Shikoni se si i bie daulles presidenti i zgjedhur i Shqipërisë, Ilir Meta (Video)

Periskopi.com Lajme

Presidenti i zgjedhur, Ilir Meta ka qenë ditën e sotme në Kukës i shoqëruar edhe nga deputeti i LSI­-së, Ylli Shehu. Meta ka habitur të gjithë kur ka marrë një daulle dhe ka nisur t’i bjerë.

Si duket, Presidenti i zgjedhur ka zbuluar edhe një pasion tjetër të fshehur.

Për më tepër ndiqni videon.

 

Reklamë
Reklamë

Shikojeni si gënjeu Meta për zgjedhjen president (Video)

Periskopi.com Lajme

Plot 9 muaj më parë, në kulmin e krizës së votimit të reformës në drejtësi, kreu i Kuvendit Ilir Meta ishte i ftuar në studion e gazetarit Blendi Fevziu.

Mes të tjerash Fevziu e pyeti edhe për atë që po ndodh sot : A do të jetë Meta në krye të shtetit ? Kjo pyetje vinte nga fakti se që kur u bë koalicioni i 1 Prillit, qarkullonin fjalë se kishte një marrëveshje të fshehtë mes Ramës dhe Metës që ky i dyti të bëhej president.

Eshtë interesante të shikohet me zë dhe me figurë se si përgjigjet Ilir Meta për pyetjen : “A do të jeni ju president?”

Me një gjakftohtësi të habitshme ai thotë se do të jetë kryetar i LSI-së, pastaj kur Fevziu insiston i thotë nuk e besoj të jem president dhe në fund thotë me vendosmëri: “Nuk do të pranoja të isha president pa konsensus me opozitën”.

Sot në 28 prill, pra vetëm 9 muaj më pas, opozita nuk do të jetë në sallë dhe për më tepër ajo ka deklaruar se as nuk do të jetë në parlamentin e ardhshëm. Por Meta do të jetë president.

Reklamë
Reklamë

Ilir Meta nuk do të jetë gjatë president, thotë analisti dhe tregon arsyen

Periskopi.com Lajme

Analisti Astrit Gashi thotë se Ilir Meta nuk mund të përfundoj mandatin e rregullt si president.

Sipas Gashi, kjo  për shkak Vettingut dhe me drejtësinë aktuale në Shqipëri, do të ja ndërprejnë këtë mandat më herët se që ai mund të shpresoj.

“Ballkani do të pastrohet. Radha do t’i vie edhe Shqipërisë”, thotë Gashi. / periskopi.

Reklamë
Reklamë

Mësojeni kush është Ilir Meta, Presidenti i 7-të i Republikës së Shqipërisë

Periskopi.com Lajme

Ilir Meta u zgjodh sot Presidenti i 7-të i Republikës së Shqipërisë.

Karriera politike 26-vjeçare e z. Meta është mjaft e pasur dhe e gjatë.

Ilir Meta lindi më 24 mars të vitit 1969 në Skrapar, Shqipëri.

U diplomua për Ekonomi Politike në Fakultetin Ekonomik të Universitetit të Tiranës. Ilir Meta ka përfunduar Studimet Pasuniversitare në të njëjtën fushë. Meta është që prej 15 viteve deputet i Kuvendit të Shqipërisë, dhe një nga figurat kryesore politike shqiptare. Ai konsiderohet nga media dhe publiku si krijuesi dhe drejtuesi i Polit të Tretë në Politikën Shqiptare.

Ilir Meta ka një aktivitet intensiv politik, duke filluar nga viti 1990, si pjesëmarrës aktiv në lëvizjen studentore që përmbysi regjimin komunist. Nga viti 1992 në vazhdim, Ilir Meta është zgjedhur pa ndërprerje deputet në të gjitha legjislaturat e Kuvendit të Shqipërisë, në të cilin ka qenë anëtar i disa komisioneve dhe gjatë periudhës 1996-1997 ka mbajtur postin e Nënkryetarit të Komisionit të Politikës së Jashtme.

