Çka ndodhi me ISIS-in?

Periskopi.com Uncategorized

Në nëntor të vitit 2015, ISIS-i e ndërmorri një aksion të koordinuar në Paris të Francës duke vrarë 130 njerëz dhe duke i lënduar më shumë se 350 të tjerë. Atë muaj, mbulimi medial për ISIS-in e arriti pikun e tij. Por në dy vitet e fundit, pavarësisht që grupi vazhdimisht merrte përgjegjësinë për sulmet terroriste që ndodhnin në botë, ata e humbën vëmendjen e mediave.

Çka ndodhi me ISIS-in, dhe pse nuk dëgjojmë më për ta?

E para dhe më e rëndësishmja është që ISIS-i po humbë, edhe në rrafshin rajonal edhe në atë global.

Në kulmin e tij në fund të 2015-s, ajo mbante në kontroll pjesët më të mëdha të Irakut perëndimor dhe Sirisë lindore, duke administruar mbi 8 milionë banorë. Në atë kohë, të dhënat nga implementimi i tyre i ligjeve strikte islamike la të kuptohej se ata e kishin vendosur kontrollin e plotë mbi atë territor.

Raportet tregonin se përmes vjedhjes së naftës, artifakteve arkelogjike, trafikimit me njerëz dhe haraçit, ata kishin të hyra vjetore prej 1 miliard dollarësh.

Por pas sulmeve terroriste në forcat amerikane, frënge e ruse e kanë rritur ofenzivën ndaj grupit terrorist. Sulmet ajrore që kanë bërë, i kanë shkatërruar mundësitë ushtarake të ISIS-it. Për më tepër, trupat irakiane kanë arritër me sukses të çlirojnë territoret e okupuara – në bashkërendim me kurdët dhe forcat aleate perëndimore.

Një pikë e rëndësishme kthese në luftën kundër ISIS-it ishte në qytetin irakian të Mosulit. Pas sulmeve të mesit të 2014-s, Mosuli ishte bërë de facto, kryeqytet i ISIS-it, dhe simbol i suksesit të tyre ushtarak. Por pas tri vitesh kundër-ofenzive nga ushtria irakiane, forcat e Isis-it u detyruan të tërhiqeshin. Në Betejën e ISIS-it ishin vrarë 25 mijë luftëtarë të Isis-it. Kjo fitore e madhe nga forcat e koalicionit ka pasur jehonë të madhe, dhe është parë si goditje vdekjeprurëse për grupin terrorist.

Në dy vitet e fundit, ISIS-i ka parë territoret t’i humbnin para syve. Që prej janarit të 2015-s, argumentojnë analistët e sigurisë, ky grup i ka humbur dikund rreth 60% të territorit. Veç humbjes së Mosulit të pasur me naftë, grupi ekstremist ka humbur territor edhe në Siri [në Rakë dhe në Homs]. Të trija këto qytete dikur kontribuonin mjaft shumë në paratë që mbledhte ky grup, të cilat janë pakuar për gati 90%.

Kjo humbje masive në resurse i ka demoralizuar anëtarët e grupit. Një numër i madh luftëtarësh të huaj tashmë po kthehen në Turqi duke ikur nga regjimi brutal për të cilin kishin luftuar. Duke humbur luftën e brendshme dhe atë globale për dominancë, mbulimi medial për grupin ka rënë disi, ndoshta edhe qëllimisht.

Isis-i e ka përdorur mass median si mjet propagande për t’i shpërndarë mesazhet e tyre dhe për të rekrutuar luftëtarë të tjerë, që tregon pse një numër i madh mediash nuk i publikon më videot bizare që i dërgonte ISIS-i.

Në vitet e fundit, gazetar në vende si Franca kanë ndaluar përdorimin e pamjeve të terroristëve të ISIS-it që kryenin sulme, dhe ka refuzuar t’i thotë emrat e tyre në radio.

Pas humbjes domethënëse në territor, humbjes së stabilitetit financiar, popullsisë, dhe kapacitetit ushtarak, ashtu si koncentrimi i mediave për të paraqitur viktimat e sulmeve terroriste e jo sulmuesit… ISIS-i e humbi vëmendjen.

