Ishulli ku të gjithë bartin gaz-maska

Periskopi.com Lajme

Rrëfimi i këtij shkrimi fillon në vitin 2000, në ishullin japonez Miyakejima, ku fjala katastrofë është përditshmëri. Miyakejima është pjesë e ishujve vullkanik Izu, të cilët gjenden në Detin e Djallit, e që përherë janë të rrezikuar nga tërmetet dhe erupsionet vullkanike.

Vetëm gjatë shekullit të kaluar, këtu kishin ndodhur gjashtë erupsione, ndërsa më i keqi në periudhën 26 qershor – 21 korrik të vitit 2000, kur kjo zonë ishte goditur nga 17.500 tërmete!

Miyakejima 007

Më 14 korrik, dy herë radhazi kishte shpërthyer vullkani Oyama. Erupsioni kishte nxjerrë tym në lartësi prej 1 kilometër, ndërsa ishte shoqëruar me shpërthime të fuqishme.

Në atë moment kishte filluar dhe evakuimi i popullatës së ishullit.

Sidoqoftë, hiri që binte nga qielli nuk ishte problemi i vetëm me të cilin u ballafaquan banorët. Kjo katastrofë kishte mbushur ajrin me dyoksid squfuri në përmasa të rrezikshme, duke bërë që 20% e tokës të bëhet e papunueshme.

Pas tre muajsh qeveria kishte organizuar evakuimin e detyrueshëm masiv.

Miyakejima 003

Edhe dy vjet pas erupsionit, vullkani Oyama vazhdoi të villte 10.000 deri në 20.000 tonë dyoksid sulfuri në ditë, duke e shndërruar këtë ishull në një botë post-apokaliptike, me drunj të vdekur, makinat e ndryshkura dhe ndërtesat e braktisura.

Në vitin 2005, banorët ishin lejuar të vinin në shtëpitë e tyre. Megjithatë, shumica prej tyre kishin vendosur të qëndroniin në shtëpitë e reja në Tokio, mirëpo 2.800 sish ishin kthyer, të pajisur me gaz-maska – që të mund të mbijetonin mes gazrave helmuese që vazhdonin të dilnin nga toka.

Miyakejima 006

Kështu, shumë shpejt kishte lindur një lloj i ri i turizmit – qëndrimi në ishullin ku të gjithë bartin gaz-maska. Tash, gaz-maskat për një përdorim shiten në të gjitha portet që çojnë drejt këtij vendi turistik, i cili vizitohet vetëm nga turistët guximtarë.

Miyakejima 005Miyakejima 002Miyakejima 004

Kapet gomonia me 1.5 ton drogë, 7 orë aksion në det (Foto)

Një gomone me 1.5 ton drogë është kapur në Bari, ndërsa ishte nisur nga Ishmi në Durrës.

Periskopi.com Lajme

Lajmi bëhet i ditur nga policia e cila tha se aksioni u finalizua pas 7 orësh, ndjekje në det. Në pranga kanë rënë 3 trafikantët që u gjetën në bordin e gomones.

Gomonia u pikas mbrëmjen e djeshme rreth orës 20.00 në zonën e Ishmit. Policia Kufitare është vënë në ndjekje të gomones në zonën e Ishmit – Kepi i Rodonit dhe mjenjëherë ka kërkuar ndihmën e Guadia di Finanzia.

“Policia Kufitare ka bashkëpunuar dhe koordinuar me Guardia di Finanza në orën 03:00 të ditës së sotme bënë të mundur kapjen e gomones në Mola da Bari – Itali.  Gomonia ishte 9,5 m e gjatë me dy motorra x 350 kf. Në bordin e saj u gjendën 1 550 kg lëndē narkotike e llojit Canabis sativa, si dhe 1 armë zjarri Pistoletë”, ben të ditur policia.

Personat e arrestuar janë me iniciale: A.Gj, 34 vjeç, K.M, 26 vjeç dhe G.Xh, 42 vjeç.

1aa6bb3a-3df2-415a-b025-cd14b0a4df44-550x413 24413490-8b36-458c-8e7e-b33b6736f269-550x373 485951eb-01fb-4da8-acf5-c5a38ae76bd5-550x382