Maqedonia dhe Kosova, më të rrezikuarat nga ekstremizmi

Maqedonia dhe Kosova janë dy shtetet më të rrezikuara në Ballkan nga ekstremizmi i jashtëm.

Periskopi.com Lajme

Konkulizioni doli gjatë një debati në Shkup ku u tha se Ballkani Perëndimor është burim kryesorë i personave që shkojnë të luftojnë në Irak dhe Siri.

Profesori i Univeristetit të Kolumbisë Dejvid Filips tha se kriza politike në Maqedoni që po zgjat me vite e rrit rrezikun nga ekstremizmi i jashtëm.

Sipas Institutit amerikan për Paqe, 314 kosovarë kanë shkuar të luftojnë në Siri dhe Irak që nga viti 2012, dhe sipas institucioneve maqedonase, rreth 300 deri 400 persona nga Maqedonia për të njëjtën periudhë kanë shkuar të luftojnë atje.

Sipas numrit të popullatës, Kosova dhe Maqedonia janë shtetet më të rrezikuara në Evropë nga radikalizmi. Shkupi është në vendin e pestë në botë sipas numrit të popullsisë që shkojnë të luftojnë në shtetet islamike – deklaroi profesori Universitar, Dejvid Filips.

Me këtë rast, ai u ndal edhe te Lëvizja Besa për të cilën tha se nuk është parti transparente për mënyrën e financimit dhe sipas tij kjo nuk është parti shqiptare.

Mirëpo, këto pretendime të profesorit amerikan, Lëvizja Besa i i ka quajtur shpifje të shpikura nga kundërshtarët e saj politikë.

Ndërkohë, ish-ambasadorit të Shqipërisë në Shkup, Arben Çejku, si një nga panelistët e këtij debati tha se zgjidhja e krizës politike në Maqedonia do të të minimizoj rrezikun e ekstremizmit të jashtëm.

Uroj që të ketë një zgjidhje në dobi të qytetarëve, për të çuar përpara proceset demokratike që kanë filluar në këtë vend, dhe natyrisht për të mbyllur edhe një shteg që mundëson rryma radikale për të influencuar stabilitetin e vendit për të afërmen e afërt – tha Arben Çejku, Ish ambasador i Shqipërisë në Maqedoni.

Ish diplomati shqiptarë, tha se shqiptarët gjithmonë në situata të vështira kanë reaguar si një komb ndëonëse janë të ndarë në disa shtete.

 

 

Zbulohet kush mund ta ketë shkruar letrën kërcënuese të ISIS’it për UP’në

Policia ka intervistuar disa të dyshuar, “rasti nuk ishte serioz”

Periskopi.com Lajme

 

“Është e mundur që kjo letër është e shkruar që ta arrijë efektin më të fortë për qëllimet sikur i ceka nga dikush prej studentëve, mbasi është si trend tani çështja e ISIS-it”, ka thënë Tërnava

Deri sa Universiteti i Prishtinës “Hasan Prishtina” po bëhej gati që të shënojë dyzetë e katër (45) -vjetorin e themelimit e tij, në hapësirat e Fakultetit Filozofik, përkatësisht në Sallën e Kuqe,  është gjetur një letër kërcënuese e nënshkruar me akronimet e organizatës terroriste Shteti Islamik.

Prorektori për Marrëdhënie Ndërkombëtare në Universitetin e Prishtinës, Afrim Hoti, ka konfirmuar për mediat se arsyeja e mosmbajtjes së ceremonisë në Fakultetin Filologjik është kërcënimi që kanë marrë përmes një letre në emër të “Shtetit Islamik”.

“Do t’ju sulmojmë me datën 15.02 (shkurt) dhe shihemi te Zoti”, shkruante letra e lënë në sallën ku planifikohej të mbahej ceremonia, ka treguar Hoti.

Por, ai ka theksuar se letrën nuk mund ta bëjë publike pasi ajo i është dorëzuar Policisë.

Lidhur me këtë çështje, gazeta “Bota Sot” ka kontaktuar me Policinë e Kosovës për informata me të hollësishme. Në përgjigjen e Policisë së Kosovës thuhet se me datën 10.02.2017 rreth orës 19:00  është raportuar se në objektin e Fakultetit Filozofik se është gjetur një letër e formatit A4 me një përmbajtje kërcënuese.

Policia ka intervistuar disa të dyshuar, “rasti nuk ishte serioz”

“Njësite policore i janë përgjigjurmenjëherë thirrjes dhe kanë shkuar në vendin e ngjarjes, ku kanë  gjetur letrën në një tavolinë në objektin e Fakultetit Filozofik, e cila kishte përmbajtje kërcënuese se ISIS me datë 15.02 do ta sulmojë fakultetin”, thuhet në përgjigjen e Policisë.

Po ashtu, zyrtarët të Policisë së Kosovës kanë thënë se në vend të ngjarjes ka dal edhe njësia kundër terrorizmit dhe njësi tjera relevante si dhe është njoftuar prokurori kompetent.?

