Flet Agim Veliu nëse do kërkojnë dorëheqjen e Isa Mustafës

Periskopi.com Lajme

Lidhja Demokratike e Kosovës, në zgjedhjet nacionale të 11 qershorit për herë të parë mund të renditet në vend të tretë. Partia e Isa Mustafës rrezikon të përfundoj partia e tretë në vend për herë të parë prej themelimit.

Të pakënaqur me këtë rezultat disa zëra brenda LDK-së po kërkojnë dorëheqjen e kryetarit të LDK-së, Isa Mustafa.

Në anën tjetër, i kontaktuar nga ‘Indeksonline’, nënkryetari i LDK-së, Agim Veliu ka thënë se LDK po pret çertifikimin e rezultateve zgjedhore për të vendosur për hapat e radhës.

“Po i presim rezultatet përfundimtare, çertifikimin e tyre pastaj si zakonisht ulemi dhe e bëjmë një vlerësim të zgjedhjeve dhe dalim më qëndrim. Tani për tani nuk mund të them asgjë, sepse nuk është koha tani”, ka thënë Veliu.

Tutje, Veliu ka thënë se ata qe po e kërkojnë dorëheqjen e Mustafës duhet t’i shkojnë rezultatet në vendin e tyre.

Për Shpejtim Bulliqin ka thënë se ai ka humbur në fshatin e tij ku jeton.

“Ata qe po e kërkojnë dorëheqjen e Mustafës duhet t’i shikojnë rezultatet në vendin e tyre. Z. Bulliqi ka humb në fshatin e tij ku jeton. LDK ka humbë në fshatin e Bullqit. Ai është anëtar Këshillit të Përgjithshëm dhe anëtar i Kryesisë se degës dhe ka humbur në fshatin e tij ku jeton aktualisht”, ka shtuar Bulliqi.

Moskandidmi i LDK-së, për deputet, sipas tij, nuk e arsyeton për këtë humbje.

Lidhja Demokratike e Kosovës bashkë me AKR-në dhe Alternativën në zgjedhjet e se dielës kanë marrë vetëm 25.7% të votave.

Reklamë
Reklamë

Voton Isa Mustafa: Zgjedhjet përcaktojnë të ardhmen e vendit

Periskopi.com Lajme

Kryeministri në detyrë Isa Mustafa, sapo ka hedhur votën e tij.

Obligimin e tij qytetar, Mustafa e kreu në qendrën e votimit në shkollën ”Emin Duraku”.

Në fjalimin e tij para mediave, Mustafa ka bërë apel tek qytetarët për të dalur në zgjedhje.

Mustafa tha se këto zgjedhje përcaktojnë të ardhmen e vendit.

Reklamë
Reklamë

Mustafa: Vetëm kryeministri Hoti mund ta zgjidhë problemin e papunësisë

Periskopi.com Lajme

Kryetari i Lidhjes Demokratike të Kosovës (LDK), Isa Mustafa, gjatë një vizite që i ka bërë ndërmarrjes prodhuese “Muja Dekor”, ka thënë se vetëm kandidati për kryeministër nga LDK-AKR-Alternativa, Avdullah Hoti, mund ta zgjidhë problemin e papunësisë në Kosovë.

“I japë përkrahje të plotë kandidatit tonë për kryeministër. Me përkrahje të Qeverisë së ardhshme dhe kryeministrit Hoti do të zgjidhim problemin e papunësisë, do të hapim vende të reja të punës, do të ofrojmë politika fiskale të përshtatshme për bizneset, do të kemi një vend në të cilin dëshirojmë të jetojmë, një vend të mirëqenies dhe një vend të sigurt”, ka thënë Mustafa.

Kandidati për kryeministër, Avdullah Hoti ka thënë se edhe në Qeverinë e kaluar edhe në Qeverinë e re, ne do t’i kushtojmë prioritet të parë zhvillimit ekonomik dhe krijimit të vendeve të reja të punës.

“Kemi marrë reforma fiskale në pakon e parë, e kemi të gatshme pakon e dytë për t’ju ndihmuar bizneseve, sikur ky që po vizitojmë sot. Do të eliminohet të gjitha taksat doganore për lëndë të para, makineri dhe inpute të tjera që nevojiten për procesin e prodhimit”, ka thënë Hoti.