Ilir Meta është njëri ndër themeluesit e Forumit të Rinisë Eurosocialiste (FRESH), duke dhënë kontributin e tij për anëtarësimin e Forumit në Internacionalen e Rinisë Socialiste. Gjatë viteve të anëtarësisë së tij në FRESH, Ilir Meta ka mbajtur poste të larta drejtuese si, Nënkryetar (1992-1995) dhe Kryetar (1995-2001).

Aktiviteti politik i Ilir Metës në strukturat e Partisë Socialiste është i ngjeshur.

Ai ka qenë anëtar i Komitetit të Përgjithshëm Drejtues nga Kongresi i Qershorit 1992 dhe anëtar i Kryesisë së Partisë nga viti 1993, deri në periudhën kur dha dorëheqjen nga kryesia e PS-së (Korrik 2003), pas problemeve që ngriti pranë strukturave drejtuese të PS-së mbi mungesën e transparencës në drejtimin e Qeverisë dhe Partisë prej Kryeministrit dhe Kryetarit të Partisë, Fatos Nano.

Gjatë periudhës 1997-1998, Ilir Meta ka qenë Kryetar i Partisë Socialiste të Tiranës.

Në periudhën 1993 -1996, Ilir Meta ka mbajtur postin e Nënkryetarit të Partisë Socialiste dhe nga 1994 – 1996 edhe atë të Sekretarit për Marrëdhëniet Ndërkombëtare, periudhë gjatë së cilës u vendosën marrëdhënie me shumë parti socialiste dhe socialdemokrate të Evropës, si dhe Partinë Socialiste Evropiane dhe Internacionalen Socialiste.

Përveç aktivitetit politik, Ilir Meta ka dhënë leksione në Fakultetin Ekonomik të Universitetit të Tiranës, si dhe në disa akademi dhe universitete në Evropë dhe SHBA, si Akademia Evropiane e Berlinit apo Universiteti i Harvardit.

Aktiviteti politik i Ilir Metës përfshin edhe një periudhë të suksesshme të drejtimit në Qeveri, ku ka shërbyer si Kryeministër i vendit gjatë periudhës Nëntor 1999 – Shtator 2001 dhe pas fitores së zgjedhjeve parlamentare të verës së vitit 2001 u rimandatua si Kryeministër, Shator 2001 – Shkurt 2002. Gjatë kësaj periudhe u shënuan arritjet më të mira të qeverisjes së vendit për periudhën e tranzicionit, stabilizimi i parametrave makro-ekonomik, përmirësimi i ndjeshëm i rrjetit rrugor, privatizimi i suksesshëm i disa prej sektorëve strategjik të ekonomisë, vendosja dhe funksionimi i ligjit në të gjithë terrorin e vendit, etj.

Në Shkurt 2002, për të shmangur krizën brenda maxhorancës politike dhe qeverisëse dha dorëheqjen nga detyra.

Gjithashtu, Ilir Meta ka shërbyer edhe si Zv.kryeministër dhe Ministër i Punëve të Jashtme gjatë periudhës Korrik 2002 – Korrik 2003, Zv.kryeministër dhe Ministër i Integrimit gjatë periudhës Tetor 1998 – Tetor 1999, si dhe Sekretar Shteti për Integrimin Evropian në Ministrinë e Punëve të Jashtme Mars – Tetor 1998.

Në vitet 2003-2004, Ilir Meta ka qenë anëtar i Komisionit Ndërkombëtar për Ballkanin, i drejtuar nga ish Kryeministri i Italisë, Xhuliano Amato, komision i cili përgatiti Raportin për të Ardhmen e Rajonit të Ballkanit, dhe shtroi rrugën për pavarësinë e Kosovës.

Ilir Meta, pas përpjekjeve brenda strukturave drejtuese të PS-së, për ndryshimin e funksionimit dhe demokracisë së brendshme në këtë force politike, më 6 shtator 2004, së bashku me 500 personalitete të tjerë dhe intelektualë të të gjitha fushave, themeluan një forcë të re politike në Shqipëri, Lëvizjen Socialiste për Integrim.