“Njësitet relevante së bashku me njësitet e antiterrorist kanë shikuar kamerat e sigurisë dhe në fund janë marr edhe xhirimet e kamerave të sigurisë.

Policia e Kosovës ka marrë të gjithat masat e nevojshme policore për hetim dhe ndriçim të rastit, ku ka intervistuar person/a lidhur me rastin, për të cilin rast hetimet janë duke vazhduar edhe pse rasti nuk ka rezultuar me kërcënim serioz”, thuhet në përgjigjen e Policisë së Kosovës për “Bota sot”.

Islami: UP-ja të mos merret me letra, por me rezultatet

Sipas ekspertit të çështjeve të sigurisë Avni Islami, në Universitetin e Prishtinës është politizuar gjithçka dhe problemet janë rritur në masë shumë të madhe, madje aq sa, aty ka humb kuptimi i të qenit profesor e student.

Ai ka thënë për “Bota sot” se letra kërcënuese nuk ka të bëjë fare me rrezikimin e kampusit Universitar.

“Ata paskan deklaruar se në adresë të tyre paska shkuar një letër kërcënuese nga ISIS-i, dhe për mendimin tim, ajo nuk ka të bëjë fare me rrezikimin e kampusit Universitar, edhe pse çdo informatë do të duhej të analizohet se sa është serioze lidhur me kërcënimet dhe rreziku që do të mund t`i kanosej Kosovës”, ka thënë Islami.

Por, ai ka thënë se Universiteti do të duhej t`i marr seriozisht vërejtjet për nivelin e ulët të kënaqshmërisë se rezultateve, se sa të merret me letra të dyshuara dhe të pa verifikuara nga organet e sigurisë.

Tërnava: Letra mund të jetë shkruar nga vet studentët

Ndërsa, analisti tjetër, Hajrullah Tërnava ka thënë se situata e krijuar në UP nga një grup studentësh, para disa ditësh, e tregon edhe situatën politike dhe arsimore në të cilën ka ra ky Universitet.

“Duke mos iu përmbajt kritereve shkencore të profesorëve, që emërohen në baza partiake dhe me njoftësi, e të cilët duhet t’i përgatisin kuadrat për ardhmërinë e Kosovës, dhe duke e vërejtur këtë gjendje, edhe vet studentët s’po e pranojnë një gjendje të tillë, ku kryhet fakulteti shkel e shko, në mënyra demonstruese, po i përkujtojnë qeveritarët dhe politikanët se më nuk shkohet kështu me këto kuadro”, është shprehur Tërnava.

 

Efekti vetëdijësues

Edhe letra kërcënuese e ISIS-it që e ka marr UP-ja, sipas tij, e ka qëllimin që të vetëdijësohet kjo shoqëri dhe që të punohet ashtu si e parashohin ligjet dhe Kushtetuta e Kosovës.

“Është e mundur që kjo letër është e shkruar që ta arrijë efektin më të fortë për qëllimet sikur i ceka nga dikush prej studentëve, mbasi është si trend tani çështja e ISIS-it”, ka thënë Tërnava, derisa ka theksuar se organet e sigurisë nuk duhet ta neglizhojnë këtë çështje, dhe duhet që t’i ndërmarrin të gjitha masat në preventive që mos të vie deri te më e keqa dhe t’a parandalojë efektin e kësaj letre.

AKI të merret me letrën e ISIS-it

“Nuk është për t’u nënçmuar kjo letër, kur dihet që një numër jo i vogël i të rinjve shqiptarë kanë marrë pjesë në luftërat e ISIS-it, edhe që dita ditës është duke iu humbur forca dhe me të madhe, po i humbin betejat dhe po shkapërderdhen. Me këtë çështje të kësaj letre nga ISIS-i,  duhen të merren në rend të parë AKI dhe Policia e Kosovës si dhe të gjitha institucionet që e luftojnë krimin në përgjithësi”, ka theksuar Tërnava për Bota sot.

Në fund, Tërnava ka thënë se numri i shqiptarëve që kanë qenë pjesëmarrës në luftërat e ISIS-it, nuk është i vogël dhe gjithnjë ekziston mundësia e sulmeve në institucionet ma të larta të Kosovës për tu arritur efekti pozitiv nga ana e ISIS-it për qëllimet e tyre.

“Tani është në rrënjë e sipër efekti luftarak i ISIS-it, dhe droja për një sulm është më i vogël. Sidomos kur dihet se edhe ata që iu kanë bashkangjitur ISIS-it, tjerët anëtarë të familjeve i kanë në Kosovë, dhe çdo sulm në institucionet e Kosovës kishte më qenë fatal edhe për veteata dhe familjet e tyre në tërësi”, ka përfunduar Tërnava.

Ndryshe, ceremonia për shënimin e themelimit të Universitetit të Prishtinës pas këtij kërcënimi, është mbajtur në sallën e Senatit të Rektoratit të Universitetit të Prishtinës./BS/

Mësohen ish-ushtarakët shqiptarë që u bënë vrasës, grabitës dhe xhihadistë

Batalioni Komando i Forcave të Armatosura është reparti elitë i ushtrisë shqiptare, efektivët e së cilit janë trajnuar dhe stërvitur ndër vite me metodat më speciale luftarake të asgjesimit të “armikut”.

