Flasin kosovarët që luftuan në Siri e Irak (Video)

Periskopi.com Lajme

Kosovarët që dikur luftuan për ISIS-in kanë rrëfyer se si u përfshinë në këtë organizatë.

Këto rrëfime u treguan në një tryezë me temën “Lufta në Siri dhe tregimi publik i ish-luftëtarëve”, që u organizua nga Qendra Kërkimore për Politika të Sigurisë.

E ish luftëtarët kanë shprehur pakënaqësi me qasjen ndaj tyre si dhe për programet e riintegrimit.

Nga vitit 2013 deri në vitin 2015 vlerësohet se në konfliktet në Siri e Irak, në forma të ndryshme, kanë marrë pjesë mbi 300 qytetar të Kosovës.

Vritet një nga krerët e ISIS në Afganistan

Periskopi.com Lajme

Udhëheqësi i grupit militant Shteti Islamik në Afganistan, Abdul Hasib, është vrarë, konfirmoi Zyra e presidentit afgan, Ashraf Ghani.

Ajo tha se Hasib ka vdekur dhjetë ditë më parë në një operacion të forcave speciale të Afganistanit, në provincën Nangarhar.

Hasib besohet se ka qenë prapa sulmit në një spital ushtarak në Kabul, në muajin mars, i cili ka lënë të vrarë mbi 30 njerëz.

Muajin e kaluar, Pentagoni ka thënë se Hasib me gjasë është vrarë në një sulm të forcave amerikane dhe afgane.

Nangarhar është provinca ku më 13 prill ushtria amerikane hodhi bombën më të fuqishme jo-bërthamore, duke vrarë mbi 90 militantë

Ekskluzive: ISIS merr përgjegjësin për sulmin në Paris, tregon edhe emrin e sulmuesit

Periskopi.com Lajme

Pas sulmit në Paris, ku ka ndërruar jetë një policë, e për të dytin, ministri i brendshëm thotë se ende është i gjallë por në gjendje të rëndë, tashmë ISIS ka marr përgjegjësinë për këtë sulm.

Në një nga faqet e internetit të ISIS-it, tregohet edhe emri i sulmuesit, raporton Periskopi

Ai është Abu Yusuf al-Beljiki.

Ndërkohë policia franceze raporton se është vdekur njëri nga sulmuesit, ndërsa është në kërkim edhe të paktën një tjetrin.

Për personin e dytë që është lëshuar fletëarrest, policia raporton se ai ka ardhur me tren nga Belgjika./ Periskopi

Prodhuesi i filmave hollivudian kërkoi mirësjellje ndaj ISIS-it, e sfidojnë, i kërkojnë përballje me ta (Video)

Periskopi.com Lajme

Prodhuesi i filmave hollivudian, Josh Fox, ditë më parë tha se “ Duhet ta luftojmë ISIS me mirësjellje”.

“ Barbarizëm, vrasje, urrejtje. Kur do ta kuptojmë se vetëm dashuria e ndalë urrejtjen kurse bombardimet vetëm se e zmadhojnë grupin e ISIS.’

Këto komente në Twitter, ai i bëri pasi që SHBA lëshuan të ashtuquajturën “Nënën e të gjitha bombave” në një vendstrehim të ISIS në Afghanistan.

Ai shtoi:” Duaji armiqët. Mos i shto ata. Mësuesit, diplomacia, kultura dhe ndihma i kontribuojnë paqes, gjë të cilën bombat nuk e bëjnë.”

Por Fox, së fundi është duke u sfiduar dhe i është kërkuar që t’iu qendrojë prapa deklaratave të tij, ku disa njerëz kanë vendosur të formojnë fushata për sigurimin e fundeve për dërgimin e Fox në Afghanistan për të ‘përqafuar ISIS.’

 

 

Ushtria amerikane sqaron pse u përdorë bomba masive kundër ISIS-it

Periskopi.com Lajme

Komandanti i Forcave amerikane në Afganistan, gjenerali John Nicholson, deklaroi të premten në një konferencë për media se përdorimi i bombës masive kundër ISIS-it ishte bërë me qëllim të eliminimit të pengesave në terren, në mënyrë që të mund të vazhdohet ofensiva e mëtejme.

“Armiku ka krijuar bunkerë, tunele dhe fusha të gjera me mina, dhe kjo armë ishte përdorur për të reduktuar këto pengesa, në mënyrë që ne të vazhdojmë ofensivën tonë”, tha ai.

Sipas zyrtarëve amerikanë, numri i luftëtarëve të ISIS-it në lindje të Afganistanit vlerësohet të jetë ndërmjet 600 deri 800, që paraqet një numër më të vogël në krahasim me 3.000 sa ishte vlerësuar të jenë në atë rajon në vitin 2015, transmeton ABCNews.

Zëdhënësi i Forcave Ajrore, Ann Stefanek, deklaroi se “nëna e të gjitha bombave” përdoret për të goditur caqe të ambientit siç janë kanione dhe shpella, për të pastruar fushat me mina dhe për efekte psikologjike.

Ushtria amerikane është duke udhëhequr operacione kundër ISIS-it në Afganistan, sidomos në Nangarharin jugor që nga muaji mars. Gjenerali Nicholson thotë se për herë të parë kishin hasur pengesa të gjera në progresin e tyre në fushë.

Ai sqaroi se pengesat, përveç mjeteve shpërthyese, ishin edhe prezenca e tuneleve dhe shpellave, derisa përzgjedhjen e ditës së enjte për të hedhur bombën masive ai e quajti thjesht si moment taktik për të goditur caqet e veçanta.

Gjenerali Nicholson tha se përdorimi i serishëm i bombës masive në të ardhmen do të varet nga situata taktike.

“Ne e përdorim këtë armë për zgjidhje taktike specifike në një problem të veçantë ushtarak dhe kjo përcakton kur dhe se si ne operojmë në fushëbetejë”, ka thënë ai,

SHBA bombardon ISIS-in në Afganistan me “nënën e të gjitha bombave”

Periskopi.com Lajme

Ushtria e Shteteve të Bashkuara të Amerikës thotë se ka lëshuar bombën GBU-43 në Nangarhar, provincë të Afganistanit, të enjten duke synuar tunelet e Shtetit Islamik.

SHBA thotë se kjo është hera e parë që e ka përdorur këtë bombë, që njihet edhe si “nëna e të gjitha bombave”.

Kjo bombë për herë të parë ishte testuar në vitin 2003, por nuk ishte përdorur kurrë më parë, raporton Reuters.

Kjo bombë peshon rreth 9000 kilogramë.

 

ISIS ofron 1 milionë dollarë për kokën e Joannës

Periskopi.com Lajme

Joanna Palani është një 23-vjeçare, studente e filozofisë dhe politikës nga Danimarka. Por për kokën e saj janë ofruar 1 milionë dollarë.

Thuhet se Joanna t’i ketë vrarë mbi 100 militantë të ISIS-it derisa luftonte së bashku me forcat Peshmerga të Kurdistanit në Irak  dhe në Siri.