Ilir Meta u zgjodh në krye të LSI-së në prill të vitit 2005, duke zbatuar për herë të parë parimin “Një anëtar, një vote”. Z. Meta është rikonfirmuar në krye të LSI-së, në zgjedhjet e tetorit 2012 dhe së fundmi në 6 nëntor 2016.

Në periudhën shtator 2009-shtator 2010, Ilir Meta ka shërbyer si Zv. Kryeministër dhe Ministër i Punëve të Jashtme, e më pas si Zv. Kryeministër dhe ministër i Ekonomisë, Tregtisë dhe Energjetikës gjatë periudhës shtator 2010-janar 2011.

Në vitin 2013 Meta u zgjodh Kryetar i Parlamentit pas fitores së koalicionit PS-LSI në zgjedhje.

Sot në 28 prill 2017, Ilir Meta u zgjodh Presidenti i 7-të Republikës së Shqipërisë.

Ilir Meta është i martuar me Monika Kryemadhin dhe kanë tre fëmijë, Borën, Besarin dhe Erën.

Reklamë
Reklamë

Ilir Meta flet për herë të parë si President, tregon ëndrrën e tij

Periskopi.com Lajme

Ilir Meta është zgjedhur Presidenti i 7-të i Republikës së Shqipërisë.

Duke folur në sallën e Kuvendit, menjëherë pasi mori 87 votat e mazhorancës, Meta ka falënderuar ata që e votuan dhe ata që nuk e votuan.

Por Meta nuk harroi të falenderojë dhe deputetët e opozitës që sipas tij, ishin një shtysë më tepër që ai të bëhej president.

Pjesë nga fjala e Ilir Metës:

Faleminderit zonja drejtuese e seancës, faleminderit zoti Ulqini, faleminderit të gjithëve që morën pjesë, të gjithë atyre që votuan pro, një falënderim të veçantë edhe për ata që votuan kundër. Dua të falënderoj në mënyrë të veçantë kolegët që mungojnë, pasi me mungesën e prezencës ata më nxitën të pranoj kandidimin.

Nuk kam përgatitur ndonjë fjalim. Mesa kam dëgjuar këshillat e zotit Dokle kam pasur sukses, kështu që po flas pa letër.

Çdo politikan është midis 2 raporteve pushtetit dhe demokracisë. Unë kam zgjedhur demokracinë në raport me pushtetin, sepse pushtet ka dhe në vendet jodemokratike. Kjo për një arsye të thjeshtë, kur u tha se unë kam Lindur në Çepan të Skraparit.

Çepani është një nga fshatrat më të thellë në Shqipëri. Kur isha student ëndrra më e madhe ishte të bëhesha pedagog.

Këtë e di dhe profesor Angjeli. Atëherë ishte e vështirë të ëndërroje të bëheshe, deputet, kryeministër apo të zgjidheshe president.

Reklamë
Reklamë

Ilir Meta është presidenti i ri i Shqipërisë, ja sa votuan kundër

Periskopi.com Lajme

Kreu i LSI-së Ilir Meta është zgjedhur Presidenti i ri i Republikës së Shqipërisë.

Me 87 vota pro dhe 2 kundër, ku besohet se janë të deputeteve të Libras, Ben Blushi dhe Mimoza Hafizi, Ilir Meta ka marrë mandatin 5-vjeçar të presidentit.

Meta do të marrë nisë mandatin e tij të Presidentit në datën 24 Korrik kur i përfundon mandati edhe presidentit aktual, Bujar Nishani.

Ilir Meta do të jetë Presidenti i 7-të i Shqipërisë.

Reklamë
Reklamë

Blendi Fevziu: Përse po zgjidhet president Ilir Meta dhe si po e nxjerr Rama jashtë loje

Periskopi.com Lajme

Blendi Fevziu shkruan se Ilir Meta nesër do të zgjidhet president.

Sipas tij, më i fituari nga kjo është kryeministri Edi Rama, që sipas Fevziut, të paktën për pesë vite e ka nxjerrë jashtë loje Ilir Metën.