Periskopi.com Lajme

Ky batalion ka patur në përbërje të tij ushtarakët më të zotë, që kanë nderuar ndër vite Shqipërinë gjatë pjesëmarrjes në misionetpaqeruajtëse të NATO-s në vendet e përfshira në konflikt të armatosur ku rreziku për jetën ka qenë maksimal, si në Irak apo Afganistan.

Të stërvitur vetëm “për të vrarë”, efektivët “Komando” nuk janë të trajnuar për të bërë ndonjë “gjë” tjetër në jetë: veç neutralizimin dhe asgjesimit me gjaktftohtësi po qe nevoja.

Ndaj dhe shumë efektivë pas mbarimit të misioneve, të braktisur ndër vite nga shteti, të hedhur në rrugë, pa asnjë mundësi punësimi alternativ dhe të pa asistuar kurrë nga ana psikologjike, me kalimin e kohës nga “paqeruajtës” janë shndërruar në rrezik potencial për sigurinë: vrasës me pagesë, grabitës të rrezikshëm, trafikantë droge e deri në xhihadistë.

BalkanWeb raporton sot rastet e të gjithë ish-komandove të shndërruar në kriminelë të frikshëm, duke filluar nga viti 2011 e deri më tani, grabitjen në 9 shkurt 2017 të 3.2 milionë dollarëve në Qafë-Kashar nga një bandë profesioniste që në përbërje kishte pikërisht dy ish-ushtarë elitë të Batalionit special të FA-ve.

BalkanWeb rendit në mënyrë kronoligjike të gjitha rastet e përfshirjes së ish-trupave komando në krime shumë të rënda, ç’ka mund të shërbejë edhe si një formë ndërgjegjësimi në mënyrë që institucionet dhe ministria e Mbrojtjes në veçanti, të kthejë në të ardhmen sytë me programe rehabilitimi e politika socialesh nga kjo kategori, që e braktisur nga shtetit është potencialisht e prirur për krime të frikshme.

*17 Shtator 2011/ Grabit 176 unaza prej ari, pranga komandos

Një oficer i ushtrisë, në repartin e forcave speciale “Komando” arrestohet me akuzën e grabitjes. Oficeri që kishte kryer 5 misione paqeruajtëse në Irak e Afganistan, përfundoi në pranga, pasi kërkohej prej disa muajsh me akuzën e grabitjes ndaj një biznesmeni në Durrës.

Kujtim Çeliku, 33 vjeç, nga fshati Mullet i Tiranës, akuzohej për ngjarjen e ndodhur në maj 2011, respektivisht për vjedhjen e një çante me 176 unaza floriri, me një vlerë prej 30 milionë lekësh. Gjatë kontrollit në banesën e tij, në Mullet të Tiranës, u gjetën edhe municione dhe kallëpe tritoli, që ai i mbante pa leje. Çeliku po përgatitej për një tjetër mision paqeruajtës në Irak, që do të niste pas dy javësh. Emri i tij figuronte në listën me 58 komando paqeruajtës, të cilët janë dekoruar në vitin 2003 me medaljen “Për Shërbime Ushtarake”, dhënë nga Presidenti i Republikës.

Kujtim Çeliku, kishte marrë pjesë në 5 misione të tilla si pjesë e forcave Komando. Nga të dhënat rezultonte që ai të ketë qenë me shërbime të tilla, tri herë në Irak dhe 2 herë në Afganistan.

6 Qershor 2013/ Komandoja dënohet me 12 vjet burg, vrau të “dashurin” e nënës*

Gjykata e Tiranës, dënon me 12 vjet burg oficerin e forcave komando, Aldo Morina për akuzën e vrasjes së taksistit Mehmet Beqiri.

Por në aplikim të gjykimit të shkurtuar u vendos ulja e dënimit me 8 vite burgim. Raporton se oficeri Morina, që ditën e vrasjes, më 1 janar 2013 u dorëzua në polici dhe pranoi krimin, me pretendimin se viktima i dhunonte nënën.

Sipas prokurorisë, Beqiri dhe nëna e të pandehurit kishin një lidhje jashtë martesore, lidhje e cila nuk është pritur mirë nga komandoja që në debat e sipër e ka qëlluar me armën e punës taksistin Beqiri.

21 Mars 2014/ Katër komando të Zall Herrit i bashkohen ISIS, dy vriten

Hetimet e prokurorisë për shqiptarët që shkonin të luftonin në Siri, zbulojnë të dhënë tronditëse. Sipas organit të akuzës, pjesë e ISIS ishin bërë edhe katër ish-komando shqiptare, dy prej të cilëve kanë gjetur edhe vdekjen.