Në fakt, ISIS nuk ka qenë asnjëherë grupi më vdekjeprurës në botë. Një epitet të tillë e gëzon Boko Haram. | Nowthisworld | Periskopi

Rusia beson se e ka vrarë liderin e ISIS-it

Periskopi.com Lajme

Ministria e Mbrojtjes e Rusisë është duke bërë një hetim për të parë nëse ka qenë një nga raketat ajrore të lëshuara nga ushtria e saj që ka vrarë liderin e Shtetit Islamik, njofton Klan Kosova.

Ministria ka njoftuar se një raketë ajrore mbase e ka vrarë Abu Bakr al-Baghdadi me 28 maj të këtij viti.

Deri më tani nuk dihet më shumë, derisa për vdekjen e liderit të organizatës famëkeqe ka pasur mijëra raste.

Alarmi për terrorizëm në Francë blindohet Lourdes

Periskopi.com Lajme

Franca është ende në gjendje alarmi për sa i përket rrezikut të sulmeve terroriste.

Lourdes është blinduar dhe në zonë janë vendosur telekamera sigurie, në një kohë që francezët do të votojnë të dielën për rinovimin e parlamentit.

Pas sulmeve të fundit terroriste edhe në Lurdes janë rritur masat e sigurisë për të garantuar pelegrinët që vizitojnë vendin. Autoritetet franceze kanë fshehur në shumë pika telekamera sigurie në mënyrë që të skanojnë morfologjinë e fytyrës dhe të tregojnë në kohë reale, mes gjithë atyre që hyjnë dhe dalin, të kërkuar nga policia, terroristë të mundshëm dhe persona të dyshuar.

por nuk do të ketë vetëm telekamera sigurise sepse Muzeu i Lurdes do të qëndrojë i mbyllur gjatë natës. Sipas italianes “Il Messagero”, bëhet fjalë për masa esktreme që do lejojnë inspektime të përditshme, si dhe kontrolle të shtuara gjatë ditës. Ndërkohë që persona më të kualifikuar do të kontrollojnë pelegrinët me metal detector.

Monsinjor Ksavier d’Arod de Peirazh, koordinator, u shpreh se për pelegrinët e moshuar, dhe ata të sëmurë, do të ketë një hyrje të veçantë.
Fjalët kyçe: Francë, Sulmet terroriste.

Hapet e pamja në shtëpinë e Lavdrim Muhaxherit (Foto)

Periskopi.com Lajme

Në fshatin Dushkajë të Kaçanikut, familja Muhaxheri ka hapur të pame për djalin e tyre, Lavdrim Muhaxheri, i cili është vrarë në Siri.

Familjarët për Zeri.info, kanë konfirmuar për vrasjen e tij, mirëpo nuk kanë pranuar që të dalin e të flasin hapur.

Lavdrim Muhaxheri, i cili ishte pjesëtar i organizatës “ISIS”, u raportua se është vrarë sot gjatë një sulmi amerikan kundër të ashtuquajturit “Shteti Islamik” në Siri.

Gjithashtu edhe Policia e Kosovës ka konfirmuar se kanë një informacion, që një kosovar është vrarë në Siri.

Kush është terroristi shqiptar më i famshëm në botë (Foto +18)

Periskopi.com Lajme

Lavdrim Muhaxheri është shqiptari më i njohur në radhët e ISIS, jo vetëm për deklaratat e tij që bëjnë thirrje për Xhihad, por edhe për videot ku shfaqet me koka të prera.

Sipas të dhënave paraprake, Muhaxheri ka punuar për KFOR-in amerikan në kampin “Bondsteel”, si dhe për NATO-n në Afganistan.

Miqtë e tij tregojnë se ai kishte rekomandime të mira nga punëdhënësit e tij. Në 2013 Lavdrim Muhaxheri, i njohur ndryshe si Komandant Muhaxheri, u zgjodh komandant i shqiptarëve që u bënë pjesë e rebelëve që luftonin kundër regjimit të Bashar Al-Asadit.