Ai ju ka garantuar të gjitha bizneseve se sikur në të kaluarën, do t’ju qëndrojmë afër dhe do t’i përkrahim për zgjerimin dhe zhvillimin e tyre./ Periskopi

Reklamë
Reklamë

LDK e la jashtë listës, ai ka 8 fëmijë në familje – të gjithë me fakultete dhe pa punë

Periskopi.com Lajme

Ish-deputeti Hatim Baxhaku nga radhët e LDK-së sqaron përse nuk është sërish në listë për kandidat.

Tregon detaje nga mbledhja e Këshillit të kësaj partie dhe kërkesat që ai kishte.

Baxhaku thotë se në LDK nuk ka hyr as nuk ka qëndruar për pazare dhe se nuk do e braktis këtë parti, raporton Periskopi

Shkrimi i plotë:

 

PËR TI HEQUR DILEMAT

Të nderuar anëtarë dhe simpatizant të LDK-së, miq dhe qytetarë të Kosovës.

Meqenëse kam një kërkesë të madhe nga Ju por edhe nga mediet për një prononcim lidhur me disa zhvillime aktuale e për të mos lejuar huti, më lejoni të ju drejtohem dhe të jap disa sqarime .

Në LDK jam inkuadruar që nga themelimi i saj dhe kam qenë delegat i Kuvendit Themelues të mbajtur në Medresen “Alaudin” në Prishtinë. Arsyeja e vetme ishte që të jap kontributin tim për popullin dhe shtetin e Kosovës në ato rrethana jashtëzakonisht të rënda dhe vendimtare për shqiptarët.

Nuk e di sa ja kam dalë në këtë punë.

Jam edhe pjesëmarrës i luftës si mjek në një spital fushorë në Krumë së bashku me një ekip norvegjez në “Operacioni Shigjeta”.

Në LDK nuk jam anëtarësua me pazar: po vij në LDK nëse më beni deputet, ministër, këshilltarë… Asnjëherë nuk jam udhëhequr nga interesi personal.

Kam një familje nga babai dhe nëna, ndjesë pacin, që numëron 40 anëtarë. Nē këtë familje kam 8 të rijë, vajza dhe djem të mrekullueshëm, të gjith me fakultete të kryera, bile edhe Master dhe asnjëri nuk është i punësuar.

Asnjëherë po e përserisë asnjëherë nuk kam trokitur në parti ose në institucione për ti punësuar “me të njofshëm”.

Po presë të punësohen një ditë në kushte të barabarta për të gjithë. Në mbledhjen e Këshillit të Përgjithshëm të LDK-së kam deklaruar se nuk ka asnjë problem pse unë nuk jam në listën për deputet sepse kështu e kanë parapar disa kapës të partisë( dhe me këtë nuk aludoj në Isa Mustafën).

Propozova që në Listën e Kandidatëve për Deputet të futën edhe dy kandidat tjerë nga Prizreni përveq atyre që ishin në atë listë.

Kam permendë edhe disa vërejtje për vendimet që merren në strukturat e larta të partisë pa diskutim të mirëfilltë në ato forume, dhe defektet në komunikimin e atyre strukturave me deputet e gupit parlamentar, dhe kam kërkuar që kjo punë të bëhet në kordinim më të mirë që pastaj deputet mos të akuzohen për mosrepektim të vendimeve të organeve partiake.

Me këto qështje thashë se duhet dhe do të merremi pas zgjedhjeve në mënyrë institucionale në forumet e LDK-së. Kaq.

Dua me këtë rast që tua heqi dilemat që të gjithëve, pa përjashtm :

Hatim Baxhaku ka qenë, është dhe do të mbetet anëtar shumë i devotshëm dhe besnik i LD K-së sepse unë punoj për këtë dhe besoj në LDK.

Do të jam pa asnjë rezervë përkrahë kandidatëve për deputet nga qyteti i Prizrenit e me gjerë dhe të koalicionit parazgjedhor sepse kam besimin se është gjëja më e mirë që po i ndodhë Kosovës në rrugën e saj të shtetëformimit dhe integrimeve euroatlantike, aty ku e ka vendin ajo dhe qytetarët e saj.

