Mësohet si e rrëmbyen Ibrahim Rugovën (Video)

Në TV Dukagjini po shfaqet rrëfimi i Adnan Merovcit, njeriut që kishte qëndruar pranë Ibrahim Rugovës me vite të tëra.

Periskopi.com Lajme

18 vite më parë, më 31 mars 1999, Policia dhe Ushtria serbe do ta kidnaponin asokohe udhëheqësin e rezistencës paqësore në Kosovë.

Merovci rrëfen se si ishte gjetur në ato rrethana Ibrahim Rugova?!

Çfarë u kishte thënë familjarëve? Si kishte ndodhur që Rugova ta pyeste Milosheviqin për Veton Surroin, Baton Haxhiun, Fehmi Aganin dhe Bajram Kelmendin?

A pinte shumë duhan Ibrahim Rugova dhe cila ishte marrëdhënia e tij me Whiskeyn?!

Si kishte ndodhur që Adem Jashari ta mbronte me armë një aktivitet të LDK-së më vitin 1990?

 

 

Reagon anëtari i LDK-së që ‘bisedoi’ me Ibrahim Rugovën

Anëtari i LDK-së, Hazir Borovci tashmë ka reaguar. Megjithëse Periskopi e kontaktoi një ditë më parë por nuk deshi të deklarohej asgjë më shumë, sonte e ndjen vetën të fuqishëm.

Periskopi.com Lajme

Ai sikur mundohet të shpjegoj çka është metafora, duke thënë se e tillë ka qenë edhe ‘biseda’ e tij me tashmë të ndjerin Ibrahim Rugova.

Reagimi i tij i plotë:

Për (b)analizuesit e fjalimit tim metaforik “Bisedë me Presidentin Rugova”, një përkufizim i këtij nocioni: “Metafora është një figurë e fjalimit e cila përshkruan një objekt ose veprim në një mënyrë e cila nuk është fjalë për fjalë e vërtetë, por ndihmon për të shpjeguar diçka ose për të bërë një krahasim”.

Përkundër mesazhit metaforik, përmbajtja e porosisë së fjalimit tim gjendet edhe tek fjalimet të cilat, sa ishte gjallë, i mbante Presidenti Historik Ibrahim Rugova. Vizioni i tij për Kosovën shtet të pavarur dhe sovran, në miqësi të përjetshme me Shtetet e Bashkuara të Amerikës, edhe sot, është dhe duhet të jetë një filozofi politike determinuese.

LDK ka për agjendë zhvillimin dhe fuqizimin e gjithanshëm të shtetit dhe nuk merret me individë tek e tuk, të cilët fshehen prapa agjendave meskine. Fuqizimi dhe masovizimi i Degës së III-të të LDK-së, duket se po i pengon dikujt.. / Periskopi

Arqipeshkvi i Selisë së Shenjtë tregon si e njohu Ibrahim Rugovën

Arqipeshkvi i Selisë së Shenjtë, monsinjor Vincenzo Paglia në një intervistë ekskluzive në Klan Kosova ka treguar për kontaktin e parë që ka pasur me shqiptarët.

Periskopi.com Lajme

“Unë mendova që ndërmjet Shqipërisë që ka qenë vendi i parë që kam vizituar, gjendja e vështirë e shqiptarëve në Kosovë duhet t’i interesonte të gjithëve, përfshirë edhe mua”.

“Unë në një mënyrë u bëra pjesë e popullit shqiptar, në veçanti të të rinjve që nuk mund të mësonin gjuhën e tyre. Për këtë arsye mendova që të vija në Kosovë”.

Paglia ka treguar edhe për kontaktin me ish-presidentin e Kosovës , Ibrahim Rugova dhe përshtypjet e tij për të.

“Kam takuar një burrë të madh, një shqiptar të madh të Kosovës, Ibrahim Rugovën ku na lindi menjëherë një raport miqësie dhe bashkëpunimi. Hyra në një raport shumë të ngushtë me gjithë shqiptarët”.

“Ibrahim Rugova ka qenë një mik i dashur, një burrë që ka besuar në paqen dhe dialogun, një burrë që donte me thellësi popullin shqiptar. Ai kuptonte në thellësi dinjitetin e secilit njeri, është një mendim i shkëlqyer dhe i nevojshëm për atëherë”.