Por jo i atyre që kërkonin demokraci në Siri, por i krahut më radikal atij “Al Nusra”.

Në vitin 2012, Muhaxheri u lidh me shoqatën lokale “Parimi”, nga e cila më vonë u krijuar shoqata “Rinia Islamike Kaçanik”, ku mbante pozicionin e Emirit, udhëheqësit të krahut ushtarak të organizatës.

Lavdërim Muhaxheri, u deklarua i vrarë disa herë nga mediat.

Por duket se kësaj radhe ka vdekur. Të enjten e 8 qershorit 2017, familjarët e Lavdrimit konfirmuan vdekjen e tij.

 

 

 

 

Senatori McCain: Vladimir Putin është kërcënim më i madh se ISIS

Periskopi.com Lajme

Senatori republikan John McCain ka deklaruar se Presidenti i Rusisë Vladimir Putin është kërcënimi më i madh për sigurinë globale, madje më i madh edhe se ISIS.

Gjatë një interviste për ABC, McCain deklaroi gjithashtu se rusët kanë tentuar që të shkatërrojnë thelbin e demokracisë duke u përpjekur që të ndërhyjnë në zgjedhjet presidenciale amerikane për të ndryshuar rezultatin.

“Unë mendoj se Putin është kërcënimi kryesor edhe më shumë se sa ISIS. ISIS mund të bëjë gjëra të tmerrshme, por rusët janë përpjekur të shkatërrojnë thelbin e demokracisë dhe të ndryshojnë rezultatin e zgjedhjeve amerikane”, u shpreh McCain.

Avionët rusë sulmojnë autokolonën e ISIS-it, 120 terroristë të vrarë

Periskopi.com Lajme

Të paktën 120 anëtarë të Shtetit Islamik kanë mbetur të vrarë në një seri sulmesh ajrore ruse në rrugën mes Rakës dhe qytetit antik të Palmirës.

Lajmin e ka bërë të ditur agjencia e lajmeve siriane “SANA”. Avionët rusë kanë goditur një autokolonë me luftëtarë të ISIS, që po lëviznin nga qyteti verior drejt një zone pranë qytetit të lashtë.

Sipas burimit mediatik, autokolona përbëhej nga 39 kamionë të cilët transportonin edhe armë automatike.

Goditja e ISIS në rrugën që kalon përmes shkretëtirës është pjesë e fushatës së ushtrisë siriane dhe aleatëve të saj rusë dhe nga radhët e lëvizjes islamike të Hezbollah kundër ISIS.

Synimi është spastrimi i pranisë së militantëve në zonat e shkretëtirës që të çojnë drejt kufijve me Irakun dhe Jordaninë.

Kërcënimi i ISIS: Ja objekti radhës, ku do të bëjmë masakër

Periskopi.com Lajme

Pas sulmit të përgjakshëm në Britani, ISIS ka njoftuar masakrën e radhës.

Në një video të shpërndarë në internet, një militant i ISIS bën thirrje për sulme në SHBA.

Ai i kërkon militantëve të Shtetit Islamik që të therin njerëz, ti hedhin nga ndërtesat dhe ti shtypin me makinë.

Disa ditë pas sulmit terrorist me 22 të vdekur në Britani, militantë të ISIS kryen një tjetër masakër në Egjipt, me 29 viktima.

Manchester Arena është arena më e madhe në Europë me një kapacitet prej mbi 21 mijë personash.

Në momentin e shpërthimit ishte mbushur plot me të rinj e të reja për koncertin e këngëtares së njohur Ariana Grande.

Bëhet thirrje për sulme terroriste në muajin e shenjtë të Ramazanit

Periskopi.com Lajme

Shteti Islamik ka bërë thirrje për sulme në Britani gjatë muajit të shenjtë të Ramazanit, që nisë sonte.

Kjo thirrje vjen pas sulmit në koncertin e pop-artistes Ariana Grande, ku mbetën 22 persona të vrarë.

Në mesazhin që po qarkullon, bëhet thirrje që mbështetësit e tipit ujqit e vetmuar të vrasin njerëz të pafajshëm, sikurse sulmuesi vetëvrasës Salman Abedi bëri në Manchester Arena, raporton Express.co.uk.