Emrat e ish-komandove që kanë shkuar në Siri janë:

Diamant Rasha (Emri fetar Ebu Amar– vrarë në Siri në dhjetor 2013, ish-komando në Zall-Herr) Erjon Alinj (Vrarë në Siri, ish-komando në Zall- Herr) Artur Balla (Emri Fetar Omer, kthyer nga Siria më 5 shkurt 2014, ish-komando në Zall-Herr) Leonard Përlika (I kthyer nga Siria, ish-komando në Zall- Herr) 15 Korrik 2014/ Prodhonin mina me telekomandë, arrestohen 3 komando.

Nga policia e Durrësit arrestohen tre komando për veprën penale të “Trafikimit të lëndëve plasëse, djegëse, helmuese dhe radioaktive”, respektivisht Fran Kola, Kleo Gjinkola dhe Alban Donaj, të cilët montonin e tregëtonin mina me telekomandë.

Sipas hetuesve të çështjes, Gjinkola pranoi faktin se ka prodhuar 7 mina me telekomandë dhe se ka kërkuar gjetjen e tregut për shitjen e tyre, ndërsa Donaj ka pranuar se bënte lidhjen e qarqeve me celularët dhe C4. Dy ushtarët me pagesë deklaruan se kishin prodhuar vetëm 7 minat që gjeti dhe sekuestroi policia dhe se nuk kanë mundur të shesin asnjë në treg. Ndërkohë policia pretendoi se minat e prodhuara nga ushtarët janë përdorur në tre atentate, respektivisht në vrasjen e biznesmenit Xhemal Çela, ekzekutimin e Baki Xhabaftit dhe plagosjen e kryekomunarit Fredo Berberi.

17 Shtator 2014/ Dënohet me 35 vjet burg për vrasje ish-komandoja

Gjykata e Tiranës dënon me 35 vjet burg ish-oficerin e Forcave të Armatosura Ndriçim Ballën, për akuzën e vrasjes me dashje të Majlinda Hoxhës dhe plagosjen e Elton Fushës në zonën e ish-bllokut në Tiranë.

Ngjarja e rëndë ndodhi më 9 shtator 2013 në zonën e ish-Bllokut, ku Balla qëlloi me armë zjarri në drejtim të Elton

Fushës ndërsa ky ndodhej në lokalin e marrë më qira në këtë zonë, por plumbat kapën 35-vjeçaren Majlinda Hoxha e cila humbi jetën menjëherë. Nga të shtënat mbeti i plagosur edhe Elton Fusha, objektivi i atentatit, i cili i kishte 20 mijë lekë të reja borxh vëllait të autorit të vrasjes.

15 Qershor 2016/ Arrestohet për trafik droge një komando

Në sajë të operacionit të koduar “Fast” policia arreston Romin Davidhi, 28 vjeç, banues në Durrës, komando i Forcave Detare si dhe Arjan Tabakut, 49 vjeç, banues në Krujë.

Arrestimi i tyre u bë pasi më datë 14.06.2016, në lagjen Nr.13, Plazh, gjatë kontrollit të ushtruar në mjetin tip Fiat, me targa AA 799 LB, me drejtues Arjan Tabakun, u gjetën dhe u sekuestruan në cilësinë e provave materiale: Rreth 10 kg lëndë narkotike e dyshuar e llojit kanabis sativa Një trup pistolete bashkë me tytën Fishekë të kalibrit 7.62 mm

8 Nëntor 2016/ Arrestohet ish-komandoja, do kryente akt terrorist në ndeshjen Shqipëri-Izrael*/

Parandalohet akti terrorist në ndeshjen Shqipëri-Izrael, arrestohet komandoja që prodhoi bombën me telekomandë

Katër ditë para zhvillimit të ndeshjes Shqipëri-Izrael një operacion ndërkombëtar i shtrirë në Shqipëri, Kosovë dhe Maqedoni, finalizohet me arrestimin e 18 personave të dyshuar për lidhje me ISIS. Në bazë të informacioneve të shërbimeve sekrete partnere, veçanërisht CIA-s dhe MOSSAD-it u bë e ditur se këta persona do kryenin një akt terrorist në stadiumin “Loro Boriçi” ndaj ekipit të Izraelit.

Një nga të arrestuarit, i cilësuar nga Prokuroria, si personi kyç në grupin e xhihadistësve ishte edhe Medat

Hasani, ish-komando e Ushtrisë shqiptare, i cili ka qenë pjesë e brigadave terroriste të ISIS, që drejtohen nga dy kosovarët Lavdrim Muhaxheri dhe Ridvan Haqifi.

Në një raport operativ të SHISH dërguar Prokurorisë, thuhet se Medat Hasani është larguar më 28.07.2013 drejt Sirisë dhe është kthyer në dhjetor 2013 në Shqipëri. Hasani dikur ka qenë efektiv i forcave speciale të ushtrisë, duke marrë pjesë në një mision ushtarak paqeruajtës në Irak.