Borovci i LDK’s thotë se ka folur dje me Ibrahim Rugovën, tregon çfarë kanë biseduar

Një anëtar i LDK-së pretendon se ka folur me tashmë të ndjerin Ibrahim Rugova.Ai thotë se shkoi te varri i tij, i tregoi diçka dhe se ai ia ka kthyer. Këtë 'bisedë' ai e konfirmon për Periskopi.com

Periskopi.com Lajme

Hazir Borovci, kryetar i Degës së III-të të LDK-së, e ka marrë seriozisht punën e “kryetarllakut”.

Ai nuk po merret fort me “fjalët e hallkut” por po u troket derë më derë e shtëpi më shtëpi, banorëve të Lagjes Velani, Bregu i Diellit, Mati 1, Matiqan e më gjerë duke i ftuar që të jenë pjesë e partisë me traditën më të madhe në vend, partisë së Ibrahim Rugovës, Lidhjes Demokratike të Kosovës.

Hazir Borovci ka përgjegjësi të dyfishtë në Degën e III-të të LDK-së. Ai është edhe kryetar i Degës së III-të por edhe kryetar i Degës së Ibrahim Rugovës.

Të martën mbrëma, salla e Kuqe e Pallatit të Rinisë ishte e vogël për t’i nxënë të gjithë aktivistët e Degës së III të LDK-së, Dega e Ibrahim Rugovës.

Në këtë manifestim të përvjetorit të 27 të themelimit të Degës së III të LDK-së mori pjesë edhe kryeministri Mustafa. Ishin edhe drejtues të Degëve tjera të Prishtinës e deputetë.

Hazir Borovci e kishte ftuar edhe Fatmir Sejdiun, Nexhat Dacin, Kolë Berishën, Vjosa Osmanin…Tre të parët e kishin falënderuar për ftesën por për arsye private nuk kishin mund të merrnin pjesë. Vjosa Osmani u pa në këtë manifestim.

Prania e madhe e pjesëmarrësve e bëri të ndjehej më i kënaqur vetë nikoqiri Hazir Borovci.

Por, ajo që habit është se ai thotë se ka biseduar me presidentin e ndjerë Ibrahim Rugovën.

Madje, sipas tij, ai edhe ia ka kthyer dhe ia dha tri porosi.

I kontaktuar nga Periskopi, Borovci e ka konfirmuar këtë ‘bisedë’ me Rugovën.

Porosia e presidentit Ibrahim Rugova

Në mes ditë të ditës së djeshme më 21 mars, Hazir Borovci në ora 12:30 bashkë me Kryesinë e Degës, ka vendosur buqetë lulesh tek varri i Presidentit Rugova dhe ka zhvilluar një bisedë me presidentin Rugova. E ka informuar presidentin Rugova se për 27 vjetorin e LDK-së e ka ftuar anëtarësinë e gjërë, të Degës, intelektualë, rininë, gjininë e bukur, ish-kryetaret e Kuvendit Nexhat Dacin e Kolë Berishën,  ish-presidentin Sejdiu.. etj, Presidenti Rugova e ka falënderuar për këto lajme të mira dhe për punën që po bën në Degën e III-të të LDK-së dhe I ka dhënë këtë 3 porosi: Rrite sofrën e madhe të LDK-së, në sofër sa më shumë intelektualë dhe rini, dhe mos i prishni punët me miqtë perëndimorë, posacerisht me amerikanët!”

Rugova trasoi rrugën drejt pavarësisë

Me shallin rreth qafës në shenjë nderimi për të, me fotografi të tij në sirtar e me një libër voluminoz të shkruar për jetën e tij, Adnan Merovci, bashkëpunëtori më i afërt i ish-presidentit të ndjerë Ibrahim Rugova, sjell shumë të pathëna për veprimtarinë e karakterin e Rugovës, shkruan gazeta Zeri.

Periskopi.com Lajme

 

Si njeri i urtë, me aftësi të shumta intelektuale, me një karakter të fortë e optimizëm të thellë, Ibrahim Rugova ndihmoi në trasimin e rrugës drejt pavarësisë së Kosovës. Me kontributin e strategjinë e tij politiko-paqësore, Rugova arriti ta “lëkundë” edhe karakterin e ish-udhëheqësit të Serbisë, Sllobodan Millosheviq. Kështu tregon Adnan Merovci, ish-shefi i sigurimit të presidentit Rugova. Ai në një bisedë ekskluzive për “Zërin” sjell shumëçka që lidhet me karakterin e Rugovës, me veprimtarinë e tij politike, qëndrimet e tij në Rambuje, qëndrimet e tij karshi UÇK-së dhe bombardimeve të NATO-s e deri te dobësitë e shakatë e ish-presidentit të ndjerë, Ibrahim Rugova.