Ja çfarë shkruan Fevziu në faqen e tij:

Ilir Meta pritet të zgjidhet nesër Presidenti i ri i Shqipërisë. Ai bëhet kështu, presidenti i shtatë i Shqipërisë Pluraliste dhe padyshim më i dobëti në listën e parardhësve të tij. Më i dobëti jo për hir të staturës politike, (pas Berishës që drejtoi presidencën në vitet 1992 – 1997, ai është padyshim personaliteti më imponues) por si pasojë e kompetencave që janë sot më të paktat dhe më të reduktuarat që nga viti 1991. Roli i Presidentit u reduktua në mënyrë drastike në Kushtetuën e vitit 1998, ai u reduktua akoma në ndryshimet kushtetuese të 2008 dhe së fundmi u zhvesh edhe nga pak kompetenca të mbetura në vitin 2016, në ndryshimet që ju bënë pas reformës në drejtësi.

Po përse Meta po lakmon postin e Presidentit? Përse ai po lë një parti që po vinte e bëhej më dominuese në skenën politike shqiptare, gati gati faktor përcaktues dhe po shkon në një zyrë që më shumë i ngjan ceremonialit se sa vendimmarrjes politike? Përgjigja nuk është e thjeshtë, por ajo padyshim ka disa pista.

E para, Ilir Meta e kishte aspiruar postin e Kreut të shtetit që në vitin 2012. Në marrëveshjen e 2013, siç dëshmon në një gazetarët që ka qenë më pranë Ramës dhe Metës, Baton Haxhiu, ndarja e pushtetit ka qenë e tillë: Rama Kryeministër dhe Meta President. Pra, Meta nuk po bën asgjë më shumë, por po shkon në pretendimin e vjetër të tij. Ai e di mirë që ndryshe nga presidentët e tjerë (Përjashto Berishën dhe deridiku Topin), nuk po shkon atje për të mbyllur karrierën politike, por për ta hapur atë edhe një herë. Ai po kërkon një periudhë tranzitore për të krijuar imazhin e njeriut që bashkon palët, duke synuar të mbajë në këmbë edhe LSI. Një President me parti, është gjithnjë shumë më i fortë se sa një President që është propozuar nga partia dhe i humb lidhjet me të. Pra, Presidenca është vetëm një fazë tjetër tranzitore në karrierën e Metës. Së paku kështu duket.

E dyta është koha! Opinion.al që njoftoi sot e para kandidimin e Metës ka qenë e informuar se Meta e pretendonte postin e Presidentit pas zgjedhjeve. Ndërkohë që Rama ishte i prirur ta niste në Presidencë përpara zgjedhjeve. Por situata ka lëvizur me shpejtësi pas refuzimit të opozitës. LSI e humbi datën ligjore të regjistrimit me PS në një koalicion dhe do të detyrohet të dalë në zgjedhje e vetme. Në mungesë të PD, rezultati i përftuar do jetë padyshim i deformuar dhe jo real. Humbëset më të mëdha do të jenë LSI dhe PDIU votat e të cilave nuk do jenë të nevojshme për PS që do ketë vetë votat e domosdoshme për të ngritur dhe mbajtur qeverinë. Në këto rrethana koalicioni pas zgjedhor do jetë formal, por jo funksional. Kësaj gjëje i është trembur Meta. Ai ka llogaritur që pas zgjedhjeve posti i premtuar mund t’i refuzohej apo t’i shmangej, ose mund të përftohej një situatë e re politike e paparashikuar, dhe ka vendosur të garojë tani.

Kjo mazhorancë i ka votot. Meta do të jetë nesër President dhe Rama ka arritur fiks atë që ka dashur. Nxjerrjen qoftë edhe përkohësisht, për 5 vite nga skena politike aktive e njeriut që e kërcënonte më shumë në postin e Kryeministrit. Pas daljes së Metës nga skena, ai ka tashmë vetëm një rival, Bashën.

E treta, nuk dihet se çfarë do prodhojë për politikën vendimi i Metës. Nuk dihet se çfarë do sjellë për LSI dalja nga fushata e Metës, por vështirë që partia e tij, pa të, të arrijë objektivat që kishte vendosur.