Joanna, e cila është me prejardhje kurdo-iraniane, ka lindur në një kamp refugjatësh në Ramadi, Irak, pas Luftës së parë të Gjirit, citon Syri.net.

Ajo ka qëlluar për herë të parë me armë në moshën 19 vjeçe, kur ishte ende adoleshente, në 2014, kur la kolegjin dhe Kopenhagën për Sirinë.

Ajo shkroi në llogarinë e saj në facebook se ishte frymëzuar për të luftuar për të drejtat e grave dhe demokracinë, për vlerat evropiane që mësoi si një vajzë daneze.

Joanna iu bashkua kryengritjes kundër qeverisë siriane në prag të Pranverës Arabe, duke luftuar si fillim regjimin e Assad dhe pastaj ISIS-in.

Vritet zëvendëskomandanti i ISIS-it

Ayad al-Dzumaili, i cili besohet se ishte nënkryetari i të ashtuquajturit Shteti Islamik, është vrarë në sulm ajrore, të kryera nga forcat irakiane.

Periskopi.com Lajme

Lajmin e ka bërë të ditur sot televizioni shtetëror irakian, duke iu referuar shërbimit të inteligjencës së ushtrisë irakiane.

Televizioni nuk ka bërë të ditur se kur është kryer sulmi dhe ku është vrarë zëvendësi i Abu Bakr al-Baghdadit.

 

Të tjera pamje tmerruese të krimeve të ISIS-it: Në mesin e kufomave, edhe një trup i një fëmije (FOTO +18)

Ky është momenti pikëllues kur një ushtar irakian kishte shpërthyer në lot pasi kishte zbuluar trupin e vdekur të një vajze të vogël, të vrarë nga ISIS.

Periskopi.com Lajme

Siç shkruajnë mediat e huaja, trupi u gjet në një varr masiv të disa 24 viktimave në Mosul, në veri të Irakut, pasi një pjesë e qytetit të rrethuar u mor përsëri nga grupi terrorist.

Fotografitë shokuese thuhet se tregojnë vogëlushen e panjohur të mbështjellë me një batanije dhe një ushtar të pikëlluar pranë saj.

Imazhet nxjerrin në pah realitetin e tmerrshëm të sundimit ISIS në qytetin e shkatërruar nga lufta, ku ekzekutimet masive të civilëve janë kryer vetëm sepse ata tentonin të iknin në zona më të sigurta.

Thuhet se luftëtarët irakianë erdhën deri tek varri pasi ata kishin arritur rezultate të mëtejshme në betejën e tyre për të rikthyer Mosulin nga ISIS.

Imazhe nga Aleppo që po tronditin botën (Foto)

 ‘USA TODAY’ ka publikuar një përmbledhje të fotove të cilat janë shkrepur në momente të ndryshme dhe për njerëz të ndryshëm, duke përcjell fare qartë momentet e vështira që është duke përjetuar Aleppo.

Periskopi.com Galeria

 

Fëmijë të plagosur, të vetmuar dhe që shfrytëzohen nga rebelët për punë të rënda. Njerëz që jetojnë nën rrënoja dhe që e kanë humbur shpresën. Këto foto sjellin panoramën e plotë të gjendjes trishtuese në lagjet e Aleppos.

‘Të gjithë luftëtarët e ISIS-it do të vdesin’

I dërguari amerikan që po koordinon ofensivën në Mosul thotë se luftëtarët e ISIS-it në këtë qytet do të vdesin që të gjithë.

Periskopi.com Lajme

 

“Shteti Islamik është bllokuar. Ata nuk do të dalin gjallë prej andej. Ushtria irakiane e ka rrethuar të gjithë Mosulin dhe ka tani nën kontroll edhe rrugën e fundit në dalje të tij. Me mbështetjen e SHBA-së, trupat e Bagdadit po hyjnë më në thellësi të qytetit të dytë më të madh të vendit për të marrë pozicionet që ende janë në duart e ekstremistëve”, deklaroi Brett McGurk.

Gjeneral Majori irakian Maan al-Saadi i tha agjencisë franceze të lajmeve se “rreth më shumë se një e treta” e Mosulit perëndimor është nën kontrollin e njësive irakiane.

Që kur filloi ofensiva e qeverisë në pjesën perëndimore të qytetit më 19 shkurt, Shtetet e Bashkuara dhe komandantët irakianë kanë ndeshur një rezistencë të ashpër të Shtetit Islamik, ndërsa ky grup ekstremist përpiqet të mbajë nën kontroll zonën më të fundit të rëndësishme urbane në vendin e shkatërruar nga lufta. tch

Të dhënat e WikiLeaks: Zbulohen 11 terroristët e Al-Kaidës që ishin në Kosovë

11 anëtarë të grupit terrorist Al –Kaida kanë qëndruar në Kosovë brenda periudhave të ndryshme kohore gjatë dekadës së kaluar, para se të përfundonin në kampin e Guantanamos. Të dhënat shokuese zbulohen nga Wikileaks, në të ashtuquajturën “Dosjet e Guantanamos”. Organizata Wikileaks, e cila po e tronditë botën me publikimin e dosjeve sekrete, që nga viti 2006, në këtë dosje përmend edhe Ekrem Avdiun, imamin nga Mitrovica, të arrestuar së voni nga policia e Kosovës. Avdiu portretohet si rekrutues i terroristëve.

Periskopi.com Lajme

Më 24 prill të vitit 2011, Wikileaks ka filluar botimin e 776 dosjeve sekrete nga kampi ushtarak i Guantanamos, dosje të cilat quhen “The Guatanamo Files”. Të dhënat për çdo të paraburgosur vazhdimisht janë publikuar në WikiLeaks, shkruan Gazeta Express.

Memorandumet e shkruara midis viteve 2002 dhe 2008, të gjitha janë shënuar të jenë “memorandume sekrete”.

Secili i burgosur në këto dosje është i identifikuar me emër, nofkë, datë të lindjes, shtetësi, numrin serik të internimit (ISN). Këto lista të gjata të numrave dhe shkronjave, janë përdorur për t’i identifikuar të burgosurit e Guantanamo’s, duke ndihmuar në depersonalizimin e tyre. Në dosjet, të burgosurit janë identifikuar nga kombësia, me gjithsej 47 vende të listuara sipas rendit alfabetik.

Njëmbëdhjetë emrat e përmendur në dosjet “The Guatanamo Files”, janë persona që kishin lidhje me grupin terrorist të atëhershëm Al-Kaida, në mënyrë të drejtpërdrejtë ose indirekte. Secili nga ta, sipas dokumenteve të publikuara, kanë pasur lidhje të drejtpërdrejta ose indirekte me persona të caktuar nga Kosova. Shumica prej tyre kanë vizituar Kosovën, kanë mbajtur dhe janë trajnuar në kampe të ndryshme në Kosovë. Veprimtaritë e tyre terroriste, jashtë Kosovës, por edhe brenda saj, fillojnë nga 88’ta deri në vitin 2008.