Në takimin që ai kishte pasur me Millosheviqin në Beograd, në kohën e bombardimeve, kishte kërkuar prerazi plotësimin e kërkesave të NATO-s dhe ndaljen e luftës.

Ndërkohë, gjersa tregon për këtë takim shoqëruesi i ish-presidentit thotë se Rugova kishte arritur ta “mposhtte” Millosheviqin. Me armën më të fortë – fjalët.

“Madje-madje, në këtë rast Millosheviqi ka qenë goxha inferior në këtë takim dhe intelektualiteti i Rugovës e ka mundur Millosheviqin. Nëse ai në këtë takim i ka sharë të gjithë liderët botërorë, në raport me Rugovën e ka pasur njëfarë inferioriteti”, shton më tutje ai.

Edhe pse si udhëheqës i Kosovës atë kohë Rugova nuk e kishte përkrahjen e pothuajse askujt për një pavarësi, ai asnjëherë nuk i humbi shpresat.

“Optimist i papërmirësueshëm ka qenë Rugova, të gjithë ne pesimistë që nuk i kemi besuar. Për këtë arsye Rugovës i atribuohet çështja e vlerave e meritave për pavarësi”, shton më tutje Merovci gjersa thotë se fakti që ish-presidenti nuk ishte pjesë e shpalljes zyrtare të pavarësisë nuk e zbeh aspak kontributin e tij karshi këtij synimi.

Video e rrallë, Ibrahim Rugova dhe Adem Jashari bashkë

Një video e rrallë po qarkullon në rrjetet sociale, ku shihen presidenti historik, Ibrahim Rugova dhe komandanti legjendar i UÇK-së, Adem Jashari.

Periskopi.com Lajme

Për shumë vite janë shpalosur fotografi kur Adem Jashari merrte pjesë në mbledhjet e LDK-së të udhëhequra nga Presidenti Rugova, por kjo video është një tjetër dëshmi se Rugova dhe Jashari ishin bashkëmendimtar të çështjeve madhore të kombit shqiptar.

“Pamje në momentin e shpalosjes së shtatores së Azem Galices, ku në mesin e shumë të pranishmëve shihet edhe komandanti legjendar Adem Jashari dhe presidenti historik Dr. Ibrahim Rugova!” thuhet në përshkrimin e videos të shpërndarë nga faqja “Adem Jashari”.

 

 

11 vjet nga vdekja e Ibrahim Rugovës, ja kush ishte ai

Periskopi.com Video

Kë e kishte lënë amanet Rugova që të bëhej President

Periskopi.com Video

Rexhep Qosja:Ibrahim Rugova tradhtar dhe njeri i Millosheviqit

Periskopi.com Video

CIA me dokumente për politikën paqësore të Rugovës në vitet e ’90-ta dhe kundërshtarët e asaj politike

Shërbimi sekret amerikan, CIA, ditë më parë ka publikuar dokumente të përmbledhura në rreth 13 milionë faqe, të cilat më parë kishin qenë të klasifikuara si “Top Sekrete”.

Periskopi.com Lajme

Në mesin e këtyre dokumenteve ka edhe të atilla që flasin për shqiptarët në Ballkan në përgjithësi, por edhe për luftën paqësore e më pas edhe të armatosur të shqiptarëve të Kosovës.

Në një dokument të titulluar “Përhapja e një Konflikti Ballkanik vështirë se do të ndodhë në një të ardhme të afërt”, i përpiluar pak kohë pas nënshkrimit të marrëveshjes së Dejtonit në Bosnje e Hercegovinë, flitet për aspiratat e Kosovës për shkëputje nga regjimi i liderit të atëhershëm të ish-Jugosllavisë, Sllobodan Millosheviq.

Në dokumentin 5 faqësh të datës 21 dhjetor të vitit 1995, të cilin e ka zbuluar Koha.net, thuhet se marrëveshja e Dejtonit i ka nxitur shqiptarët e Kosovës që të depërtojnë në vëmendjen ndërkombëtare, por theksohet se përpjekjet e tyre vështirë se do të ndryshojnë “status-quon” në Kosovë brenda një periudhe afatshkurtër.