Një nga viktimat në Mançester ishte vetëm 8-vjeçare.

E premtja e parë e muajit të agjërimit konsiderohet si më e shenjta.

Në vitin 2015, më shumë se 400 persona u vranë nëpër sulme nga ISIS në Francë, Kuvajt, Siri, Somali dhe Tunizi, të gjitha në të Premten e parë të Ramazanit.

Një mesazh i përhapur në internet tha se xhihadistët duhet “të mos lënë kurrë një metër pa e bërë atë ferr në tokë për jobesimtarët”.

Flasin kosovarët që luftuan në Siri e Irak (Video)

Periskopi.com Lajme

Kosovarët që dikur luftuan për ISIS-in kanë rrëfyer se si u përfshinë në këtë organizatë.

Këto rrëfime u treguan në një tryezë me temën “Lufta në Siri dhe tregimi publik i ish-luftëtarëve”, që u organizua nga Qendra Kërkimore për Politika të Sigurisë.

E ish luftëtarët kanë shprehur pakënaqësi me qasjen ndaj tyre si dhe për programet e riintegrimit.

Nga vitit 2013 deri në vitin 2015 vlerësohet se në konfliktet në Siri e Irak, në forma të ndryshme, kanë marrë pjesë mbi 300 qytetar të Kosovës.

Vritet një nga krerët e ISIS në Afganistan

Periskopi.com Lajme

Udhëheqësi i grupit militant Shteti Islamik në Afganistan, Abdul Hasib, është vrarë, konfirmoi Zyra e presidentit afgan, Ashraf Ghani.

Ajo tha se Hasib ka vdekur dhjetë ditë më parë në një operacion të forcave speciale të Afganistanit, në provincën Nangarhar.

Hasib besohet se ka qenë prapa sulmit në një spital ushtarak në Kabul, në muajin mars, i cili ka lënë të vrarë mbi 30 njerëz.

Muajin e kaluar, Pentagoni ka thënë se Hasib me gjasë është vrarë në një sulm të forcave amerikane dhe afgane.

Nangarhar është provinca ku më 13 prill ushtria amerikane hodhi bombën më të fuqishme jo-bërthamore, duke vrarë mbi 90 militantë

Ekskluzive: ISIS merr përgjegjësin për sulmin në Paris, tregon edhe emrin e sulmuesit

Periskopi.com Lajme

Pas sulmit në Paris, ku ka ndërruar jetë një policë, e për të dytin, ministri i brendshëm thotë se ende është i gjallë por në gjendje të rëndë, tashmë ISIS ka marr përgjegjësinë për këtë sulm.

Në një nga faqet e internetit të ISIS-it, tregohet edhe emri i sulmuesit, raporton Periskopi

Ai është Abu Yusuf al-Beljiki.

Ndërkohë policia franceze raporton se është vdekur njëri nga sulmuesit, ndërsa është në kërkim edhe të paktën një tjetrin.

Për personin e dytë që është lëshuar fletëarrest, policia raporton se ai ka ardhur me tren nga Belgjika./ Periskopi

Prodhuesi i filmave hollivudian kërkoi mirësjellje ndaj ISIS-it, e sfidojnë, i kërkojnë përballje me ta (Video)

Periskopi.com Lajme

Prodhuesi i filmave hollivudian, Josh Fox, ditë më parë tha se “ Duhet ta luftojmë ISIS me mirësjellje”.

“ Barbarizëm, vrasje, urrejtje. Kur do ta kuptojmë se vetëm dashuria e ndalë urrejtjen kurse bombardimet vetëm se e zmadhojnë grupin e ISIS.’

Këto komente në Twitter, ai i bëri pasi që SHBA lëshuan të ashtuquajturën “Nënën e të gjitha bombave” në një vendstrehim të ISIS në Afghanistan.

Ai shtoi:” Duaji armiqët. Mos i shto ata. Mësuesit, diplomacia, kultura dhe ndihma i kontribuojnë paqes, gjë të cilën bombat nuk e bëjnë.”