Jam thellësisht i bindur se do t’ja dalim me sukses.

Me Fitore #Shihemi në Finale.

Sinqerisht i Juaji, Hatim Baxhaku.

Reklamë
Reklamë

Eqrem Kryeziu godet Isa Mustafën

Periskopi.com Lajme

Ish anëtari i Lidhjes Demokratike të Kosovës,  Eqrem Kryeziu e ka komentuar situatën në Lidhjen Demokratike të Kosovës.

Eqa e ka kritikuar liderin e kësaj partie, Isa Mustafën për të cilin thotë se e ka shëndrruar LDK-në një Organizatë të Punës së Bashkuar.

Ish kryetari i Prizrenit e ka kritikuar edhe listën e publikuar nga LDK për të cilën ka thënë se është e ndërtuar si model titist.

”Tashmë edhe opinioni i gjerë e ka të qartë se kush është Isa. Dëshmia e z. Hajredin Kuçi për refuzimin e rishikimit të demarkacionit, përkundër gatishmërisë së autoriteteve të Malit të Zi, është kyçe. Nuk i pëlqen shokut Isë një shoqëri pa konflikte. Mundësisht të ketë përplasje civile, sikur edhe pati për demarkacion.

T’i kthehemi tani opinionit të Lidhjes Demokratike të Kosovës: kjo parti ka mbijetuar të gjitha sfidat më të ashpra falë raportit emocional të anëtarësisë me të. Partitë e reja nuk e kanë këtë cilësi, këto janë tejet pragmatike. Por a mund ta vlerësojë Isa këtë dashuri të anëtarësisë ndaj LDK-së? Në asnjë mënyrë!

Ai është aty për ta luftuar, për ta ndryshuar e për ta shndërruar Lidhjen Demokratike në një Organizatë Bazë të Punës së Bashkuar. Kjo organizatë ka Këshillin e Punëtorëve, anëtarët e të cilit zgjedhen për paaftësinë për t’u marrë vesh njëri me tjetrin: modeli titist i Kullës së Babilonit. Po të lehohej ndërkomunikimi, karakteret totalitarë nuk mund të udhëheqin.

Ja! Mbi këtë koncept Isa bën lista. Vetëm në këtë mënyrë mund të vallëzojë si vedetë në krye të Këshillit të Punëtorëve të Oranizatës Bazë të Punës së Bashkuar “LDK” “ ka thënë Eqrem Kryeziu./Indeksonline/

Reklamë
Reklamë

“Luftë” në LDK, Isa Mustafa nuk e do në listë Vjosa Osmanin

Periskopi.com Lajme

Deputetja Vjosa Osmani mund të mbetet jashtë listës së kandidatëve për deputetë në Lidhjen Demokratike të Kosovës.

Kreu i LDK-së vazhdon të jetë kundër që deputetja “rebele” të jetë në listën e kësaj partie.

Këtë e kanë thënë për Periskopin burime të afërta me këtë parti.

“Kryetari Mustafa është kundër që Vjosa të jetë në listë. Ajo ende është në një listë rezervë dhe mund të mos jetë fare pjesë e listës”, i ka thënë ky burim Periskopit.

Deputetja Osmani ka qenë gruaja më e votuar në zgjedhjet e kaluara. Madje, ajo kishte vota më shumë sesa partia me të cilën LDK ka lidhur koalicion, AKR e Behgjet Pacollit.

Reklamë
Reklamë

Flet Nexhat Daci, befason me emrin që propozon për kryetar të LDK-së

Periskopi.com Lajme

Ish-kryetari i Kuvendit të Kosovës, Nexhat Daci, që sot është pjesë e Lidhjes Demokratike të Kosovës, i ka sugjeruar Isa Mustafës ta lërë postin e kryetarit të partisë pas tërheqjes nga kandidatura për kryeministër.

Daci ka thënë për “Epoka e re” se e ka përkrahur Mustafën në “luftë” me Fatmir Sejdiun, pasi ka menduar se është më i freskët për LDK’në.

“Tash mendoj se është mençuri e madhe që ai të tërhiqet nga udhëheqja e partisë, sepse për atë parti nuk ka bërë kurrë shumë mund”, ka thënë Daci.