Gjithsesi Meta duhet të jetë i qetë sot, por akoma më i qetë duhet të jetë Rama që ja arriti ta shmangë së paku për ca kohë aleatin dhe rivalin e tij brenda mazhorancës!

Reklamë
Reklamë

Edi Rama i ka ofruar Presidencën, mësohet përgjigja e Ilir Metës

Periskopi.com Lajme

Edhe raundi i tretë i zgjedhjes së Presidentit ka dështuar. Ndërkohë zbardhen prapaskenat e fundit mes kryeministrit Rama dhe liderit të LSI-së, Ilir Meta.

Burime pranë maxhorancës kanë bërë të ditur se qenë kryeministri Rama që i ka ofruar Metës karrigen e Presidentit në një nga takimet e fundit që kanë pasur.

Po ashtu mësohet se Ilir Meta nuk ka dhënë një përgjigje aty për aty, por ka thënë se do ta shqyrtojë këtë propozim.

Deri në këto moment Meta ende nuk e ka vendosur se cili do të jetë drejtimi i karrierës së tij politike, shkruan Panorama.

Po ashtu kreu i grupit parlamentar të PS-së, Gramoz Ruçi dhe ai i LSI-së, Luan Rama kanë urdhëruar të gjithë deputetët që të anullojnë vizitat jashtë vendit dhe nesër në orën 17:00 të jenë në Kuvend për votimin e raundit të katërt. /albeu.com/

Reklamë
Reklamë

Takimi që vendos të ardhmen e koalicionit Rama-Meta

Periskopi.com Lajme

Sot do të zhvillohet një takim zyrtar mes kreut të Partisë Socialiste, Edi Rama, dhe kreut të Partisë Lëvizja Socialiste për Integrim, Ilir Meta, ku do të diskutojnë mbi të ardhmen e koalicionit.

Në takimin e parë zyrtar që pritet të mbahet në orën 10:00 në Hotel Tirana, Rama dhe Meta pritet të vendosin nëse do të vijojnë koalicionin PS-LSI edhe për katër vitet e ardhshme.

Ende nuk dihet nëse krerët e dy partive të koalicionit qeverisës do të jenë të vetëm në takim apo bashkë me ta do të marrin pjesë edhe përfaqësues të tjerë, nga këto dy forca politike.

Reklamë
Reklamë

Pse Rama ka ftuar Metën nesër në orën 10-të në takim?

Periskopi.com Lajme

Nesër vendoset fati i koalicionit Rama-Meta Ditën e nesërme aleanca e majtë organizon paradite takimin e parë zyrtar ku do të flitet për rikonfirmimin e koalicionit për “Shqipërinë Europiane” edhe për katër vitet e ardhshme.

Ky takim mes palëve pritet të mbahet në Hotel Tirana, dhe të do jenë përballë njëra¬tjetrës vetëm Partinë Socialiste dhe Lëvizjen Socialiste për Integrim. Mësohet se takimi mes palëve është thirrur nga Rama dhe do të mbahet në orën 10:00.

Dy kryetarët Rama dhe Meta do të shoqërohen edhe nga dy pjesëtarë secili, po ende është e paqartë axhenda e takimit, ndërkohë që edhe gjatë ditës së sotme nuk munguan replikat mes deputetëve të dy krahëve, si Luan Rama me Pjerin Ndreun.

Duket se firmosja zyrtare e koalicionit, përveç modaliteteve të brendshme si dhe programit të përbashkët, do ketë pikë të fortë edhe mënyrat e zgjidhjes së krizës aktuale dhe përfshirjes së opozitës në zgjedhje si edhe çështjen e Presidentit të ri të vendit.

Seanca e parë është javën e ardhshme dhe megjithëse e majta i ka votat, ka lëshuar sinjale se do të kërkojë një President konsensual me të djathtën./Albeu.com/

Reklamë
Reklamë

Përfundon takimi 1 orësh mes Ramës dhe Metës

Periskopi.com Lajme

Sapo ka përfunduar takimi i kryeministri Edi Rama me aletin e tij në koalicion Ilir Meta.