Por Fox, së fundi është duke u sfiduar dhe i është kërkuar që t’iu qendrojë prapa deklaratave të tij, ku disa njerëz kanë vendosur të formojnë fushata për sigurimin e fundeve për dërgimin e Fox në Afghanistan për të ‘përqafuar ISIS.’

 

 

Ushtria amerikane sqaron pse u përdorë bomba masive kundër ISIS-it

Periskopi.com Lajme

Komandanti i Forcave amerikane në Afganistan, gjenerali John Nicholson, deklaroi të premten në një konferencë për media se përdorimi i bombës masive kundër ISIS-it ishte bërë me qëllim të eliminimit të pengesave në terren, në mënyrë që të mund të vazhdohet ofensiva e mëtejme.

“Armiku ka krijuar bunkerë, tunele dhe fusha të gjera me mina, dhe kjo armë ishte përdorur për të reduktuar këto pengesa, në mënyrë që ne të vazhdojmë ofensivën tonë”, tha ai.

Sipas zyrtarëve amerikanë, numri i luftëtarëve të ISIS-it në lindje të Afganistanit vlerësohet të jetë ndërmjet 600 deri 800, që paraqet një numër më të vogël në krahasim me 3.000 sa ishte vlerësuar të jenë në atë rajon në vitin 2015, transmeton ABCNews.

Zëdhënësi i Forcave Ajrore, Ann Stefanek, deklaroi se “nëna e të gjitha bombave” përdoret për të goditur caqe të ambientit siç janë kanione dhe shpella, për të pastruar fushat me mina dhe për efekte psikologjike.

Ushtria amerikane është duke udhëhequr operacione kundër ISIS-it në Afganistan, sidomos në Nangarharin jugor që nga muaji mars. Gjenerali Nicholson thotë se për herë të parë kishin hasur pengesa të gjera në progresin e tyre në fushë.

Ai sqaroi se pengesat, përveç mjeteve shpërthyese, ishin edhe prezenca e tuneleve dhe shpellave, derisa përzgjedhjen e ditës së enjte për të hedhur bombën masive ai e quajti thjesht si moment taktik për të goditur caqet e veçanta.

Gjenerali Nicholson tha se përdorimi i serishëm i bombës masive në të ardhmen do të varet nga situata taktike.

“Ne e përdorim këtë armë për zgjidhje taktike specifike në një problem të veçantë ushtarak dhe kjo përcakton kur dhe se si ne operojmë në fushëbetejë”, ka thënë ai,

SHBA bombardon ISIS-in në Afganistan me “nënën e të gjitha bombave”

Periskopi.com Lajme

Ushtria e Shteteve të Bashkuara të Amerikës thotë se ka lëshuar bombën GBU-43 në Nangarhar, provincë të Afganistanit, të enjten duke synuar tunelet e Shtetit Islamik.

SHBA thotë se kjo është hera e parë që e ka përdorur këtë bombë, që njihet edhe si “nëna e të gjitha bombave”.

Kjo bombë për herë të parë ishte testuar në vitin 2003, por nuk ishte përdorur kurrë më parë, raporton Reuters.

Kjo bombë peshon rreth 9000 kilogramë.

 

ISIS ofron 1 milionë dollarë për kokën e Joannës

Periskopi.com Lajme

Joanna Palani është një 23-vjeçare, studente e filozofisë dhe politikës nga Danimarka. Por për kokën e saj janë ofruar 1 milionë dollarë.

Thuhet se Joanna t’i ketë vrarë mbi 100 militantë të ISIS-it derisa luftonte së bashku me forcat Peshmerga të Kurdistanit në Irak  dhe në Siri.

Joanna, e cila është me prejardhje kurdo-iraniane, ka lindur në një kamp refugjatësh në Ramadi, Irak, pas Luftës së parë të Gjirit, citon Syri.net.

Ajo ka qëlluar për herë të parë me armë në moshën 19 vjeçe, kur ishte ende adoleshente, në 2014, kur la kolegjin dhe Kopenhagën për Sirinë.

Ajo shkroi në llogarinë e saj në facebook se ishte frymëzuar për të luftuar për të drejtat e grave dhe demokracinë, për vlerat evropiane që mësoi si një vajzë daneze.