David Michael Hicks – me shtetësi australiane, i arrestuar në vitin 2001, i transferuar nga Guatanamo në Australi

Që nga qershori i vitit 1988, i burgosuri David Michael Hick ka udhëtuar nga Australia në Japoni dy herë, ku punoi edhe si trajner për kalë. Gjatë qëndrimit të tij në Japoni, i burgosuri u njoh me situatën dhe luftën që ndodhte në Kosovë në atë kohë, si dhe rolin e Ushtrisë Çlirimtare të Kosovës. I burgosuri pretendonte se gjendja e njerëzve në Kosovë i kërkoi atij që ta kërkojë UÇK’në. Në atë kohë, ai udhëtoi për në kampin Burrel dhe më pas në kampin e trajnimit në Kosovë.

(I burgosuri nuk ka dhënë informacione për lokacionet e sakta të kampeve ose çfarë lloj trajnimi po bëhej). Megjithatë, i burgosuri ka përmendur praninë e disa oficerëve shqiptarë ushtarakë dhe personelin gjermanë ushtarakë.

I burgosuri u trajnua për tri vite me UÇK’në dhe u largua më pas pasi përfundoi konflikti në Kosovë. Nga Kosova, ai fluturoi për në Timorin Lindor, në mënyrë që të jetë pjesë e konfliktit atje.

I burgosuri ka pasur përfshirje të drejtpërdrejta me udhëheqësit e Al-Kaidës, duke përfshirë, Osama Bin Ladenin dhe kryesuesin e operacioneve ushtarake Abu Hafs.

Mustafa Ait Idir – me shtetësi boshjake, i arrestuar më 17 janar 2002

I paraburgosuri, Mustafa Ait Idir ishte anëtar i një dege të Shtetit Islamik në Algjeri, por ishte edhe pjesëmarrës në komplotin e Al-Kaidës për të sulmuar ambasadën amerikanë në Sarajevë, në Bosnje dhe Hercegovinë. I paraburgosuri kishte planifikuar të udhëtonte në Afganistan për xhihad, e kjo menjëherë pas sulmeve të 11 shtatorit në SHBA. Mirëpo, u arrestua para nisjes së tij.

Më 16 gusht të vitit 2002, karabinierët italianë të KFOR’it në Kosovë, ka arritur ta arrestojë Jamel dhe Sarhane Lamrani. Dy vëllezërit që kishin kërcënuar KFOR’in dhe Misionin e OKB’së në Kosovë. Jamel Lamrani ishte i lidhur direkt me të paraburgosurin Mustafa Ait Idir. Sahrane Lamrani kishte deklaruar se ka lidhje me Al-Kaidën, dhe në fund të qershorit të vitit 2005, ai deklaroi se kosovarët-shqiptarët duhet të kryejnë sulme vetëvrasëse kundër UNMIK’ut dhe KFOR’it.

Sami Mohy El Din Muhammed Al Hajj

I paraburgosuri, Sami Mohy El Din Muhammed Al Hajj, ka punuar në redaksinë e Al-Jazeera’s në Doha. Ai u përpoq të udhëtojë në Çeçeni në maj ose në qershor të vitit 2001. Al Hajj shkoi në Turqi për të marrë vizën për Çeçeni, mirëpo nuk e mori.

Media Al-Jazeera, e dërgoi të paraburgosurin për në Kosovë. Muhammed Al Hajj i kaloi dy muaj në Kosovë duke mbuluar ngjarje të asaj kohe për median ku punonte. Më pas, ai u kthye në Doha.

Sabri Muhammad Ibrahim Al Qurashi

I paraburgosuri është vlerësuar se ishte anëtar i Al-Kaidës. Ai u trajnua nga militantët e El-Faruk, kampin e trajnimit të Al-Kaidës. Kjo është identifikuar në dokumentet e Al-Kaidës, ku thuhej se ishte anëtar i lartë i kësaj organizate.

I paraburgosuri e pranoi se kishte lidhje dhe marrëdhënie të ngushta me grupe të shumta ekstremiste që nga fundi i vitit 1990. Nga janari i vitit 2006, thuhet se ka marrë mbështetje financiare nga Grupi “Sayyaf Abu” nga Filipine, me prodhim në Kosovë. Thuhet se në Kosovë ka mbuluar operacionet e indoktrinimit kurse ato salafiste në Etiopi.

Sabir Mahfouz Lahmar – me shtetësi algjeriane, i arrestuar në shtëpinë e tij në Bosnje

I paraburgosuri, Sabir Mahfouz Lahmar, ishte anëtar i lartë i një grupi ekstremist me bazë në Bosnje. Ai u arrestua për përfshirjen e tij në komplotin për sulmin ndaj Ambasadës Amerikane në Sarajevë, Bosnje.

I paraburgosuri ka mbrojtur armiqësitë kundër forcave amerikane dhe të bashkësisë ndërkombëtare në Bosnje. Ai ka lidhje me komplote të shumta terroriste dhe veprimtari kriminale të lidhura, duke përfshirë një sulm me makinë bombë që ndodhi në Mostar.

Rasid al-Sudeiri dhe Saad Abid al-Ubeida, të dy kishin lidhje me të paraburgosurin, kanë vizituar Kosovën dhe Arabinë Saudite disa herë në vitin 2001 dhe 2002 si pjesë e detyrave të tyre. Sipas qeverisë boshnjake, Al-Sudeiri dhe Al-Ubeida kanë pasur kontakte të ngushta me të njohurin si SA-669, i cili montoi bombën makinë në Mostar në vitin 1997.

Bensayah Belkacem  – me shtetësi boshnjak, i arrestuar më 17 janar 2002

I paraburgosuri ishte anëtar i grupit islamik (GIA), degë algjeriane e përfshirë në komplotin e Al-Kaidës për të sulmuar Ambasadën Amerikane në Sarajevë, Bosnje. I paraburgosuri ka kontaktuar nga Bosnja me njërin nga liderët e Al-Kaidës, Zayn Al-Abidin Muhammed Husejn, i njohur si Abu Zubaydah.

I paraburgosuri është identifikuar si një financiar dhe lehtësues i koordinimeve për masat e marra para udhëtimit për Afganistan, për t’iu bashkuar ekstremistëve.

I paraburgosuri ka marrë trajnim të avancuar në një kamp ekstremist të Al-Kaidës në Bosnje. Ai ishte i lidhur me rrjetin e Al-Kaidës (GJSN).

Algjeriani ishte toger i Ibrahim Buisir. Ky i fundit kishte kryer trajnim në Kosovë si pjesë e një dege të grupit të Al-Kaidës në Europë.

Fouzi Khalid Abdullah Al Awda

I paraburgosuri është vlerësuar se ishte një anëtar i Al-Kaidës. Emri i të ndaluarit ishte i përfshirë në dokumentet e anëtarësimit të Al-Kaidës, si dhe u gjet edhe “Bayat” (betimi për besnikëri).

Al Awda është identifikuar të jetë shok i zëdhënësit të një dege të Al-Kaidës me bazë në Londër, Sulejman Abu Ghayth.