Ai ka shtuar se rritja e LDK’së mund të ndodhë vetëm nëse kjo parti kthehet në shtratin e rugovizmit.

Daci ka thënë se kryetar i ardhshëm i LDK’së duhet të vijë Lutfi Haziri.

Ai ka bërë të ditur se nuk do të jetë kandidat për deputet në listën e LDK’së.

Daci ka thënë se pas zgjedhjeve të 11 qershorit, vendin e presin shumë sfida dhe se duhet të vijë në krye të shtetit një udhëheqje politike që ka energji për punë.

Reklamë
Reklamë

Behgjet Pacolli gjeti pikën e dobët të Isa Mustafës, do përfaqësohet 45% në Qeveri

Periskopi.com Lajme

Aleanca Kosova e Re do të jetë 45 për qind e përfshirë në Qeveri në rast se fitojnë në zgjedhjet e parakohshme, që do të mbahen më 11 qershor.

Partia e Behgjet Pacollit të martën lidhi koalicion me partinë e Isa Mustafës, që të shkojnë bashkë në zgjedhje.

Sipas draft-marrëveshjes që e posedon KosovaPress krerët e dy partive janë dakorduar që AKR ta ketë zëvendëskryeministrin e parë.

Ndërsa ndarja e resorëve qeveritar(ministrat, zëvendësministrat dhe emërimet tjera politike) bëhen bazuar në kriterin e përqindjes 55 për qind LDK dhe 45 për qind AKR.Por nuk është vetëm AKR-ja që shkon në zgjedhje bashkë me LDK-në.

Në listat për deputetë do të ketë edhe emra nga partia e sapoformuar Alternativa, e cila udhëhiqet nga Mimoza Kusari-Lila e cila në AKR ka qenë zëvendëspresidente.

Kur u nda nga AKR dhe formoi partinë e vet, shefi i saj Behgjet Pacolli kishte thënë se ishte tradhtuar nga Kusari-Lila e cila Gjakovën e kishte fituar duke qenë kandidate e AKR-së.

Por sekretari organizativ i AKR-së Rrahim Pacolli në një deklaratë për KP thotë se nuk ka pasur asnjë hidhërim me ish-bashkëpartiaken e tij.

Pacolli tha se zhvillimi ekonomik dhe heqja e vizave është arsye kryesore që i ka bashkuar AKR-në dhe LDK-në.

“Koalicioni i ri e ka për qëllim zhvillimin , anëtarësimin në Bashkimin Evropian dhe heqjen e vizave për qytetarë. Kjo është më e rëndësishmja dhe ky është koalicioni më i ri. Ka me qenë shumë i suksesshëm dhe do t’i fitojë zgjedhjet. AKR, gjithmonë është me zhvillimin ekonomik dhe në zhvillimin e shëndetësisë. Do ta kemi pjesën tonë brenda marrëveshjes LKD-AKR. Nuk jemi hidhëruar ne kurrë me askënd nuk kemi çka me u hidhërua dhe me u pajtua”, tha Pacolli.

Shefi i Shtabit Zgjedhor në AKR tha se ky koalicion është mirëpritur, por ka pasur edhe kritika.

Sipas Pacollit AKR është kritikuar edhe kur ka qenë duke qeverisur me PDK-në.

“Është mirëprit shumë prej qytetarëve të Kosovës , është mirëprit shumë nga diaspora. Kemi marrë shumë telefonata prej diasporës dhe kemi marrë përkrahje që do të vijnë edhe me votua ditën e zgjedhjeve. Është një koalicion i zhvillimit ekonomik. Unë mendoj që është shumë i rëndësishëm për qytetarët e Kosovës. Edhe për anëtarësimin në Bashkimin Evropian”, tha Pacolli.

Sipas draft-marrëveshjes LDK-ja dhe AKR-ja pajtohen në parim që të bashkëpunojnë edhe në zgjedhjet e nivelit lokal, ndërsa specifikat do të përcaktohen me një marrëveshje të veçantë.

Reklamë
Reklamë

Përfundon takimi i natës LDK – Vetëvendosje

Periskopi.com Lajme

Vetëvendosje pasi ka mbajtur mbledhjen e Këshillit të mërkurën gjatë ditës njoftoi se qëndrim kishin të shkonin të vetëm në zgjedhje, por që pranuan takim me koalicionin LDK-AKR, pas shumë kërkesave që ia bëri ky koalicion.