Takimi i cili zgjati 60 minuta, nuk pati prononcim për media nga asnjëri prej aleatëve.

Takimi vjen në një kohë që Presidentit aktual të Shqipërisë Bujar Nishani po i mbaron mandati dhe duhet zgjedhur pasuesi i tij.

Kreu i grupit parlamentar i Partisë Socialiste, Gramoz Ruçi i kërkoi sot kryeparlamentarit Meta që të nisë procedura për zgjedhjen e Presidentit të ri, duke nënvizuar se të enjten duhet të mblidhet Konferenca e Kryetarëve dhe më 18 prill të zhvillohet raundi i parë i votimit./albeu

Reklamë
Reklamë

Kjo është super vila për fundjavë e Ilir Metës (Foto)

​Vila e Ilir Metës në Gjirin e Lalzit ka një shpenzim përrallor. 2000 m2 oborr me ullinj dhe palma gjigande që u sollën me helikopter nga madhësia si dhe brenda në vilë ndodhne 11 WC. Mobilimi kushton mbi 400 mijë euro.

Periskopi.com Lajme

Kjo është thjesht vila për fundjava sepse ata jetojnë në një palalt 5 katësh ku 4 kate janë banesa e tyre në qendër të Tiranës në zonën e bllokut. Kjo është një foto e bërë gjatë një interviste të dhënë për mediat nga bashkëshortja e kreut të LSI, Kryemadhi, e cila është edhe deputete. Sipas Monikës edhe macja ka tualetin e veçantë për të kryer nevojat personale.

Bëhet fjalë për shtëpinë në Gjirin e Lalzit të Metës. Disa ditë më parë pamë festën faraonike të Metës për ditëlindjen e tij në këtë zonë turistike, shpenzimet e së cilës kanë kaluar 500 mijë eurot. Tani, po shihni se si është arreduar nga brenda kjo vilë luksoze ku vetëm kolltuqet “skavolini” kushtojnë 32.000 euro.

Kjo është thjesht vila për fundjava, sepse ata jetojnë në një pallat 5 katësh, ku 4 kate janë banesa e tyre në qendër të Tiranës në zonën e bllokut.

Reklamë
Reklamë

Ilir Meta nga Skrapari dhe Sali Berisha nga Tropoja kundër ambasadorit amerikan Lu

U bë hera e dytë brenda pak ditëve që zëdhënësi i Departamentit Amerikan të shtetit, merr mundimin të sqarojë shqiptarët, se institucioni i tij e mbështet ambasadorin në Tiranë, Donald Lu.

LAPSI.al Uncategorized

Megjithëse këto reagime të Mark Toner janë interpretuar në mënyra kundërthënëse, duke diskutuar nëse ai është pjesë e administratës së vjetër të Hillari Klintonit dhe jo i asaj të re të Donald Trump, sërish fakti mbetet.

Në Uashington po ndjejnë valën e sulmeve që kanë shpërthyer në Tiranë, si kurrë ndonjëherë më parë ndaj ndonjë kryediplomati të ShBA-sw.

Dhe duket se vala e sulmeve i ka kaluar edhe kufijtë e vendeve ballkanike.

Në një shkrim dje në prestigjiozen “The Huffington Post”, Luke Coffey, drejtori i Qendrës për Politikë të Jashtme në Fondacionin “Heritage”, duke i’u referuar rastit shqiptar, bënte thirrje që diplomacia amerikane duhet të tregohet e kujdesshme për emërimet e ambasadorëve të saj në vendet e Ballkanit.

Atëherë çfarë po ndodh? Pse ky sulm i brendshëm dhe i jashtëm ndaj Donald Lu?

Në fakt edhe më parë ambasadori i fundit amerikan nuk i ka shpëtuar kritikave. Vetë Ilir Meta e shigjetoi publikisht atë për kërcënimet që i’u bënë deputetëve gjatë miratimit të reformës në drejtësi.