Dokumenti, i përpiluar nga DCI Task-Forca Ballkanike e Inteligjencës, shqiptarët e Kosovës “kanë marrë zemër nga marrëveshja e Dejtonit” pasi të njëjtën e shohin si model për zgjidhjen e konfliktit në vend. Dokumenti më tej thekson se bashkë me presidentin e Shqipërisë, Sali Berisha, i cili gjithashtu e ka shfrytëzuar marrëveshjen e Dejtonit si pretekst për ta sjellë fatin e Kosovës para vëmendjes ndërkombëtare, ata i kanë shpeshtuar kërkesat e tyre publike për të arritur përfundimisht pavarësinë për provincën përmes dialogut.

“Nëse Beogradit i lejohet riintegrimi në komunitetin ndërkombëtar pa kushte për të përmirësuar gjendjen në Kosovë, shqiptarët aktivistë të Kosovës mund të bëhen vazhdimisht e më ndikues dhe mund të përdorin masa drastike për të fituar vëmendjen ndërkombëtare, sipas të gjitha gjasave duke përshpejtuar dhunën në provincë”, thuhet ndër të tjera në këtë dokument që deri pak ditë më parë konsiderohej si “Top Sekret” nga CIA.

Në pjesën tjetër të raportit përmenden edhe raportimet e diplomatëve të cilët kanë thënë se “shqiptarët e Kosovës – nëntëdhjetë për qind të popullatës së Kosovës dhe të shtypur nga ushtria dhe policia serbe – e shohin marrëveshjen e Dejtonit si model për zgjidhje politike e cila do t’ia rikthente provincës autonominë dhe do të shtronte rrugën për pavarësi eventuale”.

Shqiptarët e Kosovës thuhet të kenë qenë të zhgënjyer me përjashtimin e tyre nga bisedimet e Dejtonit edhe përkundër garancive të SHBA-ve se Kosova do të adresohet në një zgjidhje gjenerale të paqes.

“Si rrjedhojë, ata i kanë shtuar përpjekjet e tyre në takimet e tyre të fundit me zyrtarë amerikanë për të nxitur ndërmjetësimin amerikan në Kosovë”, thekson raporti, raporton Koha.net.

Një pjesë interesante në këtë raport është edhe ajo kur flet për Lidhjen Demokratike të Kosovës dhe veprimet e saj në kuadër të pavarësimit eventual të Kosovës.

“Pas Dejtonit, presidenca e Lidhjes Demokratike të Kosovës (LDK) vendosi të ndërronte politikën e saj kundër mbajtjes së demonstratave publike brenda Kosovës dhe aprovoi një tubim për në muajin dhjetor për shkak se rezistenca pasive ndaj shtypjes serbe nuk kishte arritur rezultate”, thotë dokumenti i Inteligjencës amerikane.

“Këshilltarja për Punë të Jashtme e LDK-së, [Edita] Tahiri, në fund të muajit nëntor u kishte thënë diplomatëve amerikanë se bisedimet për Dejtonin kanë qenë një periudhë e tensioneve të mëdha psikologjike për lidershipin teksa prisnin rezultatin e marrëveshjes. Për më tepër, “Kryeministri” shqiptar i Kosovës, [Bujar] Bukoshi u ka thënë zyrtarëve amerikanë se Dejtoni ka qenë një çast vendimtar dhe se “para Dejtonit është sikur para Krishtit”. Tani, pengesa kryesore është si të fillohet dialogu i ndërmjetësuar ndërkombëtarisht me Beogradin. Ndonëse lideri i shqiptarëve të Kosovës, [Ibrahim] Rugova ishte i kënaqur për mos-heqjen e të gjitha sanksioneve ndaj Beogradit në marrëveshje, Tahiri ka kërkuar me ngulm që Rugova të përfshihet në bisedimet pasuese”, potencohet në raportin 5 faqësh të CIA-s.

Në raport bëhet e qartë se SHBA-të kanë qenë të vetëdijshme për politikën shtypëse e agresore të Sllobodan Millosheviqit në Kosovë dhe për pozitën e dobët të shqiptarëve të Kosovës kundrejt forcave policore e ushtarake serbe.