Edhe pse në media u keqkuptua mundësia që ata lan hapur, një takim mes këtyre subjekteve u mbajt në orët e vona.

Periskopi.com nga burime brenda LDK-së mëson se takimi është mbajtur, por pas tij, e as sa po mbahej takimi askush nuk ka guxuar të deklarohet.

Krejt çka merret vesh është që nuk është arritur ndonjë marrëveshje, por, që takimi pritet të bahet edhe nesër, ditë kjo kur pritet të bëhet dorëzimi i listave.

Gjatë ditës LDK i ka bërë ofertë duke i ofruar shumëçka Vetëvendosjes, e kjo e fundit u raportua se ka dy kushte, postin e kryeministrit dhe çështje e programit të partisë.

Të kontaktuar zyrtarisht asnjëra nga subjektet nuk ka pranuar të deklarohet.

Derisa Vetëvendosje gjatë ditës ka anuluar dy konferenca dhe pritet që të mbajë atë nesër, LDK-ja në orët e vona ka dërguar njoftim për një konferencë nesër në mëngjes.

Tanimë, afati për koalicione ka përfunduar ndërsa janë në orët e fundit para dorëzimit të listave./ Periskopi

Reklamë
Reklamë

Humb pushtetin, Isa Mustafa fillon hakmarrjen (Video)

Periskopi.com Lajme

Ish-deputeti i LDK-së, Shpejtim Bulliqi, nuk është pjesë e listës së kandidatëve për deputetë të kësaj partie, për zgjedhjet e parakohshme të 11 qershorit.

“Para një ore, pas një takimi të Degës së LDK-së në Podujevë, është marrë vendimi që unë mos të jem kandidat për deputet nga kjo dege”, ka thënë Bulliqi për TV Rrokum, duke shtuar se Këshilli i Përgjithshëm i partisë nesër e merr vendimin përfundimtar për këtë.

Reklamë
Reklamë

Milaim Zeka: Isa Mustafa ka milionat në bankat e Serbisë

Periskopi.com Lajme

Milaim Zeka sërish flet për miliona dhe tregon kush e la Ibrahim Rugovën rrugëve.

Ai i ka reaguar Bardhyl Metës, duke i thënë se kryetari i tij, Isa Mustafa ka vjedhur miliona veçanërisht nga ‘tre përqindëshi’ dhe se thuhet se ai ka miliona në bankat e Serbisë.

Zeka nuk ndalet me kaq. E fton Metën dhe disa deputetët të tjerë që të ndërtojnë një politik të re, transmeton Periskopi

SHkrimi i plotë:

Bardhyl meta, vajtueshem i shkruan Halil Matoshit

Drenicaku im, qe edhe nusen e ka marre nga Drenica, forte vajtueshem e ka lut Halil Matoshin, me lane AAK, e me shku ne LDK.

Sa per lutje, hallall, ama Bardhyl, duke qene djal i meqem, mos i pergjitheso gjanat. Mos i quaj te gjithe milioner. Fol me emra burr. Kjo i bjen,sikur une Ty me te qujte njeri te Rrahman Morines, pse kryetari yt ka qene minister i Rrahmanit, e bashke i kane vra studentat ne Prishtine, me 23 mars 1989!!! Ashte njesoj sikur une me te qujte njeri te Milloshevicit, pse dikush nga njerezit tuaj jane bishkat me vite me xhelatin serb!!!

Halil Matoshi ashte vet i meqem. Ai e tha: Vetem Rugoves dhe Ramushit i beson. Mos e nguc njerin, le ne bindjet e tija.

Edhe une po te ftoje publikisht Ty, Vjosa Osmanin, Arben Gashin, Anton Cunin, Hafiz Gagicen, Donika Gervallen, e shume te tjere, hajdeni me mu, e te ndertojme nje politike te re! Nje mentalitet te ri politik! Nje kulture te re politike!