Në këtë mision, Hasani ka shërbyer 6 muaj, dhe më pas është kthyer së bashku me të gjithë anëtarët e grupit. Mirëpo pas largimit nga ushtria, mendohet se ai ka rënë në kontakt me persona ekstremistë që predikojnë fenë islame, duke u indoktrinuar prej tyre që aftësitë e tij ushtarake t’i zbatonte për të kryer krime terroriste. Hasani besohet se kishte marrë përsipër të ndërtonte apo të siguronte bombat me telekomandë, që do përdoreshin gjatë zhvillimit të ndeshjes së futbollit Shqipëri-Izrael në stadiumin e Shkodrës.

Shkurt 2017/ Grabiten 3.2 milionë USD në Qafë-Kashar, arrestohen dy ish-komando*

Në kuadër të operacionit “Patriot”, policia arreston 4 nga 8 grabitësit e 3.2 milionë dollarëve të BKT-së në afërsi të Rinasit. Mes të arrestuarve ishin edhe dy ish-komandot, Ditjon Memlika dhe Naim Avdulaj. Avdulaj është larguar nga ushtria në 2011 pas një mase disiplinore për shkak të mungesave në punë, ndërsa Memlikaj është larguar është larguar për mbarim qëndrimi në gradë.

Ditjon Memlika që ka shërbyer për një vit në Afganistan mësohet të jetë njohës i mirë i blindave, pasi ka drejtuar mjete të tilla. Ndërsa Naim Avdylaj, kushëriri i tij njihet si frekuentues i rregullt i basteve sportive dhe kazinove.

Neim Avdulaj nga Vlora ka shërbyer më herët si ushtar profesionist në Forcat Ushtarake të Zallherrit. Avdulaj ka qenë më parë i ndaluar në Itali për shpërndarje kokaine në vitin 2012, ku gjatë kontrrollit rutinë të policisë lokale u kap në flagrancë me 12 gramë kokainë, të cilën po përpiqej ta shpërndante te klientët në njërin nga lokalet e zonës së Cegias. Avdulaj është i martuar dhe ka një djalë. Edhe Ditjon ka shërbyer më herët në Forcat e Armatosura dhe ka qënë pjesë e disa misioneve paqeruajtëse jashtë vendit, kryesisht në Irak dhe Afganistan, në vitin 2010. Memlika ka qenë pjesë e Forcave Komando të Zallherrit deri para dy viteve. Ai është i martuar

he ka një fëmijë. Të dy komandot u arrestuan falë operacionit “Patriot” që vijon ende edhe për kapjen e 4 prej 8 të dyshuarve si grabitës. /Marrë nga BalkanWeb/

Të paktën 100 të vdekur në vendin e shenjtë, ISIS merr përsipër masakrën në Pakistan

Të paktën 100 persona janë vrarë dhe qindra të tjerë janë plagosur në një sulm kamikaz me bombë në një vend të shenjtë në Pakistan këtë të enjte, sipas policisë lokale. ISIS ka marrë përsipër përgjegjësinë e sulmit, përmes një raportimi nga media e propagandës e grupit ekstremist, AMAQ.

Periskopi.com Lajme

Kamikazi ka hyrë në faltoren Lal Shahbaz Qalandar në qytetin e Sehwan Sharif përmes portës së artë, sipas autoriteteve lokale të cituara nga “Dawn News”.

Shpërthimi ndodhi në vendin ku një ritual i njohur si “Dhamaal” ishte duke u zhvilluar.

Kryeministri i Pakistanit, Naëaz Sharif, ka dënuar sulmin.

Vendi i shenjtë është ndërtuar rreth varrit të Lal Shahbaz Qalandar, poet dhe filozof musliman “Sufi”.

/Syri.net/

Qeveria e Kosovës reagon për kërcënimin e ISIS-it drejtuar UP-së

Qeveria e Republikës së Kosovës ka pranuar me shqetësim informatat se Universiteti i Prishtinës “Hasan Prishtina” ka marrë një letër kërcënuese në emër të organizatës terroriste të ashtuquajtur “Shteti Islamik”.



Periskopi.com Lajme

Qeveria e Kosovës, përmes një komunikate fton organet kompetente shtetërore që të zbardhin këto kërcënime dhe të përballin me drejtësinë kryesit e akteve të tilla.

Duke ftuar qytetarët e Kosovës që të jenë të qetë, Qeveria e Republikës së Kosovës shpreh përkushtimin e plotë që, në partneritet me Shtetet e Bashkuara të Amerikës dhe partnerët tjerë strategjikë, të luftoj dhe të jap kontribut në të gjitha format në luftën globale kundër terrorizmit.

Qeveria e Kosovës, po ashtu, dënon mbishkrimet e ulëta që janë shfaqur në disa objekte private në Gjilan, të drejtuara kundër komunitetit serb.

Duke pas parasysh ambientin e sigurt në Kosovë dhe përkushtimin e popullit dhe institucioneve të Kosovës për vlerat e bashkëjetesës ndërmjet komuniteteve, Qeveria e Kosovës fton organet e rendit që të marrin të gjitha masat dhe të venë para drejtësisë individët e papërgjegjshëm që kanë kryer këto akte vandale, kushdo që ata janë.