“Liderët aktivistë shqiptarë të Kosovës në nëntor kanë vlerësuar se edhe përkundër frustrimit në rritje në raport me mungesën e progresit në arritjen e koncesioneve nga Beogradi, ikja e rinisë shqiptare të Kosovës si rezultat i politikave represive të Millosheviqit e ka bërë të pamundur ngritjen e shqiptarëve të Kosovës kundër serbëve….”, thuhet ndër të tjera në raport.

Agjencia Amerikane e Inteligjencës ka pranuar disa raportime të pakonfirmuara që thonë se “Rugova ka lejuar kontakte të nivelit të ulët me Beogradin”.

“Raportohet se Rugova beson se një qasje hap-pas-hapi – duke filluar me bisedime joformale – do ta përgatis më së miri publikun shqiptar të Kosovës që së paku përkohësisht të pranojnë një formë të një autonomie të limituar… Bukoshi u ka thënë zyrtarëve amerikanë në dhjetor se Rugova mund të pranojë nisjen e dialogut për normalizim të jetës në provincë dhe më pas, mundësisht, të nis bisedime të ndara për statusin e ardhshëm të provincës”, potencon raporti i CIA-s.

Në këtë raport, që mban datën 21 dhjetor, 1995, përmendet edhe ndikimi i Tiranës zyrtare në rajon.

“Presidenti shqiptar, Berisha, do të luajë rol kyç duke provuar të balancojë përpjekjet për të përmirësuar gjendjen e vështirë të pakicave të mëdha të shqiptarëve etnik në Serbi dhe Maqedoni me përpjekje për të arritur stabilitet rajonal. Megjithatë, Tirana ka ngritur zërin për kërkesat e shqiptarëve të Kosovës për një përqendrim ndërkombëtar në Kosovë, duke u thënë diplomatëve amerikanë në fillim të dhjetorit se dështimi për të adresuar problemin e Kosovës do të çojë në një të ardhme të pasigurt në Ballkan”, thekson raporti në fjalë, raporton Koha.net.

Berisha raportohet t’u ketë thënë diplomatëve amerikanë se marrëveshja e Dejtonit dhe një zbutje e dukur në politikat e Beogradit kanë përmirësuar shanset e gjetjes së një zgjidhjeje për Kosovën. Ai, sipas raportit, u ka thënë diplomatëve se SHBA-të duhet të marrin rolin udhëheqës drejt zgjidhjes së problemit të Kosovës pas vendosjes së trupave të NATO-s në Bosnje.

“Berisha – që sipas të gjasave e ka vënë re pozitën e dobët negociuese të shqiptarëve etnikë – vazhdon të insistojë që Rugova të heq dorë nga kërkesa për pavarësi dhe u ka thënë diplomatëve amerikanë se ai beson që nisja e negociatave do t’i ndihmojë Rugovës që të heq presionin nga liderë tjerë aktivistë të shqiptarëve të Kosovës”, vlerëson raporti i CIA-s.

Pesë vjet pas humbjes së autonomisë dhe me asnjë rezultat të prekshëm nga politikat modeluese të Rugovës, raporti thotë se elemente të lidershipit shqiptar të Kosovës që thërrasin për një qasje më aktive ndaj Beogradit po fitojnë ndikim, sipas disa raportimeve.

Ambasada Amerikane në Beograd raporton se kontaktet e tyre të rralla përbrenda lidershipit shqiptar të Kosovës beson se aktivistët, të udhëhequr nga Bukoshi, “janë kërcënim për paqen në Kosovë” dhe janë të acaruar “që Bukoshi nuk është mënjanuar”.

“… polemikat përbrenda LDK-së rreth mënyrës së ngritjes së profilit ndërkombëtar të Kosovës kanë ndarë lidershipin e partisë në ata që përkrahin politikat e Rugovës dhe ata që përkrahin liderë më aktivistë”.

“… presioni nga aktivistët ka detyruar Rugovën të bëjë një kompromis dhe të lejojë mbajtjen e një tubimi në Kosovë këtë muaj, i cili, nëse mbahet, është e sigurt se do të ngrit tensione me autoritetet serbe e madje mund të çojë edhe në konfrontime të vogla”.