Bardhyl: Ju u bate bashke per interesa personale (jo ti), me ata qe i quajtet vrases. Kryetari yt Bardhyl, foli edhe per bazenin e Radoniqit, ne kohen kur bllokoi paret per lufte. Ne kohen kur ai, dhe Bujar Bukoshi, e lane neper rruget e botes Dr. Ibrahim Rugoven, pa ja pagu hotelin, biletate.

Bardhyl: Ish kryetari Yt, pra Isa Mustafa, ja nderpreu edhe telefonin Rugoves e Enver Malokut, per inate te asaj kohe.

Nese disa jane ba milioner kendej, shikoje ata andej, me paret e tre perqindeshit. Kush e ka shitur “Dardania bank” ne Tirane?! Ku jane paret e akcionit ta ndihmojme Drenicen?!

Bardhyl, rri shtremt e fol drejte: Kane vjedhe edhe do jarana te mi neper xhepa, ama Isa me shoke, ka vjedhe neper banka, bash miliona. Flitet, o Bardhyl, qe kane pare te deponuara edhe ne bankat e Serbise. Ishalla ashte rren, ama pyete pak Hafiz gagicen se pse e ka padite Isa Mustafen, e Bujar Buksohin?! Per hajni…

Reklamë
Reklamë

Mustafa tregon për marrëveshjet e deritanishme për koalicione

Periskopi.com Lajme

Kryetari i Lidhjes Demokratike të Kosovës Isa Mustafa nuk ka specifikuar se me cilat parti do të hyjnë në koalicion parazgjedhor.

Mustafa tha se LDK po punon në mënyrë që t’i saktësojë kushtet me disa partnerë.

“Unë s’do të flas derisa të kemi marrëveshje definitive, sepse është një fushatë e egër që po zhvillohet”, tha Mustafa.

Duke folur për kandidaturën e Hotit, Mustafa tha se karshi kandidatëve tjerë për kryeministër, Hoti është larg përpara.

“Të tjerët munden të shkojnë te Avdullahu të mësojnë për ekonomi”, tha Mustafa.

Reklamë
Reklamë

Isa Mustafa tregon pse Lufti Haziri nuk u kandidua për kryeministër

Periskopi.com Lajme

Kryetari i Lidhjes Demokratike të Kosovës, Isa Mustafa, sot e ka bërë të ditur se Avdullah Hoti do të jetë kandidat për kryeministër nga radhët e kësaj partie.

Në një konferencë për media, pas takimit të Kryesisë të Partisë, Mustafa tha se Lufti Haziri dhe Agim Veliu nuk janë kandidauar për kryeministër, pasi nuk kanë dashur të shkaktojnë zgjedhje të parakohshme lokale.

“Ata edhe më tej do të vazhdojnë të jenë kryetar komunash, ndërsa Avdullah Hoti do të jetë kandidat për kryeministër”, tha Mustafa.

Në media u raportua disa ditë radhazi se Lufti Haziri do të jetë kandidat i LDK’së për kryeministër./ Periskopi

Reklamë
Reklamë

Yee e quan Mustafën të paguximshëm

Periskopi.com Lajme

Zëvendësndihmës-sekretari Amerikan i Shtetit, Hoyt Brian Yee, në forumin rajonal për siguri “2BS” në Budvë, e ka quajtur kryeministrin Mustafa të paguximshëm.

Siç njoftojnë mediat e Podgoricës, Hoyt Yee ka thënë se shpreson që kryeministri i ri i Kosovës do të ketë më shumë guxim dhe do të miratojë Marrëveshjen për Demarkacionin me Malin e Zi.

“Për t’iu shmangur të gjitha këtyre problemeve, liderët në rajon duhet ta gjejnë guximin politik për reforma jo-popullore, por të domosdoshme, në interes të qytetarëve. Shpresoj se kryeministri i ri i Kosovës do të ketë guxim që ta miratojë Marrëveshjen për demarkacionin më Malin e Zi”, ka thënë Hoyt Yee.

Anëtarësimi i Malit të Zi në NATO, sipas Zëvendësndihmës-sekretarit Amerikan i Shtetit, Hoyt Brian Yee, ka forcuar konsistencën e politikës së dyerve të hapura, por edhe ka zbuluar vendosmërinë e Rusisë që të minojë të ardhmen euroatlantike të Ballkanit, duke filluar nga plani i rrezikshëm dhe i ulët për destabilizimin e Malit të Zi, nga mbështetja lëvizjeve në Bosnjë dhe nga përpjekjet për izolimin e Kosovës.

