Studim: Instagrami dëmton shëndetin mendor të të rinjve

Periskopi.com Lajme

Instagrami është klasifikuar si platforma sociale më negative kur bëhet fjalë për ndikimin tek shëndeti mendor i të rinjve.

Studimi #StatusofMind ka zbuluar se aplikacioni për shpërndarjen e fotove ndikon negativisht në kompleksitetet në lidhje pamjen e jashtme, vetëbesimin e ulët, gjumin dhe frikën e humbjes.

Të dhënat e plotësuara nga rreth 1500 të rinj të moshës 14-24 treguan gjithashtu se Instagram ishte pozitiv kur bëhej fjalë për krijimin e një identiteti dhe mundësinë për t’u shprehur.

Të rinjtë duhet të renditnin platformat sociale që ndikonin në gjendje si ankthi, vetmia dhe socializmi. Sajti me renditjen më pozitive ishte YouTube, i ndjekur nga Twitter. Facebook dhe Snapchat u renditën të tretët dhe të katërt, respektivisht.

Sipas ekspertëve të shëndetit mendor, platformat që supozohen të ndihmojnë të rinjtë të vendosin kontakte me njëri-tjetrin mund të jenë në fakt përgjegjës për krizat e shëndetit mendor. Ata kërkojnë që sajtet si Instagrami, Twitteri dhe Facebooku të marrin masa për të rritur sigurinë e përdoruesve të tyre dhe të paralajmërojnë ata nëse qëndrojnë shumë kohë në këto platforma.

Shirley Cramer CBE, shefja ekzekutive e “Royal Society for Public Health”, tha se mediat sociale janë përshkruar si më vartëse se cigaret dhe alkooli, dhe janë ngulitur tashmë aq shumë në jetën e të rinjve sa nuk ka asnjë mundësi ta injorojnë atë, edhe kur bëhet fjalë për çështje të shëndetit mendor te këta të rinj./21Media

Tashmë në Instagram mund të ruani postimet

Instagram ka publikuar përditësimin e tij më të ri. Rrjeti social në pronësi të Facebook ka njoftuar se do të shtojë tiparin e ruajtjes së postimeve në profilin tua

Periskopi.com Tech/Auto

.

Për të shtuar ndonjë postim tek të ruajturit, thjesht klikoni në ikonën e re “Bookmarks”, e cila do të shfaqet në secilën foto që paraqitet në faqen kryesore, transmeton tch.

Postimet që ju i ruani përmes “Bookmarks” do të jenë të gatshme që ju ti shfletoni më vonë. Ky postim do të jetë privat, çka do të thotë se vetëm ju do të mund t’i shikoni këto postime.

Edhe Instagram e Twitter me video live

Transmetimi i drejtpërdrejt apo ‘live’ është trendi më i ri që po merr më së shumti vëmendje kohëve të fundit. Pas Facebook dhe Instagram, është radha e Twitter.

Periskopi.com Tech/Auto

Teknikisht, Twitter ka sjellë tiparin e transmetimit ‘live’ edhe më herët, pasi aplikacioni i kompanisë, Periscope, po ashtu ka sjellë këtë platformë më herët.

Tani, videot e drejtpërdrejta mund të transmetohen nga aplikacioni i Twitter për Android ose iOS. Vetëm hapni aplikacionin, shtypni butonin ‘Compose’ dhe do të gjeni opsionin ‘Live’ i cili iu dërgon në ekranin e transmetimit ku mund të rregulloni pamjen e imazhit para se të filloni xhirimin.

Në këtë mënyrë, mund të filloni transmetimin e videove të drejtpërdrejta të cilat mund të shihen nga ndjekësit tuaj.

Tipari i ri do të lancohet në ditët vijuese për të gjithë përdoruesit e Android dhe iOS, bën të ditur kompania.

Instagrami do t’ju njoftojë kur dikush ruan foton tuaj

Tashmë mendohuni mirë përpara se të bëni screenshot në Instagram, pasi programi do e njoftojë personin që ju i keni bërë screenshot postimit të tij.

Periskopi.com Tech/Auto

Kjo ndodh në kuadër të ndryshimeve që po bën Instagram-i.

Kjo është një mundësi që e ofron vetëm Snapchat-i por tashmë do ta implementojë edhe Instagrami.

Që sot e tutje duhet të bëni kujdes kur fotografoni fotografitë e të njohurve ose jo, në Instagram.

Treçereku i njerëzve duan t’i braktisin rrjetet sociale

Periskopi.com Tech/Auto

“Të burgosurit” e rrjeteve sociale, më shumë se 3 përdorues në 4 dëshirojnë t’i braktisin, por në fund kanë frikën se mund të humbin kontaktet me miqtë dhe kujtimet dixhitale të fotove dhe videove të shpërndara me të tjerët.

Kaspersky Lab ka kryer një studim mes 5 mijë përdoruesve në 12 vende. Pjesa më e madhe e të intervistuarve, 78%, kanë menduar të braktisin rrjetet sociale, por që më pas kanë ndryshuar mendim. Ata që dëshirojnë të lënë Facebook, Twitter apo shërbimet e ngjashme, e konsiderojnë humbje kohe, dhe bëhet fjalë për 39 % të tyre. Ndërsa 30 % thonë se nuk dëshirojnë të monitorohen nga gjigantët e teknologjisë. Më të shqetësuar për privatësinë janë italianët dhe gjermanët.

Dëshira për të qëndruar në kontakt me të afërmit e miqtë ka qënë arsyeja kryesore e atyre që kanë ndërruar mendje, 62%. Ndërsa për 21% është frika se mund të humbin kujtimet online, fotot dhe jo vetëm. 18% thonë se nuk janë larguar pasi shpesh përdorin kredencialet e këtyre llogarive në rrjetet sociale për tu regjistruar në shërbime të tjera online.