“Përdorimi i taktikave të ndryshme agresive nga Beogradi për të zgjidhur problemin e Kosovës – përfshi edhe dhënien e autonomisë së kufizuar, rindarjen dhe risistemimin e refugjatëve serbë për të “dobësuar” përqendrimin e shqiptarëve etnikë, dhe duke tentuar të minojë unitetin shqiptar të Kosovës – me gjasë do t’i vë benzinë aktivizmit shqiptar etnik”, thotë më tej ky raport i publikuar së fundmi nga CIA.

Tutje, raporti flet për tentimet e Serbisë për sistemimin e refugjatëve në territorin e Kosovës, ndonëse thotë se kampanjat e mëhershme kanë qenë të pasuksesshme, pasi, gjithnjë sipas raportit, serbët nuk janë të gatshëm të vendosen në provincën me 90 për qind shqiptare dhe “janë hedhur nga trenat, të fshehur nga autoritetet, dhe kanë ikur nga provinca për t’iu shmangur vendosjes së përhershme”.

“Mediat në Kosovë raportojnë se Millosheviqi është pajtuar që të nis dialogun me ish-komunistët shqiptarë të Kosovës, hap ky që është kritikuar nga partitë kryesore shqiptare, dhe i ka nxitur ata që të kërkojnë ndihmën e SHBA-ve në ndërmjetësimin e dialogut, sipas raportimit të Ambasadës”, shkruan në raport.

Raporti më tej thotë se nacionalistët serbë do të vazhdojnë të përbëjnë kërcënim ndaj stabilitetit në Kosovë.

“Nacionalizmi serb dhe ndjenja anti-Millosheviq është e fortë në mesin e popullatës pakicë serbe në Kosovë, sipas Ambasadës Amerikane në Beograd. Një prezencë e shtuar nacionaliste në provincë -… lideri ultra-nacionalist Arkan mund të tentojë të zhvendos bazën e tij trajnuese nga Sllavonia Lindore në Kosovë – do të shtonte tensionet”, potencon raporti i DCI Task-Forca Ballkanike e Inteligjencës për CIA-n.

Raporti flet më tej edhe për shkeljen e të drejtave të njeriut në masë të madhe në Kosovë, duke u thirrur në raportimet e OSBE-së, para se kjo e fundit të dëbohej nga Kosova më 1993.

“Millosheviqi u ka thënë diplomatëve amerikanë se do të lejojë hapjen e një qendre USIS (Shërbimi Informativ i SHBA-së) në Kosovë. Hapja e një zyre të këtillë do të shërbejë për të riafirmuar përkushtimin amerikan në Kosovë dhe do të ofrojë një mjet mbrojtjeje për shqiptarët e moderuar të Kosovës për të përdorur kundër kritikëve që thonë se nuk ka rezultate të prekshme nga politikat e tyre të moderuara. Vet hapja e saj, megjithatë, me gjasë nuk do të ndryshojë statusin e represionit serb apo t’i kënaqë kërkesat e kosovarëve për njohje të pavarur ndërkombëtare”, shkruan në fund të këtij raporti të publikuar rishtazi nga CIA.

Abazi ende ka dyshime për vdekjen e Rugovës, tash vjen me 5 propozime çfarë duhet bërë

Haki Abazi, drejtor i Fondacionit Rockefeller Brothers thotë se Ibrahim Rugova është personaliteti më unifikues që ka pasur kombi dhe i cili i respektoi të gjithë, përveç, sipas Abazit, tradhtarëve dhe keqpërdoruesve të procesit të luftës për liri dhe pavarësi dhe për interesa klanore dhe personale.

Periskopi.com Lajme

Abazi sërish shpreh dyshime për vdekjen e Rugovës, dhe thotë se duhet sqarohet deri në fund se si ka ardhur deri tek vdekja e tij, raporton Periskopi

Ndër të tjera ai ka disa propozime se çfarë duhet bërë për dhe në emër të Rugovës.

Ndryshe, tash një vit, në përvjetorin e 10’t të vdekjes së Presidentit Rugova, Abazi kishte kërkuar obduksion të kufomës së ish-presidentit të Kosovës, Ibrahim Rugova.