Sali Berisha në emisionin “Studio e hapur”, e quajti atë një “guvernator që mbështet politikat e qeverisë” ndërsa Lulzim Basha e injoroi para gazetarëve duke thënë: “nuk pres nga asnjë ambasador të më tregojë cila është detyra kushtetuese e PD, e opozitës apo e imja si qytetar”

Po atëherë çfarë ka ndodhur? Pse reagimet e tanishme po ngjallin më shumë kundër-reagime nga Uashingtoni.

Përgjigjja është e thjeshtë. Sepse këtë radhë kemi të bëjmë me një sulm të koordinuar të PD, LSI dhe mediave të tyre për ta zbuar Donald Lu nga Tirana.

Dy duket se janë strategjitë. Së pari që me anë të firmave lobuese Lu të goditet në Uashington, si një njeri i përzgjedhur nga rrjeti i Sorosit, për ta bërë reformën në drejtësi në favor të Edi Ramës. Ndërsa version i dytë, nëse i pari nuk funksionon, është që ti serviren diplomacisë së re amerikane post Trump, fakte, reagime drejtuesish institucionesh dhe mediave lokale se  Donald Lu e ka humbur besimin e publikut shqiptar.

Kështu shpjegohet sulmi i paprecedent që atij i bëri kryeprokurori Llalla ku u përfshinë nga akuzat për lobim personal e deri tek ato politike. Kështu shpjegohet edhe deklarata e Metës se njërit e drejtësisë nuk mund të digjen nga zyra konsullore e asnjë ambasade. Po në këtë linjë ishte edhe fakti se organi zyrtar i PD, Rilindja Demokratike e vuri në vend të editorialit shkrimin e Huffington Postit të së mërkurës me titullin: “Pse Departamenti i Shtetit duhet të ndërhyjë në Shqipëri”?

Pra është e qartë se Donald Lu është vënë në syrin e ciklonit. E vetmja gjë që mbetet të shikohet është nëse ai do të bëhet pre e ndryshimit të madh që ndodhi përtej Altantikut, siç shpresojnë kundërshtarët e Ramës në Tiranë, apo në Amerikën e Trump, problemet janë aq të mëdha, sa shqyrtimit të dosjes së tij, nuk do ti vijë radha kurrë. (Lapsi.al)

Reklamë
Reklamë

Meta: Ndalimi i Haradinajt, i pakuptimtë dhe i papranueshëm

Kryetari i Kuvendit të Shqipërisë, Ilir Meta ka reaguar ndaj ndalimit të kryetarit të AAK-së, Ramush Haradinaj nga policia franceze.

Periskopi.com Lajme

Meta është shprehur i befasuar nga lajmi për ndalimin e Haradinajt në bazë të një urdhëri të vjetër arresti të lëshuar nga Serbia, por beson se autoritetet policore franceze do të qartësojnë rrethanat e pakuptimta të këtij ndalimi dhe do të veprojnë shpejt për t’i kthyer të drejtën e lëvizjes së lirë dhe të ligjshme kryetarit të AAK-së, shkruan Klan Kosova.

Meta thekson se ky veprim është i pakuptimtë, i papranueshëm dhe nuk ndihmon frymën e dialogut dhe bashkëpunimit të deritanishëm mes Prishtinës dhe Beogradit.

Ai u bën thirrje autoriteteve franceze dhe atyre të Bashkimit Evropian për të zgjidhur këtë incident, për të qartësuar qëndrimin e tyre lidhur më këtë rast e për të parandaluar përsëritjen e rasteve të tilla në të ardhmen.

Reklamë
Reklamë

Meta flet pë Ligjin për mbetjet dhe për kanabis

“Mjedisi dhe ruajtja e tij është një fushë që i takon interesave të të gjithëve, prandaj dhe ligji i Mbetjeve, nëse miratohet, duhet të sjellë qetësi dhe garanci dhe kurrsesi mosbesim apo probleme të rënda për mjedisin”.

Periskopi.com Lajme

Ky është qëndrimi i aleatit kryesor në qeverisje me Partinë Socialiste, lideri i LSI-së Ilir Meta.