Joanna iu bashkua kryengritjes kundër qeverisë siriane në prag të Pranverës Arabe, duke luftuar si fillim regjimin e Assad dhe pastaj ISIS-in.

Vritet zëvendëskomandanti i ISIS-it

Ayad al-Dzumaili, i cili besohet se ishte nënkryetari i të ashtuquajturit Shteti Islamik, është vrarë në sulm ajrore, të kryera nga forcat irakiane.

Periskopi.com Lajme

Lajmin e ka bërë të ditur sot televizioni shtetëror irakian, duke iu referuar shërbimit të inteligjencës së ushtrisë irakiane.

Televizioni nuk ka bërë të ditur se kur është kryer sulmi dhe ku është vrarë zëvendësi i Abu Bakr al-Baghdadit.

 

Të tjera pamje tmerruese të krimeve të ISIS-it: Në mesin e kufomave, edhe një trup i një fëmije (FOTO +18)

Ky është momenti pikëllues kur një ushtar irakian kishte shpërthyer në lot pasi kishte zbuluar trupin e vdekur të një vajze të vogël, të vrarë nga ISIS.

Periskopi.com Lajme

Siç shkruajnë mediat e huaja, trupi u gjet në një varr masiv të disa 24 viktimave në Mosul, në veri të Irakut, pasi një pjesë e qytetit të rrethuar u mor përsëri nga grupi terrorist.

Fotografitë shokuese thuhet se tregojnë vogëlushen e panjohur të mbështjellë me një batanije dhe një ushtar të pikëlluar pranë saj.

Imazhet nxjerrin në pah realitetin e tmerrshëm të sundimit ISIS në qytetin e shkatërruar nga lufta, ku ekzekutimet masive të civilëve janë kryer vetëm sepse ata tentonin të iknin në zona më të sigurta.

Thuhet se luftëtarët irakianë erdhën deri tek varri pasi ata kishin arritur rezultate të mëtejshme në betejën e tyre për të rikthyer Mosulin nga ISIS.

Imazhe nga Aleppo që po tronditin botën (Foto)

 ‘USA TODAY’ ka publikuar një përmbledhje të fotove të cilat janë shkrepur në momente të ndryshme dhe për njerëz të ndryshëm, duke përcjell fare qartë momentet e vështira që është duke përjetuar Aleppo.

Periskopi.com Galeria

 

Fëmijë të plagosur, të vetmuar dhe që shfrytëzohen nga rebelët për punë të rënda. Njerëz që jetojnë nën rrënoja dhe që e kanë humbur shpresën. Këto foto sjellin panoramën e plotë të gjendjes trishtuese në lagjet e Aleppos.

‘Të gjithë luftëtarët e ISIS-it do të vdesin’

I dërguari amerikan që po koordinon ofensivën në Mosul thotë se luftëtarët e ISIS-it në këtë qytet do të vdesin që të gjithë.

Periskopi.com Lajme

 

“Shteti Islamik është bllokuar. Ata nuk do të dalin gjallë prej andej. Ushtria irakiane e ka rrethuar të gjithë Mosulin dhe ka tani nën kontroll edhe rrugën e fundit në dalje të tij. Me mbështetjen e SHBA-së, trupat e Bagdadit po hyjnë më në thellësi të qytetit të dytë më të madh të vendit për të marrë pozicionet që ende janë në duart e ekstremistëve”, deklaroi Brett McGurk.

Gjeneral Majori irakian Maan al-Saadi i tha agjencisë franceze të lajmeve se “rreth më shumë se një e treta” e Mosulit perëndimor është nën kontrollin e njësive irakiane.

Që kur filloi ofensiva e qeverisë në pjesën perëndimore të qytetit më 19 shkurt, Shtetet e Bashkuara dhe komandantët irakianë kanë ndeshur një rezistencë të ashpër të Shtetit Islamik, ndërsa ky grup ekstremist përpiqet të mbajë nën kontroll zonën më të fundit të rëndësishme urbane në vendin e shkatërruar nga lufta. tch