Republika e Kosovës është sot modeli më i mirë i shtetit ku respektohen të drejtat më të avancuara për të gjithë qytetarët dhe se vlerat e bashkëjetesës paqësore dhe harmonisë ndërmjet komuniteteve nuk mund të vihen në pikëpyetje nga parullat e vandalëve dhe mbishkrimet që kanë për synim ngritjen e tensioneve, kudo që ato mund të shfaqen dhe ngado që mund të vijnë./ Periskopi

ISIS kërcënon me sulme resortet turistike të Spanjës

Fanatikët e Shtetit Islamik, kanë kërcënuar në mënyrë direkte resortet më të mëdha të turistëve në Spanjë, atje ku pritet të shkojnë për vizitë miliona britanikë gjatë këtij viti.

Periskopi.com Lajme

Kërcënimet janë shpërndarë nëpër rrjetet sociale duke u shoqëruar me frikën se grupi terrorist po punëson edhe përkthyes dhe xhihadistë të jashtëm në këtë shtet.

Këto kërcënime vijnë vetëm disa javë pasi policia në pjesën veriore të vendit në San Sebastian, ka arrestuar trajnerin maroken të boksit nën dyshimin se ka rekrutuar njerëz për ISIS-in.

Kërcënimet direkte kundrejt Spanjës janë përmendur edhe në një raport zyrtar të qeverisë shkruan Daily Mail, transmeton Klan Kosova.

Kjo po cilësohet si përsëritje e masakrës së Tunizisë në qershor të vitit 2015-të, ku xhihadisti Seifeddine Rezgui vrau 38 njerëz në resorin Port El Kantaoui.

Komplot për të ndihmuar ISIS-in, burgoset ushtari amerikan

Një ish-ushtar i gardës kombëtare amerikane, i cili është akuzuar se ka organizuar një komplot për të ndihmuar grupin e Shtetit Islamik, është dënuar me 11 vjet burg.

Periskopi.com Lajme

Mohamed Jalloh, 27 vjec, qytetar amerikan, u shpall fajtor në tetor të vitit 2016 nën akuzat se kishte siguruar mbështetje materiale për një organizatë të huaj terroriste.

Hetuesit  thanë ai ishte përpjekur edhe për të udhëtuar në Libi dhe të planifikonte një sulm me arme ndaj ushtarëve amerikanë atje.

Në shtator 2016, një tjetër ushtar u dënua për mbështetjen e grupit ekstremistë, Shkruan ”BBC”./SYRI.net

Ridvan haqifi

BIK-u i Gjilanit: Vdekja e Ridvan Haqifit na ka shqetësuar

Naim Aliu përfaqësues i Bashkësisë Islame në Gjilan, ka shprehur shqetësimin e këtij institucioni për vdekjen e Ridvan Haqifit i cili ishte pjesëmarrës në luftën e Sirisë nën strukturat e Shtetit Islamik.

Periskopi.com Lajme

Gjatë një interviste në Klan Kosova, Haqifi ka deklaruar se vdekja e tij dhe e kujtdo që shkon në luftë, është diçka që pritet.

“Kemi dëgjuar për vdekjen e Ridvan Haqifit mirëpo vdekja e tij nuk është konfirmuar. Ai thuhet të jetë vrarë në luftën e Sirisë. Meqenëse rasti në fjalë ka të bëjë me një pjesëmarrës në luftë, vdekja e tij është e pritshme. Ne shprehim shqetësimin tonë që kemi humbur një fjalë të ri. Nuk kemi gjak të njomë që të ujisim shkretëtirat e Arabisë”.

Ai ka deklaruar se Bashkësia Islame në Gjilan, ka kohë që po mundohet të promovojë vlerën e vërtetë të islamit duke promovuar paqe në vend të dhunës, por thotë se ky është një problem i tërë botës dhe edhe vendi ynë mbetet i përfshirë.

“Ky është problem global dhe Kosova është pjesë e këtij problemi. Disa të rinj tanë janë pjesëmarrës të këtyre luftërave që nuk janë as të shenjta e as të drejta. Bashkësia Islame e ka ngritur zërin me kohë. Këshilli i BIK-ut në Gjilan po jep kontributin e vazhdueshëm për njerëzit të cilët janë në rrezik, në mënyrë që të evitohen këto raste. Me ligjëratat tona javore, japim mesazhe të cilat e thonë qartë se feja islame është e paqes dhe jo e dhunës”.

Aliu mendon se varfëria dhe propaganda e gabuar e fesë islame, janë dy shkaqet kryesore që kanë ndikuar tek të rinjtë që i janë drejtuar luftës së Sirisë.

“Prej shkaqeve që të rinjtë tanë i kanë shtyrë që të shkojnë atje, do kisha evidentuar gjendjen e rëndë ekonomike të familjeve të tyre dhe te disa të rinj kemi vërejtur euforinë dhe mos-dijen për fe”.

Vritet komandanti i shqiptarëve të ISIS që kërcënonte me ‘Ditë të zeza ju presin’

Ridvan Haqifi nga Gjilani, i njohur me nofkën Al-Kosovi, ka vdekur diku gjatë luftimeve në Siri e Irak.