Arsye për këtë, Abazi thoshte se pas vdekjes së tij, politika në vend ka pësuar ndryshime radikale, raporton Periskopi

Lexoni qfarë propozime ka ai sot:

Ibrahim Rugova

Rugova ishte pengesa e fundit ne ndalimin ne procesin e shtetformimit. Largimi i tij dhe shume bashkepunetoreve te tij nga kjo jete, e la shtetndertimin ne status-quo dhe krijoj hapesire per quazipoltikanet te marrin drejtimin( shtremberimin) e trajektores shtetformuese. Ai nuk ishte me i madhe se askush, Ai nuk ishte mei vogel se askush, Ai ishte timonieri i nje procesi te rendesishem qe krijoji situate te pakthyeshme dhe krijoji filozofine shtetformuese duke marre perkrahjen e gjithe botes. Rugova eshte persoanliteti me unifikues qe ka pasur kombi dhe qe respektoi te gjithe perveq tradhetareve dhe keqeperdoruesit e procesit te luftes per liri dhe pavaresi per interesa klanore dhe personale.

Vdekja e Presidentit Rugova dhe kohen ne te cilen ka vdekur e ben te dyshimte dhe duhet patjeter te sqarohet deri ne fund se si ka ardhur deri tek vdekja e tij. Kjo eshte pune per inspektor dhe investigator qe kane ne dispozicion laboratore te sofistikuar nderkombetar per te bere hulumtim te pavarur.

Propozimet:

Tek varri i tij duhet ndertuar muzeloumin e paqes.

 

Duhet krijuar Cmimin Ibrahim Rugova per kontributin ne ndertimin e paqes per personalitete dhe veprimtar te shquar ne bote.

 

Duhet te behet pune e pavarur shkencore per te larguar mjegulline krijuar ndermejt Ibrahmi Rugoves dhe Adem Jasharit si dy ikonat e historise moderne te vendit.

 

Duhet themeluar Universiteti Pubilko Privat per studime te paqes dhe luftes me emrin Ibrahim Rugoves.

 

Duhet shpallur diten e Ibrahim Rugoves qe duhet festuar ne diten kur shtrohet Darka E Lames.

Rrëfimi i truprojës së Presidentit Rugova që gjithmonë i qëndronte pranë (Video)

Elez Nikqi është njeriu që i kishte qëndruar afër Peridentit, Ibrahim Rugova, sa herë që ai dilte në publik.

Periskopi.com Lajme

Ibrahim Rugova nuk lëvizi asnjëherë pa e pasur afër këtë njeri.

Elez Nikqi, ishte personi që e fitoi besimin e ish-presidentit të ndjerë, duke u bërë pjesë e stafit të sigurimit të tij që nga viti 1994, e prej vitit 2000 si shef i truprojave.

Punën afër presidentit Rugova, për herë të parë Nikqi e rrëfeu për Klan Kosova.

 

Si tallej Vedati i Stupcave me Presidentin Rugova (video)

Më poshtë mund të shihni një video që është postuar së voni në internet, por që Vedati i Stupcave tallet me Presidentin Ibrahim Rugova.

Periskopi.com Showbiz

Aty bëhet kinse ai flet në gjuhën italiane.

JO vetëm një, Vedati ishte edhe në Portokalli në vitin 2005 për të imituar Rugovën./ Periskopi

 

 

 

 

Një foto kujtim: Ibrahim Rugova dhe Ramiz Kelmendi duke vallëzuar

Kjo fotografi e rrallë, e koleksionit privat të Ramiz Kelmendit sjell një moment miqësie e mes tashmë të ndjerëve, shkrimtarit Ibrahim Rugova dhe vet Ramzi Kelmendit.

Periskopi.com Showbiz

Fotografia që është bërë në New York, dikur rreth vitit 1990, teksa dukagjinasit vallëzojnë së bashku.

Donika Kadaj dhe Ibrahim Rugova shumë vite më parë (Foto)

Një fotografi e realizuar vite më parë, atëherë kur Presidenti Ibrahim Rugova ishte ende gjallë, tregon për afërsinë ndërmjet anëtarëve të Aleancës për Ardhmërinë e Kosovës dhe vet Presidentit Rugova.

Periskopi.com Lajme

Në këtë fotografi shihet Presidenti Rugova bashkë me Donika Kadaj Bujupin, atë kohë anëtare e AAK-së e tash deputete e Vetëvendosjes, teksa bisedojnë duke dalë nga një takim. Prapa tyre shihet edhe ish ambasadori William Woker.