I paraburgosuri kishte lidhje me OJQ që ishin të lidhura me ekstremizmin. Ai gjithashtu ka treguar se ka punuar për Bejt El-Zakatit në Kuvajt.  Një vlerësim i inteligjencës ka thënë se në mjediset e Kosovës, Bayk Al-Zakat ka funksionuar nën ombrellën e Komitetit të Përbashkët të Kuvajtit për Ndihmë, një degë ekstremiste e Al-Kaidës.

Wasim

I paraburgosuri vlerësohet se ishte anëtar i mundshëm i Al-Kaidës. I njohur si Wasim, ka një histori të përfshirjes në OJQ të dyshimta. Emri i tij gjithashtu është gjetur në dokumentet e gjetura gjatë bastisjeve në disa seli të Al-Kaidas.

Wasim ishte i angazhuar në misione humanitare në kuadër të Organizatës Humanitare të Al-Kaidës në Wafa të Afganistanit fillimisht, mirëpo ai së bashku me të paraburgosurin me kod 3A-226, thuhet se dolën vullnetarë për të punuar me organizatat humanitare në Kosovë.

Faha Sultan

I paraburgosuri vlerësohet se ishte anëtar i Al-Kaidës, i cili ka shërbyer si oficer i logjistikës në Brigadën e Osama Bin ladenit.

I paraburgosuri thuhet se qëndroi në objektet e Al-Kaidës dhe u trajnua në kampet e Al-Kaidës. Ai ka një histori me xhihadin dhe ka marrë pjesë në shumë operacione në Afganistan dhe Bosnje.

I njohur si “Edu Saad” më 28 nëntor të vitit 2003, kishte lidhje me rekrutuesin kosovar-shqiptar, Ekrem Avdiun. Këto të gjetura u bën nga KFOR’i gjatë një bastisje në rezidencën e ekstremistëve islamikë në Kosovë. Në këtë bastisje u gjet libri i numrave të telefonit të Ekrem Avdiut, ku numri i Edu Saad ishte i shkruar.

Të dhëna për Ekrem Avdiun

Hoxha Ekrem Avdiu, u lind me 18 korrik të vitit 1971 në qytetin e Mitrovicës. Ai jeton dhe vepron në Mitrovicë. Aktualisht shërben si Imam dhe ligjërues në xhaminë e lagjes ‘Tavnik’ dhe është anëtar i Këshillit të Bashkësisë Islame të Mitrovicës.

Ekrem Avdiu u arrestua më 17 shtator të vitit 2014 dhe u lirua më 25 shtator të po të njëjtit vit.

Më 20 Janar 2017, Gazeta Express ka shkruar për tre imamë kosovarë që po planifikonin të krijonin një bashkësi të re islame në Kosovë, paralel me atë të BIK-ut të Naim Tërrnavës. Imami nga Mitrovica, Ekrem Avdiu, bashkë me dy kolegë tjerë Hoxhë Sadat Rrustemin nga Lipjani dhe Alladin Abazin nga Obiliqi, në qershor të vitit 2011 kishin certifikuar në institucionet kosovare një organizatë që thirreshin si Institut për Kulturë dhe Studime Bashkëkohore – IKSB. E këtë OJQ, të tre këta hoxhallarë, po provonin ta shndërronin në Bashkësi Islame, ku rreth vetes do të merrnin imamët salafi në Kosovë.

Dosjet e gjetura në WikiLeaks thonë se Avdiu ishte i lidhur me përpjekjet e rekrutimit, aktiv në aktivitete ekstremiste në Shqipëri.

Anwar Al Nurr

I paraburgosuri vlerësohet se ishte anëtar i mundshëm i Al-Kaidës. Emri i të ndaluarit u gjet në dokumentet e lidhura me AL-Kaidës, dhe se ai ishte pjesë ë operativit të lartë të kësaj organizate terroriste.

I paraburgosuri ka pranuar se ka punuar me një organizatë bamirëse të quajtur “Al Ighatha Al Khairia”. Ai gjithashtu ka pranuar se ka qenë vullnetar në organizatat humanitare në Kosovë si pjesë e organizatës bamirëse “Al Ighatha Al Khairia”.

Ahmad Zayid Salim Al Zuhayri

I ndaluari ishte anëtar i Al-Kaidës dhe veteran militant, përgjegjës për aktet terroriste në Bosnje dhe Hercegovinë. I paraburgosuri ka marrë pjesë në vrasjen e një qytetari amerikan dhe orkestrimin e makinës-bombë kundër civilëve.

I paraburgosuri ka rekrutuar muhaxhirë. Gjithashtu thuhet se ka ndihmuar në planifikimin e sulmit në Ambasadën Amerikane në Bosnje.

I paraburgosuri ishte i lidhur me elementet ekstremiste në Afganistan (AF) dhe i lidhur me organizata të shumta joqeveritare të lidhura me mbështetjen e terrorizmit.

Një listë e emrave në vitin 1994, ku tregohen edhe pozicionet dhe tregohen detajisht thirrjet e radiolidhjeve të Komitetit të Përbashkët të Arabisë për Ndihmë në Kosovë, emri i të paraburgosurit Ahmad Zayid Salim Al Zuhayri ishte në këtë listë.

Grekë, shqiptarë dhe turq bashkëpunonin për drogën që kishte destinacion militantët e ISIS-it

Një sasi prej 650 mijë pilulash të lëndës narkotike “captagon”, e quajtur ndryshe edhe droga e ushtarëve të Shtetit Islamik, është sekuestruar në Greqi.

Periskopi.com Lajme

Sipas policisë greke, sasia rekord e lëndës narkotike u gjet në një magazinë, në të cilën ndodhej edhe punishtja e prodhimit të pilulave të drogës, në zonën “Nea Peramo” të Athinës. Ajo ishte e paketuar dhe e gatshme për t’u dërguar në Turqi, e në vazhdim në Siri.

Autoritetet greke thanë se kishin infomacion prej shërbimeve amerikane për vendndodhjen e magazinës, si dhe destinacionin e lëndës narkotike.

Deri mbrëmjen e së premtes, autoritetet deklaruan se kanë arrestuar disa anëtarë të organizatës, mes tyre grekë, shqiptarë dhe shtetas turq.

Sipas policisë helene, shqiptarët dhe grekët janë prodhuesit e narkotikëve, ndërsa shtetasit turq ishin të ngarkuar me dorëzimin e ngarkesës tek anëtarët e Shtetit Islamik në kufirin mes Turqisë dhe Sirisë.

Prej këtij aktiviteti, organizata nxirrte përfitime disa milionë euro në vit. Pak muaj më parë, një tjetër ngarkesë e së njëjtës drogë u sekuestrua prej autoriteteve greke.

“Captagon” është një lloj droge që iu jepet luftëtarëve të Shtetit Islamik për të rritur përqëndrimin, pakëson efektet e frikës, lodhjen dhe rrit euforinë e përdoruesit.

Analistë të çështjeve të luftës e vlerësojnë “captagonin” si një ndër arsyet e dhunës ekstreme të përdorur prej ushtarëve të Shtetit Islamik në zonat e luftës në Siri dhe Irak. Të arrestuarit do të dërgohen në gjykatë për masë sigurie mëngjesin e së hënës. /Top Channel

Asnjë xhihadist kosovar për më shumë se një vit

Prej më shumë se një viti, nuk ka pasur me qytetarë të Kosovës të cilët nisen drejt Lindjes së Mesme për të marrë pjesë në luftërat e rajonit.