“Kemi qenë dëshmitarë të retorikës nxitëse dhe të politikave ndarëse, kemi parë gazin lotsjellës në Kuvendin e Kosovës, politikanë në Republika Srpska të cilët kërcënojnë me ndarje, turmën e tërbuar që pushtoi parlamentin në Shkup, opozitën në Mal të Zi, e cila po e bojkoton jetën parlamentare”, ka thënë Hoyt Yee, duke folur për rolin e Rusisë në Ballkanin Perëndimor.

Reklamë
Reklamë

Kryeministri Mustafa kërkon të zbulohen sulmuesit e Arbana Xharrës

Periskopi.com Lajme

Kryeministri në detyrë, Isa Mustafa ka reaguar për sulmin ndaj anëtares më të re të PDK-së, Arbana Xharra.

Ai thotë se kryerësit duhet sillen para drejtësisë.

“Sulmi mbi Arbana Xharrën është akt i ulët dhe i turpshëm. Kryerësit duhet të sillen para drejtësisë. IM”, ka shkuar ai./ Periskopi

Reklamë
Reklamë

Premtoi 120 mijë vende pune, Mustafa lavdërohet se janë krijuar rreth 40 mijë

Periskopi.com Lajme

 

Në fushatë për zgjedhjet qendrore të vitit 2014, kryetari i Lidhjes Demokratike të Kosovës Isa Mustafa kishte premtuar krijimin e 120 mijë vendeve të punës, dhe ato vetëm në sektorin e bujqësisë. Kishte thënë se do ta mbështeste më së shumti këtë sektor.

E pas rreth tre vitesh qeverisje, njeriu që mbajti detyrën e kryeministrit njofton se arriti të punësoi më shumë se 40 mijë vetë.

Përmes një postimi në Facebook, kryeministri në largim Isa Mustafa ka gjetur kohë të lavdërohet për arritjet e krijimit të vendeve të punës. Mustafa është krenuar edhe për uljen e papunësisë në Kosovë.

Kryetari i LDK-së ka thënë se këto arritje janë rezultat i punës së madhe të bërë nga kabineti i tij.

“Statistikat kredibile bëjnë me dije se papunësia është ulur nga 35 % në 27 %, ndërkaq institucionet përkatëse konfirmojnë mbi 41 mijë të punësuar rinj, me emër e mbiemër. Mijëra qytetarë të tjerë janë vetëpunësuar kryesisht në bujqësi dhe fusha të tjera”, ka shkruar Mustafa.

Koalicioni qeverisës, në të cilin Mustafa ishte kryeministër për rreth 3 vite, është rrëzuar përmes një mocioni mosbesimi të mërkurën në Kuvendin e Kosovës./insajderi

Reklamë
Reklamë

Isa Mustafa ‘shuplakë’ Bajram Gecajt: LDK e njeh presidentin

Periskopi.com Lajme

Kryeministri në detyrë, njëherësh kryetar i LDK-së, Isa Mustafa ka thënë se partia e tij është institucionaliste dhe i njeh organet e shtetit.

“LDK e njeh institucionin e presidentit. LDK është parti institucionaliste e cila njeh organet”, ka thënë Mustafa.

Por, para një ditë këshilltari i kryeministrit në largim, Bajram Gecaj ka thënë se LDK-ja nuk e njeh presidentin.

Të enjten Lidhja Demokratike e Kosovës, ka bojkotuar takimin e ftuar nga presidenti Thaçi ku u diskutua për datën e zgjedhjeve.

I kontaktuar nga mediat, Bajram Gecaj ka thënë se është qëndrim i LDK-se pas veprimit të ditë së mërkurë të PDK-së në Kuvend, marrëveshja e koalicionit bie në tërësi dhe LDK, ka thënë ai nuk e njeh asnjë rezultat politik të saj, duke aluduar se partia e Isa Mustafës nuk e njeh Thaçin si president të vendit.