Kujtojmë, se LDK-ja kishte lidhur Koalicion me AAK-në në vitin 2004, derisa lideri i AAK-së Ramush Haradinaj ishte zgjedhur Kryeministër kurse Ibrahim Rugova President i Kosovës.

rrugova-bujupi

Kur Ibrahim Rugova ishte i ri, fotografi e vitit 1970

Në kuadër të shfletimin të albumit të miqve të presidentit Ibrahim Rugova, miq të tij kanë postuar këtë foto të vitit 1970, ku shihet presidentit Rugova me cigare në gojë!

Periskopi.com Lajme

ibrahim-rugova-640x420

Foto e rrallë e Presidentit Rugova në SHBA

Viti 1990, koha kur Ibrahim Rugova bashkë me: Shaqir Shaqiri, Jusuf Buxhovi, Antok K. Berisha, Halil Matoshi etj, marrin rrugën për të shkuar drejt Capitol Hill Uashington D.C për të kërkuar Republikën nën mbrojtjen e agjentëve të FBI-së.

Periskopi.com Lajme

Rugova në SHBA ka patur miq të shumtë dhe gjithmonë ka marrë mbështetje nga Uashingtoni zyrtar.

Sot, 21 janar, është 11 vjetori i vdekjes së Ibrahim Rugovës.

Ibrahim Rugova

Me fotografi të Rugovës, në protestën për Haradinajn në Francë (Foto)

Në shenjë solidariteti ndaj kryetarit të AAK-së Ramush Haradinaj, i cili u arrestua ditë me parë nga autoritetet franceze, është mbajtur një protestë paqësore në qytetin Colmar të këtij shteti.

Periskopi.com Lajme

Qëllimi i protestës para Gjykatës së Colmarit, ishte kërkesa për lirimin sa më të shpejtë të Haradinajt dhe hedhjen poshtë të të gjitha fletarrestimeve që datojnë nga regjimi i Millosheviqit.

franca1 franca3

Fotografi e rrallë e Rugovës me djalin e tij në prag të Vitit të Ri 1990 (Foto)

Artisti i fotografisë, Hazir Reka, në profilin e tij në Facebook ka publikuar një foto të veçantë.

Periskopi.com Lajme

Në këtë fotografi është presidenti i ndjerë, Ibrahim Rugova, i biri i tij Uka dhe gruaja e tij Fana.

Fotografia është bërë më në banesën e Rugovës, në lagjen Lakrishte të Prishtinës, në ora 22:30, më 31 dhjetor 1989.

Në atë kohë Reka ishte fotoreporter i Javores “Zëri i Rinisë”.

Sejdiu rrëfen se si gjatë kohës së bombardimeve e propozuan për kryeministër

Ish-presidenti i vendit, Fatmir Sejdiu, në emisionin InfoBox të RTV Dukagjinit, ka folur për themelimin e subjektit që dikur udhëhoqi, Lidhjes Demokratike të Kosovës.

Periskopi.com Lajme

Ai thotë se në krye të subjektit të parë për shqiptarët e Kosovës, erdhi Ibrahim Rugova dhe kjo u bë edhe përmes një shtytje që i është dhënë nga Shtetet e Bashkuara të Amerikës.

“Mund ta supozoj se mbase mund të ketë qenë edhe një shtytje e drejtpërdrejt edhe në atë drejtim. S’them se ata kanë dashtë të marrin një rol të direktivës se kush duhet të jetë, por në njëfarë mënyre ishte një preferencë në kuptimin e këshillës miqësore për personat që do të ishin më adaptë në kuptimin pozitiv për të akceptuar një vijë politike e cila do të ishte e pranueshëm edhe në planin e parë edhe me bashkësinë ndërkombëtare”, ka thënë Sejdiu.

Ai tregon edhe një moment të veçantë, kur thotë se gjatë periudhës së bombardimeve ishte propozuar kryeministër për një Qeveri gjithëpërfshirëse.

“Ideja e parë ka qenë që unë të jem kryeministër i vendit. Në 1998-ën ka qenë propozim i Lidhjes Demokratike të Kosovës, akceptimi edhe i presidentit Rugova, edhe krahut tjetër (UÇK -ja) – në atë kohë ishte edhe LB-ja, Partia Parlamentare dhe të tjera”, tha ai.

Duke folur për kohën e tashme dhe rënien e LDK-së që prej humbjes së zgjedhjeve të para, Sejdiu thotë se druan që kjo rënie do të vazhdojë edhe më tutje për subjektin më të vjetër në vend.