Periskopi.com Lajme

Autoritetet vendore e konsiderojnë këtë fenomen pasojë të masave të ndërmarra në vazhdën e luftës kundër terrorizmit dhe radikalizmit ekstrem.

“Predikimet fetare jashtë kontrollit të institucioneve kompetente, niveli i ulët i arsimit, kushtet e vështira ekonomike dhe sociale, janë vetëm disa prej arsyeve që i shtynë kosovarët drejt betejave në Siri dhe Irak” vëren Radio Europa e Lirë.

Me përfshirjen e shtetasve të saj në konfliktet e këtyre vendeve, Kosova ishte përballur që në 2012-n. Nga regjistrimet e deritanishme, rezulton se gati 316 vetë kanë marrë pjesë në konfliktet në Lindjen e Mesme, ndërsa në zonat e luftës besohet se ndodhen edhe 140 të tjerë. 117 persona llogaritet të jenë rikthyer në Kosovë prej andej.

Profesori i sociologjisë së besimit, Ismajl Hasani i gjen arsyet e këtyre largimeve tek indoktrinimi i gjatë i disa klerikëve në mënyrën e predikimit nëpër institucionet fetare dhe terreni i lidhur me bazën socio-ekonomike të popullatës.

Në vitin 2015, Kuvendi i Kosovës miratoi një ligj për parandalimin e përfshirjes në luftërat e huaja, ligj ky i cili parashikon dënime deri në 15 vjet heqje lirie për të gjithë ata që marrin pjesë, nxisin apo mbështesin përfshirjen në konfliktet jashtë vendit.

Maqedonia dhe Kosova, më të rrezikuarat nga ekstremizmi

Maqedonia dhe Kosova janë dy shtetet më të rrezikuara në Ballkan nga ekstremizmi i jashtëm.

Periskopi.com Lajme

Konkulizioni doli gjatë një debati në Shkup ku u tha se Ballkani Perëndimor është burim kryesorë i personave që shkojnë të luftojnë në Irak dhe Siri.

Profesori i Univeristetit të Kolumbisë Dejvid Filips tha se kriza politike në Maqedoni që po zgjat me vite e rrit rrezikun nga ekstremizmi i jashtëm.

Sipas Institutit amerikan për Paqe, 314 kosovarë kanë shkuar të luftojnë në Siri dhe Irak që nga viti 2012, dhe sipas institucioneve maqedonase, rreth 300 deri 400 persona nga Maqedonia për të njëjtën periudhë kanë shkuar të luftojnë atje.

Sipas numrit të popullatës, Kosova dhe Maqedonia janë shtetet më të rrezikuara në Evropë nga radikalizmi. Shkupi është në vendin e pestë në botë sipas numrit të popullsisë që shkojnë të luftojnë në shtetet islamike – deklaroi profesori Universitar, Dejvid Filips.

Me këtë rast, ai u ndal edhe te Lëvizja Besa për të cilën tha se nuk është parti transparente për mënyrën e financimit dhe sipas tij kjo nuk është parti shqiptare.

Mirëpo, këto pretendime të profesorit amerikan, Lëvizja Besa i i ka quajtur shpifje të shpikura nga kundërshtarët e saj politikë.

Ndërkohë, ish-ambasadorit të Shqipërisë në Shkup, Arben Çejku, si një nga panelistët e këtij debati tha se zgjidhja e krizës politike në Maqedonia do të të minimizoj rrezikun e ekstremizmit të jashtëm.

Uroj që të ketë një zgjidhje në dobi të qytetarëve, për të çuar përpara proceset demokratike që kanë filluar në këtë vend, dhe natyrisht për të mbyllur edhe një shteg që mundëson rryma radikale për të influencuar stabilitetin e vendit për të afërmen e afërt – tha Arben Çejku, Ish ambasador i Shqipërisë në Maqedoni.

Ish diplomati shqiptarë, tha se shqiptarët gjithmonë në situata të vështira kanë reaguar si një komb ndëonëse janë të ndarë në disa shtete.

 

 

Zbulohet kush mund ta ketë shkruar letrën kërcënuese të ISIS’it për UP’në

Policia ka intervistuar disa të dyshuar, “rasti nuk ishte serioz”

Periskopi.com Lajme

 

“Është e mundur që kjo letër është e shkruar që ta arrijë efektin më të fortë për qëllimet sikur i ceka nga dikush prej studentëve, mbasi është si trend tani çështja e ISIS-it”, ka thënë Tërnava

Deri sa Universiteti i Prishtinës “Hasan Prishtina” po bëhej gati që të shënojë dyzetë e katër (45) -vjetorin e themelimit e tij, në hapësirat e Fakultetit Filozofik, përkatësisht në Sallën e Kuqe,  është gjetur një letër kërcënuese e nënshkruar me akronimet e organizatës terroriste Shteti Islamik.

Prorektori për Marrëdhënie Ndërkombëtare në Universitetin e Prishtinës, Afrim Hoti, ka konfirmuar për mediat se arsyeja e mosmbajtjes së ceremonisë në Fakultetin Filologjik është kërcënimi që kanë marrë përmes një letre në emër të “Shtetit Islamik”.

“Do t’ju sulmojmë me datën 15.02 (shkurt) dhe shihemi te Zoti”, shkruante letra e lënë në sallën ku planifikohej të mbahej ceremonia, ka treguar Hoti.

Por, ai ka theksuar se letrën nuk mund ta bëjë publike pasi ajo i është dorëzuar Policisë.

Lidhur me këtë çështje, gazeta “Bota Sot” ka kontaktuar me Policinë e Kosovës për informata me të hollësishme. Në përgjigjen e Policisë së Kosovës thuhet se me datën 10.02.2017 rreth orës 19:00  është raportuar se në objektin e Fakultetit Filozofik se është gjetur një letër e formatit A4 me një përmbajtje kërcënuese.

Policia ka intervistuar disa të dyshuar, “rasti nuk ishte serioz”

“Njësite policore i janë përgjigjurmenjëherë thirrjes dhe kanë shkuar në vendin e ngjarjes, ku kanë  gjetur letrën në një tavolinë në objektin e Fakultetit Filozofik, e cila kishte përmbajtje kërcënuese se ISIS me datë 15.02 do ta sulmojë fakultetin”, thuhet në përgjigjen e Policisë.

Po ashtu, zyrtarët të Policisë së Kosovës kanë thënë se në vend të ngjarjes ka dal edhe njësia kundër terrorizmit dhe njësi tjera relevante si dhe është njoftuar prokurori kompetent.?

“Njësitet relevante së bashku me njësitet e antiterrorist kanë shikuar kamerat e sigurisë dhe në fund janë marr edhe xhirimet e kamerave të sigurisë.