Reklamë
Reklamë

Mustafa-opozitës: PDK ju përdori si vegël

Periskopi.com Lajme

Kryeministri në detyrë i Republikës së Kosovës, Isa Mustafa në një intervistë për “Speciale” të RTV21, tha se nuk e ka pritur një veprim të tillë që partnerët e koalicionit ta votojnë mocionin për rrëzimin e Qeverisë.

“Kjo qeveri ka qenë qeveri e koalicionit, në të cilën themi aksionarë kryesor kemi qenë ne, LDK-ja dhe PDK-ja me numër të njëjte të ministrave  dhe përgjegjësi të ndara”, ka thënë Mustafa, duke shtuar se ai ka menduar  se PDK-ja edhe përkundër asaj që mund të kenë një lloj rivaliteti me LDK-në, megjithatë i respektojnë ministrat dhe përgjegjësitë e tyre, tha ai në nëj intervistë në RTV 21

“Në qoftë se ka nevojë të bëhet mocioni, atëherë do të duhej që PDK-ja ta bënte vet këtë dhe jo që të shfrytëzonte opozitën si vegël, ose të bëhet vet vegël e opozitës për rrëzimin e Qeverisë”, shtoi Mustafa.

Sipas tij, ky nuk është një mocion i tradhtisë për ta, por nëse është tradhtuar dikush atëherë janë tradhtuar vet ministrat ose anëtarët e kabinetit të PDK-së.

“Si veprime nuk janë veprime të mira, sepse ato ishte dashur të jenë të hapura edhe të diskutohen më herët që ata kanë tendencë të bëjnë të tillë, sepse më vonë u pa që gjithë ata e kanë përgatitur këtë, sepse dolën edhe deklaratat e Kryetarit të Kuvendit dhe përgatitjet e Presidentit”, përfundoi Mustafa, në tv21

Reklamë
Reklamë

Mustafa ngacmon PDK-në pandalur, ua kujton aktakuzat

Periskopi.com Lajme

Kryeministri në detyrë i Republikës së Kosovës, Isa Mustafa të gjitha zhvillimet që quan në rrëzimin e qeverisë, i konsideron si një pasqyrim i keq i vendit karshi ndërkombëtarëve dhe investitorëve të huaj.

“ Kemi dhënë një shenjë shumë të keqe në komunitetin ndërkombëtar dhe për investitorët e huaj që ky vend është jo stabil që kur donë mblidhen pesë a gjashtë vetë, që kanë probleme me ligjin e bëjnë një kërkesë për mocion”, është shprehur Mustafa

Sipas tij, zhurmagjitë më të mëdhenj për prishjen e koalicionin ishin ata që përmenden që kanë probleme me ligjin.

Reklamë
Reklamë

Isa Mustafa ‘në gjah për koalicione’, përjashton vetëm PDK-në

Periskopi.com Lajme

Kryetari i Lidhjes Demokratike të Kosovës Isa Mustafa nuk e ka përjashtuar një koalicion të mundshëm me Vetëvendosjen. Thotë se LDK do t’i fitojë zgjedhjet e 11 qershorit.

“Me disa në qoftë se kanë sjellje të tilla të themi se është problem të qeverisësh mirëpo nuk e kisha shfrytëzu këtë bisedë të sotme me ju që unë të vëjë kufij ose të përcaktoj kritere sepse janë çështje të respektit ne duhet të kemi respekt gjithmonë me partitë politike”, tha Mustafa për RTV21.

Ndërkohë Zyrtarë të Lëvizjes Vetëvendosje kanë thënë më parë se për gjithçka vendosin organet e brendshme të partisë, por se kanë përjashtuar një mundësi bashkëpunimi me Isa Mustafën.

Kryeministri në detyrë Isa Mustafa në një intervistë për RTV21 thotë se PDK iu frikësua suksesit të LDK-së në qeverisje dhe e prishi koalicionin!Qeveria e udhëhequr nga Isa Mustafa u rrëzua nga mocioni i mosbesimit i cili u votua në Kuvendin e Kosovës.Nga 117 deputetë të pranishëm 78 votuan pro, 34 kundër dhe 3 abstenuan.Me mënyrën se si u rrezua qeveria, Mustafa është i bindur se do të humb vetëm PDK-ja ndërsa partia e tij do t’i fitoj zgjedhjet.

Reklamë
Reklamë