Periskopi.com Lajme

Luftëtari i ISIS-it që paralajmëronte ditë të zeza nuk jeton më, dhe familja e tij në Gjilan ka hapur dyert e shtëpisë, njofton RTK.

Familja Haqifi ka konfirmuar vdekjen e djalit të tyre, por nuk ka dhënë detaje të tjera.

Lajmin për vdekjen e Haqifit e kanë edhe Bashkësia Islame në Gjilan dhe Policia, por askush prej tyre nuk ka dashur të komentojë rastin.

Ridvan Haqifi, i angazhuar në luftërat në Siri dhe Irak nga korriku i vitit 2014, e zëvendësoi Lavdrim Muhaxherin si komandant i shqiptarëve në organizatën terroriste ISIS.

10 vjeçarja vdiq pas “kafshimit helmues” nga femrat e ISIS-it

  Një vajzë 10 vjeçare nga Irani vdiç pasi u kafshua me një mjet torturimi mesjetar, të helmuar nga idhujtaret femra të ISIS-it.

Periskopi.com Lajme

Kjo ndodhi për shkak se nëna e vajzës vendosi që ta sakrifikonte vajzën në vend të saj.

Pasi që në Mosul është e ndaluar që gruaja të dalë nga shtëpia, nëna e saj doli jashtë kur ishte duke e pastruar shtëpinë dhe dikush e pa dhe e lajmëroi .

Kjo nënë u pyet nëse dëshironte që të dënohej ajo apo vajza e saj për këtë gjë që kishte bërë.

Asaj iu tha se vajza vetëm do të “pickohej” pak nga një femër aty, por në fakt anëtaret e brigadës Khansa e prodhuan atë lloj mjeti dhe e helmuan vajzën për vdekje, transmeton Daily Mail.

Bëri vetëvrasje që të mos kapej nga ISIS

Periskopi.com Lajme

Një ushtar anglez, i cili po luftonte si vullnetar me forcat e armatosura kurde, YPG, bëri vetëvrasje, në mënyrë që të mos kapej rob nga të ashtuquajturit Shtet Islamik apo ISIS, thanë burime të afërta kurde për BBC, përcjell Periskopi.

Po të njëjtat burime thonë, se edhe pesë ushtarë të tjerë u rrethuan nga ISIS, në Ja’bar dhe treguan “rezistencë të konsiderueshme” para se të vriteshin. /Periskopi/

Pse gratë e Kosovës po përfshihen në ekstremizmin e dhunshëm!

Periskopi.com Video

Zbulohen hajdutët që i vodhën diamantet Kim Kardashianit, janë të lidhur me xhihadistët e ISIS-it

Hajdutët që i vodhën stolitë Kim Kardashianit në Paris, besohet të kenë lidhje me xhihadistët e ISIS-it.

Periskopi.com Limonada

Një burim brenda Interpolit i kanë thënë gazetës “Radar Online”, se hajdutët dyshohet se ishin pjesë e grupit terrorist ISIS.

“Belgjika është lidere në shitjen e diamanteve, ku ka lulëzuar tregu i zi. Diamantet e vjedhura janë rishitur, ndërsa paratë kanë përfunduar në duart e islamistëve radikalë”, shkruan ndër të tjera kjo gazetë amerikane.

Kujtojmë se autoritetet franceze kanë arrestuar 17 persona, të cilët dyshohen se janë hajnat që vodhën Kardashianin.

Publikohet identiteti i shqiptarit që planifikoi sulm në Vjenë

Mediat austriake kanë publikuar një foto të shqiptarit të arrestuar dje në Vjenë, i cili dyshohet se po planifikonte një sulm terrorist në metro.

Periskopi.com Lajme

Ai është Lorenc. K. me baba shqiptar dhe dyshohet se ishte radikalizuar së fundmi, pasi në banesën e tij janë gjetur materiale që e lidhin atë me ISIS-in.

Shqiptari kishte përgatitur gjithçka. Ai do të sulmonte me bomba stacionin qëndror të metrosë, shkruan “Panorama”.

Sulmi ishte planifikuar të ndodhte me 24 janar, ku kishte edhe një ngjarje patinazhi dhe planifikohej që metrotë të mbusheshin plot.

Ai është vetëm 18-vjeçar dhe shumicën e kohës jetonte në Gjermani. Shqiptari është marrë në pyetje nga Policia dhe më pas është lënë në burg.

Gjithashtu, janë marrë edhe telefonat e tij celularë dhe llogaritë në rrjetet sociale për të parë nëse vërtet ka pasur lidhje me ISIS-in, apo ka qenë thjesht një adhurues i të ashtuquajturit Shtet Islamik.

Ja sa territor humbi ISIS gjatë vitit 2016

I ashtuquajturi Shteti Islamik (ISIS), ka humbur pothuajse një të katërtën e territorit të saj në vitin 2016, në bazë të analizave të reja.

