Ministri i Infrastrukturës: Shpejt linja hekurudhore Prishtinë-Durrës

Ministri i Infrastrukturës Lutfi Zharku mori pjesë në konferencën e katër të ambasadorëve e organizuar nga Ministria e Punëve të Jashtme të Kosovës.

Periskopi.com Uncategorized

Ministri Zharku foli lidhur me “Partneritetin strategjik Kosovë – Shqipëri” dhe zhvillimin ekonomik në sektorin e energjisë dhe transportit.

“Sa i përket turizmit të gjithë jemi dëshmitarë të një rritje enorme të turistëve nga Kosova në Shqipëri, e cila për shumë qytetarë të Kosovës ka filluar të konsiderohet si shtëpi e dytë përmes blerjeve të patundshmërive të ndryshme. Në anën tjetër është shumë shpresëdhënëse edhe rritja në vazhdimësi e turistëve nga Shqipëria në Kosovë. Natyrisht, ky zhvillim i hovshshëm, qoftë i turizmit apo shkëmbimeve tregtare midis vendeve tona është arritur vetëm pas ndërtimit të rrugës së kombit gjegjësisht autostradës “Ibrahim Rugova”. Jam shumë i bindur se ky projekt madhor infrastrukturor është themeli i partneritetit strategjik midis vendeve tona. Besoj se të gjithë pajtohemi që në një të ardhme jo të largët ne duhet ta plotësojmë këtë vepër edhe me linjën hekurudhore Prishtinë – Durrës”, tha Zharku, raporton Periskopi

Ai tha se tashmë ka një rritje të shkëmbimeve tregtare Kosova, por  ende nuk e ka partner kryesor tregtar Shqipërinë. Me këtë rast, sipas tij, pa dyshim se edhe bizneset mbajnë barrë të madhe të fajit.

“Bizneset e të dyja vendeve ende nuk e kanë njëra-tjetrën zgjidhje të parë. Poashtu, barrierat e ndryshme administrative nga të dyja palët ende janë prezentë. Në bazë të marrëveshjes aktuale ne kemi të liberalizuar transportin bilateral por ende e kemi nën regjimin e lejeve transportin për dhe nga vendet e treta. Kemi të përcaktuar një numër simbolik të lejeve, të cilat nuk shfrytëzohen. Vitin e kaluar jemi ballafaquar me problemin e tahografëve, që do të duhej të zgjidhej përmes marrëveshjes së nënshkruar në mbledhjen e fundit të dy qeverive. Partneriteti strategjik nënkupton përkrahjen e njëra-tjetrës për zgjidhjen e problemeve më palët e treta ku kanë ndikim e jo krijimi i vështirësive për njëra-tjetrën”, tha ai./ Periskopi

Aksident i rëndë hekurudhor, 90 të vdekur dhe qindra të plagosur

Të paktën 91 persona janë vrarë pasi 14 vagonë të një treni ekspres indian kanë dalë nga shinat në shtetin verior të Uttar Pradeshit, njoftoi BBC.

Periskopi.com Lajme

Incidenti ndodhi pas orës 3 me orën lokale, të dielën (ose 21:30 GMT të shtunën) pranë qytetit Kanpur.

Ekipet e shpëtimit hynë përmes vagonëve të përdredhur për të tërhequr trupat dhe shpëtuar të plagosurit. Më shumë se 100 persona janë raportuar sit ë plagosur,transmeton Syri.net.

Nuk ështe e qartë se çfarë e shkaktoi daljen e trenit nga shinat.

Shumica e viktimave ndodheshin në dy vagonët pranë lokomotivës, që ishte përmbysur dhe dëmtuar rëndë.

Shumë udhëtarë janë bllokuar brenda trenit.

Kryeministri Indian Narendra Modi shkroi në Twitter: “ Tejet I shqetësuar përtej fjalëve për humbjen e jetëve nga dalja nga shinat e trenit ekspres Patna –Indore. Mendimet e mia janë me familjet atyre që humbën jetën. Lutjet me ata që u plagosën në këtë aksident tragjik.