I ftuar në “Ora News” kryeparlamentari Meta vuri në dukje se i gjithë konflikti i shkaktuar lidhur me këtë ligj, ka çaluar seriozisht te komunikimi me grupet e interesit.

“Kam pasur fatin të takoj dy grupet, edhe përfaqësuesit e shoqërisë civile dhe ata të importuesve. Shqetësimi tjetër është që ky ligj ndoshta do të dekurajojë procesin e riciklimit të mbetjeve vendase, që do të thotë më shumë probleme për të ardhmen. Jemi në një situatë të tillë që mendojmë se duhet të ishte bërë një punë shumëpërfshirëse. Disa prej përfaqësuesve të ricikluesve që kam takuar, duken njerëz seriozë me investime që i duhen mendoj ekonomisë tonë edhe si mbështetje për zhvillimin e bujqësisë. Pasi kartonat për fruta dhe perime do ketë dhe nuk ka asnjë arsye që mos të zhvillohet kjo industri. Por besoj se duhen bërë përpjekje më të mëdha për të bindur të gjitha palët”, tha kreu i LSI-së.

Ai shtoi se çdo vazhdimësi me konflikt aspak pozitive, perceptimi i këtij konflikti ku dhe opozita është përfshirë në krah të pretendimeve të shoqërisë ricikluese nuk do ishte pozitiv për vendin dhe zhvillimin e turizmit.

Një tjetër çështje e diskutuar në emisionin televiziv përballë analistëve ishte edhe ajo e kanabisit në vend. Meta theksoi se kjo është përgjegjësi e të gjithëve dhe në radhë të parë e institucioneve të zbatimit të ligjit.

“Puna është shumë e madhe që duhet bërë për koordinimin e tyre. Në radhë të parë përgjegjësinë e ka politika për këtë çështje, pasi nuk është fenomen i ri. Pavarësisht përmasave. Lazarati ka qenë monument i dukshëm i kanabisit por ka pasur dhe zona të tjerë që nuk raportoheshin pasi buletinet nuk ishin publike. Kanabisi nuk është fenomen që lindi sot, duket se ka një problem real, sidomos në zonat e thellat”, u shpreh Meta.

Ky është një problem vijoi kryeparlamentari, me të cilin duhet të përballemi dhe jo duke akuzuar.

“Duhet të kemi parasysh që ka një institucion që e ndjek këtë dhe ka një rol lider në këtë mision, është misioni italian. Të dhënat janë kritike por dhe vlerësim për punën pasi ka çdo ditë aksione.Shqiptarët duhet ta dinë se mbjellja e kanabisit nuk është e mbështetur nga asnjë politikan”, deklaroi ai.

Reklamë
Reklamë

Thaçi e pranon se Kosova është larg BE-së

Presidenti i Kosovës, Hashim Thaçi, ka qëndruar këto ditë në Tiranë ku ka takuar krerët institucionalë të vendit.

Periskopi.com Lajme

Thaçi, përmes një postimi në Facebook, ka treguar se ka zhvilluar një takim edhe me kryetarin e Kuvendit të Shqipërisë, Ilir Meta, me të cilin tha të kenë biseduar për bashkëpunimin ndërmjet dy shteteve tona.

“Duhet vazhduar me shkëmbimin e përvojave ndërshtetërore, për të forcuar edhe më shumë demokracinë parlamentare si në Shqipëri, ashtu edhe në Kosovë. Shqipëria ka bërë hapa përcaktues drejt anëtarësimit në Bashkimin Evropian, derisa Kosova, pas MSA-së, pret liberalizimin e vizave dhe dinamikë të shtuar drejt anëtarësimit në BE. Orientimi kah vlerat euroatlantike dhe perëndimore është njëra ndër të arriturat më strategjike të shqiptarëve në këtë shekull”, ka thënë Thaçi.

Reklamë
Reklamë

Debat mes Ilir Mirenës dhe Edi Ramës për plehërat në Shqipëri

Periskopi.com Lajme

 

Reklamë
Reklamë