Policia e Kosovës ka marrë të gjithat masat e nevojshme policore për hetim dhe ndriçim të rastit, ku ka intervistuar person/a lidhur me rastin, për të cilin rast hetimet janë duke vazhduar edhe pse rasti nuk ka rezultuar me kërcënim serioz”, thuhet në përgjigjen e Policisë së Kosovës për “Bota sot”.

Islami: UP-ja të mos merret me letra, por me rezultatet

Sipas ekspertit të çështjeve të sigurisë Avni Islami, në Universitetin e Prishtinës është politizuar gjithçka dhe problemet janë rritur në masë shumë të madhe, madje aq sa, aty ka humb kuptimi i të qenit profesor e student.

Ai ka thënë për “Bota sot” se letra kërcënuese nuk ka të bëjë fare me rrezikimin e kampusit Universitar.

“Ata paskan deklaruar se në adresë të tyre paska shkuar një letër kërcënuese nga ISIS-i, dhe për mendimin tim, ajo nuk ka të bëjë fare me rrezikimin e kampusit Universitar, edhe pse çdo informatë do të duhej të analizohet se sa është serioze lidhur me kërcënimet dhe rreziku që do të mund t`i kanosej Kosovës”, ka thënë Islami.

Por, ai ka thënë se Universiteti do të duhej t`i marr seriozisht vërejtjet për nivelin e ulët të kënaqshmërisë se rezultateve, se sa të merret me letra të dyshuara dhe të pa verifikuara nga organet e sigurisë.

Tërnava: Letra mund të jetë shkruar nga vet studentët

Ndërsa, analisti tjetër, Hajrullah Tërnava ka thënë se situata e krijuar në UP nga një grup studentësh, para disa ditësh, e tregon edhe situatën politike dhe arsimore në të cilën ka ra ky Universitet.

“Duke mos iu përmbajt kritereve shkencore të profesorëve, që emërohen në baza partiake dhe me njoftësi, e të cilët duhet t’i përgatisin kuadrat për ardhmërinë e Kosovës, dhe duke e vërejtur këtë gjendje, edhe vet studentët s’po e pranojnë një gjendje të tillë, ku kryhet fakulteti shkel e shko, në mënyra demonstruese, po i përkujtojnë qeveritarët dhe politikanët se më nuk shkohet kështu me këto kuadro”, është shprehur Tërnava.

 

Efekti vetëdijësues

Edhe letra kërcënuese e ISIS-it që e ka marr UP-ja, sipas tij, e ka qëllimin që të vetëdijësohet kjo shoqëri dhe që të punohet ashtu si e parashohin ligjet dhe Kushtetuta e Kosovës.

“Është e mundur që kjo letër është e shkruar që ta arrijë efektin më të fortë për qëllimet sikur i ceka nga dikush prej studentëve, mbasi është si trend tani çështja e ISIS-it”, ka thënë Tërnava, derisa ka theksuar se organet e sigurisë nuk duhet ta neglizhojnë këtë çështje, dhe duhet që t’i ndërmarrin të gjitha masat në preventive që mos të vie deri te më e keqa dhe t’a parandalojë efektin e kësaj letre.

AKI të merret me letrën e ISIS-it

“Nuk është për t’u nënçmuar kjo letër, kur dihet që një numër jo i vogël i të rinjve shqiptarë kanë marrë pjesë në luftërat e ISIS-it, edhe që dita ditës është duke iu humbur forca dhe me të madhe, po i humbin betejat dhe po shkapërderdhen. Me këtë çështje të kësaj letre nga ISIS-i,  duhen të merren në rend të parë AKI dhe Policia e Kosovës si dhe të gjitha institucionet që e luftojnë krimin në përgjithësi”, ka theksuar Tërnava për Bota sot.

Në fund, Tërnava ka thënë se numri i shqiptarëve që kanë qenë pjesëmarrës në luftërat e ISIS-it, nuk është i vogël dhe gjithnjë ekziston mundësia e sulmeve në institucionet ma të larta të Kosovës për tu arritur efekti pozitiv nga ana e ISIS-it për qëllimet e tyre.

“Tani është në rrënjë e sipër efekti luftarak i ISIS-it, dhe droja për një sulm është më i vogël. Sidomos kur dihet se edhe ata që iu kanë bashkangjitur ISIS-it, tjerët anëtarë të familjeve i kanë në Kosovë, dhe çdo sulm në institucionet e Kosovës kishte më qenë fatal edhe për veteata dhe familjet e tyre në tërësi”, ka përfunduar Tërnava.

Ndryshe, ceremonia për shënimin e themelimit të Universitetit të Prishtinës pas këtij kërcënimi, është mbajtur në sallën e Senatit të Rektoratit të Universitetit të Prishtinës./BS/

Mësohen ish-ushtarakët shqiptarë që u bënë vrasës, grabitës dhe xhihadistë

Batalioni Komando i Forcave të Armatosura është reparti elitë i ushtrisë shqiptare, efektivët e së cilit janë trajnuar dhe stërvitur ndër vite me metodat më speciale luftarake të asgjesimit të “armikut”.

Periskopi.com Lajme

Ky batalion ka patur në përbërje të tij ushtarakët më të zotë, që kanë nderuar ndër vite Shqipërinë gjatë pjesëmarrjes në misionetpaqeruajtëse të NATO-s në vendet e përfshira në konflikt të armatosur ku rreziku për jetën ka qenë maksimal, si në Irak apo Afganistan.

Të stërvitur vetëm “për të vrarë”, efektivët “Komando” nuk janë të trajnuar për të bërë ndonjë “gjë” tjetër në jetë: veç neutralizimin dhe asgjesimit me gjaktftohtësi po qe nevoja.

Ndaj dhe shumë efektivë pas mbarimit të misioneve, të braktisur ndër vite nga shteti, të hedhur në rrugë, pa asnjë mundësi punësimi alternativ dhe të pa asistuar kurrë nga ana psikologjike, me kalimin e kohës nga “paqeruajtës” janë shndërruar në rrezik potencial për sigurinë: vrasës me pagesë, grabitës të rrezikshëm, trafikantë droge e deri në xhihadistë.

BalkanWeb raporton sot rastet e të gjithë ish-komandove të shndërruar në kriminelë të frikshëm, duke filluar nga viti 2011 e deri më tani, grabitjen në 9 shkurt 2017 të 3.2 milionë dollarëve në Qafë-Kashar nga një bandë profesioniste që në përbërje kishte pikërisht dy ish-ushtarë elitë të Batalionit special të FA-ve.

BalkanWeb rendit në mënyrë kronoligjike të gjitha rastet e përfshirjes së ish-trupave komando në krime shumë të rënda, ç’ka mund të shërbejë edhe si një formë ndërgjegjësimi në mënyrë që institucionet dhe ministria e Mbrojtjes në veçanti, të kthejë në të ardhmen sytë me programe rehabilitimi e politika socialesh nga kjo kategori, që e braktisur nga shtetit është potencialisht e prirur për krime të frikshme.