Periskopi.com Lajme

Grupi hoqi dorë nga pothuajse 18,000 km katrorë, ku territori i saj u reduktua në rreth 60.400 km katrorë, raportuan analistë të sigurisë dhe të mbrojtjes nga IHS Markit, shkruan BBC.

Ata kanë parashikuar rimarrjen e Mosulit nga forcat qeveritare irakiane nga mesi i vitit.

Por ata thonë se kalaja e Raqqas do të jetë një ‘arrë më e ashpër për ta goditur.

 

Rusia dhe Turqia kryejnë sulme të përbashkëta ndaj militantëve të ISIS – it

Ministria e Mbrojtjes ruse, ka thënë të mërkurën se avionët e luftës ruse kanë bashkuar forcat me ato turke në mënyrë që t’i sulmojnë militantët e të ashtuquajturit Shteti Islamik në qytetin al-Bab që gjendet 40 kilometra në veri të Aleppo-s.

Periskopi.com Lajme

Gjeneral – Lejtnant, Sergei Rudskoi, ka thënë se kjo është hera e parë që forcat ajrore turke dhe ruse janë bashkuar në këtë mënyrë.

Sipa tij operacioni është kryer në pajtim me qeverinë sirane.

Arrestohen 50 rebelë islamikë në Çeçeni

Udhëheqësi i Çeçenisë, Ramzan Kadyrov njoftoi sot arrestimin e më shumë se 50 rebelëve që kanë lidhje me organizatën e Shtetit Islamik (ISIS), në mesin e tyre një terrorist me rrezikshmëri të lartë.

Periskopi.com Lajme

“Forcat e sigurisë së Republikës së Kaukazit rus ndërmorën një ditë më parë një operacion të gjerë kundër një grupi të armatosur i drejtuar në distancë nga një luftëtar çeçen që jeton në Siri”, deklaroi në Instagram, Ramzan Kadirov.

“Tashmë, grupi u neutralizua plotësisht dhe më shumë se 50 anëtarëve të saj janë në paraburgim në komisariate”, njoftoi ai në një tekst që shoqërohej me një video ku shfaqen rebelët e arrestuar.

Arrestohen dy pjesëtarë të dyshuar të IS-it në Spanjë

Autoritetet spanjolle kanë thënë se kanë arrestuar dy persona si të dyshuar se janë pjesë e grupit militant, Shteti Islamik.

Periskopi.com Lajme

Ministria e brendshme spanjolle ka thënë se dy të dyshuarit janë arrestuar në qytetin enklavë spanjoll të Afrikës Veriore, Ceuta.

Ata, sipas njoftimit, i janë nënshtruar një procesi të gjatë të radikalizimit dhe se po i afroheshin pikës ku do të ishin të gatshëm të kryenin sulme terroriste.

Njoftimi i ministrisë nuk ka identifikuar personat e arrestuar, shkruan Radio Europa e Lirë.

Ministria, megjithatë ka njoftuar se policia spanjolle ka arrestuar 180 xhihadistë të dyshuar gjatë dy viteve të fundit, një pjesë e madhe e të cilëve në Ceuta.

Ky qytet është në kufi me Marokun dhe ka dalje në Detin Mesdhe.

Policia saudite vret 2 pjesëtarë të ISIS-it që kishin jelekë vetëvrasës, ky është polici hero (Foto&Video)

Policia saudite ka vrarë 2 ekstremistë të dyshuar në Riad.

Periskopi.com Lajme

Autoritetet në Arabinë Saudite kanë raportuar se kanë vrarë 2 persona që dyshohet se ishin pjesë e Shtetit Islamik.

Ministria e Brendshme tha se dy militantët e dyshuar kanë hapur zjarr para policisë pasi janë rrethuar në lagjen veriore të kryeqytetit Yasmeen, duke e detyruar oficerët t’i vrasin ata.

Ministria ka publikuar fotografitë e militantëve, të cilët me vete kishin xhaketa shpërthyese, pushkë dhe municion. Gjithashtu, materiali i gjetur në shtëpinë  e dy militantëve sugjeron se ata prodhonin bomba.

Arabia Saudite është përballur me një seri sulmesh të kryera nga militantët e Shtetit Islamik.

Ndërsa në video shihet momenti kur polici i vrau ata dhe dëgjohen britma nga personat që kanë xhiruar, raporton Periskopi

Më poshtë është edhe fotografia e policit, tashmë hero.

 

 

c1lsqdyweaeptob

Arrestohet 20 persona në Turqi, të dyshuar se janë pjesëtarë të ISIS-it

Policia turke ka arrestuar sot në Izmir 20 persona si të dyshuar se janë pjesëtarë të ISIS-it ku në mesin e të cilëve 11 janë gra.

Periskopi.com Lajme

Të dyshuarit besohet se kanë lidhje me sulmin që ndodhi natën e Vitit të Ri në një klub nate në Stamboll ku u vranë 39 persona, transmeton Asociated Press duke cituar mediat turke.

Agjencia Anadoly shkruan se shumica e të dyshuarve janë nga republike ruse e Dagestanit, ujgur nga Siria ku Policia beson se ata janë jetuar me sulmuesin.