutën e 66-të pësuan gol, ku shënoi Daniel Eindbinder.

Rezultatin përfundimtar prej 0:3 e shënoi Eliran Atar.

Pas kësaj humbje, Shqipëria rrezikon jashtëzakonisht shumë, pasi mbetet në kuotën e gjashtë pikëve pas katër ndeshjeve, duke u renditur në vendin e katërt në grup, pas Spanjës, Italisë dhe Izraelit. /Periskopi.com

Mbyllet pjesa e parë, Shqipëria 0:1 Izraeli

Ka përfunduar pjesa e parë e ndeshjes Shqipëri-Izrael. Rezultati është 0:1.

Periskopi.com Sporti

Goli i vetëm deri më tani u shënua në minutën e 18-të, ku Berat Gjimshiti pengoi Eran Zahavin në zonë, ku ky i fundit realizoi nga penaltia.

Gjimshiti u largua me karton të kuq pas kësaj ndërhyrje, duke e lënë skuadrën me një lojtar më pak.

Megjithatë, Kuqezinjtë rrezikuan jo pak duke pasur parasysh faktin se ishin me vetëm dhjetë lojtarë.

Gjithsesi, presim një lojë edhe më të mirë në pjesën e dytë nga lojtarët tanë, të cilët përkundër të qënit në disavantazh, po marrin iniciativë për të sulmuar. /Periskopi.com

Nis ndeshja Shqipëri-Izrael

Ka nisur ndeshja e vlefshme për kualifikime në Botërorin 2018 ndërmjet Shqipërisë dhe Izraelit.

Periskopi.com Sporti

Kjo sfidë zhvillohet në Elbasan Arena.

Pritet fitore nga Kuqezinjtë, për të mbajtur gjallë ëndrrën për kualifikim në Botërorin 2018. /Periskopi.com

Formacionet zyrtare: Shqipëri-Izrael

Shqipëria pret Izraelin në ndeshjen e radhës kualifikuese për Botërorin 2018.

Periskopi.com Sporti

formacioni