*17 Shtator 2011/ Grabit 176 unaza prej ari, pranga komandos

Një oficer i ushtrisë, në repartin e forcave speciale “Komando” arrestohet me akuzën e grabitjes. Oficeri që kishte kryer 5 misione paqeruajtëse në Irak e Afganistan, përfundoi në pranga, pasi kërkohej prej disa muajsh me akuzën e grabitjes ndaj një biznesmeni në Durrës.

Kujtim Çeliku, 33 vjeç, nga fshati Mullet i Tiranës, akuzohej për ngjarjen e ndodhur në maj 2011, respektivisht për vjedhjen e një çante me 176 unaza floriri, me një vlerë prej 30 milionë lekësh. Gjatë kontrollit në banesën e tij, në Mullet të Tiranës, u gjetën edhe municione dhe kallëpe tritoli, që ai i mbante pa leje. Çeliku po përgatitej për një tjetër mision paqeruajtës në Irak, që do të niste pas dy javësh. Emri i tij figuronte në listën me 58 komando paqeruajtës, të cilët janë dekoruar në vitin 2003 me medaljen “Për Shërbime Ushtarake”, dhënë nga Presidenti i Republikës.

Kujtim Çeliku, kishte marrë pjesë në 5 misione të tilla si pjesë e forcave Komando. Nga të dhënat rezultonte që ai të ketë qenë me shërbime të tilla, tri herë në Irak dhe 2 herë në Afganistan.

6 Qershor 2013/ Komandoja dënohet me 12 vjet burg, vrau të “dashurin” e nënës*

Gjykata e Tiranës, dënon me 12 vjet burg oficerin e forcave komando, Aldo Morina për akuzën e vrasjes së taksistit Mehmet Beqiri.

Por në aplikim të gjykimit të shkurtuar u vendos ulja e dënimit me 8 vite burgim. Raporton se oficeri Morina, që ditën e vrasjes, më 1 janar 2013 u dorëzua në polici dhe pranoi krimin, me pretendimin se viktima i dhunonte nënën.

Sipas prokurorisë, Beqiri dhe nëna e të pandehurit kishin një lidhje jashtë martesore, lidhje e cila nuk është pritur mirë nga komandoja që në debat e sipër e ka qëlluar me armën e punës taksistin Beqiri.

21 Mars 2014/ Katër komando të Zall Herrit i bashkohen ISIS, dy vriten

Hetimet e prokurorisë për shqiptarët që shkonin të luftonin në Siri, zbulojnë të dhënë tronditëse. Sipas organit të akuzës, pjesë e ISIS ishin bërë edhe katër ish-komando shqiptare, dy prej të cilëve kanë gjetur edhe vdekjen.

Emrat e ish-komandove që kanë shkuar në Siri janë:

Diamant Rasha (Emri fetar Ebu Amar– vrarë në Siri në dhjetor 2013, ish-komando në Zall-Herr) Erjon Alinj (Vrarë në Siri, ish-komando në Zall- Herr) Artur Balla (Emri Fetar Omer, kthyer nga Siria më 5 shkurt 2014, ish-komando në Zall-Herr) Leonard Përlika (I kthyer nga Siria, ish-komando në Zall- Herr) 15 Korrik 2014/ Prodhonin mina me telekomandë, arrestohen 3 komando.

Nga policia e Durrësit arrestohen tre komando për veprën penale të “Trafikimit të lëndëve plasëse, djegëse, helmuese dhe radioaktive”, respektivisht Fran Kola, Kleo Gjinkola dhe Alban Donaj, të cilët montonin e tregëtonin mina me telekomandë.

Sipas hetuesve të çështjes, Gjinkola pranoi faktin se ka prodhuar 7 mina me telekomandë dhe se ka kërkuar gjetjen e tregut për shitjen e tyre, ndërsa Donaj ka pranuar se bënte lidhjen e qarqeve me celularët dhe C4. Dy ushtarët me pagesë deklaruan se kishin prodhuar vetëm 7 minat që gjeti dhe sekuestroi policia dhe se nuk kanë mundur të shesin asnjë në treg. Ndërkohë policia pretendoi se minat e prodhuara nga ushtarët janë përdorur në tre atentate, respektivisht në vrasjen e biznesmenit Xhemal Çela, ekzekutimin e Baki Xhabaftit dhe plagosjen e kryekomunarit Fredo Berberi.

17 Shtator 2014/ Dënohet me 35 vjet burg për vrasje ish-komandoja

Gjykata e Tiranës dënon me 35 vjet burg ish-oficerin e Forcave të Armatosura Ndriçim Ballën, për akuzën e vrasjes me dashje të Majlinda Hoxhës dhe plagosjen e Elton Fushës në zonën e ish-bllokut në Tiranë.

Ngjarja e rëndë ndodhi më 9 shtator 2013 në zonën e ish-Bllokut, ku Balla qëlloi me armë zjarri në drejtim të Elton

Fushës ndërsa ky ndodhej në lokalin e marrë më qira në këtë zonë, por plumbat kapën 35-vjeçaren Majlinda Hoxha e cila humbi jetën menjëherë. Nga të shtënat mbeti i plagosur edhe Elton Fusha, objektivi i atentatit, i cili i kishte 20 mijë lekë të reja borxh vëllait të autorit të vrasjes.

15 Qershor 2016/ Arrestohet për trafik droge një komando

Në sajë të operacionit të koduar “Fast” policia arreston Romin Davidhi, 28 vjeç, banues në Durrës, komando i Forcave Detare si dhe Arjan Tabakut, 49 vjeç, banues në Krujë.

Arrestimi i tyre u bë pasi më datë 14.06.2016, në lagjen Nr.13, Plazh, gjatë kontrollit të ushtruar në mjetin tip Fiat, me targa AA 799 LB, me drejtues Arjan Tabakun, u gjetën dhe u sekuestruan në cilësinë e provave materiale: Rreth 10 kg lëndë narkotike e dyshuar e llojit kanabis sativa Një trup pistolete bashkë me tytën Fishekë të kalibrit 7.62 mm

8 Nëntor 2016/ Arrestohet ish-komandoja, do kryente akt terrorist në ndeshjen Shqipëri-Izrael*/

Parandalohet akti terrorist në ndeshjen Shqipëri-Izrael, arrestohet komandoja që prodhoi bombën me telekomandë

Katër ditë para zhvillimit të ndeshjes Shqipëri-Izrael një operacion ndërkombëtar i shtrirë në Shqipëri, Kosovë dhe Maqedoni, finalizohet me arrestimin e 18 personave të dyshuar për lidhje me ISIS. Në bazë të informacioneve të shërbimeve sekrete partnere, veçanërisht CIA-s dhe MOSSAD-it u bë e ditur se këta persona do kryenin një akt terrorist në stadiumin “Loro Boriçi” ndaj ekipit të Izraelit.

Një nga të arrestuarit, i cilësuar nga Prokuroria, si personi kyç në grupin e xhihadistësve ishte edhe Medat

Hasani, ish-komando e Ushtrisë shqiptare, i cili ka qenë pjesë e brigadave terroriste të ISIS, që drejtohen nga dy kosovarët Lavdrim Muhaxheri dhe Ridvan Haqifi.

Në një raport operativ të SHISH dërguar Prokurorisë, thuhet se Medat Hasani është larguar më 28.07.2013 drejt Sirisë dhe është kthyer në dhjetor 2013 në Shqipëri. Hasani dikur ka qenë efektiv i forcave speciale të ushtrisë, duke marrë pjesë në një mision ushtarak paqeruajtës në Irak.

Në këtë mision, Hasani ka shërbyer 6 muaj, dhe më pas është kthyer së bashku me të gjithë anëtarët e grupit. Mirëpo pas largimit nga ushtria, mendohet se ai ka rënë në kontakt me persona ekstremistë që predikojnë fenë islame, duke u indoktrinuar prej tyre që aftësitë e tij ushtarake t’i zbatonte për të kryer krime terroriste. Hasani besohet se kishte marrë përsipër të ndërtonte apo të siguronte bombat me telekomandë, që do përdoreshin gjatë zhvillimit të ndeshjes së futbollit Shqipëri-Izrael në stadiumin e Shkodrës.

Shkurt 2017/ Grabiten 3.2 milionë USD në Qafë-Kashar, arrestohen dy ish-komando*

Në kuadër të operacionit “Patriot”, policia arreston 4 nga 8 grabitësit e 3.2 milionë dollarëve të BKT-së në afërsi të Rinasit. Mes të arrestuarve ishin edhe dy ish-komandot, Ditjon Memlika dhe Naim Avdulaj. Avdulaj është larguar nga ushtria në 2011 pas një mase disiplinore për shkak të mungesave në punë, ndërsa Memlikaj është larguar është larguar për mbarim qëndrimi në gradë.

Ditjon Memlika që ka shërbyer për një vit në Afganistan mësohet të jetë njohës i mirë i blindave, pasi ka drejtuar mjete të tilla. Ndërsa Naim Avdylaj, kushëriri i tij njihet si frekuentues i rregullt i basteve sportive dhe kazinove.

Neim Avdulaj nga Vlora ka shërbyer më herët si ushtar profesionist në Forcat Ushtarake të Zallherrit. Avdulaj ka qenë më parë i ndaluar në Itali për shpërndarje kokaine në vitin 2012, ku gjatë kontrrollit rutinë të policisë lokale u kap në flagrancë me 12 gramë kokainë, të cilën po përpiqej ta shpërndante te klientët në njërin nga lokalet e zonës së Cegias. Avdulaj është i martuar dhe ka një djalë. Edhe Ditjon ka shërbyer më herët në Forcat e Armatosura dhe ka qënë pjesë e disa misioneve paqeruajtëse jashtë vendit, kryesisht në Irak dhe Afganistan, në vitin 2010. Memlika ka qenë pjesë e Forcave Komando të Zallherrit deri para dy viteve. Ai është i martuar

he ka një fëmijë. Të dy komandot u arrestuan falë operacionit “Patriot” që vijon ende edhe për kapjen e 4 prej 8 të dyshuarve si grabitës. /Marrë nga BalkanWeb/

Të paktën 100 të vdekur në vendin e shenjtë, ISIS merr përsipër masakrën në Pakistan

Të paktën 100 persona janë vrarë dhe qindra të tjerë janë plagosur në një sulm kamikaz me bombë në një vend të shenjtë në Pakistan këtë të enjte, sipas policisë lokale. ISIS ka marrë përsipër përgjegjësinë e sulmit, përmes një raportimi nga media e propagandës e grupit ekstremist, AMAQ.

Periskopi.com Lajme

Kamikazi ka hyrë në faltoren Lal Shahbaz Qalandar në qytetin e Sehwan Sharif përmes portës së artë, sipas autoriteteve lokale të cituara nga “Dawn News”.

Shpërthimi ndodhi në vendin ku një ritual i njohur si “Dhamaal” ishte duke u zhvilluar.

Kryeministri i Pakistanit, Naëaz Sharif, ka dënuar sulmin.

Vendi i shenjtë është ndërtuar rreth varrit të Lal Shahbaz Qalandar, poet dhe filozof musliman “Sufi”.

/Syri.net/

Qeveria e Kosovës reagon për kërcënimin e ISIS-it drejtuar UP-së

Qeveria e Republikës së Kosovës ka pranuar me shqetësim informatat se Universiteti i Prishtinës “Hasan Prishtina” ka marrë një letër kërcënuese në emër të organizatës terroriste të ashtuquajtur “Shteti Islamik”.



Periskopi.com Lajme

Qeveria e Kosovës, përmes një komunikate fton organet kompetente shtetërore që të zbardhin këto kërcënime dhe të përballin me drejtësinë kryesit e akteve të tilla.

Duke ftuar qytetarët e Kosovës që të jenë të qetë, Qeveria e Republikës së Kosovës shpreh përkushtimin e plotë që, në partneritet me Shtetet e Bashkuara të Amerikës dhe partnerët tjerë strategjikë, të luftoj dhe të jap kontribut në të gjitha format në luftën globale kundër terrorizmit.

Qeveria e Kosovës, po ashtu, dënon mbishkrimet e ulëta që janë shfaqur në disa objekte private në Gjilan, të drejtuara kundër komunitetit serb.

Duke pas parasysh ambientin e sigurt në Kosovë dhe përkushtimin e popullit dhe institucioneve të Kosovës për vlerat e bashkëjetesës ndërmjet komuniteteve, Qeveria e Kosovës fton organet e rendit që të marrin të gjitha masat dhe të venë para drejtësisë individët e papërgjegjshëm që kanë kryer këto akte vandale, kushdo që ata janë.

Republika e Kosovës është sot modeli më i mirë i shtetit ku respektohen të drejtat më të avancuara për të gjithë qytetarët dhe se vlerat e bashkëjetesës paqësore dhe harmonisë ndërmjet komuniteteve nuk mund të vihen në pikëpyetje nga parullat e vandalëve dhe mbishkrimet që kanë për synim ngritjen e tensioneve, kudo që ato mund të shfaqen dhe ngado që mund të vijnë./ Periskopi

ISIS kërcënon me sulme resortet turistike të Spanjës

Fanatikët e Shtetit Islamik, kanë kërcënuar në mënyrë direkte resortet më të mëdha të turistëve në Spanjë, atje ku pritet të shkojnë për vizitë miliona britanikë gjatë këtij viti.

Periskopi.com Lajme

Kërcënimet janë shpërndarë nëpër rrjetet sociale duke u shoqëruar me frikën se grupi terrorist po punëson edhe përkthyes dhe xhihadistë të jashtëm në këtë shtet.

Këto kërcënime vijnë vetëm disa javë pasi policia në pjesën veriore të vendit në San Sebastian, ka arrestuar trajnerin maroken të boksit nën dyshimin se ka rekrutuar njerëz për ISIS-in.

Kërcënimet direkte kundrejt Spanjës janë përmendur edhe në një raport zyrtar të qeverisë shkruan Daily Mail, transmeton Klan Kosova.

Kjo po cilësohet si përsëritje e masakrës së Tunizisë në qershor të vitit 2015-të, ku xhihadisti Seifeddine Rezgui vrau 38 njerëz në resorin Port El Kantaoui.